<a href="https://kyzylorda-news.kz/">Kyzylorda-news.kz.</a> Қазақстанда әлеуметтік қатерлер туындаған кезде берілетін әлеуметтік төлемнің орташа мөлшері 69%-ға дейін өсті, деп хабарлайды ҚР Еңбек және халықты әлеуметтік қорғау министрлігінің баспасөз қызметіне сілтеме жасап.
Мемлекеттік әлеуметтік сақтандыру қорынанәлеуметтік жәрдемақы тағайындау кезінде жаңа параметрлердің қолданылуына байланысты олардың орташа мөлшері 5 айдың қортындысы бойынша өткен жылдың сәйкес кезеңімен салыстырғанда 69%-ға өсті.
Жаңа параметрлер 2020 жылдың басынан бастап еңбек ету қабілетінен айырылу, асыраушысынан айырылу және жұмысынан айырылу бойынша әлеуметтік төлемдер тағайындау кезінде қолданылады.
2020 жылдың 5 айының қорытындысы бойынша өткен жылдың ұқсас кезеңімен салыстырғанда еңбек ету қабілетінен айырылған жағдайда төленетін әлеуметтік төлемнің орташа мөлшері 14 855 теңгеден 24 828 теңгеге дейін немесе 67%-ға, асыраушысынан айырылған жағдайда 17 564 теңгеден 24 880 теңгеге дейін немесе 42%-ға, жұмысынан айырылған жағдайда 23 310 теңгеден 39 366 теңгеге дейін немесе 69%-ға өсті.
Естеріңізге сала кетейік, 1 қаңтардан бастап «Міндетті әлеуметтік сақтандыру туралы» заңы күшіне енді. Құжат МӘСҚ-тан әлеуметтік төлем тағайындау кезінде параметрлерді қайта қарау есебінен әлеуметтік төлемнің орташа мөлшерінің өсуін қамтамасыз етті.
Мәселен, 1 қаңтардан бастап еңбек ету қабілетінен айырылу бойынша әлеуметтік төлемнің мөлшері медициналық-әлеуметтік сараптама негізінде нақты белгіленген жалпы еңбек ету қабілетінен айырылу дәрежесіне (30%-дан 100%-ға дейін) байланысты айқындалады. Бұрын орташа коэффициенттер қолданылған. Сонымен, егер бұрын еңбек ету қабілетінен 95% айырылу дәрежесі кезінде 0,7 коэффициенті қолданылған болса, жаңа әдіспен – 0,95 коэффициенті қолданылады.
Асыраушысынан айырылған отбасылардың әлеуметтік қорғалуын арттыру мақсатында сондай-ақ асырауындағы адамдар санының коэффициенттері ұлғайтылды: асырауында бір адам болған жағдайда 0,4-тен 0,5-ке дейін; екі – 0,5-тен 0,65-ке дейін; үш – 0,6-дан 0,8-ге дейін; асырауында төрт және одан көп адам болған кезде 0,8-ден 1-ге дейін.
Бұдан басқа, жұмысынан айырылған адамдардың әлеуметтік қорғалуы арттырылды. Жұмысынан айрылған жағдайда Мемлекеттік әлеуметтік сақтандыру қорынан әлеуметтік төлемдер жұмысынан айрылған және тұрғылықты жері бойынша жұмыспен қамту орталығында жұмыссыз ретінде тіркелген міндетті әлеуметтік медициналық сақтандыру жүйесіне қатысушыға тағайындалады.
Егер бұрын жұмысынан айырылған кезде табысты алмастыру деңгейі соңғы 2 жылдағы орташа табыстың 30%-ын құраса, енді аталған көрсеткіш 40%-ға дейін ұлғайды.
Бұл ретте, егер бұрын көрсетілген төлем 1 айдан 4 айға дейін тағайындалған болса, 2020 жылдан бастап 1 айдан 6 айға дейін міндетті әлеуметтік сақтандыру жүйесіне қатысу өтіліне байланысты тағайындалады.

Әлеуметтік төлемнің орташа мөлшері 69%-ға дейін өсті

<a href="https://kyzylorda-news.kz/">Kyzylorda-news.kz.</a> Бейсенбіде Сыр жұртшылығы ауыр қайғыға душар болды. 81 жасында айтыс өнерінің алдаспаны, өтірік айтыс жанрының шебері, ұшқыр ойлы жырау, Сырдария ауданының құрметті азаматы – Заметдин Ибадуллаев өмірден озды.
Айтыс өнерінің қазақ әдебиеті тарихынан алатын орны мен мәні ерекше. Сыр өңірінде қасиетті қазақтың қара домбырасының күмбір үні мен дана халқымыздың сөз өнерін жанына жалау етіп, дүйім елдің құрметіне бөленіп, бабаларымыздың салған сара жолын жалғастырған суырып салма ақындар аз болмаған. Солардың бірі де бірегейі – сөз өнерінің тума таланты Заметдин Ибадуллаев болатын.
Оның ақындығының шыңы – айтыстары. Ол республикаға белгілі ақындармен айтысып, қарсыластарын өткір сөзбен түйреп, ұтқыр жауаппен ой түйінін дәл қайтаратын айтыскер ақын еді.
Заметдин Ибадуллаев 1979-1996 жылдары өткен облыстық, республикалық ақындар айтысына қатысып, 1985 жылы ІІІ Республикалық ақындар айтысында жүлделі І орынды иеленсе, 1987 жылы ІІ Бүкілодақтық көркемөнерпаздар фестивалінің лауреаты атанған.
Ақын Ұлы Жеңістің 55 жылдығына арналған «Үш мұңлық», «Түлкібай батыр» тарихи дастанын, «Хазірет Әлінің бір күні», «Наурыз көже туралы», «Әкесін арқалаған бала» дастандарының, «Ақжарма жырлар», «Жылдар мен жырлар» кітаптарының авторы.
Сыр өңірінің айтыс өнерін республикаға танытқан ақынның көп жылғы еңбегі бағаланып, Қазақстан Республикасы Президентінің Жарлығымен 2000 жылы «Ерен еңбегі үшін» медаліне ие болды. Сонымен қатар, бірнеше Алғыс хаттар және Құрмет белгісімен қоса, 2007 жылы облыс әкімінің стипендиаты атанды. Қызылорда облысының 70 жылдық мерекелік медалімен, 2011 жылы Ел Тәуелсіздігінің 20 жылдығына орай өткізілген облыстық «Елім менің» шығармашылық конкурсының қорытындысымен «Үздік ақын» номинациясын иеленген.
Сыр елінің аяулы перзенті, ақын Заметдин Ибадуллаевтың ғибратты ғұмыры, жасаған еңбегі мен жарқын бейнесі ел жадында ұзақ сақталатын болады.
Қызылорда облысының әкімдігі, облыстық мәслихат,
«Nur Otan» партиясының облыстық филиалы, облыстық
Қоғамдық кеңес және облыстық Ардагерлер кеңесі

Айтыс өнерінің алдаспаны Заметдин Ибадуллаевтің есімі ешқашан өшпейді

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны 488-ге жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте 4 дерек тіркелді. Симптомды жаңа жағдайдың 3-еуі емхананың скринингінен , ал 1-еуі қарым-қатынас арқылы анықталды»,- деді бас дәрігер.
</blockquote>
Сондай-ақ, вирус жұқтырғандармен байланыста болған- 5644 азамат анықталды. Оның ішінде, 3369-і тікелей қарым-қатынаста, 2275-і жанама байланыста болған.
Мұнан өзге, індеттен айығып шыққандар саны 346-ға жетті. Соңғы тәулікте 37 науқас емделіп шықты.
Құрметті облыс тұрғындары, сақтық шараларын қатаң сақтап және бетперде киюді жалғастыра беруге шақырамыз.

COVID-19: Қызылордада науқастар саны 488-ге жетті

<a href="https://kyzylorda-news.kz/">Kyzylorda-news.kz.</a> Ағымдағы жылдың 11-13 маусым күндері Қазақстан Республикасы ІІМ-нің нұсқаулығына сәйкес адам саудасына байланысты қылмыстарды ескертуге, жолын кесуге, анықтауға және ашуға бағытталған «STOP трафик» жедел-профилактикалық іс-шарасы өткізілуде.
Шара барысында Арал ауданы көлемінде адам саудасына байланысты қылмыстарды оның ішінде – адамның органдары мен тінін алуға мәжбүр ету немесе заңсыз алу, жаңа туған нәрестелерді сату&nbsp;фактілерін анықтау, еңбекте және сексуалдық қанау нәтижесінде жарақаттармен, криминалдық түсіктермен өтініш білдірген адамдарды анықтау бағытында денсаулық сақтау органдарының қызметкерлерімен бірлесіп аталған қылмыстарға қатысы бар адамдарды анықтау, оларды ұстау және қылмыстық жауапкершілікке тарту жұмыстары жүргізілетін болады.
Аудан көлемінде өткізіліп жатырған «STOP Trafic» жедел-профилактикалық іс-шарасы кезінде құқық бұзушылар анықталған жағдайда ҚР ҚК-нің 125, 126, 128, 134, 135, 308, 309, 393, 394, 395 баптарымен және ҚР ӘҚБтК-нің 449-бабы бойынша жауапкершілікке тартылатындығы ескертіледі.
<img src="https://kyzylorda-news.kz/wp-content/uploads/2020/06/aral-12.jpg" alt="" />

Аралда «STOP Trafic» жедел-профилактикалық іс-шарасы өтуде

<a href="https://kyzylorda-news.kz/">Kyzylorda-news.kz.</a> Қызылорда облысында есірткі өсіріп, оны сатқан тұрғын ұсталды.
Қызылорда облысында «Қарасора-2020» арнайы жедел-профилактикалық іс-шарасын өткізу барысында полиция қызметкерлерімен Қазалы ауданының 56 жастағы тұрғыны есірткі затын сатқаны үшін ұсталды.&nbsp;
Тінту іс-шараларын өткізу барысында күдіктінің тұрғылықты мекенжайы бойынша құрамында есірткі заттар бар, өсіруге тыйым салынған өсімдіктерді заңсыз егіп өсіргені анықталды.

Қызылордада есірткі өсіріп сатқан азамат ұсталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы 32 көп қабатты тұрғын үйге қайта жаңғырту жұмыстары жүргізілуде.
Күрделі жөндеу жұмыстары Қызылорда қаласы бойынша&nbsp; «Тұрғын&nbsp; үй-коммуналдық шаруашылығын&nbsp; жаңғыртудың&nbsp; 2011-2020&nbsp; жылдарға&nbsp; арналған» бағдарламасы аясында қолға алынған. Аталған бағдарлама негізінде осыған дейін облыс орталығында 134 көп пәтерлі тұрғын үй қайта жаңғыртудан өтіп, пайдалануға берілген.
<blockquote>
 «Бағдарламаның тұрғындар үшін тиімді тұсы – үй иелері жөндеу жұмыстарын жүргізетін мердігер мекемені өздері таңдайды. Яғни бағдарламаның талаптарына сәйкес ең алдымен тұрғындардың кемінде 70%-ы келісуі қажет. Таңдаған мекеме жұмысын тұрғындар арасынан сайланған белсенді топ толық бақылауда ұстап, қадағалайды. Жөндеу жұмыстарына қатысты тұрғындардың сын-ескертпелері болса мердігерге жеткізе отырып, өзгертулер енгізе алады. Сонымен қатар жөндеу жұмыстары аяқталғанда үйді қабылдап алуға да сол белсенді топ мүшелері атсалысады», – деді Қызылорда қаласы әкімінің орынбасары Ерлан Бердібаев.
 &nbsp;«Біз модернизацияны ұзақ күттік. Үйіміз 1964 жылы салынған. Содан бері дұрыс жөндеу көрмеді. Шатырымыздан су ағып, жылу құбырлары мен кәріз жүйесі өте нашар жағдайда болған. Бүгінде жүргізіліп жатқан жаңғырту жұмыстарына көңіліміз толады. Біраз жылға дейін уайымсыз отырамыз деп сенімді түрде айта аламын», – дейді қала тұрғыны Ирина Осадчук.
 «Бұрын үйіміздің шатыры мазалайтын. Сол шатырымыз дұрысталып жатыр. Судың, жылудың құбырлары да ретке келтірілді. Мердігерді өзіміз таңдадық. Өзіміз қадағалап жүрміз. Жаңғырту жұмыстары ойдағыдай, – деді қала тұрғыны Алмағанбет Жүнісов.
</blockquote>
Сол жағалаудағы үйлерді қоса алғанда қалада 815 көп қабатты тұрғын үй бар. Оның 426-сыжөндеуді қажет етеді. Осы бағыттағы жұмыстарды жалғастыру мақсатында тағы да қала аумағындағы 26үйді жаңғыртуға бюджеттік өтінім ұсынылды.
<img src="https://kyzylorda-news.kz/wp-content/uploads/2020/06/wj-2-1-scaled.jpg" alt="" />
<img src="https://kyzylorda-news.kz/wp-content/uploads/2020/06/wj-3-scaled.jpg" alt="" />

Қызылордада көпқабатты тұрғын үйлерге қайта жаңғырту жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Сенаты депутаттарының сайлауы 2020 жылы 12 тамызда өтеді, деп хабарлайды Ақорданың баспасөз қызметі.
Қазақстан Республикасы Конституциясының 44-бабының 2) тармақшасына, «Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 69 бабына сәйкес Қазақстан Республикасы Парламенті Сенатының депутаттары өкілеттіктерінің конституциялық мерзімінің 2020 жылғы қазан айында аяқталатынына байланысты&nbsp;ҚАУЛЫ ЕТЕМІН:
1. Қазақстан Республикасы Парламенті Сенаты депутаттарының сайлауы 2020 жылғы 12 тамызға тағайындалсын.
2. Қазақстан Республикасының Үкіметі, Нұр-Сұлтан, Алматы және Шымкент қалаларының, облыстардың әкімдері Қазақстан Республикасы Парламенті Сенаты депутаттарының сайлауын ұйымдастырушылық, материалдық-техникалық және қаржылық қамтамасыз ету жөнінде шаралар қабылдасын.
3. Осы Жарлық жарияланған күнінен бастап қолданысқа енгізіледі.

Сенат сайлауы 12 тамызда өтеді

<a href="https://kyzylorda-news.kz/">Kyzylorda-news.kz.</a> Қазгидромет 12 маусымға арналған ауа райы болжамын жариялады.
Жұмада Қазақстанның басым бөлігінде ауа ағындары бөліктердің өтуіне байланысты ауа райы құбылмалы болады, кей жерлерде күн күркіреп, өткінші жаңбыр жауады, тек республиканың оңтүстігінде, батысында, солтүстік шығысында күн ашық. Кей жерлерде желдің күшеюі күтіледі, оңтүстікте шаңды дауыл тұрады. Қарағанды облысының оңтүстік шығысында, күндіз Ақмола, Қостанай, Солтүстік Қазақстан, Қызылорда, Түркістан облыстарының кей жерлерінде жел 15-20 м/с күшейеді. Қызылорда облысында шаңды дауыл тұруы ықтимал.
Ақмола, Ақтөбе, Қостанай, Атырау, Қызылорда облыстарында, Солтүстік Қазақстан, Батыс Қазақстан, Манғыстау облыстарының оңтүстігінде қатты ыстық күтіледі. Қызылорда, Атырау облыстарында, Ақмола, Павлодар, Ақтөбе, Қарағанды, Жамбыл, Түркістан облыстарының басым бөлігінде, Алматы облысының солтүстік батысында, Шығыс Қазақстан, Батыс Қазақстан облыстарының оңтүстігінде өте жоғары өрт қаупі сақталады.

12 маусымға арналған ауа райы болжамы

Бүгін Дүниежүзілік балалар еңбегін пайдалануға қарсылық күні.
2002 жылғы&nbsp;3-20 маусымның аралығында өткен Халықаралық Еңбек Ұйымы сессиясының Бас конференциясының шешімі бойынша жыл сайын атап өтіледі.
1934 жылы&nbsp;Қазақстан жазушыларының I съезі жұмысын бастады.
2010 жылы&nbsp;Елбасы Нұрсұлтан Назарбаев трансферттік баға белгіленіміне бақылау тетіктерін, сондай-ақ салық салу саласындағы заңнаманы одан әрі жетілдіруге бағытталған «Қазақстан Республикасының кейбір заңнамалық актілеріне трансферттік баға белгіленімі және салық салу мәселелері бойынша өзгертулер мен толықтырулар енгізу туралы» Қазақстан Республикасының Заңына қол қойды.
1992 жылы&nbsp;Қазақстан Республикасы мен Италия Республикасы арасында дипломатиялық қарым-қатынас орнады.
2017 жылы&nbsp;ЭКСПО-саябақ аумағында Қазақстан халқы Ассамблеясының бейбітшілік және келісім аллеясы ашылды.
2019 жылы Нұр-Сұлтан қаласында ҚР Президенті Қасым-Жомарт Тоқаевты ұлықтау рәсімі өтті.
2019 жылы Мемлекет басшысы Қасым-Жомарт Тоқаев ҚР Президентіне тікелей бағынатын меморгандардың басшылары туралы Жарлыққа қол қойды.

12 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 12 маусымға арналған жұлдыз-жорамалы.
Тоқты 
Серіктестеріңізге көп сенім артапаңыз. Олар сізге көмектескеннен гөрі, көп кедергі келтіруге тырысады. Бүгін тек өз жоспарыңыз бойынша жүріңіз.
&nbsp; 
Торпақ 
Бүгінгі жоспарларыңызды орындау үшін көп еңбек ету керек. Дегенмен осы жол арқылы сіз өз мақсатыңызға жете аласыз.
Егіздер 
Бүгін сіздің мықтылығыңыз сыналмақ. Мұндай тапсырманы бұған дейін ешкім орындай алмаған. Іскерлік келіссөздер оң шешімін табады.
Шаян 
Тыныш күн. Жоспарыңызды түбегейлі өзгерткен жағдайларға қорқа қараудың қажеті жоқ. Бүгін еңбек еткендер олжасыз қалмайды.
Арыстан 
Өзіңізге көп жүк арпаңыз. Сондай-ақ өзгелердің ісіне араласпағаныңыз жөн. Бірақ көмек сұрағандарға көмек қолын созыңыз.
Бикеш 
Ойлағаныңызға тез арада қол жеткізгіңіз келеді. Сондықтан ешқандай мүмкіндікті жіберіп алмауға тырысасыз. Дәл осы талпынысыңыз мақсатқа жеткізеді.
Таразы 
Көпшіліктің көңілін өзіңізге аудармаңыз. Көпшілік сіздің бар-жоғыңызды да байқамай қалғаны өзіңізге жақсы. Тек осы сәтте ғана еркін жұмыс жасай аласыз.
Сарышаян
Толассыз ақпараттардың ішінен тек өзіңізге керегін ғана алып, пайдаңызға жаратыңыз. Естігендеріңіздің барлығына бірдей сене бермеңіз.
Мерген 
Өз-өзіңізді мақтан тұтасыз. Себебі өзгелердің қолынан келмеген істі атқарып, табысты боласыз. Жетістікке жетіп, жақындарыңызды қуантатын боласыз.
Тауешкі 
Күніңіз сәтті өтеді. Бірақ айналаңыздағы адамдардың сіз туралы айтып жүрген әңгімесін естіп, қынжыласыз. Әлдекім сіз туралы жағымсыз пікір қалдырады.
Суқұйғыш 
Жұмысқа белсенділігіңіз артып, тың идеяларды жүзеге асыруға асығасыз. Таңертеңнен жаңа идеяларыңызды қолға алып, олармен жұмыс істей бастайсыз.
Балықтар 
Сәтті әрі, жемісті күн. Бұл күні өз күш-қуатыңызды маңызды шаруаларға жұмсап, сіз үшін ненің маңызды екенін түсіне бастайсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Денсаулық сақтау вице-министрі Людмила Бюрабекова халық арасында санитарлық талаптың сақталмауы салдарынан елімізде коронавируспен ауырғандар саны көбейіп келе жатқанын мәлімдеді.
Бұл жайында Бюрабекова премьер-министрдің орынбасары Ералы Тоғжановтың төрағалығымен өткен коронавирус инфекциясының таралуына жол бермеу жөніндегі ведомствоаралық комиссияның отырысында айтты.
<blockquote>
 «Науқас адаммен байланыста болғандардың арасында вирусты жұқтырғандар саны артты, оның ішінде тұтас отбасының індетке шалдығу оқиғалары көп тіркеліп жатыр. Өткен екі аптада коронавирусты жұқтырғандардың жартысына жуығы ұжымдарға қатысты болды», – деді ол.
</blockquote>
Осыған орай, премьер-министрдің орынбасары науқастар саны артып жатқан өңірлердің әкімдіктеріне карантин шараларын күшейту мәселелерін қарастыруды тапсырды.
<blockquote>
 «Өңір әкімдіктері санитарлық-эпидемиологиялық талаптардың сақталуын бақылайтын топтардың жұмысын күшейтуді, талаптарды орындамаған объектілердің қызметін уақытша тоқтату бойынша нақты шаралар қабылдауды қолға алуы қажет», – делінген ақпаратта.
</blockquote>
Сонымен қатар мемлекеттік орган басшыларына ұжымның 80%-ін қашықтан жұмыс істеу тәртібіне ауыстыру ұсынылды.
<a href="https://sputniknews.kz/society/20200611/14211506/memlekettik-qyzmetkerler-qashyqtan-zhumys.html">Sputniknews.kz</a>

Мемлекеттік қызметкерлердің 80 проценті қашықтан жұмыс істеуге көшуі мүмкін

<a href="https://kyzylorda-news.kz/">Kyzylorda-news.kz.</a> Қызылорда облысындағы ЗК-169/1 мекемесінің ғимаратында орналасқан кітапханада 3 мыңнан аса кітап қоры бар.
Кітапхана қоры жылына екі рет жаңа кітаптармен толықтырылып, жаңартылып тұрады. Жақында ғана Қызылорда қалалық орталықтандырылған кітапханадан 500 кітап әкелінді. Бұл кітаптарды қалалық орталықтандырылған кітапхананың директоры Сая Есімқұлова мен кітап қорын өңдеу және толықтыру бөлімінің кітапханашысы Айгүл Жаманаева сұрыптап берген болатын.
Мекеме кітапханашысы Айдос Әбдіқалықов&nbsp; рухани олжа үшін кітапхана басшылығына алғысын білдірді.
<blockquote>
 «Әкелінген кітаптардың ішінде жазушы Мұхтар Әуезовтың 11 томдық шығармалар жинағы бар. Сонымен қатар бұл кітаптар арасында детектив жанрында жазылған кітаптардың болуы бізді қуантты», – дейді кітапханашы Айдос Әбдіқалықов.
</blockquote>
Кітапханашының айтуынша, бас бостандығынан айырылғандардың басым бөлігінің детектив жанры мен газет-журналдарға деген сұранысы жоғары. Мекеме аумағында шаруашылық бөліміне жұмысқа қалдырылғандар, өздерінің сұранысы бойынша, еңбек жалақысы негізінде республика көлемінде шығатын газет-журналдарға жазылған.
<blockquote>
 «Жабық мекемеде жатқандар жаһан жаңалықтарынан бейхабар емес. Олар қоғамнан шектелгенмен, еліміздің тыныс-тіршілігімен осы кітапханада түптеліп, жинақталған газет-журналдарды оқу арқылы танып-біліп отырады», – дейді Айдос Әбдіқалықов.
</blockquote>
<img src="https://kyzylorda-news.kz/wp-content/uploads/2020/06/kitap-1-1.jpeg" alt="" />
<img src="https://kyzylorda-news.kz/wp-content/uploads/2020/06/kitap-3-1.jpeg" alt="" />

Қазақстан және Қызылорда облысының жаңалықтары