<a href="http://kyzylorda-news.kz/">Kyzylorda-news.kz.</a> Сенатор Мұрат Бақтиярұлы «Еңбек» мемлекеттік бағдарламасының жүзеге асу барысын сынға алды. Депутаттың есептеуінше бұл бағдарламаны толық өзгерту керек, деп хабарлайды <a href="https://www.inform.kz/kz/murat-baktiyaruly-enbek-bagdarlamasyna-teren-taldau-zhasau-kerek_a3663259">ҚазАқпарат</a>.
<blockquote>
 «Жыл сайын жұмыспен қамтуға қаншама қаражат жұмсағанымызбен жұмыспен қамтылғандар азаймай, еңбек нарығындағы ахуал дұрыстала қойған жоқ. 2019 жылы атаулы әлеуметтік көмек алушылар саны 2 миллионнан асып кетті. Жалпы біздің пікірімізше, «Еңбек» – халыққа әлеуметтік көмек беретін бағдарлама емес, жұмыс іздеушілерді, нарыққа қажетті жұмысшы мамандықтарды оқытып, оларға жұмыс орындарын ашуға тиісті еді. Өкінішке қарай бұл бағытта нәтиже аз. Мысалы нәтижелі жұмыспен қамтудың және кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын жүзегеа асыру үшін 2017 жылдан бері 186 млрд теңге бөлініп, 40 мыңға жуық несие берілген», – деді Мұрат Бақтиярұлы Парламент Сенатының отырысында.
</blockquote>
Оның айтуынша осы бағдарлама шеңберінде оқытылған 80 мың адамның 23 мыңы ғана мамандығына сай жұмысқа орналасқан. Сәйкесінше 6 млрд теңге нарықта сұранысы жоқ мамандықтарды оқытуға жұмсалған. Сенатордың есептеуінше тиімділігі сын көтермейтін «Еңбек» бағдарламасына терең талдау жасап, қажет болған жағдайда бұл бағдарламаны толық өзгерту керек.
<blockquote>
 «2019 жылы азық-түлік тауарларының бағасының өсуі халықтың ақшалай шығыстарының құрылымында 50 пайызды алды. Ал дамыған елдерде бұл көрсеткіш 10 пайыз шегінде ғана. Яғни халқымыздың тапқан табысы азық-түлік алуға ғана кетіп жатыр. Халықтың қарызға кіруі әлеуметтік проблемаларға әкеп соқтыруы мүмкін. Демек еліміздегі азаматтардың төменгі күнкөріс деңгейі мен ең төменгі жалақы мөлшері қазіргі жағдайға сәйкес келмейді», – деді ол.
</blockquote>
Осы мәселелерге байланысты сенатор Үкіметке ең төменгі жалақыны қазіргі өмір талаптарына сәйкестендіруді тез арада қолға алуды сұрады.

Мұрат Мұхамедов: «Еңбек» бағдарламасына терең талдау жасау керек

<blockquote>
 <a href="https://kyzylorda-news.kz/">Kyzylorda-news.kz</a>. Отандық танымал әнші Алмас Кішкенбаев бұрынғы жары туралы сұрай беретін көпшілікке шүйлікті. “SuperStarKZ” жобасының жұлдызы сәтсіз некесін есіне түсіре бермеуін өтініп, екі қызының анасымен қандай арақатынаста екенін ашық айтты деп жазады <a href="https://kaz.nur.kz/1860997-zini-miri-bar-almas-kiskenbaev-bryngy-zary-turaly-bar-syndykty-ajtty.html">KAZ.NUR.KZ</a>. 
 Алмас Кішкенбаев көпшілікті оның шығармашылығынан гөрі, жеке өмірі көбірек қызықтыратынына қынжылды. 
 Эстрада жұлдызы Instagram парақшасында оқырмандарына барынша ашылып, олардың көкейінде жүрген сұрақтарына жауап берді. Ол бұрынғы келіншегімен қайта қосылмайтынын кесіп айтқан. 
 Тікелей эфирі кезінде Кішкенбаев тіптен бұрынғы жары туралы тың мәліметтермен бөлісті. 
 “Шынымен жетер енді. Менің ажырасып кеткенім мен Мөлдір туралы жаза беруді қойыңыздар. Мөлдірдің өзінің өмірі бар. Біз көрісіп тұрамыз. Қыздарымды да көріп тұрамын. Алып кетіп тұрамын. Мен олаоды жақсы көремін. Олар да мені солай жақсы көреді. Сіздер оны жақсы білесіздер, көресіздер де. Сол себепті, тоқтауларыңызды сұраймын. Бұл тақырып аясында жазуды қойыңыздаршы” , – деді әнші.
</blockquote>

Алмас Кішкенбаев: Оның өзінің өмірі бар

<a href="http://kyzylorda-news.kz/">Kyzylorda-news.kz.</a> Қазақстанда жыл басынан электр қуатына тарифтер 1,5 пайызға қымбаттады. Дегенмен, 8 өңірде баға керісінше, арзандай түскен, деп хабарлайды <a href="https://www.inform.kz/kz/segiz-onirde-energiyaga-tarif-arzandady_a3663064">ҚазАқпарат</a>.
2020 жылғы қаңтар-сәуір аралығында елде 37,5 млрд кВт-сағат электр энергиясы өндірілді. Көрсеткіш жылына 3 пайызға артқан.
<blockquote>
 «Энергетикалық компаниялардағы күрделі қаржылық жағдай, жетілдірілмеген тарифтік саясат, инвестициялық тартымдылықтың жоқтығы ірі көлемді жобалардың болмауына алып келді. А қазіргі жағдайда қаржыландыру тек жабдықтардың жұмысқа қабілеттілігін сақтап отыру үшін ғана жететін болады», – делінген ақпаратта.
</blockquote>
Сарапшылардың пайымынша, саладағы проблемалар салдарынан Қазақстан жақын келешекте электр энергиясын көрші елдерден сатып алуы мүмкін. Әзірге қазақстандық электр стансалары (1-тоқсанда) энергияға сұранысты (экспорт пен нарықта сату) 99 пайызға қамтамасыз ете алды. Импорт үлесі – 1 пайыз болды. Бұл ретте, импорт бір жылда 17,9 пайызға азайған.
Биылғы жылдың мамыр айында электр энергиясының бағалары былтырғы жылмен салыстырғанда 1,5 пайызға қымбаттады. Электр энергиясының тарифтері Батыс Қазақстан облысында (16,3 пайызға), Нұр-Сұлтан (10 пайызға) және Алматы қалаларында (7,6 пайызға) қымбаттады.
Еліміздің 17 өңірінің 8-інде электр қуатының бағасы, керісінше арзандаған. Ақмола облысында бағаның 10,8 пайызға арзандауы тіркелді.

Сегіз өңірде энергияға тариф арзандады

<a href="http://kyzylorda-news.kz/">Kyzylorda-news.kz.</a> Биылғы 1 маусымдағы жағдай бойынша 224,7 мың адам Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасына қатысты.
184 мың адам жұмысқа орналастырылды, оның 99 мыңы тұрақты жұмысқа тұрды. Субсидияланатын жұмыс орындарына 85,4 мың адам жұмысқа орналастырылды, оның ішінде әлеуметтік жұмыс орындарына – 12,6 мың, жастар практикасына – 10,6 мың, қоғамдық жұмыстарға – 62,2 мың адам.
Еңбек ресурстарының ұтқырлығын арттыру үшін биылғы 1 маусымдағы жағдай бойынша жұмыс күші артық оңтүстік өңірлерден 691 отбасы құрамында 2445 адам қоныс аударды, деп хабарлады ЕХӘҚМ баспасөз қызметі.
Техникалық және кәсіптік білім беру ұйымдарында 52,5 мың адам оқуын жалғастыруда, олар стипендиямен, бір реттік ыстық тамақпен және жол жүруге арналған материалдық көмекпен қамтамасыз етілген. Биыл ТжКБ жүйесінде 21 мың адамды оқумен қамту жоспарлануда. 1 маусымдағы жағдай бойынша қысқа мерзімді оқыту курстарына 1,5 мың адам жіберілді, жыл соңына дейін осы шарамен 16,8 мың адамды қамту жоспарлануда.
Жыл басынан бері мемлекеттік бағдарлама аясында жаппай кәсіпкерлікті дамытуға 10,4 млрд теңгеге 2179 микрокредит берілді, оның ішінде 1963 микрокредит ауыл кәсіпкерлеріне берілді. Олар 2206 жұмыс орнын құрды.
Сондай-ақ бағдарламаға қатысушыларға жаңа бизнес-идеяларды іске асыруға 200 АЕК-ке дейінгі мөлшерде 24 мың мемлекеттік грант беріледі. 1 маусымда 5,3 мың мемлекеттік грант берілді. Оған қоса, 30 мың адам «Бастау Бизнес» жобасы бойынша кәсіпкерлік негіздеріне оқытылады.
<a href="https://24.kz/kz/zha-aly-tar/o-am/item/403415-e-bek-ba-darlamasymen-184-my-adam-zh-mys-a-ornalasty">«Хабар 24»</a>

«Еңбек» бағдарламасымен 184 мың адам жұмысқа орналасты

<a href="http://kyzylorda-news.kz/">Kyzylorda-news.kz.</a> Бүгінде Шиелі ауданындағы 18 жобаның мемлекеттік сатып алу конкурсымен жеңімпаздары анықталды. Жоба бойынша жұмыс беруші мердігерлердің деректері «Жұмыс орындарын құрудың интеграцияланған картасы» ақпараттық жүйесіне орналастырылып, 378 жұмыс орны енгізілді.
Оның ішінде,келісім шарттары қазынашылық органында тіркеліп, жұмысын бастаған 16 жоба бойынша мамандықтар бөлінісінде жалпы 302 жаңа жұмыс орындары құрылды. Оның 174-і халықты жұмыспен қамту орталығы арқылы жолданып, қазіргі уақытта жұмыс жасауда.

Шиеліде 378 адам жұмыспен қамтылды

<a href="http://kyzylorda-news.kz/">Kyzylorda-news.kz.</a> Өңірде бір айлық «Таза су айдындары» атты табиғат қорғау акциясы өтті. Науқанға 300-ге жуық адам қатысып, 55 техника және 7 шағын көлемдегі кемелер жұмылдырылды. Сондай-ақ, 15,9 тоннаға жуық әр түрлі тұрмыстық қоқыстар мен 1722 ау-құралдардың қалдықтары жиналып тазартылды. Бұл туралы Өңірлік коммуникациялар қызметінің ақпараттық алаңында өткен брифингте облыстық орман шаруашылығы және жануарлар дүниесі аумақтық инспекция басышысының орынбасары Марат Нұрмағамбетов мәлімдеді.
<blockquote>
 «Қызылордада «Таза су айдындары-2020», «Уылдырық -2020» атты табиғат қорғау акцияларын кеңінен насихаттау жұмыстары жүргізілді. Яғни, су айдындарына жергілікті атқарушы органдар жұмысшы қызметкерлерімен және жануарлар дүниесін пайдаланушарының күшімен ау қалдықтары жинап, қоқыстардан тазарту жұмыстарын жүргізді», – деді Марат Жалпақбайұлы.
</blockquote>
Мұнан өзге, «Уылдырық» атты көктемгі балықтардың уылдырық шашып көбею мезгілінде өткізілетін акцияның іс-қимыл графигі бекітіліп, күшейтілген рейд жұмыстары ұйымдастырылды.
<blockquote>
 «Уылдырық шашып көбею мезгіліндегі рейдтік іс-шаралар барысында 96 бұзушылықтар анықталды. Оның ішінде 57 іс сот орындарының қарауына жіберіліп, айыппұл салынды. Яғни, балық аулау ережесін бұзушыларынан 62 ау, және 819,6 кг балық тәркіленіп, балық қорына келтірілген залалға байланысты да айыппұл салынып, өндірілуде», дейді Марат Нұрмағамбетов.
</blockquote>

Қызылордада су айдындары тазартылуда

<a href="http://kyzylorda-news.kz/">Kyzylorda-news.kz.</a> Елбасы Нұрсұлтан Назарбаев коронавируске байланысты оқшауланды. Бірақ жұмысын қашықтан жалғастыруда.
<blockquote>
 «Қазіргі кезде Қазақстанның Тұңғыш Президенті өзін-өзі оқшаулады. Өкінішке қарай, Елбасының коронавирус инфекциясына тапсырған соңғы сынамасы оң нәтиже көрсетті. Алайда, алаңдауға негіз жоқ. Нұрсұлтан Назарбаев қашықтан жұмыс істеуді жалғастыруда», – делінген Елбасының&nbsp;<a href="https://elbasy.kz/ru/news/2020-06/informacionnoe-soobschenie">ресми сайтында.</a>
</blockquote>
Сондай-ақ бұл туралы Twitter-дегі парақшасында Тұңғыш Президенттің баспасөз хатшысы&nbsp;<a href="https://twitter.com/Aidos_Ukibay/status/1273510069565558784">Айдос Үкібай жазды.</a>

Нұрсұлтан Назарбаев коронавирус жұқтырды

<a href="http://kyzylorda-news.kz/">Kyzylorda-news.kz.</a> Қызылорда қаласы әкімінің 2020 жылғы&nbsp; 17 маусымдағы №117 өкімімен Есмаханов Алмасбек Әбілқасымұлы Қызылорда қаласы әкімдігінің “Қызылорда қаласының ішкі саясат бөлімі” коммуналдық мемлекеттік мекемесінің басшысы қызметіне тағайындалды.
Алмасбек Әбілқасымұлы 1982 жылы Қызылорда қаласында дүниеге келген. Жоғары білімді: Қызылорда аграрлық-техникалық колледжі, Қызылорда гуманитарлық университеті, Қазтұтыну одағының Қарағанды экономикалық университеті, ҚР Президенті жанындағы мемлекеттік Басқару академиясының, мемлекеттік саясаттың ұлттық мектебі және АҚШ-тың Солтүстік Каролина штатының ДЮК университетінде мемлекеттік басқару мамандықтары бойынша білім алған. Саясаттану ғылымдарының магистрі.
Еңбек жолын 2006 жылы Қызылорда қаласының экономика және бюджеттік жоспарлау бөлімінің штаттан тыс маманы қызметінен бастаған.
2006-2007 жж. Қызылорда қаласының экономика және бюджеттік жоспарлау бөлімінің жетекші маманы;
2007 жылы Қызылорда облысының жұмыспен қамтуды үйлестіру және әлеуметтік бағдарламалар департаментінің жетекші маманы;
2007-2008 жж. Қызылорда облысының жұмыспен қамтуды үйлестіру және әлеуметтік бағдарламалар басқармасының мүгедектерді оңалту және әлеуметтік қызмет бөлімінің бас маманы;
2008-2009 жж. Қызылорда қаласы әкімі аппаратының ұйымдастыру және кадр жұмыстары бөлімінің бас маманы;
2009-2010 жж. Қала әкімі аппаратынынң ұйымдастыру жән кадр жұмыстары бөлімінің бас инспекторы;
2010 жылы Тасбөгет кенті әкімінің орынбасары;
2010 жылы Қала әкімі аппаратынынң ұйымдастыру жән кадр жұмыстары бөлімінің бастығы;
2010-2012 жж. Қала әкімі аппаратының ұйымдастыру-инспекторлық және кадр жұмыстары бөлімінің бастығы;
2012-2013 жж. Қарауылтөбе ауылдық округінің әкімі;
2013 жылы Қарауылтөбе ауылдық округінің әкімі міндетін атқарушы;
2013-2014 жж. Қарауылтөбе ауылдық округінің әкімі;
2014-2015 жж. Облыс әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы;
2015 жылы Облыс әкімі аппаратының ұйымдастыру-инспекторлық жұмыс және аймақтық даму бөлімінің басшысы;
2015-2018 жж. Шиелі ауданы әкімінің орынбасары;
2018-2019 жж. Қызылорда қаласы әкімі аппаратының басшысы;
2019 жж. Қалалық мәдениет және тілдерді дамыту бөлімінің басшысы;
2019 жылдың наурыз айынан бастап осы кезге дейін Қалалық кәсіпкерлік, өнеркәсіп және туризм бөлімінің басшысы қызметін атқарған.
<img src="https://kyzylorda-news.kz/wp-content/uploads/2020/06/1-2-scaled.jpg" alt="" />

Қызылорда қалалық ішкі саясат бөлімінің басшысы тағайындалды

<a href="http://kyzylorda-news.kz/">Kyzylorda-news.kz.</a> Қазақстанда демалыс күндері – 20-21 маусым аралығында шектеу шаралары күшейтіледі. Бұл туралы Премьер-министр Асқар Маминнің төрағалығымен өткен кеңесте айтылды.
Нұр-Сұлтан, Алматы, Қарағанды, Шымкент, Павлодар және Екібастұз қалалары бойынша:
– сауда орталықтарының, сауда үйлерінің, желілік дүкендердің, жабық азық-түлік және азық-түлік емес базарлардың, базарлардың қызметі тоқтатылады
-қоғамдық тамақтану объектілерінің көше форматындағы ашық ауада жұмыс істеуіне әлеуметтік қашықтықты сақтай отырып рұқсат етіледі
– қоғамдық көлік жұмысы шектеледі
– қоғамдық орындардың, саябақтардың, скверлердің, жағалаулардың, жағажайлардың, аквапарктердің жұмыс істеуі тоқтатылады
– фитнес-орталықтардың қызметі тоқтатылады
– 65 жастан асқан адамдардың көшеге шығуы шектеледі.
2. Саны 50 мың адамнан асатын елді мекендерде:
– қоғамдық орындардың: саябақтардың, скверлердің, жағалаулардың, аквапарктердің жұмыс істеуі тоқтатылады;
-65 жастан асқан адамдардың көшеге шығуы шектеледі.
3. Нұр-Сұлтан, Алматы, Қарағанды, Шымкент, Павлодар және Екібастұз қалаларына аумақтық жақын орналасқан туристік аймақтарға кіру жабылады, ал аталған аймақтардағы адамдарға – әлеуметтік қашықтықты сақтау.

Қазақстанда демалыс күндері шектеу шаралары күшейтіледі

<a href="http://kyzylorda-news.kz/">Kyzylorda-news.kz.</a> Әлемді жайлаған жұқпалы індеттің өршуі кейінгі күндері елімізде күрделі сипат алып тұр. Күні кеше облыстың бас мемлекеттік санитариялық дәрігерінің қаулысы шықты. Бірқатар салаларда сақтық шаралары қайта пысықталды.
Карантин кезінде әсіпкерлер үшін аса үлкен мәселелердің бірі ғимаратты жалға алу ақысы болды. Карантин жағдайында жұмысын тоқтатуға мәжбүр болған кәсіпкерлердің басым бөлігі жалдау ақысын төлеуге келгенде қауқарсыз екені байқалды. Кәсіпті дамыту үшін деп алған несиелері, 2 айға жуық уақыт жұмыссыз отыру айтарлықтай қаржылық қиындықтарға алып келді.
Жергілікті атқарушы органмен бірге ғимараттарын жалға беріп отырған кәсіпкерлермен келіссөздер жүргіздік. Бұл азаматтарды да түсінуге болады. Ғимаратты ұстап тұру, қызметкерлердің жалақысы, коммуналдық төлем сынды шығындары бар. Дегенмен, жағдайды әріптестеріміз де жақсы түсініп отыр. Кәсіпкерлер палатасына төтенше жағдай кезінде 85 кәсіпкерден жалға алу құнына қатысты көмек көрсетуді сұраған өтініштер түсті. Келіссөздер барысын- да облыс бойынша көлемі 2000 шаршы метрден асатын ғимараты бар отыздан астам кәсіпкер жалға алушы 1823 бизнес өкіліне жеңілдік жасайтынын жеткізді. Келіссөздердің басы-қасында болған жергілікті атқарушы органдарға да, ғимарат иелеріне де ай- тар алғысымыз шексіз.
Атап айтқанда, 9 сауда нысаны 267 жалға алушыға 100 процент, 2 сауда үйі 127 кәсіпкерге 50%, 1 сауда үйі 57 кәсіп иесіне 30%, 12 сауда нысаны 1372 бизнес өкіліне 20% жалдау ақысына жеңілдік жасады.
Кәсіпкерлерді төтенше жағдай кезінде 100% жалдау ақысынан босатқан әріптестерімді атап айтқым келеді. Олар: Жаңақорған ауданында «Нұр» базары, «Нұр-Асыл», «Аркен» сауда үйлері, Қазалы ауданында «Мусаев», «ОрынАй», «Ару-Илия» базарлары мен «Береке», «Бәйтерек» сауда үйлері, Қызылорда қаласында «Сәулет» базары иелері. Бұл да бизнестің әлеуметтік жауапкершілігін көрсетеді.
Мемлекет басшысы Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында сөйлеген сөзінде отандық тауар өндірушілерді қолдауға бағытталған мемлекеттік сатып алудың ерекше тәртібі осы жылдың тамыз айына дейін жалғасатындығын жеткізген болатын.
Елімізде енгізілген төтенше жағдайдан кейін мемлекеттік сатып алудың нормативтік құжаттарына да, атап айтқанда, осы жылдың 20 наурызында Үкіметтің №127 Қаулысымен төтенше жағдай кезеңінде әрекет ететін Мемлекеттік сатып алудың арнайы тәртібіне өзгерістер енгізілді.
Қаулыдағы кәсіпкерлер үшін маңызды бөлігіне тоқталсақ.
– Әлеуетті өнім беруші міндеттемесін толық орындаған жағдайда төлем 5 күн ішінде жүзеге асырылады.
– Әлеуетті өнім берушілерге төтенше жағдайды енгізу салдарынан туындаған жағдайлар бойынша (шартқа қол қоюдан жалтару, сондай-ақ оны орындамау не тиісінше орындамау) жосықсыз қатысушылардың тізіліміне енгізу жөніндегі айыппұл санкциялары мен шаралар қолданылмайды.
– Төтенше жағдай кезеңінде барлық тауарлар бірінші кезекте отандық тауар өндірушілер арасында арнайы тәртіп шеңберінде 3 күнге дейін қысқартылған мерзімде баға ұсыныстарын сұрату тәсілімен сатып алынады. Бұл сатып алуда шетелдік өндіріс тауарларын жеткізуге жол берілмейді.
– Мұндай тауарларды жеткізу кезінде тауар өндірушілер СТ-КZ сертификаттарын ұсынуға міндетті.
Президенттің тапсырмасына сәйкес, бұл кезеңде отандық тауарөндірушілерден алу талабы бірінші орында.
Осыған сәйкес отандық тауарөндірушілердің тізбесін Индустрия және инфрақұрылымдық даму министрлігі «Атамекен» ҰКП-мен бірлесіп қалыптастырып, www.goszakup.gov.kz веб-порталына орналастырды.
Бұл ретте, егер мемлекеттік сатып алуға тауарөндірушілер қатыспаған болса, онда одан әрі жалпыға бірдей белгіленген тәртіппен жүзеге асырылады.
Арнайы тәртіп шеңберінде бір көзден алу тәсілі мемлекеттік сатып алу мәселелері жөніндегі ведомстволық комиссия айқындаған тауарлар, жұмыстар мен қызметтер бойынша ғана қолданылады. Яғни, бүгінгі күні мемлекетке қажетті медициналық өнімдер, азық-түлік өнімдерінің тізбесі веб-порталда орналастырылған.
Арнайы конкурс жұмыспен қамтудың 2020-2021 жылдарға арналған Жол картасымен көзделген жұмыстар мен көрсетілетін қызметтерді және жедел, кідіріссіз және маусымдық сипаттағы жұмыстар мен көрсетілетін қызметтерді мемлекеттік сатып алу кезінде қолданылады.
Бұл тәсілде конкурстық құжаттама жобасын алдын ала талқылау, камералдық бақылау шеңберінде алдын ала рұқсат беру және шағымдану рәсімдері болмайды. Соған сәйкес конкурсты өткізу мерзімі 7 жұмыс күнін құрайды (бұрын 40-60 күн аралығында болған).
Талап бойынша сомасы 20 мың айлық есепті көрсеткіштен асқан келісімшарттарда өтінімді, сатып алу туралы шарттың орындалуын, аванс сомаларын енгізу талаптары қолданылмайды.
Төтенше жағдай кезінде бизнеске қолдау көрсету мақсатында қабылданған Үкіметтік қаулылар негізге алына отырып, облыс көлемінде салықтар мен төлемдер бойынша бизнес-субъектілеріне 6,5 млрд теңге шамасында жеңілдік берілді.
Айтылған мәселе, осы жылдың 20 наурызынан бастап 31 желтоқсанға дейін өңірде алаңы 2000 шаршы метрден кем емес 29 ірі сауда нысаны, 3 ойын-сауық орталығы, 2 театр, 2 көрме залы, 8 спорт құрылыс жайлары мүлікке салынатын салыққа «0» коэффициент мөлшерін қолданады. Сондай-ақ, 37 ауылшаруашылық өнімін өндірушілер жер салығынан босатылғаны туралы хабарланды.
Осы жылдың 1 сәуірінен 1 қазанға дейін аймақтағы әуежай терминалы, 20 жеке практикамен айналысатын тұлға, 201 қоғамдық тамақтандырумен, 43 қонақ үй қызметімен айналысатын кәсіпкерлер мүлік салығынан босатылып отыр. Бұл, әрине, кәсіпкерлерлік субъектілері еңбекақыдан ұсталатын салықтан, әлеуметтік төлемдерден миллиондаған қаржысын үнемдейді деген сөз.
Ал, кәсіпкерлік нысандарында сақтық шараларын сақтау жөнінде тұрақты ескеріліп отыр.
Ғалымбек ЖАҚСЫЛЫҚОВ,
Қызылорда облыстық Кәсіпкерлер палатасының директоры.

Ғалымбек Жақсылықов: Кәсіпкерлік нысандарында сақтық шаралары қатаң сақталуы қажет

Kyzylorda-news.kz. Бұл туралы Қызылорда қаласының әкімі Нұрлыбек Нәлібаевтың төрағалығымен «Жұмыспен қамту 2020» жол картасы бағдарламасы аясында мердігер мекемелермен өткен еркін форматтағы кездесу барысында айтылды. 
Бүгінде облыс орталығында жол жөндеу жұмыстары қызу жүруде. Жыл соңына дейін басты назар аударып отырған қаладағы шет аймақтар және ауылдық округтерге барлығы 260 жол салынады. Оның 210 орташа жөндеу, яғни асфальт салынса, 50 көшеге қиыршық тас төселеді. Сонымен қатар 68 жаяу жүргінші жолы да бар. Мұның бәрі «Жұмыспен қамту 2020» жол картасы бағдарламасы шеңберінде атқарылатын игі істер. Қарқын алған құрылыс жұмыстарының арқасында бұл жобаның игілігін көретін күн де алыс емес.&nbsp;
Бұған дейін де қала әкімі Нұрлыбек Нәлібаев жол жөндеу жұмыстарына байланысты жауапты мекемелерге сын-ескертпелерін айтқан болатын. Алдағы уақытта аталған жұмыстарға байланысты олқылықтың болмауын бүгін тағы бір мәрте ескерте келе, құрылыс мердігерлеріне жөндеу жұмыстарының сертификатталған сапалы материалдармен жұмыс жасауды баса айтты.
Кездесу барысында мердігерлер мен қоғам белсенділері де өз ойларын талқылай келе, жұмыс барысында кездескен мәселелерді ортаға салды.
Жобаның сапалы шығуын қала әкімінің тапсырмасымен құрылған арнайы топ та әрдайым бақылауға алады. Арнайы топ құрамында «Nur Otan» партиясы мен мәслихат депутаттары, Қоғамдық Кеңес мүшелері, қоғам белсенділері және қала тұрғындары да ат салыса алады. Олар әр жобаны бастан аяқ қадағалап, әрбір істен сапа мен жауапкершілікті талап етеді.
<blockquote>
 «Сапа сыннан жоғары болу керек. Қазір жасаған жол ұзақ жылдар бойы елге қызмет етуі керек. «Қала біздің ортақ үйіміз!» Ортақ үйіміздің көркеюі үшін аянбай еңбек етулеріңіз қажет. Бұл жұмыстардың маңыздысы халықтың көңілінен шығып, сапалы орындалуы. Мемлекет қазынасынан бөлінген әр тиынның сұрауы бар. Сондай-ақ бағдарламаның негізгі басты мақсаты қала тұрғындарын жұмысқа орналасуына қолдау көрсету болып табылады. Сол себепті Сіздер, бірінші кезекте Қызылорда қаласының азаматтарын жұмыспен қамтуларыңыз керек. Яғни жұмысшылардың 50 пайызы жұмыспен қамту орталығында жұмыссыз ретінде тіркелген азаматтар қатарынан болуы тиіс. Сондықтан, жұмыспен қамту орталығымен күнделікті тығыз байланыс орнатып, қажетті шараларды қабылдаңыздар», – деді қала әкімі.
</blockquote>
<img src="https://kyzylorda-news.kz/wp-content/uploads/2020/06/zh-1.jpg" alt="" />
<img src="https://kyzylorda-news.kz/wp-content/uploads/2020/06/zhzh-1.jpg" alt="" />

Нұрлыбек Нәлібаев: Сапа сыннан жоғары болу керек

<a href="http://kyzylorda-news.kz/">Kyzylorda-news.kz.</a> Республикалық бюджеттің атқарылуын бақылау жөніндегі есеп комитетінің төрағасы Наталья Годунова халық азық-түлік тауарларына көп қаражат жұмсай бастағанын мәлім етті, деп хабарлайды <a href="https://www.inform.kz/kz/kazakstandyktar-azyk-tulikke-kop-aksha-zhumsay-bastady-esep-komiteti_a3663053">ҚазАқпарат</a>.
<blockquote>
 «Бүгін біз өткен жылғы бюджеттің орындалуы туралы есепті тыңдап жатырмыз. Бірақ осы жарты жылдың ішінде не өзгерді? Бір жағынан, өткен жылы экономиканың көптен күткен өсімі болғанын айтамыз. Екінші жағынан, осы жарты жылдың ішінде өте күрделі жағдайлар өтіп жатыр. Бізде де, әлемде де сол. Сол себепті, қазір мен заңбұзушылықтарды талқыламас бұрын жүйелі мәселелерге тоқтайын», – деді Наталья Годунова Парламент Сенатында 2019 жылғы республикалық бюджеттің атқарылуы туралы есепті баяндау кезінде.
</blockquote>
Есеп комитетінің басшысы Президент мемлекеттік бағдарламалардың жүзеге асырылуы мен бюджет қаражатын пайдалануға қатысты жауапкершілік пен есептілікті қатаңдату керектігін тапсырғанын еске салды.
<blockquote>
 «Депутаттардың арқасында мұндай жауапкершілік Бюджет кодексі мен Әкімшілік құқықбұзушылық жөніндегі кодекске енгізілді. Ал 2019 жылдың республикалық бюджеті қандай нәтижемен игерілді? Біріншіден Қазақстанның Дүниежүзілік экономикалық форумындағы жаһандық бәсекеге қабілеттілік рейтингіндегі макроэкономикалық тұрақтылығы 60-шы орынға дейін көтеріліп, позициясын жақсарта түсті. Әйтсе де, мұнайға тәуелділікті төмендету тенденциясына қол жеткізілген жоқ. Кейінгі он жылдың ішінде өңдеу секторының үлесі 11 пайыздан аспай тұр. Экспорт құрылымында минералды өнімдердің үлесі 70 пайыздан асып кетті», – деді ол.
</blockquote>
Наталья Годунова азаматтардың әл-ауқатын жақсарту мәселесіне де тоқталды.
<blockquote>
 «Халықтың шынайы табысы 5,5 пайызға өсті. Алайда, азық-түлік тауарларына халықтың шығаратын шығыны 50 пайызға дейін жетті. Дамыған елдерде бұл көрсеткіш 10 пайыз көлемінде. Тіпті Ресе ймен Беларусьте бұл көрсеткіш шығынның үштен біріне (28 пайыз және 32 пайыз) тең. Бұл нені білдіреді? Халық табысының жартысы «желініп», тұрғындарда өз жинағының көлемін арттыруға мүмкіндік жоқ деген сөз», – деді ол.
</blockquote>

Қазақстан және Қызылорда облысының жаңалықтары