<a href="http://kyzylorda-news.kz/">Kyzylorda-news.kz.</a> Қызылорда қаласы бойынша Елбасының «Рухани жаңғыру» бағдарламасы аясында өңірлер мен жергілікті қауымдастықтардың дамуына ерекше үлес қосқан азаматтарды көтермелеу мақсатында «Жомарт жүрек» байқауының қалалық кезеңі өтеді.
Қызылорда қаласының әкімдігі төмендегі номинациялар бойынша ұсынымдар қабылдайды:
<ul>
<li>«Жыл меценаты»;</li>
<li>«Туған өлке»;</li>
<li>«Жыл тұлғасы»;</li>
<li>&nbsp;«Жылдың үздік ұйымы»;</li>
<li>&nbsp;«Ерен еріктілік».</li>
</ul>
Байқауға қатысушыларға қойылатын талаптар:
Байқауға қатысушы қала аумағында қоғамдық пайдалы, әлеуметтік, қайырымдылық қызметті жүзеге асырып жүрген және төмендегі өлшемшарттарға сәйкес келетін заңды және жеке тұлғалар бола алады:
– өңір аумағында қайырымдылық, қоғамдық пайдалы және әлеуметтік қызметтерді жүзеге асыру;
– қызметтің әлеуметтік бағыты;
– сыйлық номинацияларына сәйкес келуі;
– қажетті құжаттардың болуы.&nbsp;
Байқауға қатысуға арналған құжаттар топтамасы:
<ul>
<li>Жеке тұлға үшін:</li>
<li>&nbsp;Байқауға қатысуға өтінім;</li>
<li>&nbsp;Үміткердің фотосуреті (пішімі: 3х4, JPEG);</li>
<li>&nbsp;Өмірбаяны;</li>
<li>Жеке куәліктің көшірмесі;</li>
<li>&nbsp;Жоба, қоғамдық пайдалы, әлеуметтік маңызы бар қызметі туралы еркін нысандағы ақпараттық хабарлама;</li>
<li>&nbsp;Қоғамдық пайдалы, әлеуметтік маңызы бар қызметті растайтын құжаттардың көшірмесі (Алғыс хат, БАҚ-та шыққан материалдар, объектілер, іс-шаралар және т.б. фотосуреттері);</li>
<li>&nbsp;Байланыс телефон нөмірі;</li>
<li>&nbsp;Электронды поштасы.</li>
</ul>
Заңды тұлға үшін:
<ul>
<li>Байқауға қатысуға өтінім;</li>
<li>Мемлекеттік тіркеу туралы куәлік (көшірмесі);</li>
<li>Қоғамдық пайдалы, әлеуметтік маңызы бар қызмет туралы еркін нысандағы ақпараттық хабарлама;</li>
<li>Қоғамдық пайдалы, әлеуметтік маңызы бар қызметті растайтын құжаттардың көшірмесі (Алғыс хат, БАҚ-та шыққан материалдар, объектілер, іс-шаралар және т.б. фотосуреттері);</li>
<li>Байланыс телефон нөмірі;</li>
<li>&nbsp;Электронды поштасы.</li>
</ul>
Байқауға қатысушылар құжаттары 2020 жылғы 10 тамызға дейін Қызылорда қаласы әкімдігінің ғимараты&nbsp; 3 қабат, 313 кабинет қалалық ішкі саясат бөлімінде&nbsp; қабылданады. Байланыс телефоны: 26-35-62.

Қызылорда: «Жомарт жүрек» байқауына өтінім қабылданады

<a href="http://kyzylorda-news.kz/">Kyzylorda-news.kz.</a> Құрметті медицина ардагерлері мен қызметкерлері!
Сіздерді кәсіби мерекелеріңіз – Медицина қызметкерлері күнімен шын жүректен құттықтаймын! 
Елбасы Нұрсұлтан Әбішұлы Назарбаев «Ұлт денсаулығы – мемлекет қауіпсіздігінің құрамдас бөлігі» деген болатын. 
Қазақстандықтардың денсаулығын жақсарту – еліміздің мемлекеттік саясатының басым бағыттарының бірі. 
Бүгінгі күні облыс бойынша 23 стационарлық, 21 амбулаториялық емханада 2 423 дәрігер, 9 528 орта буынды мамандар медициналық қызмет көрсетіп келеді. 
Жылдан жылға осы саласының материалдық-техникалық базасы нығайып, әлемдік озық технологиялар мен телемедицина күнделікті қолданысымызға еніп отыр. 
Сала қызметінің сапасын жақсарту мақсатында «2019-2025 жылдарға арналған денсаулық сақтау нысандарының өңірлік перспективалық даму жоспары» бекітіліп, жалпы құны 73,5 млрд. теңгеге заман талабына сай 118 нысан салу жоспарланды. 
Денсаулық сақтау саласының тарихында, аймақ медицинасының дамуына зор үлес қосқан ардагерлер алдын қолды дәрігерлер Ернияз Омарұлы, Тұрғанбай Маханұлы, Рая Әбдешқызы, т.б. секілді аға буын өкілдерінің еңбегі бүгінде талайға үлгі. 
Сыр дәрігерлері «COVID-19» індетімен күрес кезінде уақытпен санаспай, белгілі хирург Абдулла Сыздықұлы, халықтың құрметіне бөленген Шынжырбай Оразмаханұлы мен Жұқпалы арулар ауруханасының бас дәрігері Айна Қарабұзауқызы, т.б. ел амандығын сақтау жолында асқан жауапкершілік пен батырлықтың үздік үлгісін көрсетуде. 
Мемлекет басшысы Қасым-Жомарт Кемелұлы Тоқаев Сіздерге деген халықтың ыстық ықыласы мен риясыз алғысының дәлелі ретінде ерекше қолдау білдіруде. 
Бірнеше ай бойы отбасыларыңыздан жырақта, өз денсаулықтарыңызды қатерге тігіп, қауіпті вируспен күресіп жүрген Сіздерге барша Сыр жұртшылығы атынан зор ризашылығымды білдіремін! 
Сіздерге мықты денсаулық, қажымас қайрат, шаңырақтарыңызға шаттық, бақ-береке тілеймін. 
Жақындарымызға жанашыр болайық! 
Біз біргеміз!

Аймақ басшысы медицина қызметкерлерін құттықтады

Kyzylorda-news.kz. Синоптиктер 19 маусым күні ауа райы қандай болатынын айтты, деп хабарлайды Қазгидромет.
Қазақстан аумағының көптеген аудандары арқылы атмосфералық фронттар өтеді. Осыған байланысты тұрақсыз ауа райы сақталады. Кей жерлерде жаңбыр жауып, найзағай жарқылдайды. 
Солтүстік-шығыста бұршақ жаууы ықтимал. Кей жерлерде жел күшейіп, солтүстікте тұман түседі. 
Ақмола облысының кей жерлерінде жел қарқыны 15-20 м/с дейін күшейеді. Түнде және таңертең тұман түседі. 
Солтүстік Қазақстан облысының кей жерлерінде күндіз жел жылдамдығы 15-20 м/с жетіп, түнде тұман болады. 
Қостанай облысының кей жерлерінде жел екпіні – 15-20 м/с. Тұман түседі. 
Павлодар, Шығыс Қазақстан, күндіз Қарағанды, Ақтөбе, Қызылорда облыстарының кей жерлерінде жел 15-20 м/с күшейеді. Павлодар облысында бұршақ жаууы ықтимал. 
Атырау, Қызылорда, Солтүстік Қазақстан облыстарында, Ақтөбе, Қостанай, Ақмола, Қарағанды, Түркістан, Жамбыл облыстарының басым бөлігінде, Алматы, Павлодар облыстарының кей жерлерінде, Батыс Қазақстан облысының оңтүстік-шығысында, Шығыс Қазақстан облысының оңтүстік-батысында жоғары өрт қаупі сақталады.

Жұма күнге ауа райы болжамы

Халықаралық жыныстық зорлық-зомбылыққа қарсы күн
Бұл күн 2015 жылы 19 маусымда БҰҰ Бас Ассамблеясының №A/RES/69/293 қарарында әр түрлі кикілжіңдер жағдайында (саяси, діни, ұлттық сипаттағы халықаралық, мемлекет ішілік (азаматтық соғыстар) жыныстық зорлық-зомбылық көрсету мәселесіне көпшіліктің назарын аударту мақсатында қабылданды.
1997 жылы&nbsp;«Шағын кәсіпкерлікті мемлекеттік қолдау туралы» Қазақстан Республикасының Заңы қабылданды.
2006 жылы&nbsp;Қызылордадағы қалалық мәдениет және демалыс саябағының кіре берісінде «Сыр бойының батырлары» атты қаладағы ең үлкен ескерткіш-монументтің ашылу салтанаты болды. Ескерткіштің ашылу рәсіміне облыс, қала басшылары, ардагерлер, қоғамдық ұйымдардың өкілдері, жалпы қала жұртшылығы қатысты. Ескерткіш авторы – Сыр еліне белгілі мүсінші Жәркен Исмайылов.
2007 жылы&nbsp;Қазақстан Республикасы Үкіметінің Қаулысымен Алматыда Достық үйінде «Достық үйі – Этносаралық қатынастардың мәселелерін зерттейтін орталығы» республикалық мемлекеттік кәсіпорны құрылды.
Орталықтың басты мақсаты – ұлтаралық қатынастар саласындағы негiзгi мәселелердi анықтау, жұртшылық пiкiрiн зерттеу.
2010 жылы&nbsp;Мемлекет басшысы бағалы қағаздар мемлекетаралық нарығын реттеу туралы келісімнің қатысушысы болмау ниеті туралы ҚР Жарлығына қол қойды.
2014 жылы&nbsp;Қазғарыш басшысы Талғат Мұсабаев Ақтөбе облысының әкімі Архимед Мұхамбетовке «KazEOSat-1» жерді қашықтан зондтау алғашқы қазақстандық жерсерігінен 700 шақырым биіктікте түсірілген Ақтөбенің суретін табыстады.

19 маусым: Атаулы күндер мен оқиғалар

Kyzylorda-news.kz&nbsp;ақпараттық агенттігінің 19 маусымға арналған жұлдыз-жорамалы.
Тоқты
Бірнеше маңызды сұрақтарға жауап табасыз. Бұрын қиындық туғызған немесе өзіңіз қорқа-соқтап жүрген іскерлік келіссөздерді өз пайдаңызға шешетін боласыз. Сізге көмекшінің қажеті жоқ. Барлық істі өзіңіз оңтайлы шешесіз.
Торпақ
Жемісті күн. Өзекті мәселелерді дер кезінде шешіп, тапсырмаларды оңай орындайсыз. Жаңа жұмысты қолға алуға мүмкіндік туып тұр. Осы жұмыс арқылы жаңа таныстар тауып, олардан үйренеріңіз көп болады.
Егіздер
Шынайы көзқарас таныта біліңіз. Сонда ғана босқа үміттенбейтін боласыз. Егер өз мүмкіндігіңізді толық пайдаланатын болсаңыз, жаңа жобаларды қолға алатын боласыз. Олар сізге көп пайда әкелетінін естен шығармаңыз.
Шаян
Барлық шаруаны ысырып қойып, жақсылап демалыңыз. Жұмысты кейін де аяқтауға болатынын ұмытпаңыз. Жеке өміріңізге көп көңіл бөліп, болашағыңыз туралы көп ойланыңыз. Уәдеңізде тұруды да ұмытпаңыз.
Арыстан
Жалғыз қалып, болашақ туралы ойланыңыз. Өткен күндерді де ойлап, өз-өзіңізге есеп беріңіз. Достармен басқосу жақсы ой болғанымен, дәл бүгін олармен тіл табысу қиынға соғады. Жақындарыңызға көңіл бөліңіз.
Бикеш
Мазасыз күн. Жұмыстың көптігі соншалық, тіпті шаршауға да уақыт таппайсыз. Сіздің көңіл-күйіңіз тез өзгереді. Бірақ мұны жаныңыздағылар түк байқамайды. Бірақ эмоцияны іште бүгіп қалу қиынға соғады.
Таразы
Бүгінгі күнді тек өзіңізге арнаңыз. Сүйікті ісіңізбен айналысыңыз. Кішігірім саяхатқа шығуға да болады. Әсіресе теңіз жағасына барып, толқындарды тамашалаңыз. Не болмаса моншаға барып, жағымсыз энергияларды сумен шайыңыз
Сарышаян
Денсаулығыңызға абай болыңыз. Соңғы уақытта бауырыңыз жиі мазалап жүрген сыңайлы. Майлы және тұзды тағамдардан бас тартыңыз. Спортпен шұғылданыңыз. Сонда дене бітіміңіз де, ас қорыту жүйесі де қалыпқа келеді.
Мерген
Өміріңізде оң өзгерістер орын алады, сондай-ақ біраз жетістіктерге жетесіз. Бірақ барлық жақсылық өздігімен келмейтінін біліңіз. Еңбектеніңіз, нақты шешім шығара біліңіз. Жақындарыңызбен басқосыңыз.
Тауешкі
Күніңіз сәтті өтеді. Сіз барлық істе жетістікке жетесіз. Бастысы – табандылық таныта біліңіз. Осы қасиетіңіздің арқасында өз дегеніңізге жетесіз. Сонымен қатар бүгін өзіңізге қуаныш әкелетін бұйымды сатып аласыз.
Суқұйғыш
Егер уақытыңызды текке кетірмесеңіз, көп нарсеге қол жеткізесіз. Жаңа істі қолға алып, жаңа жоба бойынша жұмыс жасауға болады. Түстен кейінгі уақытта ойға түрлі идеялар келіп, кәсіби жоспарларды жүзеге асыратын боласыз.
Балықтар
Бүгін өзіңізге тапсырылған барлық тапсырмаларды тез орындайсыз. Енді ешнарсеге алаңдамастан демалғаныңыз дұрыс. Жақындарыңызбен немесе басшылықпен сөзге келіп қалудан сақтаныңыз. Себебі ұрыс-керістен көп күш жоғалтасыз.

Жұлдыздар не дейді?

<a href="http://kyzylorda-news.kz/">Kyzylorda-news.kz.</a> Бүгін ақпарат көздерінен оқып, Елбасымыз Нұрсұлтан Назарбевтың коронавирус індетін жұқтырғанын естідім. Өкінішке орай бұл індет Елбасын да айналып өтпепті.&nbsp;
Коронавирус эпидемиясы басталғалы бері әлемде түрлі қауесеттер көбейіп кетті. Бірі індет бар десе, бірі сенбестік білдіруде. Дегенмен, сақтансан сақтайды дегендей, бірқатар өңірлерде індет жұқтырғандар қатары ережелерді елемеу салдарынан артуда. Сондықтан карантинге қатысты ел басшылығы енгізген шараларды қатаң ұстанған абзал.&nbsp;
Елбасымызға тезірек сауығып кетуін тілеймін. Ұлт Көшбасшысы індетті жеңеді деп сенеміз. Себебі ол кісінің рухы мықты, қайта қайтпас қайсарлығы биік. 
Әрине әр іс уақыт пен сабырлықты қажет етеді. Осы орайда әрбір қазақстандық азаматқа аурудың алдын алу шараларына мұқият мән берсе екен деймін. Сонда ғана біз аурудың үдей түсуіне жол бермей, бірлесіп, барлығын жеңеміз.
<img src="https://kyzylorda-news.kz/wp-content/uploads/2020/06/pp.jpg" alt="" />
Қахар ДАДАШЕВ,
Қызылорда облыстық өзбек этномәдени бірлестігінің жетекшісі.

COVID-19: Аурудың үдей түсуіне жол бермейік

<a href="http://kyzylorda-news.kz/">Kyzylorda-news.kz.</a> Синоптиктердің хабарлауынша Қызылордада ауа райына байланысты ескерту жарияланды, деп хабарлайды Қазгидромет.
19 маусымда күндіз Қызылорда облысында жел солтүстік-шығыстан батысқа ауысады, желдің күші кей жерлерде 15-20 м/с күтіледі.
Дабылды ескертудің ықтималдылығы 95-100%.

Қызылордада ауа райына байланысты ескерту жарияланды

<a href="http://kyzylorda-news.kz/">Kyzylorda-news.kz.</a> Қызылорда облысында Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі кәсіпкердің ақшасын 3 жылға жуық уақыт төлемей келген.
Қармақшылық «Байтерек-Групп+АА» ЖШС-і 2017 жылдың тамыз айында аудандық тұрғын үй-коммуналдық шаруашылық, жолаушылар көлігі және автомобиль жолдары басқармасының жариялаған конкурсында жеңімпаз деп танылып, ауданда 5 млн 28 мың теңгеге автокөлік тұрағын салу жұмысын жүргізуге міндеттеледі.
Кәсіпкер мемлекеттік тапсырыс негізінде алған жұмысын дер кезінде орындап, 2017 жылдың желтоқсан айында тапсырыс берушіге, яғни аудандық бөлімге объектіні қабылдау үшін орындалған жұмыстардың құжаттарын жолдайды.
Бар проблема осы жерден басталады. Тапсырыс беруші, нақтырақ айтқанда Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі кәсіпкердің жасаған жұмысын қабылдамай, веб-портал арқылы орындалған жұмыстар актісі уақытылы бекітілмей, тиісті шартты төлемей қояды.
Осы аралықта аталмыш бөлімде төрт басшы ауысып, әр кезде мәселе жаңадан қаралып, аяқсыз қалып отырады.
Амалы таусылған кәсіпкер Кәсіпкерлер палатасынан көмек сұрап, заңгерлер 2019 жылдың мамыр айынан бастап бір жылға жуық уақыт бойы кәсіпкерге құқықтық кеңес беріп, құжаттарын әзірлеп, сотта заңды мүддесін қорғады.
<blockquote>
 «Бұл жердегі мәселе мемлекеттік органның кәсіпкерді әуре-сарсаңға салғанында. Жасалған жұмыстың не кемшілігін айтпайды, не қабылдау актісіне қол қойып бермейді. Кәсіпкерлер палатасына жүгінемін дегенше кәсіпкер бірнеше рет аталмыш бөлімді сотқа береді. Алайда құқықтық тұрғыда жеткілікті деңгейде қаруланбағандықтан діттеген мақсатына жете алмады. Біз араласқан күннің өзінде тапсырыс беруші тарап веб-порталдағы актіге қол қойды да, қағаз түріндегі нұсқасына сол күйі қол қойылмай қалды. Алайда заңда веб-порталдағы актіге қол қойылса болды, әрі қарай кәсіпкер заңды ақшасын сот арқылы талап ете алатыны көрсетілген. Осы талапты негізге алып, біз сотта кәсіпкердің мүддесін қорғай алдық», – дейді Қызылорда облысы кәсіпкерлер палатасы директорының құқықтық мәселелер жөніндегі орынбасары Салават Құлмахан.
</blockquote>
Кәсіпкердің талап арызы облыстық мамандандырылған ауданаралық экономикалық сотында қаралды. Осы жылдың 26 ақпанында судья екі тараптың уәждерін тыңдай келе, «Байтерек-Групп+АА» ЖШС-нің Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінен қарыз сомасын өндіру туралы талап арызын толық қанағаттандыру туралы шешім шығарды. Мұнан өзге, аудандық бөлімге кәсіпкерге төлейтін 5 млн 28 мың 800 теңгемен қоса, 150 мың 864 теңге сот шығынын қоса төлеуді, осылайша 5 млн 179 мың 664 теңге төлеуді міндеттеді.
Кәсіпкердің ақшасы шілде айында төленеді деп күтілуде.

Қызылордалық кәсіпкер 3 жылдан өзіне тиесілі ақшасын алатын болды

<a href="http://kyzylorda-news.kz/">Kyzylorda-news.kz.</a> Ведомствоаралық комиссияның шешімімен елімізде алдағы демалыс күндері, яғни маусымның 20-21 аралығында шектеу шаралары күшейтіледі,&nbsp;деп хабарлайды <a href="https://24.kz/kz/zha-aly-tar/o-am/item/403511-zhedel-zh-rdem-k-likteri-sha-yrtular-a-der-kezinde-zhetui-tiis-a-mamin">«Хабар 24»</a>.
Себеп – бірқатар аймақта коронавирус жұқтырғандар саны көбейіп барады. Індет тағы үдей түсті. Осыған байланысты премьер-министр Асқар Мамин кей қалада шектеу шараларын күшейтуді тапсырды.
<blockquote>
 «Маусымның 20-21 аралығында елордада, Алматы мен Қарағандыда, Шымкентте, сондай-ақ Павлодар, Екібастұзда сауда ойын-сауық орталықтарының, сауда үйлерінің жұмысын тоқтатуды тапсырамын. Азық-түлік пен өзге де заттар сататын жабық базарлар, фитнес орталықтар алдағы демалыста жұмыс істемейді. Ашық тамақтану орындарына ғана баруға рұқсат. Оның өзінде адамдар арасында арақашықтық сақталуы тиіс. Қоғамдық көліктің қозғалысы да шектеледі. Саябақ, сквер, жағалау, аквапарктер да жабық болады. Туристік аймақтарға кіруге де рұқсат берілмейді. Ал мұндай жерлерде жүргендер арақашықтықты барынша сақтауы қажет», – деді ҚР премьер-министрі Асқар Мамин.
</blockquote>
Жасы 65-тен асқан адамдардың далаға шығуына да шектеу қойылады. Үкімет басшысы әкімдерге қысқа мерзімде медициналық ұйымдар базасында қосымша зертханалар ашуды тапсырды. Осы арқылы халықты ПТР-тестілеумен қамту керек. Ауруханаларда инфекциялық және провизорлық орындар санын көбейту қажет. Жедел жәрдем көліктері шақыртуларға дер кезінде жетуі тиіс деді премьер. Асқар Мамин сондай-ақ үйлерінде емделіп жатқандарды бақылауда ұстап, халыққа барынша ақпараттық-түсіндіру жұмыстарын жүргізуді міндеттеді.
<blockquote>
 «Өздеріңізге мәлім, кеше Мемлекет басшысы Қ. Тоқаев өзінің үндеуінде халықтың карантин жағдайын сақтамау коронавирустың күрделенуіне әккеліп соққанын айтты. Осыған орай ведомствоаралық комиссияның отырысында біз елде нақты шараларды қабылдауымыз керек. Барлық өңірде қауіпті вирусты жұқтырғандар саны қарқынды түрде өсуде. Бұл карантин жөнінде қатаң шаралар қабылдау керектігін көрсетіп отыр», – деді Асқар Мамин. s
</blockquote>

Асқар Мамин: Жедел жәрдем көліктері шақыртуларға дер кезінде жетуі тиіс

<a href="http://kyzylorda-news.kz/">Kyzylorda-news.kz.</a> Арал ауданының орталығындағы №19 олимпиада резервінің балалар мен жасөспірімдер мектебінің арнаулы бокс залы өткен ғасырдың басында салынған. Бүгінде аталған мектепке 250-ге жуық бала келеді. Олар бокс, кикбокс және қыздар боксы түрлерінен жаттығады.
Қазіргі таңда «Жұмыспен қамтудың жол картасы» мемлекеттік бағдарламасы аясында 5 млн теңге қаржы бөлініп, мектеп ғимаратына ағымдағы жөндеу жұмыстары жүргізілуде.
Күні кеше аудан әкімі М.Оразбаев аталған жұмыстардың жай-күйімен танысып, жөндеу жұмыстарын қолға алған мердігер «Алжан Орда» ЖШС өкілдерімен кездесіп қайтты. Кездесу барысында басталған жұмыстардың сапалы әрі мерзіміне сәйкес атқарылуын тапсырды.
Айта кету керек, өткен жылы ғимараттың сыртқы беті жаңаланса, биылғы жөндеу жұмыстары барысында ғимараттың төбе жабындысы жаңаланып, талапқа сай жаңғыртылатын болады.
<img src="https://kyzylorda-news.kz/wp-content/uploads/2020/06/sport1-1.jpg" alt="" />
<img src="https://kyzylorda-news.kz/wp-content/uploads/2020/06/sport2-1.jpg" alt="" />

Аралда бағдарлама аясында спорт мектебі жөндеуден өтуде

<a href="http://kyzylorda-news.kz/">Kyzylorda-news.kz.</a> Көкарал бөгеті 2005 жылы САРАТС жобасы аясында салынған болатын. Елбасының тікелей бастамасымен өмірге келген «ғасыр жобасының» нәтижесі – теңізді қолдан бөгеуге де қауқар барын көрсетті. «Сырдария өзенінің арнасын реттеу және Солтүстік Арал теңізін сақтап қалу» жобасы шеңберінде салынған Көкарал бөгеті 2006 жылы аяқталды. 13 шақырымдық тоспа кіші теңізді – «өлі теңізден» бөліп алды. Осылайша судың деңгейі көтеріліп, тұздылығы төмендеп, балық өрісі жанданды. САРАТС – сенімді ақтап, теңіз төскейіндегі халықтың игілігіне айналып, ата кәсіппен қайта қауышуға зор мүмкіндіктер сыйлады.
Жалпы бүгінде Арал балықшылары жылына жеті мың тоннадай балық аулап, оның екі мың тоннасын экспорттайды. Қазірде айдын 18 аумаққа бөлініп, табиғат пайдаланушыларға бөлініп берілген. Арал ауданында жылдық қуаттылығы 19 мың тонна балық өңдеуге қауқарлы 8 балық өңдеу зауыты бар. Зауыттар Қытай мен ТМД елдерінен бөлек Еуропаға су маржанын саудалайды. Теңізге жылына он бес миллион дана шабақ жіберіледі. Бірақ Көкарал бөгеті арқылы мол сумен бірге балықтың ұлы теңізге қарай ауып кету мәселесі осы күнге дейін өзекті болып келген еді. Көптің көңілін күпті еткен бұл мәселені реттеу мақсатында Аралды құтқару қоры арқылы біршама жыл жұмыстар жасалып, нәтижесінде күні кеше Көкарал су тоспасында балықтарды тоспадан өткізбейтін гидроакустикалық құрылғы іске қосылды.
Көкарал бөгетіне балық қорғау құрылғысын орнату шарасына Германия Федеративтік Республикасының Төтенше және өкілетті елшісі Тило Клиннер және облыс әкімінің орынбасары Бақыт Жақанов және сала мамандары қатысты.
<blockquote>
 «Табиғат – ортақ анамыз. Балықты аман сақтап қалу ісіне үлесіміз тисе, игі іс. Құрылғының қалай жұмыс істейтінін көрдім. Нәтижелі боларына сенемін», – деді Тило Клинер.
</blockquote>
Құрылғы балықты үркітетін дабыл арқылы жұмыс істейді. Яғни, су астындағы дыбыс ұлғайтқыш калонналар балықтың сенсорлық органдарына әсер етеді. Бұл балықтарға еш зиянын келтірмейді. Ол тек қана төменгі жиілікте балықтардың үлкен-кішісін үркіту арқылы ол жерге жақындатпайтын болады.
Қосу тетігіне дейін 220 Вт электр қуаты келгенмен судағы құрылғыға 12 Вт ток барады. Бұл өз кезегінде қауіпсіздікті нығайтады.
<blockquote>
 «Көкарал су тоспасынан теңізге кеткен балық – шығын. Ол тонналап кетіп жататын. Бұған дейін талай рет көтерілген мәселе еді. Мына құрылғының пайдасы зор. Бұдан бөлек Ақбастыға қарай өзен-көлдер арнасына суды бағыттау арқылы мәселені шешуге болады. Бір жағынан балықшыларға аулайтын жер көбейеді», – дейді мемлекет және қоғам қайраткері Құдайберген Саржанов.
</blockquote>
<img src="https://kyzylorda-news.kz/wp-content/uploads/2020/06/tospa1-1.jpg" alt="" />
<img src="https://kyzylorda-news.kz/wp-content/uploads/2020/06/tospa2-1.jpg" alt="" />
<img src="https://kyzylorda-news.kz/wp-content/uploads/2020/06/tospa3.jpg" alt="" />
<img src="https://kyzylorda-news.kz/wp-content/uploads/2020/06/tospa4-1.jpg" alt="" />

Көкарал су тоспасына арнайы құрылғы орнатылды

<a href="http://kyzylorda-news.kz/">Kyzylorda-news.kz.</a> Сенатор Мұрат Бақтиярұлы «Еңбек» мемлекеттік бағдарламасының жүзеге асу барысын сынға алды. Депутаттың есептеуінше бұл бағдарламаны толық өзгерту керек, деп хабарлайды <a href="https://www.inform.kz/kz/murat-baktiyaruly-enbek-bagdarlamasyna-teren-taldau-zhasau-kerek_a3663259">ҚазАқпарат</a>.
<blockquote>
 «Жыл сайын жұмыспен қамтуға қаншама қаражат жұмсағанымызбен жұмыспен қамтылғандар азаймай, еңбек нарығындағы ахуал дұрыстала қойған жоқ. 2019 жылы атаулы әлеуметтік көмек алушылар саны 2 миллионнан асып кетті. Жалпы біздің пікірімізше, «Еңбек» – халыққа әлеуметтік көмек беретін бағдарлама емес, жұмыс іздеушілерді, нарыққа қажетті жұмысшы мамандықтарды оқытып, оларға жұмыс орындарын ашуға тиісті еді. Өкінішке қарай бұл бағытта нәтиже аз. Мысалы нәтижелі жұмыспен қамтудың және кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын жүзегеа асыру үшін 2017 жылдан бері 186 млрд теңге бөлініп, 40 мыңға жуық несие берілген», – деді Мұрат Бақтиярұлы Парламент Сенатының отырысында.
</blockquote>
Оның айтуынша осы бағдарлама шеңберінде оқытылған 80 мың адамның 23 мыңы ғана мамандығына сай жұмысқа орналасқан. Сәйкесінше 6 млрд теңге нарықта сұранысы жоқ мамандықтарды оқытуға жұмсалған. Сенатордың есептеуінше тиімділігі сын көтермейтін «Еңбек» бағдарламасына терең талдау жасап, қажет болған жағдайда бұл бағдарламаны толық өзгерту керек.
<blockquote>
 «2019 жылы азық-түлік тауарларының бағасының өсуі халықтың ақшалай шығыстарының құрылымында 50 пайызды алды. Ал дамыған елдерде бұл көрсеткіш 10 пайыз шегінде ғана. Яғни халқымыздың тапқан табысы азық-түлік алуға ғана кетіп жатыр. Халықтың қарызға кіруі әлеуметтік проблемаларға әкеп соқтыруы мүмкін. Демек еліміздегі азаматтардың төменгі күнкөріс деңгейі мен ең төменгі жалақы мөлшері қазіргі жағдайға сәйкес келмейді», – деді ол.
</blockquote>
Осы мәселелерге байланысты сенатор Үкіметке ең төменгі жалақыны қазіргі өмір талаптарына сәйкестендіруді тез арада қолға алуды сұрады.

Қазақстан және Қызылорда облысының жаңалықтары