Kyzylorda-news.kz. ҚР Парламенті Мәжілісінің депутаттары, әлеуметтік-мәдени даму комитетінің мүшесі Наталья Жұмаділдаева және заңнама және сот-құқықтық реформа комитетінің мүшесі Балайым Кесебаева жұмыс сапарымен Қызылордада болды.
Депутаттар “Азаматтарға арналған үкімет” мемлекеттік корпорациясы облыс бойынша филиалға қарасты Халыққа қызмет көрсету орталығының тұрғындарға қызмет көрсетуі мен атқарылып жатқан жұмыстарымен танысты.
Халық қалаулылары Қызылорда облысындағы жұмыс сапарында әлеуметтік-экономикалық даму мәселелері мен карантиндік талаптардың орындалуымен танысу мақсатында қаладағы №1 Халыққа қызмет көрсету орталығы бөлімінің жұмысымен танысты.
Депутаттық аралау барысында бөлімдегі қызмет көрсету барысы кеңінен таныстырылып, №1 бөлімде цифрлы қызмет алудың артықшылықтарын кеңінен насихаттау туралы мәселелер айтылды. Мәжіліс депутаттары халыққа қызмет көрсету бойынша орталықтар кедергісіз жұмыс жасап, көрсетілетін қызмет сапасын арттыру бағытында нақты жұмыстар атқарылып жатқандығына көз жеткізіп, өздерінің оң бағасын берді.
Айта кетейік, сапар барысында халық арасында түйіткілді мәселелерді анықтап, Үкіметке жеткізу және шешу жолдарын енгізу көзделген.
<img src="https://kyzylorda-news.kz/wp-content/uploads/2020/08/img_6694-3-scaled.jpg" alt="" />
<img src="https://kyzylorda-news.kz/wp-content/uploads/2020/08/mw6a6000-3-scaled.jpg" alt="" />

Мәжіліс депутаттары Қызылордада ХҚО-ның жұмысымен танысты

Kyzylorda-news.kz. Қызылорда облысы әкімінің грантына 9 санат бойынша үміткерлер тағайындалады. Бұл туралы Қызылорда облыстық жұмыспен қамту және әлеуметтік бағдарламалар басқармасының басшысы Талғат Дүйсебаев мәлімдеді.
Атап айтқанда:
1. Балалар үйінің тәрбиеленушілері (Отбасы үлгісіндегі балалар ауылы мекемесінің түлектері)
2. Мүгедектігі бар балалар;
3. Жетім балалар;
4. Ата-анасының қамқорлығынсыз қалған балалар;
5. Асыраушысынан айырылған отбасылардың балалары;
6. Ата-анасының екеуі немесе біреуі зейнеткер болып табылатын, тұрмысы төмен отбасыларының балалары;
7. Ата-анасының екеуі немесе біреуі мүгедек болып табылатын балалар;
8. Көп балалы отбасылардың балалары;
9. Аз қамтылған отбасылардан шыққан балалар құжаттарын тапсыра алады. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Талғат Дүйсебаев мәлімдеді.
Сондай-ақ, әлеуметтік көмекті тағайындау үшін құжат қабылдау үстіміздегі жылдың 12-20 тамыз аралығында аудандар мен Қызылорда қалалық жұмыспен қамту, әлеуметтік бағдарламалар бөлімдерінде жүргізіледі. Тапсыратын құжаттар тізбесін осы бөлімдерден алады. Грантты тағайындау туралы шешімді конкурстық негізде жергілікті аудан және қала әкімдіктері жанынан құрылған арнайы комиссия қабылдайды.
<blockquote>
 «Ең басты шарт – балалар Ұлттық бірыңғай немесе кешенді тестілеуден кемінде 50 балл жинау қажет. Сондай-ақ, “Ауыл шаруашылығы”, “Ветеринарияға” –60 балл, “Педагогикаға” –70 балл, “Медицинаға” –65 балл болуы керек. Аталған санаттар бойынша әлеуметтік көмек тағайындау отбасының өткен тоқсандағы табыстарын ескере отырып жүргізіледі»,-деді Талғат Дүйсебаев.
</blockquote>
Оқу грантына байланысты сұрақтарыңыз болса, 8(7242) 27-01-11 телефонына хабарласуға болады.
<img src="https://kyzylorda-news.kz/wp-content/uploads/2020/08/fb_img_1597287327021.jpg" alt="" />

Қызылорда: Әкім грантына кім үміткер бола алады?

Kyzylorda-news.kz. Қызылордада көпбалалы және аз қамтылған отбасылардан шыққан білімге құштар балаларға облыс әкімінің 150 оқу гранты бөлінді. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Наурызбай Байқадамов мәлімдеді.
<blockquote>
 «Биыл аймақ басшысының қолдауымен бюджеттен 150 грант бөлінді. Атап айтқанда, Қорқыт ата атындағы Қызылорда мемлекеттік университетіне -70, Дәстүрлі өнер институтына-15, «Болашақ» университетіне -20, Қазақ ұлттық аграрлық университетіне-10, М.Оспанов атындағы Батыс Қазақстан мемлекеттік университетіне -30 грант. Бөлінген гранттар бойынша бакалавр академиялық дәрежесінде техникалық, ауыл шаруашылығы, білім, беру, өнер, әскери іс және қауіпсіздік , қызмет көрсету, ветеринария, медицина салаларының мамандары даярланатын болады», – деді Наурызбай Сейтқалиұлы.
</blockquote>
Брифингте Наурызбай Сейтқалиұлы аймақ басшысының гранты жастардың сапалы білім алуына жол ашатынын, олардың болашақта өңір дамуына өз үлестерін қосуға үлкен мүмкіндік екенін айтты.
<img src="https://kyzylorda-news.kz/wp-content/uploads/2020/08/fb_img_1597287053027.jpg" alt="" />

Қызылорда облысы әкімінің 150 оқу гранты бөлінді

Kyzylorda-news.kz. Бейсенбіде, солтүстік шығыста күн күркіреп, найзағай ойнайды, сонымен бірге нөсер жаңбыр жауады, бұршақ түсуі ықтимал, деп хабарлайды Қазгидромет.
Сондай-ақ республиканың кей жерлерінде жел күшейеді, оңтүстікте және оңтүстік батыста шаңды дауыл тұрады, солтүстік батыста – тұман.
Қарағанды, Павлодар, Ақмола облыстарының кей жерлерінде тұман түседі, дауыл, желдің жылдамдығы 15-20 м/с, бұршақ жаууы мүмкін.
Атырау, Батыс Қазақстан облыстарының күндіз кей жерлерінде жел 15-20 м/с күшейеді, бұршақ жаууы ықтимал, Атырау облысының күндіз кей жерлерінде шаңды дауыл тұрады.
Жамбыл, күндіз Алматы, түнде және таңертең Түркістан облыстарының кей жерлерінде жел тұрады, жылдамдығы – 15-20 м/с.
Қостанай, Солтүстік Қазақстан облыстарының кей жерлерінде тұман, желдің күшеюі 15-20 м/с күтіледі.
Шығыс Қазақстан облысының кей жерлерінде жел тұрады, жылдамдығы 15-20 м/с жетеді, күндіз бұршақ жаууы ықтимал.
Қызылорда, Түркістан облыстарының басым бөлігінде, Жамбыл, Алматы, Атырау облыстарының кей жерлерінде, Қарағанды облысының оңтүстігінде, Ақтөбе облысының оңтүстік-шығысында төтенше өрт қаупі сақталады.

Бейсенбіге арналған ауа райы болжамы

<a href="https://kyzylorda-news.kz/date/2020/08/12/">Kyzylorda-news.kz.</a> Тәуелсіз ел болып, іргеміз нығая бастаған шақта халқымыздың болашағы үшін ұлттық тұтастығымызды сақтап қалу мәселесі туындады. Қазақстанның кең байтақ территориясы ежелгі Тұран даласын мекендеген түркі халықтары IX-ғасырдың басында ислам дінін қабылдады.
&nbsp;&nbsp;&nbsp;&nbsp;&nbsp; Қазақ даласына ислам діні келгенге дейін де ата-бабаларымыз яғни көнедегі түркілердің діни дүниетанымы монотейстік (бірқұдайлық) бағытта болды. Тәңір ұғымы сонау Күлтегін жырынан (684-731) бастау алады.
«Биікте көк тәңірі,
Төменде қара жер жаралғанда,
Екеуінің ортасында адам баласы жаралған»
деген жолдары түркілердің бір Аллаға сиынғандығын білдіреді. Исламның қазақ жерінде тез таралуының басты себебі де жалғыз Тәңір мен Алла ұғымдарының ұқсастығынан болса керек. Ислам дінінің келуімен Аллаға құлшылық ететін мешіттер мен қатар бала оқытатын медреселер салына бастады. Одан сауат ашқан шәкірттер арасынан кейіннен елге танымал болған атақты сопы, имам, ишан, ахун&nbsp; сонымен қатар елге белгілі ақын, шайыр, жырау-термешілерде көптеп шықты. Олар Алланың сөзі құран мен пайғамбар хадистерін, шариғаттың амалдарын жырға қосып, халықтың жүрегіне көркем сөзбен жыр жеткізе білді. Мысал келтірсек Қарахан дәуірінде өмір сүрген Жүсіп Баласағұн (XI-ғ) 6 мың 520 жолдан тұратын &nbsp;«Құтты білік» еңбегін:
«Алла атымен бастадым сөз әлібін,
Жарылқаған жаратқан бір тәңірім» деп бастайды. Сол кезеңнің ойшыл кемеңгері Махмуд Қашқари болса өзінің «Диуани-лұғат-ат-Турк» еңбегін: «Иа, Алла көп мінәжат етем саған.
Рахметіңді үміт етіп мен аңсағам.
Дәріптеуге өзіңді тіл жете ме,&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Тіл өнерін төгейін, жар бол маған.
&nbsp;Ұшқан құс жүгірген аң барлығы да,
&nbsp;Паш етер сені «бар» деп жөн бар соған!»деп бастайды. Одан берідегі бүкіл түркі жұртына әйгілі Қожа Ахмет Яссауи бабамыз да «Диуани хикмет» еңбегінде:
«Менің хикметтерім&nbsp; Алладан пәрмен,
Оқып ұққанға мағынасы бар құран.
Сүндет емес кәпір болса да, берме азар,
Көңілі қатты діл азардан Құдай безер
Ондай Құлға Құдайдың жазасы даяр,
Даналардан бұл сөзді естіп айттым міне.»-деген. Сүлеймен Бақырғани бұл дүниенің барлық бақ-дәулетінен де, атақ дәрежесінен де, ең жоғары киелі нәрсе – Алла жаратқан адамның ішкі жан дүниесі, «Құдайдың құлы болған» пенделердің биік мәртебесі деп біледі:
«Нәпсім айтты : бұл бес күндік өмірде,
Бәрін істе, не ой келсе көңілге.
Гүлстанның аралап қал бағын да,
Жеміс жинап пісіп тұрған шағында.
Рухым айтты: шариғаттың жолын бақ,
Ілімменен тариқаттың жолын тап.
Таңсәріде оянуды ұғынғын,
Он бесіңде жайнамазға жығылып.»
Қазақтың ұлы ағартушысы Ыбырай Алтынсарин де:
&nbsp;«Бір Аллаға сыйынып,&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Кел балар оқылық!» деп қазақ балаларын білімге шақырған еді. Қазақтың ұлы ақыны Абай Құнанбайұлының да имандылыққа шақырған өсиет өлеңдері ұшан теңіз.
«Кеше бала ең&nbsp; келдің ғой талай жасқа,
Көз жетті бір қалыпта тұра алмасқа.
Адамды сүй, Алланың&nbsp; хикметін сез,
Не қызық бар өмірде бұдан басқа?»-деп көкірегінде&nbsp; сәулесі бар&nbsp; жанға ой тастайды. Тіпті кешегі қылышынан&nbsp; қан&nbsp; тамған, «Құдай жоқ, дін апиын» деп ұрандатқан кеңестік дәуірде де&nbsp; Мұқағали атамыз:
«Дін&nbsp; ғылымның атасы,
Ғылым діннің баласы.
Қол қусырып Құдайға,
Ғылым мен дін бірге бар» &nbsp;
деп жасқанбай&nbsp; айтып кетті. Мұндай мысалдарды тізе берсек көптеп келтіруге болады. Иә, егемендік алғаннан бері қазақ&nbsp; халқының сана-сезімі, шынайы тарихы, діні мен ділі туралы зерттеулер қайта жаңғыртылуда. Кеңес кезеңінде репресияға ұшыраған әдебиетіміз қайта&nbsp; оралып&nbsp; жаңаша&nbsp; зерттеуді&nbsp; қажет етеді. Бүгінде «қазақта дін болмаған» деп ел ішіне ылаң салып жүрген деструктивті діни ағымдардың өкілдеріне ұлы ақындарымыздың осы жырлары бұлтартпас дәлел екені сөзсіз. Осы орайда ғасырлар қойнауынан бастау&nbsp; алатын&nbsp; рухани, әдеби, мәдени&nbsp; мұраларымызды&nbsp; дәріптеп, жас ұрпақтың санасына сәуле құя алсақ, онда олардың адаспасы анық.
Арыстанбек БАЙҚАБЫЛОВ,
Облыстық ішкі саясат басқармасының
Дін мәселелерін зерттеу орталығының маманы

Қазақ әдебиетіндегі ислам діні

Жаңа 17 депутат: Сенатқа кімдер сайланды?

<a href="https://kyzylorda-news.kz/date/2020/08/12/">Kyzylorda-news.kz.</a> Праймериз дегеніміз не? Оған кімдер қатысады?Негізгі мақсаты қандай? осы және өзге де сауалдарға бүгін «Nur Otan» партиясы Қызылорда облыстық филиалы төрағасының бірінші орынбасары Ләйлә Төрешова тікелей желіде жауап берді.
Партия филиалының фейсбук желісіндегі ресми парақшасы арқылы ұйымдастырылған тікелей желіде Ләйлә Төрешова алдымен тұрғындарға 17 тамыз бен 3 қазан аралағында өткелі отырған «Nur Otan» партиясының праймеризін өткізу тәртібі мен негізігі ережелері жөнінде түсіндіріп берді.
<blockquote>
 “Еліміздің партиялық-саяси даму тарихында алғаш рет жалпы республикалық көлемде өткелі отырған праймериздің негізгі мақсаты – партиялық тізімдерді бәсекелі және айқын негізде қалыптастыру. Яғни, ҚР Парламенті Мәжілісіндегі және барлық деңгейдегі мәслихаттардағы тиімді депутаттық корпусты одан әрі қалыптастыру, партиялық желі бойынша ілгерілету, мемлекеттік органдардағы лауазымдарға ұсыну үшін бәсекелестік күрес негізінде нақты және мықты көшбасшыларды анықтау”,- деді Ләйлә Төрешова.
</blockquote>
<img src="https://kyzylorda-news.kz/wp-content/uploads/2020/08/2120f835-0247-4eb6-a700-b0eb553e8d54.jpg" alt="" />
Тікелей эфирді 100-ге жуық тұрғындар тамашалап, праймериз ережелеріне қатысты өздерін толғандырған сауалдарына жауап алды. 
Желі барысында праймеризге партия мүшесі еместер қатыса ала ма? Дауыс беру неше күн жүреді? Кімдер дауыс береді? Дебатқа міндетті түрде қатысу қажет пе? Интернеті жоқ елді мекендерде дауыс беру қалай өтеді? Қатысамын деген азаматтарға қандай талаптар қойылады?,- деген сауалдар тұрғындарды қызықтырды.

Қызылордада праймериз ережелері түсіндірілді

Kyzylorda–news.kz. БЖТ дегеніміз не, оның мөлшері қандай, қалай төлеу керек, біз өзін-өзі жұмыспен қамтыған азаматтардың міндетті әлеуметтік медициналық сақтандыру жүйесіне қатысуының ең өзекті мәселелерін талқылауға тырыстық.
БЖТ кім төлей алады?
Бірыңғай жиынтық төлемді жеке қосалқы шаруашылық қызметкерлері, отбасылық кәсіпорындардың ақы төленбейтін қызметкерлері және жыл сайынғы айналымы 1 175 АЕК-тен кем немесе жылына 3,2 млн. теңгеден кем қызметкерлері жоқ кәсіпкерлер төлей алады. Басқа жағдайда, бұл төлемді пайдалануға болмайды. Ел аумағында тұрақты тұратындарды және оралмандарды қоспағанда, шетелдіктер мен азаматтығы жоқ адамдар да жарналарды төлеушілер бола алмайды.&nbsp;
БЖТ-ны &nbsp;қандай мөлшерде және қайда төлейді?
Осы жылдың сәуір айында АЕК мөлшерінің ұлғаюына қарамастан, БЖТ мөлшері 1 АЕК немесе қалаларда тұратын жеке тұлғалар үшін – 2 651 теңге және басқа елді мекендерде тұратын жеке тұлғалар үшін – 0,5 АЕК немесе 1 326 теңге деңгейінде қалды. Салық кодексінің 775-бабына сәйкес БЖТ есептеу және төлеу тәртібі тиісті қаржы жылының 1 қаңтарына АЕК мөлшері негізінде белгіленеді. Төленген сома келесідей бөлінеді: 30% – зейнетақы қорына, 40% – ӘМС қорына, 20% – әлеуметтік сақтандыру қорына, 10% – табыс салығын төлеуге кетеді.
БТЖ төлемін әр түрлі жолдармен төлеуге болады – екінші деңгейлі банктер және олардың мобильді қосымшалары, «Халық банкі» терминалдары, KASSA 24, QIWI, медициналық мекемелердегі жедел төлем терминалдары, «Қазпошта» АҚ филиалдары, Kaspi.kz мобильдік қосымшасы арқылы.
БЖТ төлемегені немесе уақтылы төлемегені үшін айыппұлдар немесе өсімпұлдар бар ма?
Жоқ. Өзін-өзі жұмыспен қамтыған төлеушілер үшін айыппұл мен өсімпұл қарастырылмаған.
Егер сіз БЖТ-ны 1 шілдеге дейін төлемеген болсаңыз, өткен 6 ай үшін төлеуіңіз керек пе?
Иә. Жеңілдік кезеңі алдымен 31 наурызға дейін жарамды болды, содан кейін 1 шілдеге дейін төлемдерді кейінге қалдыру ғана болды, бірақ оларды төлеу бойынша міндеттемелерді жоймады. Осылайша, «МӘМС туралы» Заңның 5-бабының 3-тармағына сәйкес, қорға аударымдар және (немесе) жарналар төленбеген тұлғалар міндетті әлеуметтік медициналық сақтандыру жүйесінде медициналық көмек алу құқығын алу үшін қорға төленбеген кезең үшін, бірақ төлеу күнінің алдындағы он екі айдан аспайтын мерзімде жарналарды төлеуге міндетті.Сондықтан МӘМС пакетін пайдалану мүмкіндігі болу үшін сізге 1 қаңтардан бастап 2125 теңге мөлшерінде дербес төлеуші ретінде төлем жасау қажет.
Сіз БЖТ төледіңіз, бірақ МӘМС жүйесіндегі мәртебе «сақтандырылмаған» болып шығады. Неге және не істеу керек?&nbsp;
Егер сіз БЖТ үшін алғаш рет төлеген болсаңыз немесе салыстырмалы түрде жақында төлей бастасаңыз, бірыңғай ақпараттық жүйе 2020 жылдың қаңтарынан бастап алдыңғы айлар үшін жарналарды төлегенге дейін «сақтандырылмаған»&nbsp; мәртебесін береді. Яғни, міндетті әлеуметтік медициналық сақтандыру жүйесі жұмыс істей бастаған сәттен бастап.
Егер сіз БЖТ-ны жыл басынан бастап үзіліссіз ай сайын төлесеңіз, бірақ бұл ретте сізде «сақтандырылмаған»&nbsp;&nbsp; мәртебесі болса, Халыққа қызмет көрсету орталығында («Азаматтарға арналған үкімет» мемлекеттік корпорациясы) төлем өткендігін нақтылау қажет. Көбінесе жарналар төлеу кезінде қате көрсетілген деректер себеп болады. Болмаса, Әлеуметтік медициналық сақтандыру қорының бірыңғай байланыс орталығына жүгінуіңіз немесе өтінімді Qoldau 24/7 мобильді қосымшасына жолдауыңыз немесе өз өңіріңіздегі қордың филиалына жүгінуіңіз қажет. Әрбір жағдай себептері әртүрлі болғандықтан,&nbsp; жеке қарастырылады. Каждый случай рассматривается в индивидуальном порядке.&nbsp;
БЖТ-ны бірнеше ай бұрын алдын ала төлеуге бола ма?
Жеке тұлғалар бірыңғай жиынтық төлемді төлеушілер болып танылады және төлем жүргізілген күннен бастап және бірыңғай жиынтық төлемді төлеу жүргізілген айдың соңғы күніне дейін «сақтандырылмаған» мәртебесін алады. Сондықтан төлемді уақтылы және ай сайын жүргізу қажет. Алайда, мүмкін болса және төлеушінің қалауы бойынша келесі айлар үшін төлемдер жасауға рұқсат етіледі.
Егер сіз сақтандырылмаған болсаңыз да, сіз мемлекет кепілдік берген тегін медициналық көмек пакетінде медициналық көмекке құқығыңыз бар екенін есте ұстаған жөн. Учаскелік дәрігер, педиатр, жалпы практика дәрігері мамандарының қабылдауы, дәрігерді үйге шақыру, жедел жәрдем, емхана мен стационар деңгейіндегі шұғыл көмек, әлеуметтік маңызы бар, жұқпалы ауруларды, онкологиялық ауруларды емдеу осы пакетке кіреді және сақтандырылған мәртебесіне қарамастан барлығына көрсетіледі.
<img src="https://kyzylorda-news.kz/wp-content/uploads/2020/08/esp-kaz.jpeg" alt="" />

МӘМС: БЖТ-ны  қандай мөлшерде және қайда төлейді?

<a href="https://kyzylorda-news.kz/date/2020/08/12/">Kyzylorda-news.kz.</a> Биыл аймақтағы елді мекендердің экологиялық жағдайын және суармалы сумен қамтамасыз етілуін жақсарту мақсатында 12 каналға су шаруашылығы жұмыстарын жүргізуге қаржы бөлінді. Бұл туралы Өңірлік коммуникациялар қызметінің ақпарат алаңында өткен брифингте облыстық табиғи ресурстар және табиғат пайдалануды реттеу басқармасының басшысы Бауыржан Шәменов мәлімдеді.
<blockquote>
 « Өңірде облыстық бюджеттен 8 каналға және «Жұмыспен қамтудың жол картасы-2020» бағдарламасы аясында 4 каналға қаржы қаралды. Бүгінгі күні, 4 каналдың тазалау жұмыстары аяқталды, ал қалған 8 каналға жөндеу жұмыстары жүргізілуде»,-деді Бауыржан Серікұлы.
</blockquote>
Брифингте сала басшысы полигон құрылысына дайын жобалары бар екенін айтты.
<blockquote>
 «Облыста мемлекеттік-жекешелік әріптестік аясында қалдықтарды сұрыптау кешені мен полигонның құрылысы аяқталды. Кешенде жылына 60 мың тонна қалдық сұрыпталады. Бұған қоса, облыста жыл басынан бері жинақталған 58,5 мың тонна қалдықтың 10,5 мың тоннасы өңделді»,-деді Бауыржан Серікұлы.
</blockquote>

Қызылордада тұрмыстық қалдықтарды сұрыптау кешенінің құрылысы аяқталды

<a href="https://kyzylorda-news.kz/date/2020/08/12/">Kyzylorda-news.kz.</a> Қазақстанда өткен тәулікте 691 адамда коронавирус расталды.
“Елде барлығы 100 855 адамда вирус анықталды. Өткен тәулікте 691 жаңа жағдай тіркелді.&nbsp;Оның ішінде 377 адам клиникалық белгілері жоқ тасымалдаушы”, – делінген ведомствоаралық комиссияның ақпаратында.&nbsp;
Аймақтар бойынша (жалпы/симптомсыз):
<ul>
<li>Нұр-Сұлтан қаласы – 143 / 105</li>
<li>Алматы қаласы – 97 / 75</li>
<li>Шымкент қаласы – 7 / 1</li>
<li>Ақмола облысы – 50 / 27</li>
<li>Ақтөбе облысы – 16 / 6</li>
<li>Алматы облысы – 22 / 15</li>
<li>Атырау облысы – 21 / 18</li>
<li>Шығыс Қазақстан облысы – 75 / 26</li>
<li>Жамбыл облысы – 19 / 16</li>
<li>Батыс Қазақстан облысы – 45 / 20</li>
<li>Қарағанды облысы – 66 / 9</li>
<li>Қостанай облысы – 29 / 17</li>
<li>Қызылорда облысы – 9 / 6</li>
<li>Маңғыстау облысы – 15 / 11</li>
<li>Павлодар облысы – 26 / 8</li>
<li>Солтүстік Қазақстан облысы – 35 / 10</li>
<li>Түркістан облысы – 16 / 7.</li>
</ul>

Қызылордада бір тәулікте 9 адам COVID-19 жұқтырды

<a href="https://kyzylorda-news.kz/date/2020/08/12/">Kyzylorda-news.kz.</a> Қызылорда өңірінде «Жұмыспен қамтудың Жол картасы» бағдарламасы іске асып, сан түрлі салаларда күрделі және ағымдағы жөндеу жұмыстары жүруде. Құрылыс барысына жергілікті жердің азаматтары тартылып, өңірде 9 мыңнан аса азамат екі қолға бір күрек тапты. Бағдарлама толық аяқталғаннан кейін аймақта 452 тұрақты жұмыс орны сақталады.
Қазірде облыста 276 инфрақұрылымдық жоба іске асып жатыр. Жобаларды тиімді іске асыру үшін 36,9 млрд. теңге қаржы бөлініп, әлеумет үшін өзекті нысандар қайта жөнделуде. Бағдарлама 4 ірі бағыттағы салаларда қарқын алды. Атап айтқанда, әлеуметтік-мәдени нысандарды жөндеуге 12,3 млрд.теңге қаржы қаралды. Нәтижесінде, білім беру саласында 52 нысан, денсаулық сақтау бағытында 30 нысан, мәдениет саласында 22 нысан, спорт бағытында 21 ғимарат жөндеуден өтеді.
Ал, инженерлік-көліктік инфрақұрылым бағытында жөндеу жұмыстарына 14,5 млрд. теңге бөлініп, 62 жоба іске асады. Елді мекендерді аббаттандыру ісі де жанданады. Бұл бағытта 47 жоба қолға алынған.
Ауқымды бағдарлама негізінде тұрғын үй-коммуналдық нысандар да қайта жөндеуден өтуде. Айталық, 42 жобаның орындалуына 7,5 млрд.теңге қаржы қаралып, жұмыссыз жүрген 1127 еңбекпен қамтылды.
«Жол картасы» бағдарламасы арқылы қаржы алып, жұмыс істейтін мердігерлерге құрылыс обьектілеріне жергілікті жердің жұмыссыз азаматтарын тарту міндеттелген. Яғни әрбір мердігер ең кемінде ең төменгі айлық мөлшерінен екі есе жоғары жалақы беруі тиіс. Бұл карантин кезінде жұмыссыз қалған азаматтардың табысын жоғалтпауына ерекше мүмкіндік беріп отыр.

Қызылорда: Жол картасы аясында 452 тұрақты жұмыс орны сақталады

<a href="https://kyzylorda-news.kz/date/2020/08/12/">Kyzylorda-news.kz.</a> Мемлекеттік қызметке кіру үшін конкурстық рәсімдер жеңілдетілді. Атап айтқанда, конкурстық іріктеу 3 кезеңнен 2-ге қысқартылды. Яғни барлық мемлекеттік органдардың мемлекеттік қызметшілері арасындағы ішкі конкурс пен жалпы конкурс біріктірілді. Бұл туралы Өңірлік коммуникациялар қызметінің ақпарат алаңында өткен брифингте ҚР Мемлекеттік қызмет істері агенттігінің Қызылорда облысы бойынша департаменті басшысы Нұрман Талқанбаев мәлімдеді.
<blockquote>
 «Бос лауазымдарға орналасу конкурстарының барлық кезеңдерін өткізу үшін 50 жұмыс күніне дейін созылатын, ал қазір бұл рәсім 15 жұмыс күніне дейін қысқартылды. Сондай-ақ, «А» корпусының мемлекеттік әкімшілік қызметінің кадр резерві таратылады»,-деді Нұрман Бақбергенұлы.
</blockquote>
Бұған қоса, өңірде меритократия қағидаты іс жүзінде жүзеге асырылуда. Мәселен, жыл басынан бері ішкі конкурстардың нәтижесімен жұмысқа қабылданған 123 үміткердің 
89-ы, яғни 72,4 пайызы жоғары лауазымға тағайындалды.
Брифингте департамент басшысы ҚР кейбір заңнамалық актілеріне мемлекеттік қызмет мәселелері бойынша өзгерістер мен толықтырулар енгізілгенін айтты. Енгізілген өзгерістерге сәйкес, ендігі кезекте кенттер, ауылдық округтер әкімдері аппараттарының мемлекеттік қызметшілеріне «Дипломмен ауылға» бағдарламасының игілігін көру мүмкіндігі жасалды.

Қазақстан және Қызылорда облысының жаңалықтары