<a href="https://kyzylorda-news.kz/">Kyzylorda-news.kz.</a> Қазақстанда коронавирус жұқтырғандардың дені 20-25 жас аралығындағы жастар.&nbsp;
Бұл санатта 666 адамда COVID-19 расталып отыр, деп хабарлады&nbsp;<a href="https://www.ktk.kz/ru/news/video/2020/05/05/147466/">КТК телеарнасы.</a>
Оның айтуынша, соңғы бірнеше күнде бір тәулікте коронавирусқа шалдығудың жаңа жағдайлары 3 проценттен көп емес.
Сондай-ақ, министр COVID-19 жұқтырғандар скрининг кезінде анықталғанын айтты.
Соңғы ақпаратқа сәйкес, Қазақстанда 4 277 адамда коронавирус расталды. Науқастардың саны Алматы (1 392 адам) мен астана (754 адам) ең көп.
Өңірлер арасында әлі де ең көп жағдай Қызылорда облысында тіркелген. Облыста 216 адам індетке шалдықты.

Қазақстанда коронавирусты жастардың жиі жұқтыратыны белгілі болды

<a href="https://kyzylorda-news.kz/">Kyzylorda-news.kz.</a> Ресей вирусологы мен медицина ғылымдарының докторы Анатолий Альштейн коронавирусты үйде жұқтыруға болатынын жоққа шығармайды, деп хабарлайды&nbsp;<a href="https://stan.kz/">Stan.kz</a>.&nbsp;
Маман вирусты тамақ немесе су арқылы “ұстап тұру”&nbsp;мүмкіндігіне назар аударды. Оның айтуынша, бұл жағдайда ауру ішек инфекциясы ретінде дамиды.
<blockquote>
 «Қайнаған суды пайдалану, жеміс-жидектерді, көкөністерді жуу, тағамдарды термиялық өңдеуден кейін жеу – ішек инфекцияларының алдын-алу үшін әдеттегі қорғаныс шаралары», – деп атап өтті профессор Альштейн.
</blockquote>
Вирусолог коронавируст&nbsp;жұқтыру ықтималдығын төмен деңгейде бағалады. Сонымен қатар, Альштейн инфекцияның ықтимал көзі болуы мүмкін адамдармен қарым-қатынас кезінде жұқтыру қаупін азайтуға көмектесетін&nbsp;кеңестер берді.
<blockquote>
 «Ол үшін масканы пайдалану керек, қолды үнемі жуып, барынша қашықтықты, яғни басқа адамнан кем дегенде екі метр қашықтықта болуға тырысу керек», – деді сарапшы.
</blockquote>
Анатолий Альштайн вирус бөлшектері орналасатын заттардың бетін үнемі сүртуге кеңес береді.

Вирусолог үйде коронавирус жұқтыру қаупі туралы айтты

<a href="https://kyzylorda-news.kz/">Kyzylorda-news.kz.</a> «Nur Otan» партиясы облыстық филиалының алаңында және партия филиалының фейсбук әлеуметтік желісіндегі ресми парақшасы арқылы ұйымдастырлған тікелей эфирге облыстық жұмыспен қамтуды үйлестіру және әлеуметтік бағдарламалар басқармасының басшысы Талғат Дүйсебаев, облыстық энергиетика және тұрғын үй- коммуналдық шарушылығы басқармасының басшысы Медет Усаин, Қызылорда қаласы әкімі аппаратының электронды әкімдікті дамыту және мемлекеттік қызметтердің мониторингі бөлімінің басшысы Индира Ақжігітовалар қатысты.&nbsp;
Тікелей эфирге облыстық партия филиалы төрағасының бірінші орынбасары Ақмарал Әлназарова өзі модераторлық етіп, тұрғындардар келіп түскен сауалдарға қатысты тиісті сала басшыларының жауап беруін жүргізді.
1 сағаттан астам уақытқа созылған онлайн пікірлесу барысында тұрғындардан 500-ге жуық сауалдар түсті. Олардың басым бөлігі коммуналдық төлемдерге арлаған 15 мың теңге көлемінде болды. Мамандар мүмкіндігінше біраз сауалдарға нақты жауаптар берді. Кейбір сауалдар қайталанып та жатты. Дегенмен, облыстық партия филиалы төрағасының бірінші орынбасары Ақмарал Әлназарова тікелей эфир және онан кейінгі желіде қойылған сауалдардың барлығы партиялық бақылауға алынып, тиісті жауап берілетіндігін жеткізді.
Атап өту керек, бұл 15 мың теңге қаржылай көмек тікелей коммуналдық төлемдерге аударылады және бүгіннен бастап қала тұрғындары үшін&nbsp; 40 07 00 саІІ орталығы сондай-ақ, 15.epd.kz сайты арқылы өтініштерді қабылдау жұмыстарын бастады.
<img src="https://kyzylorda-news.kz/wp-content/uploads/2020/05/nwr-otan-tikelej-jefir-kaz-2-1.jpeg" alt="" />
<img src="https://kyzylorda-news.kz/wp-content/uploads/2020/05/nwr-otan-tikelej-jefir-kaz-3.jpeg" alt="" />

Қызылордалық тұрғындар 15 мың теңге коммуналдық  төлемдерге қатысты сауалдарға тікелей эфир арқылы жауап алды

<a href="https://kyzylorda-news.kz/">Kyzylorda-news.kz.</a> Қызылордалық құтқарушылар Түркістан облысындағы топан су басқан Мақтаарал өңіріне көмекке аттанды, деп хабарлайды ҚазАқпарат.
Қызылордалық жедел-құтқару жасағының құтқарушылары осылайша түркістандық әріптестеріне қол ұшын созады. Оған облыстық төтенше жағдайлар департаментінің бастығы Омар Бержанов және өрт сөндіру қызметінің бастығы Нұрсұлтан Ибрагимов басшылық жасайтын болады. Одан бөлек облыс гарнизонынан өрт сөндірушілер де оңтүстік аймаққа құрал-саймандармен және қосалқы мүліктермен жолға шықты. Топтың автономды түрде жұмыс жүргізу үшін 14 тәулікке негізделген азық-түлік және жанар-жағармай қоры тағы бар.
<blockquote>
 «Бүгінде департамент басшылығы су тасқыны қаупі бар аймақдағы әріптестерімен тығыз байланыста отыр. Олардың мәлімдемесі бойынша, жергілікті атқарушы органдар мен мүдделі мемлекеттік органдар су тасқынын болдырмауға және халыққа көмек көрсетуге бағытталған іс-шаралар кешені жүргізіп жатыр. Мақтарал өңіріне төтенше жағдайлар департаментінің 45 қызметкері 7 автокөлік пен 10 су сору мотопомпа мен 4 моторлы қайықпен аттанып кетті», – деп мәлім етті Қызылорда облысы төтенше жағдайлар департаментінің өрт сөндіру және авариялық құтқару қызметі.
</blockquote>

Қызылордалық құтқарушылар Мақтаарал өңіріне аттанды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 222 адамға жетті. Соңғы тәулікте жаңадан анықталған 5 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 222 жағдай тіркелді. Соңғы тәулікте жаңадан 5 жағдай анықталды. Науқастардың барлығы – Қызылорда қаласынан. Оның төртеуі – бұрын анықталған науқастармен тікелей қарым-қатынаста болып, карантиндік бақылауға алынғандардың арасынан тіркелді. Ал, біреуі – облысымызда жүргізіліп жатқан медицина қызметкерлерін скринингтік тексеруден өткізу барысында белгілі болды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 222 науқаспен байланыста болғандардың жалпы саны – 3242.&nbsp;Оның ішінде, жақын қарым-қатынаста болғандар саны – 1746, потенциалды байланыста болғандар – 1496 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 82, правизорлық стационарда – 27, карантиндік стационарда – 348 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 553 тест сынамасы жасалыпты.
<blockquote>
 «Соңғы тәулікте 553 тест сынамасы жасалды. Оның 543 – теріс мәнді болып шықты. Бесеуі оң нәтиже берді. Ал, 5 – әлі тексерілу үстінде. Бүгінде облысымызда 5000 тест сынамасының қоры қалды», – деді ол.
</blockquote>
Айта кетейік, бүған дейін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-222-ge-zhetti-60545/">222 адамға жеткенін</a>&nbsp;хабарлаған болатынбыз.

COVID-19: Қызылорда қаласында індет жұқтырған науқастар саны өсуде

<a href="https://kyzylorda-news.kz/">Kyzylorda-news.kz.</a> Қазалы ауданында қасиетті Рамазан айында қайырымды жандардың көмегімен баспанаға мұқтаж отбасыларға арнап екі тұрғын үй салынып жатыр. Оның бірі Қазалы қаласындағы жалғызбасты әкенің баспанасы болса, енді бірі Қ.Пірімов ауылындағы Науханбаевтардың тұрғын үйі.
Осыдан бірнеше күн бұрын қазалылық жас кәсіпкерлер Мархаббат Асанова мен Мерей Айекешова өздерінің әлеуметтік желідегі парақшаларында Қазалы қаласында тұратын жалғызбасты әкенің баспанасы құлау қаупінде тұрғанын айтып, қайырымды жандарды көмек көрсетуге шақырған болатын. Дәл осындай хабарландыру бергеннен кейін бұл баспана қатты жауған жаңбырдың әсерінен құлап, адам тұруға жарамсыз болып қалды.
Бүгінде қасиетті Рамазан айында көмек көрсетем деушілер үшін көрсетілген есепшотқа түскен қаржымен тұрғын үйдің іргетасы құйылды. Бұл игілікті іске Қазалы қаласының белсенді азаматтары мен жастары өздерінің лайықты үлестерін қосуда. Амандық болса ертеңнен бастап үйдің қабырғасы қаланатын болады.
Одан бөлек қала жастары өздерінің күшімен жалғызбасты әкенің ауласын қоршап, темір қақпа орнатып жатыр.
Қ.Пірімов ауылындағы Орысбай Науханбаевтың да баспанасын көктемде жауған толассыз жаңбырдан кейін су басып қалған. Осыны көрген ауыл тұрғындары «бір жағадан бас, бір жеңнен қол» шығарып, ерлі-зайыпты Орысбай мен Күнімкүл Науханбаевтарға үй салып береміз деп шешті.
Қазіргі таңда ауыл жастарының демеушілігімен үйдің іргетасы құйылып, қабырғасы қаланып тұр. Енді қайырымды жандар өз күштерімен үйдің төбесін жауып, шатыр орнатпақшы.
<img src="https://kyzylorda-news.kz/wp-content/uploads/2020/05/02-9.jpg" alt="" />
<img src="https://kyzylorda-news.kz/wp-content/uploads/2020/05/03-6.jpg" alt="" />

Қазалыда баспанаға мұқтаж 2 отбасыға үй салынуда (ФОТО)

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында коронавирустық инфекция жұқтырған тағы 5 науқас тіркелді.
6 мамыр 09:00-дегі&nbsp;мәлімет бойынша қауіпті індетке шалдыққан 5 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 222 адамға жетті.

Қызылорда облысында қауіпті індет жұқтырғандар саны 222-ге жетті

<a href="https://kyzylorda-news.kz/">Kyzylorda-news.kz.</a> Сәрсенбі елімізде күн райы ашық болады, алайда жел күшейеді, деп хабарлайды Қазгидромет.
6 мамырда Қазақстанның басым бөлігінде антициклон әсерінен күн райы ашық болады. Республиканың батыс, оңтүстік және шығысында атмосфералық ағындардың өтуіне байланысты кей жерлерде жаңбыр, оңтүстікте қатты нөсер, шығыста түнде жауын-шашын жауады. Кей жерлерде найзағай жарқылдап, жел күшейеді. Оңтүстікте дауыл, шаңды дауыл күтіледі, бұршақ жаууы ықтимал, солтүстікте түнде және таңертен тұман түсуі мүмкін.
Қызылорда облысының кей жерлерінде шаңды дауыл соғады, желдің жылдамдығы 15-20 м/с жетеді. Күндіз кей жерлерде найзағай жарқылдайды.

Ауа райы: Бүгін Қызылордада жел күшейіп, шаңды дауыл соғады

Халықаралық диетаға қарсы күн
Бұл күннің идеясы қоғамда қалыптасқан таптаурындардың жетегіне ермей, өз-өзін жаратылған қалыпта қабылдауға негізделген. Бұл күн салауатты өмір салтын насихаттауға арналған. Алғаш рет Халықаралық диетаға қарсы күн 1992 жылы Ұлыбританияда аталып өтті. Кейін бұл бастаманы АҚШ, Канада, Аустралия, Жаңа Зеландия, Үндістан, Израиль, Дания, Бразилия және басқа елдердің феминизмді жақтаушылары қолдады.
1998 жылы&nbsp;Президент Жарлығымен Қазақстан Республикасының астанасы – Ақмола қаласының атауы Астана қаласы болып өзгеріп, «Сарыарқа» және «Алматы» аудандары құрылды.
2003 жылы&nbsp;Астанада ҚР Президенті Н.Назарбаевтың қатысуымен «Думан» ойын-сауық кешенінің ашылу салтанаты өтті.
2003 жылы&nbsp;Астанада «Халықтар достығы» ескерткіші ашылды. Авторы – Сәкен Нарынов.
2015 жылы&nbsp;Жеңістің 70 жылдығына арналған үш маркадан құрылған пошталық блок пайдалануға енгізілді. «Естелік және мерейтойлық даталар» топтамасындағы әрбір марканың атаулы құны 200 теңгені құрайды.
1936 жылы&nbsp;6 мамырда жазушы, композитор, өнер зерттеушісі, Қазақстанның және Қырғызстанның еңбек сіңірген мәдениет қызметкері Ілия Жақанов дүниеге келді.

6 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 6 мамырға арналған жұлдыз-жорамалы.
Тоқты
Өзіңізге демалыс жариялап, барлығынан тынығыңыз. Сонымен қатар әрбір сөзіңізді ойланып сөйлеңіз, әрекеттеріңізге де абай болыңыз. Сондай-ақ тұрмыстық мәселелерді шешуге кірісіңіз.
Торпақ
Бүгін айналадағы адамдардың бәріне қамқорлық танытып, көмектесесіз. Бұл ісіңізге өзіңіз де дән риза боласыз. Сондай-ақ бүгін сүйіктіңіз сізге деген сезімін дәлелдейді.
Егіздер
Бизнес пен мансап үшін өте қолайлы күн. Бірақ қара жұмыс немесе техникамен жұмыс істесеңіз, сақ болыңыз. Қай істі қолға алсаңызда абай болыңыз. Бүгін сізге көп ақша жұмсауға болмайды.
Шаян
Жаныңыз өзгеріс қалайды, бірақ нені өзгертуді қалайтыныңызды өзіңіз де білмейсіз. Сондықтан жаңа зат сатып алыңыз, жаңа фильм көріңіз де сабаңызға түсіңіз. Түбегейлі өзгерістер үшін әлі ерте.
Арыстан
Бастаған істерді аяқтайтын уақыт келді. Бұрынғы шаруаларды қазір аяқтамасаңыз, кейін көп жұмыстың астында қаласыз. Күтпеген жерден жоспарларыңыз бұзылуы мүмкін. Қиындықтарға мойымауға тырысыңыз.
Бикеш
Іскерлік байланыстарды нығайту үшін қолайлы күн. Бұрынғы серіктеріңіз жұмыстарыңызды жандандыруға ұсыныс жасауы мүмкін. Бұл ұсыныстардан бас тартпаңыз.
Таразы
Бүгін қаржылық және тұрғын үй мәселелерін шешумен айналысқан дұрыс. Көптен ойға алған ісіңізді тез арада жүзеге асырыңыз. Егер сапарға шығуды жоспарлап отырсаңыз, ол сәтті өтеді.
Сарышаян
Сіз үшін өте қолайлы күн. Қолға алған ісіңіздің барлығы жүзеге асып, жолыңыз болады. Көтеріңкі көңіл-күй өмірдің барлық саласында жетістікке жетуге көмектеседі.
Мерген
Арандатушылардың жетегіне ермеңіз. Олар сіздің қазіргі күнгі жетістіктеріңізге қызғанышпен қарайды. Сондықтан жақсылыққа жетелемейді. Сонымен қатар бүгін жаңа іс бастамай, бұрынғы шаруаларды аяқтаңыз.
Тауешкі
Жақындарыңызбен сөйлескен кезде сын айтпауға тырысыңыз. Бүгін өзіңізбен өзіңіз болғаныңыз дұрыс. Шығынға батуыңыз мүмкін, сондықтан қымбат заттар алмаңыз. Үнемшіл болыңыз.
Суқұйғыш
Бүгін тек оптимистердің жолы болады. Соныдықтан белсенділік танытып, өмірге құштар болыңыз. Ақшаңызды жинауды көздесеңіз, оны банкке салыңыз. Бірақ бұл жұмысты бүгін істемегеніңіз дұрыс.
Балықтар
Бүгін жүрек-қантамыр жүйесіне назар аударып, көбірек тынығуға тырысыңыз. Жалпы, денсаулығыңызды күтіңіз. Сондай-ақ бүгін қымбат заттар алуға болмайды. Ұсақ-түйек заттардың өзі сізге қуаныш сыйлайды.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Екінші дүниежүзілік соғыс ардагерлерін 9 мамыр күні Жеңіс мерекесімен қалай құттықтау жоспарланып отыр? Бұл сұраққа ОКҚ-да өткен баспасөз мәслихатында ҚР Еңбек және халықты әлеуметтік қорғау вице-министрі Ерлан Әукенов жауап берді.
<blockquote>
 «Жергілікті атқарушы органдар карантин шараларын барынша қатаң сақтап, жұмыс жүргізеді. 9 мамыр мерекесінің маңызы зор. Осыған байланысты Мемлекет басшысының атынан соғыс ардагерлерінің бәріне мерекелік медальдар мен құттықтау сыйы тапсырылады. Сонымен қатар ардагерлерге азық-түлік кәрзеңкесі де сыйға беріледі», – деді Ерлан Әукенов тілшілердің сұрағына берген жауабында.
</blockquote>

Соғыс ардагерлерінің бәріне Президент атынан сый тапсырылады

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Елжан Біртанов өзінің&nbsp;<a href="https://www.facebook.com/byelzhan">Facebook</a>&nbsp;парақшасында электронды темекі шегетіндерде коронавирус пневмониясы ауыр жағдайда өтетіні және өлім қаупі жоғары болатынын беделді ғылыми басылымдарға сілтеме жасап жариялады, деп хабарлайды <a href="https://lenta.inform.kz/kz/shylym-shegu-koronavirus-zhuktyryp-alu-kaupin-arttyrady-elzhan-birtanov_a3646420">ҚазАқпарат.</a>
SARS-CoV-2 вирусы тудырған COVID-19 коронавирус инфекциясының әлемде кең тарап жатқанына байланысты темекі шегудің зияны мен тіпті кейбір дәлелденбеген пайдасы туралы да пікірталастар өршіп тұр.
Ғылыми дерек пен сарапшылардың пікіріне назар салып көрейік.
Британ Медициналық журналының (BMJ) сарапшылары қарапайым және электронды шылым шегетіндерге қаншалықты қауіп төніп тұрғаны туралы пікірмен бөлісті.
COVID-19 науқастың тыныс алу жолдарын қиындататын ауру. Ғылыми деректердің көпшілігі вирустың ағзаға еніп, бөлінуі дәл осы тыныс алу жолдарында болатынын айтады. Індетті жұқтырып алу, оның күрделі болуы және өлімге әкеп соғуына шылым шегудің қандай әсері бар екені әлі толық зерттелмеген, себебі мұндай зерттеу жүргізу ұзақ уақытты алады. Дегенмен, 2009 жылы осыған ұқсас респираторлық-синцитиальді (жасушалы) вирусты зерттеу кезінде темекі түтіні инфекцияның берілу жылдамдығын арттыратынын және тыныс жолдары вирустық инфекциясының қиындық тудыратынын дәлелдеді.
Кейбір ғылыми зерттеулер COVID-19 жұқтырғандар арасында шылым шегу өлім қаупін жоғарылатып, қарқынды терапия немесе өкпені жасанды желдетуді қажет ететінін айтады. Індетпен алғаш боп күрескен қытайлық медицина қызметкерлері зерттеулерінде COVID-19 індетіне шалдыққан темекі шегетін адамдардың 12,4%-ы қайтыс болғанын немесе қарқынды терапия немесе өкпеге жасанды желдетуді қажет еткенін, ал мүлдем шылым шекпеген адамдардың 4,7%-ы ғана өмірден өткенін көрсетті.
Одан бөлек, адам қолымен ұстап тұрған темекіні ерніне жиі тигізуі вирус жұқтыру қаупін жоғарылатады.
CBC News америкалық сарапшылардың пікірін ұсынып, шылым шегу барлық жағдайда өкпенің қызметін нашарлататынын айтты. Ал өкпе жұмысына қауіп төндіретін әрекеттің барлығы коронавирус немесе басқа да вирустарды жұқтырып алу қаупін арттырады. Шылым шегу ағзаның инфекциямен күресуге қабілетін төмендететіні факт.

Қазақстан және Қызылорда облысының жаңалықтары