<a href="https://kyzylorda-news.kz/">Kyzylorda-news.kz</a>. Елімізде енгізілген төтенше жағдай талаптарының сақталуын қамтамасыз ету мақсатында облыс бойынша жүргізілген рейдтер барысында төтенше жағдай талаптарын бұзудың 678 дерегі анықталды.
Соңғы тәулік ішінде 500-ге жуық мекеме мен ойын-сауық орындары тексеріліп, 71 құқық бұзушылық анықталды.
Қызылорда облысының мамандандырылған әкімшілік сотымен 414 әкімшілік іс қаралып, 213 тұлғаға айыппұл салынса, 149 тұлға әкімшілік қамауға алынып, 51 тұлғаға ескерту берілді.
Көрінеу жалған ақпарат таратылған 11 дерек анықталып, олар бойынша Қазақстан Республикасы Қылмыстық кодекстің 274-бабы 4-бөлігімен сотқа дейінгі тергеп тексеру жұмыстары жүргізіліп, 2 қылмыстық іс сотқа жолданды.
Сонымен қатар, облыс бойынша 35 бекет қойылды. Облыс аумағына кіретін автожолдарда азаматтарды медициналық тексеруден өткізу мақсатында 3 санитарлық-өткізу бекеттері жұмыс атқаруда.
<blockquote>
 «Бүгінгі таңда Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда. Біздің мақсатымыз – қылмыстық әрекеттердің алдын алу және тұрғындар арасында түсіндіру жұмыстарын жүргізіп, оларды ескерту. Алайда, Төтенше жағдай режимі кезінде ескертулерге құлақ аспай, талаптарды бұзған азаматтарға заң шеңберінде шаралар көрілуде. Әкімшілік жазаға тартылғандардың билік өкілдеріне бағынбай, дөрекілік таныту 2 дерегі орын алды», – деп хабарлады Қызылорда облыстық Полиция департаментінің баспасөз қызметі.
</blockquote>
Мәселен,13 сәуір күні Қызылорда қалалық Полиция басқармасының ғимаратында соттың қаралуын күтіп отырған азаматтардың бірі қызметтік міндетін атқарып тұрған полиция қызметкерінің ескертуін елемей, тіл тигізіп, балағаттаған. Дәл осындай оқиға Жалағаш ауданында орын алған.
Бүгінгі таңда бұл деректер бойынша Қазақстан Республикасы Қылмыстық кодексінің 378-бабы бойынша (Билік өкілін қорлау) сотқа дейінгі тергеп – тексеру амалдары жүргізілуде. Күдіктілерге қатысты ешқайда кетпеу туралы қолхат түріндегі бұлтартпау шарасы қолданылды.
Егер күдіктілердің кінәсі дәлелденсе бір жүз алпыс айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не бір жүз алпыс сағатқа дейiнгi мерзiмге қоғамдық жұмыстарға тартуға не қырық тәулікке дейінгі мерзімге қамаққа алуға жазаланатын болады.

Қызылорда облысының тұрғындары карантин режимін бұзуды қояр емес

<a href="https://kyzylorda-news.kz/">Kyzylorda-news.kz.</a> Халықаралық конькимен сырғанау одағының нұсқасы бойынша үздік конькишілердің жаңа рейтингі жарияланды. Рейтинг соңғы үш маусымды ескерді, ISU қол астындағы турнирлерде жиналған ұпай сандары есепке алынды.
Қазақстандық Элизабет Тұрсынбаева 1428 ұпай жинап, 20-орынды қанағат тұтты. Жапондық Рики Кихира (4171) көш бастап тұр. Америкалық Брэдли Теннелл (3133) екінші орынға жайғасты. Ресейлік Анна Щербакова (2841) үздік үштікті түйіндеді.

Элизабет Тұрсынбаева үздік конькишілер рейтингінде 20-орынға жайғасты

<a href="https://kyzylorda-news.kz/">Kyzylorda-news.kz.</a> 19 сәуір күні сағат 16:00 шамасында Қызылорда қалалық Полиция басқармасының Жедел басқару орталығының инспекторы полиция лейтенанты Нұрлан Қарлыбаев және ҚР ІІМ-нің №5547 әскери бөліміндегі Ұлттық ұлан&nbsp; сарбаздары&nbsp; қатардағы Кирилл Лосицкий мен Нияз Дәулет қызмет атқару барысында Тәуелсіздік даңғылындағы көпқабатты тұрғын үйдің 2 қабатындағы балконнан қалың түтінді байқайды.
Олар шұғыл қызметке хабарлап, дереу пәтерге кіріп, тұрғындарды балаларымен бірге қауіпсіз жерге шығарады.&nbsp;
Сонан соң, өрт сөндірушілер келгенге дейін өртті сөндіруге кірісті. Полиция қызметкерлері мен сарбаздардың жедел шешім қабылдауының арқасында өрт салдарынан зардап шеккендер жоқ. Мән-жайларды анықтау үшін оқиға орнына жедел-тергеу тобы шақырылды. Қазіргі уақытта оқиғаның мән-жайлары анықталуда.
Үй тұрғындары болса, ойланбастан көмекке келіп, оларды аман алып қалған тәртіп сақшылары мен сарбаздарға алғыстарын жаудырды.
<img src="https://kyzylorda-news.kz/wp-content/uploads/2020/04/200421124458892e.jpg" alt="" />

Қызылордалық полицейлер мен Ұлттық ұлан  сарбаздары  тұрғындарды өрттен құтқарды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 151 адамға жетті. Бүгін соңғы тәулікте жаңадан анықталған 2 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 151 жағдай тіркелді. Соңғы тәулікте жаңадан 2 жағдай анықталды. Оның біреуі – Қызылорда қаласынан. Аталған қала тұрғыны дәрі-дәрмекке аллергия беруіне байланысты жедел-жәрдем шақырып, көпбейінді ауруханаға жеткізілген. Сол жерде коронавирустық инфекцияға сынама тест алынып, ол оң нәтиже берді. Ал, екінші науқас – Сырдария ауданының Амангелді ауылынан. Ол ауылдағы дәрігерлік амбулаторияда техникалық қызметкер болып жұмыс жасаған. Ол осы індетке шалдыққан науқаспен тікелей қарым-қатынаста болмаған. Қазіргі таңда облыстағы барлық медицина қызметкерлерін осы қауіпті індетке байланысты тексеруден өткізіп жатырмын. Екінші науқас осы тексеру кезінде анықталды. Бұрын денсаулығына шағымы болмаған», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 151 науқаспен байланыста болғандардың жалпы саны – 2185.&nbsp;Оның ішінде, жақын қарым-қатынаста болғандар саны – 1150, потенциалды байланыста болғандар – 1035 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 126, правизорлық стационарда – 65, карантиндік стационарда – 554 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 939 тест сынамасы алыныпты.
<blockquote>
 «Соңғы тәулікте 939 тест сынамасы жасалды. Оның 361 – теріс мәнді болып шықты. Екеуінен коронавирустық инфекция анықталды. Ал, 576 – әлі тексерілу үстінде. Бүгінгі таңда облыс бойынша 7900 тест сынамасы қалды», – деді ол.
</blockquote>
Сондай-ақ, басқарма басшысы өңірде медицина мамандары коронавирустық инфекцияны анықтаудың белсенді сатысына көшкендігін мәлімдеді. Сондықтан, ЖРВИ, пневмания белгілері бар науқастардан бөлек, медицина мекемелерінің барлық қызметкерлері тексеруден өтеді.
<blockquote>
 «Біз бүгінде коронавирустық инфекцияны анықтаудың белсенді сатысына көштік. Осыған байланысты тексерілетін мақсатты топтардың тізімі жасалды. Олар – ЖРВИ, пневмония белгілері бар тұрғындар мен медицина мекемелерінің қызметкерлері. Аталған аурур белгілері бар науқастар дәрігерлерге жүгінуі керек. Сондай-ақ, өңірімізге Қазақстанның өзге өңірлерінен келушілер легі азаймай отыр. Ол кісілер де тұрғылықты жері бойынша медицина мамандарына хабарласып, міндетті түрде бақылауды болуы керек», – деді Ж. Әбілқасымұлы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-qawipti-indet-zhuqtyrghandar-sany-151-boldy-57682/">151 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 24, Жаңақорған ауданында – 30, Қармақшыда – 4, Шиеліде – 61, Сырдарияда – 26, Арал – 4, Қазалы ауданында – 2 жағдай тіркеліп отыр.

COVID-19: Дәрі-дәрмекке аллергиясы бар қала тұрғынынан індет анықталды

<a href="https://kyzylorda-news.kz/">Kyzylorda-news.kz</a>. Осы жылдың 4 сәуірінде сауда, ауыл шаруашылығы және Ұлттық экономика&nbsp; министрліктері Төтенше жағдай кезінде әлеуметтік маңызы бар 9 түрлі азық-түлік тауарларының&nbsp; шекті&nbsp; сауда бағасын енгізу туралы бірлескен бұйрығына қол қойған болатын.
«Nur Otan» партиясының&nbsp; Қызылорда облыстық филиалы мүдделі органдармен бірлесе отырып, аталған азық-түлік бағаларына&nbsp; шекті бағаны көтерудің жолын кесу мақсатында Telegram желісінде арнайы қондырғы ботты іске қосты.
Бот&nbsp; тұтынушылар үшін белгіленген шекті бағаларды мониторингтеуге тікелей қатысуға мүмкіндік береді.
Егер Сіз дүкендердің шекті бағаны көтергенін көрсеңіз, мына сілтемеге өтіп https://t.me/Qyzylorda_bot. тілді таңдап, жоғары баға көрсетілген чекті (құнын көрсетіп), сауда нүктесінің&nbsp; атауы, нақты күні, орналасқан&nbsp; жері туралы нақты ақпараттарды жүктесеңіз болады.
Келіп түскен материалдар деру құзырлы органдарға жеткізіледі.

Қызылордада азық-түлік тауарларын бекітілген бағадан қымбатқа сатып алсаңыз, қайда жүгінуге болады?

<a href="https://kyzylorda-news.kz/">Kyzylorda-news.kz</a>. Қазгидромет 21 сәуірге арналған ауа райы болжамын ұсынады.
Қазақстанның басым бөлігіне антициклон ықпалы әсер етіп, соған байланысты жауын-шашынсыз ауа райы күтіледі. Циклонның әсерінен елдің батысы, солтүстік-батысы және қиыр солтүстігінің кей жерлерінде жаңбыр жауады, найзағай күтіледі.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында коронавирустық инфекцияны жұқтырған науқастар саны 151 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-21-sauirdin-09-35-uakytyndagy-epidemiologiyalyk-zhagday_a3640612">www.coronavirus2020.kz</a>.
21 сәуір сағат 09:35-тегі&nbsp;мәлімет бойынша елімізде коронавирус індетін жұқтырған тағы 97 адам тіркелді,
Оның ішінде Қостанай облысында – 4, Алматы қаласында – 62, Жамбыл облысында – 4, Батыс Қазақстан облысында – 4, Шығыс Қазақстан облысында – 3, Шымкент қаласында – 2, Түркістан облысында – 5, Маңғыстау облысында – 1, Нұр-Сұлтан қаласында – 4, Қызылорда облысында – 2, Қарағанды облысында – 6.
Қазақстан бойынша барлығы 1949 жағдай.

Қызылорда облысында қауіпті індет жұқтырғандар саны 151 болды

Қазақстан Республикасының Мемлекеттік күзет қызметі күні
2014 жылдың&nbsp;сәуірінде екі ведомство – Қазақстан Республикасы Президенті Күзет қызметінің және Қазақстан Республикасы Республикалық ұланының қосылуы арқылы ҚР Мемлекеттік күзет қызметі қалыптасты. ҚР Президентінің Күзет қызметі 1992 жылы тәуелсіздік жарияланғаннан кейін көп ұзамай құрылды. Ал бірнеше айдан кейін Республикалық ұлан жасақталды. Екі ведомство да мемлекет қауіпсіздігін сақтауда маңызды роль атқарды.
2014 жылдың&nbsp;сәуірінде екі мекеменің негізінде мемлекеттік қауіпсіздікті қамтамасыз ететін жаңа орган – Қазақстан Республикасының Мемлекеттік күзет қызметі құрылды.
1961 жылы&nbsp;Қазақстанның газ жүйесінің негізін қалаған «Орталық Азия-Орталығы» магистральдік газ құбырының құрылысы басталды.
1992 жылы&nbsp;Қазақстан Республикасының Президенті Н.Ә.Назарбаевқа республикада құрылған дипломаттық корпус өкілі – Қазақстандағы Түркияның Төтенше және Өкілетті елшісі Аргюн Езнаем алғаш рет сенім грамотасын табыс етті.
2006 жылы&nbsp;«Қазатомөнеркәсіп» ұлттық атом компаниясының сенімді басқаруындағы Степногор кен-химия комбинатының гидрометаллургия зауыты аумағында молибден байыту фабрикасы ашылды. Мұндай фабрика Қазақстанның тау-кен өндірісі мен қайта өңдеу өнеркәсібінде алғаш рет іске қосылып отыр. Молибден кенін қайта өңдейтін байыту фабрикасы гидрометаллургия зауытының аумағында рекордтық мерзімде – 96 күнде салынды.
2014 жылғы&nbsp;21 сәуірдегі Мемлекет басшысының №807 Жарлығымен Қазақстан Республикасы Ішкі істер министрлігінің Ішкі әскерлері &nbsp;қайта құру жолымен ішкі істер органдарының бірегей жүйесіне кіретін Қазақстан Республикасының Ұлттық ұланы болып қайта ұйымдастырылды.
2015 жылы&nbsp;Қазақстан Республикасы Мәдениет және спорт министрлігі Қазақ хандығының 550-жылдығына арналған www.550kazakhan.kz. доменіндегі ресми сайтты іске қосты.
2016 жылы&nbsp;Алматыда «Түркі тілдес әлем музыкасы» атты зерттеу тобының V халықаралық симпозиумы ашылды.

21 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпарат агенттігінің 21 сәуірге арналған жұлдыз-жорамалы.****
Тоқты
Өзіңізге кедергі келтірмеңіз. Бүгінгі күн бітпей қалған жұмыстарды аяқтауға өте ыңғайлы. Бұрын-соңды дәмін татып көрмеген тағамға тапсырыс бермеңіз. Ақшаны босқа шашпаңыз. Таңертеңмен жақындарыңызға сыпайлық танытып, олармен тіл табысуға тырысыңыз.
Торпақ
Өз уақытыңыз, ақшаңызды денсаулығыңызды нығайту мен сырт келбетіңізді қалыпқа келтіруге жұмсаңыз. Шыққан шығынға еш өкінбейтін боласыз. Сырқаттанып қалғаныңызды білсеңіз, дәрігер мамандардың кеңесін алуға асығыңыз.
Егіздер
Өз-өзіңізді дамытуға және жаңа серіктестермен танысуға қолайлы күн. Бүгін сізге қаржылай қолдау білдіретін жан табылады. Сондай-ақ қызметте жоғарылауыңызға ықпал жасайтын жақын адамдарыңыздың бар екендігіне де сеніңіз.
Шаян
Бүгін жолыңыз болады. Бірнеше қиын мәселелерді шеше аласыз. Сонымен қатар ұсақ-түйек проблемаларды да оңай еңсересіз. Әлбетте, бұл сіздің өміріңізді жеңілдете түспек.
Арыстан
Бүгінгі күн өте керемет. Көңіл-күйіңіз де көтеріңкі болмақ. Күш-қуатыңыз тасып, көптен толғандырып жүрген сауалдардың жауабын табасыз. Сонымен қатар бүгін күтпеген таныстық орын алып, қиын тапсырмаларды орындап, арманыңыз да орындалуы мүмкін.
Бикеш
Бүгінгі күн неке қиюға, сүйіктіңізге сөз салуға өте қолайлы күн. Кез келген істі қолға ала берсеңіз болады. Қандай іс жасасаңыз да барлығы сәтімен болмақ. Көптен армандап жүрген ойыңызды жүзеге асырасыз.
Таразы
Өзіңізге қажетті тауарлар мен бұйымдарды сатып алыңыз. Әдемі болғыңыз келсе, үнемшіл болмаңыз. Бірақ ақшаны оңды-солды шашпаңыз. Тек кер дүниелерге, яғни мақсатты түрде жұмсаңыз. Сіздің ішкі түйсігіңіз дұрыс таңдау жасауға көмектеседі.
Сарышаян
Дүкен аралауға өте қолайлы күн. Қызықты, әрі, пайдалы дүниелер сатып алуыңыз мүмкін. Кешке қарай арқаңызды кеңге саласыз. Өзіңіз қалаған тәтті тағамдардан бас тартпай, өзіңізге жақсы демалыс сыйлай біліңіз. Бірақ ішімдіктен аулақ болыңыз.
Мерген
«Адам көркі – шүберек» демекші, киген киіміңізбен және сыртқы сұлулығыңыздың арқасында өзгелерден ерекшеленіп тұрасыз. Жеке өміріңізді жақсарту үшін өзіңізге сенімді болыңыз және белсенділік танытыңыз. Романтикалық кездесу сізді қуантатын болады.
Тауешкі
Ұсақ-түйекке мән беріңіз. Бүгінгі күн болмашы істің өзіне көңіл аударуды талап етеді. Бұл күні сіз досыңыздан немесе әріптесіңізден жақсы кеңес аласыз.
Суқұйғыш
Айналаңыздағыларға жақсылық тілеп, мейірімді боласыз. Сондай-ақ бүгін жалқаулығыңыз басым. &nbsp;Жақсы демалу үшін әдеттегіден де көп ұйықтау қажет. Сәби сүюді аңсап жүрсеңіз, ол арманыңыз көп күттірмейді.
Балықтар
Жетістікке жетуге деген талпынысыңыз ескерусіз қалмайды. Білікті маман ретінде сұранысқа иесіз. Достарыңызбен және сүйікті адамыңызбен қарым-қатынасыңыз жайлы болмақ. Алдағы уақытта атқаруға тиіс жұмыстар көп көңіл бөлуді талап етпейді.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласында коронавирус жұқтырғандарға арналған аурухананың құрылысы аяқталды.
Бұл туралы BI Group компаниясы директорлар кеңесінің төрағасы Айдын Рахымбаев әлеуметтік желідегі парақшасында&nbsp;хабарлап, құрылысы аяқталған аурухананың фотосуреттерін жариялады.
<blockquote>
 «Не дегенмен біз мұны жасадық! Мүмкін еместі жасадық!&nbsp;Кешегі шаңды, шулы түнгі құрылыстағы қарқынды терапия палаталарымыздың&nbsp; ондаған ӨЖЖ аппараттары орнатылған бүгінгі фотосы. Жақын күндері біз дәрігерлермен бірге жабдықты орнатып, аурухананы солардың қолына тапсырамыз! Дәрігерле асығып отыр және&nbsp;қауіпсіз технологиялар мен аймақтардың ішінді қуанып жүр,&nbsp;&nbsp;енді олар жұқтырмайды!» – деп жазды&nbsp;Айдын Рахымбаев.
</blockquote>
Сонымен қатар, ол жақын арада Алматыдағы аурухананың құрылысы аяқталатынын мәлімдеді.&nbsp;
Айта кетейік, елордада жұқпалы аурулар ауруханасының құрылысы 5 сәуірде басталды. Нысанда мыңға жуық адам жұмыс істеді.
<blockquote>
 <a href="https://www.facebook.com/100002232483255/videos/2847213042029751/"></a>
 Строительство госпиталя.День 15-й.
 Опубликовано <a href="#">Владиславом Водневым</a> Воскресенье, 19 апреля 2020 г.
</blockquote>

Нұр-Сұлтандағы коронавирус жұқтырғандарға арналған аурухана 15 күнде салынды (видео)

<a href="https://kyzylorda-news.kz/">Kyzylorda-news.kz</a>. Қазалы ауданында жұқпалы індеттің таралмауы үшін қауіпсіздік шаралары күшейтілгені барлығымызға белгілі. Осыған орай ауданда қоғамдық көліктермен қатар жеке автомобильдердің де жүруіне тыйым салынды.
Аудан мен ауылдарға кіреберіс жерлерге тосқауыл бекеттері қойылды.
Блок-бекеттер тұрғындардың жүріп-тұруы үшін қолайсыздық тудырғанымен, күнделікті қажеттіліктері үшін тосқауыл болмауы керек. Осыны ескерген Қазалы ауданы әкімдігі көшпелі сауда орындарын ұйымдастырып, тұрғындарға базар бағасымен азық-түлік сатуды қолға алды.
Бүгін көшпелі сауда аудан орталығынан шалғайда жатқан Кәукей ауылына бағыт алды. Аудан кәсіпкерлері ауыл тұрғындарына бірінші кезекте қажетті картоп, жуа, сәбіз, макарон, ұн, өсімдік майы, қант, күрішпен қатар, жеміс-жидектерді де ала барған.
Қазалы ауданы әкімінің баспасөз қызметі дәл осындай көшпелі сауданы басқа ауылдарда да ұйымдастыру көзделіп отырғанын айтты.
<img src="https://kyzylorda-news.kz/wp-content/uploads/2020/04/02-22.jpg" alt="" />

Қазалыда ауыл тұрғындары үшін көшпелі сауда ұйымдастырылуда

<a href="https://kyzylorda-news.kz/">Kyzylorda-news.kz</a>. Дариға Назарбаеваның төрағалық етуімен Парламент Сенаты Бюросының отырысы өтті, деп хабарлайды ҚР Парламенті Сенатының баспасөз қызметі.
Отырыста Мәжілісте мақұлданған заң жобаларын бөлу мәселесі қаралды, заң жобалары бойынша негізгі комитеттер белгіленіп, Сенаттың 30 сәуірге жоспарланған кезекті отырысының күн тәртібі бекітілді.
Бюро отырысында сөз алған Дариға Назарбаева Палата отырысының күн тәртібіне енгізілген заң жобалары біздің мемлекет пен қоғам үшін аса маңызды екенін атап өтті. Соңғы жылдары азаматтарымыз көтеріп жүрген көптеген мәселелер осы жаңа заңнамалық актілерде көрініс тапты.
Сенат Төрағасы Д.Назарбаева Бюро отырысын қорытындылай келіп, елімізде коронавирус жұқтырғандар саны артып, үдемелі кезеңге жетуіне байланысты төтенше жағдай тәртібінің 1 мамырға дейін ұзартылуы қажетті шара болғанын атап өтті.
<blockquote>
 «Бүгіннен бастап Нұр-Сұлтан және Алматы қалаларындағы кейбір кәсіпкерлік субъектілері санитарлық-эпидемиологиялық шараларды сақтай отырып, жұмыстарын бастайтын болады. Осыған байланысты кәсіпорындар қызметкерлерін жұмысқа шығаруға дайын ба? – деген сұрақ маңызды болып отыр. Олар өз ұжымдарына қауіпсіздік пен гигиена сақтауға қажетті барлық жағдайды жасай ала ма?» – деді Д.Назарбаева.
</blockquote>
Сенат Төрағасы еліміздің төтенше жағдай кезіндегі қолданыстағы әкімшілендіру, мемлекеттік органдарды үйлестіру, заңнама мен заңнан кейінгі актілер жүйесін талдау қажеттігін айта келіп, төтенше жағдай мен төтенше оқиға тәртібіне елді жұмылдыру дайындығы тақырыбына арналған парламенттік тыңдауларды Сенаттың қазан айындағы жұмыс жоспарына енгізуді ұсынды.
Д.Назарбаева әкімдіктер берген ақпараттарға сәйкес, орталық пен жергілікті жерлердегі жұмысты үйлестіру нашар екенін, келісу мен мәселені шешуге көп уақыт кететінін атап өтті.
<blockquote>
 «Жұмылдыру резерві туралы мәселе ауқымды болып отыр. Қазір бізде жұмылдыру дайындығы бойынша заң жобасы бар. Ол заманауи талаптарға жүйелі әрі кешенді түрде жауап бере алмайды. Жақсы болса да, жаман болса да бізде қазір іс жүзінде тәжірибе бар және оны қызметімізде пайдалану керек», – деді ол.
</blockquote>
Сонымен қатар, Сенат басшысы бұқаралық ақпарат құралдарында жарияланған журналистер, дәрігерлер, полиция мен әскери қызметкерлердің, еріктілердің қатысуымен орын алған келеңсіз көріністерге де тоқталды.
<blockquote>
 «Бүгінгі таңда дәрігерлер де, журналистер де алғы шепте қызу еңбек етіп жатқанын еске салғым келеді. Олар ықтимал қауіп-қатермен күнде бетпе-бет келсе де өздерінің кәсіби борышын адал атқарып жүр. Сондықтан оларға құқықтық қорғау мен адами қолдау аса қажет», – деді ол.
</blockquote>
Дариға Назарбаева қазір кінәліні іздемей, түсінбеушіліктерді өршітпей, өзекті мәселелерді бірігіп шешіп, ынтымақпен жұмыс істейтін, бір-біріне көмектесетін уақыт екенін атап өтті. Бұл ретте құқық қорғау органдарының қызметкерлеріне бағынбау, әсіресе полицияға шабуыл жасау немесе қарсылық көрсетудің жолын кесу керек. Құқық қорғау органдарының қызметкерлері өз өкілеттіліктерінің аясында ғана әрекет етуі, сыпайы, әдепті болуы тиіс.
<blockquote>
 «Қазір бәріне де қиын, бірақ бір-бірімізге жәрдемдесіп қана осы жағдайдан тезірек шыға аламыз», – деп атап өтті Д.Назарбаева.
</blockquote>

Қазақстан және Қызылорда облысының жаңалықтары