<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың қатысуымен Қызылорда облыстық мәслихатының 49 сессиясы өткізілді. Сессияның күн тәртібінде 4 мәселе қаралып, депутаттардың назарына ұсынылды.
Аймақ басшысы 2020 жылғы облыстық бюджеттің нақтылануын қажет ететін бірқатар мәселелерге тоқталып, ұсынылған қаржыларды әлеуметтік маңызы бар және кезек күттірмейтін басым бағыттағы әлеуметтік салаға яғни денсаулық сақтау, білім, спорт, мәдениет&nbsp;салаларына бағытталатынын атап өтті.
<blockquote>
 “Облыс бюджеті өзінің әлеуметтік бағыт-бағдарын сақтап келеді. Білім беру саласында 2020-2021 жылдарға арналған оқу жылында сынып кешенін ұлғайтуға, техникалық және кәсіптік колледждер мұғалімдерінің еңбекақысын ұлғайтуға және коммуналдық шығындарын өтеуге 134,2 млн.теңге қаралуда. Ал, денсаулық сақтау саласына 166,1 млн.теңге көлемінде қаржы ұсынылды. Бұл қаржыға денсаулық сақтау мекемелерін ағымдағы жөндеуге, ауылдық жерлерде жұмыс жасайтын дәрігерлер санын көбейтуге, маусымдық жылу науқанына дайындық жұмыстарын жүргізуге, медициналық жабдықтар сатып алынатын болады”,-деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/10/123144836_2852933821476335_4239485241297728427_o.jpg" alt="" />
Сонымен бірге өңірде короновирус инфекциясымен күресу үшін дәрі-дәрмекпен қамтамасыз ету қорын қалыптастыруға, Қызылорда қаласында 200 төсектік орынға арналған тез салынатын модульдық жұқпалы аурулар ауруханасының құрылысына қажетті қаралып отыр.
Сессияда облыстық экономика және бюджеттік жоспарлау басқармасының басшысы Нұрғали Қордабай «2020-2022 жылдарға арналған облыстық бюджет туралы» шешіміне өзгерістер мен толықтырулар енгізу, «2016-2020 жылдарға арналған Қызылорда облысының даму бағдарламасын бекіту туралы» шешіміне өзгеріс енгізу туралы мәселені баяндап, бюджеттің үнемделген, қысқартылуы және толықтырылуы тиіс қаржылар туралы тоқталды. Сондай-ақ, «Қызылорда облысын басқару схемасын бекіту туралы мәселесін Қызылорда облысы әкімі аппаратының басшысы Ерлан Райғаниев хабарлады.
Сессиясының соңғы мәселесі «Қызылорда облыстық сайлау комиссиясының құрамын сайлауға арналды. Облыстық мәслихат хатшысы Қылышбай Бисенов сайлау комиссиясының жаңа құрамын баяндады. 
Сессияда қаралған мәселелерді депутаттар бірауыздан қолдап, тиісті шешімдер қабылдады.
<img src="https://kyzylorda-news.kz/wp-content/uploads/2020/10/122961342_2852933808143003_8204724907318983403_o.jpg" alt="" />

Қызылорда облыстық мәслихатының 49-сессиясы өтті

<a href="https://kyzylorda-news.kz/">Kyzylorda-news.kz.</a> 29 қазан күні Қазақстан аумағында құбылмалы ауа райы сақталады, қар мен жаңбыр түрінде жауын-шашын жауады.
Республиканың тек батысы мен оңтүстігінде антициклон әсерінен жауын-шашынсыз күн райы күтіледі. Еліміздің кей жерлерінде тұман, көктайғақ, жаяу бұрқасын, оңтүстік-батыста шаңды дауыл, жел күшейеді.

29 қазан күнгі ауа райы болжамы

<a href="https://kyzylorda-news.kz/date/2020/10/28/?doing_wp_cron=1603882934.8675000667572021484375">Kyzylorda-news.kz</a>. Мал шаруашылығын тұрақты мемлекеттік қолдаулардың арқасында аймақта асыл тұқымды мал басы саны артып келеді.
Бүгінгі күні облыста 352,6 мың бас мүйізді ірі қара, 761,9 мың қой мен ешкі, 1,9 мың шошқа, 153,8 мың жылқы, 53,2 мың бас түйе, 124 мың бас құс тіркелген.
Облыстағы асыл тұқымды малдардың саны шаруашылықтардағы малдарды өз төлі есебінен көбейту арқылы және агроөнеркәсіптік кешен саласын дамытудың мемлекеттік бағдарламасы аясында асыл тұқымды мал сатып алу арқылы көбеюде.
Асыл тұқымды мал сатып алу бағыты мемлекет тарапынан субсидиялауға жатады. 
Осыған сәйкес шет елден сатып алынған асыл тұқымды 1 бас МІҚ малының аналығына 225 мың теңге, отандық МІҚ малының 1 бас аналығына және бұқасына 150 мың теңге, асыл тұқымды отандық қойдың 1 бас аналығына және қошқарына 15 мың теңге, жылқының асыл тұқымды 1 бас айғырына 100 мың теңге және түйенің асыл тұқымды 1 бас бурасына 100 мың теңгеден субсидиялау жолдары қарастырылған.
Сондай-ақ, мемлекет тарапынан мүйізді ірі қара мен қой малдарының селекциялық және асыл тұқымдық жұмыстары субсидияланады. Атап айтқанда, субсидиялау нормативтері бекітілді: 
– асыл тұқымды МІҚ аналығының 1 басыны 15 мың теңге; 
– асыл тұқымды қойлардың 1 бас аналығын 4 мың теңге; 
– тауарлы МІҚ аналығының 1 басына 10 мың теңге 
– тауарлы қойлардың 1 бас аналығын субсидиялауға 2,5 мың теңгеден субсидиялау нормативтері бекітілген.
Осындай қолдаулардың арқасында қазіргі таңда өңірде асыл тұқымды 8385 бас мүйізді ірі қара, 78642 бас қой, 6882 бас жылқы және 3225 бас түйе тіркеліп, олардың үлес салмағы өткен жылдың осы кезеңімен салыстырғанда мүйізді ірі қара 4,4%-ға, қой мен ешкінің басы 5,5%-ға, жылқы 8,5%-ға, түйе 5,3%-ға, құс 1,4%-ға көбейді. 
Облыста асыл тұқымды мүйізді ірі қара мал басы негізінен 30 шаруашылықтың меншігінде шоғырланған. Олардың 7-сі сүт бағытындағы, қалған 23 шаруашылық ет бағытында өсірумен айналысады. Сүт бағытындағы біздің облысқа «Голштино-фриз», «Қарала», «Әулиекөл», «Алатау», «Симменталь» тұқымдары аудандастырылған.
Аймақта асыл тұқымды қой өсірумен 103 шаруашылық айналысады. Қой тұқымдары бойынша «Еділбай», «Қазақтың қылшық жүнді құйрықты қойы», «Ордабасы», «Гиссар» және «Қаракөл тұқымдары». 
Өңірде жылқы мен түйенің өнімділік бағыттағы тұқымдары өсіріледі. Бұлар «Мұғалжар», «Жабы», «Көшім» тұқымды жылқылар болса, түйеден «Аруана» және «Қазақтың айыр өркеш» тұқымдары көбейді.

Қызылордада асыл тұқымды мал саны артып келеді

<a href="https://kyzylorda-news.kz/">Kyzylorda-news.kz</a>. САРАТС жобасының екінші кезеңін жүзеге асыруды бастау жұмыстары жүргізілуде. Екінші фаза 8 компоненттен тұрады. Ол екі кезең бойынша жүзеге асырылады. Бірінші кезеңге енгізілген 6 компоненттің 4-і республикалық бюджет есебінен қаржыландырады. Қалған жұмыстар Дүниежізілік Банк есебінен жүзеге асады. Ол «Өңірлік дамыту және Арал теңізінің солтүстік бөлігін қалпына келтіру» жобасы деп аталатын болды.
<blockquote>
 “Дүниежүзілік Банктің қарыз қаражатын тарту бойынша рәсімдердің созылуына байланысты, ел Үкіметі бірінші кезеңге енгізілген 4 компонентті республикалық бюджет есебінен бастау жөнінде шешім қабылдады. Яғни, Қармақшы, Қазалы аудандарындағы қорғаныс бөгеттерін нығайту, Жалағаш ауданында Тұрымбет және Қорғанша учаскелерінде Сырдария өзенінің арнасын түзетуді және Қызылорда су торабын кешенді жөндеу облыстың әлеуметтік-экономикалық дамытудың 2019–2022 жылдарға арналған кешенді жоспарына енгізілді. Ал Қазалы ауданында Бірлік елді мекені тұсында көпір салу Өңірлерді дамыту бағдарламасы шеңберінде жүзеге асырылмақ. «Қызылорда су торабын қайта жаңғырту» компоненті бойынша «Қазсушар» РМК қаржысы есебінен жобалық-сметалық құжаттамасы әзірленді”, – деді облыстық табиғи ресурстар мен табиғат пайдалануды реттеу басқармасының басшысы Бауыржан Шәменов.
</blockquote>
<img src="https://kyzylorda-news.kz/wp-content/uploads/2020/10/123090928_1152324995163011_2635167283319014739_o.jpg" alt="" />
Дүниежізілік Банкпен қаржыландырылатын жобаның компонентеріне қосымшы ұсыныстар енгізілетін болады. Бүгінде ҚР Экология, геология және табиғи ресурстар министрлігі осындай ұқсас жобаларды әзірлеуге мамандандырылған халықаралық компанияларды іріктеу бойынша жұмыстарды жүргізуде.

САРАТС: 4 компонент республикалық бюджеттен қаржыландырылады

<a href="https://kyzylorda-news.kz/date/2020/10/28/?doing_wp_cron=1603882934.8675000667572021484375">Kyzylorda-news.kz.</a> Қазақстанда алдағы үш күнде ауа температурасы біртіндеп көтеріледі, деп хабарлады Қазгидромет.
Синоптиктердің болжамына сәйкес, еліміздің басым бөлігінде 29-31 қазан аралығында күн ашық болады. Тек шығыста, солтүстік пен орталықта, оңтүстік-шығыста жаңбыр, қар жауады. Алайда шығыста және оңтүстік-шығыстың таулы аймақтарында жауын-шашын мол түсуі мүмкін.
Кей жерлерде жел күшейіп, бұрқасындатады, тұман түсіп, көктайғақ болады.
Сонымен қатар осы үш күнде бүкіл республика аумағына Иран аймақтарынан жылы ауа массалары енеді, нәтижесінде ауа температурасы көтеріледі.
Айта кетейік, бұған дейін синоптиктер қараша айында ауа райы қандай болатынын болжады. Қарашаның бірінші жартысында республиканың солтүстік бөлігінде, шығысында және орталығында қыстағыдай ауа райы болады.
Жауын-шашын, көбінесе қар, қарлы боран, сондай-ақ көктайғақ пен тұман жиі түседі. Айдың бірінші жартысында ең суық күндерде термометр бағанасы түнде -10-23°C, күндіз -2-10°C дейін төмендейді. Айдың&nbsp; екінші жартысында еліміздің оңтүстігінде жауын-шашын болады. Температура түнде -5-12°С, күндіз -1+5°С дейін төмендейді.

Қазақстанда күн жылынады

<a href="https://kyzylorda-news.kz/date/2020/10/28/?doing_wp_cron=1603882934.8675000667572021484375">Kyzylorda-news.kz.</a> Қызылорда облысында кәсіпкерлер мемлекет ұсынған қайтарымсыз грант алу арқылы өңірге қажетті кәсіп түрлерімен айналысуда. Биыл «Бизнестің жол картасы 2025» мемлекеттік бағдарламасы аясында 315 шағын кәсіп иелері грант алу конкурсына қатысқан. Оның 120-сы жас кәсіпкерлер. Аймақтың ерекшелігі мен сұраныс деңгейіне орай 58 бизнес өкілінің жобалары қолдау тауып, 131,5 млн. теңге грант қаражатымен қаржыландыру алған. Оның ішінде, жас кәсіпкердің 27 жобасына 64,5 млн. теңге қаражат бағытталды.
Қайтарымсыз грантқа ие болған кәсіпкерлер облыстық кәсіпкерлік және туризм басқармасы, “Даму” КДҚ” АҚ-ы арасында үш жақты келісім шарттар жасайды. Мамандардың айтуынша, грант қаражатын алған кәсіпкерлер құрылыс материалдарын шығару, қолөнер, жиһаз бұйымдарын шығару, сондай-ақ құс, мал және омарта секілді ауыл шаруашылығы салалары мен өзге де өндірістік жобаларды іске асыруы тиіс. Мәселен, биылғы жылдан бастап автокөліктер үшін арнайы чехолдар шығару, автошампуньдар мен автокосметикалар өндірісі, автокөлік кілттерін цифрлық қосымшалар арқылы көшірмелерін жасау, одан бөлек бір реттік қолданылатын ыдыстар өндірісі, жемістерден чипсы жасау сияқты жаңашыл жобалар іске қосылмақ.
Ерекше айту қажет, биыл халықтың әлеуметтік осал топтағы кәсіпкерлердің 8 жобасы қайтарымсыз грант алған. Яғни әлеуметтік топтағы мұндай азаматтар мүйізді ірі қара малын бордақылау, құрама жемін өндіру, тігін, жиһаз және құрылыс материалдарын шығару цехтарын ашу, жартылай фабиркат өнімдерін шығару, сондай-ақ спорт саласында арнайы орталықтарды ашу кәсіптерімен айналысады.
Бағдарлама талабына сәйкес, мемлекеттің қайтарымсыз грант жеңімпазы болған азамат 1,5 жылда жобаларын толығымен іске қосуға міндеттеме алады. Бұл ретте, жобалардың іске қосылуы, жұмыс орындарының құрылуы, қаражаттың мақсатты жұмсалуына мониторинг жұмыстары жүргізіледі.
Сарапшылардың сөзінше, конкурстық іріктеуге Қазалы, Қармақшы және Сырдария аудандары, Қызылорда қаласының кәсіпкерлері белсене қатысқан.

Қайтарымсыз грант алған кәсіпкерлер ерекше бизнес түрлерімен айналысады

<a href="https://kyzylorda-news.kz/date/2020/10/28/?doing_wp_cron=1603882934.8675000667572021484375">Kyzylorda-news.kz</a>. Өзіңізге қызмет көрсетілетін банктегі техникалық іркілістерге байланысты қарапайым банк операцияларын жүргізе алмасаңыз, ең бастысы жағдайды объективті түрде бағалап алыңыз. Осыған орай Fingramota халықтың қаржы сауатын арттыру жобасы бірқатар кеңес береді, деп хабарлайды <a href="https://lenta.inform.kz/kz/siz-koldanatyn-bankte-tehnikalyk-irkilis-bolsa-ne-isteu-kerek_a3711907">ҚазАқпарат.</a>
Техникалық іркілістер – жеке компания болсын, мемлекеттік органдар болсын немесе екінші деңгейдегі банк болсын әр ұйымда болатын жағдай.
Мұндайда сабырлық сақтап, бірнеше қарапайым қағидаттарды басшылыққа алғаныңыз жөн.
Сіздің «қаржылық қауіпсіздік жастықшаңыз» болуы тиіс
Өмірде шұғыл ақша қажет болып қалатын түрлі көзделмеген жағдайлар болып тұрады. Егер шұғыл түрде ақша алу керек болған кезде өзіңізге қызмет көрсететін банктегі техникалық іркіліс сізді ренжітуі мүмкін. Сондықтан да банктің жұмысындағы іркілістердің салдарынан болатын қаржылық қиындықтардан өзіңізді ішінара сақтау үшін «қаржылық қауіпсіздік жастықшасының» болуына көңіл аударған маңызды.
Түрлі банктің кемінде 2 банк картасының болғаны дұрыс, олардың әрқайсысына қаражаттың қорын сақтап қоюға болады. Осылайша, сіз қаржы ұйымдарының бірінде туындаған техникалық қиындықтарды сабырлықпен өткізе аласыз. Сонымен қатар, түскі ас ішу, жолақысын төлеу және аздаған азық-түлік сатып алу үшін ақша шұғыл қажет болып қалатын жағдай үшін қолма-қол ақша түріндегі біраз соманың болғаны дұрыс.
Әдетте, банктегі техникалық іркіліске байланысты жағдай біраз сағат, көп болғанда бір күн ішінде шешіледі. Сондықтан «қаржы жастықшасының» болуы сізді көптеген проблемалардан құтқарады.
Ресми ақпаратқа ғана сеніңіз
Әрбір қаржы ұйымында барлық жаңалық пен түсіндірмелер жарияланатын сайты, әлеуметтік желілерде ресми беттері бар. Сонымен қатар, әдетте көзделмеген жағдайлар туындаған кезде банктің баспасөз қызметі немесе басшылығы республикалық БАҚ-та ресми мәлімдеме жасайды. Осы ақпаратқа сенуге болады. Ал мессенджерлердегі таратылымдарға немесе жеке тұлғалардың банкке қатысы жоқ мәлімдемелеріне ден қоюдың қажеті жоқ. Осындай ақпараттың жалғаны екенінің ықтималдығы көп.
Қырағы болыңыз, алаяқтардан сақтаныңыз
Туындаған техникалық қиындықтарды қаржы алаяқтары пайдалануы мүмкін, олар сізге банктің атынан қоңырау шалуы немесе жазуы және өзіңіздің жеке деректеріңізді карточканың нөмірлерін және үш мәнді сәйкестендіру кодтарын айтуды сұрауы мүмкін. Қандай жағдайда болмасын оларға ешқандай ақпарат бермеңіз және өз жақындарыңызға, әсіресе егде жастағыларға ескертіңіз. Банк ешқашан жеке деректерді талап етпейді және бірінші болып сөйлесуге бастама жасамайды. Сізге қоңырау шалған нөмірді жазып алып, оны өз банкіңіздің қауіпсіздік қызметіне хабарлаңыз.
Сондай-ақ алаяқтардан жалған ақпараттар әлеуметтік желілер немесе мессенджерлер арқылы таратылуы мүмкін. Бөгде адамдардан келіп түсетін заңсыз нұсқауларды қандай жағдайда болмасын орындамаңыз. Банк барлық кедергілерді дербес жояды және оған осыған қатысты клиенттердің көмегі қажет емес!
Кедергілер жойылғаннан кейін барлық шоттарыңыз бен деректеріңізді тексеріңіз
Техникалық жұмыстар аяқталғаннан кейін өзіңіздің шоттарыңыздың жағдайын және аталған жеке деректерді міндетті түрде тексеріңіз. Егер проблема немесе қате анықтасаңыз, банкке call-орталық немесе мобильдік қосымша арқылы жүгініңіз. Сізге міндетті түрде көмек көрсетеді және қайта туындаған мәселелерді жояды.

Сіз қолданатын банкте техникалық іркіліс болса, не істеу керек?

<a href="https://kyzylorda-news.kz/date/2020/10/28/">Kyzylorda-news.kz</a>. Пандемияның екінші толқынына дайындық кезеңінде облыста дәрі-дәрмектің 2 айлық қоры қалыптасты. Бүгінгі күні өңірде 479 нысан дәрілік заттарды көтерме және бөлшек саудада сатумен айналысады. Оның ішінде 261 дәріхана қызметтері бар.
Мамандардың сараптауы нәтижесінде аймақтағы бөлшек сауда желісінде 204 838 медициналық бетперде қоры бар. Сондай-ақ, “Зерде Фарм” ЖШС дәріхана қоймасында 200 000 дана көлемінде медициналық бетперде резерві бар. Оның ішінде антибиотиктер, антипиретикалық, қабынуға қарсы, гормоналды және басқа да препараттар жеткілікті мөлшерде алынған.
Мұнан бөлек, өңірде тұрақтандыру қоры шеңберінде “СК-Фармация” арқылы жалпы сомасы 4,7 млн.теңгеге дәрілік заттарға өтінім берілді. 
Өңірде Қызылорда қаласының өңірлік инвестициялық орталығы тұрақтандыру қоры қаражатынан 1 жылдық мерзімге 1% мөлшерлемемен кредит беру міндеттемесін алды. Қазіргі уақытта “Фарматека” ЖШС, “Чингиз” ЖШС, “Lab Service company” ЖШС, “Аптечка кз” ЖШС мақұлдауларын алды, “Шипа Алеми” ЖШС, “Ғажайып Мура” ЖШС, “АйзереФарм” ЖШС, “Ибн Сина” ЖШС, “Сәуле” ЖК өтінім беру үшін құжаттар тізбесін алған.
Мамандар пандемия кезеңінде халықтың медициналық дәрі-дәрімектермен қамту мәселесіне дайындық барысын күшейютуде.

Қызылорда облысында дәрі-дәрмектің 2 айлық қоры бар

<a href="https://kyzylorda-news.kz/date/2020/10/28/">Kyzylorda-news.kz</a>. Бүгін облыс әкімі Гүлшара Әбдіқалықова Мемлекеттік қызмет істері агенттігінің Қызылорда облысы бойынша департаменті басшысы Рафхат Бисеновті қабылдады.
Қабылдау барысында аймақ басшысы мемлекеттік қызметті жетілдіру бойынша Президент тапсырмасының орындалу барысын сұрап, мемлекеттік қызметшілердің беделін көтеруге бағытталған бірқатар шаралар туралы пікірлесті. Өз кезегінде департамент басшысы Рафхат Бисенов аймақтағы барлық деңгейдегі мемлекеттік органдарда жүргізілген конкурс нәтижелеріне тоқталып, 9 ай ішінде жасалған жұмыстарды баяндады.
Биыл Қызылорда облысындағы барлық деңгейдегі мемлекеттік органдарда 572 конкурс жарияланып, нәтижесінде 379 үміткер лауазымға қабылданған. Ал, ішкі конкурстардың нәтижесімен 130 үміткердің 96-ы жоғары лауазымдарға тағайындалған. 
Кездесуде департамент басшысы мемлекеттік қызметшілердің тәртіптік жауапкершілігі мен мемлекеттік қызметті өткеру бағытына тоқталып, бірқатар ұсыныстарын жеткізді.
Өңірде 2020 жылдың 9 айында жергілікті атқарушы органдары 170 мемлекеттік қызмет түрін көрсеткен. Есепті кезеңде 1556 қызмет беруші мекемелер тарапынан 2251641 қызмет ұсынылған. Оның ішінде 873 365 қызмет электронды түрде, 554940 қызмет баламасыз қағаз түрінде көрсетілген.
Басқосу соңында аймақ басшысы Гүлшара Әбдіқалықова мемлекеттік көрсетілетін қызметтер сапасын бақылауды және электронды қызметтерді көрсету сапасын жетілдіру қажеттігін жеткізді.

Гүлшара Әбдіқалықова департамент басшысын қабылдады

<a href="https://kyzylorda-news.kz/date/2020/10/28/">Kyzylorda-news.kz</a>. Қызылорда облысындағы Әдеп жөніндегі кеңес мемлекеттік қызметшілерге заңсыз қолданылған тәртіптік жазаларды жоюды тапсырды.
Әдеп жөніндегі кеңестің кезекті отырысында облыстағы мемлекеттік органдардың тәртіптік тәжірибесіне жүргізілген талдау жұмыстарының қорытындысы қаралған болатын.
Талдау ҚР Мемлекеттік қызмет істері агенттігінің Қызылорда облысы бойынша департаментімен жүргізілген. Талдау жұмыстары нәтижесімен бірқатар мемлекеттік органдарда тәртіптік жаза қолдану барысында жіберілген заңбұзушылықтар анықталған.
Нақтырақ айтқанда, Қазалы ауданы, Бозкөл ауылдық округінің әкімі өз түсінігінде теріс қылық жасау фактісімен келіспесе де, аудан әкімдігі қызметтік тексеру жүргізбестен «сөгіс» түріндегі тәртіптік жаза қолданған. Дәл осындай заңбұзушылықпен Қызылорда облысының табиғи ресурстар және табиғат пайдалануды реттеу басқармасы басшысының орынбасарына да тәртіптік шара көрілген.
<blockquote>
 «Әдеп жөніндегі кеңес заңбұзушылықтарға жол бергендерді жазалаумен қатар, мемлекеттік қызметшілердің заңды мүдделерін қорғайды. Осы мақсатта, Қазалы ауданы, Бозкөл ауылдық округінің әкімі мен облыстық табиғи ресурстар және табиғат пайдалануды реттеу басқармасы басшысының орынбасарына қолданылған тәртіптік жазалардың күшін жою жөнінде шешім қабылданды», – деді кеңестің жаңадан тағайындалған төрағасы Рафхат Бисенов.
</blockquote>
Жыл басынан бері аймақтағы мемлекеттік органдарда 445 қызметші тәртіптік жауаптылыққа тартылған. Олардың басым бөлігіне «ескерту» берілсе, 128-не «сөгіс», 26-на «қатаң сөгіс» түріндегі тәртіптік жаза қолданылған. Тәртіптік шара алғандардың 184 басшы лауазымдағылар.

Мемлекеттік қызметшілердің құқығы қорғалды

<a href="https://kyzylorda-news.kz/date/2020/10/28/">Kyzylorda-news.kz</a>. Бүгін облыс әкімі Гүлшара Әбдіқалықова пандемия жағдайына сәйкес, онлайн режимінде өтіп жатқан «Алтын дән-2020» шарасына қатысты.Жиынды Қызылорда қаласы мен аудандардан онлайн форматта 300-ге жуық маман көрді.
Шарада аймақ басшысы ауыл шаруашылығы ел экономикасының қозғаушы саласы екенін және мемлекеттік қолдаудың арқасында өңірдің ауыл шаруашылығы өндірісінің дамуында оң нәтижелер қалыптасқандығын тілге тиек етті. Сонымен бірге, пандемия кезеңінде су тапшылығының туындауына қарамастан, биылғы жылы әр гектарына орташа 61,8 центнерден өнім алып, 551 мың тоннадан астам Сыр күрішін ел қамбасына құйып, кезекті рекордтық көрсеткіштің жаңарғанын ерекше атап өтті.
Өңірде аграрлық салада өндірілген өнім көлемі 94,4 млрд. теңгеге жетіп, өткен жылдың сәйкесті кезеңімен салыстырғанда 3,2 пайызға артқан. Ал, ауыл шаруашылығына салынған инвестиция көлемі 1,8 есеге, тамақ өнімдерін өндіруге салынған инвестиция 1,6 есеге ұлғайған.
Биыл облыс бойынша барлығы 184,2 мың гектарға ауыл шаруашылығы дақылдары егіліп, жалпы егіс көлемі соңғы бес жылда 16 мың гектарға көбейген.
Суармалы суға байланысты жыл сайынғы мәселелерді ескере келе, қысқа мерзімде ауыл шаруашылығы өндірісін, әсіресе, егіншілік саласын әртараптандыру бағыты қолға алынды. Бұл ретте соңғы бес жылда мал азықтық дақылдар 4 мың гектарға, күріштен басқа дәнді дақылдар 7,5 мың гектарға артқан.
Өңірде әртараптандыруға бағытталған соя, жүгері және бидай дақылдары егісінің көлемін ұлғайтып, аквагельді пайдаланып егілген 80 гектар күздік бидайдың әр гектарынан 18 центнерден өнім алынды. Сондай-ақ, алдағы кезде күріштің егіс көлемін азайтып 80-85 мың гектарға тұрақтандырып, орнына диверсификациялы дақылдар егу көзделіп отыр.
Шара барысында ауыл шаруашылығы бағытында негізгі табыс түсіретін секторлардың даму перспективалары сөз болып, әрбір ауданның ерекшеліктеріне қарай өнім өндіру мәселесі айтылды. Айталық, келесі жылдың өзінде, Қазалы ауданында жаңбырлатып суғару тәсілімен егілетін 87 гектар жүгері, Жаңақорған ауданында томат пастасы өндірісін ашуға бағытталған 3 мың гектар қызанақ егу бірінші кезекте іске асырылмақ. Ал, Шиелі ауданында пайдаланылған ағын суды қайта қолдану арқылы жаңбырлату тәсілімен 10 мың гектарға жоңышқа дақылы егу қолға алынады.
Өңірдің экономикалық кірісін көбейтуде мал шаруашылығы бағытын дамыту мәселесі де өзекті. Мүйізді ірі қара 4,4%-ға, жылқы 8,5%-ға, түйе 5,3%-ға көбейіп, мал өнімдерінің өндірісі бойынша бүгінгі күнге 26,3 мың тонна ет, 65,2 мың тонна сүт өндіріліп, ет өндірісі 2,5%-ға, сүт өндірісі 2,6%-ға артқан. Аймақтың экспорттық әлеуеті артып, ауыл шаруашылығы тауар өндірушілерімен 17 мемлекетке 22,5 млн.АҚШ долларын құрайтын 66,1 мың тонна ауыл шаруашылығы өнімдері экспортталған. Оның ішінде, биыл алғаш рет облыстан Германияға 421,5 тонна қамыс, ал Қытай мен Ауғанстанға 391 тонна мақсары майы жөнелтілген.
Ерекше айту керек, Қызылорда облысының 2023 жылға дейінгі экономикалық даму жоспары аясында бекітілген 287,4 млрд.теңгені құрайтын 265 инвестициялық жобалардың ішінде ауыл шаруашылығы саласында 58,8 млрд.теңгені құрайтын 63 жоба бастау алды.
Бүгінгі күнге, әлеуметтік маңызы бар азықпен қамтамасыз ету мақсатында құны 14 млрд.теңге құрайтын 45 инвестициялық жобаны жүзеге асыру басталса, оның 9 жобасы іске қосылған. Ал, алдағы жылы өңірде қуаттылығы жылына 5 мың тонналық ет комбинаты, Қармақшы ауданында жылына 1500 тонна құс етін өндіретін құс фабрикасы, Шиелі ауданында қуаттылығы 24 тонналық сүт фермасы және ауыл шаруашылығы өнімдерін терең өңдеуге бағытталған басқа да жобалар жүзеге асатын болады.
Аймақта ауыл шаруашылығына қажетті су тораптарын қайта қалпына келтіру жұмыстары да жолға қойылған. Мәселен, «2020-2021 жылдарға арналған Жұмыспен қамтудың жол картасы» бағдарламасы аясында «Жиделі су қоймасын қайта жаңғырту» жұмыстарына 450 млн. теңге, «Әйтек су торабын қайта жаңғырту» жобаларына 700 млн.теңге қаржы қаралып, жұмыстар іске асуда. Ал, алдағы кезде жаз маусымындағы су тапшылығын шешу мақсатында «Қараөзек су қоймасы» және Шиелі ауданында қысқы кезеңдегі тасқын суды жинап егістікке пайдаланатын «Күміскеткен» су қоймасын іске асыру міндеті тұр.
Шара соңында аймақ басшысы ауыл шаруашылығы еңбеккерлерін 27 номинация бойынша үздік аудандар мен агроөнеркәсіп саласының озаттарын марапаттады. Олардың қатарында Сырдария ауданынан «Мади Қажы» серіктестігінің директоры Сейткамал Сұлтанов пен Қазалы ауданынан «Рза-Агро» серіктестігінің егіс бригадирі Балғазы Аймағамбетұлы да бар. Сонымен бірге биылғы жылы күріш өндеу зауытын іске қосып, 45 мың тонна күріш ақтап, ішкі және сыртқы нарыққа өнім шығарғаны үшін «Абзал и К» серіктестігінің директоры Мағжан Ералиев «Озат өңдеу кәсіпорны» номинациясын иеленді. Ал, «Озат ауыл шаруашылығы кооперативі» аталымы Шиелі ауданынан «Шиелі төрт түлігі» кооперативінің жетекшісі Сабыр Ермахановқа табысталды. Жиында «Озат комбайншы» номинациясы Жалағаш ауданынан келген «Таң ЛТД» ЖШС комбайншысы Талғат Табынбаевқа бұйырды.
Мұнан бөлек, айрықша еңбек еткен сала ардагерлеріне Қазақстан Республикасының Ауыл шаруашылығы министрлігінің «Ауыл шаруашылығы саласының үздігі» және «Еңбек ардагері» төсбелгісін табыстады.
<img src="https://kyzylorda-news.kz/wp-content/uploads/2020/10/123110834_2852347201534997_3942990734109343353_n.jpg" alt="" />
<img src="https://kyzylorda-news.kz/wp-content/uploads/2020/10/123119108_2852346921535025_3839397873724932561_n.jpg" alt="" />

Облыс әкімі «Алтын дән-2020» шарасына қатысып, еңбек озаттарын марапаттады

<a href="https://kyzylorda-news.kz/date/2020/10/28/">Kyzylorda-news.kz.</a> Бүгін Қызылордада жастар саясатын дамыту мақсатында «BIRGEMIZ QYZYLORDA» волонтерлардың күндізгі лагері бастау алды.
Санитарлық талаптарды сақтай отырып өткізілетін лагерь жұмысы 28-30 қазан күндері аралығында 3 күнге созылмақ. 
Лагерьге 20-ға жуық волонтерлық жастар ұйымдары мен белсенді бастамашыл топ өкілдерінен барлығы 80 волонтер қатысуда.
Лагерь барысында жастармен Волонтерлық тақырыптық бағыт бойынша түрлі мәселелер талқыланады. Соның ішінде «Волонтерлік қызмет» дегеніміз не, «Волонтер жылының» ерекшелігі неде, волонтерлік қызметті дамыту үшін қандай шараларды қолға алған жөн тақырыптарындағы сұрақтарға жауап іздемек.
Білікті тренерлермен құқықтық сауаттылық, медиа волонтерлық және жергілікті және халықаралық деңгейдегі волонтерлық тақырыптарында оқыту жұмыстары жүргізілмек.
Сондай-ақ мәдени, спорттық-туристік шаралар да жоспарланған. Яғни, «Birgemiz: Asyl mura» жалпыұлттық жобасы бойынша «Рухани жаңғыру» орталығымен бірлесе отырып қала тарихы, мәдени демалыс орындары, мұражайларға экскурсия ұйымдастырылмақ. Сыр бойындағы шаһардың өткені мен бүгінін көрсету, таныстыру барысында қызықты танымдық ойындар да жүргізілетін болады.
Ал, «Birgemiz: TazaQazaqstan» жалпыұлттық жобасы бойынша қатысушы ұйымдар мен жастар және белсенді жастарды тарта отырып қала ішінде эко-акциясын өткізеді. Бұл шараның да жастар үшін өздерінің қаласын таза ұстауға, вандализмнің алдын алуға маңызы зор.
Айта кету керек, лагерь жұмысын «Бізбен бірге» қоғамдық қоры қалалық ішкі саясат бөлімінің тапсырысы «Мейірімділік қадамдары» волонтерлік қозғалысы» әлеуметтік маңызы бар қызметінің аясында үйлестіруде.
<img src="https://kyzylorda-news.kz/wp-content/uploads/2020/10/123048518_1029588350889345_6154048025256011184_n.jpg" alt="" />
<img src="https://kyzylorda-news.kz/wp-content/uploads/2020/10/123138473_1029588244222689_8663299950683601791_n.jpg" alt="" />

Қазақстан және Қызылорда облысының жаңалықтары