<a href="https://kyzylorda-news.kz/">Kyzylorda-news.kz.</a> Қазіргідей эпидимеологиялық ахуал күрделенген уақытта Қазалы ауданының кәсіпкерлері жұқпалы аурумен арпалысып жатқан дәрігерлерге қолдау көрсетіп, қолдарынан келген көмекті аямауда.
«Құрметті жолшы» төсбелгісінің иегері, «Қазалы-Жолшы» ЖШС директоры Серік Өтегенов аудандағы ауруханаларды оттегімен қамтамасыз етіп отырған «Шапура Қазалы» серіктестігіне 100 мың теңге аударды. Бұл қаржыға 50 баллон оттегіге толтырылып, Қазалы теміржол ауруханасына жеткізілетін болады.
Айта кетейік, аудандағы ауруханаларға дәл осындай көмекті облыстық мәслихат депутаттары Ібайдулла Тілеп пен Мнажадин Өтеев те көрсеткен болатын.
Қолы ашық кәсіпкерлердің көрсеткен демеушіліктеріне, қамқорлығына аудан дәрігерлері дән риза. Олар бұл оттегі баллондарының қиналғанда еміне шипа іздеп келген науқастардың денсаулығының дұрысталып кетуіне септігін тигізетініне сенімді.

Қазалылық кәсіпкер оттегі баллондарын толтыруға көмек көрсетті

<a href="https://kyzylorda-news.kz/">Kyzylorda-news.kz.</a> Еліміздегі карантин режимінің қатаңдауына байланысты қаламызды инфекциядан залалсыздандыру жұмыстары үздіксіз жалғасуда.
Қала әкімінің тапсырмасына сәйкес белгіленген арнайы кестеге сай инфекция таралуының алдын алу үшін «Оңтүстік» өңірлік қолбасшылығына қарасты әскерилер және «Қызылорда тазалығы» мекемесі күнделікті дезинфекциялау жұмыстарын жасауда.
<img src="https://kyzylorda-news.kz/wp-content/uploads/2020/07/06-scaled.jpg" alt="" />
Залалсыздандыру қаланың шет аймақтарындағы Гагарин және Титов&nbsp; қыстақтарында жүргізілді. Дезинфекциялау жұмыстары көп қабатты үйлердің аулалары, кіре берістері, балалар ойын алаңдары, дүкендер мен сауда орындары, аялдамалар мен қоқыс жәшіктері, халық көп шоғырланатын жерлер және Сәулет мөлтек ауданына қарасты көшелерге жасалды. Бұл жұмыстар әрі қарай да қала әкімдігінің бекіткен кестесіне сай кезең кезегімен атқарылып, қала аумағы толығымен дезинфекцияланады.
Карантин режимі енгізілгеннен бастап бүгінге дейін қаламыздағы адам көп шоғырланатын орындар мен тұрғын үйлердің аумақтарына бірнеше мәрте дезинфекциялау жұмыстары жүргізіліп, 6,5 млн. жуық аймақ залалсыздандырылды. Вирус ошағы анықталған жерлерге үздіксіз дезинфекциялау жүргізілуде. Бұл жұмыстарға барлығы 81 адам,&nbsp;&nbsp;&nbsp;8 техника жұмылдырылған. Бұған қоса халық нөпірі көп жерлердегі қауіпсіздік шараларын күшейту мақсатында 10 дезинфекциялау тоннельдері орнатылған.
<img src="https://kyzylorda-news.kz/wp-content/uploads/2020/07/03-5-scaled.jpg" alt="" />

Қызылордада залалсыздандыру жұмыстары жалғасуда

<a href="https://kyzylorda-news.kz/">Kyzylorda-news.kz.</a> Өзбекстан Қызылордаға медициналық заттарды гуманитарлық көмек ретінде жіберді.
Медициналық қорғаныс құралдарынан тұратын жүктің жалпы саны 240 мың.
Бұл заттар облыстағы медициналық мекемелердің қажеттілігіне қарай таратылатын болады.

Қызылордаға Өзбекстаннан гуманитарлық көмек келді

<a href="https://kyzylorda-news.kz/">Kyzylorda-news.kz.</a> Таяуда Білім және ғылым министрі Асхат Аймағамбетов жаңа оқу жылында қашықтан оқытуға байланысты университеттерде оқу құнын төмендету туралы шешімді ЖОО өздері қабылдайтынын айтты, деп хабарлайды <a href="https://aikyn.kz/biylghy-zhoo-nyng-oqw-aqysy-qansha/">AIQYN.</a>
<blockquote>
 «Қашықтан оқыту арзанырақ болуы керек деген пікір айтылып жүр. Себебі көпшілік шығындар азайып, арзанға түседі деп есептейді. Біріншіден, оқу ғимаратының шығындары бар. Екіншіден, барлық мұғалімдердің жалақысы сақталады. Сонымен қатар университеттер қашықтықтан оқыту форматына ауысқандықтан, жаңа байланыс арналарын кеңейту қажет. Бұл қымбатқа түседі, − дейді А.Аймағамбетов.
</blockquote>
Осы ретте, жаңа оқу жылында еліміздегі таңдаулы жоғары оқу орындарында оқу ақысы қанша екенін сұрап көрген болатынбыз.
2020 −2021 оқу жылындағы ЖОО-ның 1 жылда төлейтін оқу ақысы
<img src="https://aikyn.kz/wp-content/uploads/2020/07/keste.jpg" alt="" />
Кесте: Жұмабек Айқынұлы
Оқу ақысы жоғары мамандықтарға юриспруденция, кеден ісі, қаржы, есеп және аудит, экономика, халықаралық қатынастар, халықаралық құқық, әлемдік экономика, ақпараттық жүйелер және есептеу техникасы мен бағдарламалық қамтамасыз ету, стоматология мамандықтары еніп отыр.
Оқу ақысы салыстырмалы түрде педагогикалық мамандықтарда төмен екені анықталып отыр.

Биылғы ЖОО-ның оқу ақысы қанша?

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұрат Ергешбаев жеке балабақшалардың қызметкерлерімен кездесіп, олардың мұң-мұқтаждарын тыңдады.
Аудан әкімінің қабылдауына келген балабақша қызметкерлері карантин уақытысында мамыр, маусым айларының жалақысын әлі күнге дейін ала алмай отырғандарын айтып, осы мәселені шешіп беруін сұрады.
<blockquote>
 “Бұл мәселе жөнінде біз білеміз. Осыған орай облыстық білім басқармасына шығып, тиісті министрлікке де хат жаздық. Білім министрінің осы мәселе жөнінде бұйрығы бар екен. Соған өзгерістер енгізу жағы қарастырылуда. Бұған қоса аймақ басшысы Гүлшара Әбдіхалықова да тиісті сала басшылары мен және құзыретті органдарға басқа облыстардағы жеке балабақшалардың айлығы қалай төленгенін зерттеп, мәселені дереу шешуді тапсырды. Амандық болса, бұл мәселе оңтайлы шешіледі. Тек сәл сабырлық сақтап, шыдамдылық танытайық”, – деді аудан әкімі Мұрат Нәлхожаұлы.
</blockquote>
<img src="https://kyzylorda-news.kz/wp-content/uploads/2020/07/1-2.jpg" alt="" />
Айта кетейік, бұған дейін Қазалы ауданы бойынша 12 жеке балабақшаның қызметкерлері жалақы мәселесіне байланысты өздерінің наразылықтарын білдірген болатын.
<img src="https://kyzylorda-news.kz/wp-content/uploads/2020/07/dsc_5466-scaled.jpg" alt="" />

Екі ай жалақы алмаған қазалылық тәрбиешілер әкімге шағымданды

<a href="https://kyzylorda-news.kz/">Kyzylorda-news.kz.</a> Қазақстанда өкпесі қатты зақымданған, пневмониямен ауырған науқастар сауыға бастады. Соңғы аптаның өзінде Нұр-Сұлтан қалалық фтизиопульмонология орталығында жағдайы ауыр бірнеше науқастың беті бері қарады.
Бұл туралы Ресейдің денсаулық сақтау министрлігі фтизиопульмонология және жұқпалы аурулар ұлттық медициналық зерттеу орталығының пульмонологы Евгений Попов&nbsp; мәлімдеді.
Құрамында 32 дәрігер бар ресейлік делегация 6 шілдеде Қазақстанға ұшып келді. Олардың ішінде реабилитологтар, инфекционистер, пульмонологтар, эпидемиологтар бар. Дәрігерлер топқа бөлініп, Нұр-Сұлтан, Алматы мен Атырау ауруханаларына жберілді.
Ресейліктер еліне қашан оралатыны белгісіз. Ресей пульмонологы Евгений Попов әріптестерімен бірге күн сайын Нұр-Сұлтан фтизиопульмонология қалалық орталығына жұмысқа шығады.
– Қазақстанда немен айналысып жатырсыз?
– Ең алдымен консультативтік көмекті ұйымдастырып жатырмыз. Ресейдегі жұмыстан тәжірибеміз бар, тек Мәскеу мен Мәскеу облысында ғана емес, басқа аймақтарда да жұмыстың қалай ұйымдастырылғанын білеміз. Сол тәжірибемізді бөлісуге дайынбыз.
Екіншіден, әдістемелік көмек көрсетіледі. Ол жерде қызметкерлердің қауіпсіздігі, материалдар мен жеке қорғаныс құралдары шығынын азайтуға, әр түрлі науқастар үшін фармакотерапияны тиімді пайдалануға болатынын түсіндіру қажет. Ең бастысы – кеңес беру, себебі Қазақстанға келген дәрігердің барлығы практик-мамандар.
– Жұмыс күніңіз қалай өтеді?
– Біз бөлім дәрігерлерімен ортақ чат құрдық. Бөлім меңгерушісі қандай науқастарды бірінші кезекте қарау немесе кеңес беру, терапияны өзгерту немесе қандай да бір қосымша тағайындаулар жасау қажет екенін анықтайды. Біз сол науқастарға кеңес береміз.
Егер бөлімге бірінші рет баратын болсақ, онда барлығына бірдей кеңес береміз және қандай пациенттер терапияны түзетуді талап ететінін немесе кімді ауруханадан шығаруға болатынын анықтаймыз.
Мұның барлығын қазақстандық дәрігерлердің өздері де біледі, бірақ кейде олардың әрекетінің дұрыс екенін нақтылайтын қосымша пікір де қажет.
– Қазақстандық әріптестеріңіздің жұмысын қалай бағалайсыз?
– Өзім болған жерлерді “төртке бағалаймын”, кімге болсын “бес” деген баға қою қиын. Науқастар саны көбейген кезде қиын жағдайда дәрігерлерге жұмыс істеу оңай емес. Көп жағдайда емдеуге аз ғана түзету енгізіп жатырмыз. Қазақстанда дәрігерлердің тәжірибесі бар, олар не істеу керек екенін біледі. Жаңа айтып өткенімдей, кейде қосымша пікір қажет.
Сондықтан осы жерде жағдайы ауыр науқастармен жұмыс істейтін барлық маманның жеткілікті тәжірибесі бар деп санаймын.
– Алматыда жақында өкпесі толық зақымдалған әйел сауығып шықты. Тәжірибеңізде мұндай жағдай жиі болып тұра ма?
– Өкпенің 80% және одан да көп бөлігі зақымданған 4-5 науқастың жағдайы тұрақтанды. Осы ауруханада жұмыс істей бастаған бір аптада жағдайы ауыр науқастар тізімінен жағдайы қалыптыларға қосылғандар да бар. Даму байқалады. Тек Алматыда ғана емес, астанада да мұндай жағдай болып жатыр.
Кейде таңғажайып оқиғалардың куәсі болып жатамыз. Өзі травматолог болып жұмыс істейтін дәрігер ауруханада ұзақ жатты. Біздің көз алдымызда аяққа тұрды деуге болады. Бастапқыда науқастың тыныс алу жетіспеушілігі 95%-ті көрсетсе, ауруханадан шығар кезде бұл көрсеткіш айтарлықтай жақсарды.
– Сіздің ойыңызша, күзде қандай жағдай болады? Қазірден бастап неге дайындалу қажет?
– Коронавирус инфекциясы аяқталмайтынын түсіну керек, бұл да басқа вирусты ауру секілді болады. 
Ол уақытқа дейін халықтың басым бөлігі ауырады, көбі ауру белгілерінсіз немесе жеңіл түрде өткізеді. Қазір бізде басқа вирусты инфекция жоқ. Ал қазанда күн суық болған кезде, өзге вирустар өршуі мүмкін. Сондықтан екі ауруды дұрыс ажыратып, диагностикалау қажет. Себебі емдеу тұрғысынан бұл маңызды болып саналады. Ал коронавирустың екінші немесе үшінші толқыны енді болмайды.
– Мұндай жағдайда коронавирус пандемиясы кезінде тұмауға қарсы екпе салдыруға бола ма?
– Профилактикалық вакцинация белгіленген мерзімде жүргізілуі тиіс. Тұмау эпидемиясы жылдың соңына қарай басталады. Вакцинация қыркүйек-қазан айларында жүргізіледі. Иммунитет бірнеше ай бойы дамиды, нәтижесі аурудың шыңына жеткен уақытпен сәйкес келуі керек.
– Қазір коронавируспен күресудің көптеген “балама” тәсілдері пайда болды. Темекі тартатын адамдар коронавируспен жеңіл ауырып шығады деген пікір тараған соң кейбір тұрғындар темекі тарта бастады. Бұл қаншалықты рас?
– Пульмонолог ретінде нақты ештеңе айта алмаймын. Никотин тромбоциттер активаторы болып саналады, ол қан ұюды күшейтеді. Темекі тартатындар жеңіл ауырып немесе мүлде ауырмайды демеймін. Бұл да ішімдік ішу туралы миф секілді. Ішімдік коронавирустан қорғамайды және емдемейді.
– Қымыз бен саумал жайында не айта аласыз?
– Біз қымызбен саумалдың дәмін көрдік. Дәмді екен, пайдалы да шығар. Алайда қымыз бен саумалда коронавирустан қорғауға әсер ететін заттар жоқ.
<a href="https://sputniknews.kz/society/20200716/14491753/dariger-qazaqstan-aurukhana.html">Sputnik</a>

Қазақстанға келген ресейлік дәрігер: &#8220;Коронавирус инфекциясы аяқталмайтынын түсіну керек&#8221;

<a href="https://kyzylorda-news.kz/">Kyzylorda-news-kz.</a> Еңбек және халықты әлеуметтік қорғау министрлігі 50 мың теңге көлеміндегі жәрдемақыға қатысты ақпаратты жоққа шығарды.
<blockquote>
 “Екінші деңгейлі банктер арқылы бірыңғай жиынтық төлем (ЕСП) жасап, 50 мың теңге жәрдемақы алуға қатысты түрлі мессенджерлерде тарап жатқан ақпарат шындыққа жанаспайды”, – деді министрлікте.
</blockquote>
Ведомство елде міндетті түрде бірыңғай жиынтық төлем аударған соң тағайындалатын жәрдемақы жоқ екенін еске салды.
Тұрғындарға жалған ақпаратқа мән бермей, тек ресми ақпарат көздеріне сену керектігі айтылды.
Айта кетсек, 17 шілдеде карантин салдарынан уақытша жұмыссыз қалған тұрғындардан 42 500 теңге алуға өтініш қабылдана бастайды.
Өтініш 1 қыркүйекке дейін қабылданады.
<a href="https://sputniknews.kz/society/20200717/14497745/ECP-tenge-aqparat.html">Sputnik</a>

&#8220;ЕСП&#8221; төлеп, 50 000 теңге ал&#8221;: ақпаратқа қатысты түсініктеме берілді

<a href="https://kyzylorda-news.kz/">Kyzylorda-news.kz.</a> Аудан әкімінің орынбасары Ғалымжан Еркебай бастаған жұмысшы топ Қазалы қаласында «Жұмыспен қамтудың 2020-2021 жылдарға арналған жол картасы» бағдарламасы аясында атқарылып жатқан жұмыстармен танысты.
<blockquote>
 Биыл «Жол картасы» бағдарламасы арқылы облыстық бюджеттен 379,8 мың теңге қаржы бөлініп, 8 көшеге (Ү.Түктібаев, Ж.Жабаев, Қорқыт ата, Құрманғазы Сағырбайұлы, Жанқожа батыр, Жалаңтөс баһадүр, Б.Мергенбаев, Қазалы) жаяу жүргіншілер жолын салу жұмыстары басталған болатын. Қазіргі таңда жеңімпаз мердігерлер тиісті жұмыстарды атқаруда.
</blockquote>
Аралау барысында кейбір көшелердегі құрылыс жұмыстары жобаға сәйкес келмейтін кемшіліктер анықталып, аудан әкімінің орынбасары Ғ.Еркебай мердігер мекемелердің басшыларына 10 күн мерзім ішінде қайта қалпына келтіруді тапсырды.
Сонымен қатар, тиісті бөлім басшысына, қала әкімдігіне, техникалық қадағалаушыға құрылыс жұмыстарын күнделікті қадағалап отыру қажеттігін ескертті.

Қазалы ауданы: Бағдарлама аясында атқарылып жатқан жұмыстар бақылауда

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Серік Ахмет Қармақшы ауданына жұмыс сапарымен барды. Мақсат – дәріханалардағы дәрі тапшылығының алдын алу, аудан ауруханаларындағы қазіргі ахуалмен танысу.
Сапар Төретам кентіндегі емхананың жұмысымен танысудан басталды. Мұнан соң бағыт «Арзан-фарм» дәріханасына бағытталды. Мұндағы сөрелер қажет дәрі-дәрмекпен толыққан. Егер дәрі таусылса екі күн сайын тапсырыспен уақытылы жеткізіліп отырады. Бір қызығы, ұзын-сонар кезектен көз ашпайтын дәріхананың алдында тұтынушылар қатары сиреген. Фармацевттің айтуынша, кезек соңғы 2-3 күнде азайыпты. Ал қажет дәрі қолжетімді бағада сатылуда.
Одан соң сапар Байқоңыр қаласының әкімшілік басшысымен кездесуге ұласты. Келелі кездесуден соң көпбейінді аурухананың, Ақай ауылындағы Төретам ауылдық ауруханасының жай-күйімен танысты. Сондай-ақ сапар «Жұмыспен қамту жол картасы» бағдарламасы арқылы балалар кітапханасы ғимаратына жүргізіліп жатқан құрылыс жұмысында жалғасын тапты. Аудандық балалар кітапханасының ғимараты 1990 жылы пайдалануға берілген. 2020 жылы «Жұмыспен қамту 2020-2021 жол картасы» бағдарламасымен қаржы бөлініп, бүгінде жөндеу жұмыстары жүргізілуде. Келісім-шарт бойынша бұл 31 тамыз аяқталмақ.
Серік Әбжәлелұлы сапар барысында кент орталығындағы ЖК «Кенебаева» дәріханасына аяңдады. Мұнда кей дәрілер болмаса да, оның орнын ауыстыратын қажет дәрілер бар. Егер таусылса, тапсырыс беріп, екі күнде алдырып отырады. Одан соң аудандық емхананың жұмысымен танысты. Мұнда ол індетпен күресуге көмек көрсетіп жүрген жомарт жандармен кездесіп, игі істеріне алғысын айтты.
Ал аудандық аграрлы-техникалық колледжіндегі ұйымдастырылған карантиндік стационарға барған Серік Ахмет мұндағы жұмыспен танысып, санитарлық-профилактикалық талаптардың орындалуын бақылау үшін құрылған мониторингтік топ мүшелерімен кездесті.
Айнұр ӘЛИ,
Қазбек ТАЙБАҒАРОВ (суреттер)

Серік Ахмет жұмыс сапарымен Қармақшы ауданына барды

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасымен Qurban2020.muftyat.kz сайты іске қосылады. Бұл жөнінде діни басқарманың ресми <a href="https://www.muftiyat.kz/kk/news/qmdb/2020-07-16/32160-qurban2020muftyatkz-saity-iske-kosylady/">сайтында</a> хабарланды.
Аталған сайт арқылы Сіз ешқайда бармай, құрбандық шалуға онлайн тапсырыс бере аласыз. Жұмыстың атқарылу барысы туралы тапсырыс берушіге мағлұмат беріледі.
Ең алдымен қазіргі пандемия жағдайында Сіз ешқандай байланысқа түспей, құрбандығыңызды қашықтан шалуға мүмкіндік жасалмақ.
Qurban2020.muftyat.kz деп аталатын сайт жақын күндері толығымен іске қосылады. Ал сайтты техникалық бақылау ҚМДБ-ның «Зекет» қорына тапсырылды.
Жаңа сайттың тағы бір артықшылығы – мұнда құрбандыққа шалынатын төрт түлік бағасымен қоса көрсетіледі. Сол жерден қажетті малды таңдап, тапсырыс бере аласыз.
Ал сойылған малдың еті түгелдей қайырымдылыққа, яғни мұқтаж жандарға үлестіріледі.
<img src="https://kyzylorda-news.kz/wp-content/uploads/2020/07/2007162211280573g.jpg" alt="" />

Құрбан шалуға онлайн тапсырыс беретін сайт ашылады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1707 адам коронавирус індетімен ауырғаны белгілі болды, деп хабарлайды coronavirus2020.kz сайты.
Оның ішінде 782 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 214 / 73
Алматы қаласы – 282 / 120
Шымкент қаласы – 55 / 28
Ақмола облысы – 45 / 26
Ақтөбе облысы – 51 / 34
Алматы облысы – 57 / 29
Атырау облысы – 181 / 132
Шығыс Қазақстан облысы – 130 / 55
Жамбыл облысы – 89 / 56
Батыс Қазақстан облысы – 108 / 58
Қарағанды облысы – 128 / 49
Қостанай облысы – 53 / 13
Қызылорда облысы – 93 / 37
Маңғыстау облысы – 53 / 32
Павлодар облысы – 83 / 21
Солтүстік Қазақстан облысы – 65 / 7
Түркістан облысы – 20 / 12
Жалпы ел бойынша ауырғандар саны 66895.

Қазақстанда коронавирус індетімен ауырғандар саны 66895-ке жетті

Kyzylorda-news.kz. Жұма күні елімізде күн ашық, ыстық болады, деп хабарлайды Қазгидромет.
<blockquote>
 «17 шілдеде еліміздің басым бөлігі әлі де антициклоның ықпалында болғандықтан, жауын-шашынсыз ыстық ауа райы сақталады. Тек еліміздің батысы мен оңтүстік-шығысы атмосфералық фронтарды бөліктердің әсерінен кей жерлерде найзағай ойнап, жаңбыр жауады, бұршақ жаууы ықтимал. Кей жерлерде жел күшейіп, оңтүстік-батыста шаңды дауыл соғуы ықтимал», делінген хабарламада.
</blockquote>
Қызылорда, Қарағанды, түнде Атырау, күндіз Жамбыл, Батыс Қазақстан, Ақмола, Ақтобе, Павлодар облыстарының кей жерлерінде жел 15-23 м/с күшейеді. Жамбыл, Батыс Қазақстан облыстарының кей жерлерінде бұршақ жаууы ықтимал. Манғыстау облысының кей жерлерінде шаңды дауыл күтіледі.
Күндіз Алматы, Жамбыл, Түркістан, Қызылорда, Манғыстау, Батыс Қазақстан, Қостанай, Солтүстік Қазақстан, Ақмола, Павлодар, Қарағанды облыстарында, Шығыс Қазақстан облысының оңтүстігінде қатты ыстық күтіледі, Атырау, Ақтөбе облыстарында қатты, кей жерлерде өте қатты аптап ыстық болуы мүмкін.
Атырау облысында, Қызылорда облысының басым бөлігінде, Батыс Қазақстан, Ақтөбе, Қарағанды, Жамбыл, Түркістан облыстарының кей жерлерінде, Алматы облысының батысында жоғары өрт қауіпі сақталады.

Қазақстан және Қызылорда облысының жаңалықтары

Қазалылық кәсіпкер оттегі баллондарын толтыруға көмек көрсетті

Қызылордада залалсыздандыру жұмыстары жалғасуда

Қызылордаға Өзбекстаннан гуманитарлық көмек келді

Биылғы ЖОО-ның оқу ақысы қанша?

Екі ай жалақы алмаған қазалылық тәрбиешілер әкімге шағымданды

Қазақстанға келген ресейлік дәрігер: “Коронавирус инфекциясы аяқталмайтынын түсіну керек”

“ЕСП” төлеп, 50 000 теңге ал”: ақпаратқа қатысты түсініктеме берілді

Қазалы ауданы: Бағдарлама аясында атқарылып жатқан жұмыстар бақылауда

Серік Ахмет жұмыс сапарымен Қармақшы ауданына барды

Құрбан шалуға онлайн тапсырыс беретін сайт ашылады

Қазақстанда коронавирус індетімен ауырғандар саны 66895-ке жетті

17 шілдеге арналған ауа райы болжамы

Қазақстан және Қызылорда облысының жаңалықтары

Қазалылық кәсіпкер оттегі баллондарын толтыруға көмек көрсетті

Қызылордада залалсыздандыру жұмыстары жалғасуда

Қызылордаға Өзбекстаннан гуманитарлық көмек келді

Биылғы ЖОО-ның оқу ақысы қанша?

Екі ай жалақы алмаған қазалылық тәрбиешілер әкімге шағымданды

Қазақстанға келген ресейлік дәрігер: &#8220;Коронавирус инфекциясы аяқталмайтынын түсіну керек&#8221;

&#8220;ЕСП&#8221; төлеп, 50 000 теңге ал&#8221;: ақпаратқа қатысты түсініктеме берілді

Қазалы ауданы: Бағдарлама аясында атқарылып жатқан жұмыстар бақылауда

Серік Ахмет жұмыс сапарымен Қармақшы ауданына барды

Құрбан шалуға онлайн тапсырыс беретін сайт ашылады

Қазақстанда коронавирус індетімен ауырғандар саны 66895-ке жетті

17 шілдеге арналған ауа райы болжамы

Қазақстанға келген ресейлік дәрігер: “Коронавирус инфекциясы аяқталмайтынын түсіну керек”

“ЕСП” төлеп, 50 000 теңге ал”: ақпаратқа қатысты түсініктеме берілді