<a href="https://kyzylorda-news.kz/">Kyzylorda-news.kz.</a> Қызылорда облысы бойынша халыққа қызмет көрсету орталықтары жұмысын қайта жандандырып, жаңа форматта қызмет көрсете бастады.
Алғашқы жұмыс күні осы ХҚО-ларда 2359 мемлекеттік қызмет көрсетілді. Олардың 50%-дан астамы алдын ала брондау арқылы қамтамасыз етілген. Қалғандары сол жерде бронь жасаған немесе операторлардың босауын күткен. Сонымен қоса, облыс бойынша Халыққа қызмет көрсету арқылы 1059 тұрғын құжаттандырылып, 40 азамат тұрғылықты жері бойынша тіркелді. Бұл туралы Өңірлік коммуникациялар қызметінің ақпарат алаңында өткен брифингте «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиал директоры Айдын Қайруллаев мәлімдеді.
Естеріңізге сала кетейік, «Азаматтарға арналған үкімет» мемлекеттік корпорациясы коронавирус пандемиясы қауіпінің сақталуына байланысты мемлекеттік қызметтерді көрсетудің жаңа форматын ұсынды. Осыған сәйкес азаматтар Халыққа қызмет көрсету орталықтарынан тек «қағаз жүзіндегі» қызметтер мен онлайн түрде рәсімделген қызметтердің нәтижелерін ала алады. 
Бұл ретте қызметтерді тек алдын ала жасалған брондау арқылы алуға болады. Халыққа қызмет көрсету орталығына кезек уақытын egov.kz порталы мен Telegram-Bot қосымшасы арқылы немесе 1414 нөміріне қоңырау шалу арқылы белгілеуге болады.
Бұл жаңашылдықтар тек қалалық халыққа қызмет көрсету орталықтарының жұмысына ғана қатысты. Ал аудандық маңызы бар қалаларда, сондай-ақ аудан орталықтарында орналасқан бөлімдерде келушілердің ағыны қалаға қарағанда айтарлықтай аз болуына байланысты өзгеріссіз бұрыңғы режимде жұмыс істейтін болады.
<blockquote>
 «Кезекті алдын ала брондау – ең алдымен азаматтар үшін өте ыңғайлы болып табылады. Яғни, ХҚО-ға бірден қызмет алу үшін немесе құжатын алып кету үшін ғана барады. Кеше бірінші жұмыс күні кезекке тапсырыс бермеген қызмет алушының өзінен жағымды пікір естідік. Олар қызметтерді тез алуға болатындығын өздері көріп, келесі жолы тек брондау арқылы келуге уәде берді», – деді Айдын Қайруллаев.
</blockquote>
Сондай-ақ, филиал директоры кезекке тапсырыс берген клиенттердің белгіленген уақыт аралығында келу керектігін айтты, себебі бронь уақыты өтіп кетсе, қайта брондау рәсімін жасау керек болады. Сонымен қатар, бронь барысында тіркелген ЖСН иесі ғана электронды кезекті пайдалана алады.
Айта кету керек, төтенше жағдай мерзімінде 9 мыңнан астам қызылордалықтардың жеке куәлік мерзімі өтіп кеткен екен. Осыған орай, “Азаматтарға арналған үкімет” мемлекеттік корпорациясының облыстық филиалы көші-қон басқармасы және облыстық білім басқармасымен бірлесіп игі бастаманы қолға алды. Фронт-офис және көші-қон мамандарымен осындай мәселелерге кезігіп қалған зейнет жасындағы және мүмкіндігі шектеулі жандардың үйлеріне барып, формулярмен құжаттарын рәсімдеп берді. Енді жеке куәлік мерзімі өтіп кеткен зейнеткерлер мен мүмкіндігі шектеулі жандар болса 1414 байланыс орталығына хабарласып электронды өтініш білдіреді. Өтініш түскеннен соң мамандар үйлеріне барып, құжаттандыру жұмыстарын жүргізетін болады.
Естеріңізге сала кетейік, азаматтар электронды форматқа аударылған және egov.kz порталында қолжетімді барлық мемлекеттік қызметтің 80%-дан астамын өздігінен алу үшін арнайы өзіне-өзі қызмет көрсету секторлары ашылды. Онда азаматтар өзіне қажетті қызмет түрлерін онлайн түрде ала алады.
Өзіне-өзі қызмет көрсету секторлары келесі мекенжайларда орналасқан:
– Қалаға қарасты барлық ауылдық округ әкімдігінің ғимараты 
– Ә.Тәжібаев облыстық кітапханасы 
– Сол жағлауда орналасқан облыстық жастар ресурстық орталығы 
– «Бақытты отбасы» орталығы 
– Қаламыздағы барлық емханаларда 
– Қалаға қарасты барлық мектептерде
<img src="https://kyzylorda-news.kz/wp-content/uploads/2020/05/kajrwllaev.jpg" alt="" />

Қызылордалықтар «ХҚО»-ға кезек уақытын алдын ала брондап бара бастады

<a href="https://kyzylorda-news.kz/">Kyzylorda-news.kz.</a> Синоптиктердің болжауынша, Қазақстанның кей аймақтарында жауын-шашынды ауа райы сақталады, деп хабарлайды Қазгидромет.
Сонымен қатар солтүстіктік өңірлерде найзағай ойнап, бұршақ жаууы мүмкін. Ал өңтүстік аймақтарда шаңды дауыл тұрады.
Қызылорда облысында жылдамдығы 15-20 м/с желдің ұйытқу қатері бар. Сондай-ақ аймақта шаңды дауыл болады.

20 мамырға арналған ауа райы болжамы

Дүниежүзілік метрология күні
Метрология (грек тілінде metron – өлшем және logos – сөз, ілім) – өлшеудің бірлігі мен қажетті дәлдікке жету тәсілдері жөніндегі ғылым. Қазақстанда алғашқы метрологиялық мекеме 1923 жылы Семей қаласында ұйымдастырылды. Ол 1925 жылы Семей және Жетісу губернияларындағы таразыларды, гірді, ұзындық пен көлем өлшемдерін тексеруді жүзеге асыратын өз алдына жеке палата болды. Оның бөлімдері Петропавл, Ақтөбе, Алматы қалаларында жұмыс істеді. 1930 жылы палата Алматыға көшірілді. 1974 жылы Алматы қаласында арнайы эталондар сақтайтын ғимарат салынды. Республиканың метрологиялық қызметінде тексеру жұмыстарын жүргізу үшін 20 жұмыс эталоны (қысым, температура, масса, ұзындық, электрлік сыйымдылық, электрлік кедергі, түзу, түзу сызық, т.б.) қолданылады. 2000 жылы Қазақстанда мемлекеттік уақыт және жиілік эталоны пайдалануға енгізілді.
&nbsp;Дүниежүзілік аралар күні
БҰҰ халықаралық күндер жүйесінде аталып өтіледі. Аралар популяциясының қысқару мәселесі және осы жәндіктерді қорғаудың маңыздылығына назар аудару үшін бекітілген. БҰҰ Бас ассамблеясы Дүниежүзілік аралар күнінің датасы ретінде 20 мамырды таңдаған. Бұл күні танымал словен ара өсірушісі Антон Янши дүниеге келген.
1994 жылы құрамында «Азия», «Казахстанская правда» газеттері, «Азия-пресс» ақпарат агенттігі, сондай-ақ ерікті түрде кірген басқа да кәсіпорындар мен ұйымдары бар «Еуразия-пресс» республикалық редакциялық-баспа корпорациясы құрылды.
1998 жылы «Қазақстан Республикасы астанасының мәртебесі туралы» ҚР Заңы қабылданды. Осы Заң Қазақстан Республикасы астанасының құқықтық мәртебесін, жұмыс істеуінің ұйымдық-саяси және экономикалық негіздерін айқындайды.
2014 жылы Халықаралық банкнот қоғамдастығы (IBNS) ҚР Ұлттық банкін 2013 жылдың қорытындысы бойынша «Күлтегін» көне түркі жазбасына арналған 1000 теңгелік естелік банкноты үшін «Жылдың үздік банкноты» номинациясымен кезекті рет марапаттады.

20 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 20 мамырға арналған жұлдыз-жорамалы.
Тоқты
Жаңа жұмыс бастайсыз. Бұл іс өзге түгіл өзіңізге қызықты болады. Қаржылық жағдайыңыз да жақсарып, жаңа кәсіпті дөңгелетіп әкетесіз. Сонымен қатар бүгін сізді жаңа таныстықтар күтіп тұр.
Тоқты
Барлық ісіңіз алға басады. Ештеңеге алаңдаудың қажеті жоқ. Бұрын өзіңіз қиын санаған шаруаларды да оңай атқара аласыз. Жаңа жұмыс ұсынатындар табылады. Ұзақ мерзімге серіктес табасыз.
Егіздер
Жұмыс үшін жағымды күн. Сіздің мақсатыңызға жету сіз күткеннен әлдеқайда жеңіл. Күннің басында қиял мен шығармашылықты қажет ететін нәрселерге көңіл аудару ұсынылады – олар сізге өзіңізді жақсы жағынан көрсетуге көмектеседі.
Шаян
Қиын күн. Өз қабілетіңізге сеніңіз. Қарапайым мақсаттарға жету үшін де көп күш жұмсайсыз. Қызықты кездесулер болуы мүмкін. Достарыңыздың кеңесіне құлақ түріп, олардың білімін пайдаланыңыз. Ол сіз үшін пайдалы.&nbsp;
Арыстан
Үлкен табысқа жетуге мүмкіндік беретін жақсы күн. Ірі ауқымды жобалар мен күрделі істерді қабылдауға қорықпаңыз. Өзіңіздің тәжірибеңіздің аздығы мен білімсіздігіңіздің кесірінен аздаған проблемаларға кезігуіңіз мүмкін.
Бикеш
Сабырлық сақтаңыз. Жұмыс барысында шыдамдылық танытқаныңыз жөн. Бастаған істі соңына дейін жеткізу үшін сақтық шараларын сақтап, оңайлықпен берілмейсіз. Жұмысты сәтті аяқтайсыз.
Таразы
Бүгінгі күн ресми және бейресми кездесуге қолайлы күн. Сапарларды осы күнге жоспарлауға болады. Жоспарланған сапарлар қызықты өтіп, жаңа адамдармен танысуға мүмкіндік береді. &nbsp;Қымбат сыйлықтар алуыңыз мүмкін.
Сарышаян
Алдыңызға жоғары мақсаттар қоюға қорықпаңыз. Оларға қол жеткізу мүмкіндігіңіз бар. Жеке өміріңізді қолға алуға қолайлы күн. Енді адамдар сіздің ең жақсы қасиеттеріңізге назар аударады, бірақ олар кемшіліктерді байқамайды.
Мерген
Бүгінгі күн соншалықты жаман емес. Бірақ сізге айналаңыздағы адамдардың бәрі қарсы тұрғандай көрінеді. Сіз бүгін көңілді болғанды ұнатасыз. Сондықтан, жұлдыздар сізді қуанта алатын адамдармен бірге уақыт өткізуге кеңес береді.
Тауешкі
Өзіңіздің мүмкіндігіңізді дұрыс пайдаланбайсыз. Барлық тапсырманы мұқият орындауға шамаңыз жетеді. Бірақ шыдамдылық танытуға тура келеді. Сізге көмектесетін жандар табылады.
Суқұйғыш
Күніңіз сәтті өтеді. Ұсақ-түйекке бола уайымға салынбаңыз. Тосынсчыйларға дайын болыңыз. Қиын жұмыстың өзінен пайда таба аласыз. Егер жоспарыңыз ойдағыдай болмаса, қапа болмаңыз.
Балықтар
Сабырлы болыңыз. Барлығы тез оңала қоймайды. Жұмыста да, жеке өмірде де бірнеше қадамнан соң ғана сәттілік серігіңізге айналады. Ең бастысы өзіңіздің жан қалауыңызды білесіз. Соған жетуге талпынасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Бүгін қасиетті Қадір түнінің қарсаңында Қызылорда облысы әкімі Гүлшара Әбдіқалықованың атынан 200 отбасыға арналған «Ауызашар қоржыны» таратылды.
ҚМДБ төрағасы, Бас мүфти Наурызбай қажы Тағанұлының тапсырмасымен бастау алған «Жүрек жылуы» республикалық акциясы аясында Рамазан айының құрметіне өңірімізде ұйымдастырылып жатқан «Ауызашар қоржыны» қайырымдылық шарасына аймақ басшысы да өз үлесін қосты.
ҚМДБ-ның Сыр өңіріндегі Бас имамы Болатбек Ұласқанұлы бастаған қала мешіттерінің қызметкерлері мен ерікті жамағаттары облыс әкімінің тұрғындарға жолдаған ізгі лебізі мен мерекелік қоржындарын жеткізді.
Айта кетейік, берекелі ай басталғалы бері аталмыш акция аясында жалпы облыс бойынша әлеуметтік жағдайы аз қамтылған 1600 отбасыға азық-түлік салынған «рамазан қоржындары», 50 отбасыға 432 кг ет, 40 отбасыға 1 тонна күріш үлестірілді.

Қызылорда облысы әкімінің атынан 200 отбасыға «Ауызашар қоржыны» тарту етілді

<a href="https://kyzylorda-news.kz/">Kyzylorda-news.kz.</a> Қазалы ауданындағы ауыл шаруашылығы мамандарын дайындайтын колледж жанынан арнайы жылыжай ашылып, алғашқы өнімін бере бастады.
Өткен жылы құрылысы басталған жылыжайда әзірге қияр мен қызанақ қана өсіп тұр. Алдағы уақытта гүлдің түр-түрін өсіру жоспарлануда.
Жылыжайға егілген қияр мен қызанақты күтіп-баптау колледж директорының шаруашылық жөніндегі орынбасары Болат Садықовқа бекітілген. Осыдан 2 ай бұрын егілген қиярдың қазір желегі жайқалып, пісіп тұр. Амандық болса мамыр айының аяғына дейін қызанақ та жеміс бере бастайды.
Қазалы аграрлы-техникалық колледжінің директоры Темірбек Исмайловтың айтуынша, алдағы уақытта «Жылыжайда көкөніс өсіруші» мамандығын ашу жоспарда бар. Білім ордасында мұндай тәжірибе алаңының болуы болашақ мамандардың өз кәсібін жетік меңгеріп шығуына сеп болмақшы.
Студенттер жаңа технологиялардың, тамшылатып суарудың пайдасы қандай екенін, қандай процестер қолданған жағдайда жақсы өнім алуға болатынын үйренеді.
<img src="https://kyzylorda-news.kz/wp-content/uploads/2020/05/kazaly-2-1.jpg" alt="" />
<img src="https://kyzylorda-news.kz/wp-content/uploads/2020/05/kazaly-3-1.jpg" alt="" />
<img src="https://kyzylorda-news.kz/wp-content/uploads/2020/05/kazaly-4.jpg" alt="" />

Қазалыда колледж жанындағы жылыжай өнім бере бастады

<a href="https://kyzylorda-news.kz/">Kyzylorda-news.kz.</a> Енді «отандық өнім шығарамын» деген кәсіпкерлерге 3%-пен несие беріле бастайды, деп хабарлайды <a href="https://24.kz/kz/zha-aly-tar/o-am/item/396948-aza-standa-nerk-sipti-damytu-ory-rylady">«Хабар 24».</a>
Үкімет шаруаларды қолдауға жіті мән беріп отыр. Микро және шағын бизнеске бет бұрғандар 20 млн теңгеге дейін қарыз ала алады. Тың бастамалардың барлығы экономикалық өсімді қалпына келтірудің кешенді жоспарына енгізілген.
Әлемде алыс-беріс азаяды. Әсіресе, шикізатқа сұраныс күрт төмендейді. Қазірдің өзінде қара алтын құны 50%-ке құлдыраған. Жағдай осылай жалғаса берсе, көп ел кедейліктің қамытын киеді. Қойнауда барын қазып, содан қазына толтырып келген біздің ел үшін сөзсіз қиын болғалы тұр.
Сондықтан Үкімет қам-қарекетке көшті. Экономикалық өсімді қалпына келтірудің кешенді жоспарын әзірледі.&nbsp;
<blockquote>
 «Жалпы кешенді жоспарда көзделген шаралар бірқатар салалардың белсенділігін қалпына келтіруге мүмкіндік береді. Бұл салаларда 6 миллионнан аса адам жұмыспен қамтылған», – дейді ҚР Премьер-министрі Асқар Мамин.
</blockquote>
Маңызды құжат 10 бағыттан тұрады. Бірқатар саланы қамтиды. Билік өңдеу өнеркәсібіне басымдық беріп отыр.
Енді отандық өнім шығарамын деген кәсіпкерлерге 3%-пен несие беріледі. Олар өз тауарын экспорттайтын болса, жол шығынын мемлекет өтеп береді. Ол үшін өнеркәсіпті дамыту қоры құрылатын болды. Шенділер «шаруалардың шаруасын да ширатамыз» деп білек сыбанып отыр.
<blockquote>
 «Субсидияланатын шикізат санатын кеңейту жоспарлануда. Пилоттық режимде «Егістіктен – сөреге дейін» қаржыландыру тетігі енгізіледі. Бұл аграрлық өнімді тұрақты сатып алу және өткізу жүйесі», – дейді ҚР Ұлттық экономика министрі Руслан Дәленов.
</blockquote>
Мұндайда микробизнес қағажу қалатын еді. Бірақ бұл жолы елеп-ескерді. Енді микро және шағын кәсіппен айналысамын дегендерге де несие беріледі. Олардың 20 млн теңгеге дейін қарыз алуына мүмкіндігі бар.
<blockquote>
 «Микробизнеске бірінші рет біздің тарихымыда көңіл бөлініп отыр. Өйткені біздегі кәсіпкерлердің 75%-і осындай микробизнеспен айналысады. Сол себепті оларға бірінші рет банктердің қатысуымен, Үкіметтің қолдауымен үлкен қомақты қолдау көрсетілейін деп отыр», – дейді «Атамекен» ҰКП басқарма төрағасы Абылай Мырзахметов.
</blockquote>
Мемлекет құрылысқа қарқын қосып, туризмді түлетіп, тіпті азаматтық авиацияның адымын алшаң қылуды көздеп отыр. Қауіпті кесел – елдің осал тұсын аршып берді. Енді биологиялық қауіпсіздікке ұқыптырақ қарайтын боламыз.
<blockquote>
 «Осы жылдың соңына дейін биологиялық қауіпсіздік жөніндегі кеңес құрылатын болады. Оған беделді ғалымдар мен сарапшыларды тартылады. Ұлттық санитарлық-эпидемиологиялық қызметті күшейту бойынша шаралар қабылданатын болады. Бұл материалдық-техникалық базаны нығайту», – дейді министр.
</blockquote>
Отандық бизнес – экономиканың күретамыры. Қазір қан жүгіртпесе, қабысып қалады. Сондықтан Үкімет елдің стратегиялық даму жоспарына өзгеріс енгізбек. Алдағы 5 жылда қандай қам қылатынымыз сол құжатта жазылады.

Қазақстанда өнеркәсіпті дамыту қоры құрылады

<a href="https://kyzylorda-news.kz/">Kyzylorda-news.kz.</a> 1 маусымнан бастап Қазақстанда теміржол арқылы жолаушыларды тасымалдау қайта іске қосылады. 15 мамырдан билеттерді интернет арқылы және вокзал кассаларынан сатып алу басталды.
Дей тұрғанмен, жолаушыларды вокзал ғимараты мен пойыздарда жаңа ережелер күтіп тұр.&nbsp;
<img src="https://kyzylorda-news.kz/wp-content/uploads/2020/05/pojyz.png" alt="" />
<a href="https://sputniknews.kz/infographics/20200519/14013200/vokzaldar-zhumys.html">sputniknews.kz</a>

Қазақстанда вокзалдар қалай жұмыс істейді

<a href="https://kyzylorda-news.kz/">Kyzylorda-news.kz.</a> Биыл Қызылорда облысында «Жұмыспен қамту жол картасы» аясында 9299 жұмыс орны ашылып, 500-ге жуық тұрақты жұмыс орнын құру жоспарлануда. Бұл туралы Өңірлік коммуникациялар қызметінің ақпарат алаңында өткен баспасөз конференциясында Облыстық жұмыспен қамтуды үйлестіру және әлеуметтік бағдарламалар басқармасының басшысы Талғат Дүйсебаев мәлімдеді.
«Бағдарламаның мақсаты – жұмыссыздық деңгейін төмендету, кадрлік әлеуетті дамыту, жаңа жұмыс орындарын құру. Сондай-ақ, жол картасында мынадай жұмыс түрлері мен объектілер бойынша инфрақұрылымдық жобалардың тізімі ұсынылды. Олар:
1) Әлеуметтік-мәдениет объектілерін – білім беру, денсаулық сақтау, әлеуметтік қамсыздандыру, мәдениет объектілерін күрделі және ағымдағы жөндеу, реконструкциялау;
2) Тұрғын үй-коммуналдық шаруашылық объектілерін (сумен жабдықтау, кәріз объектілері, жылумен, электрмен жабдықтау жүйелері, көппәтерлі тұрғын үйлер) күрделі, орташа және ағымдағы жөндеу;
3) Инженерлік-көлік инфрақұрылымын (кентішілік және ауылішілік жолдар, кірме жолдар, тротуарлар, бөгеттер, дамбалар мен көпірлер, арналар, су шаруашылығы объектілері және құрылыстары) күрделі, орташа және ағымдағы жөндеу, реконструкциялау;
4) Елді мекендерді абаттандыру. Яғни аулаларды абаттандыру, көшелерді, саябақтарды, скверлерді жарықтандыру және көгалдандыру, қоршауларды, балалардың ойын және спорт алаңқайларын жайластыру »,- деді сала басшысы.
Қазіргі таңда 175 жобаның мемлекеттік сатып алу конкурстары аяқталып, мердігерлері анықталды. Мұнан өзге, 25 жоба бойынша келісім шарт жасалып, 74 азамат жұмысқа тартылды.
Айта кетейік, жобаларды іске асыру кезінде жұмыссыз жастарға, оның ішінде денсаулығына зиян келтірмейтін және оқу процесін бұзбайтын жұмыстарға студенттерді жұмысқа орналастыруға басымдық беріледі.
Құрметті қызылордалықтар, бағдарламаға қатысу үшін сіз алдын ала жұмыссыз тұлға ретінде жұмыспен қамту орталығына хабарласып, тіркелуіңізге болады.

Қызылорда облысында 276 инфрақұрылымдық жоба іске асырылады

<a href="https://kyzylorda-news.kz/">Kyzylorda-news.kz.</a> Оқу жылы аяқталуға жақын. Пандемия кезеңіне орай IV тоқсан қашықтан оқыту форматында аяқталады. Осыған орай 11-сынып оқушылары үшін бір мезетте кәсіби бағдар беруге арналған телесабақтар берілмек.
22 мамыр күні, сағат 11:00-де, (Қызылорда уақытымен 10:00-де) “Балапан” және “Еларна” телеарналарында телесабақтар ұйымдастырылады.
11-сынып оқушылары үшін кәсіби бағдар беріліп, жан-жақты ақпарат ұсынылады. Осы себепті барлық мектептің жоғары сынып оқушылары телесабақтар трансляциясын көруі қажет.
Айта кетейік, Қызылорда облысында 6060 оқушы 11-сыныпты аяқтайды.

Телесабақтар арқылы кәсіби бағдар беріледі

Оқыған: Фариза ОМАРОВА
Аз ба, көп пе, адам баласы бір түрлі мақтаннан аман болмағы – қиын іс. Сол мақтан деген нәрсенің мен екі түрлісін байқадым: біреуінің атын үлкендік деп атаймын, біреуін мақтаншақтық деймін. Үлкендік – адам ішінен өзін-өзі бағалы есеп қылмақ. Яғни, надан атанбастығын, жеңіл атанбастығын, мақтаншақ атанбастығын, әдепсіз, арсыз, байлаусыз, пайдасыз, сұрамшақ, өсекші, өтірікші, алдамшы, кеселді – осындай жарамсыз қылықтардан сақтанып, сол мінездерді бойына қорлық біліп, өзін ондайлардан зор есептемек. Бұл мінез – ақылдылардың, арлылардың, артықтардың мінезі. Олар өзімді жақсы демесе, мейлі білсін, жаман дегізбесем екен деп азаптанады. Екінші, мақтаншақ деген біреуі «демесін» демейді, «десін» дейді. Бай десін, батыр десін, қу десін, пысық десін, әрдайым не түрлі болса да, «десін» деп азаптанып жүріп, «демесінді» ұмытып кетеді. Ұмытпақ түгіл, әуелі іс екен деп ескермейді. Мұндай мақтаншақтардың өзі үш түрлі болады. Біреуі жатқа мақтанарлық мақтанды іздейді. Ол – надан, ләкин надан да болса адам. Екіншісі өз елінің ішінде мақтанарлық мақтанды іздейді. Оның надандығы толық, адамдығы әбден толық емес. Үшіншісі өз үйіне келіп айтпаса, я ауылына ғана келіп айтпаса, өзге кісі қостамайтын мақтанды іздейді. Ол – наданның наданы, ләкин өзі адам емес.
Жатқа мақталсам екен деген елім мақтаса екен дейді. Еліме мақталсам екен деген ағайыным мақтаса екен дейді. Ағайынның ішінде өзі мақтау іздеген өзімді өзім мақтап жетем дейді.
1894

Абай Құнанбайұлының жиырма бірінші қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы&nbsp; COVID-19 коронавирусын пандемия деп жариялады. Осыған байланысты Қазақстанда да халықтың қауіпсіздігін сақтау үшін төтенше жағдай жарияланды.
Әлемді шарпыған індет біздің елдің әлеуметтік-экономикалық дамуына да кер әсерін тигізбей қоймады. Өндіріс орындарының жұмысы тоқтап, халық көп шоғырланатын ұйымдар онлайн режимге көшті. Жүзден астам мемлекетте орта мектептер жұмысын тоқтатты. Ал білім беру жүйесі қандай жағдай да да тоқтамауы тиіс.
Бұл біздің елдің алдында тұрған үлкен сынақ болғаны анық. Дегенмен ҚР Білім және ғылым министрлігінің дер кезінде қабылданған шешімінің арқасында мектептердегі оқу үдерісі қашықтан оқыту режиміне көшті. Бұрын мұндай үдерісті бастан өткізіп көрмеген біз үшін бұл таңсық болды, әрине.
Алғашында интернет, техника жағынан қиындық туындағаны жасырын емес. Десек те ХХІ ғасыр оқушылары дәстүрлі оқу мен жаңа технологияны да қатар игеруі керек. Осы ретте айтарым кездескен көптеген кедергілерге қарамастан мектеп мұғалімдері балаларымыз бен қоса бізге де, яғни, ата-аналарға да көмек көрсетті.
Қалай десек те, «Өзінің уақытын аямаған, өзгенің бағытын аялаған» ұстаздар қауымының еңбегі зор. Әр балаға білім беріп, оның артында тұрған бір-бір ата-анаға жаңа білім жүйесін түсіндіруден жалыққан емес. Әр пәнді жете түсіндірген мұғалімдер баланың жанында отырғандай сүйеу бола білді.
Ұстаздар қауымының әр онлайн-сабаққа үлкен жауапкершілікпен дайындалатындары көрініп тұрды. Балалар сыныптастарымен бірге сабаққа белсене қатысудың арқасында тақырып меңгеруде қиындықтар туындаған жоқ.
Осылайша, оқу жылының соңғы тоқсанында өткен қашықтан оқыту жүйесі мектептің&nbsp; бала тәрбиесіндегі маңыздылығын және ұстаздар қадірін арттыра түсті.
№3 IT–мектеп
4 «А» сыныбының ата-аналары

Қазақстан және Қызылорда облысының жаңалықтары