<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова мемлекеттік рәміздер күнінде кезекте тұрған 180 отбасыға пәтер кілтін табыстады.
Оның ішінде әлеуметтік осал топтағы және көпбалалы отбасылар бар. Сырдария өзенінің сол жағалауында орналасқан 4 жаңа тұрғын үй «Нұрлы-Жер» бағдарламасы аясында берілді.
<blockquote>
 «Тәуелсіз еліміздің елдігін, мемлекетіміздің мәртебесін айқындайтын басты құндылықтарымыз Мемлекеттік рәміздер күні мерекесінде Сіздердің қуаныштарыңызды бөліскелі тұрмыз. Соңғы 3 жылда «Нұрлы жер» тұрғын үй құрылысы мемлекеттік бағдарламасы аясында облыс бойынша тұрғын үйлердің құрылысына 45,4 млрд. теңге бөлінді. Нәтижесінде 398 мың шаршы метрді құрайтын 141 көпқабатты тұрғын үй пайдалануға берілді. Демек, соңғы 3 жылда 5 мыңға жуық отбасы жаңа пәтерге ие болды. 20 мыңнан астам тұрғын баспанамен қамтамасыз етілді. Биылдың өзінде өңірімізде 1 186 пәтерді құрайтын 81 тұрғын үйдің құрылысы жүргізілуде. Бүгін міне, сол жағалауда жаңа тұрғын үйді пайдалануға береміз. Қоныстарыңыз құтты болсын», – деді Гүлшара Әбдіқалықова.
</blockquote>
Облыс әкімі қоныс тойын тойлап жатқан Өтеповтер әулетінің шаңырағында болды. «Алтын алқа» иегері Алмагүл Өтепова Гүлшара Әбдіқалықоваға тұрғындар атынан алғыс білдірді.
<blockquote>
 «Бүгін жаңа пәтеріміздің кілтін алып қуанышқа бөленудеміз. Мемлекет тарапынан көпбалалы отбасыларға көрсетіліп жатқан қолдауға алғыс айтқым келеді. Аймақ басшыларына ризашылығымды жеткіземін. Қуанышты күндеріміз көп болсын», – деді Алмагүл Өтепова.
</blockquote>
Шара соңында Қызылорда қаласының құрметті азаматы, еңбек ардагері Жарылқасын Шәріпов жиылған жұртқа батасын берді.
Соңғы 3 жылда пайдалануға берілген 141 көпқабатты тұрғын үйдің жаңа қаладағы үлесі 620 пәтерлік 13 көпқабатты арендалық баспана. Сондай-ақ, несие бағдарламасы бойынша 240 пәтері бар 4 көпқабатты тұрғын үй тапсырылған. Ал, жеке құрылыс компанияларының есебінен 604 пәтерлі 14 көпқабатты тұрғын үй ел игілігіне пайдалануға берілді.
Жыл соңына дейін 680 пәтерлік арендалық 14 көпқабатты үйдің және несие бағдарламасы бойынша 590 пәтері бар 13 тұрғын үйдің құрылысы аяқталады деп жоспарланып отыр. Жеке инвесторлардың қаражатына 86 пәтерлік 2 көпқабатты тұрғын үйдің құрылысы жүргізілуде.
<img src="https://kyzylorda-news.kz/wp-content/uploads/2020/06/wj.jpg" alt="" />
<img src="https://kyzylorda-news.kz/wp-content/uploads/2020/06/wj2.jpg" alt="" />
<img src="https://kyzylorda-news.kz/wp-content/uploads/2020/06/wj3.jpg" alt="" />

Қызылордада көпбалалы отбасыларға пәтер кілті табысталды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының тумасы, ҚР Мемлекеттік Елтаңба авторы, өнертану профессоры Жандарбек Мәлібекұлы Сыр елін айтулы мерекемен құттықтады.
Елтаңба авторы туған жері Қызылорда облысының әр жетістігіне қуанатынын жеткізіп, жерлестеріне ақ тілегін білдірді.
<blockquote>
 «Кіндік қаным тамған жер Қызылорда облысы болса, облыстың тұрғындарын әр жыл сайын атап өтілетін 4 маусым – мемлекеттік рәміздер күні мерекесімен шын жүректерден құттықтаймын. Сіздерге біріншіден денсаулық, екіншіден табыс, үшіншіден сәттілік тілеймін. Ойларыңыз әрдайым жүзеге аса берсін. Сіздердің жетістіктеріңіз біздің қуанышымыз. «Сыр – Алаштың анасы», «Сыр елі – жыр елі», «Сыр өңірі – берекелі өңір» деген бар. Осыған әркез лайық болуларыңызды тілеймін», – деді Жандарбек Мәлібекұлы өз құттықтауында.
</blockquote>

Елтаңба авторы қызылордалықтарды мерекемен құттықтады

<a href="https://kyzylorda-news.kz/">Kyzylorda-news.kz.</a> Ағымдағы жылы Қызылорда облысы бойынша барлығы 131 357 гектар жерге шегіртке зиянкестеріне қарсы химиялық өңдеу жүргізу болжанды.
Қазіргі күні, Қызылорда облыстық аумақтық инспекциясы және облыстық ауыл шаруашылығы басқармасы тарапынан республикалық фитосанитарлық диагностика және болжамдар әдістемелік орталығының мәліметі бойынша, облыс аумағында саяқ шегріткеге қарсы өңдеу жұмыстарын жүргізу басталуда.
Осыған орай, шегіртке зиянкесіне қарсы химиялық өңдеу жұмыстарын жүргізуге 17 дана жер үсті вентиляторлық бүріккіштер және 9 дана әуе кемелері облыс аумағына толығымен жеткізілді.
Осыған сәйкес, қала және аудан әкімдіктері тарапынан химиялық өңдеу жұмыстарын жүргізу кезінде бал ара омарталары және жан-жануарлар шаруашылығына зиян&nbsp; келтірмеу шаралары назарға алынып бал ара және мал шаруашылығымен айналысатын жеке және заңды тұлағаларға алдын-ала ескертулер жіберіледі.
Сондықтан, облыс тұрғындары және ауыл шаруашылығымен айналысатын жеке және заңды тұлғалар әкімдіктері тарапынан жіберілген ескертулерді қатаң сақтаулары қажет.

Қызылорда облысында шегірткеге қарсы өңдеу жұмыстары басталуда

Қашықтан оқыту: Қызылордалық мұғалімнің бір күні (ФОТО)

<a href="https://kyzylorda-news.kz/">Kyzylorda-news.kz.</a> Қазақ елінің тәуелсіздігі мен дербестігін, егемендігін бүкіл әлемге паш ететін рәміздері – Туы, Елтаңбасы және Әнұраны. Мемлекетіміздің мызғымас негіздерінің бірі саналатын бұл құнды белгілерімізбен халқымыздың сан ғасырлық арман-тілегі, мұқалмас рухы мен қаһармандығы астасып жатыр.
Осы құндылықтарымыз жайында ҚР Тұңғыш Президенті – Елбасы Нұрсұлтан Назарбаев бір сөзінде: «Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек. Әр азамат Қазақстанның Туын, Елтаңбасын, Әнұранын тұмардай қасиет тұтуы қажет. Елдігіміздің сыналатын бір тұсы – осы», – дегені есте.
Ендеше, осынау құндылықтарымызды қаншалықты қастерлеп жүрміз? Туымызға, Елтаңбамызға, Әнұранымызға құрметіміз қандай?! Әрине, қоғам болғаннан кейін ішінде ала да, құла да болады. Айталық, күні кеше ғана орта мектепті бітіріп, 11 жылдық еңбегі сіңген мұқабасында Мемлекеттік Елтаңбамыз бар аттестаттарын қоқыс жәшігіне лақтырып кеткен үш жасөспірімнің жөнсіз әрекеті әлеуметтік желіге тарап, қоғамның ашу-ызасын тудырған болатын. Сәл кейін дәл сол үш жасөспірімнің жасаған қылықтары үшін кешірім сұраған видеосы да тараған-ды.
«Құрметті барша қазақстандықтар, ұстаздарымыз, балалықпен жасаған қателігіміз үшін кешірім сұраймыз. Білім туралы аттестат біздің болашағымыздың құжаты екенін түсінеміз, сезінеміз. Біз өзіміздің Елтаңбамызды құрметтейміз, сыйлаймыз. Балалықпен жасаған ісімізге өте қатты өкінеміз», – деген еді олар.
Статистика сөйлейді
Бүгінгі рәміздер күніне орай және жоғарыда атаған жасөспірімдердің қылығын саралау мақсатында мемлекеттік құндылықтарымыздың қадірін түсінбей, аяқасты ететіндердің санын білмек болып ҚР Бас прокуратурасының Құқықтық статистика және арнайы есепке алу комитетінің ақпараттық сервисіндегі статистикалық мәліметтерге жүгінген едік. Ондағы жаңартылған деректерде осы жылдың алғашқы екі айында еліміздің мемлекеттік рәміздерін қорлау дерегі тіркелмегенін көрсетіп тұр. Сондықтан өткен жылғы статистиканы да сүзіп қарап шықтық. Қарап шықтық та, жиі болмаса да мемлекеттік рәміздерімізді қорлайтындардың бар екенін байқадық. Мәселен, сервисте келтірілген деректерге сәйкес, 2019 жылдың қаңтар, ақпан, наурыз, сәуір, мамыр айларында ай сайын мемлекеттік рәмізімізді қорлаудың бір-бірден дерегі тіркеліп отырған екен. Ал маусымнан бастап қазан айына дейінгі аралықта оғаш қылық танытып, істі болғандар жоқ. Алайда қараша мен желтоқсанда мемлекеттік рәмізімізді аяқ асты еткендерге қатысты екі-екіден дерек тіркелген.
Жүгенсіздерге заң не дейді?
Қазақстан Республикасының Қылмыстық кодексiнің 372-бабына сәйкес, Қазақстан Республикасының мемлекеттік рәміздерін қорлағандар 2 мың айлық есептiк көрсеткiшке дейінгі мөлшерде айыппұл салуға не сол мөлшерде түзеу жұмыстарына немесе 600 сағатқа дейінгі мерзімге қоғамдық жұмыстарға тартуға не екі жылға дейiнгi мерзiмге бас бостандығын шектеуге немесе сол мерзiмге бас бостандығынан айыруға жазаланады. Сонымен қатар еліміздің Әкімшілік құқық бұзушылық туралы кодексінің 354-1-бабына сәйкес, Қазақстан Республикасының Мемлекеттік Туын, Мемлекеттік Елтаңбасын және олардың бейнелерін заңсыз пайдалану, сондай-ақ ҚР заңнамасының талаптарын бұза отырып, Қазақстан Республикасының Мемлекеттік Гимнін пайдалану және орындау екі жүз айлық есептiк көрсеткiш мөлшерінде айыппұл салуға әкеп соғады.
Мемлекеттік Ту, Елтаңба және Әнұранды пайдалану тәртібі қандай?
Еліміздің 2007 жылдың 4 маусымында қабылданған «Қазақстан Республикасының мемлекеттік рәміздері туралы» Конституциялық заңына сәйкес, Қазақстан Республикасының Президенті Резиденциясының, Парламентінің, Сенат пен Мәжілістің, Үкіметтің, министрліктердің, Қазақстан Республикасының Президентіне тікелей бағынатын және есеп беретін мемлекеттік органдардың, олардың ведомстволары мен аумақтық бөлімшелерінің, Конституциялық Кеңестің, Қазақстан Республикасының Жоғарғы Соты мен жергілікті соттарының, жергілікті өкілді және атқарушы органдардың, жергілікті өзін-өзі басқару органдарының, мемлекеттік ұйымдардың ғимараттарында, сондай-ақ Қазақстан Республикасы елшіліктерінің, халықаралық ұйымдардағы тұрақты өкілдіктерінің, сауда өкілдіктерінің, шетелдегі басқа да ресми мекемелерінің, шетелдегі мекемелерінің басшылары резиденцияларының ғимараттарында және сол мемлекеттің протоколдық практикасына сәйкес көлік құралдарында, сонымен қатар аталған лауазым тұлғаларының кабинеттерінде ұдайы тігіліп тұруы тиіс. Ғимараттарға тұрақты тігілген Мемлекеттік Туға тәуліктің қараңғы мезгілінде жарық түсіп тұруы қажет. Мемлекеттiк Тудың бейнесi Қазақстан Республикасы мемлекеттік наградаларының, Ұлттық Банк банкноттары мен монеталарының элементі немесе геральдикалық негізі ретінде пайдаланылуы мүмкін. Ұлттық аза тұтуға байланысты Мемлекеттiк Ту ұлттық аза тұту мерзiмi ішінде тутұғыр биiктiгiнiң жартысына дейiн төмен түсiрiледi.
Мемлекеттік елтаңбамыз да туымызбен қатар тұрады. Мұнан бөлек, ол Қазақстан Республикасының Президенті мен оның Әкімшілігінің, Парламенттің, оның палаталары мен олардың аппараттарының, Қазақстан Республикасының Парламенті палаталары Бюроларының, Үкіметтің және Премьер-Министр Кеңсесінің, министрліктердің, Қазақстан Республикасының Президентіне тікелей бағынатын және есеп беретін мемлекеттік органдардың, олардың ведомстволары мен аумақтық бөлімшелерінің, Қазақстан Республикасы Конституциялық Кеңесінің, Қазақстан Республикасының Жоғарғы Соты мен жергілікті соттарының, Қарулы Күштердің құрамаларының, әскери бөлімдерінің, бөлімшелері мен мекемелерінің, басқа да әскерлер мен әскери құралымдардың, жергілікті өкілді, атқарушы органдардың және өзге де мемлекеттік ұйымдардың мөрлері мен құжаттарының бланкілерінде болады. Қазақстан Республикасы Президентінің, Қазақстан Республикасы Парламентінің, Үкіметінің, Конституциялық Кеңесінің және Жоғарғы Сотының ресми басылымдарында; Қазақстан Республикасы Ұлттық Банкінің банкноттары мен монеталарында, Қазақстан Республикасының мемлекеттік бағалы қағаздарында; Қазақстан Республикасының азаматтарына берілетін жеке куәлікте, туу туралы куәлікте, паспортта және өзге де паспорттарда, мемлекеттік органдар мен мемлекеттік ұйымдар қызметкерлерінің қызметтік куәліктерінде; Қазақстан Республикасының Мемлекеттік шекарасына орнатылатын шекара бағаналарында қолданылады.
Қазақстан Республикасының Мемлекеттік Гимні Қазақстан Республикасының Президенті қызметке кіріскен кезде – ол ант бергеннен кейін; Қазақстан Республикасы Парламенті сессияларының ашылуы және жабылуы кезінде; Қазақстан Республикасының ұлттық және мемлекеттік мерекелеріне, сондай-ақ өзге де салтанатты іс-шараларға арналған жиналыстар мен мәжілістердің салтанатты ашылуы кезінде; теле-, радиоарналар эфирге шыққан кезде тәулiк сайын, олардың хабар таратуы басталғанда және аяқталғанда; Қазақстан Республикасы халқының өміріндегі аса маңызды тарихи оқиғаларды атап өту құрметіне ескерткіштерді, монументтерді, құлпытастарды және басқа да ғимараттарды ашу кезінде; Қазақстан Республикасының ұлттық (құрама) командасы қатысатын спорттық іс-шаралар өткізілген кезде және басқа да кездерде орындалады.
Мемлекеттік Гимн көпшілік алдында орындалған кезде қатысушылар оны орнынан тұрып айтады (тыңдайды), бұл ретте Қазақстан Республикасының азаматтары оң қолын жүрек тұсына қояды. Қазақстан Республикасының мемлекеттік органдары мен өзге де ұйымдары шет мемлекеттер аумағында іс-шаралар өткізген кезде Мемлекеттік Гимн Конституциялық заңға, сондай-ақ сол мемлекеттің заңнамасы мен протоколдық практикасына және жергілікті салт-дәстүрге сәйкес орындалады. Қазақстан Республикасының Мемлекеттік Туын салтанатты жағдайда көтеру және тігу кезінде Мемлекеттік Гимн орындалады, бұл ретте қатысушылар жүздерін Туға қарай бұрады. Мемлекеттік Гимнді оркестр, хор, оркестр мен хор орындайды не ол өзге де вокалдық және аспаптық түрде орындалады. Бұл ретте дыбыс жазу құралдары пайдаланылуы мүмкін. Қазақстан Республикасының Мемлекеттік Гимнін ықшамдап орындауға жол беріледі. Мемлекеттік Гимн бекітілген мәтіні мен музыкалық редакциясына дәлме-дәл сәйкестікпен мемлекеттік тілде орындалады. Оның мәтіні мен музыкалық редакциясын басқа музыкалық шығармалардың және өзге де өнер туындыларының негізі ретінде пайдалануға болмайды.
<a href="https://www.inform.kz/kz/memlekettik-ramizdi-korlaytyndarga-kanday-zhaza-koldanylady_a3657552">Inform.kz</a>

Мемлекеттік рәмізді қорлайтындарға қандай жаза қолданылады?

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 465-ке жетті. Ал сауығып шыққандар саны – 270. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте 17 дерек тіркелді. Оның 10-ы індет жұқтырғандармен байланыста болған, ал 4 – өздері ақылы тапсырған азаматтардан, 3 – жағдай емхананың скринингінен анықталған»,- деді бас&nbsp;дәрігер.
</blockquote>
Сондай-ақ, вирус жұқтырғандармен байланыста болған- 5121 азамат анықталды. Оның ішінде, 2923- тікелей қарым-қатынаста, 2198- жанама байланыста болған. Бұдан бөлек, инфекциялық стационарда 147 адам ем алуда. Оның 26- карантиндік госпитальда, 36-провизорлық стационарда, ал 244 азамат карантиндік бақылауда.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: Жаңадан 17 жағдай тіркелді

<a href="https://kyzylorda-news.kz/">Kyzylorda-news.kz.</a> Қызылорда облысының спортшылары жыл басынан бері әлем, Азия чемпионаттарында 15 жүлде алса, оның 10-да Гимн шырқалып, Ту көтерілген.
Сондай-ақ облыста жыл басынан бері өткізілген 3 ҚР-ның чемпионатында, 
5 республикалық, 2 халықаралық жарыстарда ҚР-ның Туы көтеріліп, Гимні орындалды.
Сыр спортшылары алдағы уақытта республикалық, халықаралық жарыстарда намысты қолдан бермей, көк туды желбіретіп, елдің мерейін үстем ететініне сенім мол.

Қызылордалық спортшылар жыл басынан бері қанша рет көк туды желбіретті?

<a href="https://kyzylorda-news.kz/">Kyzylorda-news.kz.</a> Жыл басынан бері Қызылорда облысында жоғары технологиялық қызметтерді қолдана отырып, қан айналымы, несеп-жыныс жүйелері аурулары бар науқастар көп емделді. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
<blockquote>
 «Әлеуметтік медициналық сақтандыру қоры» КЕАҚ Қызылорда облысы бойынша филиалы жоғары технологиялық медициналық қызмет (ЖТМҚ) көрсету үшін көпбейінді облыстық ауруханамен, «Medium» ЖШС-мен келісім-шарт жасады, – деді Бақыт Исмаханбетов.
</blockquote>
2020 жылдың 1 тоқсанында осы медициналық ұйымдарда 20 адам емделді. МӘМС аясында заманауи алдыңғы қатарлы әдістерді қолданумен операциялар жүргізілді. Бұл мақсатқа Қор филиалы 72 млн теңгеден астам қаржы бөлді.
Филиал басшысының айтуынша, өткен жылы аталған қызметтерді тек халықтың әлеуметтік жағынан осал санаттары, оның ішінде жүкті әйелдер, 18 жасқа дейінгі балалар, зейнеткерлер тегін ала алатын. 2020 жылдан бастап ЖТМҚ жоспарлы емдеуге жатқызу кезінде барлық сақтандырылған азаматтар үшін тегін болды.
<blockquote>
 «Жалпы, жоғары технологиялық медициналық қызметті қаржыландыру көлемін ұлғайту оларды алу үшін күту мерзімін азайтуға және жаңа қызмет көрсетушілерді тартуға мүмкіндік береді. Жиынтығында бұл шаралар халыққа жоғары технологиялық медициналық көмектің қолжетімділігін арттыруға ықпал етуі тиіс, – дейді филиал директоры.
</blockquote>

МӘМС арқылы жоғары технологиялық медициналық қызмет қол жетімді

<a href="https://kyzylorda-news.kz/">Kyzylorda-news.kz.</a> Осы уақытқа дейін коронавирустық инфекцияға шалдыққан бірде-бір науқас тіркелмеген Жалағаш ауданында қауіпті індет жұқтырған алғашқы тұрғын анықталды.
Аталған науқас соңғы тәулікте тіркелген.
Жалпы, Қызылорда облысында 4 маусым күнгі 09:10-дағы мәлімет бойынша барлығы 465 науқас тіркелген.
Оның 270-і індеттен жазылып шыққан.
Жалағаш ауданында анықталған тұрғынға байланысты қосымша ақпарат берілетін болады.

Жалағаш ауданында қауіпті індет жұқтырған алғашқы науқас тіркелді

<a href="https://kyzylorda-news.kz/">Kyzylorda-news.kz.</a> Биыл Қызылорда облысындағы эпидемиологиялық ахуалға байланысты Рәміздер күні мерекесі онлайн форматта өтеді. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының ішкі саясат басқармасының басшысы Мира Қазбекова мәлімдеді.
<blockquote>
 «Рәміздер мерекесіне орай іс шаралар жоспары бекітілді. Атап айтқанда: 
– Мемлекеттік рәміздер күніне орай қала, аудан көшелерінің бойына тақырыптық көрнекі құралдары ілінді (билбордтар, баннерлер); 
– Кітапханаларда, музейлерде «Мемлекеттік рәміздер –Тәуелсіздік нышаны», «Рәміздерім – мақтанышым» тақырыптарында онлайн кітап көрмелері мен экскурсиялар өткізілуде; 
– Мемлекеттік органдарда карантин талаптарын сақтай отырып, мемлекеттік қызметке жаңадан қабылданған қызметкерлердің ант қабылдау шарасы өтеді; 
– 4 маусым күні сағат 10.00-де барлық мемлекеттік мекемелерде қызметкерлер бір мезетте, карантин талаптарын сақтай отырып, Мемлекеттік Гимн шырқайды; 
– Мереке қарсаңында «Елімнің көк байрағы – елдігімнің айғағы» тақырыбында «Сыр бірлігі» ютуб каналында онлайн лекторий, Облыстық білім басқармасының ресми фейсбук парақшасында «Менің Қазақстаным» атты онлайн мәнерлеп оқу челленджі, онлайн патриоттық әндер байқауы, оқушылар арасында онлайн шығармалар байқауы өтеді; 
– Әбділда Тәжібаев кітапханасының фейсбук парақшасында «Туым – намыс, ұраным – бірлік, рәміздерім -мақтанышым» онлайн білгірлер сайысын өткізу жоспарлануда; 
– «Сыр шаңырағы» ютуб каналында «Сырлы саз» аспапты музыка айдарында Тұрмағамбет атындағы халық аспаптар оркестрі әртістерінің біріккен онлайн концерті беріледі; 
– 4 маусымда Қызылорда облыстық филармониясының фейсбук парақшасында «Рәміздерім – рухымның айнасы» атты онлайн фильм-концерті болады; 
– Мереке күні балалар үшін «Әдемі» балалар музыкалық театр студиясының «Отанымды сүйемін» атты онлайн балалар қойылымы көрсетіледі; 
– Атаулы күнге байланысты қаладағы қоғамдық көліктерде және саябақтар мен сауда орталықтарында Мемлекеттік Гимн шырқалады. 
– Рәміздер күніне орай қала көшелерінде Авто-шеру ұйымдастырылады. 
– 4 маусымда Қызылорда қалалық мәдениет және тілдерді дамыту бөлімінің фейсбук парақшасында «Рәміздер – ел беделі», «Мемлекеттік рәміздер – ұлт мақтанышы» атты онлайн мерекелік шаралары өтеді; 
– Жалағаш аудандық кітапханасының фейсбук парақшасында «Рәміздер – ұлт мақтанышы», «Желбіре, көк байрағы елімнің!» атты онлайн байқау мен оқулары – 2 маусымнан 4 маусымға дейін жалғасады; 
– Шиелі аудандық мәдениет және тілдерді дамыту бөлімінің фейсбук парақшасында бүгін «Ұраным – бірлік, рәміздерім – мақтанышым» атты онлайн концерт өткізіледі; 
– 4 маусымда Сырдария аудандық мәдениет және тілдерді дамыту бөлімінің фейсбук парқшасында «Ел нышандары – мақтанышы елімнің» атты оқушылар арасында онлайн әскери-патриоттық сайыс ұйымдастырылады; 
Мұнан өзге, «Мемлекеттік рәміздер – ұлтымыздың мақтанышы» тақырыбында бейнероликтер 3 маусымнан бастап жергілікті телеарналар мен әлеуметтік желілер арқылы көрсетіледі», – деді сала басшысы.
</blockquote>
Сонымен қатар, «Ел рәміздері – ел рухы» атты әлемдік, халықаралық сайыстардағы жеңімпаз спортшылармен сұқбаттар телеарналар мен баспасөз беттерінде және әлеуметтік желілерде жарияланады. Және де мерекелік іс шаралар карантиндік және санитарлық талаптарды сақтай отырып жүргізіледі.
<img src="https://kyzylorda-news.kz/wp-content/uploads/2020/06/brifing-ishine-1.jpg" alt="" />

Қызылордада ҚР мемлекеттік рәміздер күні мерекесі онлайн форматта өтеді

<a href="https://kyzylorda-news.kz/">Kyzylorda-news.kz.</a> Бүгін Тәуелсіз Қазақстанның мемлекеттік рәміздері – Мемлекеттік ту, Мемлекеттік елтаңба және Мемлекеттік гимн күні.
Осыдан тура 28 жыл бұрын, нақты айтқанда 1992 жылдың 4 маусымында ҚР Тұңғыш Президенті – Елбасы Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді. Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді.
Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып саналады.
Осынау мемлекеттік үш нышанды таңдау үшін 1992 жылдың басында Жоғарғы Кеңес президиумы жұмыс тобын құрып, арнайы шығармашылық комиссия тағайындады. Оның құрамына Салық Зиманов, Ербол Шәймерденов, Серікболсын Әбділдин, Серік Әбдрахманов сынды қайраткерлер кірді. Осыдан кейін бүкіл Қазақстан көлемінде Елтаңба, Ту, Әнұран нұсқаларына конкурс жарияланды. Бір ғана тудың өзіне 600 адамнан 1 200 нұсқа түссе, Елтаңбаның 245 жобасы, әнұранның 750 үлгісі байқауға қатысты.
Эстетикалық сипатымен де, тарихи, саяси, экономикалық символизмге сәйкес келуі бойынша да үздік туынды ұсынған байқау жеңімпаздарын қазір халық мемлекеттік нышан авторлары ретінде таниды.
Атап айтқанда, Қазақстан Республикасының Мемлекеттік туы. Тудың авторы – Қазақстанның еңбек сіңірген өнер қайраткері Шәкен Ниязбеков.
Еліміздің мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының арақатынасы – 1:2.
Қазақстан Республикасы Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов.
Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «QAZAQSTAN» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ «QAZAQSTAN» деген жазу – алтын түстес.
Қазақстан Республикасының Мемлекеттік Туы мен Мемлекеттік Елтаңбасының эталондары Қазақстан Республикасы Президентінің Резиденциясында сақталады.
Тәуелсіз Қазақстанның тұңғыш Әнұранның авторлары ретінде – әуенін жазған Мұқан Төлебаев, Евгений Брусиловский мен Латиф Хамидидің есімі тарихта қалды. Үздік мәтінге жарияланған байқауды Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты.
2006 жылы «Менің Қазақстаным» әні ретінде танымал болған Қазақстанның гимні Президент Нұрсұлтан Назарбаевтың бастамасымен 2006 жылы 6 қаңтарда еліміздің Парламентінде бекітілді. Бірінші рет ол 2006 жылы 11 қаңтарда Тұңғыш Президент, Елбасының салтанатты ұлықтау рәсімінде орындалды. Әннің авторы Шәмші Қалдаяқов, сөзін жазғандар: Жұмекен Нәжімеденов, Нұрсұлтан Назарбаев.
<a href="https://www.inform.kz/kz/bugin-memlekettik-ramizder-kuni_a3657320">ҚазАқпарат</a>

Бүгін &#8211; мемлекеттік рәміздер күні

<a href="https://kyzylorda-news.kz/">Kyzylorda-news.kz.</a> 4 маусым күні атмосфералық фронталды бөліктердің өтуімен жекелеген өңірлерде найзағай ойнап, жаңбыр жауады, деп хабарлайды Қазгидромет.
Кей жерлерде жел күшейеді. Қызылорда облысында шаңды дауыл тұрады. Солтүстікте және орталықта түнде және таңертең тұман күтіледі, солтүстікте бұршақ жаууы ықтимал.
Синоптиктердің айтуынша, Солтүстік Қазақстан, Павлодар, Қарағаңды облыстарында түнде және таңертең кей жерлерде тұман күтіледі, жел 15-20 м/с күшейеді. Солтүстік Қазақстан облысында бұршақ жаууы ықтимал.
Ақмола облысында түнде және таңертең кей жерлерде тұман күтіледі, күндіз жел 15-20 м/с артады.
Маңғыстау, Атырау, Шығыс Қазақстан, Қызылорда Ақтөбе облыстарында, күндіз Түркістан, Жамбыл, Батыс Қазақстан, Қостанай облыстарының кей жерлерінде желдің күші 15-20 м/с болады. Қызылорда облысында желмен шаңды дауыл көтеріледі.
Алматы, Жамбыл, Түркістан, Маңғыстау облысының оңтүстігінде қатты ыстық болады. Қызылорда, Атырау облыстарының оңтүстігінде өте қатты ыстық күтіледі.
Қызылорда, Павлодар облыстарында, Ақмола, Шығыс Қазақстан облыстарының кей жерлерінде, Жамбыл, Түркістан облыстарының солтүстігінде, Ақтөбе облысының оңтүстігінде өте жоғары өрт қаупі болжанады.

Қазақстан және Қызылорда облысының жаңалықтары

Қызылордада көпбалалы отбасыларға пәтер кілті табысталды (ФОТО)

Елтаңба авторы қызылордалықтарды мерекемен құттықтады

Қызылорда облысында шегірткеге қарсы өңдеу жұмыстары басталуда

Қашықтан оқыту: Қызылордалық мұғалімнің бір күні (ФОТО)

Мемлекеттік рәмізді қорлайтындарға қандай жаза қолданылады?

COVID-19: Жаңадан 17 жағдай тіркелді

Қызылордалық спортшылар жыл басынан бері қанша рет көк туды желбіретті?

МӘМС арқылы жоғары технологиялық медициналық қызмет қол жетімді

Жалағаш ауданында қауіпті індет жұқтырған алғашқы науқас тіркелді

Қызылордада ҚР мемлекеттік рәміздер күні мерекесі онлайн форматта өтеді

Бүгін – мемлекеттік рәміздер күні

4 маусымға арналған ауа райы болжамы

Қазақстан және Қызылорда облысының жаңалықтары

Қызылордада көпбалалы отбасыларға пәтер кілті табысталды (ФОТО)

Елтаңба авторы қызылордалықтарды мерекемен құттықтады

Қызылорда облысында шегірткеге қарсы өңдеу жұмыстары басталуда

Қашықтан оқыту: Қызылордалық мұғалімнің бір күні (ФОТО)

Мемлекеттік рәмізді қорлайтындарға қандай жаза қолданылады?

COVID-19: Жаңадан 17 жағдай тіркелді

Қызылордалық спортшылар жыл басынан бері қанша рет көк туды желбіретті?

МӘМС арқылы жоғары технологиялық медициналық қызмет қол жетімді

Жалағаш ауданында қауіпті індет жұқтырған алғашқы науқас тіркелді

Қызылордада ҚР мемлекеттік рәміздер күні мерекесі онлайн форматта өтеді

Бүгін &#8211; мемлекеттік рәміздер күні

4 маусымға арналған ауа райы болжамы

Бүгін – мемлекеттік рәміздер күні