<a href="https://kyzylorda-news.kz/">Kyzylorda-news.kz</a>. Сальмонеллез – сальмонелла бактерияларымен қоздырылатын, фекальды-оральды механизммен берілетін, жиі гастроинтестинальды, сирек жайылмалы түрлерінде өтетін жедел антропозоонозды ауру.
Ол – өте қауіпті, жұқпалы ауру. Онымен адам да, жан-жануарлар да ауырады. Ауру малдың етін жегенде, сүтін ішкенде, құстың жұмыртқасын пайдаланғанда жұғуы мүмкін.
Тамақ арқылы ауру қоздырғыш микробтар асқазанға, одан аш ішекке түсіп, өсіп-өне бастайды, өзінен улы заттар бөледі де, ішектің ішкі қабығын ісіндіріп зақымдайды. Ауру қоздырғыштар және бұлардан бөлінген улы заттар лимфа және қан тамырлары арқылы организмге таралады да, кей органдарға қонып, олардын қызметін бұзады. Ауру қоздырғыш микробтардан бөлінген улы заттар қан тамырын уландырады.
Ауру қоздырғыш микроб сау баланың денесіне түскеннен кейін бірнеше сағаттан соң, кейде 2-3 күннен кейін, тіпті 5-6 күн өткен соң барып аурудың алғашқы белгілері біліне бастайды. Кейде ауру күрт басталып, баланың температурасы тез көтеріледі, түсі боп-боз болып кетеді, әлсірейді. Тамаққа тәбеті болмайды, ойынға зауқы соқпайды. Көңіл күйі төмендейді, басы ауырып, лоқсып құсады. Іші кеуіп, өтеді. Үлкен дәреті көпіршіктеніп, түсі сұрғылттанады және өте иісті болады. Кейінірек оған жалқық пен қан араласа бастайды. Іші ауырып, етпетінен жатқысы келе береді. Жігері мен көк бауыры ісінеді.
Көбінесе бұл ауру әр түрлі басталады. Ұзақ емдеуді қажет етеді. Баланы ауырған сәтте дәрігерге көрсету керек. Науқас бала жұқпалы ауруларды емдейтін ауруханада емделеді.
Ауырып жазылған баланың үйдегі күтімінің жақсы, тамағының құнарлы, көңіл-күйінің көтеріңкі болуына жағдай жасау керек. Таза ауада дене шынықтыру мен гимнастика жасаумен шұғылданғаны дұрыс.
Күнделікті тағамға жеміс-жидек, олардың шырындарын беріп отырған пайдалы. Сальмонеллез созылмалы ауру болғандықтан ұзақ емдеуді қажет етеді.
Мақпал ҚАСБАЕВА,
Қармақшы аудандық Ұлттық сараптама орталығының бактериологиялық және паразитологиялық зерттеулер зертханасының зертханашысы

Сальмонеллез ауруынан қалай сақтануға болады?

<a href="https://kyzylorda-news.kz/">Kyzylorda-news.kz</a>.&nbsp;Бүгін «Nur Otan» партиясының кезектен тыс XX съезі өтті. Партиямыздың ең жоғарғы органы болып табылатын съез жұмысы жоғары деңгейде өтті деп айтуымызға болады. Саяси шараға біздің өңірімізден 20 делегат бейнеконференция жүйесі арқылы қатысып, маңызды шешімдерді бірге қабылдады.
Өздеріңіз білесіздер, «Nur Otan» ел тарихындағы алғаш рет праймериз өткізіп, «Мықты лидерлер – Мықты партия» формуласын жүзеге асырды. Бұл қоғам белсенділерімен қатар елдегі қарапайым азаматтардың саясатқа араласуына жол ашты. Бүгінгі маңызды басқосуда праймеризде барлық өңірлерден жеңімпаз болып танылған 77 азамат Мәжіліске арналған партиялық тізімге енді. Партиялық тізімнің 61,1 % жаңа тұлғалармен толыққанына көз жеткіздік. 
Жиында сондай-ақ, ел дамуының негізгі міндеттері айқын көрініс тапқан «Өзгеріс жолы: баршаға лайықты өмір» атты партиямыздың Сайлауалды бағдарламасын қабылдадық.
Бұл бағдарлама Президент Қ.Тоқаевтың сайлауалды бағдарламасының қисынды жалғасы десек болады. Себебі бағдарламаның бастапқы жобасына Мемлекет басшысының 2020 жылғы Жолдауының 55 тапсырмасы қосымша енгізілген. 
Сайлауалды бағдарлама әлемдегі ең табысты партиялардың тәжірибесі ескеріліп, қоғамдық пікірмен санаса отырып дайындалған. Ерекше атап өтетін жәйт елімізде алғаш рет партия әрбір өңірдің сайлауалды бағдарламаларын әзірледі, ол 216 нақты жобадан тұрады. Аталған бағдарламалар жобасы праймериз барысында халықпен бірге кеңінен талқыланып, республика бойынша 17,5 мың ұсыныс пен талап-тілек түскен. Олардың барлығы өңірлік және негізгі Сайлауалды бағдарламаларда қамтылып отыр.
Жиында партияның өткен бесжылдықтағы қарқынды жұмыстары баяндалып, алдағы уақытта атқарылар негізгі міндеттер пысықталды. Ендігі біздің, барша нұротандықтардың міндеті осы жұмыстарды нәтижелі орындау.
Ләйлә ТӨРЕШОВА, 
«Nur Otan» партиясы Қызылорда облыстық филиалы төрағасының бірінші орынбасары

Ләйлә Төрешова: Партия қатары жаңа тұлғалармен толықты

<a href="https://kyzylorda-news.kz/">Kyzylorda-news.kz</a>. «Дарын» мемлекеттік жастар сыйлығының иегерлері анықталды. Аталған сыйлық ғылыми, шығармашылық, қоғамдық қызметі мен жоғары спорттық жетістіктері үшін беріледі. Биыл мемлекеттік сыйлықты алуға 160-тан астам үміткер құжат тапсырған.
«Жүзден жүйрік мыңнан тұлпар» шыққан үздіктер қатарында жерлесіміз, «Хабар24» телеарнасының тілшісі Рауан Мыңбаев та бар. &nbsp;
<blockquote>
 «Сыр елінің өнер мен мәдениет және әдебиет саласында талай дарынды тұлға шықты. Ес білгеннен солардың еңбектерін оқып, жақсылықтарын көріп өстік. Соларға барынша ұқсауға тырыстық. Аз да болса жетістікке жетіп жатсақ, сол алдыңғы буынның арқасы деп білемін. Журналистика саласында 2011 жылдан бері еңбек етіп келемін. Шығармашылық жолда маған жақсылық жасаған жандар аз емес. Үлкен сенім артып, ақыл-кеңестерін арнады. Енді олардың үмітін ақтауға тырысамын. “Дарын” сыйлығы – мен үшін үлкен жауапкершілік. Үдеден шығып, үмітті ақтай білсек, бір мақсатымның орындалғаны», – дейді жас журналист «Kyzylorda-news.kz» ақпараттық агенттігінің тілшісіне.
</blockquote>
Рауан еңбек жолын «Қазақстан» РТРК» АҚ Қызылорда облыстық филиалының редакторы, редактор-жүргізушісі ретінде бастаған. Жалынды жас аз уақыттың ішінде бір шама белесті бағындырып үлгерді. Журналистика саласында кәсіби біліктілігін арттырып, шет мемлекеттерде білімін жетілдірді. Қабілет-қарымының арқасында Президенттік пулға қабылданып, Мемлекет басшысының жұмыс және ресми сапарларынан маңызды ақпарат таратты.
Бүгінде «Хабар24» телеарнасының тілшісі қызметінде. Еткен еңбек, төккен тері елеусіз қалмай Қазақстан Республикасы Президентінің Бұқаралық ақпарат құралдары саласындағы грантын иеленіп, Қызылорда облысы әкімінің «Сыр үміті» сыйлығының лауреаты атанды. Сонымен қатар «Хабар» Агенттігі» АҚ Төрағасының құрмет грамотасымен марапатталған.

Рауан Мыңбаев: «Дарын» сыйлығы &#8211; мен үшін үлкен жауапкершілік

<a href="https://kyzylorda-news.kz/">Kyzylorda-news.kz</a>. Қызылорда облысында су басу қауіпі бар Сырдария өзенінің 73,8 шақырымды құрайтын 15 учаскесі жөнделуде. Қазіргі таңда 8 аумақтың қорғаныс бөгеттері нығайтылып, арнасы тазартылды. Қалған жетеуінде жұмыстар жалғасуда.
<blockquote>
 “Облыста су тасқыны болған жағдайда 156 мыңға жуық адамды көшіруге арналған 84 эвакуациялық жинақтау және 101 қабылдау пункті дайын. Сондай-ақ, су басу қаупі бар аймақтар учаскелерге бөлініп, оған 126 мекемеден 411 арнайы техника және 1269 адам бекітілді. Бұған қоса, Шардара су қоймасынан жіберілген суды облыс аумағынан қауіпсіз өткізу мақсатында өзендегі судың деңгейі мен ауа райы күнделікті бақыланып, Сырдария өзеніне мониторинг жұмыстары жүргізілуде”, – деді облыстық ТЖД бөлім басшысының міндетін атқарушы Ғалымжан Әшімов.
</blockquote>

Қызылордада су басу қауіпі бар 15 учаске жөнделуде

<a href="https://kyzylorda-news.kz/">Kyzylorda-news.kz</a>. Алдағы уақытта педагог мамандарға сұраныс артып, мұғалімдердің жалақысы екі есе көбейеді.
Сонымен қатар студенттердің шәкіртақысы екі есе, магистранттар мен докторанттардың шәкіртақысы бір жарым есе көбейіп, алдағы 5 жыл ішінде білім гранттары 50 процентке артатынын да педагогтар құптап отыр. Партия құрылтайына онлайн форматта қатысқан қызылордалықтар сондай-ақ ел аумағында жаңадан 800 мектеп салынып, апатты және үш ауысыммен оқытатын білім ошақтарының мәселесі толық шешілетініне қуанышты. Бұл ретте алдымен ауыл мектептерінің дамуына ерекше көңіл бөлінбек. Сонымен қатар жаһандық білім және инновациялық жүйеге енген, заманауи зерттеу университеттерінің ашылуы сапалы мамандар даярлауға мүмкіндік береді дейді ағартушы құрам өкілдері.&nbsp;&nbsp;
<blockquote>
 “Назарбаев университеті іспеттес 2 өңірлік зерттеу университеті ашылады деген ұсыныс біз үшін алға ұмтылуға яғни университетті ғылыми-зерттеу бағытында жұмыс жасауға үлкен серпін береді деп есептеймін”, – дейді Қорқыт ата атындағы ҚМУ ректоры Бейбіткүл Кәрімова.
</blockquote>
<img src="https://kyzylorda-news.kz/wp-content/uploads/2020/11/fdd8bf48-a07b-489a-bede-2b0c47efaed2.jpg" alt="" />
<a href="https://24.kz/kz/zha-aly-tar/bilim-zh-ne-ylym/item/438489-auyl-mektepterini-damuyna-erekshe-k-il-b-linbek">24 kz</a>

Ауыл мектептерінің дамуына ерекше көңіл бөлінбек

<a href="https://kyzylorda-news.kz/">Kyzylorda-news.kz</a>. ҚР Тұңғыш Президенті-Елбасы Нұрсұлтан Әбішұлы Назарбаевтың төрағалығымен өткен бүгінгі “Nur Otan” партиясының съезінде біршама мәселе айтылды, көп жоспарлар қамтылды.
Партия съезінде партия үшін приципті мәселе ретінде сыбайлас жемқорлыққа қарсы күрес мәселесін алғаны өте дұрыс деп ойлаймын. Өз елінің болашағына немқұрайлы қарамайтын мені де елеңсіз құбылыстың үдеп бара жатқаны ұрпақ тəрбиесіне зиян əкелетіні қынжылтады. Партия бұл індетпен күресу жолында біршама жұмыстар атқарды, атқарып та жатыр. Осы мәселе төңірегінде арнайы бағдарлама да қабылдады. Онымен іс бітіп жатқан жоқ. Себебі, бұл кеселмен тек партия ғана күресуі жауға жалғыз шапқанмен бірдей емеспе?! Сондықтан көп болып күрессек кеселдің бетін қайтаруға болады. Бүгінгі съезде де «Өзгеріс жолы: баршаға лайықты өмір» сайлауалды бағдарламасы жарияланды. Мыңдаған шаралар жоспарланды. Осы орайда, «Nur Otan» партиясының да жауапкершілігі бекітілген.
Бағдарламаны жүзеге асыру барысында «Nur Otan» партиясының нақты тетіктері бар деп білемін. Жаңа сайлауалды бағдарламаны орындау — саяси партияның айналасына жиналған біздердің басты міндетіміз, әрі жауапкершілігіміз.
Ібайдулла Тілеп,
“Nur Otan”партиясы Қазалы аудандық
филиалы жанындағы сыбайлас
жемқорлыққа қарсы іс-қимыл жөніндегі
қоғамдық кеңес төрағасы.

Ібайдулла Тілеп: Біздің жауапкершілігіміз аса маңызды

<a href="https://kyzylorda-news.kz/">Kyzylorda-news.kz</a>. Қызылорда облысында шөл даланың падишасы атанған сексеуіл өсімдігін егу жұмыстары жүргізіліп келеді.
Қазіргі таңда, Қызылорда облыстық табиғи ресурстар және табиғатты пайдалануды реттеу басқармасына қарасты Орман және жануарлар дүниесін қорғау жөніндегі мемлекеттік мекемелері сексеуіл тұқымын егу жұмыстарын жүргізуде.
“Сексеуілдің қасиеті, ол – құмды шөлдің қорғаны, яғни, құмды бекітіп ұстап тұрады. Алайда, шөл даланың көркіне айналған, елді-мекендерді құм көшкінінен қорғайтын сексеуілге бүгінде жанашырлық танытатындар азайып барады”, – дейді мамандар.
Шөлейтті дала құм көшкінін «кісендеп» ұстайтын, ұлан-ғайыр адырлардың топырағын эрозиядан сақтайтын, атыраптарда тіршілік ететін елді-мекендерді дауылдардан қорғайтын сексеуіл ағашының қасиеттері көп. Сексеуіл ағашының көбеюіне, өсуіне түн ұйқысын төрт бөліп жүрген табиғат жанашырлары – орманшылардың еңбегі орасан зор.
<img src="https://kyzylorda-news.kz/wp-content/uploads/2020/11/127517809_877301973025286_9133872290370134859_o.jpg" alt="" />

Қызылордада сексеуіл егу жұмыстары жүргізілуде

<a href="https://kyzylorda-news.kz/">Kyzylorda-news.kz</a>. “Nur Otan”партиясының кезектен тыс XX съезіне делегат ретінде қатыстым. Онда партияның сайлауалды бағдарламасын бекіттік.
Айта кету керек, “Nur Otan” партиясы маңызды құжатты әзірлеу кезінде үлкен жауапкершілікпен қарап, халықтың көптеген топтарының мүдделерін ескерді.
Мұнда білім беру, денсаулық сақтау және басқа да салаларды дамыту мәселелері бар. Ел президенті Қасым-Жомарт Тоқаев бизнестің дамуына ерекше назар аударды. Мемлекет басшысы Қазақстан бизнесті жүргізу үшін қолайлы жағдай жасалған барынша дамыған елдер тобына кіруі тиіс екенін атап өтті. Сондықтан бизнеске кез келген заңсыз кедергі жасау ауыр қылмыс ретінде қарастырылады.
Шағын және орта бизнеске қолдау көрсетіледі. 2025 жылға қарай ауылда 50 мың азамат өз бизнесін ашу үшін шағын несиелер алады.
Мемлекет тарапынан бизнесті осындай қолдау көптеген қазақстандықтарды өз ісін ашуға шабыттандырады деген сенімдемін.
Бақдәулет Махашов,
«Жан-Арай» ЖШС-нің директоры,
съезд делгаты

Бақдәулет Махашов: Шағын және орта бизнеске қолдау көп

<a href="https://kyzylorda-news.kz/">Kyzylorda-news.kz</a>. «Азаматтарға арналған үкімет» мемлекеттік корпорациясы Blockchain технологиясын мемлекеттік қызметтерді көрсету үрдісіне алғашқы болып енгізді. Әзірше бұл технология жылжымайтын мүлік кепіл шартын тіркеу бойынша жеке тұлғаларға көрсетілетін мемлекеттік қызметке қатысты қолданыла бастады. Алдағы уақытта бұл тәжірибе басқа да кең таралған қызметтерге енгізілуі ықтимал.
Блоктардың техникалық реттелген тізбегі түріндегі Blockchain жүйесі жеке мәліметтерді үшінші тұлғаларға беру мүмкіндігінен сақтап, ақпараттық қауіпсіздік пен сапалы қызметті қамтамасыз етеді.
«Азаматтарға арналған үкімет» мемлекеттік корпорациясының басқарма төрайымы Әсемгүл Балташеваның айтуынша, Blockchain технологиясы кепіл шартын тіркеу үрдісін барынша оңтайландыруға жол ашты.
<blockquote>
 «Бұған дейін қызмет алушылар мүлік кепіл шартын тіркеу үшін бірнеше мекемені аралауға мәжбүр болатын. Мәселен, жылжымайтын мүлікке құқықтарды тіркеу туралы анықтаманы алу үшін ХҚО-ға немесе egov.kz порталына жүгініп, сосын оны банкке апаратын. Енді банк қызметкері өтінім жасағанда қызмет алушының жылжымайтын мүлікке құқықтары және ауыртпалықтардың бар-жоғы туралы мәліметтер автоматты түрде тексеріледі. Енді адамдар емес, мәліметтер сіз үшін «жүгіретін» болды», – дейді Әсемгүл Балташева.
</blockquote>
Blockchain технологиясын қолдану арқылы аталған қызметті көрсету мерзімі үш күннен бір күнге дейін қысқарып, банкке ұсынылатын құжаттар тізімі де азайды.
Енді қызмет алушы банктің ақпараттық жүйесінде мүлік шартымен танысып, өзінің ЭЦҚ-сы арқылы қол қояды, ал қызметтің нәтижесі – жылжымайтын мүлікке құқықтарды мемлекеттік тіркеу туралы хабарлама қызмет алушының egov.kz электрондық порталындағы жеке кабинетіне жолданады.
Blockchain технологиясын таңдау барысында желі қолданушыларының әрекеттерінің айқындығы, децентрализация және сенімді қорғаныс жүйесі есепке алынды.
Қазақстанда кепіл шартын тіркеу бойынша мемлекеттік қызметті осындай әдіспен көрсету үрдісі коммерциялық банктің бірімен жүзеге асуда.
«Азаматтарға арналған үкімет» басқа да екінші деңгейлі банктермен осы бағытта қызмет көрсету туралы келіссөздер жүргізіп жатыр. Себебі Blockchain технологиясы екіжақты келісім жасасу кезінде үшінші тұлғаларды кірістірмей, қауіпсіздікті қамтамасыз етіп, жылжымайтын мүлік кепілімен берілетін несиені онлайн ресімдеу және несие беру мерзімін қысқартуға мүмкіндік береді.

Азаматтарға арналған үкімет &#8220;Blockchain&#8221; көмегімен қызмет көрсете бастады

<a href="https://kyzylorda-news.kz/">Kyzylorda-news.kz</a>. Жыл басынан бері Қызылорда облысы бойынша медициналық ұйымдарына 49,63 млрд. теңге төленді. Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады. Бұл туралы Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
49,63 млрд теңгенің 38,96 млрд теңгесі тегін медициналық көмектің кепілдік көлеміне берілген, 10,67 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 56 медициналық қызмет көрсетушілермен келісім – шарт жасалды, оның ішінде – 29 мемлекеттік медициналық ұйым, 27 – жеке меншік.
Барлығы 60,9 млрд теңгеге шарттар жасалды, оның ішінде 44,3 млрд теңге (72,7%) тегін медициналық көмектің кепілдік берілген көлемі шеңберінде, 16,6 млрд теңге (27,3%) МӘМС қаржысы құрайды.

МӘМС: Қызылордада медициналық ұйымдарға 49,63 млрд теңгеден астам қаржы төленді

<a href="https://kyzylorda-news.kz/">Kyzylorda-news.kz</a>. Бүгін “Nur Otan”партиясының кезектен тыс XX съезі өтті. Онда партияның сайлауалды бағдарламасы қабылданып, елдің таяу жылдары қалай дамитыны айқындалды.
Мемлекет Басшысы Қасым-Жомарт Тоқаев бағдарламаның елдің әлеуметтік прогресіне және халықтың әл-ауқатын арттыруға бағытталған тиімді нақты шаралар кешенін ұсынатынын атап өтті.
Мәселен, өңірлік медицинаны дамыту үшін еліміздің барлық облыстарында 20 заманауи медициналық орталық салынады. Дәрігерлердің жалақысы 2023 жылға қарай 2,5 есе өседі. Басты мақсат – қазақстандықтардың орташа өмір сүру ұзақтығын 75 жасқа дейін арттыру.
Сондай-ақ, отандық білім беруді дамытуға көп көңіл бөлінді. Педагог кадрларға сұранысты арттыру және білім беру сапасын жақсарту үшін олардың жалақысы екі есеге артады. Ал 2025 жылға қарай жоғары білім алуға берілетін гранттар саны 50% – ға артады. Бұл партия алдағы бесжылдықта жүзеге асыруды жоспарлап отырған міндеттердің барлығы емес.
Бірақ мұның бәрі шындыққа айналуы үшін, біз де жоспарымыздың лайықты орындалуын қамтамасыз ету үшін белсенді болуымыз керек.
Бибіткүл КӘРІМОВА,
Қорқыт ата атындағы Қызылорда университетінің ректоры
Съезд делегаты

Бибіткүл Кәрімова: &#8220;Nur Otan&#8221; алдағы міндеттерді нақтылады

<a href="https://kyzylorda-news.kz/">Kyzylorda-news.kz</a>. Синоптиктер 26-28 қараша аралығында ауа райы қандай болатынын айтты, деп хабарлайды «Қазгидромет» РМК.
Алдағы үш күнде Қазақстан аумағында ауа райы бұлтты болады. Қар жауады, бұрқасын соғып, көктайғақ болады. Екпінді жел тұрып, ауа температурасы ауытқиды.
Мұндай ауа райына оңтүстік циклонның және сонымен байланысты фронттардың шығуы себеп болады

Қазақстан және Қызылорда облысының жаңалықтары

Сальмонеллез ауруынан қалай сақтануға болады?

Ләйлә Төрешова: Партия қатары жаңа тұлғалармен толықты

Рауан Мыңбаев: «Дарын» сыйлығы – мен үшін үлкен жауапкершілік

Қызылордада су басу қауіпі бар 15 учаске жөнделуде

Ауыл мектептерінің дамуына ерекше көңіл бөлінбек

Ібайдулла Тілеп: Біздің жауапкершілігіміз аса маңызды

Қызылордада сексеуіл егу жұмыстары жүргізілуде

Бақдәулет Махашов: Шағын және орта бизнеске қолдау көп

Азаматтарға арналған үкімет “Blockchain” көмегімен қызмет көрсете бастады

МӘМС: Қызылордада медициналық ұйымдарға 49,63 млрд теңгеден астам қаржы төленді

Бибіткүл Кәрімова: “Nur Otan” алдағы міндеттерді нақтылады

Алдағы үш күнге арналған ауа райы

Қазақстан және Қызылорда облысының жаңалықтары

Сальмонеллез ауруынан қалай сақтануға болады?

Ләйлә Төрешова: Партия қатары жаңа тұлғалармен толықты

Рауан Мыңбаев: «Дарын» сыйлығы &#8211; мен үшін үлкен жауапкершілік

Қызылордада су басу қауіпі бар 15 учаске жөнделуде

Ауыл мектептерінің дамуына ерекше көңіл бөлінбек

Ібайдулла Тілеп: Біздің жауапкершілігіміз аса маңызды

Қызылордада сексеуіл егу жұмыстары жүргізілуде

Бақдәулет Махашов: Шағын және орта бизнеске қолдау көп

Азаматтарға арналған үкімет &#8220;Blockchain&#8221; көмегімен қызмет көрсете бастады

МӘМС: Қызылордада медициналық ұйымдарға 49,63 млрд теңгеден астам қаржы төленді

Бибіткүл Кәрімова: &#8220;Nur Otan&#8221; алдағы міндеттерді нақтылады

Алдағы үш күнге арналған ауа райы

Рауан Мыңбаев: «Дарын» сыйлығы – мен үшін үлкен жауапкершілік

Азаматтарға арналған үкімет “Blockchain” көмегімен қызмет көрсете бастады

Бибіткүл Кәрімова: “Nur Otan” алдағы міндеттерді нақтылады