<a href="https://kyzylorda-news.kz/">Kyzylorda-news.kz</a>. 16 желтоқсан – Тәуелсіздік күніне орай облыстық «Jas Otan» Жастар қанаты «Тұғыры биік тәуелсіздік» атты талқылау отырысын ұйымдастырды. Талқылауға «Nur Otan» партиясы Қызылорда облыстық филиалы төрағасының орынбасары А.Жарылқасынов қатысты.
Жиында тәуелсіздік құрдастары жетістіктерімен бөлісті. Жастығына қарамастан олардың әрқайсысы өз саласының үздігі болып үлгерген. Бірі мұғалім, бірі дәрігер, енді бірі қала тазалығы үшін еңбек етеді.
<blockquote>
 «29 жылда тегін білім алдым, тегін жұмысқа орналастым, отбасылы болып, перзент сүйіп отырмын. Тәуелсіздікпен қатар бой түзеген жастардың қандай да бір жеткен жетістігі егемендігіміздің арқасында. Қолда бар алтынның қадірін білу, оны замандастарымызға түсіндіру және келесі бір дәуірге аманаттау және жеткізу – біздің мойнымыздағы парыз» – деді Талғат Меңдібай.
</blockquote>
Сондай-ақ, «Nur Otan» партиясы Қызылорда облыстық филиалы төрағасының орынбасары А.Жарылқасынов жастардың сұрақтарына жауап беріп, пікір алмасты.
<img src="https://kyzylorda-news.kz/wp-content/uploads/2020/12/673f2a00-1ecd-43e3-9404-b4453c173559.jpg" alt="" />

Қызылордада Тәуелсіздік құрдастары бас қосты

<a href="https://kyzylorda-news.kz/">Kyzylorda-news.kz</a>. Бүгін «Достық үйінде» «ВОЛОНТЕРЛІК – ӨМІР БЕЛЕСІ» атты облыстық волонтер жылының жабылу салтанаты өтті.
Шараға жыл көлемінде волонтерлік қызметтің 7 негізгі бағыты бойынша жұмыстарды үйлестірген облыстық басқарма басшылары, «Облыстық волонтерлер фронт-офисінің» мүшелері мен Қызылорда қаласы және аудандардағы волонтерлер, волонтер топтары қатысты.
Шара барысында облыстық ішкі саясат басқармасы басшысының міндетін атқарушы Е.Әбішев қатысушыларды аймақта «Волонтер жылының» жабылу салтанатымен құттықтап, бірқатар волонтерлерді марапаттады.
Оның ішінде, «Жыл волонтері» облыстық сыйлығының «Birgemiz»: «Bilim» номинациясымен – Меңдібай Талғат Амангелдіұлы; «Birgemiz»: «Saýlyq» номинациясымен – Серәлі Нарбота Серәліұлы; «Birgemiz»: «Sabaqtastyq» номинациясымен – Бүркітбай Ақбаян Бахытқызы; «Birgemiz»: «Taza Alem» номинациясымен – Стаева Ақбота Ертайқызы; «Birgemiz»: «Asyl mura» номинациясымен – Әбдіржан Аружан Сәкенқызы; «Birgemiz»: «Qamqor» номинациясымен – Омарова Рауан Базарбайқызы; «Birgemiz»: «Úmіt» номинациясымен – Сауапова Салтанат Бақытжанқызы марапатталды.
Сондай-ақ, Намурадин Айсана Қанатқызы, Баджанова Динара Мұратбекқызы және Дүйсенбаева Зарина Дүйсенбекқызы «Волонтерлік қызметті дамытуға қосқан үлесі үшін» номинациясының иегері атанды.
Мұнан бөлек, халық игілігіне қызмет етіп, Сыр өңірінің әлеуметтік дамуына қосқан үлесі үшін 10 волонтерге облыс әкімінің Алғысы табысталды.
<img src="https://kyzylorda-news.kz/wp-content/uploads/2020/12/130573004_1187030645025779_4155404032467931754_o.jpg" alt="" />
<img src="https://kyzylorda-news.kz/wp-content/uploads/2020/12/130922689_1187030658359111_4466707123542968522_o.jpg" alt="" />

Қызылордада волонтер жылының жабылу салтанаты өтті

<a href="https://kyzylorda-news.kz/">Kyzylorda-news.kz</a>. Әскери қызметтен босатуды немесе әскери қызметтен кейінге қалдыруды онлайн өтініш беруге болады, деп хабарлайды ҚазАқпарат.
«Ұлттық ақпараттық технологиялар» АҚ мәліметіне сенсек, Е license.kz э лектрондық лицензиялау порталында әскери қызметтен босату және әскерге шақыруды кейінге қалдыру қызметтері қолжетімді болды.
Енді әскерге шақырылушыларға әскери комиссариатқа барудың қажеті жоқ, олар да бұл қызметтерді онлайн режимінде ал уға мүмкіндік бар .
«Бұрын осы қызметтерді алу үшін әскери комиссариатқа бару керек еді. Әскерге шақырылушылар үйден шықпай-ақ, онлайн режимінде әскерден босатуды немесе әскерге шақыруды кейінге қалдыруды алуы үшін біз ҚР Қорғаныс министрлігімен бірлесіп осы процесті оңтайландырдық. Қызметті 5 жұмыс күні ішінде тегін алуға болады», – деп атап өтті «Ұлттық ақпараттық технологиялар» АҚ басқарма төрағасы Әсет Тұрысов .
Қызметтерді алу үшін elicense.kz порталында авторизациядан өту қажет, кейін «Қауіпсіздік» қосымша бетінде тізімнен қажетті қызметті және мемлекеттік органды таңдау қажет.
Әрі қарай, ұсынылған және қосымша өрістерді толтырып, кейінге қалдыру немесе босату себебін, сондай-ақ әскери есепте тұрған орнын көрсетіп, құжаттардың электрондық көшірмелерін жүктеп, ЭЦҚ арқылы өтінішке қол қою қажет.
Шақыру комиссиясы өтінішті қоса берілген файлдармен қарайды және әскери қызметке шақырудан босату немесе әскерге шақыруды кейінге қалдыруды ұсыну туралы қорытынды немесе мемлекеттік қызмет көрсетуден дәлелді бас тарту шығарады.

Әскери қызметтен босату үшін онлайн өтініш беруге болады

<a href="https://kyzylorda-news.kz/">Kyzylorda-news.kz</a>.&nbsp; Тұрғын үй жағдайын жақсарту үшін зейнетақы жинағын мерзімінен бұрын алу ережелері “ашық нормативтік-құқықтық актілер”&nbsp;<a href="https://legalacts.egov.kz/npa/view?id=5776430">сайтында</a>&nbsp;талқылау үшін жарияланды.
Осы қағидаларға сәйкес, зейнетақы төлемдері, оның ішінде тұрғын үй жағдайларын жақсарту үшін жеке қаражаты және заем ретінде пайдаланылуы мүмкін. Бұл:
<ul>
<li>тұрғын үй сатып алу, оның ішінде тұрғын үй құрылысына үлестік қатысу туралы шартты ресімдеу, тұрғын үй жағдайларын жақсарту мақсатында жекешелендіру, бөліп төлеу, тұрғын үйді айырбастау жолымен сатып алу;</li>
<li>сатып алу құқығымен жалдау шарты бойынша берешекті ішінара/толық өтеу;</li>
<li>жеке тұрғын үй құрылысы және жер учаскесін сатып алу;</li>
<li>екінші деңгейдегі банктерден, ипотекалық ұйымдардан баспана сатып алуға болады. Оның ішінде тұрғын үй құрылысына үлестік қатысу туралы шартты ресімдеу қарастырылған. Сондай-ақ, сатып алу құқығымен жалдау, жекешелендіру, бөліп төлеу, баспананы айырбастау, жеке тұрғын үй салуға да мүмкіндік бар.&nbsp; Жер учаскесін сатып алу үшін ипотекалық қарыз алып, бастапқы жарнаны енгізуге болады. Айта кетейік, банктік қарыз шарты шеңберінде баспана сатып алуға және оны жөндеуге ипотекалық тұрғын үй қарызын беру жүзеге асады;</li>
<li>алдын ала баспана қарызын, аралық тұрғын үй қарызын, тұрғын үй құрылысына үлестік қатысу туралы шартты ресімдеу де қарастырылған. Баспана жағдайын жақсарту мақсатында сатып алу құқығымен жалдау, жекешелендіру, бөліп төлеу, баспананы айырбастау, жеке тұрғын үй салуға болады. Сондай-ақ ипотекалық тұрғын үй қарызын қайта қаржыландыру мақсатында баспана құрылысы жинақ ақшасы туралы шарт бойынша салымды толықтыру көзделген.</li>
</ul>
Өтініштерді қарау тәртібі және жинақтарды алудың қосымша шарттары туралы&nbsp;<a href="https://legalacts.egov.kz/npa/view?id=5776430">мына жерден</a>&nbsp;білуге болады.

Баспана алу үшін зейнетақы жинағын қалай қолдануға болады

<a href="https://kyzylorda-news.kz/">Kyzylorda-news.kz</a>.&nbsp;Денсаулық сақтау ұйымының бастамасымен 11 желтоқсан жыл сайын өкпенің аса ауыр ауруларының бірі – бронх демікпесімен күресу күні ретінде атап өтіледі.
Бронх демікпесі – бұл тыныс жолдарының созылмалы қабынуы, жөтел, ентігу (тұншығуға дейін), ысылдау және кеудедегі бітелумен сипатталатын ауру.Дүниежүзілік денсаулық сақтау ұйымының мәліметтері бойынша әлемде осы аурумен 300 миллионға жуық науқас бар.
<blockquote>
 «Бронх демікпесін толық емдеу мүмкін болмағанымен, ерте диагноз қою және дұрыс тағайындалған емдеу пациенттерге белгілері едәуір жеңілдетуге және жайлы өмір сүруге мүмкіндік береді», – дейді Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Бронх демікпесі ТМККК шеңберінде дәрі-дәрмектермен тегін қамтамасыз етілетін созылмалы аурулар тізбесіне кіреді. Осы ауру бойынша диспансерлік есепте тұрған пациенттер дәрігердің тағайындауы бойынша дәрі-дәрмектерді тегін ала алады: преднизолон, сальбутамол, сальметерол+флутиказона пропионат, беклометазон, будесонид, флутиказон, циклезонид, будесонид фумарата дигидрат, сондай-ақ балаларға монтелукаст препараты берілуі тиіс.
<img src="https://kyzylorda-news.kz/wp-content/uploads/2020/12/kaz-esli-vam-diagnostirovali.png" alt="" />

11 желтоқсан &#8211; Дүниежүзілік бронх демікпесіне қарсы күрес күні

<a href="https://kyzylorda-news.kz/">Kyzylorda-news.kz</a>. Биыл 11 айының қорытындысымен 8 нысан пайдалануға берілді. Сонымен қатар, тікелей басқарма арқылы 31 әлеуметтік нысанның құрылысы басталған. Жыл соңына дейін барлығы 19 әлеуметтік нысан пайдалануға беріледі. Қалғаны келер жылға өтпелі. Бұл туралы Өңірлік коммуникациялар қызметінің ақпараттық алаңында облыстық құрылыс, сәулет және қала құрылысы басқармасы басшысының орынбасары Арнұр Нұрмағанбетов баяндады.
<blockquote>
 “Ағымдағы жылы облыста сатып алу құқығынсыз жалға берілетін жалпы ауданы 815 пәтерді құрайтын 51,4 мың шаршы метр 20 тұрғын үйдің құрылысы жүргізілуде. Оның ішінде, Қызылорда қаласында 725 пәтерлі 15 тұрғын үй, Шиелі ауданында 90 пәтерді құрайтын 5 үй. Жыл аяғына дейін 698 пәтерді құрайтын 15 тұрғын үйді пайдалануға беру жоспарлануда”, – деді Арнұр Әлібекұлы.
</blockquote>
Қазіргі таңда, Қызылорда қаласында көпбалалы отбасыларға 10 пәтер сатып алу үшін және Жаңақорған ауданында 18 пәтерлі бір тұрғын үйді сатып алу үшін облыстық бюджеттен 140,9 млн теңге қаржы бөлінген. Келер жылы тұрғын үйлердің құрылысына 1,8 млрд теңге, атап айтсақ халықтың әлеуметтік осал топтары үшін Шиелі ауданында 18 пәтерлі 4 үйдің құрылысына 519,4 млн теңге, Байқоңыр қаласында 50 пәтерлі 5 үйдің құрылысына 1225,2 млн теңге, аз қамтылған көпбалалы отбасылар үшін Сырдария ауданында үш бөлмелі 3 тұрғын үй құрылысына 38,4 млн теңге қаралған. Сонымен бірге, халықтың әлеуметтік осал топтары мен аз қамтылған көпбалалы отбасылар үшін 342 пәтер сатып алуға ұлттық қордан 2,9 млрд теңге бөлінбек.

Қызылордада биыл 19 әлеуметтік нысан пайдалануға берілді

<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімі Гүлшара Әбдіқалықованың төрағалығымен су тапшылығы жағдайында егін шаруашылығын әртараптандыру жөнінде мәжіліс өтті. Жиынға мемлекеттің орган, ғылыми-зерттеу институттарының өкілдері, шаруашылық басшылары мен онлайн режимде «Ұлттық аграрлық ғылыми-білім беру орталығы» АҚ басқарма төрағасының м.а. Айбын Төреханов, қала және аудан әкімдері қатысты.
<blockquote>
 «Қызылорда облысының басты ерекшелігі – бұл инженерлік жүйеге келтірілген егіс алқаптары, алтын қоры деп айтсақ та болады. Бүгінгі күні облысымызда 236 мың га суармалы жер болса, оның 178 мың га инженерлік жүйеге келтірілген. Жылда 180 мың гектардың үстінде ауыл шаруашылығы дақылдары егіледі. Мемлекеттік қолдаулардың арқасында облыстың ауыл шаруашылығы өндірісінің дамуында оң нәтижелер қалыптасты. Ағымдағы жылдың 10 айында ауыл шаруашылығы өнімдерінің өндірісі 128,5 млрд. теңгеге жетті. Есепті кезеңде ауыл шаруашылығы саласына тартылған инвестиция 10,6 млрд. теңгені құрап, өткен жылдың осы кезеңімен салыстырғанда көрсеткіш 1,9 есеге, тамақ өнімдеріне салынған инвестиция көлемі 1,2 млрд. тг құрап 1,6 есеге өсті. Дегенмен, соңғы жылдары ауа райының өзгерістері мен су тапшылығы облыста егін шаруашылығын әртараптандыруды қажет етіп отыр. Егіс көлемін әртараптандыру бағытында соңғы бес жылда мал азықтық дақылдар көлемі 4 мың гектарға, ал, күріштен басқа дәнді дақылдар көлемі 7,5 мың гектарға көбейгенімен, әртараптандыру жұмыстары әлі де баяу жүруде. Су тапшылығы жағдайында біз негізгі дақыл күріш егістігінің көлемін белгілі бір деңгейге дейін тұрақтандыруын, оның өнімділігін арттыруды және суды үнемдеуге мүмкіндік беретін басқа дақылдар көлемін ұлғайтуды қарастыруымыз қажет», – деді облыс әкімі Гүлшара Әбдіқалықова.
</blockquote>
Бүгінгі күні жаңбырлатып, тамшылатып суару және аквагельді пайдалана отырып ауыл шаруашылығы өнімдерін өндіруге ерекше назар аударылуда. Осы бағытта Жаңақорған ауданда «Orbis Agro» компаниясы 3 мың га жерге тамшылатып суару арқылы қызанақ, Шиелі ауданында «Тың Өріс» компаниясы 10 мың га жерге жаңбырлатып суару әдісімен жоңышқа, Қазалы ауданында «РЗА-Агро» серіктестігі 87 гектарға жаңбырлатып суарумен жүгері егу жобалары қолға алынған.
Сонымен қатар, биылғы жылдан бастап тәлімді жерлер игерілуде. Келесі жылы аталған жұмыстарды атқаруға Жаңақорған ауданында аквагельді қолдану арқылы 500 га мақсары дақылы мен 200 га жаздық бидай егіледі деп жоспарлануда.
Мәжілісте сала ғалымдары әртараптандыру кезінде суармалы суды үнемдеудің жаңа технологияларын енгізу, суармалы жерлерінің деградациясы және оларды төмендету жолдары, күріш ауыспалы егісін әртараптандыру және күріш алқаптары мен егістігінің жағдайына ғарыштық мониторинг жүргізу мәселелерін сөз етті.
2021 жылы егілетін дақылдардың егіс көлемінің сызбасы Қызылорда қаласы мен аудан әкімдіктерімен және тиісті мекемелерімен келісіліп, бөлінетін су көлемі лимиті шегінде жасалынды. Сызбаға сәйкес, ауыл шаруашылығы дақылдарын 187,3 мың гектарға орналастыру межеленсе, оның ішінде негізгі дақыл күріштің көлемі 85,7 мың гектарды құрап отыр.
Жиын соңында аймақ басшысы су тапшылығы жағдайында әртараптандыруды жүзеге асыру үшін егіншілік мәдениетіне ғылымның озық жетістіктерін енгізуді және егіншілік саласын пайдалы кәсіпке айналдыру қажет екенін атап өтті.
<img src="https://kyzylorda-news.kz/wp-content/uploads/2020/12/131053054_2962490900520626_930879195827898589_o.jpg" alt="" />

Қызылордада су тапшылығы жағдайында егін шаруашылығын әртараптандыру жөнінде мәжіліс өтті

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова «Бәйтерек» ұлттық басқарушы холдингі» АҚ басқарма төрағасының орынбасары Әнуар Омарқожаевпен кездесті.
Аймақ басшысы бірлескен жұмыстар шеңберіндегі екіжақты әріптестік үшін алғысын білдірді. Сонымен қатар экономиканы әртараптандыру, инновацияларды қолдау, индустриялық жобаларды дамыту барысы бойынша өзара әңгімелесті.
<blockquote>
 “Сіздің Сыр жеріне табан тіреп, арнайы келгеніңізге алғыс айтамын. Өзіңіз білесіз, шыны зауыты өңірдегі ірі индустриялық жобалардың бірі саналады. Жобаны жүзеге асыруда белгілі бір қиындықтар болды. Жалпы бірлескен күш-жігердің нәтижесінде жоба аяқталуға жақын қалды. Бүгінгі күні құрылыс жұмыстары 70%-ға аяқталып отыр. Қалған негізгі жұмыс – балқытылған ваннаға арналған жабдықты және қуыру пешін орнату мәселелері нәтижелі аяқталады деп сенемін. Мен сізге және сіздің әріптестеріңізге нысанның құрылысын соңғы деңгейге жеткізгеніңіз үшін ризашылығымды білдіргім келеді. Жобаны жүзеге асыру барысында туындаған мәселелерді шешуге барынша көмек көрсеттіңіздер”, – деді облыс әкімі.
</blockquote>
Кездесуде өңір басшысы Гүлшара Әбдіқалықова шыны зауытының жұмысы аяқталғаннан кейін зауыт айналасында 8 ілеспе зауыт ашылатынын, шыныны өңірде өндіру арқылы экономикаға табыс әкелуге мүмкіндік барын қаперге салды. Өңірде құрылыс, монтаждау және пайдалануға беру жұмыстарын аяқтау жөніндегі шараларды қамтитын Жол картасы әзірленуде. Сондай-ақ, шыны зауытының айналасында инвесторлармен бірге 4 жобаны жүзеге асыру басталды. Бұл шыны пластиктен жасалған құбырлар, шыны талшықтар, айналар, шыны ыдыстар мен контейнерлер өндірісі.
Өз кезегінде Басқарма төрағасының орынбасары Әнуар Омарқожаев Қызылорда облысы экономиканы дамытуға қолайлы аймақ саналатынын, өңірде инвестиция тарту мәселелері бойынша бірлескен жұмыстарды қолдауға дайын екендіктерін тілге тиек етті.
Кездесу соңында облыс әкімі Гүлшара Әбдіқалықова аймақтағы инвестициялық жобаларды қаржыландыру бойынша ынтымақтастықты жалғастыруға ниетті екенін жеткізді.
<img src="https://kyzylorda-news.kz/wp-content/uploads/2020/12/130899922_2962389063864143_7108278156271502374_o.jpg" alt="" />

Аймақ басшысы «Бәйтерек» ұлттық басқарушы холдингі» АҚ басқарма төрағасының орынбасары Әнуар Омарқожаевпен кездесті

<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімі Гүлшара Әбдіқалықова 3 мәрте «Алтын домбыра» иегері Мұхтар Ниязов пен «Дарын» мемлекеттік жастар сыйлығының иегері Күнсұлу Түрікпенді қабылдап, қос өнерпазды жетістіктерімен құттықтады. Аймақ басшысы айтыс пен жыраулық өнердің Сыр өңірі үшін алар орны ерекше екендігін айтып, ұлттық құндылықтарды дәріптеп жүрген талантты жастардың алда да талай жеңістерге жететініне сенім білдірді.
<blockquote>
 “Сыр бойы Қазақстан Республикасының Тұңғыш Президенті Елбасы Нұрсұлтан Әбішұлы Назарбаев айтқандай «Сыр – Алаштың анасы» деп дәріптеліп келеді. Алты алашта «Сыр елі – жыр елі» деген сөз ежелден келе жатқан ұғым бар. Ескіден жеткен есті сөз қазіргі уақытта халықтың бағасына айналды. Киелі өлкеде өнердің саф алтындай өскіні өркендеп, ақындық пен жыршылықтың алтын тамыры ұрпақтан ұрпаққа жалғасып келеді. Осының дәлелі, кеше ғана Елордада өткен «Абай тағылымы – Тәуелсіздіктің тірегі» атты республикалық ақындар айтысында жерлесіміз ақын Мұхтар Мәуленұлы Ниязов «Бас жүлдені» иеленіп, үшінші мәрте «Алтын Домбыра» иегері атанды. Сіздерді барша жерлестеріңіздің атынан жеңістеріңіз, марапаттарыңызбеншын жүректен құттықтаймын”, – деді облыс әкімі Гүлшара Әбдіқалықова.
</blockquote>
Шарада сөз алған Мұхтар Ниязов бүгінгі жеңісі барша Сыр бойылықтардың жеңісі екендігін айтып, қолдау көрсеткен жерлестеріне алғысын жеткізді.
“Бүгінгі менің жеңісім барлық жанашыр жандарға ортақ. Өйткені алғаш «Алтын домбыра» сайысына қатысқаннан бастап, Сыр елі маған әрдайым қолдау көрсетіп келеді. Сондықтан мен алтын домбыраны алуым керек деп мақсат тұттым. Расымен де біздің өңір жыршылықтың, айтыстың отаны десек болады. Сіздердің өнерге деген қолдауларыңыздың арқасында көптеген өнерпаз жастарымыз жеңістерге жете береді деп ойлаймын”, – деді Мұхтар Ниязов.
Қазақстан Республикасының Үкіметінің қаулысымен «Дарын» мемлекеттік жастар сыйлығына ие болған Күнсұлу Түрікпен де ұлттық өнерге әрдайым қолдау білдірген Сыр жұртшылығы мен аймақ басшысына ризашылығын білдірді.
Жиын соңында облыс әкімі Гүлшара Әбдіқалықова ақын Мұхтар Ниязовқа қаржылай сый ұсынып, жырау Күнсұлу Түрікпенге домбыра сыйға тартты.
<img src="https://kyzylorda-news.kz/wp-content/uploads/2020/12/130892285_2962365703866479_5240986816120750199_o.jpg" alt="" />

Облыс әкімі Гүлшара Әбдіқалықова Сыр өнерпаздарына құрмет көрсетті

<a href="https://kyzylorda-news.kz/">Kyzylorda-news.kz</a>. Қызылорда облысы бойынша 15 тойхана өз қызметін өзге салаға қайта бағыттады.
Атап айтсақ, Арал ауданындағы “Ақ Ниет”, “Алмаз” мейрамхана қызметін сауда саласына ауыстырса, «Хан Шатыры» тойханасы асхана қызметін көрсетуде. Ал Қармақшыда «Мирас», «Алтын ғасыр» тойханасы құрылыс материалдары мен киім-кешек сату дүкенін айналса, «Малие ана» кондитер өнімдерін шығару және балалар ойын алаңын ашса, «Айқын» тойханасы құс шаруашылығымен айналысуда.
Сондай-ақ, Қызылорда қаласы бойынша 4, Қазалы ауданы бойынша 2 және Сырдария ауданы бойынша 2 тойхананың қызмет бағытын өзгерту жұмыстарын атқаруда. Бұл туралы Өңірлік коммуникациялар қызметінің ақпараттық алаңында Облыстық кәсіпкерлік және туризм басқармасы басшысының орынбасары Мұрат Тасқараев баяндады.
<blockquote>
 “Қызылорда қаласы бойынша «ДАЛАТЕКС» серіктестігімен «Orda» мейрамханасының ғимаратынан автоматтандырылған лаваш шығару өндірісі іске қосылуы күтілуде. Оған шамамен 30 млн теңге қаржы бағытталып, тиісті құрал-жабдықтарға тапсырыстар берілді. Сонымен бірге, «Ұлытау» тойханасында шырындар мен сусындар өндірісі іске қосылатын болады. Жоба «Байқоңыр» әлеуметтік кәсіпкерлік корпорациясымен бірлесіп іске асырылмақ. Оған шамамен 50-60 млн теңге қаржы жұмсалатын болады”, – деді Мұрат Тасқараев.
</blockquote>
Қазіргі таңда, платформа аясында кәсіпкерлік саласындағы мекемелер бір жерге шоғырландырылған арнайы «Бизнеске арналған Үкімет» кеңсе ғимараты жұмыс жасайды. Яғни, кәсіпкердің уақыты мен шығынын үнемдей отырып, әкімшілік кедергілерді барынша қысқартып, қызметтерді бір орталықтан алу мүмкіндігі бар.
<img src="https://kyzylorda-news.kz/wp-content/uploads/2020/12/130740951_1186916061703904_8864873500142785019_o.jpg" alt="" />

Қызылордада 15 мейрамхана қызметін өндіріске бұрды

<a href="https://kyzylorda-news.kz/">Kyzylorda-news.kz</a>. Жақында «Дарын» мемлекеттік сыйлығының иегері атанған жыршы Күнсұлу Түрікпен бүгін Өңірлік коммуникациялар қызметінің ақпараттық алаңына келіп, журналистермен тілдесті.
Дәстүрлі өнердің дара қызы жастайынан жыршы-жыраулардың ізін жалғап, халықаралық, республикалық додаларда топ жарып келеді. Мәселен, халықаралық деңгейде ұлттық өнерді насихаттайтын «Men qazaqpyn» мегажобасының жеңімпазы атанды. Бүгінде Нұр-Сұлтан қаласында «Қазақконцерт» мемлекеттік концерттік ұйымында жыршы. «Дарын» мемлекеттік жастар сыйлығының «Халық шығармашылығы» номинациясы Сырдың қызына бұйырды.
<blockquote>
 “Сырдың жері «алтын құрсақты» топырақ. Қаншама талатты тумалар дүниеге келген қасиетті өлке. Оны өнер иелері әрқашан биік белестерді бағындыруымен дәлелдеп келеді. Ақындық пен жыраулық тарихта еншісі айырылмаған өнер. Мемлекеттік сыйлық өз саласының шебері атанған әр саладағы жастарға шабыт сыйлайды. Зор жауапкершілікті жүктейді. Жоғары марапаттардың бастау болған жастар сыйлығы маған ғана емес Сыр мәдениетіне берілген баға”, – деді Күнсұлу Түрікпен.
</blockquote>
Жыршының жыр қорында «Қобыланды батыр», «Көрұғлы», «Қыз Жібек», «Алпамыс батыр» халық жырларымен қатар «Шаһнаманың» «Зухраб батыр», А.Керейұлының «Өсиет» және Сыр сүлейлерінің жыр-дастандары мен терме-толғаулары бар.

Күнсұлу Түрікпен: Мемлекеттік сыйлық жастарға шабыт сыйлайды

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қоры тегін медициналық көмектің кепілдендірілген көлемі және міндетті әлеуметтік медициналық сақтандыру пакеттері бойынша Медициналық қызметтердің негізгі көлеміне 2021 жылға шамамен 1,5 трлн теңге сатып алуды жариялады, бұл сома орташа есеппен 20% артады.
Мәселен, келесі жылы халықтың қажеттілігінің артуын және елдегі эпидемиялық жағдайды ескере отырып, медициналық көмекті сатып алу көлемінің ұлғаюы болжануда. ТМККК пакетінде бұл инфекциялық аурулары бар пациенттерге, онкологиясы бар пациенттерге арналған медициналық көмекке, паллиативтік қызметтерге қатысты. Сақтандырылған халық үшін мамандандырылған медициналық көмектің, оның ішінде ауылдық жерлерде қымбат Жоғары технологиялық қызметтердің көлемі артады.
<blockquote>
 «Қор еліміздің медициналық ұйымдарынан 2021 жылға жоспарланған медициналық қызметтердің негізгі көлеміне өтінімдер қабылдаудың басталғаны туралы хабарлады. Осы жылдың желтоқсан айында сатып алуды өткізу 2021 жылдың 1 қаңтарынан бастап халықты медициналық көмекпен қамтамасыз етуге мүмкіндік береді», – деп атап өтті ӘМСҚ.
</blockquote>
Айта кету керек, 2020 жылдың басында әлеуметтік медициналық сақтандырудың енгізілуімен Денсаулық сақтау жүйесінің бюджеті 1,6 трлн теңгені құрап, медициналық көмек көлемі 1,5 есеге артты. Биыл алғаш рет МӘМС қаражаты есебінен мектеп медицинасын қаржыландыру көзделді, консультациялық-диагностикалық көмекті қаржыландыру көлемі айтарлықтай кеңейтілді – 6 есе, 183,8 млрд теңге. Сонымен қатар, МӘМС енгізілуімен қалпына келтіру емі мен медициналық оңалтуды қаржыландыру көлемі 8 есе 55,7 млрд теңгеге дейін өсті; стационарды алмастыратын көмекті қаржыландыру екі есе – 50,3 млрд теңгеге ұлғайды.
Естеріңізге сала кетейік, 2020 жылға медициналық сақтандыру қорының сатып алуларына 1 296 медициналық қызмет беруші қатысты, оның ішінде – 691 мемлекеттік медициналық ұйымдар (53%), 605 – жеке меншік (47%).
Бұған дейін хабарланғандай, Қор бірыңғай стратегиялық сатып алушы ретінде қызметтерді сатып алудың электрондық форматына көшті. Ол үшін «Электрондық қаржы орталығы» АҚ бірлесіп медициналық қызметтерді сатып алу fms.ecc.kz веб-порталы іске қосылды».
Сатып алудың электрондық форматы рәсімнің ашықтығын қамтамасыз етуге мүмкіндік береді, сондай-ақ қателердің туындау тәуекелдерін барынша азайтады, қағаз құжат айналымын жояды. Мұның бәрі Қор үшін де, медициналық ұйымдар үшін де сатып алу рәсімдерін жеңілдетеді.
Қазіргі уақытта веб-порталда хабарландыру жарияланды, оған жауап ретінде әлеуетті өнім берушілердің дерекқорына енгізілген өнім берушілер конкурсқа қатысуға өтінім береді. Бұдан әрі құрамына Қордың, уәкілетті органның (республикалық комиссия құрамында), денсаулық сақтау басқармасының (өңірлік комиссиялар құрамына), «Атамекен» ҰКП, медициналық қызметтерді тұтынушылардың мүдделерін білдіретін үкіметтік емес ұйымдардың, денсаулық сақтау субъектілерінің немесе медициналық қызметкерлердің және медициналық қызметтер сапасына сыртқы сараптама функцияларын жүзеге асыратын уәкілетті органның аумақтық бөлімшелерінің өкілдері кіретін комиссия өтінімдерді қарайды. Бұдан кейін Веб-порталда қорытындылардың хаттамасы автоматты түрде қалыптастырылады, ол өнім беруші мен Қор арасында шарттар жасасу үшін денсаулық сақтау ақпараттық жүйелеріне жіберіледі.
Өтінімдерді қабылдау 2020 жылғы 7 желтоқсан сағат 9:00-ден 2020 жылғы 14 желтоқсан сағат 18:30-ға дейін жүзеге асырылады.
Сондай-ақ Қордың (Қазақстандағы МӘМС) ресми YouTube арнасында <a href="http://www.youtube.com/watch?v=MNiqdHmtVec">www.youtube.com/watch?v=MNiqdHmtVec</a> медициналық қызметтерді сатып алу веб-порталында жеткізушілердің электрондық форматта өтінім беруі бойынша оқыту жазбасы орналастырылған.
<blockquote>
 «Өткен жылы жоспарлы көмектің көлемі төмендегеніне қарамастан, бірақ пандемия кезеңінде елдің денсаулық сақтау жүйесі Елеулі ауыртпалықты бастан кешуде және Қор коронавирустық инфекциямен тиімді күресті қамтамасыз ету үшін медициналық ұйымдарды уақтылы қаржыландыру үшін барынша күш салуда», – деп атап өтті Әлеуметтік медициналық сақтандыру қоры.
</blockquote>
Естеріңізге сала кетейік, МӘМС жүйесі туралы барлық мәселелерді Қордың fms.kz. сайтынан, Telegram-бот @SaqtandyryBot арқылы, Qoldau 24/7 мобильді қосымшасы арқылы алуға болады. Сондай-ақ, халықпен кері байланыс орнату үшін Қордың 1406 Call-орталығы жұмыс істейді.

Қазақстан және Қызылорда облысының жаңалықтары

Қызылордада Тәуелсіздік құрдастары бас қосты

Қызылордада волонтер жылының жабылу салтанаты өтті

Әскери қызметтен босату үшін онлайн өтініш беруге болады

Баспана алу үшін зейнетақы жинағын қалай қолдануға болады

11 желтоқсан – Дүниежүзілік бронх демікпесіне қарсы күрес күні

Қызылордада биыл 19 әлеуметтік нысан пайдалануға берілді

Қызылордада су тапшылығы жағдайында егін шаруашылығын әртараптандыру жөнінде мәжіліс өтті

Аймақ басшысы «Бәйтерек» ұлттық басқарушы холдингі» АҚ басқарма төрағасының орынбасары Әнуар Омарқожаевпен кездесті

Облыс әкімі Гүлшара Әбдіқалықова Сыр өнерпаздарына құрмет көрсетті

Қызылордада 15 мейрамхана қызметін өндіріске бұрды

Күнсұлу Түрікпен: Мемлекеттік сыйлық жастарға шабыт сыйлайды

ӘМСҚ: 2021 жылға медициналық қызметтерді сатып алуды жариялады

Қазақстан және Қызылорда облысының жаңалықтары

Қызылордада Тәуелсіздік құрдастары бас қосты

Қызылордада волонтер жылының жабылу салтанаты өтті

Әскери қызметтен босату үшін онлайн өтініш беруге болады

Баспана алу үшін зейнетақы жинағын қалай қолдануға болады

11 желтоқсан &#8211; Дүниежүзілік бронх демікпесіне қарсы күрес күні

Қызылордада биыл 19 әлеуметтік нысан пайдалануға берілді

Қызылордада су тапшылығы жағдайында егін шаруашылығын әртараптандыру жөнінде мәжіліс өтті

Аймақ басшысы «Бәйтерек» ұлттық басқарушы холдингі» АҚ басқарма төрағасының орынбасары Әнуар Омарқожаевпен кездесті

Облыс әкімі Гүлшара Әбдіқалықова Сыр өнерпаздарына құрмет көрсетті

Қызылордада 15 мейрамхана қызметін өндіріске бұрды

Күнсұлу Түрікпен: Мемлекеттік сыйлық жастарға шабыт сыйлайды

ӘМСҚ: 2021 жылға медициналық қызметтерді сатып алуды жариялады

11 желтоқсан – Дүниежүзілік бронх демікпесіне қарсы күрес күні