**<a href="https://kyzylorda-news.kz/">Kyzylorda-news.kz.</a> Өрт кезінде 7 адам эвакуацияланып, 10 адам құтқарылды. Бұл туралы Қызылорда облысы ТЖД баспасөз қызметі хабарлады. 
**
Бүгін сағат 11.15-те Қызылорда облысы ТЖД кезекші қызметіне Қызылорда қаласы Шұғыла шағын ауданы 7 “А” мекен жайы бойынша бес қабатты тұрғын үйдегі өрт туралы хабарлама келіп түсті. Өрт сөндірушілер келген бойда үшінші қабатта қысқатолқынды пеш, тоңазытқыш, кір жуғыш машинасы жанып жатқанын анықтады. 
Өрт сөндірушілер баспалдақ маршы арқылы 7 адамды, оның ішінде 2 баланы эвакуациялады. Сонымен қатар, 4-қабаттан өрт автосатысы арқылы 10 адам, оның ішінде 5 бала құтқарылды. Өрт сағат 11.34-те ауыздықталды. 
<blockquote>
 “Апаттар медицинасы орталығы мен жедел-жәрдем бригадалары оқиға орнынан улы газбен уланудың жеңіл түрдегі белгілері бар 6 адамды, оның ішінде 4 баланы облыстық медициналық орталыққа және облыстық балалар ауруханасына жеткізді. Қаза болғандар жоқ. Өрт ауданы 10,5 шаршы метрді құрады”, – делінген ТЖД хабарламасында. 
</blockquote>
Өртті сөндіруге және алғашқы медициналық көмек көрсетуге Апаттар медицинасы орталығының, Қызылорда облысы Төтенше жағдайлар департаментінің, Полиция департаментінің, жедел медициналық жәрдемнің, “ҚазТрансГазАймақ” АҚ, “Қызылорда электр тарату торабы” АҚ жеке құрамынан 28 адам және 9 техника жұмылдырылды.
<img src="https://kyzylorda-news.kz/wp-content/uploads/2020/06/img-20200623-wa0055-1.jpg" alt="" />
<img src="https://kyzylorda-news.kz/wp-content/uploads/2020/06/img-20200623-wa0056-1.jpg" alt="" />

Қызылордада тұрғын үй өртеніп, 10 адам құтқарылды

<a href="https://kyzylorda-news.kz/">Kyzylorda-news.kz.</a> Төтенше жағдай аяқталды. Елдегі блокпосттар алынып тасталды. Бірақ карантиндік ережелер әлі де күшінде.
Өйткені әлемдік медицина мамандары пандемияның оңайлықпен аяқталмайтынын және екінші толқыны келуі мүмкін екенін айтып, дабыл қақты. Расымен, індеттің таралуы әлі тоқтар емес. Дерттен жазылғандар да, науқастан қайтыс болғандар да, ең қиыны вирус жұқтырғандар да күн санап көбеюде. Бұл дүниежүзі үшін өте қиын жағдай.
Медицина мамандарының сөзіне мән берсек, вирус жұқтырғандардың басым бөлігі, денсаулығына мән бермей, сақтанбағандар. Олардың көбісі карантиндік тәртіпті сақтамай, қауіпсіздік шараларын қабылдамағанынан осындай жағдайға душар болуда. Өйткені бұл дерттен аман болудың ең басты жолы – медициналық бетперде кию мен қолдың тазалығы және көпшіліктен оқшаулану. Сайып келгенде ортақ тәртіпке бағыну, қауіпсіздік шараларын қатаң сақтау. Босаңсуға, еркінсуге әлі ерте.
Қиын-қыстау кезеңде бірліктің үлгісін көрсетіп, тәртіпке бағынып, індетке жұмыла қарсы тұру біздің бірлігіміздің қаншалықты екенін көрсетеді. Қанша жанның өмірін қиған індетпен күресу шаралары күшеймесе, босаңсыған емес. Ендеше қазақстандықтар да мамандардың, медицина қызметкерлерінің еңбегін жоққа шығармай, карантиндік ережелерде көрсетілген талаптарды қатаң сақтап, демеу білдіріп, қолдау көрсетуге тиіс. Сын сағатта тас түйін, біртұтас елдің үлгісін көрсету керек. Өйткені бірге көтерген жүк жеңіл болады. Бірлік бар жерде тірлік те бар. Ал ауызбіршілікпен жасалған кез келген істің нәтижесі тек жақсылық болмақ.
Садық Әлиев
аудандық ардагерлер кеңесінің төрағасы
<img src="https://kyzylorda-news.kz/wp-content/uploads/2020/06/fb_img_1592911511396.jpg" alt="" />

Індеттің таралуы тоқтар емес

<a href="https://kyzylorda-news.kz/">Kyzylorda-news.kz.</a> Шиеліде ҰБТ-ның жоғарғы балын жинаған түлек Диас Қиянбекұлы сынақтан кейін өз ойымен бөлісті. 
<blockquote>
 «Тестке сенімді кірдім. Себебі өз біліміме сендім. 4 сағат ішінде асықпай, ойланып, жауап жаздым. Уақыттың есептеулі екенін түсіну керек. Тыйым салынған затты алып кіргеннен еш нәтиже болмайды. Оған алаңдап отырып, уақыт өткізіп аласың. Сондықтан алдағы күні тест тапсыратын түлектерге айтарым, өздеріңізге ғана сеніңіздер. Бәрі де біз оқыған тақырып, біз меңгерген білім. Сондықтан тестке аса дайындықпен келіп, қалаған нәтиже алайық», – дейді Диас Қиянбекұлы. 
</blockquote>
Айта кетейік, Диас жалпы білім беретін пәндерден өткізілген Республикалық олимпиаданың II (аудандық) кезеңінде география пәнінен II орын, Daryn.online білім беру платформасында тарихымызды дәріптеу мақсатында ұйымдастырылған I Республикалық «Жас тарихшы» олимпиадасынан II орын, жалпы білім беретін пәндер бойынша Республикалық онлайн олимпиадасы Қазақстан тарихы пәнінен I орын иегері. 
<a href="https://kyzylorda-news.kz/bilim/ubt-qyzylordada-zhogharghy-baldy-awdan-tuelegi-zhinady-68487/">Еске сала кетейік</a>, бұған дейін Мұстафа Шоқай атындағы №41 мектеп түлегі Диас Қиянбекұлы &nbsp;Ұлттық бірыңғай тестілеуден 130 балл жинағанын хабарлаған болатынбыз.

Диас Қиянбекұлы: Тыйым салынған затты алып кіргеннен еш нәтиже жоқ

<a href="https://kyzylorda-news.kz/">Kyzylorda-news.kz.</a> Карантин кезеңінде медициналық сақтандыру төлемдеріне қатысты сауалдар көптің көкейінде жүргені анық.
Сондықтан«Әлеуметтік медициналық сақтандыру қоры» Қызылорда облысы бойынша филиалының бас сарапшысы Айгүл Аханова көпшіліктің сұрақтарына жауап береді.
<ul>
<li>Төтенше жағдай режимі салдарынан ел билігі дағдарысқа қарсы әлеуметтік және экономикалық қолдау шараларын қабылдады. Соның бірі – медициналық сақтандыру жүйесіндегі жеңілдік мерзімін ұзарту. «Салық демалысы» кімге және қай мерзімге дейін берілді?</li>
<li>Естеріңізге сала кетейін, Мемлекет басшысының тапсырмасы бойынша сақтандырылмаған азаматтардың міндетті әлеуметтік медициналық сақтандыру жүйесінде медициналық көмекті алу құқығы 2020 жылдың 1 шілдесіне дейін ұзартылды. Осы уақытқа дейін барлық азаматтар шартты түрде сақтандырылған болып саналады және МӘМС жүйесіне қатысушы мәртебесіне қарамастан медициналық көмекке жүгіне алады. 
Содан кейін, ҚР Үкіметінің 2020 жылғы 20 сәуірдегі № 224 қаулысына сәйкес, шағын және орта бизнестің субъектілері 2020 жылдың 1 сәуірінен 1 қазанына дейін міндетті әлеуметтік медициналық сақтандыру төлемдерінен босатылды. Яғни, осы кезеңде ШОБ, сонымен қатар кейбір ірі кәсіпорындар өз қызметкерлеріне медициналық сақтандыру төлемдері мен аударымдарын төлеуден 2020 жылдың 1 шілдесіне дейін босатылған. 
Жеңілдік берілген кәсіпорындардың қатарына карантин енгізуденең көп зардап шеккен санаттар жатады – сауда, мейрамхана және қонақ үй бизнесі, туристік қызметтер, кинотеатрлар және т.б. Барлығы шағын және орта бизнеске арналған 29 іс-шара және 10 ірі бизнес үшін. Басқа шағынжәне орта бизнес субъектілеріне медициналық сақтандыру бойынша жарналар мен аударымдарды төлеуді 2020 жылдың 1 маусымына дейін кешіктіруге рұқсат берілді. 
Медициналық сақтандыру жүйесіне жарналар мен аударымдарды Үкімет қаулысында көрсетілген тізбеге кірмейтін барлық қалған жұмыс берушілер төлейді. 
Жеке кәсіпкерлерге алты ай ішінде, ағымдағы жылдың 1 қазанына дейін өз қызметкерлері үшін аударымдарды төлеудің және жалақыларынан жарналарды ұстаудың қажеті жоқ. Алайда, өзі үшін төлеу керек. Яғни ЖК ай сайын 1,4 АЕК-тен 5% мөлшерінде жарналарды төлеуді жүзеге асырады («МӘМС туралы» ҚР Заңының 28-бабының 5-тармағына сәйкес), яғни 5% х (1,4 х 42 500) = 5% х 59500 = 2975 теңге.</li>
<li>Егер кәсіпкердің табысы болмаса, ол нөлдік кіріс тапсырады. Бұл жағдайда қалай болады?</li>
<li>Егер жеке кәсіпкер нөлдік декларацияны тапсырса, ол өзі үшін жарналарды төлеуге міндетті, себебі мемлекеттік кіріс органдарында жеке кәсіпкер ретінде тіркеу есебінде тұр. «МӘМС туралы» Заңның 31-бабына, 1-тармағына сәйкес, жеке кәсіпкерлер мен жұмыс берушілер төлем жасамаған жағдайда төлем жасалған күнді қоса алғанда, әрбір кешіктірілген күн үшін төленбеген соманың 1,25% мөлшерінде айыппұл салынады. 
Егер жеке кәсіпкер,оның қызметкерлер 15 жеңілдік санатына жататын болса әлеуметтік медсақтандыру жүйесіне жарналар төлемейді. Олар үшін төлемді мемлекет жүргізеді.</li>
<li>Мысалы, қызметкер ЖШС-де немесе ЖК-де және бір мезгілде бюджеттік ұйымда еңбек етеді. Онда МӘМС үшін жарналарды табыстың екі көзінен аударуға міндетті ме?</li>
<li>«МӘМС туралы» Заңның 29-бабы 3-тармағына сәйкес, егер азамат екі жұмыс орнында жұмыс істесе және жиынтық табысы 10 ЕТЖ-дан аспаса (2020 ж. кірістен есептеу 425 000 теңгеден аспайды), онда МӘМС жарнасын екі көзден төлеуге тиіс. Ал, егертабысы 10 ЕТЖ – дан асыпкетсе, ондабіркөзден алу керек. Сонымен, ең төменгі жалақының 10 еселенген мөлшеріне тең келетін табыс сомасынан жарналар төлеген кезде, растайтын құжатпен жекетұлғаның басқа кірістерінен жарналар төлеу талап етілмейді. Мұндайқұжат – жұмыс беруші немесе салық агентінің берілген, есептелген және төленген жарналары туралы анықтама. 
Егер жекекәсіпкер жұмыскер болса, онда жұмысберуші жарна есептеу объектісінің 2% мөлшерінде аударымдарды төлейді, ал жалақының 1% мөлшерінде төленеді. Бірақ, өздеріңіз білетіндей, осы жылдың 1 қазанына дейін жеке кәсіпкерлер өз қызметкерлері үшін МӘМС-ке жарналар мен аударымдар төлеуден босатылады. 
«МӘМС туралы» Заңның 14-бабы 3-тармағына сәйкес, әрекетсіз деп танылғандардан басқа, жеке кәсіпкерлер жарна төлеушілер болып табылады. Осылайша, егер ЖК қызметі тоқтатылса, жарна төлеудің қажеті жоқ.</li>
<li>Бірақ МӘМС жүйесінде тұрақты болу үшін және барлық медициналық қызметтер пакеттеріне қол жеткізу үшін ай сайын жарна төлеу керек емес пе?</li>
<li>Иә, «сақтандырылған» мәртебесін алғаннан кейін сіз тар мамандардың кеңестерінен және стационарлық көмекке, жарақаттан немесе операциядан кейін қалпына келтіру еміне дейінгі кеңейтілген медициналық көмек пакетіне қол жеткізе аласыз. Егер бұрын сіз көптеген медициналық қызметтерге ақы төлеген болсаңыз, осы жылдан бастап, дәлелдемелеріңіз болса, сіз үшінмедициналық сақтандыру қоры төлейді. 
«МӘМС туралы» Заңның 28-бабына, 6-тармағына, ҚР Салық заңнамасына сәйкес, салық есептілігін беруді тоқтатқан немесе әрекетсіз деп танылған жеке тұлғалар мен жеке тәжірибе алушылар үшін 2020 жылдан бастап МӘМС жарнасын төлеу бойынша міндеттемесі қалады. Ағымды жылдын ай сайынғы төлем мөлшері 1 ең төменгі жалақының 5% құрайды (2125 теңге). 
Сонымен қатар. бірыңғай жиынтық төлем де өзін-өзі жұмыспен қамтығандарға, ресми түрде еш жерде тіркелмеген және ресми табысы жоқ тұлғаларға сақтандырылу мәртебесін береді. 2020 жылы БЖТ көлемі қала тұрғындары үшін 2651 теңгені, ауыл тұрғындары үшін 1325 теңгені құрайды.</li>
<li>Егер жарна төлеу мерзімі өтіп кетсе, сақтандыру пакеті бойынша медициналық көмекке жүгінуге бола ма?</li>
<li>Егер сіз МӘМС-ке жарна төлей бастаған болсаңыз, бірақ 3 айдан астам үзіліс болса, онда сақтандыру мәртебесінен айырылып қаласыз. Сақтандыру пакеті шеңберінде медициналық қызметтерді алу үшін бұрынғы төленбеген кезеңдер үшін төлемдерді жасау қажет. Бұл жағдайда,сақтандырылудың мәртебесіне қарамастан тегін медициналық көмектің кепілдік берілген көлемі шеңберінде медициналық көмек қолжетімді. 
Естеріңізге сала кетейін, карантин кезеңінде медициналық көмек көрсету мәселелері бойынша МӘМС жүйесінде сақтандырылған бола отырып, қандай медициналық қызметтерге, пациенттердің құқықтарын қорғау бойынша сұрақтарымен Әлеуметтік медициналық сақтандыру қорының байланыс орталығына 1406 тегін нөміріне қоңырау шала аласыз. 
Сондай-ақ медициналық сақтандыру және пациенттердің құқықтары мәселелері бойынша Qoldau-24/7 мобильдік қосымшасы халыққа қызмет көрсетеді. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. Содан кейін өтініш берушіге қосымшада оның аккаунтында жауап беріледі. 
Әлеуметтік медициналық сақтандыру қорының Qoldau-24/7 мобильді қосымшасын Android смартфондары үшін Play Market арқылы, Apple смартфондары үшін App Store арқылы жүктеп алуға болады.</li>
<li>Сұхбатыңызға рақмет!</li>
</ul>
<img src="https://kyzylorda-news.kz/wp-content/uploads/2020/06/foto-ajgwl-a-2.jpeg" alt="" />

Карантин кезеңінде медициналық сақтандыру төлемдерінен кім босатылады?

<a href="https://kyzylorda-news.kz/">Kyzylorda-news.</a>Бүгін Қызылорда облысы бойынша Қылмыстық-атқару жүйесі департаментінің бастығы әділет подполковнигі Шаймерден Есенкелдиев ұзақ жылдар жауапкершілігі мол, қылмыстық-атқару жүйесі саласында қызмет етіп, зейнеткерлікке шыққан ардагерлерді құттықтады.
Олар қауырт қызметті қиынсынбай, уақытпен санаспай, абыроймен адал еңбек еткен жандар. Аталған саладағы ардагерлердің қызметі кейінгі ұрпаққа үлгі екені анық. Сондықтан олардың қиын саладағы абыройлы қызметтері үнемі жас қызметкерлерге дәріптелуде. 
Департамент бастығы Тұрсынбай Баймаханов, Әділхан Сапаров, Лечи Шабаев, Дидар Жұмалиев, Күзембай Қожақовты мерекемен құттықтады. Сонымен қатар өздерінен кейінгі қызметкерлерді патриоттық рухта тәрбиелеуге белсене қатысқаны үшін «Алғыс хатпен» марапаттап, Қазақстан Республикасы Ішкі істер органдары мен Ұлттық ұлан ардагерлерінің қазақстандық кеңесінің «Ардагер» төсбелгісін тақты. Сонымен қатар, ішкі істер органдарындағы ұзақ және адал қызметі,құқықтық тәртіп пен заңдылықты нығайтуға қосқан үлесі үшін, Қазақстан Республикасы Ішкі істер органдары мен Ұлттық ұлан ардагерлерінің қазақстандық кеңесінің «Құрмет грамотасымен» қылмыстық-атқару жүйесі ардагерлер кеңесінің төрағасы Жамуров Серікбай Қойшыбайұлы марапатталды.
<img src="https://kyzylorda-news.kz/wp-content/uploads/2020/06/whatsapp-image-2020-06-22-at-15.36.59.jpeg" alt="" />

Қызылордада ҚАЖ департаментінің бастығы ардагерлерді құттықтады

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасы биыл қазақстандықтар қажылыққа бара алмайтынын мәлімдеді. Сауд арабиясы тек өз жерінде тұратын адамдарға ғана қажылық рәсімдерін орындауға рұқсат берді, деп хабарлайды <a href="https://www.muftyat.kz/kk/">Muftyat.kz</a> сайты.
Сауд Арабиясының денсаулық сақтау министрлігі пандемиядан туындаған қауіп-қатердің алдын алу және оның таралуына жол бермеу мақсатында биылғы қажылыққа бірқатар шектеулер енгізді. 
Пандемия басталғалы бері қажыларды қорғау үшін барлық сақтық шаралары қабылданып, қасиетті орындарға сырттан келушілер шектелді. Бұдан былай да осы норма сақтала береді. 
“Коронавирус инфекциясы адамдар көбірек жиналатын орындарда, үлкен жиындарда таралатыны дәлелденіп отыр. Сондықтан да биылғы 1441 жылдың (2020 жыл) қажылық рәсімі Сауд Арабиясында тұрып жатқан өте аз көлемдегі адамдардың қатысуымен ғана өтетіні жайлы шешім қабылданды. Бұл шешім қауіпті вирустың алдын алу және қажылардың денсаулығын сақтау мақсатында жасалып отыр”, – делінген Сауд Арабиясының Қажылық және ұмра министрлігі таратқан хабарламада.

Биыл қажылыққа кімдер барады?

**<a href="https://kyzylorda-news.kz/">Kyzylorda-news.kz.</a> Қазақстан Республикасы полициясының құрылғанына биыл 28 жыл толды. Осы саланың дамуына сүбелі үлес қосқан, 15 жылдан астам қызмет атқарып келе жатқан қызметкерлердің бірі Қызылорда облысы Полиция департаментінің Тергеу басқармасының аса маңызды істері жөніндегі аға тергеушісі полиция подполковнигі Жауенов Аскар Абдрашитұлы. 
**
Ата заңның айрықша мәні-адамның құқықтары мен бостандықтарының басымдығын бекітіп, заң шығарушы, атқарушы және ішкі істер органдарының бүкіл қызметі адамның құқықтары мен бостандықтарын қорғауға бағытталғанын айқындайды. Біздің елімізде әр адам өз құқықтары мен бостандықтарын ішкі істер органдары арқылы қорғауға құқылы. 
Қызметін 2004 жылы тергеу саласынан бастаған Асқар Жауенов осы күнге дейін өз ісіне адал, қызығушылықпен антына берік болып, тергеуші қызметін абыроймен атқарып келеді. 
Ол ашылмай қалған қылмыстарды тергеп, олардың тиянақты орындалуына барынша күш салып келеді.
<blockquote>
 _«Кәсіптің жақсысы, жаманы болмайды. Полиция қызметкерлерінің жұмысын оңай деп ойлайтындар жаңылысады. Себебі, полиция қызметкерлерінің басты ұстанымы –берген антына берік болу, қызметінде таза болу, қандай қиындықтар, кедергілер болса да шыдау. Ал бұл кез келгеннің қолынан келе бермейтін іс. Өмір деген қателесу мен қателігіңді түзеуден тұрады», – дейді Асқар Жауенов. 
 _
</blockquote>
Полиция қызметкерінің міндеті – заңдылықтың сақталуын қадағалау, қылмыстың алдын алу. Тәртіп үшін заңнан мәртебелі ештеңе жоқ. Сондықтан, әр тәртіп сақшысының бойынан адалдық пен кәсібилікті болуы тиіс.
<img src="https://kyzylorda-news.kz/wp-content/uploads/2020/06/fb_img_1592905303391-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592905307273-1.jpg" alt="" />

Полиция қызметкері білімді де, білікті де болуы керек

<a href="https://kyzylorda-news.kz/">Kyzylorda-news.kz</a>. Биыл 16 маусымда өткен отырыста Қызылорда облысы кәсіпкерлер палатасының Өңірлік кеңесі өзін-өзі тарататындығын мәлімдеді. 
2019 жылдың қазан айында өткен «Атамекен» ҰКП-ның VI Съезінде Өңірлік кеңестің мүшелерін қалыптастыру мен сайлауға қатысты нормативтік құжат бекітілген болатын. Аталмыш құжатқа сай әр өңірдің бизнес-қаумдастығы Өңірлік кеңес мүшелерін дауыс беру арқылы сайлау мүмкіндігіне ие болды. 
Бұл ретте, алғашқылардың бірі болып пилоттық режимде өткен жылдың қараша айында Алматы қаласы кәсіпкерлер палатасының Өңірлік кеңесінің мүшелері сайлау негізінде қалыптастырылған болатын. 
Бүгінгі күнге дейін жұмыс жасаған Кәсіпкерлер палатасының қолданыстағы ¬Өңірлік кеңесінің мүшелері аймақтағы жеңіл өнеркәсіп саласын дамыту бағытындағы бастамасымен, Үкіметтік деңгейге дейін күрішшілердің мәселесін жеткізуімен, жеке балабақшалардың құқығын қорғаудағы принципшілдігімен, сондай-ақ Арыс тұрғындарына, елімізде төтенше жағдай жарияланғаннан кейін ұйымдастыру шаралары барысындағы, облыс тұрғындарына қайырымдылық жұмыстарындағы белсенділіктерімен ерекшеленеді. 
Айта кету керек, Өңірлік кеңес Палатаның дирекциясына мемлекеттік билік органдарымен, үкіметтік емес, қоғамдық және халықаралық ұйымдармен өзара іс-қимыл жасауға, басқару органдары қабылдаған бағдарламалық құжаттарды іске асыруға жәрдемдесу мақсатында 2013 жылы құрылған болатын. Өңірлік кеңес құрамына аймақтағы белсенді, белгілі, қоғамда орны бар, кәсіпкерлердің мүддесін қорғай алатын бизнес өкілдері енгізілді және осы жылдар аралығында мүшелерінің құрамына өзгерістер енгізіліп отырды. 
Өңірлік кеңес құрамында салалар бойынша 20 кәсіпорын өкілдері енгізілген болатын, олар: агроөнеркәсіптік кешен – 6, құрылыс индустриясында – 3, өнідіріс – 2, сауда – 5, білім, бизнес қауымдастықтар т.б. 
Өңірлік кеңестің бастамасымен ауылдық елді мекендердегі кәсіпкерлерді және олардың бастамаларын қолдау мақсатында барлық 7 ауданда Аудандық кәсіпкерлер кеңестері құрылды. Аталмыш кеңес құрамына 7-10 кәсіпкерден енгізілген, төрағалары сайланған. 
Өңірлік кеңес отырысы ай сайын өткізіліп тұрады. Жалпы, кеңес құрылған уақыттан бастап 96 отырыс өткізіліп, 200-ден астам мәселелер қаралды. Осының нәтижесінде кеңес шешімімен жеңіл өнеркәсіп кәсіпорындарының қауымдастығын, «бір терезе» қағидаты бойынша «Кәсіпкерлер үйін», «Қызылорда» өңірлік инвестициялық орталығын, Өңірлік мемлекеттік-жеке әріптестік орталығын ұйымдастыру бағытында берілген ұсыныстар қолдау тапты. Сондай-ақ, аймақта жаппай кәсіпкерлікті дамытудың үшжылдығы жүзеге асырылып, «Бизнестің жол картасы», «Еңбек» және өзге де мемлекеттік бағдарламалардың жүзеге асырылу тиімділігіне тұрақты түрде мониторинг жасалып келді. 
Қолданыстағы Өңірлік кеңес мүшелерінің өкілеттілігі жаңа кеңес құрамы сайланғанға дейін жалғасады. Сайлаудың өткізілетін мерзімін қосымша хабарлаймыз.

Қызылорда облысы кәсіпкерлер палатасының Өңірлік кеңесі өзін-өзі тарататындығын мәлімдеді

<a href="https://kyzylorda-news.kz/">Kyzylorda-news.kz.</a> Соңғы уақытта барлық сала секілді полиция қызметі де қарбаласқа толы. Дүниежүзін дүрбелеңге салған пандемия біздің елімізге де елеулі салқынын тигізді. Қатерлі індеттен сақтану мақсатында еліміздің ірі қалалары, барлық елдімекендерде блокпостар қойылды. Ол орындарда құзырлы сала мамандары тәулік бойына тынымсыз қызмет атқарып, халықтың саулығын сақтау жолында тынымсыз еңбек етті. Солардың қатарында Қызылорда облысы Жалағаш ауданында жол полициясы әкімшілік практика тобының мемлекеттік инспекторы қызметін атқаратын әл-Фараби Тен бар, деп хабарлайды <a href="https://www.inform.kz/kz/maksatym-policiya-kyzmetinde-tiisti-mindetterimdi-abyroymen-oryndau-al-farabi-ten_a3665026">ҚазАқпарат.</a> 
Қазалы ауданында 1992 жылы дүниеге келген ол 2017 жылдан бері Жалағаш ауданында полиция қызметінде еңбек жолын бастады. Содан бері жауапты қызметте жемісті еңбек етіп келеді. Елдің іші болғаннан кейін түрлі жол-көлік оқиғасы кездеседі. Сондай сәттерде ол мәселенің анық-қанығын нақтылау мақсатында өз міндетін атқарады. 
<blockquote>
 «Біздің қызметіміз оңай емес. Кейде жол-көлік оқиғасының неден болғанын анықтау қиынға соғады. Нәтижесінде оқиғаға кінәлі адамды анықтаймыз. Оларға тиісті шаралар қолданамыз. Полицияның негізгі міндеттеріне осылайша зор жауапкершілікпен қараймыз. Мен бұл саланы бекер таңдаған жоқпын. Жауапкершілігі зор мамандық екенін де білемін. Бала кезімнен полиция қызметіне қызыға қарайтын едім. Қазір өзім де сол жұмыстың ортасында жүрмін. Мақсатым – полиция қызметінде тиісті міндеттерімді абыроймен орындап, қызметте зор табыстарға жету. Мен бұрын спортпен айналыстым. Таэквондодан түрлі жарыстарға қатыстым. Қара белбеу иегері атандым», – дейді ол. 
</blockquote>
Әл-Фарабидің ата-анасы – қарапайым жандар. Әкесі – Александр Қазалы ауданында алдымен мәдениет саласында қызмет атқарған. Музыкалық аспаптың барлық түрін меңгерген. Ұлты – корей болса да қазақ халқының салт-дәстүрін жақсы меңгерді. Кейіннен аудандық ауруханада механик болып еңбек етті. 2012 жылы дүниеден озды. 
Анасы – Тамараның ұлты қазақ, ауданда мемлекеттік сақтандыру инспекциясында қызмет атқарып, бүгінде зейнет демалысына шықты. 
<blockquote>
 «Ата-анамыз бізге өнегелі тәрбие берді. Отбасында төрт перзент тәрбиеледі. Кейбіріміздің есімімізді қазақша қойды. Біздің үйде менен басқа Ирина, Айнұр есімді екі қыз және Радик есімді бауырым бар. Әкемнің ақылымен біз ислам дінін қабылдадық», – деді ол. 
</blockquote>
Ол карантин кезінде блокпоста жұмыстың оңай болмағанын айтады. Бұл әлемді жайлаған қатерлі індеттің алдын алу бағытында жасалған үлкен жұмыс деп санайды. 
<blockquote>
 «Бұл оң шешім болды деп санаймын. Соның нәтижесінде еліміз нақты нәтижеге қол жеткізді. Ол індеттің бетін қайтаруға зор септігін тигізді. Иә, індет әлем жұртшылығын әлі де ойландырып тұр. Оған селсоқ қарауға әсте болмайды. Барлық азаматтардан қауіпсіздік шараларын сақтауын сұраймын», – деді ол.
</blockquote>

Әл-Фараби Тен: Мақсатым &#8211; полиция қызметінде тиісті міндеттерімді абыроймен орындау

Құрметті мемлекеттік қызметшілер!
Сіздерді кәсіби мерекелеріңіз – Мемлекеттік қызметші күнімен шын жүректен құттықтаймын! 
Мемлекеттік қызмет – әрбір ел үшін аса маңызды институт. Дамыған мемлекет – тиімді, нәтижелі мемлекеттік қызметтің негізінде құрылады. 
Қазіргі таңда елімізде Елбасының «100 нақты қадам: Ұлт жоспарының» аясында кәсіби мемлекеттік аппарат құру туралы тапсырмасы жүзеге асуда. 
Заманауи, сапалы мемлекеттік қызметтің елдің әлеуметтік-экномикалық дамуына қосар үлесі ерекше. Сондықтан, мемлекеттік қызметшілерге тиісті талаптар мен міндеттер қойылып отыр. Өйткені, халықтың билікке деген сенімі қазіргі қоғамның талаптарына сай мемлекеттік қызметшіден басталады. 
Біздің өңіріміздің нәтижелі дамуы сіздердің жоғары адамгершілік деңгейлеріңізге, өз қызметтеріңізге деген адалдықтарыңыз бен жауапкершіліктеріңізге байланысты болмақ. 
Бүгінгі күні Қызылорда облысында 3 564 мемлекеттік қызметші еңбек етуде. Олардың ішінде шамамен жартысы нәзік жандылар болса, 548-і – 29 жасқа дейінгі жастар. 
Облыста Қазақстан Республикасы Президенті жанындағы мемлекеттік басқару академиясының 19 және «Болашақ» бағдарламасының 7 түлегі түрлі салада қызмет атқарады. 
Ел мүддесі, халық игілігі бәрінен жоғары тұрғанда ғана нәтижелі жұмыс болатыны белгілі. 
Осы ретте, Президентіміз Қасым-Жомарт Кемелұлы Тоқаев:
«Азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру – бәрімізге ортақ міндет», – деген еді. 
Қазіргі таңда жергілікті билік органдары өз жұмысының тиімділігін арттыру мақсатында халықпен ашық байланыс жасауды жолға қойды. 
Халық сенімі мемлекеттік қызметшінің мемлекеттік қызметті қаншалықты сапалы көрсеткендігіне қарап артады. Мемлекеттік қызметші әдеп нормаларын сақтап, адал еңбек етіп, әділетті болуы қажет. Өйткені, ұлт мәртебесін көтеретін, ел абыройын асқақтататын мемлекеттік қызметкер болу – мәртебелі міндет. 
Сіздерді кәсіби мерекелеріңізбен құттықтай отырып, дендеріңізге саулық, отбастарыңызға амандық тілеймін! 
Еліміз еңселі, Тәуелсіздігіміз тұғырлы болсын! 
Жақындарымызға жанашыр болайық! 
Біз біргеміз!

Аймақ басшысы мемлекеттік қызметшілерді мерекемен құттықтады

<a href="https://kyzylorda-news.kz/">Kyzylorda-news.kz.</a> Қармақшы ауданына қарасты үш бірдей ауылға биыл жоғары жылдамдықты интернет желісі жүргізілетін болды. Бұл туралы ҚР Цифрлық даму, инновациялар және аэроғарыш өнеркәсібі министрлігі хабарлады.
<blockquote>
 “Биылғы жылдың соңына қарай тұрғын саны 250 және одан асатын халқы бар елдімекенде 3G/4G ұялы байланыс желілерін салу жобасының шеңберінде 928 ауылдағы 600 мыңнан астам тұрғынды (барлық халықтың 3,3 проценті) интернетке ҰКЖҚ (ұтқыр кеңжолақты қолжетімділік) қамтамасыз ету жоспарлануда. Аталған тізім ҚР әкімшілік-аумақтық объектілерінің жіктеуіші, облыс әкімдіктерінің халық саны бойынша деректері және байланыс операторларының Қазақстанның әрбір елді мекенінің байланыс қызметтерімен қамтылуы бойынша деректері негізінде қарастырылды”, – дейді министрлік.
</blockquote>
Еліміздің қай аумағында болмасын дамыған заман тұсында интернеттің пайдасын көре алмай отырған ауылдар бар. Мұндай ауылдар Қармақшыда да жоқ емес. Қажет кезде бір ақпаратты қарау үшін бірнеше минут уақытын жұмсайтын халыққа жылдам интернет кажет-ақ. Бұл мәселе соңғы уақытта көп қозғалып, Үкіметтен қашан интернет жүргізілетіні туралы сұрағандар аз емес. “Көп жиылса – көл” демекші, бұл мәселенің де шешімі табылып, жауапты министрлік интернет жүргізілетін ауылдардың халық санымен бірге тізімін жариялады.
Осы жылдың соңына дейін 931 тұрғыны бар Алдашбай ахун, 1216 адам тұратын Т.Көмекбаев және 740 адам қоныстанған Қуаңдария ауылына жоғары жылдамдықты интернет желісі қосылмақ. Енді шалғайдағылар қаламен сөйлесу үшін биік жер іздеп әбігерге түспейді. Сол ауылдың балғын бүлдіршіндері де ел қатарлы интернеттен мультфильм көріп, қызықты деген ойындарын тамашалай алатын болады.

Қармақшының 3 ауылына интернет желісі жүргізіледі

<a href="https://kyzylorda-news.kz/">Kyzylorda-news.kz</a>&nbsp; Бүгін Арал қаласындағы №262 мектеп-гимназиясында&nbsp; күшейтілген санитариялық-дезинфекциялық режиммен, бекітілген тәртіпте мектеп бітіруші түлектердің алғашқы легі Ұлттық бірыңғай тестілеуден өтуде.
Әлемдік пандемияға байланысты аудандағы ҰБТ тапсыратын&nbsp; 570 түлек 23,24,25 маусым күндері он бір жыл бойы алған білімдерін таразыға салатын болады.
Ұлттық біріңғай тестілеу өтіп жатқан мектеп ғимаратында 10 аудитория&nbsp; жабдықталған. Қатысушылар арасында әлеуметтік ара-қашықтық, алдын ала орындарының белгіленуі, маскалық режим талапқа сәйкес сақталған.
Тестілеудің өту барысын бақылау мақсатында барлық аудиторияларға және залға арнайы бейнебақылау камералары орнатылып,&nbsp; ата-аналар үшін онлайн трансляция жүргізілуде.
Айта кетейік, биылғы оқу жылында жалпы ауданымыз бойынша 784 түлек мектеп бітірді. Олардың қатарында 63 түлек “Алтын белгі” иегері, 11 түлек “Үздік аттестат” иегері атанды.
<img src="https://kyzylorda-news.kz/wp-content/uploads/2020/06/fb_img_1592889120145-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889123518-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889127198-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889130564-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592889135123.jpg" alt="" />

Қазақстан және Қызылорда облысының жаңалықтары

Қызылордада тұрғын үй өртеніп, 10 адам құтқарылды

Індеттің таралуы тоқтар емес

Диас Қиянбекұлы: Тыйым салынған затты алып кіргеннен еш нәтиже жоқ

Карантин кезеңінде медициналық сақтандыру төлемдерінен кім босатылады?

Қызылордада ҚАЖ департаментінің бастығы ардагерлерді құттықтады

Биыл қажылыққа кімдер барады?

Полиция қызметкері білімді де, білікті де болуы керек

Қызылорда облысы кәсіпкерлер палатасының Өңірлік кеңесі өзін-өзі тарататындығын мәлімдеді

Әл-Фараби Тен: Мақсатым – полиция қызметінде тиісті міндеттерімді абыроймен орындау

Аймақ басшысы мемлекеттік қызметшілерді мерекемен құттықтады

Қармақшының 3 ауылына интернет желісі жүргізіледі

Аралдық түлектердің алғашқы легі ұбт тапсыруда

Қазақстан және Қызылорда облысының жаңалықтары

Қызылордада тұрғын үй өртеніп, 10 адам құтқарылды

Індеттің таралуы тоқтар емес

Диас Қиянбекұлы: Тыйым салынған затты алып кіргеннен еш нәтиже жоқ

Карантин кезеңінде медициналық сақтандыру төлемдерінен кім босатылады?

Қызылордада ҚАЖ департаментінің бастығы ардагерлерді құттықтады

Биыл қажылыққа кімдер барады?

Полиция қызметкері білімді де, білікті де болуы керек

Қызылорда облысы кәсіпкерлер палатасының Өңірлік кеңесі өзін-өзі тарататындығын мәлімдеді

Әл-Фараби Тен: Мақсатым &#8211; полиция қызметінде тиісті міндеттерімді абыроймен орындау

Аймақ басшысы мемлекеттік қызметшілерді мерекемен құттықтады

Қармақшының 3 ауылына интернет желісі жүргізіледі

Аралдық түлектердің алғашқы легі ұбт тапсыруда

Әл-Фараби Тен: Мақсатым – полиция қызметінде тиісті міндеттерімді абыроймен орындау