<a href="https://kyzylorda-news.kz/">Kyzylorda-newd.kz.</a> Қызылорда облысының тағы бір тұрғыны “Covid-19” – дан емделді. Осылайша, өңірде коронавирус індетінен емделушілер саны 200 адамға жетті.
Облыстық денсаулық сақтау басқармасы хабарлағандай, емдеу курсы аяқталғаннан кейін екі сынама да теріс нәтиже көрсеткен.
Коронавирусты жеңген Жаңақорған ауданының тұрғыны жұқпалы аурулар ауруханасынан үйіне шығарылған.
Бүгінгі күні облыста індеттен айығып шыққандар: Қызылорда қаласы – 64; Арал ауданы – 4; Қазалы ауданы – 3; Қармақшы ауданы – 5, Сырдария ауданы – 26, Шиелі ауданы – 66, Жаңақорған ауданы – 32.

200 қызылордалық коронавирус инфекциясын жеңді

Kyzylorda-news.kz. 17 мамырда Қазақстанның басым бөлігінде ауа райы құбылмалы болады. Республика бойынша кей жерлерде найзағай жарқылдап, жаңбыр жауады, желдің күшеюі күтіледі, солтүстік-батыста түнде және таңертең тұман түсуі ықтимал деп хабарлайды «Қазгидромет» РМК.
Жексенбіде Ақмола, Қостанай облыстарының кей жерлерінде желдің жылдамдығы 15-20 м/с жетеді, түнде және таңертең тұман түсуі мүмкін.
Солтүстік Қазақстан, Жамбыл, Батыс Қазақстан, Түркістан облыстарының кей жерлерінде жел 15-20 м/с күшейеді, Түркістан облысында дауыл күтіледі, бұршақ жаууы ықтимал.
Шығыс Қазақстан, Ақтобе, Павлодар облыстарының кей жерлерінде жел тұрады, екпіні 20 м/с, Павлодар облысында түнде желдің күші 23 м/с дейін жетеді.
Маңғыстау облыстарының кей жерлерінде тұман күтіледі. Қызылорда облысында таңертең және күндіз кей жерлерде желдің жылдамдығы 15-20 м/ болады.
Шығыс Қазақстан облысының кей жерлерінде өте жоғары өрт қаупі сақталады.

17 мамырға арналған ауа райы болжамы

Дүниежүзілік электр байланысы және ақпараттық қоғам күні
Бұл күн 1865 жылғы 17 мамырда алғашқы Халықаралық телеграф келісіміне қол қою жөніндегі келіссөздердің сәтті аяқталуына, сондай-ақ 1932 жылдан кейін Халықаралық электр байланысы одағына айналған Халықаралық телеграф одағының құрылуына орай таңдалды.
Дүниежүзілік гипертонияға қарсы күрес күні
Жыл сайын Дүниежүзілік гипертонияға қарсы күрес лигасының бастамасымен аталып өтіледі. Оның басты міндеті -жүрек-қан тамырлары жүйесінің кең таралған ауруларының бірі туралы ақпарат таратуға ықпал ету. Ол алғаш рет 2005 жылдың 14 мамырында болған еді, ал 2006 жылдан бастап 17 мамырда аталып өтіледі.
1992 жылы Қазақстан Республикасы Президенті Нұрсұлтан Назарбаевтың Түркияда Қазақстанның елшілігін ашу туралы Жарлығы жарық көрді.
1992 жылы Қазақстан Президенті Нұрсұлтан Назарбаев Америкаға алғаш рет ресми сапармен барып, соның барысында Қазақстанның Ядролық қаруды таратпау туралы келісімге қосылу міндеттемелеріне қол қойды. 1992 жылдың 19 мамырында АҚШ және Қазақстан президенттерінің алғашқы кездесуі өтті.
2013 жылы «Ғарыш-Экология» ғылыми-зерттеу орталығының ғалымдары ғарыш зымырандарын ұшырылғаннан кейін қоршаған орта объектілерінде зымыран отынының уытты компоненттерін анықтаудың бірегей әдісін жасап, патенттеді. Оны жасауға мүмкіндік берген ғылыми-зерттеу базасы зымырандарды ұшыру мониторингі тікелей жүргізілетін Байқоңыр мен Жезқазғандағы зертханаларды, сондай-ақ мобильді жылжымалы зертханаларды қамтиды.

17 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 17 мамырға арналған жұлдыз-жорамалы.
Тоқты 
Бүгін достармен кездесіп, уақытты қызықты өткізесіз. Барлық мәселені де, үй шаруасындағы тірлікті де кейінге қалдырасыз. Кешке қарай қонақ күтуіңіз мүмкін.
Торпақ 
Үйде жұмыс көп. Барлық шаруаны тез арада бітіргіңіз келеді. Бірақ біраз уақыттан бері жиналып қалған шаруалар бітер емес. Сабыр сақтап, барлығын аяқтауға тырысыңыз.
Егіздер 
Түске дейінгі қатты асығыс боласыз. Асығыстық танытып, мәселе туындатып алмаңыз. Негізі барлығын уақыт еншісіне қалдырғаныңыз жөн.
Шаян 
Бүгін біраз уақыттан бері жиналған жұмыстарды тез арада бітіруге тура келеді. Бірақ тапсырманы тиянақты атқарып, өзіңіздің қабілетіңізді көрсете аласыз.
Арыстан 
Жиындарда, отырыстарда өзіңізді еркін ұстап, керемет көңіл-күйде боласыз. Осы кездесулерден жаңа таныстар тауып, олардың сізге пайдасы тиетін болады.
Бикеш 
Сізді жаңа өмір күтіп тұр. Жеке кәсіпте табысыңыз артады, шығармашылығыңыз шыңдала түседі. Жалпы, бүгін жұлдызыңыз жанады.
Таразы 
Жұлдыздар материалдық жағдайыңызды жақсартуға, өмір сүру салтыңызды жоғары деңгейге жеткізуге күш-қуат береді. Өзіңізге деген сенімділігіңіз артады.
Сарышаян 
Бүгінгі күн сәтті болмақ. Мол табысқа кенелесіз. Әсіресе топ болып жұмыс жасайтындардың айы оңынан туады. Бүгінгі басты қағида – ұстамды болу.
Мерген 
Бүгін ішкі түйсікке жүгінгеніңіз жөн. Сонда ғана біраз мәселенің алдын аласыз. Сондай-ақ барлық жұмыста белсенділік танытып, оң шешім табуға атсалысады.
Тауешкі 
Күніңіз сәтті өтеді. Оған себеп, күш-қуатыңыздың мол болуы, өз ісіңізден ләззат ала білуіңіз. Бүгін сіз келешегі зор, қызықты жұмыс табасыз.
Суқұйғыш 
Қызықты идеяларыңызбен басшылықтың көзіне түсесіз. Жаңа жобаларды қолға алып, абыройыңызды арттыра түсесіз.
Балықтар 
Өмірдің жаңа баспалдағын аттайсыз. Өзіңіздің жоспарларыңызды жүзеге асырып, белсенділік танытатын уақыт. Болашағы зор жұмысқа орналасуға қолайлы күн.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Теміржолда жатқан қиыршық тасты бәріміз көрген болармыз. Оның бекер жатпағаны да анық.&nbsp;Бұл&nbsp;тасты&nbsp;балласт&nbsp;деп атайды. Мұны қиыршық тас деуге де келмес, біршама ірілеу тастар. Темір жолдың рельсі мықты, берік болғанымен, пойыз сынды ауыр, мыңдаған тонна ұзын көлікті ұзақ көтере алмасы анық. Оған да күш керек. Міне, бұл күшті беретін – дәл осы балласт.
Зілдей пойыз рельспен сырғып өткенде, темірге, жерге зор қысым түседі. Ал үлкен қысым кез келген берік затты қысып, жарып жіберетіні белгілі. Сондықтан түскен қысымды қалай да жоғалтып, жерге сіңдіріп жіберу керек. Бұған көмектесетін – балласт.
Былайша айтқанда, тас – темір жол бөлшектерін бір-бірімен байланыстырып, бос кеңістікті толтырып тұратын зат. Қиыршық тас рельс пен шпалға түскен қысымды теңдей бөліп, жер қабатына өткізіп жібереді. Теміржолда діріл мен сырыл болмайтыны сондықтан. &nbsp;
Одан бөлек, қиыршық тас жауын-шашынды тез сіңіріп, рельстің бойын тап-таза ұстайды.
Балласт – темір жолдың бөлінбес бөлшегі. Уақыт өте тастар да ескіреді, бірақ оны ауық-ауық ауыстырып отырады.

Теміржолға неге тас төселеді?

<a href="https://kyzylorda-news.kz/">Kyzylorda-news.kz.</a> Мемлекет басшысы «Қазақстан Республикасының кейбір заңнамалық актілеріне төтенше жағдай мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды Ақорданың баспасөз қызметі.
Заңның мәтіні баспасөзде жарияланады.

Президент төтенше жағдай мәселелері бойынша заңға өзгерістер мен толықтырулар енгізді

<a href="https://kyzylorda-news.kz/">Kyzylorda-news.kz.</a> Әлемдегі ең ірі автоөндірушілердің бірі BMW компаниясы бетперде тігуге кірісті,&nbsp;деп хабарлайды «Хабар 24».
Қорғану құралы шығарылатын фабрика Ваккерсдорф қаласында орналасқан. Белгілі болғандай, мұнда бетперде тігу жұмысымен 15 адамнан құрылған тігіншілер тобы айналысады. Олар үш ауысыммен жұмыс істейді. Компания өкілі Ральф Хаттлердің айтуынша, күніне 200 мың маска шығару жоспарланған. Оның бір бөлігі BMW қызметкерлеріне таратылса, қалғаны ауруханаларға жеткізілмек.

BMW маска тігуге кірісті

<a href="https://kyzylorda-news.kz/">Kyzylorda-news.kz.</a> ҚР Президентінің баспасөз хатшысы Берік Уәли <a href="https://m.facebook.com/story.php?story_fbid=2824386937684720&id=100003403233694">Facebook</a> парақшасында Мемлекет басшысының туған күнді қалай атап өтетіндігі туралы жазды.
<blockquote>
 «Соңғы күндері бірқатар ақпарат құралдарының өкілдері «Мемлекет басшысы туған күнін қалай атап өтеді?» деген сауал жолдап жатыр. Биылғы 17 мамыр жексенбі күніне сәйкес келіп отыр. Сондықтан Қасым-Жомарт Кемелұлы үйінде жұмыс істейді. Аталған датаға орай ешқандай шара өтпейді. Тіпті, Президент Әкімшілігінің қызметкерлеріне туған күнімен құттықтамау, естелік сыйлықтар тарту етпеу туралы ескерту жасалды. Президент бұл күнді тойлағанды ұнатпайды. Өйткені ол кісінің отбасында балалардың да, ересектердің де туған күні тойланбайды екен. Ондай дәстүр қалыптаспаған»,-деп жазды парақшасында Берік Уәли.
</blockquote>
Дегенмен ертең Қасым-Жомарт Кемелұлын туған күнімен көршілес мемлекеттердің басшылары телефон арқылы құттықтайды деп күтілуде. Қазірдің өзінде көптеген Мемлекет және Үкімет басшыларының, Парламент төрағалары мен халықаралық ұйым жетекшілерінің құттықтаған жедел хаттары келіп жатыр.
<blockquote>
 «Мұндай құттықтаулар ертең кешке дейін әлі де жалғаса береді деп ойлаймын»,-деп жазды Президенттің баспасөз хатшысы.
</blockquote>

Қасым-Жомарт Тоқаев туған күнін қалай атап өтеді?

<a href="https://kyzylorda-news.kz/">Kyzylorda-news.kz.</a>&nbsp; WhatsАpp арқылы жаппай видеоқоңырау шалу енді бәріне қолжетімді болды. Жаңа өзгеріс iOs және Android-та енгізілген, деп хабарлайды <a href="https://www.ixbt.com/news/2020/04/28/svershilos-massovye-videozvonki-whatsapp-stali-dostupny-vsem-zhelajushim.html">ixbt.com</a>&nbsp;сайты.
Әйгілі WhatsАpp мессенджерін жасап шығарушылар командасы қарапайым пайдаланушылар үшін видеоқоңырау шалу кезінде оған қатысушылар санын көбейтті. Соңғы уақытта бұл қызмет түрі желіде көп талқыланған.
Бұған дейін осы функция қосымшаның бета-нұсқасында тесттік режимде қолжетімді болған. Тестілеу өткен аптадан бері жүргізілген.
Енді кеңейтілген лимиті бар WhatsАpp-ты iPhone үшін App Store-дан және Android смартфондары үшін WhatsАpp сайтынан (2. 20.141 нұсқа) жүктеп алуға болады. Бұл жаңалық шыққан уақытта Google Play-де қосымшаның ескі нұсқасы ғана қолжетімді болған.
Жаңарту топтық қоңырауға бұрынғы төрт адамның орнына енді сегіз адамды қосуға мүмкіндік береді. Сондай-ақ бұл функцияны жасап шығарушылар осындай қоңыраулардың қорғалғанын және шифрланғанын айтады. Бұл ретте барлық қатысушылар WhatsАpp-тың cоңғы нұсқасын пайдалануы тиіс.
Жаңа нұсқадағы ІPhone пайдаланушылары үшін iOS 13 дизайнына сәйкес жаңа интерфейс құрылды, соның ішінде хабарламаларды басқарудың жаңартылған мәзірі пайда болды.

WhatsАpp видеосұхбатына енді сегіз адамға дейін қосыла алады

<a href="https://kyzylorda-news.kz/">Kyzylorda-news.kz.</a> Мәжілістің жалпы отырысында “Халық денсаулығы және денсаулық сақтау жүйесі туралы” кодексі жобасы екінші оқылымда мақұлданды.
<blockquote>
 “Кәмелет жасына толмағандарға темекі және темекі бұйымдарын сатқаны, темекі бұйымының маркасы бар тауарларды қасақана таратқаны, көрмеге қойғаны немесе сатқаны үшін әкімшілік айыппұлдар 2 есеге өсті. Ал темекі және темекі бұйымдарын сату жөніндегі заңнама талаптарын, оларды белгіленбеген орындарда тұтынуға салынған тыйымды бұзғаны, заңсыз жарнамалағаны үшін әкімшілік айыппұлдардың мөлшері 30-50%-ға ұлғайтылды. Автомобиль көлік құралында балалар болған кезде онда темекі бұйымдарын тұтынғаны үшін 10-нан 20 айлық есептік көрсеткішке дейін айыппұл көзделіп отыр”, – деді депутат Зәуреш Аманжолова.
</blockquote>
Бірінші рет заң бұзғаны үшін 15-тен 100 АЕК-ке дейін (41 670 теңгеден 277 800 теңгеге дейін), ал заң бұзушылық қайталанса, онда 30-дан 200 АЕК-ке (83 340 теңгеден 555 600 теңгеге дейін) дейін айыппұл салынады. Автокөлікте балалар отырған кезде шылым шеккені үшін 10-нан 20 АЕК (27 780 теңгеден 55 560 теңгеге дейін) дейін айыппұл көзделген.
<a href="https://baq.kz/news/othernews/kolikte-bala-otyrganda-temeki-tartqandar/">BAQ.KZ</a>

Көлікте бала отырғанда темекі тартқандар 55 560 теңге айыппұл төлейді

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың аудандарға жұмыс сапары бүгін Қармақшы ауданында жалғасты.
Аймақ басшысы алдымен ауданның әлеуметтік экономикалық дамуына байланысты мәжіліс өткізіп, аудан басшылығына бірқатар тапсырмалар жүктеді. Әрі қарай Жаңажол ауылдық округіндегі көктемгі егіс науқанының дайындығымен танысады.
Жұмыс сапары барысында облыс әкімі ІІІ Интернационал ауылдық округінде атқарылып жатқан жұмыстармен танысады деп жоспарлануда.

Гүлшара Әбдіқалықова жұмыс сапарымен Қармақшы ауданына барды

<a href="https://kyzylorda-news.kz/">Kyzylorda-news.kz.</a> 1 маусымнан бастап жолаушылар пойызының жұмысы кезең-кезеңімен жанданады, билет сатылымы басталған алғашқы күнде 23 мың билет сатылды, деп хабарлайды <a href="https://www.inform.kz/kz/atyraudan-baska-barlyk-onirge-poyyz-biletteri-satylyp-zhatyr_a3650442">ҚазАқпарат</a>.
<blockquote>
 «15 мамырдан бастап теміржол билеттері барлық сатылым каналдарына – билет кассаларына, интернет-ресурстар мен автоматтарға шығарылды. Республика бойынша 179 билет кассасы күндіз жұмысқа шықты. Олардың жұмыс кестесін ресми сайттарынан көруге болады», – деді «Жолаушылар тасымалы» АҚ Маркетинг және сатылым департаментінің директоры Алмас Айтбаев.
</blockquote>
Қауіпсіздік мақсатында қазақстандықтарға билетті онлайн сатып алу ұсынылған.
<blockquote>
 «Сағат 14:00-де республика бойынша 23 мың билет сатылды. Пойыз билеттері Атыраудан басқа барлық өңірлерге сатылуда. Өйткені Атырауда карантин шаралары жеңілдеген жоқ. Төтенше жағдайға дейін билет сатумен айналысқан 14 сайттың барлығы жұмыс істеп тұр. Тарифтік саясат та өзгеріссіз қалды», – деді ол.
</blockquote>

Қазақстан және Қызылорда облысының жаңалықтары