Дүниежүзілік гепатитпен күрес күні
2008 жылы Халықаралық гепатитпен күрес альянсының бастамасымен енгізілді.
1969 жылы&nbsp;Жамбыл облысында Жаңатас қаласының іргетасы қаланды. Жаңатас – Жамбыл облысы Сарысу ауданының орталығы. Қала тарихы фосфорит өндірісінің жандануымен тікелей байланысты.
1992 жылы&nbsp;Брюссельде Қазақстан Республикасы мен Еуропалық Комиссия арасында дипломатиялық қарым-қатынас орнату туралы нота алмасу рәсімі өтті.
1995 жылы&nbsp;Қазақстан Республикасының Президенті 1995 жылдың 30 тамызында республикалық референдум өткізу туралы қаулы шығарды. Бұл референдумда Қазақстан Республикасының жаңа Конституциясының жобасы қабылданды.
2003 жылы&nbsp;ҚР Ұлттық банкі номиналы 10 000 теңгелік банкнотты айналымға енгізді.

28 шілде: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 28 шілдеге арналғар жұлдыз-жорамалы.
Тоқты
Қызықты идеялар туындап, оны жүзеге асыруға тырысасыз. Шаруаларыңызды кейінге қалдырмауға тырысыңыз. Барлығын дер кезінде орындаңыз. Сонда ғана жетістікке қол жеткізесіз.
Торпақ
Қаржылық жағдайыңыз оңалады. Ақшаға қатысты жұмысты аса сақтықпен атқарасыз. Қателіктерге бой алдырмаңыз. Сатып алған дүниеңіз көңіліңізден шығатын болады.
Егіздер
Жемісті күн. Кез келген ісіңіз алға басып, күніңіз сәтті өтеді. Бүгін тек жаңа серіктестер ғана тауып қоймай, сонымен бірге жаңа достар табасыз. Олар сізге нағыз дос бола біледі.
Шаян
Күннің алғашқы жартысы қиындық туғызады. Ұсақ-түйек мәселелер жүйкеңізге тиіп, шаршатады. Сондықтан таңертеңгілік маңызды мәселелерді қолға алмағаныңыз жөн.
Арыстан
Отбасыңызда күтпеген жағдай орын алады. Алғашқыда жақындарыңыз сізді бір қорқытып алады. Сонан соң барлығы қалыпқа келіп, мәселенің соңы сәтті аяқталмақ.
Бикеш
Біраз уақыт бұрын аяқсыз қалдырған жұмысты қайта қолға аласыз. Бастаған ісіңізді соңына дейін жеткізу алғашқыда қиынға соғады. Ақырында табысқа жетудің жолын табатын боласыз.
Таразы
Жетістікке жетуге мүмкіндік бар. Дегенмен оңай олжа табамын деп ойласаңыз, барлығы бекер екенін естен шығармаңыз. Қаржы жағынан аздаған қиындықтар орын алады.
Сарышаян
Айналаңыздағы адамдармен жұмыс жасасуға сәтті күн. Сіздің іс-әрекетіңіз көпшілікке ұнамауы мүмкін. Алайда сіз сабырлылық таныта біліңіз. өзгелердің сөзіне бола, көңіл-күйіңізді түсірмеңіз.
Мерген
Күніңіз жайлы өтеді. Туындаған мәселелердің көбісі өздігімен шешілетін болады. Сондықтан оларға бола өзіңізді шаршатудың қажеті жоқ. Күтпеген жерден үйіңізге қонақ келеді.
Тауешкі
Барлық мәселе өз бетімен шешіледі. Алаңдаудың еш қажеті жоқ. Бүгіннен бастап жаңа бастаманы қолға алуға болады. Ауқымды істерден қорқудың қажеті жоқ. Керісінше оны соңына дейін жеткізгеніңіз дұрыс.
Суқұйғыш
Бүгін шаруа бастан асады. Барлығына үлгеру мүмкін емес. Сондықтан маңыздысын алдыңғы қатарға қойғаныңыз абзал. Әріптестеріңізбен аздаған түсініспеушіліктер орын алуы мүмкін.
Балықтар
Таңертеңгі уақытыңыз сәтті, әрі, жемісті болмақ. Атқарған шаруаңызбен көпшілікті таңдай қақтырып, өзіңіз ойлағаннан да зор нәтижеге қол жеткізесіз. Бүгін көптен ойға алған арманыңыз орындалады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазір карантин кезеңінде Қызылорда облысының кәсіпкерлер палатасы мамандары кәсіпкерлерге, кәсіпкер боламын деген азаматтарға онлайн да офлайн да қызметтер көрсетуде. Көрсетілетін қызметтер қандай жағдайда болмасын тоқтатылған жоқ. Бұл туралы Кәсіпкерлер палатасының бөлім бастығы Гаухар Елеусінова айтты.
Нәтижесінде 6 айдың қорытындысымен 407 кәсіпкерлік субъектісіне Палатадағы Кәсіпкерлерге қызмет көрсету орталықтарындағы кеңесшілермен 423 сервистік қызмет көрсетілген.
<blockquote>
 «Бұл дегеніміз – бухгалтерлік және салықтық, статистикалық есептіліктері тапсырып берілді, құқықтық кеңестер берілді, 184 бизнес-жоспар әзірленді. Осы жылы Палатада кеңесшілері жаңадан 3 қызмет түрі бойынша қызмет көрсетуде. Олар: мемлекеттік сатып алулар, жер қойнауын пайдаланушылар мен ұлттық компания сатып алуларына қатысты кеңес, қызмет беру, отандық тауарөндірушілердің өнімдерін өткізуге жәрдемдесу, электронды-цифрлық қызметтер, яғни Палата қабырғасына келген кәсіпкер Халыққа қызмет көрсету орталығына барып уақыт жоғалтпай-ақ қызметтерді Палатада ала алады», – дейді Гаухар Елеусінова.
</blockquote>
Кәсіпкерлер Паплатаның сервистік қызметтерін офлайн да, әрі services.atameken.kz порталы арқылы онлайн да ала алады. Біліктілігін көтеру курстарына қатысты да қызметтер осылай көрсетілуде.
Мәселен, «Бизнес-мектеп» компоненті бойынша 6 айда 125 қызылордалық біліктілігін жетілдірген. Олардың 47-сі оқуды онлайн аяқтаған.
Сонымен бірге, Палатадағы, сондай-ақ Палатаның аудандық филиалдарындағы кеңесшілер кәсіпкерлерге, кәсіпкер болуға ниетті азаматтарға кеңес беру қызметтерін де үздіксіз жүргізуде. Жыл басынан бері 2081 азаматқа кеңесшілермен 4027 кеңес берілген.
<blockquote>
 &nbsp;«Дүниежүзілік пандемияға орай Кәсіпкерлер палатасымен көрсетілетін «Аға сеньорлар», «Іскерлік байланыстар» құралдарында биыл өзгерістер бар. «Аға сеньорлар» бойынша кәсіпкерлер шетелдік сарапшылардан онлайн тегін қызмет ала алады, ал отандық сарапшыларды офлайн шақырта алады. Ал «Іскерлік байланыстар» құралы бойынша біліктіліктерін онфлайн жетілдіріп, тәжірибе алмасуға, жағдай тұрақталса 2021 жылы Германияға бара&nbsp; алады. Бұл қызметтерімізге де өтініш беру қазір жүргізілуде. Кәсіпкерлер біздің мамандарымызға хабарласып, өтінімдерін бере алады», – дейді Палата маманы.
</blockquote>
Айта кету керек, «Бастау» жобасы да биыл қызметін онлайн бастады. Облыс бойынша «Бастау» бойынша 2150 азаматты оқыту көзделіп отыр. Алғашқы лек бойынша 741 азамат онлайн оқып, 384 қатысушы оқуды аяқтағандығы және&nbsp; 328&nbsp; қатысушы оқуға қастысқаны жөнінде сертификатқа қол жеткізе алды. Қазір екінші легте 812 адам оқытылып жатыр.
Қызылорда облысы
кәсіпкерлер палатасының баспасөз қызметі

Кәсіпкерлер палатасы жаңадан 3 қызмет түрін ұсынады

Kyzylorda-news.kz. Қызылордада 91571 адам 42500 теңге көлемінде қосымша әлеуметтік жәрдемақы алуға жүгінді. Оның ішінде, шілде айында 81633 азаматқа көмек көрсетілді. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Талғат Дүйсебаев мәлімдеді.
Өтінімнің ішінде 36120-сы проактивті форматта , яғни ешқандай өтініш тапсырмай-ақ бұрынғы мәліметтердің негізінде СМС арқылы расталып, көмек алды. Сондай-ақ, қалалық және аудандық штабтардың қаралуына 15201 өтінім түсіп, оның 7822-сі қабылданып, 6833-нің өтінім кері қайтарылған.
<blockquote>
 “Өтінімнің кері қайтарылу себебі: бас санитарлық дәрігердің қаулысында көрсетілген шектеулерге сәйкес кәсіпорын, мекемелердің қызметі 5 шілдеден бастап тоқтатылмаған. Бұл мәліметтердің барлығы салық органдарының жүйелері арқылы тексерілді. Сонымен қатар, өтінім беру барысында мәліметтерді (реквизит, есеп шоттар, жұмысшылардың ЖСН) дұрыс енгізбеген»,-деді Талғат Тұрсынұлы.
</blockquote>
Шектеу шараларын енгізуге байланысты табысынан айырылған жағдайда 42500 теңге көлеміндегі біржолғы төлемді тағайындауға өтінішті жұмыс беруші береді.
<blockquote>
 “Жұмыс беруші көрсетілген төлемді тағайындау қағидаларының талаптарын сақтамаған жағдайда қызметкер еңбек инспекциясы жөніндегі жергілікті органға жүгінуге құқылы”,-деді облыстық еңбек саласындағы бақылау басқармасының басшысы Төреахмет Сайлаубайұлы.
</blockquote>

Қызылордада 81 633 адам біржолғы төлем алды

«Сақтандырылмаған» азаматтар үшін жеңілдік мерзімі 1 шілдеде аяқталды

<a href="https://kyzylorda-news.kz/">Kyzylorda-news.kz.</a> Қазақстан Мұсылмандары діни басқармасы жанындағы Ғұламалар кеңесінің кезекті отырысында елімізде Құрбан айт мерекесі ағымдағы жылғы 31 шілде – 2 тамыз аралығында өтетіні белгілі болды.
ҚМДБ еліміздегі пандемиялық жағдайды басшылыққа алып, азаматтардың жеке қауіпсіздігін қамтамасыз ету мақсатында Құрбан айт күндерінің қалай өткізетінін пысықтады.
ҚМДБ-ның төрағасы, Бас мүфти Н.Т. Өтпеновтің Құрбан айт рәсімін өткізуге қатысты арнайы Үндеуін жариялап, Құрбан айт намазы еліміздің барлық мешіттерінде оқылмайтынын атап өтті. 
Республикалық «Зекет» қорының ұйымдастыруымен еліміз бойынша онлайн түрде құрбандық шалуға өтінімдерді қабылдайтын «Qurban2020.muftyat.kz» сайты әзірленді.
Осы жоба аясында құрбандық шалу шаралары қашықтан жүзеге асырылады. Ел азаматтары аталған сайт арқылы құрбандық шалуға онлайн режимде тапсырыс беріп, малдың бағасын Kaspi.kz банк арқылы онлайн түрде төлеу операциясын жүзеге асырады. Онлайн түрде құрбандық шалуға өтінім беретін жеке тұлғалардың анкетасы (аты-жөні, тегі) және малдың атауы мен оның бағасы (қой, ешкі, сиыр, түйе) туралы мәліметтер ұсынылады.
Осы жүйе арқылы құрбандыққа шалған малдың суреті мен бейне түсірілімін емін-еркін көріп, оны жүктеуіне толық мүмкіндігі бар. 
Жоғарыда аталғандар негізінде аймақтағы барлық мешіт Құрбан айт күндері жабық болады. Сонымен бірге, құрбан шалу рәсімі онлайн түрде өткізіледі. Сондай-ақ, тұрғындарға құрбандықты өз үйлерінде шалу ұсынылады.

Құрбан айт күндері мешіттер жабық болады

<a href="https://kyzylorda-news.kz/">Kyzylorda-news.kz.</a> Жыл басынан бері Қызылорда облысы бойынша медициналық ұйымдарына 32,2 млрд теңге төленді.
Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады.
32,2 млрд теңгенің 25,9 млрд теңгесі тегін медициналық көмектің кепілдік көлеміне берілген, 6,3 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 57 медициналық қызмет көрсетушілермен келісім – шарт жасалды, оның ішінде – 30 мемлекеттік медициналық ұйым (52,6%), 27 жеке меншік (47,4%). 
Барлығы 59,9 млрд теңгеге шарттар жасалды, оның ішінде 43,3 млрд теңге (72,2%) тегін медициналық көмектің кепілдік берілген көлемі шеңберінде, 16,6 млрд теңге (27,8%) МӘМС қаржысы құрайды.

Қызылорда: Медициналық ұйымдарға 32,2 млрд теңге төленді

<a href="https://kyzylorda-news.kz/">Kyzylorda-news.kz.</a> Өз істерінің нағыз шебері бола білген ақ халатты жандар талай адамның жүрегіне үміт отын жағып, өмір гүлін сыйлап келеді. Күнделікті науқастарға ем-шаралар көрсетуден бөлек, мобильді топ мүшесі атанып, қауіпті індетпен күрес жүргізіп келе жатқан жанның бірі №3 емхана дәрігері Асыл Аманбекұлы.
«Гиппократ» антын қабылдап, сабырлылық пен салмақтылықты серік еткен жас маман адам жанының бағбаны десек артық айтқанымыз емес.
Мамандығына нағыз берілген жан адам денсаулығының сақшысы қызметін абыроймен атқарып келеді. Бала кезінен дәрігер болуы армандаған Асыл Аманбекұлы Қармақшы ауданында туып өскен. С.Д.Асфендияров атындағы қазақ ұлттық медициналық университеттің түлегі. Еңбек жолын 2017 жылы №3 қалалық емханада жалпы тәжірибелі дәрігер болып бастаған ол абройымен қызметін жалғастырып келеді.
<blockquote>
 “Күнделікті жұмыс барысында әр науқасқа бар ниетімен әрі шынайы пейілімен қамқорлық таныту өте маңызды. Халық алғысына бөлену мен үшін зор бақыт. Білікті дәрігер болу үшін тек жоғары оқу орнын бітіру аздық етеді. Сезімталдық, үлкен жауапкершілік, ұқыптылық әрі күн сайын жаңа нәрсені білуге, үйренуге асық болу арқылы бұл мамандықты меңгеріп, шыңына шығуға мүмкіндік бар. Адамдардың денсаулығы мен өмірін сақтап қалу азаматтық парызым”, – дейді Асыл Аманбекұлы.
</blockquote>
Жаста болса, осы жолда еңбексүйгіштігімен, тиянақтылығымен, жауапкершлігімен және үнемі ізденісте жүретіндігімен ерекшеленетін дәрігердің жетістіктері жоқ емес. Ол бүгінге дейін бірқатар Алғыс хатқа ие болды.
Сондай-ақ Алматы қаласындағы акушерлік-гинекология және перинатология ғылыми орталығында 2 апталық біліктілікті арттыру курсынан өтті. Одан бөлек, «Ая Хан» оқу-клиникалық орталығында «Емдеуге дейінгі кезеңде жедел коронарлы синдром, инсульт диагностикалау және емдеу алгоритмдері» тақырыбындағы семинар-тренинге қатысып, білімін жетілдірді. Сонымен қатар, Ұлттық медициналық білім беру орталығында «Жалпы практика дәрігерлері үшін қант диабеті» бойынша біліктілігін арттырып, сертификатқа ие болды. Қазақ онкология және радиология ғылыми-зерттеу институтында «Онкологиялық қауіпсіздік мәселелері және скринингтік бағдарламаларды жүзеге асыру» циклі бойынша біліктілігін арттырған дәрігер қазір уақытпен санаспай елге қызмет етуде.

Асыл Аманбекұлы: &#8220;Адамдардың денсаулығы мен өмірін сақтап қалу азаматтық парызым&#8221;

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықова облыстық ауыл шаруашылығы басқармасының басшысы Сейілбек Нұрымбетовты қабылдады.
Ауыл шаруашылығы басқармасының басшысы мал шаруашылығы саласында атқарылған жұмыстар, мемлекеттік қолдау және алдағы жоспар туралы баяндады.
Бүгінгі күні облыста мал шаруашылығы саласын мемлекеттік қолдаудың және инвестициялық жобаларды жеңілдетілген несиелендірудің арқасында мал шаруашылығы саласының өсу динамикасы қалыптасып, мал басы мен өндірілген өнім көлемі артуда.
Ағымдағы жылдың 6 айында облыс бойынша мал шаруашылығы саласының жалпы ішкі өнім өндірісі 23,1 млрд. теңгені құрап, өткен жылдың осы кезеңімен салыстырғанда 2,2%-ға өсті. Оның ішінде жылқы мен құс өнімінің өндірісі жоғары.
Мал шаруашылығын мемлекет тарапынан қолдау мақсатында 
2020 жылға облыстық бюджеттен 2 432,1 млн. теңге қаржы бөлініп, 1500 млн. теңге субсидиялау қаржысы 625 шаруашылыққа төленді.
Бүгінгі күні Қазақстан Республикасы Ауыл шаруашылығы министрлігі тарапынан мал шаруашылығы саласын субсидиялаудың жаңа ережесі бекітілді. Ережеге бірқатар өзгерістер енгізіліп, асыл тұқымды қой сатып алудың, оларға жүргізілген селекциялық және асыл тұқымдық жұмыстарының әр басына берілетін субсидиясы көтерілді. 
Қызылорда облысы әкімдігі тарапынан қағиданың жаңа өзгерістеріне сәйкес Ауыл шаруашылығы министрлігіне республикалық бюджеттен қосымша қаржы бөлу туралы бюджеттік өтінім ұсынды.
Ағымдағы жылы «Сыбаға» бағдарлама аясында облысқа 288 бас асыл тұқымды шет елдік мүйізді ірі қара малы жеткізілді. Оның ішінде 80 бас малды жеке кәсіпкер «Қуанышбаева» алса, 128 – «Парадин», 80 – «Ерасыл» шаруашылықтарына берілді. Сонымен қатар 6105 бас отандық қой малдарын сатып алу бағытында жұмыстар жүргізілуде. 
Облыс әкімі Гүлшара Әбдіқалықова мал шаруашылығы саласын жүйелі түрде дамытуды, сала бойынша бекітілген индикативтік жоспарларды жыл аяғына дейін орындауды және аймаққа бөлінген субсидияларды 100% игеруді тапсырды.
<img src="https://kyzylorda-news.kz/wp-content/uploads/2020/07/fb_img_1595844930189.jpg" alt="" />

Қызылорда облысында мал шаруашылығы қарқынды дамуда

<a href="https://kyzylorda-news.kz/">Kyzylorda-news.kz.</a> Мемлекет басшысы пандемия кезінде азаматтарды қолдауға бағытталған 2020 жылғы 2 шілдедегі Қазақстан Республикасының тиісті Заңына қол қойды.
Құжатта жеке тұлғалар үшін өсімпұлды есептен шығару бойынша салықтық рақымшылық туралы норма қарастырылған, деп хабарлады ҚР ҚМ Мемлекеттік кірістер комитетінің баспасөз қызметі.
Айта кетейік, 2020 жылғы 1 сәуірдегі жағдай бойынша салық төлеушінің жеке шотында есепте тұрған және оны төлеу күнінен кеш есептелген жеке тұлғалардың мүлік, жер және көлік салықтары бойынша өсімақылар есептен шығарылады.&nbsp;
<blockquote>
 “Салық бойынша негізгі борыш сомасын төлеу есептен шығарудың басты шарты болып табылады. Өсімпұл төленген салықтың түрі бойынша есептен шығарылады. 2020 жылғы 1 қазанға дейінгі мерзімде төленуі қажет 2019 жылғы мүлік салығы мен жер салығы бойынша міндеттемелер қосылмайды. Салықтық рақымшылық жасау мерзімі – 2020 жылғы 31 желтоқсанға дейін. Осыған байланысты Мемлекеттік кірістер органдарының барлық аумақтық бөлімшелерінде өсімпұлды есептен шығару жөніндегі комиссиялар құрылатын болады. Өсімпұлды есептен шығару үшін ешқайда барудың қажеті жоқ. Борыштың негізгі сомасын төлеу жеткілікті. Өсімпұл автоматты есептен шығарылады”, – делінген ведомство мәліметінде.
</blockquote>

Қазақстанда төленбеген салықтың өсімпұлы есептелмейтін болды

<a href="https://kyzylorda-news.kz/">Kyzylorda-news.kz.</a> Қызылордадағы 3 қалалық емхана 65 мыңға жуық адамға қызмет көрсетеді. Карантин уақытында мұнда учаскелік дәрігерлерді үйіне шақыртқандардың қатары көбейді. Бұрын 40-50 адам хабарласса, қазір күніне 100-ге жуық тұрғын дәрігер көмегіне жүгінеді.
Сұранысты қанағаттандыру мақсатында, емханадан қосымша мобильдік топтар құрылды.
Нақтырақ айтсақ бүгінде барлығы 10 мобильді топ жұмыс жасауда. 3 мобильді топ науқастарды көрсеткішіне қарай провизорлық стационарларға тасымалдайды. Оның құрамында 3 дәрігер және 3 жүргізуші бар. Ал 3 мобильді топ “Коронавирусты инфекция нақтыланған жағдай, симптомсыз түрімен және жеңіл ағымы” диагнозы қойылған және стационардан коронавирус инфекциясымен ауырған сондай-ақ орташа дәрежеде емделіп шыққан науқастарды бақылайды.
Сонымен қатар тар буынды мамандармен психологтар көмегін көрсетеді. Келесі 4 мобильді топ үйдегі стационар бойынша ем тағайындалған пневмания диагнозы нақтыланған науқастарға көмек береді.
Бүгінгідей сын-сағатта медицина мамандары өз өмірлерін қатерге тіге жүріп қызмет етуде. Бұл ретте емханада қауіпті дертпен бетпе-бет келген дәрігерлермен қатар, науқастың үйіне барып, ем- дом көрсететін мұндай мобильді бригадалардың да жұмысы жеңіл емес. Ендеше, ақ халатты абзал жандардың ерлікке пара-пар еңбегіне қолдау білдіріп, әр адам бүгінгі сақтық шараларына бейжай қарамауы тиіс.
<img src="https://kyzylorda-news.kz/wp-content/uploads/2020/07/fb_img_1595838022044.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595838017143.jpg" alt="" />

Қызылорда: Мобильді топ мүшелері қауіпті індетпен күресуде

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының басшысы Болат Төкежанов амбулаториялық деңгейде емделетін науқастарға қор атынан тегін берілетін дәр-дәрмектер туралы айтып берді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Сақтандыру қорының басшысы осы уақытқа дейін екі келісімге қол қойылғанын айтып, қор есебінен қанша қаражат бөлініп жатқанын жеткізді.&nbsp;Сақтандыру қорының тарапынан бір адамға 48 мың теңге көлемінде қаражат бөлінетіні белгілі болды.&nbsp;
<blockquote>
 “Амбулаториялық деңгейде халықты дәрі-дәрмекпен қамтамасыз ету үшін қор бірыңғай дистрибюьтор “СК-Фармациямен” келісім жасалды. Биылғы 2020 жылға бұл келісім екі бағытта. Бірінші&nbsp;бағыт міндетті&nbsp;медициналық кепілдендірудің көлемі 96 миллиард теңге көлемінде. Екінші бағыт бойынша денсаулық сақтау министрлігімен келісілген алдын ала келісімдерге 24,9 миллиард теңге бөлу көзделіп отыр. Амбулаториялық дәрі-дәрмекпен қамтамассыз ету аясында 2020 жылдың алты айы ішінде 6,9 млн рецепт келіп түсті, рецеп құнын өтеу үшін 57,5 млрд теңге төленді. Медициналық сақтандыру қорының аясында орта есеппен әр науқасқа 48 мың теңге жұмсалды”, – дейді Төкежанов.&nbsp;
</blockquote>
Сонымен қатар, халықты&nbsp;тегін дәрі-дәрмекпен қамтамасыз ету үшін жағдайдың барлығы жасалғанын айтты.&nbsp;
<blockquote>
 “Амбулаториялық деңгейде емделіп жатқан науқастарды дәрі-дәрмекпен қамтамассыз ету “СК-Фармация” арқылы жүзеге асырылып отыр. “СК-Фармация” өз тарапынан емханалармен келісім шартқа отыра алады. Қазіргі таңда барлығы 575 медициналық ұйым тегін дәрі-дәрмекпен қамтамасыз етумен айналысуда. Ересектер мен 18 жасқа дейінгі тегін дәрі-дәрмек алатын адамдар саны көбейтілді. Амбулаториялық деңгейде тегін алуға болатын дәрі-дәрмектер саны 50-ден 140-қа өсті”, – дейді Төкежанов.
</blockquote>

Қазақстан және Қызылорда облысының жаңалықтары

28 шілде: Атаулы күндер мен оқиғалар

Жұлдыздар не дейді?

Кәсіпкерлер палатасы жаңадан 3 қызмет түрін ұсынады

Қызылордада 81 633 адам біржолғы төлем алды

«Сақтандырылмаған» азаматтар үшін жеңілдік мерзімі 1 шілдеде аяқталды

Құрбан айт күндері мешіттер жабық болады

Қызылорда: Медициналық ұйымдарға 32,2 млрд теңге төленді

Асыл Аманбекұлы: “Адамдардың денсаулығы мен өмірін сақтап қалу азаматтық парызым”

Қызылорда облысында мал шаруашылығы қарқынды дамуда

Қазақстанда төленбеген салықтың өсімпұлы есептелмейтін болды

Қызылорда: Мобильді топ мүшелері қауіпті індетпен күресуде

Үйден емделіп жатқан науқастар дәрі-дәрмекті қалай тегін ала алады?

Қазақстан және Қызылорда облысының жаңалықтары

28 шілде: Атаулы күндер мен оқиғалар

Жұлдыздар не дейді?

Кәсіпкерлер палатасы жаңадан 3 қызмет түрін ұсынады

Қызылордада 81 633 адам біржолғы төлем алды

«Сақтандырылмаған» азаматтар үшін жеңілдік мерзімі 1 шілдеде аяқталды

Құрбан айт күндері мешіттер жабық болады

Қызылорда: Медициналық ұйымдарға 32,2 млрд теңге төленді

Асыл Аманбекұлы: &#8220;Адамдардың денсаулығы мен өмірін сақтап қалу азаматтық парызым&#8221;

Қызылорда облысында мал шаруашылығы қарқынды дамуда

Қазақстанда төленбеген салықтың өсімпұлы есептелмейтін болды

Қызылорда: Мобильді топ мүшелері қауіпті індетпен күресуде

Үйден емделіп жатқан науқастар дәрі-дәрмекті қалай тегін ала алады?

Асыл Аманбекұлы: “Адамдардың денсаулығы мен өмірін сақтап қалу азаматтық парызым”