Kyzylorda-news.kz. Бүгін облыс әкімі Гүлшара Әбдіқалықова облыстағы шаруа қожалықтарының иелерінің өтінішіне сәйкес олармен кездесті.
Кездесуде ауылшаруашылығы саласына бөлінетін субсидияның жетіспеушілігі және “Субсидиялаудың ақпараттық жүйесі” бағдарламасы арқылы субсидия беру мәселелері талқыланды.
Атап айтқанда, шаруа қожалықтары «Ауыл шаруашылығы малдарының азығына жұмсалған шығындар құнын арзандатуға» бөлінген қаржының жетіспеушілігі және САЖ бағдарламасының өтінім қабылдау кезіндегі қойылатын талаптардың қиындығына көңіл толмауы.
Айта кету керек, Ауылшаруашылығы министрлігінің бұйрығына сәйкес 2020 жылғы 17 шілдеде «Ауыл шаруашылығы малдарының азығына жұмсалған шығындар құнын арзандату» бағыты енгізілді. Осы орайда, облыс бойынша тауарөндірушілердің мал азығына жұмсаған шығындарын өтеуді субсидиялауға аудандардағы мәліметтерге сәйкес барлығы 3,2 млрд. теңгеге қажеттілік туындаған.
Осыған орай, Қызылорда облысы әкімдігінің 2020 жылғы 3 қарашадағы №130 қаулысымен бюджеттің мүмкіндігіне қарай 730 055 мың теңгесі «Ауыл шаруашылығы малдарының азығына жұмсалған шығындар құнын арзандату» бағытына бөлінді.
Алайда, «Ауыл шаруашылығы малдарының азығына жұмсалған шығындар құнын арзандату» бағытына бөлінген 730 055 мың теңге қаражатының барлық шаруашылықтарға жетпеуіне байланысты тауарөндірушілердің наразылықтары туындап, облыс бойынша 50 шаруашылық басшылары облыс әкімінің қабылдауында болып ұсыныстарын жеткізді.
Нақтырақ айтқанда, ҚР Ауыл шаруашылығы министрлігінің 2020 жылғы 17 шілдеде № 229 бұйрығымен «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» ҚР АШМ 2019 жылғы 15 наурыздағы № 108 бұйрығына тиісті өзгерістер енгізу арқылы, өтінімдерді келесі жылдың қаржысы есебінен төлеуді ұсынды.
Өз кезегінде, облыс әкімі осы ұсыныстарды Ауылшарушылығы министріне жеткізетіндігін айтты. Аталған мәселе бойынша ауылшаруашылығы басқармасы қызметкерлері мен шаруашылық өкілдерінен құрылған арнайы топ тиісті жұмыстар жүргізеді деп белгіленді.
<img src="https://kyzylorda-news.kz/wp-content/uploads/2020/12/fb_img_1608477525415.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608477522947.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608477528007.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608477530777.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608477533751.jpg" alt="" />

Аймақ басшысы шаруа қожалықтарының иелерімен кездесті

<a href="https://kyzylorda-news.kz/">Kyzylorda-news.kz</a>.&nbsp;Қазақстанда 9,11,12 сыныптар оқу жылының ІІІ тоқсанынан бастап аралас оқу форматына көшеді.
<blockquote>
 “Білім және ғылым министрлігінің ұсынысы бойынша, сондай-ақ қоғамның пікірін ескере отырып, оқу жылының III тоқсанынан бастап бітіруші сыныптар үшін (9,11,12 сыныптар) санитарлық-эпидемиологиялық талаптарды сақтай отырып, аралас оқыту қарастырылады”, – делінген хабарламада.
</blockquote>
Осыған орай, оқушылар пәндердің 70 пайызын – дәстүрлі форматта, 30 пайызын – қашықтан оқитын болады.
Сонымен қатар оқу жылының III тоқсанынан бастап мектеп оқушыларының біліміндегі олқылықтардың орнын толтыру мақсатында сабақтан тыс уақытта 5 адамнан аспайтын топтарда жеке консультация ұйымдастырылады.
Ал колледждер мен жоғары оқу орындарының бірінші курс студенттері II семестрден бастап аралас оқыту форматына көшеді.
Премьер-министр әкімдерге қоғамдық орындарды, мектептер мен балабақшаларды сапалы санитарлық өңдеу, сондай-ақ егу пункттерін вакцинациялауға дайындауды тапсырды.

Оқушылар үшінші тоқсанда қалай оқиды?

<a href="https://kyzylorda-news.kz/">Kyzylorda-news.kz</a>. Елдің бірқатар аймағында күн райы күрт бұзылды. Салдарынан көлік қозғалысы қиындап кетті. Түркістанда бірнеше жол көлік апаты тіркеліп, екі адам опат болды. Өйткені&nbsp;оңтүстік өлкеде көктайғақ.
Түркістан облысында ауа райы әлі де құбылмалы болып тұр. Кеше аймақта жаңбыр жауып, соңы көктайғаққа ұласты. Жолдың бәрі көк мұзға айналып, бірнеше жол-көлік оқиғасы тіркелді. Ордабасы ауданының аумағында екі жүк көлігі аударылып, жүргізушілер опат болған. Жағдайға байланысты «Самара-Шымкент» тас жолы уақытша жабылды.
<blockquote>
 “Төрт асуымыз бар. Созақ, Бәйдібек, Түлкібас аудандарында. Бадамбұлақ, Шыбықбел, Таскөмірсай, Шақпақ асулары, осылар қауіпті деп саналады. Себебі асуда жел тұрғанда жолды жауап қояды. Табиғаттың әсерінен. Сол үшін тұрғындарға айтатынымыз қауіпсіздік шараларын қатаң сақтаса, СМС хабарламаларға мән берсе, жол апаты аз болады деген үміттеміз”, – дейді ТЖД төтенше жағдайларды жою басқармасының басшысы Талғат Серікұлы.
</blockquote>
Осы Түркістан облысы мен Қызылорда қаласының аралығында көктайғақтың салдарынан 6 жүк көлігі апатқа ұшырады. Зардап шеккендер жоқ. Полицейлер 140 автокөлік пен 400-ге жуық адамға көмек көрсеткен. Кешелі бері жауапты мекеме арнайы техникалармен жолға құм мен тұз қоспасы сепкен. Бүгін аталған аумақтағы жол бөлігі ашылып, көлік қатынасы қалпына келді дейді мамандар.
<blockquote>
 “27 арнайы техника 48 жұмысшылары автожолдың мұз басқан жерлеріне тайғаққа қарсы 690 тонна құм-тұз қоспасын септі. Құрметті жүргізушілер мен қала тұрғындары, автокөліктің қысқы дөңгелекке ауыстыруларын және ұялы телефонға келген хабарламаларға және ауа райының қолайсыз кезінде жолға шықпауларыңызды ескертеміз”, – дейді ОПД ЖПКБ патрульдік полиция ротасының командирі Ерік Нұрмағанбетов.
</blockquote>
Қазір барлық бағыттағы жолдар ашық. Дегенмен, құтқарушылар тұрғындардан алыс жолға шығар кезде аса сақ болып, ауа райы өзгерісіне мән беруді сұрайды.
<a href="https://24.kz/kz/zha-aly-tar/o-am/item/443651-elimizdi-bir-atar-ajma-ynda-aua-rajy-k-lik-oz-alysyna-kedergi-keltirdi">Хабар 24</a>

Еліміздің бірқатар аймағында ауа райы көлік қозғалысына кедергі келтірді

<a href="https://kyzylorda-news.kz/">Kyzylorda-news.kz</a>. Қазақстанда ескі техникаларды утилизацияға өткізу уақыты 24 желтоқсаннан бастап уақытша тоқтатылды, деп хабарлайды&nbsp;<a href="https://stan.kz/">Stan.kz</a>.
“Құрметті автокөлік иелері, 40 мың бірлік ескірген көлікті утилизацияға қабылдаудың жылдық жоспарының мерзімінен бұрын орындалуына байланысты, сіздерге ескі көліктерді жинау пункттерінің жұмыс кестесіндегі өзгерістер туралы хабарлаймыз.
2020 жылдың 23 желтоқсанында Қазақстанның 17 аймағындағы ТжКБ қабылдау пункттері ескі жеңіл көліктерді, жолаушылар мен жүк көліктерін&nbsp;қабылдауды аяқтайды. Автокөлік иелерінен түскен өтініштер электронды кезек бойынша сағат 17.00-ге дейін қаралады”, делінген хабарламада.
Белгіленгендей, 2020 жылғы 24-31 желтоқсан аралығында қабылдау пункттерінде жиналған техниканы&nbsp;престеу процесіне және Қарағанды ​​облысындағы&nbsp;қайта өңдеу зауытына жеткізуге дайын болады.

Қазақстанда ескі көліктерді утилизацияға өткізу уақыты тоқтатылады

<a href="https://kyzylorda-news.kz/">Kyzylorda-news.kz</a>. Қазақстанда 2020 жылғы 25 желтоқсаннан бастап 2021 жылғы 5 қаңтарға дейін шектеу шаралары күшейтіледі.
Білім беру сапасын қамтамасыз ету мақсатында, Білім және ғылым министрлігінің ұсынысы бойынша, сондай-ақ қоғамның пікірін ескере отырып, келесі шешімдер қабылданды:
– оқу жылының III тоқсанынан бастап бітіруші сыныптар үшін (9,11,12 сыныптар) санитарлық-эпидемиологиялық талаптарды сақтай отырып, аралас оқыту (пәндердің 70%-ын – дәстүрлі форматта, 30%-ын – қашықтан) қарастырылсын;
– оқу жылының III тоқсанынан бастап мектеп оқушыларының біліміндегі олқылықтардың орнын толтыру мақсатында сабақтан тыс уақытта 5 адамнан аспайтын топтарда жеке консультация ұйымдастырылсын;
– II семестрден бастап колледждер мен жоғары оқу орындарының бірінші курс студенттерін аралас оқыту қайта басталсын.
Үкімет басшысы әкімдерге өңірдегі эпидемиологиялық жағдайға байланысты жағдайды тұрақтандыру мақсатында қажетті шектеу шараларын қабылдауды тапсырды.

Жоғары оқу орындарының бірінші курс студенттері дәстүрлі түрде білім алатын болды

<a href="https://kyzylorda-news.kz/">Kyzylorda-news.kz</a>. Бүгін ҚР Мәдениет және спорт министрі Ақтоты Райымқұлова Қызылорда облысына жұмыс сапары аясында «Мұз айдыны» спорт ​ кешенінде болды.
Министр халықаралық жарыстарда табысты өнер көрсетіп жүрген​ облыстың жетекші спортшыларымен кездесті. Олардың арасында каратэ-додан Әлем чемпиондары Мөлдір Жаңбырбай, Нұржан Ақпанбет, ауыр атлетикадан бүкіләлемдік универсиаданың қола жүлдегері Рүстем Сыбай, пауэрлифтингтен Әлем чемпионатының күміс жүлдгері Елдос Ермаханов, отырып ойнау волейболынан Пара Азия чемпионатының қола жүлдегерлері Эрик Қасқабаев, Шыңғыс Медеуов, Алмат Манабаев, пара пауэрлифтингтен Әлем кубогының күміс жүлдегері Кабира Асқарова, пара жеңіл атлетикадан Азия ойындарының қола жүлдегері Ислам Салимов және тағы басқа танымал спортшылар болды.
Облыстық дене шынықтыру және спорт басқармасының басшысы Жақсылық Оспанов облыстағы спорттың даму көрсеткіштерімен таныстырса, «Мұз айдыны» спорт кешенінің директоры Илья Ильин спорт нысанның жай-күйін айтып өтті.
Кездесу барысында ауыр атлетикадан ҚР еңбек сіңірген жаттықтырушысы Велорик Пак пен тоғызқұмалақтан 3 дүркін Әлем чемпионы, ҚР еңбек сіңірген спорт шебері Хәкімжан Елеусінов елімізде спортқа деген көзқарастың жоғары екендігін айта келіп, алғысын білдірді.
Министр өз кезегінде алдағы уақытта Сыр спортшыларының дүбірлі додаларда еліміздің намысын қорғап, спорттық даңқын арттыратынына сенім білдірді.
Одан кейін министр мұз алаңындағы шайбалы хоккей, грек-рим, көркем гимнастика және ​ ойын залында волейболдан өтіп жатқан оқу-жаттығу процестерімен танысып, спортшылармен әңгімелесті. ​ ​ ​
<img src="https://kyzylorda-news.kz/wp-content/uploads/2020/12/131824595_5519258111433697_7209173038206703300_n.jpg" alt="" />
<img src="https://kyzylorda-news.kz/wp-content/uploads/2020/12/132033821_5519258854766956_2985193814680652453_n.jpg" alt="" />
<img src="https://kyzylorda-news.kz/wp-content/uploads/2020/12/132231657_5519257858100389_2035965309066183136_n.jpg" alt="" />
<img src="https://kyzylorda-news.kz/wp-content/uploads/2020/12/131983090_5519258311433677_9085417383048209804_n.jpg" alt="" />

Ақтоты Райымқұлова Сыр спортшыларымен кездесті

<a href="https://kyzylorda-news.kz/">Kyzylorda-news.kz.</a> «Nur Otan» партиясы атынан ҚР Парламенті Мәжілісідепутаттығына кандидат Балайым Кесебаева мен облыстық, аудандық мәслихат депутаттығына үміткерлер Бақдәулет Мақашов, Ысқақ Жанкелді, Нұридин Амитов, Тұрлыбек Жаңабеков Жаңақорған ауданының тұрғындарымен кездесті.
Жалпы халықпен байланыс жасау барысында«Nur Otan» партиясының сайлауалды бағдарламасы жан-жақты түсіндірілді. Әлеуметтік мәселер төңірегіндегі халықтың ұсыныс-тілектері тыңдалып, ашық талқыға салынды. Тұрғындар тарапынан көтерілген басты мәселе Түгіскен-Келінтөбе елді мекендерін байланыстыратын автомобиль жолдарын жөндеу,&nbsp; Сунақата, Еңбек, Екпінді ауыл тұрғындарын сапалы ауыз сумен, көгілдір отынмен қамту жайы болды.
<blockquote>
 «Бүгінде Жаңақорған ауданына қарасты 35 аулдық елді мекеннің барлығы да ауыз сумен қамтылған. Сапалы ауыз сумен халықты қамтамасыз ету мақсатында «Nur Otan» партиясы Сунақата, Еңбек, Екпінді, Сүттіқұдық, Төменарық, Қожамберді, Жайылма ауылдарында&nbsp; су құбырларын қайта жаңғырту жұмыстарын жүргізуді жоспарлап отыр. Сонымен қатар, «Тақыркөл» бас су алғышынан&nbsp; №1 сорғы станциясына дейіт магистральды су өткізгішінің екінші желісінің құрылысын салуға ықпал етеді. Біз халықтың өмір сүру деңгейін арттыру,қайта өңдеу және сауда кәсіпорындарының дамуы, сапалы тамақ өнімдерімен қамтамасыз ету үшін ауданның&nbsp; артықшылықтары мен әлеуетін пайдаланатын боламыз» – деді Б.Кесебаева
</blockquote>
Кездесу барысында сөз алған кандидаттар әр тұрғынның ұсынысы мен өтініші партия үшін маңызды екенін айтты. Себебі, осының арқасында жаңа міндеттер қалыптаспақ. Айта кетейік, халықтың өмір сүру сапасы мен әл-ауқатын үздіксіз жақсарту үшін «Nur Otan» партиясы Жаңақорған ауданын әлеуметтік-экономикалық тұрғыдан дамытудың 7 негізгі басымдығын ұсынады.&nbsp; Алдағы бес жылдықта халықтық партия&nbsp; газбен қамтамасыз етілген елді мекендер үлесін арттыру мақсатында партия Бірлік, Шалқия кенті, Жайылма ауылдарын газбен жабдықтау мақсатында жұмыс жасамақ. Нәтижесінде 5 мыңға жуық тұрғын газбек қамтамасыз етіліп, газдандыру үлесі 44,4%-ға жетпек. Сондай-ақ, мемлекеттік бағдарламалар&nbsp; және жеке инвесторлар есебінен шағын және орта бизнес салаларында 20 жобаны жүзеге асыратын болады. Осы арқылы&nbsp; 6,2 мың жаңа жұмыс орны ашылып, жұмыссыздық деңгейін 5,1%-дан 4,1%-ға төмендету межеленіп отыр.
Аудан тұрғындарымен кездесу аясында кандидаттар «Nur Otan» партиясының атқарып отырған жүйелі жұмыстары мен байырқалы бастамаларына кеңінен тоқталып,&nbsp; үгіт-насихат парағын таратты. Және де&nbsp; «Nur Otan» партиясын белсенді түрде қолдауға шақырды.
<img src="https://kyzylorda-news.kz/wp-content/uploads/2020/12/2-2-2.jpg" alt="" />
“Nur Otan”&nbsp; партиясы Қызылорда облысының Сайлау қорының қаражатынан төленді

Басты мақсат – халық көңілінен шығу

<a href="https://kyzylorda-news.kz/">Kyzylorda-news.kz</a>. Жыл соңына дейін Жаңақорған ауданында қуаттылығы 10 мегаваттық күн электр станциясы іске қосылады. Өткен жылы Жалағаш және Шиелі аудандарында жалпы қуаттылығы 80 мегаватты құрайтын 2 күн электр станциялары пайдалануға берілді.
<blockquote>
 “Біздің аймақ күн сәулесі мол түсетін өңір. Оны ұтымды пайдалану мақсатында мақсатында жұмыстар атқарылуда. Қазір шағын ауылдарда осындай жобалар жүзеге асырылды. Енді қуаттылы көп станцияларға көңіл бөлінуде. Мәселен, Қазақстан Республикасы Энергетика министрлігінің ұйымдастыруымен үстіміздегі жылғы 10 желтоқсанда өткізілген аукциондық сатылымның нәтижесімен «Хевел Қазақстан» компаниясы жеңімпаз болып анықталып, Арал қаласында қуаттылығы 20 мегаваттық күн электр станциясын салынады. Дәл осындай станциялар электр энергиясына деген тәуелділікті азайтады”,- деді облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов.
</blockquote>
Сондай-ақ, «Жұмыспен қамту 2020-2021 жылдарға арналған Жол картасы» бағдарламасы аясында 6 әлеуметтік нысанның бу қазандықтары газға ауыстырылса, мемлекеттік-жекешелік әріптестік аясында 13 әлеуметтік нысан көгілдір отынға қосылды. Бұл мемлекет қаржысын үнемдеуге мүмкіндік береді.
<img src="https://kyzylorda-news.kz/wp-content/uploads/2020/12/132303749_1194442520951258_4386257661352532261_o.jpg" alt="" />

Жаңақорғанда күн электр станциясы іске қосылады

<a href="https://kyzylorda-news.kz/">Kyzylorda-news.kz</a>. Қызылорда облысына ҚР Мәдениет және спорт министрі Ақтоты Райымқұлова келді.
Министрдің Сыр еліне жұмыс сапары барысында А.Тоқмағамбетов атындағы қалалық мәдениет үйіндегі үйірмелердің, жаңадан алынған дыбыс жазу студиясының, сондай-ақ, қалалық Жастар театрының жұмысымен танысты.
Мәдениет үйінің жанындағы барлық үйірме өнерпаздарының өнерін тамашалаған Ақтоты Райымқұлова жүрекжарды лебізін білдіріп, Сыр елінің қасиет қонған өлке екеніне ешкімнің күмәні болмайтынын жеткізді.
<img src="https://kyzylorda-news.kz/wp-content/uploads/2020/12/132041897_894850191345480_2801866137399295169_o.jpg" alt="" />
<img src="https://kyzylorda-news.kz/wp-content/uploads/2020/12/131910312_894847261345773_3410111533671157897_o.jpg" alt="" />
<img src="https://kyzylorda-news.kz/wp-content/uploads/2020/12/132032300_894847368012429_2927829870701408574_o.jpg" alt="" />

Қызылордаға ҚР Мәдениет және спорт министрі жұмыс сапарымен келді

<a href="https://kyzylorda-news.kz/">Kyzylorda-news.kz</a>. Қазақстанда 2020 жылғы 25 желтоқсаннан бастап 2021 жылғы 5 қаңтарға дейін шектеу шаралары күшейтіледі. Коронавирус инфекциясының таралуына жол бермеу жөніндегі ведомствоаралық комиссия осындай шешімге келді, деп хабарлайды Үкіметтің ресми&nbsp;<a href="https://primeminister.kz/kz/new/kazakstanda-2020-zhylgy-25-zheltoksannan-bastap-2021-zhylgy-5-kantarga-deyin-shekteu-sharalary-kusheytiledi-20114145%C2%A0%D1%81%D1%96%D0%BB%D1%82%D0%B5%D0%BC%D0%B5%20%D0%B6%D0%B0%D1%81%D0%B0%D0%BF.%20https:/primeminister.kz/kz/new/kazakstanda-2020-zhylgy-25-zheltoksannan-bastap-2021-zhylgy-5-kantarga-deyin-shekteu-sharalary-kusheytiledi-20114145">сайты</a>.
Бүгін премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның кезекті отырысы өтті. Келесі жылы қаңтар-ақпан айларында ЖРВИ мен тұмаудың өсуі аясында коронавирус инфекциясымен сырқаттану деңгейінің арту қаупі бар. 
Осыған байланысты бірқатар шешім қабылданды. Олар:
– 2020 жылғы 25 желтоқсаннан бастап 2021 жылғы 5 қаңтарға дейін ойын-сауық, спорттық және басқа да бұқаралық іс-шараларды, оның ішінде жаңа жылдық ертеңгіліктер мен мерекелік корпоративтерді өткізуге тыйым салынады.&nbsp;
– Эпидемиологиялық жағдай тұрақталғанға дейін «Теңіз» кен орнында шектеу шаралары күшейтіледі.&nbsp;
– Бөлшек сауда желісінде антиковидті дәрілік заттардың бағасын орта есеппен 24%-ға төмендету бойынша шаралар қабылдау.
Сонымен қатар білім беру сапасын қамтамасыз ету мақсатында, Білім және ғылым министрлігінің ұсынысы бойынша, сондай-ақ қоғамның пікірін ескере отырып, келесі шешімдер қабылданды:&nbsp;
– оқу жылының III тоқсанынан бастап бітіруші сыныптар үшін (9,11,12 сыныптар) санитарлық-эпидемиологиялық талаптарды сақтай отырып, аралас оқыту (пәндердің 70%-ын – дәстүрлі форматта, 30%-ын – қашықтан) қарастырылсын;
– оқу жылының III тоқсанынан бастап мектеп оқушыларының біліміндегі олқылықтардың орнын толтыру мақсатында сабақтан тыс уақытта 5 адамнан аспайтын топтарда жеке консультация ұйымдастырылсын;
– II семестрден бастап колледждер мен жоғары оқу орындарының бірінші курс студенттерін аралас оқыту қайта басталсын.&nbsp;
Үкімет басшысы әкімдерге өңірдегі эпидемиологиялық жағдайға байланысты жағдайды тұрақтандыру мақсатында қажетті шектеу шараларын қабылдауды тапсырды.

Қазақстанда карантин күшейтіледі

<a href="https://kyzylorda-news.kz/">Kyzylorda-news.kz</a>.&nbsp;«Қазгидромет» РМК Қызылорда облысы бойынша филиалының хабарлауынша 21 желтоқсанда Қызылорда облысында түнде ауа температурасы 21-26 градусқа дейін төмендейді.
Облыстың оңтүстігінде 17 градусқа төмендеп, аяз болады.
Ал, Қызылорда қаласында 21 желтоқсанда түнде ауа температурасы 21-23 градус аяз болады.

Қызылорда облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Елімізде халық тарапынан сұранысқа ие тауарлар бағамы қымбаттады. Бұл облыс нарығына да әсерін тигізуде. Мәселен, соңғы аптада 4 өнімнің бағасы жоғарылады. Оның ішінде, сүзбе, картоп, жұмыртқа, өсімдік майы.
<blockquote>
 “Соңғы аптада кейбір азық-түлік бағасы өндіруші кәсіпорын тарапынан жоғарылауы байқалды. Мысалы, тауық жұмыртқасының қымбаттауы жыл сайынғы қысқы маусымаралық кезеңге байланысты болуда. Баға өсуінің негізгі себебі, құс тұмауы таралуынан және құс азығының қымбатауы. Республикада жұмыртқаға сұраныстың артуынан бір аптада бағасы 20 пайызға қымбаттады. Айта кететін жайт, қарақұмық, қант, өсімдік майы, ұн өнімдері өңірімізде өндірілмеуіне байланысты республиканың басқа аймақтарынан әкелінеді. Бұл мәселе бойыша да біршама жұмыстар жасалуда. Өндірілмейтін өнімдер бағасын тұрақтандыру мақсатында облыстық бюджеттен кәсіпкерлерге қарыз беру үшін қосымша 400 млн. теңге бөлінді”, – деді облыстық ауыл шаруашылығы басқармасының басшысы Шахмардан Қойшыбаев.
</blockquote>
Брифингте сала басшысы бағаны тұрақтандыру мақсатында әлеуметтік маңызы бар тауарлардың шекті бағамына мониторинг жұмыстары жүргізіліп тұратынын айтты. Өңірдің тұрақтандыру қорында 2,5 мың тонна өнім бар. Бүгінде 29 әлеуметтік дүкен мен 2 әлеуметтік маркеттің және 4 ірі супермаркеттің әлеуметтік бұрыштарында сатылуда.

Қазақстан және Қызылорда облысының жаңалықтары