<a href="https://kyzylorda-news.kz/">Kyzylorda-news.kz</a>. 2020 жылы Әлеуметтік медициналық сақтандыру қорының филиалына азаматтардан 15 450 өтініш келіп түсті, оның ішінде 15 219 өтініш консультациялық сипаттағы, 168 шағым, 63 алғыс. Бұл туралы Әлеуметтік медициналық сақтандыру қорының облыстық филиалының директоры Бақыт Исмаханбетов мәлімдеді.
Шағымданудың себептері: МӘМС мәртебесін алу, дәрі-дәрмектердің болмауы, консультациялық-диагностикалық қызметтерді ұзақ күту, емханалар мен ауруханалардағы медициналық көмектің сапасы, медициналық ұйымдар қызметкерлерінің дәрігерлік этика мен деонтологияны сақтамауы, ауруханаға жатқызудан бас тарту және т.б.
Көбінесе «Qoldau – 24/7» мобильді қосымшасы арқылы есепке қою кезінде сақтандырылу мәртебесі жоқ жұмыс істемейтін жүкті әйелдерден өтініштер түседі. Бұл жағдайда біздің сарапшылар жүктілікті растайтын анықтамалардың негізінде 1 айға уақытша мәртебе береді. Осыдан кейін жүкті әйел есепке алынады және болашақта оның мәртебесі өзгермейді, ол сақтандырылады.
Сондай-ақ, «Qoldau – 24/7» мобильдік қосымшасы арқылы уақытша мәртебеге отандық және шетелдік жоғары оқу орындары мен колледждердің күндізгі бөлім студенттері ие бола алады. Ол үшін студенттер белгілі бір оқу орнында оқығанын растайтын анықтаманы тапсыруы керек. Студентке 1 ай мерзімге уақытша сақтандыру мәртебесі беріледі. Әрі қарай, ол өзінің деректерін Ұлттық білім дерекқорына немесе egov.kz веб-сайтына «Білім» бөлімінде дербес тіркелу үшін оқу орнының деканатына жүгінуі керек.
Филиал директоры атап өткендей, уақытша сақтандыру мәртебесін азаматтардың 15 жеңілдік санатындағы барлық өкілдері ала алады (толығырақ – <a href="https://fms.kz/kk/content/azamattardyn-zhenildigi-bar-sanattary">https://fms.kz/kk/content/azamattardyn-zhenildigi-bar-sanattary</a>). Бұл кезең (1 ай) пациенттің жеңілдік мәртебесін қалпына келтіру үшін беріледі.
Егер пациентке медициналық көмек көрсетуден бас тартылса немесе тиісті түрде көрсетілмесе, онда 1406 нөмірі, «Qoldau – 24\7» мобильді қосымшасы немесе «SaqtandyruBot» Telegram-бот бойынша жүгіну қажет. Қордың мамандары мен сарапшылары жедел жауап беріп, қажетті көмек көрсетеді.
<img src="https://kyzylorda-news.kz/wp-content/uploads/2021/01/kaz-lgotniki-osms.png" alt="" />

Медициналық сақтандыру қорына қызылордалықтардан 15 мыңнан астам өтініш келіп түсті

<a href="https://kyzylorda-news.kz/">Kyzylorda-news.kz</a>. Қызылорда облысында 8 мыңнан астам тұрғын иелігіне 11 мыңнан аса қару тіркелген.
Өткен жылы заңсыз айналымнан атыс қаруын тәркілеуге, ұрланған, жоғалған қаруды іздестіруге және атыс қаруымен жасалатын қылмыстардың алдын алу бағытында&nbsp;«Қару» жедел-профилактикалық іс-шарасы жүйелі түрде&nbsp;өткізілуде. &nbsp;&nbsp;&nbsp;&nbsp;
Шара барысында өткен жылы заңсыз айналымнан барлығы 246 қару тәркіленді. Құқық бұзушылар ҚР ӘҚБтК-нің 482 бабымен (жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы) әкімшілік жауапқа тартылды. 8 мыңнан астам жеке қару иелерiнің аңшы қаруын сақтау заңдылығы тексерiлiп, азаматтық, қызметтiк қаруды, оған арналған патрондарды сақтау, пайдалану және тасымалдау ережелерiн бұзу дерегімен 542 құқық бұзушылықтар анықталып, әкімшілік шаралар көрілді.
2020 жылғы 1 шілдеден бастап республика көлемінде заңсыз сақтаудағы қару, оқ-дәрілер, жарылғыш заттарды қабылдау акциясы өткізіліп, оның барысында азаматтардан 79 өтініш түсті. 126 дана қару қабылданып, Қызылорда облысына республикалық бюджеттен бөлінген 8 млн. 153 мың теңге қаражат толығымен игерілді.

Қызылордада былтыр заңсыз айналымдағы 246 қару тәркіленді

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова мүмкіндігі шектеулі азаматтарға қолайлы орта жасау бағытындағы мәселелер бойынша штаттан тыс кеңесшісі Нұрмұрат Ермановпен кездесіп, алдағы жұмыстарды саралады.
<img src="https://kyzylorda-news.kz/wp-content/uploads/2021/01/nwrmwratov.jpg" alt="" />
Талқылау барысында облыс әкімі аймақтағы мүмкіндігі шектеулі жандардың өмірін жақсарту, оларға тең орта құру бағытында мемлекеттік бағдарламалардың тиімділігін арттыру мәселесін қозғады. Сондай-ақ, мүмкіндігі шектеулі жандар үшін арнайы «Жол картасында» көзделген негізгі басымдықтар бойынша пікірлесті.
Бүгінгі күні өңірде әлеуметтік бағыттағы басымдықтар қамтылғаг 2021 жылға арналған жұмыс жоспарын жүзеге асыру бойынша Жол картасы бекітілді.Жол картасында облыстағы мүгедектігі бар адамдардың өмір сүру сапасын арттыруға, оларды қоғамда әлеуметтендіруге жағдай жасауға, бірыңғай ақпараттық ресурстар құруға бағытталған шаралар қамтылған.
Осы жылдың қаңтар айынан бастап мүмкіндігі шектеулі азаматтар онлайн портал арқылы оңалту құралдарының 55 техникалық түрі мен қызметтерін ала алады. Атап айтқанда, санаторий-курорттық емдеу, протез-ортопедиялық көмек, жеке көмекшінің және ымдау тілі маманының әлеуметтік қызметтері онлайн портал арқылы іске асады. Бұл ретте ерекше жандарға қажетті оңалтудың техникалық құралдары мен қызметтерді қамтамасыз етуге арналған қаржы жылдан-жылға артып келеді.
Өз кезегінде Нұрмұрат Ерманов мүмкіндігі шектеулі азаматтардың мүдделерін қорғау, олардың әлеуметтік қызметтерді алудағы мәселелеріне ерекше назар аударылғанын атап өтіп, тиісті жұмыстарды үйлестіруде бірлескен жұмыстардың нәтижелілігін баяндады.
Айта кету керек, Қызылорда аймағында 30 мыңнан астам мүмкіндігі шектеулі жан болса, оның 5 мыңы – балалар.
<a href="https://www.facebook.com/qyzylorda.press/photos/pcb.3042284865874562/3042282852541430/?__cft__[0]=AZVBsyhgGQYNWjiT1UnCxhge-IXcJiiBd0fPS7eLaPZlZVrJiTLjqNQC9Bb2mBz4-qgmY7_HWKhHZ1AtLsMpB9DOvgB0zPDYaWgpY8ZyBofiQU7RIMryC2WarefiUXFzHl-uYj_0mvnOPPPvXlIkTZOUvAWoJIZ0aCyP8xdi2oq4VtKkNYJbuiMY-DEc99CHzEw&__tn__=*bH-R"></a><a href="https://www.facebook.com/qyzylorda.press/photos/pcb.3042284865874562/3042283012541414/?__cft__[0]=AZVBsyhgGQYNWjiT1UnCxhge-IXcJiiBd0fPS7eLaPZlZVrJiTLjqNQC9Bb2mBz4-qgmY7_HWKhHZ1AtLsMpB9DOvgB0zPDYaWgpY8ZyBofiQU7RIMryC2WarefiUXFzHl-uYj_0mvnOPPPvXlIkTZOUvAWoJIZ0aCyP8xdi2oq4VtKkNYJbuiMY-DEc99CHzEw&__tn__=*bH-R"></a>

Гүлшара Әбдіқалықова мүмкіндігі шектеулі жандардың мәселелерін талқылады

<a href="https://kyzylorda-news.kz/">Kyzylorda-news.kz</a>. Қызылорда облысында жергілікті маңызы бар автомобиль жолдарын дамытудың 2021-2023 жылдарға арналған «Жол картасы» әзірленді. Оған облыстық және аудандық маңызы бар 73 жоба енгізілген. Бұл туралы Өңірлік коммуникациялар қызметінің ақпараттық алаңында облыстық жолаушылар көлігі және автомобиль жолдары басқармасының басшысы Мұрат Тілеумбетов мәлімдеді.
Жол картасы аясында 14 жоба жолдарды қайта жаңғыртуға, 36-сы күрделі және орташа жөндеуге, 23-і көпір өткелдерін салуға бағытталған. Сондай-ақ, Қызылорда қаласы мен 7 ауданның орталықтары және елді мекендер көшелерін жөндеуден өткізу жұмыстары да қарастырылған. Нәтижесінде 2021 жылы облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесін 75%-ға жеткізу жоспарланған. Осы индикаторлық көрсеткішке жету мақсатында республикалық және облыстық бюджеттен барлығы 14 803,2 млн. теңге бөлінді.
“Осы қаражатқа ұзындығы 260 км құрайтын автомобиль жолдары мен көпір өткелдерін жөндеуден өткізуге мүмкіндік береді. Ал «Нұрлы жол» бағдарламасы аясында 8 812,5 млн. теңге бөлінді. Оған ұзындығы 216 км облыстық және аудандық маңызы бар жолдарды жөндеу жұмыстарын жүргізу жоспарлануда. Айта кететін жағдай, жоғарыдағы облыстық бюджеттен бөлініп отырған қаражатпен республикалық бюджеттен осыған дейінгі 50-де 50 пайыздық негізде бөлінген қаражаттың бөлінісін толықтай жауып отырмыз. 34 жобаға 8 466,0 млн. теңге бөлінді. Бұл объектілердің барлығы 2021 жылы аяқталып, пайдалануға беріледі. Сонымен қатар жыл көлемінде Индустрия және инфрақұрылымдық даму министрлігіне қосымша қаражат тарту жұмыстары жүргізілетін болады. Бүгінгі күнге 7,4 млрд теңгені құрайтын 17 жобаның жобалау-сметалық құжаттамасы дайын, – деді басқарма басшысы.
«Өңірлерді дамыту» бағдарламасы аясында 3 жоба іске асырылуда. Қызылорда қаласындағы С. Бейбарыс көшесінен Қызылжарма каналына дейінгі (оң жағалау) ұзындығы 4 км құрайтын магистралды көшенің құрылысын аяқтау, Қызылорда қаласының сол жағалауындағы Сырдария өзенінің қорғаныс бөгетін бойлай салынатын (УАД салған жолдан бастау алатын) С. Бейбарыс көпіріне дейінгі магистралды көше (2км) құрылысы жұмыстары, Қызылорда қаласындағы (Эдельвейс) саяжай ауданының солжағалау бөлігінде магистралды көше құрылысын бастау (аэропортқа баратын жолға қосу, 1,1 км) жұмыстары.«Ауыл ел – бесігі» бағдарламасы бойынша республикалық бюджеттен 9 жобаға іске асырылуда. Яғни, Қазалы, Қармақшы, Сырдария, Жалағаш аудандарының елді мекен көшелері жөнделеді. «Кіші қалаларды дамыту» бағдарламасы аясында 1 350,9 млн. теңге бөлінді. Арал мен Қазалы қалаларының көшелері асфальтталатын болады.
Бұдан бөлек, облыстық бюджеттен сол жағалаудағы өзеннің қорғаныс бөгетін бойлай орналасқан магистралды көше құрылысы салынады, аймақта 558 шақырым құрайтын көшелер жөнделеді, Қазалыдағы Қарлан учаскесінде Сырдария өзеніне көпір салуға (ОБ-95 млн. тг) жобалау сметалық құжаттамасы әзірленді, биыл құрылыс-монтаж жұмыстары басталады.

Қызылордада автомобиль жолдарын дамытудың «Жол картасы» әзірленді

<a href="https://kyzylorda-news.kz/">Kyzylorda-news.kz</a>. 7-ші шақырылған ҚР Парламенті Мәжілісінің толық құрам белгілі болды. Жаңа Мәжілісте еліміздегі 3 саяси партия мен Қазақстан халқы Ассамблеясының кандидаттары мандатқа ие болды, деп хабарлайды ҚазАқпарат.
Атап айтқанда «Nur Otan» партиясы 76, «Ақ жол» Қазақстанның демократиялық партиясы 12, Қазақстанның халық партиясы 10 мандат иеленді. Сонымен қатар Қазақстан халқы Ассамблеясы атынан 9 депутат сайланды.
Ал«Nur Otan» партиясының партиялық тізімі бойынша – 84, Қазақстанның «Ақ жол» демократиялық партиясының партиялық тізімі бойынша – 7, ал сол кезде атауы Қазақстан Коммунистік Халық партиясы болған бүгінгі Қазақстанның халық партиясы бойынша 7 депутат Мәжіліске өтті.
«Nur Otan» партиясы&nbsp;<a href="https://www.inform.kz/kz/nur-otan-partiyasynan-mazhilis-deputattarynyn-tizimi-zhariyalandy_a3740254">депутаттары</a>:
1. АБАҚАНОВ Елдос Нұрболұлы
2. АБАСОВ Қайнар Бегалыұлы
3. АДАМБАЕВ Сырым Жұматайұлы
4. АДАМБЕКОВ Тілектес Серікбайұлы
5. АҚЫШЕВ Самат Сағынбайұлы
6. АХМЕТОВ Мәди Абылайұлы
7. ӘБДІҒАЛИҰЛЫ Берік
8. ӘБСЕМЕТОВА Әлия Маратқызы
9. ӘЛІМБАЕВ Данияр Кеңғазыұлы
10. ӘМРЕЕВ Ғалым Махмұтбайлы
11. ӘШІМЖАНОВ Жанарбек Садықанұлы
12. БЕЙСЕНБАЕВ Елнұр Сабыржанұлы
13. БЕКЖАНОВ Берік Айдарбекұлы
14. БЕРДАЛИН Аманғали Бейсенбайұлы
15. БИЖАНОВА Гүлнәр Қадыржанқызы
16. БОЙЧИН Анатолий Васильевич
17. ЕЛЕУОВ Ғалымжан Алмасбекұлы
18. ЕЛУБАЕВ Мәди Сағынтайұлы
19. ЕРЖАН Құдайберген Төлепұлы
20. ЕРМАН Мұхтар Тілдәбекұлы
21. ЕРТАЕВ Сырым Махамбетұлы
22. ЖАМАЛОВ Аманжан Мәкәрімұлы
23. ЖАҢБЫРШИН Еділ Терекбайұлы
24. ЖУЛИН Юрий Викторович
25. ЗӘКИЕВА Динара Болатқызы
26. ИМАШЕВА Снежанна Валерьевна
27. КАЗАНЦЕВ Павел Олегович
28. КАМАСОВА Зарина Айдарханқызы
29. КЕСЕБАЕВА Балайым Туғанбайқызы
30. КИМ Вера Александровна
31. КОЛОДА Дмитрий Владимирович
32. КУЧИНСКАЯ Юлия Владимировна
33. ҚАРАТАЕВ Фахриддин Әбдінабиұлы
34. ҚОЖАХМЕТОВ Арман Төлешұлы
35. ҚҰЛШАР Мәлік Иманқұлұлы
36. ҚҰСАЙЫНОВ Марат Әпсеметұлы
37. ҚҰСПАН Айгүл Сайфоллақызы
38. МУСИН Қанат Сергейұлы
39. МҰСАБАЕВ Самат Базарбайұлы
40. МЫҢБАЙ Дархан Қамзабекұлы
41. НАЗАРБАЕВА Дариға Нұрсұлтанқызы
42. НАҚПАЕВ Сәлімжан Жұмашұлы
43. НҰРКИНА Айгүл Қабдешқызы
44. НҰРМАНБЕТОВА Жәмила Нүсіпжанқызы
45. НҰРОВ Қанат Ильяұлы
46. НҰРЫМОВА Гүлдара Алданышқызы
47. НЫҒМАТУЛИН Нұрлан Зайроллаұлы
48. ОМАРБЕКОВА Жанат Әнуарбекқызы
49. ОСПАНОВ Берік Серікұлы
50. ПАВЛОВЕЦ Лариса Павловна
51. ПАНЧЕНКО Игорь Иванович
52. ПЛАТОНОВ Артур Станиславович
53. РАЗЗАҚ Нәзиля Раззақбайқызы
54. РАҚЫМЖАНОВ Әмірхан Мұратбекұлы
55. РАМАЗАНОВА Ләззат Керімқұлқызы
56. РАУ Альберт Павлович
57. САЙЫРОВ Ерлан Бияхметұлы
58. САПАРОВА Әлия Сүйіндікқызы
59. САРТБАЕВ Бауыржан Мейрамбекұлы
60. САРЫМ Айдос Әміроллаұлы
61. СИМОНОВ Сергей Анатольевич
62. СМАҒҰЛ Бахытбек
63. СМЫШЛЯЕВА Екатерина Васильевна
64. СҮЛЕЙМЕНОВА Жұлдыз Досбергенқызы
65. СҮЛЕЙМЕНОВА Зүлфия Болатқызы
66. ТАЙЖАНОВ Ерлік Серікбайұлы
67. ТАШҚАРАЕВ Ғани Әбдіғаниұлы
68. ТӘЖМАҒАМБЕТОВА Мақпал Мазаққызы
69. ТЕЛПЕКБАЕВА Жанна Тілеубекқызы
70. ТОРҒАЕВ Бекқали Нұрғалиұлы
71. ТӨЛЕПБЕРГЕН Мейрамбек Мылтықбайұлы
72. ТҰРҒАНОВ Дүйсенбай Нұрбайұлы
73. ТІЛЕУХАН Бекболат Қанайұлы
74. УНЖАКОВА Ирина Сергеевна
75. ҮЙСІМБАЕВ Асқарбек Съезбекұлы
76. ШИПОВСКИХ Геннадий Геннадьевич
«Ақ жол» Қазақстанның демократиялық партиясы&nbsp;<a href="https://www.inform.kz/kz/ak-zhol-partiyasynan-mazhilis-deputattary-belgili-boldy_a3740145">депутаттары</a>:
1. Перуашев Азат Тұрлыбекұлы
2. Әбілдаев Азамат Рахатұлы
3. Барлыбаев Ерлан Хайланұлы
4. Дүйсембинов Берік Сәлімжанұлы
5. Ерубаев Серік Сәрсенұлы
6. Еспаева Дәния Мәдиқызы
7. Жұмабаева Айгүл Қызырқызы
8. Иса Қазыбек Жарылқасынұлы
9. Линник Андрей Григорьевич
10. Өмірғали Ерлік Хайдарұлы
11. Раманқұлов Мақсат Базаралыұлы
2. Сембинов Азат Талғатұлы
Қазақстанның халық партиясы&nbsp;<a href="https://www.inform.kz/kz/mazhiliske-saylau-kazakstan-halyk-partiyasy-deputattar-tizimin-zhariyalady_a3740518">дептуттары:</a>
1) Айқын Қоңыров
2) Жамбыл Ахметбеков
3) Ирина Смирнова
4) Айбек Паяев
5) Сергей Решетников
6) Файзулла Каменов
7) Ғазиз Құлахметов
8) Ерлан Смайылов
9) Александр Милютин
10) Айжан Сқақова

ҚР Парламенті Мәжілісінің толық құрамы жасақталды

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының тергеу бөлімінің тергеушісі Нұрмағанбет Нұрбол 1982 жылы туған, жұмыссыз, бұрын сотты болған қаржы пирамидасын құрған әйелді ұстады. Алаяқ&nbsp;152 азаматтан 91 миллион 496 мың теңге қаржыны қолды еткен.
Оқиға 2019 жылдың тамыз айынан бастау алды. Ол «WhatsApp» желісінде «Ай-шуақ» тобын ашып, қаржылық (инвестициялық) пирамида құрып, оған басшылық жасаған. Топқа қосылған бірінші қатысушылар алғашқы салымдарын салып, 40 пайыз үстемесімен&nbsp; өз қаражаттарын қайтарып алып отырғаны белгілі болды. Жалпы айналымдағы қаржы 1 млрд 695 млн 538 мың теңгені құраған. Уақыт өте келе, артынан кірген пирамида қатысушыларына, құр уәде үйіп-төгіп, көзден таса болған.
Осы аталған дерек бойынша Қазақстан Республикасының Қылмыстық кодексінің 217-бабының 3-бөлігінің 2-тармағымен (қаржылық (инвестициялық) пирамиданы құру және оған басшылық ету, аса ірі мөлшерде ақшаны немесе өзге мүлікті тарта отырып жасалған) сотқа дейінгі тергеп-тексеру амалдары жүргізілді.
Қызылорда қалалық сотының шешімімен айыпталушы 5 жылға бас бостандығынан айырылды.

Қызылордада 90 млн-нан астам қаржы жымқырған алаяқ сотталды

<a href="https://kyzylorda-news.kz/">Kyzylorda-news.kz.</a> Қазақстанда 2021 жылғы 1 қаңтардан бастап әлеуметтік сала қызметкерлерінің лауазымдық жалақысы 50% – ға өсті. 2022 жылы лауазымдық жалақы 25% – ға, ал 2023 жылы тағы 25% – ға өседі. Бұл мақсатқа мемлекеттік бюджеттен алдағы үш жылға 95 млрд теңге бөлінді. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.
ҚР Үкіметінің ағымдағы жылғы 12 қаңтарда өткен отырысы аясында «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысына өзгерістер енгізу туралы» қаулы қабылданды, оған сәйкес өз қызметін стационарлық және жартылай стационарлық үлгідегі медициналық-әлеуметтік мекемелерде (бұдан әрі – МӘМ), үйде қызмет көрсету ұйымдарында, уақытша болу ұйымдарында және жұмыспен қамту орталықтарында жүзеге асыратын басшы құрам мен негізгі персоналдың (әлеуметтік қызметкерлер, педагогтар, медицина қызметкерлері және т.б.) лауазымдық жалақысын үш жыл ішінде арттыру көзделген.
Нәтижесінде 2021 жылғы 1 қаңтардан бастап осы қызметкерлердің лауазымдық айлықақысы 50%-ға, 2022 жылы ағымдағы мәннен 25%-ға, 2023 жылы тағы 25%-ға өседі.
Қаулыда сондай-ақ қолданыстағы қосымша ақының мөлшерін базалық лауазымдық жалақының 30% – ынан лауазымдық жалақының 40% – ына өзгерту жолымен стационарлық және жартылай стационарлық үлгідегі МӘМ-де, үйде қызмет көрсету және уақытша болу ұйымдарында жұмыс істейтін әкімшілік және қосалқы персонал үшін жалақыны арттыру көзделген.
Осы мәселені іске асыру әлеуметтік қорғау қызметкерлерінің еңбекақы деңгейін білім беру және денсаулық сақтау салалары қызметкерлерінің жалақысына жақындатуға мүмкіндік береді, бұл кадрларды сақтауға және халыққа сапалы әлеуметтік қызмет көрсетуге ықпал ететін болады.

Қазақстанда әлеуметтік қызметкерлердің лауазымдық еңбекақысы 2 есеге өседі

<a href="https://kyzylorda-news.kz/">Kyzylorda-news.kz.</a> Қызылорда облысында ұзындығы 1483 шақырым жолға 28 822 тексеру жүргізілді.
Тексеру шараларының нәтижесінде анықталған ақаулар бойынша Қызылорда облысы Полиция департаментінің Әкімшілік полиция басқармасының Жол және техникалық инспекция бөлімімен 1649 ұйғарым мекемелерге беріліп, 209 әкімшілік хаттама толтырылды.
Жергілікті атқарушы органдарға 279 ұсыныс жолданып, нәтижесінде облыс бойынша 315 жол белгісі орнатылып, 498-і қайта жаңғыртылды.
Сонымен қатар, облыс орталығындағы Н.Назарбаев даңғылының қиылысы-Б.Баймаханов, Н.Назарбаев даңғылының қиылысы – Мүсілімұлы, Тәуелсіздіктің 25 жылдығы даңғылының қиылысы-Қызылорда қаласы Ш. Есенов, Жаңақорған ауданы М. Көкенов – Тәуелсіздік қиылысына барлығы 4 бағдаршам орнатылды. Сондай-ақ Тәуелсіздіктің 25 жылдығы көшелерінің қиылысы бойынша көше – жол желісінің екі қиылысында-Ш.Есенов оң жақ бұрылыс арналар ұйымдастырылды. &nbsp;&nbsp;&nbsp;&nbsp;&nbsp;
Жол-көлік оқиғаларының алдын алу және оларға жол бермеу мақсатында Қызылорда облысы Полиция департаментінің қызметкерлері жағдайды бақылауда ұстайды.

Қызылордада 1483 шақырым жолға тексеру жүргізілді

<a href="https://kyzylorda-news.kz/">Kyzylorda-news.kz.</a> Қазақстанда жаңа Экологиялық кодекстің қабылдануына байланысты ауаға тиісті нормадан артық ластаушы заттар шығаратын көліктерге салынатын айыппұл мөлшері артады, деп хабарлайды ҚР Экология, геология және табиғи ресурстар министрлігінің баспасөз қызметі.
Бұл кодекстің «ластаушы төлейді» принципіне сәйкес келеді. ҚР Әкімшілік құқықбұзушылық туралы кодексіне (334 бап) енгізілген өзгерістерге сәйкес шығарындылардағы ластаушы заттардың мөлшері белгiленген нормативтерден асса, жеке көлік иесі 10 айлық, заңды тұлғалар 100 айлық есептік көрсеткіш мөлшерінде айыппұл төлейді. Ал бұзушылық бір жыл ішінде қайталанса, жеке тұлғаларға 20, заңды тұлғаларға 200 АЕК айыппұл салынады. Жаңа норма шілде айында күшіне енеді. Ал әзірге қолданыстағы заңнамаға сәйкес жеке тұлғаларға ескерту жасалады немесе 2, қайталанған жағдайда 5 АЕК айыппұл жазылады.
Сонымен бірге өңірлердің экологиялық проблемаларын кешенді шешу бойынша Жол карталары қабылданғанын, аталған құжаттарда автокөлік шығарындыларын азайту бағытында атқарылатын шаралар да қарастырылғанын атап өткіміз келеді. Мысалы, Нұр-Сұлтан қаласының Жол картасына сәйкес техникалық байқау орталықтарына қойылатын талаптар қатаңдатылады. Бұрын техбайқау пункттерін ашқысы келетін кәсіпкер ол туралы тек хабарлауға тиіс болса, енді арнайы рұқсат алуы тиіс. Мұндай орталықтарға бірыңғай бағдарламалық қамтамасыз ету де енгізіледі. Сақтандыру полисін алу кезінде техникалық байқаудан өту міндеттемесі жүктеледі. Сонымен қатар техбайқау операторының қызметін тоқтата отырып, міндетті техникалық байқауды ұйымдастыру және өткізу қағидаларын бұзғаны үшін әкімшілік айыппұлдарды ұлғайту да қарастырылған.
Атап өтейік, елімізде экологиялық талаптарға сәйкес келмейтін автокөліктер техбайқау кезінде Экология департаменттерінің Ішкі істер басқармасымен немесе көліктік бақылау органдарымен бірлескен рейдтері барысында және кәсіпорындарға жүргізілетін профилактикалық тексеру кезінде анықталады. Автокөліктен шығатын ластаушы заттар нормативтерінің сақталуын Экология департаменттері газталдағыш «Автотест», «Мета-01», т.б. өлшеу құралдары арқылы тексереді.

Қазақстанда ауаны шамадан тыс ластайтын көліктерге салынатын айыппұл артады

<a href="https://kyzylorda-news.kz/">Kyzylorda-news.kz.</a> Ауруханалар, полиция, жер басқармасы, орталық кеңселер, мемлекеттік балабақшалар – сыбайлас жемқорлық жағдайы көп кездесетін мемлекеттік мекемелер. Бұл туралы «Transparency Kazakhstan» ҚҚ атқарушы директоры Ольга Шиян Орталық коммуникациялар қызметінде өткен брифингте айтты, деп хабарлайды <a href="https://www.inform.kz/kz/kanday-organdarda-zhemkorlyk-faktileri-zhii-kezdesedi_a3740482">ҚазАқпарат</a>.
<blockquote>
 «Қазақстандағы сыбайлас жемқорлық жағдайының мониторингі өткен жылы күз айында жүргізілді. Республика бойынша 9 мың респонденттен республикалық маңызы бар үш қалада және 14 облыс орталығында, 164 аудан орталығында сұхбат алынды. Сонымен қатар, біз «Ашық диалог» порталынан бір жарым мыңға жуық шағымды зерттедік. Зерттеуге 200-ге жуық сарапшы, 173 дала әлеуметтанушы мен 12-ге жуық сарапшы жұмылдырылды», – деді спикер.
</blockquote>
Оның айтуынша, аймақтар бойынша сыбайлас жемқорлық жағдайымен көбінесе Жамбыл, Алматы, Батыс Қазақстан, Қарағанды, Қызылорда және Атырау облыстарының тұрғындары бетпе-бет келген.
<blockquote>
 «Бұл аймақтардағы біздің респонденттер келіссөз жүргізу қажеттілігі жиі туындайтынын хабарлады. 2020 жылдың нәтижесі бойынша сауалнамаға қатысқан тұрғындардың 11,3% -ы өздерінің жемқорлық жағдайына тап болғанын хабарлады. Ауруханалар, полиция, жер басқармасы, орталық кеңселер, мемлекеттік балабақшалар – сыбайлас жемқорлық жағдайы көп кездесетін мемлекеттік мекемелер. Әйтсе де 2019 жылмен салыстырғанда респонденттердің сыбайлас жемқорлық жүйесімен бетпе-бет келу жағдайы 1 пайызға төмендегені байқалады», – деді Ольга Шиян.
</blockquote>

Ольга Шиян: Қызылорда облысының тұрғындары сыбайлас жемқорлық жағдайымен жиі бетпе-бет келеді

<a href="https://kyzylorda-news.kz/">Kyzylorda-news.kz.</a> Техникалық және кәсіптік білім беру бойынша заңға жаңа түзетулер енгізілді, деп хабарлайды&nbsp;<a href="https://stan.kz/">Stan.kz</a>.
Жаңа өзгертулер туралы білім және ғылым министрі Асхат Аймағамбетов айтып берді.&nbsp;
<blockquote>
 “Енді студенттердің дуалды жүйесі арқылы білім алған мерзімі еңбек өтілі ретінде есептелетін болады. Бұл колледж түлектерінің жұмысқа айтарлықтай тәжірибемен орналасу мүмкіндігін арттырады. Бекітілген заңнамаға сәйкес уәкілетті органның колледждерде оқу мерзімдерін белгілеуі туралы норма алынып тасталды”, – дейді Аймағамбетов.&nbsp;
</blockquote>
Бұған дейін&nbsp;әр біліктіліктер бойынша білім алу мерзімдерін қатаң бекітілген болатын. Орташа есеппен алғанда, оқу мерзімі 2 жылдан 3 жыл 10 айға дейін жалғасатын. Алайда жаңа өзгерістер бойынша талаптар мүлдем басқа.&nbsp;
<blockquote>
 “Енді оқу ұзақтығы нақты білім беру бағдарламасына және қажетті оқу нәтижелеріне байланысты болады. Жаңа өзгерістерге сәйкес колледждер жұмыс берушілермен келісе отырып, кәсіптік стандарттар немесе нарық талаптары негізінде білім беру бағдарламаларын әзірлейтін болады. Кейін оны ҚР БҒМ бағдарламаларының тізіліміне қосып, соған байланысты кадрлар дайындайды. Осылайша, жұмысшы және орта буын мамандарын даярлауда колледждердің икемділігі арта түседі”, – дейді министр.&nbsp;
</blockquote>
Яғни, колледждер жұмыс берушілермен бірлесіп, білім беру бағдарламаларының мазмұнын өздері қалыптастыратын болады.
<blockquote>
 “Оқу жоспарлары мен бағдарламалары жастарға қажетті біліктіліктер алуға және қысқа мерзімде жұмысқа орналасуға жағдай жасайды, сондай-ақ олар қажет болған кезде оқуға қайта оралып, басқа да қосымша біліктіліктер мен дағдыларды меңгере алады. Бұл шаралар өндірістегі технологиялық өзгерістерге және еңбек нарығының сұраныстарына бейімделуге мүмкіндік береді. ТжКБ жүйесі оқу аяқталғанға дейін іс жүзінде жұмыс берушілердің талаптарына сәйкес келетін мамандарды даярлайтын болады. Айтпақшы, бұған дейін дәл осындай норма академиялық дербестікті кеңейту шеңберінде жоғары білім беру жүйесінде де қабылданып, өзінің тиімділігін көрсеткен болатын”, – дейді Аймағамбетов.&nbsp;
</blockquote>
Колледж өкілдері көтерген тағы бір мәселе шешімін тапты. Енді колледждер ақылы негізде қызмет көрсетіп, оқу-өндірістік шеберханаларда, шаруашылықтарда, оқу полигондарында дайындаған тауарларын сата алады.
<blockquote>
 “Мысалы, “Дәнекерлеу ісі” мамандығы бойынша оқитын студенттер практика кезінде темірден сапалы конструкциялар жасайды, жас кондитерлер керемет өнімдер пісіреді, қолөнер бағытындағы мамандықтары бойынша оқитын студенттер киізден, керамикадан, ағаштан, былғарыдан, зергерлік бұйымдардан авторлық бұйымдар дайындайды. Бірақ оның бәрін сата алмайтын. Енді олар өз қолымен дайындаған өнімдерін (жұмыстарын, қызметтерін) сата алады және түскен табыс есебінен шеберханалар үшін қосымша шығын материалдарын сатып алуына болады”, – дейді министр.&nbsp;
</blockquote>
Оқу тәжірибесі кезінде студенттер дайындаған өнімдерді сатуға рұқсат беру арқылы өндірістік оқытудың сапасын арттыруға болады. Тұтастай алғанда, мұны кадрларды даярлау сапасын арттыру үшін жасалған ынталандыру ретінде де қарастыруға болады.
<blockquote>
 “Қазіргі уақытта жоғары оқу орындарына қарасты біраз колледждер жұмыс істейді, бірақ қолданыстағы заңнамаға сәйкес ол оқу орындары бюджет есебінен кадрларды даярлау үшін мемлекеттік тапсырыс ала алмайды. Жаңа түзетулерге сәйкес бұл мәселе оң шешімін тапты”, – дейді ол.
</blockquote>
Мемлекеттік тапсырысты алу үшін колледждердің аккредиттеуден өтуіне қатысты талаптар алынып тасталды. Бұл процедура айтарлықтай бюджеттік шығындарды талап ететін. Қазір талаптар өзгертілді.&nbsp;
<blockquote>
 “Енді ТжКБ ұйымдары уәкілетті орган белгілеген талаптарға сәйкес келген жағдайда аккредиттеуден өтпей-ақ мемлекеттік тапсырысты орналастыру рәсіміне қатыса алады. Техникалық және кәсіптік білім беру (ТжКБ) жүйесі болашақ мамандарды неғұрлым икемді, бейімделгіш, тиімді етіп және жұмыс орындарында талап етілетін құзыреттерді барынша үйретуге дағдылануы тиіс”, – дейді Аймағамбетов.
</blockquote>

Техникалық мамандықтағы студенттердің білім алған мерзімі еңбек өтілі ретінде есептелетін болды

<a href="https://kyzylorda-news.kz/">Kyzylorda-news.kz.</a> ҚР Сыбайлас жемқорлыққа қарсы іс-қимыл агенттігінің төрағасы Алик Шпекбаев сыбайлас жемқорлыққа қарсы саясат қалай жүргізілгенін баян етті, деп хабарлайды <a href="https://www.inform.kz/kz/alik-shpekbaev-turmystyk-zhemkorlykty-zhoyu-kadamdaryn-atady_a3740467">ҚазАқпарат</a>.
<blockquote>
 «Тұрмыстық сыбайлас жемқорлық деңгейінің жоғарылығы шектен тыс бюрократизм, қасақана әуре-сарсаңға салу, мемлекеттік мекемелердің жабықтығы мен күнделікті жұмыстағы айқындықтың жоқтығына тікелей байланысты екені белгілі. Ал ашықтық, айқындық және есептілік, тұтынушыға толық бағдарлану мен жоғары қызмет көрсетуге негізделген ақылды цифрландыру, мемлекеттік қызметшілердің әдеп пен мінсіз-жүріс тұрыс үлгілерін сақтауы – азаматтардың мемлекеттік институттарға сенімінің басты шарты», – деп жазды агенттік төрағасы Facebook парақшасында.
</blockquote>
Алик Шпекбаев мемлекеттің 2020 жылғы сыбайлас жемқорлыққа қарсы саясатының негізгі міндеттерінің бірі қала, аудан, ауылдық әкімдіктерді сервистік үлгіге көшіру болғанын жазды.
<blockquote>
 «Біз бұл жұмысты мемлекеттік аппараттың ашықтығы мен тұтынушыға бағдарлануын арттыруға бағытталған республикалық «Адалдық алаңы» жобасы аясында іске асырдық. Бұл жобаның Елбасының бастамасымен қолға алынғанын және «Халық үніне құлақ асатын мемлекет» тұжырымдамасын іске асыру аясында Президенттің қолдауына ие болғанын атап өткен жөн. Антикордың, барлық деңгейдегі әкімдіктер мен жұртшылықтың үйлесімді жұмысының арқасында 317 әкімдік сервистік форматқа көшті. Бұл – облыстық маңызы бар қалалар мен аудандар 100 пайыз қамтылды деген сөз. Сіз «бұл азаматтарға не береді?» деп сұрауыңыз мүмкін. Біріншіден, 900 тосқауылсыз фронт-кеңсе жоғары сұранысқа ие мемлекеттік қызметтерді жедел түрде көрсетіп қана қоймай, азаматтарға көптеген мәселесі бойынша қарапайым және қолжетімді түрде кеңес беруге мүмкіндік береді. Ең бастысы, бұл шара қызметтік қабаттар мен кабинеттерді араламай, бір жерден көмек алу мүмкіндігін жасап, мемлекеттік қызметшілер мен азаматтар арасындағы алшақтықты айтарлықтай азайтады», – деді ол.
</blockquote>
Агенттік басшысы сонымен қатар мемлекеттік білім беру және денсаулық сақтау мекемелерінің 5 мыңнан астам бірінші басшысы өздерінің ыңғайлы кеңселерінен шығып, бірінші қабаттағы «әйнек кабинеттерде» жұмыс істеуге көшкенін жеткізді.
<blockquote>
 «Үшіншіден, 1400-ден астам мемлекеттік мекемеге енгізілген open space форматындағы қызметтік кеңістік дизайны мемлекеттік қызметшілерде ашықтық пен айқындық күнделікті жұмыс стандартына айналатын жаңа әдеттерді қалыптастыра бастады. Тұрмыстық жемқорлықты жою тұрғысынан мемлекеттік қызметтерді үдемелі цифрландыруды да атап өту маңызды. Оның деңгейі – қазірдің өзінде 93%. Демек, бұл осы саладағы тұрмыстық жемқорлықтың барынша төмендетілгенін көрсетеді. Оған халыққа 1 миллионнан астам мемлекеттік қызмет көрсеткен сервистік әкімдіктердегі «connection points» деп аталатын цифрлық өзіне-өзі қызмет ету бұрыштары айтарлықтай үлес қосуда», – деді ол.
</blockquote>
Алик Шпекбаев жазба соңында мемлекеттік органдардың жұмысын ашықтық, қолжетімділік, айқындық және есептілік призмасы арқылы өзгерту жалғаса беретінін хабарлады.
<blockquote>
 «Біздің міндетіміз – осы стандарттарды бүкіл ел аумағына енгізу», – дейді ол.
</blockquote>

Қазақстан және Қызылорда облысының жаңалықтары