<a href="https://kyzylorda-news.kz/">Kyzylorda-news.kz</a>. 2021 жылғы 2 қаңтардағы Қазақстан Республикасының заңына сәйкес Ұлттық банкте Ақша-кредит саясаты жөніндегі комитет құрылды.
ҚРҰБ Ақша-кредит саясаты жөніндегі комитеті Мемлекет басшысының 2020 жылғы 1 қыркүйектегі Қазақстан халқына арнаған Жолдауындағы тапсырмасына сәйкес құрылды. Бұл комитет Ұлттық банктің басқармасымен және директорлар кеңесімен қоса жұмыс атқарып жүрген қызметкерлерден тұратын үшінші орган болады.
«Ақша-кредит саясаты комитетінің құзыретіне базалық мөлшерлеме туралы шешімдер қабылдау, ақша-несие саясатының негізгі операциялары бойынша пайыздық мөлшерлемені белгілеу және Ұлттық банк басқармасының айрықша құзыретіне кірмейтін ақша-кредит саясатының басқа мәселелері бойынша шешім қабылдау кіреді», – делінген Ұлттық банктің баспасөз қызметі таратқан мәліметте.
Орта мерзімді перспективада комитет құрамына макроэкономика мен ақша-кредит саясатында мамандандырылған және мол тәжірибесі бар тәуелсіз мүшелер алынады.
Ақша-кредит саясаты жөніндегі комитеттің құрылуы инфляцияға бағытталған елдердің үздік тәжірибелеріне сәйкес келеді және ақша-кредит саясаты шешімдерінің тиімділігі мен ашықтығын арттырады.
<a href="https://24.kz/kz/zha-aly-tar/ekonomika/item/450283-ltty-bankte-zha-a-komitet-ryldy">Хабар 24</a>

Ұлттық банкте жаңа комитет құрылды

<a href="https://kyzylorda-news.kz/">Kyzylorda-news.kz</a>. Өңірдегі қорда коронавирус инфекциясына қарсы дәрілік заттар жеткілікті. Мәселен, жыл басынан бері 155,3 млн. теңгені құрайтын 6 миллионға жуық дәрілік зат алынған. Оның ішінде, ыстықты түсіретін дәрі, антибиотик, вирусқа қарсы, иммуностимулятор, медициналық бұйымдар, инъекциялық және гормондық препараттар бар. Жуырда қосымша 124 млн. теңгені құрайтын дәрілік зат әкелінетін болады.
<blockquote>
 Қазіргі таңда антибиотиктердің 382 755, вирусқа қарсы препараттардың 15 221, антикоагулянттардың 1 317, ыстықты түсіретін препараттардың 166 687 қорабы бар. Биыл 6512 дәрілік зат атауына шекті баға бекітілді. Сонымен қатар, вирусқа қарсы 134 дәріге нарықтан төмен шекті баға енгізілді. Дәрі-дәрмектерге мониторинг тұрақты жүргізілуде, – деді облыстық медициналық және фармацевтикалық бақылау департаментінің бөлім басшысы Нұрбек Әділханов.
</blockquote>

Биыл 6 миллионға жуық дәрілік зат алынды

<a href="https://kyzylorda-news.kz/">Kyzylorda-news.kz</a>. Өткен жылдың қыркүйек айында Шиелі ауданының тұрғыны полицияға арызданып, 2 әйелдің «Қызылорда қаласынан 1 бөлмелі пәтер алып беремін» деген желеумен жалпы 2&nbsp;270&nbsp;000 теңге көлемінде ақшасын алдап алғанын көрсеткен.
Аталған дерек бойынша &nbsp;Қазақстан Республикасы Қылмыстық кодексінің 190-бабының 2-бөлігінің 1-тармағымен /алаяқтық дерегі/ сотқа дейінгі тергеп-тексеру амалдары жүргізілді. &nbsp;
Тергеу барысында күдікті қатарында танылған Қызылорда қаласының тұрғындары 54 және 44 жастағы 2 азаматша алдын ала сөз байласуы арқылы жасаған қылмыстық әрекеттерін толығымен мойындаған. Бұдан бөлек, тергеу барысында олардың бұл қылмыстан бөлек тағы алаяқтық қылмыс жасағаны анықталып, аталған қылмыстық істер бір өндіріске біріктірілген.
Тергеу барысында күдікті азаматшалардың алаяқтық іс-әрекеттері толығымен өз дәлелін тауып, аталған іс айыптау актісімен сотқа жолданды.&nbsp;Сот процесінде олар өз кінәсін толығымен мойындады. &nbsp;&nbsp;
Қызылорда қалалық сотының үкімімен сотталушы азаматшалар кінәлі деп танылып, бірі 4 жылға, ал екінші әйел 1 жыл мерзімге бас бостандығынан айырылды.

Қызылордада 2 алаяқ әйел  сотталды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирус инфекциясымен тіркелген науқастар саны – 3 506. Ал індеттен айыққан науқастар саны 3408-ге жетті. Соңғы тәулікте жеті науқас емделіп шықты.
Бүгінде инфекциялық стационарда 27, ал стационардың реанимация бөлімінде 3 науқас ем алуда.
Сондай-ақ, коронавирус инфекциясы анықталған азаматтармен байланыста болғаны- 14 994, тікелей қарым-қатынас-12 246, ықтимал қарым-қатынас – 2 748.
Өткен тәулікте зертханаға тапсырылған сынамалар саны – 1098, тексерілгені – 738, жұмыс жасалуда – 360. Қалдық тест саны – 31 257. Эпид маусым басталғалы бері 183 473 сынама алынды.

Covid-19: Соңғы тәулікте жеті науқас емделіп шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте ПТР арқылы 1180 адамнан коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-20-kantar-23-59-dagy-epidemiologiyalyk-zhagday_a3743463">coronavirus2020.kz</a>&nbsp;сайты.
Аймақтар бойынша:
Нұр-Сұлтан қаласы – 237,
Алматы қаласы – 115,
Шымкент қаласы – 14,
Ақмола облысы – 132,
Ақтөбе облысы – 10,
Алматы облысы – 82,
Атырау облысы – 82,
Шығыс Қазақстан облысы – 31,
Жамбыл облысы – 25,
Батыс Қазақстан облысы – 55,
Қарағанды облысы – 71,
Қостанай облысы – 67,
Қызылорда облысы – 6,
Маңғыстау облысы – 17,
Павлодар облысы – 140,
Солтүстік Қазақстан облысы – 78,
Түркістан облысы – 18.
Жалпы ел бойынша ауырғандар саны 172412.

Қызылордада бір тәулікте 6 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. 21 қаңтар күні республиканың басым бөлігінде қар жауады. Елдің оңтүстігінде, орталығында жауын-шашын күтіледі, жекелеген өңірлерде жауын-шашын (жаңбыр, қар) қатты жауатыны болжанады.
Кей жерлерде тұман, жаяу бұрқасын, екпінді жел сақталады. Оңтүстікте, оңтүстік-батыста, орталық пен шығыста көктайғақ болуы ықтимал, деп хабарлайды «Қазгидромет».
Қызылорда облысының кей жерлерінде тұман, көктайғақ, жаяу бұрқасын болжанады, жел 15-20 м/с артады

Қазақстанның басым бөлігінде қар жауады

<a href="https://kyzylorda-news.kz/">Kyzylorda-news.kz</a>. «Қазгидромет» РМК-сы қаңтардың 21-23 аралығындағы ауа райы болжамын жариялады.
Кәсіпорын таратқан мәліметтерге қарағанда, солтүстік және оңтүстік циклондардың қосылуы республиканың оңтүстігі мен шығысында қатты жауын-шашын тудырады. Кей жерлерде жел күшейеді, оңтүстікте және шығыста, сондай-ақ орталықта, өте күшті жел болуы ықтимал. Кей жерлерде бұрқасын, тұман, көктайғақ болады. Солтүстік өңірлерде ауа температурасы түнде -25…-30°С дейін төмендейді.

Алдағы үш күнге арналған ауа райы болжамы жарияланды

<a href="https://kyzylorda-news.kz/">Kyzylorda-news.kz</a>. Қызылорда облысында соңғы тәулікте төрт оқушы коронавирус жұқтырды.
Қазір облыста қатерлі дертке шалдыққан 3500 адам есепке алынған. Оның ішінде 14 жасқа дейінгі балалар саны – 227.
Соңғы тәулікте 7 адамнан коронавирус анықталды. Оның 6-уы Қызылорда қаласында тұратын болса, 1-уі Жалағаш ауданынан анықталған. Олардың 4-уі мектеп оқушысы болып отыр.
<blockquote>
 «ПТР талдаулары 5 пациенттен коронавирус жұқтырған адамдармен қарым-қатынаста болуы себепті алынса, 2 науқастан профилактикалық мақсатта алынған. Бір науқаста коронавирус инфекциясының клиникалық белгілері байқалса, қалған пациенттерде коронавирус инфекциясының симптомсыз түрі анықталды», – деді Қызылорда облысы санитариялық-эпидемиологиялық бақылау департаментінің баспасөз қызметі.
</blockquote>
Ведомствоның мәліметінше, науқастармен қарым-қатынаста болған адамдар медициналық бақылауға алынған. Профилактикалық және эпидемияға қарсы шаралар жүргізілуде.
<a href="https://lenta.inform.kz/kz/kyzylordada-songy-taulikte-tort-okushy-koronavirus-zhuktyrdy_a3743202">ҚазАқпарат</a>

Қызылордада соңғы тәулікте төрт оқушы коронавирус жұқтырды

<a href="https://kyzylorda-news.kz/">Kyzylorda-news.kz</a>. Қазақстандықтар желіде WhatsApp-тың жаңа ережелері туралы жалған ақпарат таратып жатыр, деп хабарлайды&nbsp;<a href="https://stopfake.kz/kk/archives/4235">StopFake.kz.</a>
Хабарламада “WhatsApp мессенджерінде бүкіл қоңырау жазылатыны және пайдаланушылардың жеке мәліметтері мен хаттары үшінші тұлғаларға қолжетімді болатыны” айтылған.
Алайда мұның фейк екені анықталды.
<blockquote>
 “Былтыр желтоқсанда WhatsApp деректерді өңдеудегі өзгерістер туралы мәлімдеме жасады. Бірақ онда қолданушылардың жеке ақпаратын үшінші тұлғаларға беру қарастырылмаған”, – деп жазады StopFake.kz.
</blockquote>
Қолданушылар жаңа ережелерді қабылдауға міндеттелген еді. Әйтпесе, аккаунтты бұғаттап тастауға уәде берді.
Бұған наразы болған адамдар мессенджерді пайдаланудан жаппай бас тартты. Мұндай реакциядан кейін Facebook әкімшілігі жаңашылдықты кейінге қалдырды.
WhatsApp блогындағы ақпаратқа сәйкес, бұрын хабарланғандай, 8 ақпанда жаңа ережелермен келіспеген қолданушылардың аккаунты бұғатталмайды.
<blockquote>
 “Біз WhatsApp-тағы құпиялылық пен қауіпсіз хат алмасу қағидалары туралы қауесеттерді жоққа шығару үшін белсенді жұмыс істейміз. Содан кейін пайдаланушыларымызға біртіндеп 15 мамырға дейін жаңа саясатпен танысуды ұсынамыз”, – делінген хабарламада.
</blockquote>
Қорыта айтқанда, үшінші тараптардың WhatsApp қолданушыларының жеке хаттарына заңды түрде қол жеткізе алатыны туралы хабарламалар – жалған, деп нақтылады портал.

WhatsApp-та таралып жатқан ақпарат рас па?

<a href="https://kyzylorda-news.kz/">Kyzylorda-news.kz</a>.&nbsp; Стоматологиялық көмек түрі кімдер үшін тегін көрсетіледі? МӘМС бойынша сақтандырылған азаматтарға дантинст тегін көмек көрсетуі тиіс. Сіз қандай жағдайда қажетті құқығыңызды қолдана алатыныңыз туралы баяндаймыз.
Шұғыл жағдайда
– 18-жасқа дейінгі балалар
– жүкті әйелдер
– ҰОС ардагерлері
– зейнеткерлер
– 1,2 және 3 топтағы мүгедектер
– «Күмiс алқа» және «Алтын алқа» төсбелгілерінің иелері
– мекен-жайлы әлеуметтік көмек алушылар
– мүгедек баласын бағып отыған жұмыссыз азаматтар
– 1 топтағы жастайынан мүгедек адамды бағып отыған жұмыссыз азаматтар
Көрсетілетін көмек түрлері
– жансыздандыру
– салманы дайындау және орналастыру
– жансыздандыру арқылы тіс жұлу
– периостотомия
– абцесті ашу
Жоспарлы түрде кімдерге тегін?
– 18-жасқа дейінгі балалар
– жүкті әйелдер
Көрсетілетін көмек түрлері қандай?
– жансыздандыру арқылы тіс жұлу
– салманы дайындау және орналастыру
Мектептер бойынша тегін көмек көрсетіледі
– ауыз қуысын тексерістен өткізу
– жарықтарды жабу (тістердің беткейінде орналасқан табиғи ойықтар)
Қосымша сұрақтың жауабын 1406 нөміріне қоңырау шалып білуге болады. Байланыс орталығы тәулік бойы қызмет жасайды. Мобильді және қалалық телефон көзінен қоңырау шалу Қазахстан Республикасы территориясының барлық аймақтары бойынша тегін.
<img src="https://kyzylorda-news.kz/wp-content/uploads/2021/01/stom_jekstren-kaz-1.jpeg" alt="" />
<img src="https://kyzylorda-news.kz/wp-content/uploads/2021/01/stom_planovaja-kaz.jpeg" alt="" />

МӘМС: Тіс емдеу кімдер үшін тегін?

<a href="https://kyzylorda-news.kz/">Kyzylorda-news.kz</a>.&nbsp; Бірыңғай зейнетақы жинақтау қоры (БЖЗҚ) зейнетақы жинақтары туралы ақпарат алудың барлық әдістерін атады, деп хабарлайды <a href="https://lenta.inform.kz/kz/zeynetaky-zhinaktaryn-kalay-tekseruge-bolady_a3743227">ҚазАқпарат</a>.
БЖЗҚ салымшыларына ыңғайлы болу үшін зейнетақы жинақтары туралы ақпарат алудың бірнеше әдісі бар:
-электрондық цифрлық қолтаңбаны (ЭЦҚ) немесе enpf.kz веб-сайтындағы жеке кабинетіңізде пайдаланушы аты мен пароліңізді пайдаланып;
<ul>
<li>БЖЗҚ мобильді қосымшасында ЭСҚ немесе пайдаланушы аты мен парольді қолдану арқылы;</li>
<li>www.cabinet.enpf.kz/porog порталында ЭЦҚ немесе ЖСН және mGov мобильді азаматтар базасында тіркелген ұялы телефон нөміріне SMS арқылы жіберілетін бір реттік парольді пайдалану;</li>
<li>«Азаматтарға арналған электрондық үкіметтің» eGov.kz сайтында немесе eGov Mobile қосымшасы арқылы;</li>
<li>enpf.kz веб-сайтында құрылған салымшының мәлімдемесін БЖЗҚ деректер базасында тіркелген электрондық пошта мекен-жайына жіберу арқылы;</li>
</ul>
6- Салымшының қосымша сұрауынсыз БЖЗҚ деректер базасында тіркелген электрондық пошта мекен-жайына үзінді жіберу арқылы;
<ul>
<li>пошта қызметтері арқылы (жылына бір рет жылдық хабарлама кезінде, БЖЗҚ базасында тіркелген пошталық мекен-жайға);</li>
</ul>
-салымшының жеке басын куәландыратын құжаты бар жеке өтінішімен БЖЗҚ-ның кез келген жақын аймақтық филиалында.
БЖЗҚ-ның аймақтық филиалдарынан қызмет алу үшін қордың enpf.kz веб-сайтындағы «Электрондық қызметтер» бөліміндегі арнайы форманы толтырып, салымшыға ыңғайлы келу уақытын таңдап, дүйсенбіден жұмаға дейін сағат 09: 00-ден 18: 00-ге дейін алдын ала жазыла аласыз.
Барлық сұрақтар бойынша 1418 тегін нөміріне хабарласуға болады.

Зейнетақы жинақтарын қалай тексеруге болады?

<a href="https://kyzylorda-news.kz/">Kyzylorda-news.kz</a>. «Бастау» жобасы өткен жылдан бастап онлайн өткізілуде. Жоба аясында 2020 жылы Қызылорда облысы бойынша 2150 адамды оқыту жоспарланып, 2181 азамат сертификат алды. Олардың 1966-сы «аяқтағаны туралы», 205-і «қатысқаны туралы құжатқа ие болған.
Өткен жылы жоба аясында оқыған азаматтардың ішінде жалпы сомасы 422,1 млн теңгені құрайтын 746 қызылордалықтың жобасы қаржыландырылған. Оның 411,2 млн. теңгені құрайтын 741 жобасы мемлекеттік грант есебінен қаржыландырылса, 10,9 млн.теңгені құрайтын 5 жоба мемлекеттік бағдарлама шеңберінде жеңілдетілген несиеге қол жеткізген.
<blockquote>
 «Өткен жылы жоба 10 маусымда басталып, Қызылорда қаласы мен облыстың 7 ауданында, сондай-ақ Байқоңыр қаласында өткізілді. Елде төтенше жағдай жариялануына және карантиндік шаралардың енгізілуіне байланысты оқытудың кейбір ерекшеліктері болды. Оқу карантиге орай онлайн жүргізілді. Егер тыңдаушы белгілі бір дағдылар мен білімге ие болса және бейне сабақтарына тапсырмаларды сәтті орындаса, ол оқуды ертерек аяқтай алды», – дейді кәсіпкерлер палатасының директоры Ғалымбек Жақсылықов.
</blockquote>

Қазақстан және Қызылорда облысының жаңалықтары