<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысына «Bazis А» холдинг компаниясы» ЖШС директорлар кеңесінің төрағасы Александр Белович жұмыс сапарымен келді.
А.Белович осы сапарында Қызылорда қаласындағы бірнеше құрылыс жобаларымен танысты.
Аймақ басшысы Гүлшара Әбдіқалықова мен «Bazis А» холдинг компаниясы» ЖШС директорлар кеңесінің төрағасы Александр Белович алдымен «Қызылорда қаласы Сырдария өзенінің сол жағалауындағы бас көше жолының «Батыс Еуропа – Батыс Қытай» автотрассасымен жанасатын жерінде көлік айрығын салу» жобасын көрді. Құрылыстың бас мердігері – “Bazis Construction” ЖШС. Жоба құны 4 млрд. 274,941 млн теңгені құрайды. Жол айрықтың құрылысы 2022 жылы аяқталады деп жоспарланған. Өңір басшысы мен мәртебелі мейман көлік айрығының іргетасын қалап, құрылыс жұмысына сәттілік тіледі.Мұнан соң Г.Әбдіқалықова мен А.Белович «Рухани жаңғыру» орталығына барып, сол жағалауда салынатын «Гүл бульвары» жобасымен танысты. Аталған жоба тұрғындардың демалысы мен серуендеуіне арналған. Барлығы 12 га аумақта сәулеттік фигуралар, түрлі түсті композиция, балалар және ойын алаңдары, субұрқақ, велосипед, ролик үшін алаңдар орналасады деп жоспарланған.
“Қорқыт ата” әуежайының терминалын реконструкциялау және кеңейту» жобасы да аймақ басшысы мен «Bazis А» холдинг компаниясы» ЖШС директорлар кеңесінің төрағасыyың назарына ұсынылды. Жоба құны 1,5 млрд. теңге, құрылыстың аяқталу мерзімі 2022 жыл деп жоспарланған. Терминал толық іске қосылғанда сағатына 150 жолаушыға қызмет көрсетуге қабілетті болмақ.
<img src="https://kyzylorda-news.kz/wp-content/uploads/2021/01/140558211_3062875060482209_6863813198752090787_o.jpg" alt="" />
<img src="https://kyzylorda-news.kz/wp-content/uploads/2021/01/140548733_3062874550482260_3260588580095340488_o.jpg" alt="" />
<img src="https://kyzylorda-news.kz/wp-content/uploads/2021/01/141023105_3062875463815502_5968389214955638447_o.jpg" alt="" />
<img src="https://kyzylorda-news.kz/wp-content/uploads/2021/01/140998416_3062875783815470_3508621644545765621_o.jpg" alt="" />

Қызылордаға «BAZIS А» холдинг компаниясы» ЖШС директорлар кеңесінің төрағасы келді

<a href="https://kyzylorda-news.kz/">Kyzylorda-news.kz</a>. Halyk Bank тұрғын үй жағдайын жақсарту мақсатында бірыңғай жинақтаушы зейнетақы қорынан (БЖЗҚ) біржолғы зейнетақы төлемдерін (БЗТ) есепке алу және пайдалану жөніндегі уәкілетті операторы болды. Енді клиенттер онлайн режимінде Halyk Home bank қосымшасында бір реттік зейнетақы төлемдеріне (БЗТ) арналған арнайы шот аша алады. Арнайы шот ашу аталған төлемдерді алудың негізгі алғышарты болып табылады. БЗТ алудың екінші қадамы – өтінімді толтыру, бұл іс-әрекет аз уақытта қолжетімді болады.
Halyk Bank БЗТ операторы ретінде тұрғын үй жағдайларын жақсарту мақсатында БЖЗҚ-нан БЗТ-не арналған арнайы шоттарды келесі мақсаттарға ашып, жүргізеді:
<ul>
<li>бір банктік қарыз шарты шеңберінде жөндеу жүргізе отырып, тұрғын үйді және (немесе) тұрғын үйді сатып алуға ипотекалық тұрғын үй қарызын алу үшін бастапқы жарнаны енгізуге;</li>
<li>бір банктік қарыз шарты шеңберінде жөндеу жүргізе отырып, тұрғын үйді және (немесе) тұрғын үйді сатып алуға ипотекалық тұрғын үй қарызы бойынша берешекті ішінара немесе толық өтеуге;</li>
<li>ипотекалық тұрғын үй қарызын қайта қаржыландыруға.</li>
</ul>
Ескерте кететін бір жайт, Қазақстан Республикасының уәкілетті мемлекеттік органы/лауазымды адамы біржолғы зейнетақы төлемдерін пайдалану қағидаларын бекіткеннен кейін, сондай-ақ Банк БЖЗҚ-мен келісімге қол қойғаннан кейін&nbsp;БЗТ алуға онлайн өтінім беру&nbsp;Halyk Homebank қосымшасында мүмкін болады.
Halyk Homebank қосымшасында біржолғы зейнетақы төлемдеріне (БЗТ) арналған шотты қалай ашуға болатындығы туралы қосымша ақпаратты келесі <a href="https://halykbank.kz/kz/other/epv?utm_medium=press-release&utm_source=press-release&utm_campaign=press-release">сілтемеден</a> қараңыз.
Мобильді HalykHomebank қосымшасын осы <a href="https://play.google.com/store/apps/details?id=kz.kkb.homebank&referrer=adjust_reftag%3DcSiqizl8e4u6w%26utm_source%3D%255BWEB%255D%2B-%2BLeaflet%2BDeposits">сілтеме</a>арқылы өтіп, орнатып алуға болады.
Банк жаңалықтарымен сайттан және Halyk Bank-тің әлеуметтік ресми парақшаларынан танысуға болады.
<img src="https://kyzylorda-news.kz/wp-content/uploads/2021/01/nur_news_1200x800_kz.jpg" alt="" />

Halyk Bank зейнетақы жинағын мерзімінен бұрын алудың шарттарын атады

<a href="https://kyzylorda-news.kz/">Kyzylorda-news.kz</a>. Қызылорда облысында жолдың сапасын жақсартудың кешенді бағдарламалары арқылы ауылдарда көшелер жөнделеді.
Соның бірі – «Кіші қалаларды дамыту» бағдарламасы, яғни бағдарлама арқылы биыл бірнеше ауылдардың көшелерін қайта жаңарту үшін бюджеттен 1 350,9 млн теңге қаржы бөлінген. Бұл қаржыға 13,9 шақырым жол жөнделмек. Мәселен, Арал қаласында 5 ірі көше қайта жаңартылады.
Атап айтқанда, Арал қаласындағы С.Сәдібеков, Т.Палуан, Қ.Дәрібаев, О.Жандосов көшесі, О.Жандовасов тұйық көшесі және Ж.Саин көшелерінің автомобиль жолдары қайта жаңартылады. Сондай-ақ, Арал қаласындағы Әйтеке би көшесінің автомобиль жолын салу жұмыстары жүргізіледі.
Мұнан бөлек, Қазалы қаласындағы көшелердің автомобиль жолдарын қайта жаңарту жұмыстары басталады.
Өңірде «Ауыл ел бесігі» бағдарламасы қайта жалғасады. Өткен жылы 8 елді мекенде 60 инвестициялық жоба қабылданып, ауыл-ауылдарда жол жөнделген. Нәтижесінде 3278 тұрғын үйге сервистік су желісі жүргізіліп, 23,2 шақырым ауылішілік көшелер жарық орнатылып, 68,6 км көше жөндеуден өткен. Ал, биылғы жылы республикалық бюджеттен 9 жобаға қаржы бөлініп, Қазалы, Қармақшы, Сырдария, Жалағаш аудандарының елді мекендегі көшелер жөндеуден өтеді.

Қызылорда: Ауылдарда 13,9 шақырым жол жөнделеді

<a href="https://kyzylorda-news.kz/">Kyzylorda-news.kz</a>. 23 қаңтарда күндіз Түркістан облысының таулы аудандарында қатты қар күтіледі.
Кей жерлерде бұрқасын, тұман, оңтүстік-батыстан 15-20, екпіні 23-28 м/с, күндіз таулы аудандарда 30 м/с және одан аса желдің күшеюі күтіледі.
Шымкент қаласында таңертең және күндіз қатты қар күтіледі. Күндіз ауа температурасының 3-5 градус аязға дейін күрт төмендеуі күтіледі.
22-23 қаңтарда бұрқасын, оңтүстік-батыстан 15-20, екпіні 25 м/с желдің күшеюі күтіледі.
Түркістан қаласында 22 қаңтарда ауа температурасының күндіз 6-8 градус аязға дейін күрт төмендеуі күтіледі.
22-23 қаңтарда бұрқасын, оңтүстік-батыстан 15-20, екпіні 25 м/с желдің күшеюі күтіледі.
22 қаңтарда Ақмола облысының кей жерлерінде жаяу бұрқасын, тұман күтіледі. Оңтүстік-батыстан, батыстан жел соғады, күндіз кей жерлерде күші 15-20 м/с күтіледі.
22 қаңтарда Қызылорда облысында ауа температурасының түнде 15-20 градус аязға дейін, күндіз 3-8, кей жерлерде 11 градус аязға дейін күрт төмендеуі күтіледі.
22 қаңтарда Қызылорда облысының кей жерлерінде тұман, жаяу бұрқасын күтіледі. Жел солтүстік-батыстан оңтүстік-батысқа ауысып соғады, күші кей жерлерде 15-20 м/с сақталады.
Күндіз 22 қаңтарда Талдықорған қаласында көктайғақ күтіледі. Батыстан жел соғады, екпіні 15-20 м/с.
22 қаңтар Батыс Қазақстан облысының кей жерлерінде тұман күтіледі.
Орал қ.: 22 қаңтар түнде және таңертең тұман күтіледі.

Бірнеше өңірде дауылды ескерту жарияланды

<a href="https://kyzylorda-news.kz/">Kyzylorda-news.kz</a>. Қызылорда қаласы әкімдігі жанынан құрылған санитариялық-дезинфекциялық режим талаптарын бақылау бойынша 12 мониторингтік топ жұмыс жасауда.
Аталған топ жыл басынан бері меншік иелеріне қарамастан қала аумағындағы 931 нысанды араланды. Оның ішінде, карантин талаптарын сақтамаған нысандарға әкімшілік шара көру үшін үйлестіру орталығы арқылы 13 нысан бойынша құзырлы органдарға шұғыл хабарламалар жолданып, оның 8-не әкімшілік шара көрілді.
Айта кету керек, қала аумағында санитариялық-эпидемияға қарсы талаптардың сақталуы бойынша аралау жұмыстар күнделікті жүргізіледі.

Қызылордада мониторингтік топ 931 нысанды аралады

<a href="https://kyzylorda-news.kz/">Kyzylorda-news.kz</a>.&nbsp; Қорқыт ата атындағы Қызылорда университеті ұйымдастыруымен Zoom платформасында «Ядролық сынақ және Қазақ даласы» атты ғылыми – танымдық онлайн – конференциясы өтті.
Шараға университет оқытушы-профессорларымен қатар, Ресейдің Томск политехникалық университетінің профессоры Н.Барановская, Дубна қаласындағы Біріккен ядролық зерттеулер институты ядролық процестер зертханасының инженері Д. Азнабаев қатысты.
Қорқыт ата атындағы Қызылорда университеті ғылыми жұмыстар және халықаралық байланыстар жөніндегі проректоры Б.Прмантаева конференцияны ашу барысында Қазақстанның тәуелсіз ел ретінде жасаған алғашқы қадамдарының бірі – әлемдегі қуаты тұрғысынан 4-ші ядролық қарудан бас тартуы болғанын атап өтті.
<blockquote>
 «Семей полигоны алаңында 40 жыл бойы 500 ядролық сынақ өткізілгені белгілі, Қазақстан ядролық қарудан өздігімен бас тартқан алғашқы мемлекет ретінде әлемге бейбіт даму жолын таныстырып, жаһандық қауіпсіздікке өз үлесін қосты», – деп атап өтті.
</blockquote>
Қорқыт ата атындағы Қызылорда университетінің оқытушы профессорлары баяндамаларында «Невада-Семей» антиядролық қозғалысының тарихына шолу жасап, аталмыш қозғалыстың күш-жігері арқасында 1989 жылы жоспарланған ядролық сы¬нақ¬ саны азайтылып, атом қаруының сыналуына қарсы ашық түрде жасалған әлемдегі тиімді шаралардың бірі болғанын айтты.
Сонымен қатар конференция барысында ядролық сынақтар мен оның зардаптары, ядролық техногенез және оның биогеохимиялық көрсеткіштердегі көрінісі туралы жан-жақты талқыланып, университет және Ресей ғалымдары ойларын ортаға салды.
Ядролық қару мәселесі әлі көптеген ғылыми конференциялардың мазмұнын айқындай беретіні анық. Шараны қорытындылай келе қатысушылар ғылыми тұжырымдары, құнды ой-пікірлерімен бөлісіп, аталмыш конференцияның осы саладағы ғалымдар ынтымақтастығын нығайта түсетінін айтты.
<img src="https://kyzylorda-news.kz/wp-content/uploads/2021/01/141411729_2163670227103725_5798264243205305001_o.jpg" alt="" />
<img src="https://kyzylorda-news.kz/wp-content/uploads/2021/01/141094282_2163670113770403_4078272489162433756_o.jpg" alt="" />

Қызылордада «Ядролық сынақ және Қазақ даласы» атты ғылыми – танымдық  конференциясы өтті

<a href="https://kyzylorda-news.kz/">Kyzylorda-news.kz</a>.&nbsp;Қызылордада жыл басынан бері 538 құқық бұзушылық анықталған. Мамандардың айтуынша, бұл көрсеткіш былтырғымен салыстырғанда әлдеқайда төмен.&nbsp;
Алкогольдік ішімдіктерді iшу немесе қоғамдық орындарға масаң күйде келу&nbsp; – 223 дерегі тіркелсе, ұсақ бұзақылықпен тіркелгендер саны – 65. Тыныштықты бұзудың – 121 дерегі, ҚР заңнамасының алкоголь өнімін өткізу жөніндегі талаптарын бұзудың 12 дерегі жыл басынан бері орын алған.
Белгіленбеген орындарда сауда жасау бойынша – 5 дерек, &nbsp;ауыл шаруашылығы жануарларын жаю қағидаларын, иттер мен мысықтарды асырау және серуендету қағидаларын, қаңғыбас иттер мен мысықтарды аулау және жою қағидаларын бұзу – 16 жағдай орын алды. Қалалар мен елдi-мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру- 50 дерек тіркелген. Кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болуы- 54 дерегі тіркеліп, өткен жылмен салыстырғанда әлдеқайда төмендегенін көрсетеді.
Кәмелетке толмағандардың түнгі уақытта ойын-сауық мекемелерінде болуына жол берудің 2 дерегі тіркелді.

2021: Қызылордада 600-ге жуық құқық бұзушылық тіркелді

&nbsp;<a href="https://kyzylorda-news.kz/">Kyzylorda-news.kz</a>. ҚР Қаржы министрлігі Қаржы мониторингі комитетінің Қызылорда облысы бойынша экономикалық тергеу департаменті ірі көлемде бюджетке төленетін салықтар мен басқа да міндетті төлемдерді төлеуден жалтару фактісі бойынша сотқа дейінгі тергеу басталды.
Комитеттің баспасөз қызметінің хабарлауынша, бюджетке келтірілген залал көлемі 136 млн астам теңгені құрады. Кәсіпкердің заңсыз әрекеті 2014-2018 жылдар аралығында жүргізілген аудиторлық тексеру кезінде анықталған.
<blockquote>
 «ҚР ҚК 245-бабы 1-б. (декларацияны табыс етпеу не салық салынатын басқа да объектілерді, міндетті төлемдерді жасыру жолымен декларацияға бұрмаланған деректерді енгізу арқылы салынатын салықты және бюджетке төленетін басқа да міндетті төлемдерді ірі көлемде төлеуден жалтару) тергеу ісі жүргізілуде»,-делінген хабарламада.
</blockquote>

Қызылорда облысында салықтан жалтарған кәсіпкер мемлекетке 136 млн теңге шығын келтірген

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысы ЗК-169/1 тергеу изоляторының шаруашылық бөлімінде 15 сотталған азамат еңбек етуде. Жалпы шаруашылық бөліміндегі жұмыстарға жеңіл түрде&nbsp;&nbsp; қылмыс жасаған&nbsp; сотталғандар өз өтінімі бойынша қалдырылады.
Бас бостандығынан айырылған азаматтардың бұл &nbsp;еңбегі тәрбиелік ықпалмен қатар, жазаны міндеттеушінің бірі болып табылады. Сотталғандарды еңбекке тарту негізінде, қылмыс жасаған кезде келтірілген шығындары мен зардаптарының орнын толтыру міндеттілігі де жатыр. Міне осындай себептермен бірқатар азаматтар мекеме аумағындағы жөндеу жұмыстарына тартылған.
&nbsp;Д.есімді жігіт бостандықта жүргенде жеке автокөлік жөндеу шеберханасында жұмыс жасапты. Дәнекерлеуші мамандығы бойынша кәсіптік&nbsp; білімі бар екен. Жасаған қылмысы үшін сот үкімі шыққан соң, тергеу изоляторына қалдырылды. Бүгінгі таңда мекеменің арнайы&nbsp; ғимаратындағы&nbsp; дәнекерлік жұмысқа жұмылдырылған.
Ал, орта жастағы&nbsp; М. есімді азамат&nbsp; сотталғанға дейін кәуап пісіруші болыпты. &nbsp;Әртүрлі дәмханада еңбек етіп, ас дайындау ісіне&nbsp; жақын жүрген. Қазіргі кезде өз өтінімі бойынша&nbsp; асхана бөлімінде аспазшының көмекшісі болып жұмыс істейді.
<blockquote>
 «Осы еңбегімнен алған жалақыммен, атқару парағы бойынша сот үкімі бекіткен&nbsp; шығынымды өтеп болдым. Енді ай сайынғы еңбек ақымды әйелім алып, балаларым мен отбасының қажеттілігіне жаратуда.Екі перзентімді қатты сағынып жүрмін. Табыс тауып, әкелік парызымды өтеп жүргеніме қуаныштымын. Сол үшін мекеме басшылығы мен қызметкерлерге алғыс айтамын»-дейді. &nbsp;
</blockquote>
Шаруашылық бөліміне қалдырылған &nbsp;Т. ағаш ұстасы болып жұмыс жасайды. Арнайы ғимарат бөліміндегі қираған,бұзылған заттарды қалпына келтіріп, едендерді жаңалап, есік-терезелерді бүтіндеп жүреді.
<blockquote>
 «Мен дене еңбегімен ғана айланысып қоймаймын. Еңбек ету арқылы өз-өзімді тәрбиелеп келемін. Бұл жұмыс менің кәсіби шеберлігімді арттырып, шыдамдылығымды ұштайды. Әрі жұмыс үстінде ойыма тың идеялар келеді. Бостандыққа шыққан соң, жиһаз жасау шеберханамды ашсам ба деген ойдамын. Осылайша сотталғандарды жұмысқа&nbsp; жұмылдыра &nbsp;&nbsp;отырып, &nbsp;босанғаннан кейін адал еңбегі ғана дұрыс жолға бастайтындығын айтып түсіндіріп отырамыз»,- дейді АКАӘПТБ-інің бастығы, әділет аға лейтенанты А.Тұрманов
</blockquote>

Қызылорда: Шаруашылық бөліміне қалдырылған сотталғандар қандай жұмыс атқарып жүр?

<a href="https://kyzylorda-news.kz/">Kyzylorda-news.kz</a>.&nbsp; Енді қазақстандықтар жүргізуші куәлігі мен көлікті тіркеу куәлігін өзімен бірге алып жүруге міндетті емес. Жеке куәлігі қасында болса жеткілікті. Сенат көлік жүргізуге қатысты жаңашылдықтарды көздейтін заң қабылдап, президенттің қол қоюына жіберді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Сенаттың жалпы отырысында “Қазақстанның кейбір заңнамалық актілеріне жол жүрісі мәселелері бойынша өзгерістер мен толықтыру енгізу туралы” заң жобасы қаралды. Құжат парламенттің бір топ депутаты бастамасымен әзірленді.&nbsp;
Заң жобасында куәлікті өзімен бірге алып жүруді талап ететін норманы қолданыстағы заңнамадан алып тастау көзделіп отыр.&nbsp;
<blockquote>
 “Яғни, автокөлік иесін полиция тоқтатқан кезде, ол жеке куәлігін ұсынып, полицей сол арқылы планшеттің көмегімен оның басқа құжаттарын тексере алады”, – деді сенат депутаты Нұрлан Бекназаров.&nbsp;
</blockquote>
Депутаттың айтуынша, жүргізуші куәлігін үйде ұмытып кеткені үшін бұрынғыдай айыппұл салынбайды.&nbsp;
<blockquote>
 “Заң жобасындағы өзгерістер мен толықтырулар шетелдік жүргізушілер мен шетелдік көліктерге қолданылмайды. Яғни олар өзімен бірге барлық қажетті құжатты алып жүруге міндетті”, – деді сенатор.&nbsp;
</blockquote>
Сондай-ақ, заң жобасында автобустарды тіркеуге қатысты норма көзделген.&nbsp;
Ішкі істер министрлігінің мәліметінше, соңғы үш жылда Қазақстанда 45 950 жол апаты болған. Соның салдарынан 60 469 адам әр түрлі деңгейде жарақат алып, 6498 адам көз жұмды.&nbsp;
<ul>
<li>“Соңғы жылдары жол апатының саны азайғанымен, бұл өзекті мәселе болып қалып отыр оның бірнеше себебі бар. Солардың негізгісі – техникалық жағдайы талапқа сай келмейтін, ескірген көліктердің жолаушылар тасымалында қолданылуы. Мысалы, ресми мәліметтерге сәйкес бүгінгі таңда елімізде әрбір үшінші автобус (36% немесе 90 603-тің 32 959-ы) жиырма жылдан астам уақыт бойы жолаушылар тасымалдаумен айналысып келеді”, – деді депутат.</li>
</ul>
Бұл көрсеткіш жол апаты санының көбейіп, азаматтардың зардап шегуіне әкелуде. Сондықтан жолаушылар тасымалдайтын автобустарды жаңарту қажеттігі туындап отыр.
Осыған байланысты сенаторлар “Жол жүрісі туралы” заңға он жылдан аса пайдаланып келген автобустарды бастапқы тіркеуден өткізуге тыйым салатын түзету енгізуді ұсынды және бұл норманы 2022 жылдың 1 қаңтарынан бастап енгізу көзделуде.&nbsp;
Сенат аталған заңды екі оқылымда қабылдап, президенттің қол қоюына жіберді.

Енді полиция жүргізуші куәлігін сұрамайды – сенат заңды Тоқаевқа жіберді

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасына алаяқтың құрбаны болған 1988 жылы туған қала тұрғыны арызданды.
<blockquote>
 “Белгісіз ер азамат жәбірленушіден «Тенгиз» газ-мұнай кен орнына жұмысқа тұрғызуға уәде беріп,&nbsp; 200 000 теңге ақшасын алдап алып кеткені анықталған. Уақыт өте келе, ақшаны алған ер азамат телефон қоңырауларына жауап бермей, бүгінгі күнге дейін өз уәдесін орындамаған. Алаяқты ұстау мақсатында полиция қызметкерлері барлық қажетті жедел-іздестіру іс-шараларын жүргізу нәтижесінде 1984 жылы туған қала тұрғыны ұсталды”, – делінген хабарламада.
</blockquote>
Қазіргі уақытта аталған факті бойынша Қазақстан Республикасы Қылмыстық Кодексінің 190-бабының 1-бөлігі (алаяқтық, яғни алдау немесе сенімге қиянат жасау жолымен бөтеннің мүлкін ұрлау немесе бөтеннің мүлкіне құқық алу) бойынша сотқа дейінгі тергеу жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы жасалды.

Қызылорда: &#8220;Мұнайшы боламын&#8221; деп 200 мың теңгесінен айырылды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Кемелұлы Тоқаев «Тәуелсіздік бәрінен қымбат» мақаласында егемендігіміз бен елдігіміздің тірегі болған тәуелсіздігіміздің 30 жылдық мерейтойын айтулы шаралармен атап өтуге үлкен басымдық берді.
Осы бастама аясында М.Мәметова атындағы Қызылорда педагогикалық жоғары колледжі «Тәуелсіздікке тарту: 30 отты жыр!» челленджін бастап, әрі қарай өңірлік білім беру ұйымдарына және аймақтың белсенді жастарына құрметпен жолдайды.
Челленджді бастаушы – Самғау жастар сыйлығының иегері, М.Мәметова атындағы Қызылорда педагогикалық жоғары колледжінің жастар ісі жөніндегі инспекторы Шәкизат Қаратайұлы.

Қазақстан және Қызылорда облысының жаңалықтары

Қызылордаға «BAZIS А» холдинг компаниясы» ЖШС директорлар кеңесінің төрағасы келді

Halyk Bank зейнетақы жинағын мерзімінен бұрын алудың шарттарын атады

Қызылорда: Ауылдарда 13,9 шақырым жол жөнделеді

Бірнеше өңірде дауылды ескерту жарияланды

Қызылордада мониторингтік топ 931 нысанды аралады

Қызылордада «Ядролық сынақ және Қазақ даласы» атты ғылыми – танымдық конференциясы өтті

2021: Қызылордада 600-ге жуық құқық бұзушылық тіркелді

Қызылорда облысында салықтан жалтарған кәсіпкер мемлекетке 136 млн теңге шығын келтірген

Қызылорда: Шаруашылық бөліміне қалдырылған сотталғандар қандай жұмыс атқарып жүр?

Енді полиция жүргізуші куәлігін сұрамайды – сенат заңды Тоқаевқа жіберді

Қызылорда: “Мұнайшы боламын” деп 200 мың теңгесінен айырылды

Қызылордада «Тәуелсіздікке тарту: 30 отты жыр!» челленджі басталды

Қазақстан және Қызылорда облысының жаңалықтары

Қызылордаға «BAZIS А» холдинг компаниясы» ЖШС директорлар кеңесінің төрағасы келді

Halyk Bank зейнетақы жинағын мерзімінен бұрын алудың шарттарын атады

Қызылорда: Ауылдарда 13,9 шақырым жол жөнделеді

Бірнеше өңірде дауылды ескерту жарияланды

Қызылордада мониторингтік топ 931 нысанды аралады

Қызылордада «Ядролық сынақ және Қазақ даласы» атты ғылыми – танымдық конференциясы өтті

2021: Қызылордада 600-ге жуық құқық бұзушылық тіркелді

Қызылорда облысында салықтан жалтарған кәсіпкер мемлекетке 136 млн теңге шығын келтірген

Қызылорда: Шаруашылық бөліміне қалдырылған сотталғандар қандай жұмыс атқарып жүр?

Енді полиция жүргізуші куәлігін сұрамайды – сенат заңды Тоқаевқа жіберді

Қызылорда: &#8220;Мұнайшы боламын&#8221; деп 200 мың теңгесінен айырылды

Қызылордада «Тәуелсіздікке тарту: 30 отты жыр!» челленджі басталды

Қызылорда: “Мұнайшы боламын” деп 200 мың теңгесінен айырылды