Kyzylorda-news.kz. Өңірде жас өнертапқыш баламалы қуат көзі арқылы шаһар көшелерін жарықтандыруға арналған жоба ойлап тапты. Яғни, автокөліктің қозғалысы арқылы баламалы энергия көзін өндіруге арналған. Бұл жоба ұлттық «STEAMUP» байқауында үздік деп танылды.
<blockquote>
 «Жүрген көліктерден энергия өндірудің шағын макетін жасадық. Өндіру механизмі бірнеше бөлшектерден тұрады және көліктер көп шоғырланған аймақтардың көшелерінде жер астында орналастырылады. Олар жылдамдық бəсеңдеткіш төмпешіктерге ұқсас болады. Аталмыш платформадан көлік өткен сайын құрылғы төменге түсіп, қайта орнына келу арқылы энергия өндіреді», – деді Назарбаев зияткерлік мектебінің оқушысы Мерей Сембай.
</blockquote>
Механизм құрылысын сипаттау және қажетті есептеулер жүргізу үшін жоба авторлары Қызылорда жылу электр торабының қызметкерлерінен кәсіби кеңестер алған. Сол жердегі генераторлардың жұмысын қадағалап, оның параметрлері мен құрылғы өлшемдері жайлы ақпарат жинақтаған.
<blockquote>
 «Бұл – электр энергиясын адам денсаулығына, қоршаған ортаға залалсыз түрде алудың тиімді əрі қарапайым жолы. Қомақты қаржыны да қажет етпейді. Дегенмен белгілі аумақты жылдар бойы шығын келтірмей жарықпен қамтамасыз ете алады. Мәселен, 20-дан астам жылдамдық бəсеңдеткіш төмпешіктің орнын осындай 10 конструкциямен алмастырсақ, үш жылдың ішінде 70 млн теңге қаржыны үнемдей аламыз», – деді Назарбаев зияткерлік мектебінің оқытушысы Жеңісбек Жолмырзаев.
</blockquote>
Қызылордалық новаторлар бұл экономикалық, экологиялық және энергетикалық тұрғыда тиімді саналатын жобаның әзірге отандық тәжірибеде баламасы жоқ дейді. Сондықтан алдағы уақытта тың технологияны патенттеп алып, өндіріске қосуды мақсат етіп отыр.

Қызылордада жас өнертапқыш автокөліктен энергия өндіру жобасын ойлап тапты

<a href="https://kyzylorda-news.kz/">Kyzylorda-news.kz</a>. Облыста өткен жылы коронавирустан айыққан 151 адамға оңалту орталығына жолдама берілді. Яғни, ағзаны қайта қалпына келтіру үшін. Қаржысы МӘМС жүйесі арқылы төленді. Биыл қор бұл бағытқа қаржыны 37 есеге ұлғайтып, медициналық оңалту көмегіне 2,2 млрд. теңге бөлді. Бұл туралы Өңірлік коммуникациялар қызметінің ақпарат алаңында өткен брифингте «Әлеуметтік медициналық сақтандыру қоры» облыс бойынша филиал директоры Бақыт Исмаханбетов мәлімдеді.
<blockquote>
 «Былтыр аймақтың медициналық ұйымдары 1,41 млрд теңгеден астам сомаға оңалту қызметтерін көрсетті. Сондай-ақ, қордан індетпен күресте аянбай еңбек еткен 16 мың медицина қызметкеріне үстемақы берілді. 19 мың адам провизорлық, карантиндік және инфекциялық стационарда емделді. Оларға да қордан қаржы бөлінді», – деді Бақыт Торғайбайұлы.
</blockquote>
Бүгінде аймақта міндетті әлеуметтік медициналық сақтандыру жүйесіне 648,5 мың азамат тіркелді. Яғни, облыс тұрғындарынан 2017 жылдың 1 шілдесінен бастап 14,7 млрд. теңге қаржы түскен. Оның 11,8 млрд.теңгесі жұмыс берушілердің аударымдары болса, ал қалған 2,9 млрд.теңге жеке кәсіпкерлер мен азаматтық құқықтық келісімшарт негізінде еңбек ететін тұлғаларға тиесілі.
<img src="https://kyzylorda-news.kz/wp-content/uploads/2021/01/143090721_1219147425147434_4472399625198019451_o.jpg" alt="" />

Қызылорда: Коронавирус инфекциясынан емделіп шыққан 151 адам оңалту орталығына жіберілді

<a href="https://kyzylorda-news.kz/">Kyzylorda-news.kz</a>. 2021 жылы америкалық кәсіпкер Илон Масктың SpaceX компаниясы 3 туристі Халықаралық ғарыш станциясына жеткізеді. Олар станцияда 8 күн болады.
Ұшуды ұйымдастырып отырған Axiom Space компаниясы америкалық және канадалық инвесторлар Ларри Коннор, Марк Пэтти мен израильдік кәсіпкер Эйтан Стиббені SpaceX компаниясының Crew Dragon ғарыш кемесімен ХҒС-ке жіберетінін мәлімдеді.
Олармен бірге экипаж капитаны ретінде бұрынғы NASA астронавты, қазіргі уақытта Axiom Space вице-президенті Майкл Лопес-Алегриа бірге ұшады.
Axiom Space 2020 жылы SpaceX-пен ХҒС-ке 3 туристі ұшыруға келіскен. Жоспар бойынша рейс осы жылдың соңына дейін орындалады. Туристер станцияда 8 күн болады.
Business Insider хабарлауынша, Ax-1 деп аталған миссия қазан айына жоспарланған. Стивтен басқа, ұшу тобында актер Том Круз және кинорежиссер Даг Лайман болуы мүмкін. Бұған дейін Universal Pictures ғарышта таспаланатын алғашқы фильм туралы келіссөздер жүргізіп жатқанын хабарлаған&nbsp;болатын.
Актер Том Круз кезекті фильмдегі рөлін сомдау үшін ғарышқа ұшады
Фильм негізінен Халықаралық ғарыш станциясында түсіріледі. Осыған байланысты актердің ұшуы ХҒС-ның рейстер тізіміне енгізілген.
Айта кетейік, мамыр айында АҚШ кәсіпкері Илон Маск ғарышта әлемдегі алғашқы фильмді түсіретіні белгілі болған еді. Бұл жобаға NASA да қатысады.
Жауынгерлік жанрда түсірілетін туындының әлі ресми атауы жоқ. Оның бюджеті 200 миллион долларға бағаланған.
<a href="https://massaget.kz/layfstayl/alemtanu/64369/">Massaget.kz</a>

SpaceX ғарышқа 3 турист ұшырады

<a href="https://kyzylorda-news.kz/">Kyzylorda-news.kz</a>.&nbsp;Сырдария ауданында карантиндік талаптардың сақталуына байланысты 3 мониторингтік топ құрылған. Мониторингтік топтар пандемия басталғалы бері карантиндік шектеулердің сақталуына түсіндірме жұмыстарын жүргізіп, әлеуметтік нысандарды аралауда.
Қазіргі таңда елде коронавирустық инфекцияның таралуы қайта өршуде. Сондықтан сақтық шараларына аса мән беру керек. Осыған орай, мониторингтік топтар аудандағы білім мекемелерін аралап, карантиндік талаптардың сақталуын қадағалап келеді.
Бүгінде ауданда 4 мектепте дәстүрлі түрде сабақ жүргізілуде. Қалған 13 мектептің мектепалды даярлық, 1-5 және 9, 11 сынып оқушылары кезекші топ құру арқылы оқытылуда. Кезекші сыныптарда санитарлық талаптар сақталған. Мектептер мен балабақшалар санитайзерлермен қамтамасыз етілген.Мониторингтік топ мүшелері ара қашықтықты сақтап, қорғаныш құралдарын үнемі қолдануды ескертті.

Сырдарияда мониторингтік топ білім мекемелерін аралады

<a href="https://kyzylorda-news.kz/">Kyzylorda-news.kz</a>.&nbsp; Парламент мәжілісінің әлеуметтік-мәдени даму комитеті қоғамда шу туғызған отбасылық-тұрмыстық зорлық-зомбылық туралы заң жобасын кері қайтарып алу жайлы шешім қабылдады, деп хабарлайды&nbsp;<a href="https://sputnik.kz/">Sputnik Қазақстан.</a>
Заң жобасын 2019 жылы президенттің жолдауынан кейін парламенттің бір топ депутаты әзірледі. Мемлекет басшысы елде отбасылық-тұрмыстық жанжалдың артып бара жатқанын мәлімдеген болатын.
Мәжіліс депутаты Ирина Смирнова&nbsp; заң жобасы 10 айдан астам парламент қабырғасында талқыланып жатқанын &nbsp;айтты.
<blockquote>
 “Жұмыс топтары заң жобасымен жұмысты тоқтатқан жоқ. Қазіргі заң – мүлде басқа құжат. Парламенттен бөлек, заң жобасымен тағы 55 ұйым жұмыс істейді. Қазір көбі депутаттарға жала жабуда, құжатта мүлде болмаған баптарды айтып жатыр”, – дейді депутат.
</blockquote>
Айтуынша, мәжілістің әлеуметтік-мәдени даму комитетінің төрағасы Жәмила Нұрманбетова заң жобасын кері қайтару және оның мазмұнын жетілдіру туралы шешім қабылдаған.
<blockquote>
 “Әлеуметтік-мәдени даму комитетінің басшысы нормаларды тағы бір мәрте қарау және заң жобасына тағы бір рет тәуелсіз бағалау жүргізу үшін заңды қайтарып алды. Заң жобасымен жұмыс қанша уақыт қажет болса, сонша жалғасады”, – деп нақтылады депутат.
</blockquote>
Айта кетсек, отбасылық-тұрмыстық зорлық-зомбылық туралы заң жобасын парламенттің сегіз депутаты әзірлеген. Құжат балалардың құқығын қорғайды және тұрмыстық зорлық-зомбылықты азайтуға септігін тигізеді.
Жазаны қатаңдатудан бөлек, зорлық-зомбылық жасайтындарға емделуге мүмкіндік беріледі.
Отбасылық-тұрмыстық зорлық-зомбылық туралы заң жобасы әлеуметтік желілерде қызу талқыға түсті. Құжатқа қарсы шыққандар көп. Десе де, &nbsp;құқыққорғаушылар мен заңгерлер қазақстандықтарды отбасындағы зомбылықтан қорғауға мүмкіндік беретін заң жобасының қабылданғанын құптап отыр.

Мәжіліс елді шулатқан заң жобасын кері қайтарып алды

<a href="https://kyzylorda-news.kz/">Kyzylorda-news.kz</a>.&nbsp;«Көптеген қазақстандықтың табысы аз, салдарынан зейнетақы жинақтары жеткіліксіз». Бүгін Мәжілісте осылай деген депутат Александр Милютин бұрынғы ынтымақтастық жүйесіне оралуды ұсынды.
Ол азаматтардың зейнетке шығу жасын қайта қарау керектігін жеткізді. Яғни ер мен әйелдерге арналған тиісті меже 60 жасқа дейін төмендетілуі керек. Зейнетақы төлемдерін есептегенде жылдық инфляция, жалақы мөлшері және азық-түлік бағасын ескерген жөн дегенді алға тартады депутат. Елде бес жылдан бері зейнетақы қорына түсетін жарна көлемі азайып келеді. Көрсеткіш осы аралықта 17 миллиард теңгеге кеміген.
<a href="https://24.kz/kz/zha-aly-tar/basty-zha-aly-tar/item/451622-deputattar-zejnetke-shy-u-zhasyn-ajta-araudy-syndy">Хабар 24</a>

Депутаттар зейнетке шығу жасын қайта қарауды ұсынды

<a href="https://kyzylorda-news.kz/">Kyzylorda-news.kz</a>. Елімізде келесі айдың бірінен бастап иммундауға жататын халықтың осал топтарына коронавирусқа қарсы вакцинация егу жұмыстары басталады. Қазіргі уақытта үш кезеңмен өтетін вакцинациялаудың алғашқы сатысында Ресейде шығарылатын Гам-КОВИД-Вак вакцинасы қолданылмақ. Ол жұқпалы аурулар ауруханаларының, жедел медициналық көмек, реанимация, МСАК, қабылдау бөлмелерінің медицина қызметкерлеріне, санэпидқызмет мамандарына егіледі. Екінші кезеңде дәл сол вакцинаның Қарағанды фармацевтикалық кешенінің базасында өндірілген түрі жалпы білім беретін мектептердің, жоғары оқу орындарының педагогтарына, бірінші кезеңге кірмеген медициналық қызмет мамандарына салынады. 2021 жылдың 2 тоқсанынан бастап вакциналау процесіне отандық – QazCovid-In препаратын қосу жоспарланған.
Осы ретте ҚР Денсаулық сақтау министрлігі Санитариялық-эпидемиологиялық бақылау комитетінің ресми өкілі Ержан Байтанаевтан медициналық ұйымдарда вакцинациялау қалай ұйымдастырылатынын сұрап білген едік.
<blockquote>
 «COVID-19-ға қарсы вакцинация емханалардағы жұмыс істеп тұрған егу пункттерінің базасында ұйымдастырылады. Бүгінгі күні КВИ-ға қарсы вакцинаның температуралық режимін ескере отырып, барлық медициналық ұйымдарда қажет етілетін салқын тізбекке (-18 С төмен) жағдай жасау бойынша шаралар қабылдануда. Медициналық ұйымдар Санитариялық-эпидемиологиялық бақылау комитеті айқындаған контингентке сәйкес вакцинациялауға жататын адамдардың тізімдерін айқындайды және жасайды. Осы тізімдердің негізінде вакцинациялауға жататын адамдар барлық карантиндік талаптарды: әлеуметтік қашықтық, маска тағу режимі және тағы басқа талаптарды сақтай отырып, екпе алуға шақырылады», – деді ол.
</blockquote>
Сонымен қатар ресми өкіл еліміздің барлық медицина ұйымдарының республика тұрғындарын вакцинациялауға дайындығы жайлы мәліметтермен бөлісті.
<blockquote>
 «Бүгінгі күні өңірлердің денсаулық сақтау басқармалары медициналық ұйымдардың дайындық жұмыстарын, атап айтқанда, вакцинаны тасымалдау үшін тоңазытқыш және мұздатқыш қондырғылармен және термоконтейнерлермен қамтамасыз ету сияқты жұмыстарды жүргізуде. Бұдан басқа, Санитариялық-эпидемиологиялық бақылау комитетінің қызметкерлері «ҚР-да COVID-19-ға қарсы вакцинацияны ұйымдастыру және жүргізу» тақырыбында үш күндік вебинар ұйымдастырды және өткізді. Онлайн режимінде оқыту облыстық және қалалық деңгейдегі мамандар үшін жүргізілді, одан әрі «каскадты оқыту» форматында аудандық деңгейдегі мамандарды даярлау бойынша жұмыс жүргізілді. Оқыту аяқталғаннан кейін вакцинациялауға тартылған әрбір медицина қызметкері аттестаттаудан өтеді және даярлықтан өткені туралы куәлік алады», – деді Ержан Байтанаев.
</blockquote>
Айта кетерлігі, Қазақстанда вакцинациядан бас тартқаны үшін әкімшілік немесе қылмыстық жауапкершілік көзделмеген, кез келген қысым көрсету заңсыз саналады. Дегенмен, вакцинация коронавирус індетінің алдын алудың бірден-бір жолы екені де белгілі. Бұл ретте Мемлекет басшысы Қасым-Жомарт Тоқаевтың өзі отандық QazCovid-In препаратына үлкен үміт артатынын және вакцинаны тестілеу нәтижелі болса салдыратындығын кеше Үкіметтің кеңейтілген отырысында ашық айтқан болатын. Қазіргі уақытта отандық вакцина клиникалық сынақтың 3-кезеңінен өтуде.
<blockquote>
 «Осы жағдайда ол жақсы нәтижелер көрсетсе, мен дәл осы&nbsp;қазақстандық вакцинаны салдырамын», – деген еді ҚР Президенті.
</blockquote>
Қасым-Жомарт Тоқаев Денсаулық сақтау министрі мен өңір әкімдеріне халықты жаппай вакциналау мәселесіне&nbsp;баса мән беруді де тапсырды.
<blockquote>
 «Бұл мәселе бойынша тек Денсаулық сақтау министрі ғана емес, әкімдердің бәрі мына жайды ескеруі керек: жалпыға ортақ вакцинация – өте маңызды мәселе. Бізге азаматтарды вакцинациядан өткізуде өте салмақты, ойластырылған, қыр-сыры ескерілген жоспар керек. Дүрбелең болмас үшін ол салада ескеретін өте көп нюанс бар. Вакцинация эпидемиологиялық ахуалды түзеуі керек. Алда жұмыс көп», – деді Қасым-Жомарт Тоқаев.
</blockquote>
Вакцинациялау коронавирус инфекциясының алдын алуда тиімді шара екендігін ҚР Парламенті Сенатының спикері Мәулен Әшімбаев та айтып отыр.
<blockquote>
 «Тек вакцинация арқылы ғана пандемияға тосқауыл қоюға болатынын түсінуіміз керек. Тарихта мұндай жағдай алғаш рет болып отырған жоқ. Індет жайлаған кезеңдерде вакцина адамзатты бірнеше рет аман сақтап қалды. Сондықтан қазір таңдау жасауымыз қажет. Қанша уақытқа жалғасатыны белгісіз, үлкен әлеуметтік салдары бар карантиндік шектеулерді әрі қарай күшейткен дұрыс па, әлде жаппай вакцинациялау арқылы ұжымдық иммунитет қалыптастырып, қалыпты өмірімізге қайта оралғанымыз жақсы ма? Жауап әркімге түсінікті болар. Вакцинациялау – мәжбүрлі шара емес. Бірақ, тұтас халықтың денсаулығын сақтау тұрғысынан өте маңызды қадам. Сондықтан мемлекеттік аппарат пен қоғамдық институттар бұл бағытта түсіндіру жұмыстарын кеңінен жүргізуге тиіс», – деді Сенат спикері.
</blockquote>
Қазақстанның медицина мамандары да вакцинация коронавирусты жеңудің жалғыз жолы екендігіне назар аудартып отыр. Мәселен, жоғары санатты дәрігер-пульмонолог Саттар Ералиев:
<blockquote>
 «Коронавируспен ауырған науқастар вакцина салдыруы керек, өйткені аурудан кейін иммунитет 3 айдан 6 айға дейін қалыптасады. Осы уақыт аралығында олар тағы да жұқтырып алуы мүмкін. Мен тұрғындарды вакцинацияға белсенді қатысуға шақырамын. Қазір көптеген елдер вакцинаға қарсылық танытуда. Десек те, вакцинация қарқынды жүріп жатқан елдер де бар», – дейді.
</blockquote>
Медицина ғылымдарының докторы, эпидемиолог Сәкен Әміреев жатыр мойны обыры және өзге де ауруларды тудыратын табиғи шешек, полиомиелит, вирусты гепатит, қызылша, эпидпаротит, пневмокок пневманиясы сынды ауыр инфекциялармен күресте жаппай вакцинациялау жоғары тиімділігін көрсеткенін мысалға ала келе коронавирусты да екпе алу арқылы жеңуге болады деп санайтынын айтады.
<a href="https://lenta.inform.kz/kz/kazakstanda-koronaviruska-karsy-vakcinaciyalau-kalay-zhurgiziledi_a3745898">ҚазАқпарат</a>

Коронавирусқа қарсы вакцина бірінші кімдерге салынады?

<a href="https://kyzylorda-news.kz/">Kyzylorda-news.kz</a>.&nbsp; Қызылордалықтың көлік жуу орталығына қойып кеткен «Lexus-570» автокөлігінен 137 000 теңге жоғалған.
Тәртіп сақшыларының жедел-іздестіру жұмыстарының нәтижесінде осы қылмысқа қатысты 32 жастағы азаматша анықталып, ұсталды. Ол облыс орталығының тұрғыны болып шықты.
Аталған дерек бойынша Қазақстан Республикасы Қылмыстық кодексінің 188-бабы 1-бөлігіне (Ұрлық, яғни бөтеннің мүлкін жасырын жымқыру) сәйкес сотқа дейінгі тергеп-тексеру амалдары жүргізілуде.

Көлік ішінен әмиян ұрлаған қызылордалық ұсталды

<a href="https://kyzylorda-news.kz/">Kyzylorda-news.kz</a>. Белсенді Әйгерім Тілеужан Сидней Олимпиадасының чемпионы, Алматы қалалық мәслихатының депутаты Ермахан Ибраимовтың үстінен полицияға арыз жазды. Алайда әлі іс қозғалған жоқ, деп жазады &nbsp;<a href="https://sputnik.kz/">Sputnik Қазақстан</a>. Ал Ермахан Ибраимов дәрежесіне нұқсан келетін әрекет жасалса, белсенділердің өзін сотқа беретінін мәлімдеді.
<blockquote>
 “Алматы қаласының полиция департаменті арызды қабылдады. Бірақ әлі іс қозғалған жоқ. Куәгерлермен бірге қалалық полиция департаментіне келіп тұрмыз”, – деді&nbsp; Әйгерім Тілеужан.
</blockquote>
Айтуынша, полиция арызды әкімшілік құқық бұзышылық туралы кодекстің 434-бабы “ұсақ бұзақылық” және 73-2-бабы “ұрып-соғу” бойынша қабылдады.
Айта кетсек, 10 қаңтарда өткен сайлау күні белсенділердің бірі Әйгерім Тілеужан жұртпен бірге алаңға шыққан. Айтуынша, сол кездегі қарбалас кезінде Ермахан Ибраимовтың жұдырығы бетіне тиген. Сондай-ақ, әлеуметтік желіде боксшы алаңға шыққандардың бірінің қолындағы плакатты жыртып тастады деген де ақпарат тарады.
Ермахан Ибраимовке хабарласып, үстінен арыз жазылғанынан хабары бар-жоғын сұрады. Спортшы бұл туралы ештеңе білмейтінін айтты.
<blockquote>
 “Арыз жазып-жазбағанынан хабарым жоқ. Білмеймін. Егер менің үстімнен арыз жазып, жалған мағұлмат тарататын болса, мен олардың үстінен арыз жазамын. Психологиялық-моральдық тұрғыда менің дәрежемді төмендетуге әрекет жасағаны үшін сотқа беріп, 5 миллион теңге өндіретінімді де айтқанмын”, – деді Ибраимов.
 “Арыз жазамыз деп жүргеніне біраз уақыт болды. Менің адвокатым бар, өзім заң факультетін бітіргенмін. Мен заңды жақсы білемін”, – дейді Олимпиада чемпионы.
</blockquote>
Спортшы тарап жатқан ақпараттың бәрі жалған деп отыр.
<blockquote>
 “Саусағымның ұшы ешкімге тиген жоқ. Тарап жатқан әңгіменің бәрі – жалған мәлімет. Жерде жатқан плакаттарды көрдім… Мені балағаттап, менің намысыма тигеннен кейін жақын тұрған адамның плакатын жұлып алдым да, жыртып тастадым. Халықтың арасына арандатушылық салатын, ауызбіршілігін бұзатын неше түрлі сөздер жазған”, – деді ол.
</blockquote>
Алайда депутат намысына тиетін сөз айтқандардың үстінен бірінші болып арыз жазбайтынын айтты.
<blockquote>
 “Мен үлкен адаммын, Олимпиада чемпионымын. Ондай төмен дәрежеге түспеймін ғой. Олар сияқты емеспін. Мен өте жоғары дәрежедегі адаммын… Он шақты адам бар сияқты. Олардың әлеуметтік желіде неше түрлі пікір айтқаны менің абыройымды түсіре қоймайды”, – дейді ол.
</blockquote>
“Менің ойымша, оларға шетелде жүрген оппозиционерлер қаражат төлеп, сондай іс-әрекетке барып отыр. Олардың басты мақсаты – Қазақстан ішінде іріткі салып, ауызбіршілігін бұзу. Бұған Олимпиада чемпионы ретінде, Қазақстанның нағыз патриоты ретінде жол бермеймін”, &nbsp;– деп толықтырды ол.
Егер үстінен арыз жазатын болса, депутат өзінің азаматтық құқығын қорғауға мүдделі.
Еске сала кетсек, 10 қаңтарда өткен мәжіліс және мәслихаттар сайлауынан кейін Ермахан Ибраимов Алматы қалалық мәслихатының депутаты болып сайланды.

Ермахан Ибраимовтың үстінен полицияға арыз түсті

<a href="https://kyzylorda-news.kz/">Kyzylorda-news.kz</a>. Биыл Мұқағали Мақатаевтың 90 жылдығы қарсаңында Қызылорда қаласындағы Назарбаев Зияткерлік мектебі&nbsp;#Мұқағалиға90жылNIS отбасылық жыр эстафетасын бастады.
«Зияткерлік мектеп оқушысына оқуға ұсынылатын 100 кітап» жобасы аясында ұйымдастырылған шараға оқушылар мен ата-аналар белсенді қатысуда. Мектеп қауымдастығы қазақ поэзиясына үлкен қолтаңба қалдырған ақиық ақын Мұқағали Мақатаевтың шығармашылығынан тәрбиелік мәні зор өлеңдерін жатқа айтып, әлеуметтік желі арқылы көпшілікке насихаттауда.
Алғашқы болып «Номад» шаңырағының оқушысы Надира Атымтай мен анасы Бахытжан Рахманбердіқызы эстафетаны бастап, ақынның «Не деген керемет күн» туындысын таныстырды.
<blockquote>
 “Мұқағали атаның бұл өлеңіндегі табиғаттың әсем көрінісі көңілімді ерекше тербеді, сол себепті осы шығарманы анам екеуміз жатқа оқуды ұйғардық”, – дейді Надира Атымтай.
</blockquote>
Отбасылық челлендж аясында қатысушылар Мұқағали Мақатаевтың өлеңдеріне жазылған&nbsp; әсем әндерден шашу шашып, тыңдармандарға ерекше әсер қалдырды.
<blockquote>
 “Қазақ сөз өнерінің зергері деп танылған қаламгер еңбектері адалдық пен жан тазалығына, шынайылыққа үндейді. Оқушылар мен ата-аналарды ақынның шоқтығы биік шығармаларымен таныстыра отырып, ақын өлеңдеріндегі елжандылық, құрмет, сүйіспеншілік құндылықтарын өскелең ұрпаққа дәріптеу мақсатында ұйымдастырылды”, – дейді жоба координаторы Ақбота Жұмабаева.
</blockquote>
Эстафета ақынның туған күніне дейін&nbsp; жалғасады. Мектеп ұжымы әдеби&nbsp; эстафетаға барша халықты үлес қосуға шақырады. Ол үшін ақын шығармашылығынан сүйікті өлеңін мәнерлеп оқыған видеоларды #Мұқағалиға90жылNIS&nbsp; хэштегімен әлеуметтік желіге жүктеу қажет.

Қызылордада отбасылық жыр эстафетасы басталды (ВИДЕО)

<a href="https://kyzylorda-news.kz/">Kyzylorda-news.kz</a>. Мемлекет басшысы жылжымайтын мүлік бағасын ұстап тұруды тапсырды, деп хабарлайды&nbsp;«<a href="https://24.kz/kz/zha-aly-tar/ekonomika-zhnalyktary/item/451492-zejneta-y-t-lemderin-pajdalanu-erezhelerinde-andaj-kemshilikter-bar">Хабар 24</a>».
Зейнетақы жинақтарын тұрғын үй нарығында пайдалану аясында кей өңірлерде баспана қымбаттауы мүмкін. Бірақ сарапшылар баспана бағасын ұстап тұру үшін әкімшілік әдістер жеткіліксіз деген пікірде.
Экономист Рахым Ошақбаевтың айтуынша, елімізде салынып жатқан баспана көлемін арттырып, құрылыс қарқынын ұлғайту керек.
Экономист Рахым Ошақбаевтың айтуынша, зейнетақы төлемдерін пайдалану ережелерінің осал тұстары бар. Мысалы, егер жаңа кешен «Тұрғын үй құрылысына кепілдік беру қорымен» кепілдендірілмесе, ережеге сай сіз ол жерден үлескер ретінде баспана ала алмайсыз. Мұндағы басты себептердің бірі аталмыш оператордың салымшыларға қатысты шектеулері бар. Салдарынан кейбір құрылыс компаниялары қордың қолдауын ала алмайды. Осылайша, жылжымайтын мүлік нарығының бұл бағытында ұсыныстар аз. Яғни зейнетақы жинақтарын пайдаланып, үлескер ретінде баспана алуға болатын тұрғын үй кешендерінің саны шектеулі. Сондықтан «осы сегменттегі таңдау аясын кеңейту керек» дейді Рахым Ошақбаев.
<blockquote>
 “Қазақстанда баспаналар көптеп салынып жатыр. Нұр-Сұлтан қаласының өзінде былтыр 3 миллион шаршы метр баспана бой көтерген. Салыстырмалы түрде айтатын болсақ, Татарстан астанасы Қазан қаласында бір миллион шаршы метр үй салынған. Ондағы халық саны елордамен бірдей. Бірақ осы тұста жаңа баспаналардың ескі үйлерге қарағанда сапасы жоғары, ал бағасы қолжетімді екенін ескеру керек. Сондықтан құрылыс қарқынын ұлғайту керек деп есептеймін”, – дейді экономист Рахым Ошақбаев.
</blockquote>

Зейнетақы төлемдерін пайдалану ережелерінде қандай кемшіліктер бар?

<a href="https://kyzylorda-news.kz/">Kyzylorda-news.kz</a>. Қазақ тілі мен әдебиеті пәнінен республикалық «Абайтану» олимпиадасында Қызылорда қаласындағы Назарбаев Зияткерлік мектебінің 11 сынып оқушысы Ләззат Өтеп жүлделі ІІІ орынды иеленді.&nbsp;
Аталмыш білім бәйгесінің республикалық кезеңіне еліміздің барлық жалпы білім беретін мектеп оқушылары қатысты. Жас абайтанушылар бірінші кезеңде Абай қарасөздері мен поэзиясы негізінде дайындалған тақырыптардың біріне ЭССЕ жазып шығармашылық қабілет -қарымын танытса, екінші кезеңде шығармашылығы бойынша ауызша сұрақтарға&nbsp; тікелей режимде жауап беріп, терең білімдерімен сынға түсті.
<blockquote>
 «Абай поэзиясының&nbsp; қазіргі жастарға беретін тағылымы зор. Данышпан ақын әсіресе, білім мен ғылымның&nbsp; маңызына көп мән берген. Ақын өлеңдерін бала кезімнен жаттап өстім. Абайдың табиғат тақырыбындағы&nbsp; шығармалары қатты ұнайтын. Суреткерлігі сонша — оқыған кезде&nbsp; жанды картина көз алдымызға келеді», — дейді Ләззат Өтеп.
</blockquote>
Сонымен бірге ғұламаның қара сөздерінің астарына тереңірек үңілу керек , күнделікті өмірде ұстаным ретінде&nbsp; қолданатын тұжырымдардың мол екенін айтады.&nbsp;&nbsp;&nbsp; Байқауда жас зияткер Абай жолы романының мазмұны бойынша білімімен ерекшеленіп, жүлделі 3-орын иеленді.&nbsp;&nbsp;
<blockquote>
 «Елімізде биыл үшінші рет өткізіліп отырған Абайтану олимпиадасы онлайн форматта жоғары деңгейде әділ өтті. Әрине, үлкен дайындықты талап етеді. Оқу бағдарламасынан бөлек сабақтан тыс уақыттарда да Абай әлемімен толық таныс болу үшін қосымша жұмыс жүргіздік. Абай шығармашылығы — жас жеткіншектер үшін рухани азық, өмірлік бағыт беруші шамшырақ іспетті, сондықтан оның мол мұрасы насихатталу керек», — дейді ұстазы Мира Дөненхожаева.
</blockquote>

Қазақстан және Қызылорда облысының жаңалықтары