Kyzylorda-news.kz. Қазақстанда өткен тәулікте 827 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 127,
Алматы қаласы – 112,
Шымкент қаласы – 11,
Ақмола облысы – 77,
Ақтөбе облысы – 14,
Алматы облысы – 46,
Атырау облысы – 34,
Шығыс Қазақстан облысы – 50,
Жамбыл облысы – 13,
Батыс Қазақстан облысы – 61,
Қарағанды облысы – 45,
Қостанай облысы – 68,
Қызылорда облысы – 9,
Маңғыстау облысы – 11,
Павлодар облысы – 111,
Солтүстік Қазақстан облысы – 31,
Түркістан облысы – 7.
Жалпы ел бойынша ауырғандар саны – 206 652.

Қызылордада 9 адам коронавирус инфекциясын жұқтырды

Kyzylorda-news.kz. Бүгін Қазақстанның басым бөлігінде атмосфералық фронталды бөліктердің өтуіне байланысты ауа райы құбылмалы болады, деп хабарлайды Қазгидромет.
Синоптиктердің мәліметінше, 20 ақпанда жаңбыр, қар жауады. Шығыс және оңтүстік-шығыс аудандарда қатты жауын-шашын мол көлемде жауады. Республиканың кей жерлерінде тұман түсіп, көктайғақ, бұрқасын болып, жел күшейеді.
Шығыс Қазақстан облысының кей жерлерінде жаяу бұрқасын, көктайғақ, тұман болып, желдің күші секундына 15-20 метрге, екпіні 23-28 метрге жетеді.
Алматы облысының кей жерлерінде тұман, көктайғақ болып, жел 17-22 м/с, кей жерлерде 27 м/с жылдамдықпен соғады.
Жамбыл облысының кей жерлерінде тұман түсіп, көктайғақ болады, түнде жел 15-20 м/с-қа дейін күшейеді, жаяу бұрқасын болады.
Түркістан облысының кей жерлерінде көктайғақ болып, тұман түседі, жел 15-20 м/с жылдамдықпен соғады.
Ақмола облысында кей жерлерде тұман түсіп, жаяу бұрқасын болады, күндіз жел 15-20 м/с жылдамдықпен соғады.
Күндіз Солтүстік Қазақстан облысында жел 15-20 м/с жылдамдықпен соғады, жаяу бұрқасын соғады.
Павлодар облысында түнде желдің күші секундына 17 метрге жетеді.
Атырау, Батыс Қазақстан, Қызылорда облыстарының кей жерлерінде тұман түседі.
Ақтөбе, Қостанай облыстарының кей жерлерінде жаяу бұрқасын болып, тұман түседі, күндіз желдің күші секундына 15-20 метрге жетеді.

20 ақпанға арналған ауа райы болжамы

Kyzylorda-news.kz. Биыл облыста 17954 жаңа жұмыс орны ашылады. Оның 13500-і тұрақты жұмыс орны. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова мәлімдеді.
Өңірде «Жұмыспен қамту жол картасы» бағдарламасын жүзеге асыруға 11,7 млрд. теңге қаржы бөлінді. Жобалардың басым бөлігі құрылыс саласына бағытталады. Жергілікті тұрғындардың жұмыссыздық мәселесі осы бағдарлама арқылы шешу көзделуде.
<blockquote>
 “Біз биыл 18 мыңға жуық жаңа жұмыс орнын ашуды жоспарлап отыр. Межені артығымен орындауға күш саламыз. Жақында білесіздер Президент Үкіметке облысқа қолдау білдіруге тапсырма берді. Жаңа жобалар әзірленді. Соның аясында жаңа жұмыс орындары ашылатын болады. Жыл басынан бері өңірде мыңға жуық азамат жұмысқа орналасты. Бұл жұмысты тұрақты жалғастыратын боламыз”, – деді облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова.
</blockquote>
Пандемия кезінде жұмыспен қамту мәселесі күрделене түсті. Көптеген мекемелер жұмысшыларын қысқартты. Бұл мәселені шешу бағытында 3208 кәсіпорынмен меморандум жасалды.

Қызылордада 17954 жаңа жұмыс орны ашылады

<a href="https://kyzylorda-news.kz/">Kyzylorda-news.kz</a>. Биыл Қызылорда облыстық тілдерді оқыту орталығы 2500 адамға үш тілді тегін үйретеді.
Атап айтсақ, қазақ тілі – 1008, ағылшын – 828, орыс тілі -648 адамға оқыту жоспарланған. Курстарға қазір 330 адам өтініш білдірген.
35 маман жұмыс істейтін орталыққа мемлекеттік қызметкерлер, мемлекеттік емес ұйым өкілдері көптеп жүгінеді. Осында санаулы ай білімін жетілдіріп, курс соңында сертификат алып шығады. Айта кететін жайт, бұл оқу курстарының барлығы келушілерге тегін түрде үйретіледі. Мұнда, мемлекеттік тілді оқыту 100 сағатқа жоспарланса, ағылшын және орыс тілі курстары 72 сағатты құрайды. Ескерте кететін жайт, оқыту курсы тек ересек адамдарға арналған.
<blockquote>
 «Еліміз карантиндік режимге ауысқан тұста біз онлайн форматта жұмыс істедік. Мамандарымыз қашықтан оқыту жүйесіне арналған kzordatil.kz интернет порталын жасақтады. Үш тілдегі деңгейлік оқыту курстарының барлық сабақтарын порталға орналастырдық. Сөйтіп, тіл курстары онлайн форматқа ауыстырылды. Бүгінде порталымыз тіл үйренушінің уақыты мен мүмкіндігіне сәйкес қолжетімді әрі тиімді ресурс ретінде қолданылуда», – деді облыстық тілдерді оқыту орталығының директоры Ләззат Ортаева.
</blockquote>
Өңірде ағылшын тілін үйренуге сұраныс жоғары екен. Ал аудандық жерлерде орыс тілін меңгергісі келетіндер көп. Көбісі іс-қағаз және құжаттарға байланысты сауаттылығын арттырмақ ниетте. Курсқа қатысушы өзіне тиімді офлайн немесе онлайн форматты таңдай алады.

Қызылордада 2500 адамға үш тіл тегін үйретіледі

<a href="https://kyzylorda-news.kz/">Kyzylorda-news.kz</a>.&nbsp; Бүгінде халыққа көрсетілетін мемлекеттік қызметтер саны жыл сайын арта түсуде, ал оны алу процессі бұрынғыдан жеңілдетілгенін ерекше атап өту қажет. Оның электронды форматқа көшуі де – жемқорлыққа қатысты құқық бұзушылықтарды жоюға мүмкіндік беріп келеді. Нақты статистиканы сөйлетсек, облыстағы қызмет беруші мекемелермен былтыр 372 мемлекеттік қызмет түрі бойынша 6&nbsp;155&nbsp;896 қызмет көрсетілген. Осыған қарап, көрсеткіштің 2019 жылмен салыстырғанда 2&nbsp;454&nbsp;316 қызметке немесе 66,3 пайызға артқанын айқын аңғаруға болады.
Ал, электрондық түрде 3&nbsp;748&nbsp;279 қызмет көрсетілген. Жалпы, мемлекеттік көрсетілетін қызметтердің, оның ішінде электрондық қызметтердің саны атқарылған жұмыстардың ауқымын байқатып отыр. Азаматтардың сұранысының өсуі, сонымен қатар пандемия кезіндегі карантиндік шектеулердің де әсері мемлекеттік қызметтерді ақылы түрде көрсететін орындардың көптеп ашылуына ықпал етті. Аталған орындарда «электронды үкімет» веб-порталынан тегін алуға болатын қызметтерді алуға делдалдық жасағаны үшін тұрғындардан 500 теңгеден бастап 3000 теңгеге дейін сұралған. Мысалы, кез-келген анықтама алу құны – 500 теңге, ЭЦҚ алу, мекенжайға тіркелу – 1000 теңге, балабақшаға тіркеу үшін – 2000 теңге. Ал, бұл қызметтерді артық шығынсыз алуға мүмкіндік бар. Тек құлшыныс керек. Құпиялылық жағынан да мәселе жоқ емес. Тарқатсақ, біріншіден, жоғарыда айтқанымыздай, тегін қызметті ақылы алады, екіншіден, тұрғындар ЭЦҚ-сын құпия сөздерімен бірге сол қызмет алған орындарға тастап кетеді. Одан кейін сіздің ЭЦҚ-дың қандай мақсатта пайдаланылатыны белгісіз.
Дегенмен де маңызды мәселе бақылауда. Өткен жылдың соңында Қазақстан Республикасының Мемлекеттік қызмет істері агенттігінің Қызылорда облысы бойынша департаментінің бастамасы негізінде облыс әкімдігінің қолдауымен «Электрондық қызметтерді өздігінен алу орталығы» жұмысын бастап кетті. Орталық осы кезеңге дейін 7000-ға жуық тұрғынға қызмет көрсетті. Аталған орталықта «Азаматтарға арналған үкімет» мемлекеттік корпорациясы филиалының мамандары кеңес беріп, сан сауалға жауап беруге дайын. Орталық дүйсенбі-жұма күндері сағат 09:00-20:00 аралығында және сенбі күні сағат 09:00-18:00 аралығында қызмет көрсетеді. Орталық мекен-жайы: Қызылорда қаласы, Бектұрғанов көшесі, 70 (И.Панфилов көшесімен қиылысы), Көші-қон полициясы ғимараты, 1-қабат.
Айта кету керек, өткен жылы Департаментпен мемлекеттік көрсетілетін қызметтер саласындағы заңнаманың сақталуы бойынша 47 тексеру жүргізілді. Тексеру нәтижесімен 222 заң бұзушылық анықталды. Ең көп орын алған факт қатарында стандартта көзделмеген құжаттарды талап ету, қызмет көрсету рәсімдерін, мерзімін бұзу, құжаттар топтамасы толық болмаса да қызмет көрсету бар. Әкімшілік құқық бұзушылықтар туралы кодексінің 465-бабы бойынша 11 және 462-бабы бойынша 1 әкімшілік хаттама толтырылды. Салынған және өндірілген айыппұл мөлшері – 432&nbsp;257 теңге.
Азаматтардың назарына! Егер де, мемлекеттік көрсетілетін қызметтерді алу барысында Сіздің құқықтарыңыз бен заңды мүдделеріңіз бұзылса Қызылорда қаласы, Бейбарыс Сұлтан көшесі, 1 мекенжайда орналасқан Қазақстан Республикасының Мемлекеттік қызмет істері агенттігінің Қызылорда облысы бойынша департаментіне хабарласуды сұраймыз. Байланыс телефондарымыз: 8 (7242) 70-56-36, 70-00-40.
Роллан ЕСПЕНБЕТОВ,
ҚР Мемлекеттік қызмет істері агенттігінің
Қызылорда облысы бойынша департаментінің бас маманы

Роллан Еспенбетов:  Мақсат – мемлекеттік қызмет көрсету сапасын арттыру

<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрлігі Медициналық көмекті ұйымдастыру департаменті директорының орынбасары Гүлнар Сәрсенбаева Бірыңғай жинақтаушы зейнетақы қорынан алынған қаражатты қандай емге жұмсауға болатындығын айтты, деп хабарлайды <a href="https://lenta.inform.kz/kz/zhakyn-tuystardyn-zeynetaky-zhinagyn-emdeluge-zhumsauga-bolady_a3755406">ҚазАқпарат</a>.
<blockquote>
 «Оны алу үшін азамат БЖЗҚ-ның интернет-ресурсы немесе «электрондық үкімет» веб-порталы арқылы біржолғы зейнетақы төлемінің қолжетімді сомасын анықтауы қажет. Егер қордағы сома жеткілікті болса, онда азамат тіркелген жері бойынша медициналық ұйымға жүгініп, дәрігерлік комиссияның біржолғы зейнетақы төлемдері есебінен емделуге жіберу туралы қорытындысын алуы қажет», – деді ол Орталық коммуникациялар қызметіндегі баспасөз мәслихаты барысында.
</blockquote>
Оның түсіндіруінше, дәрігерлік комиссия өтініш берген күннен бастап 5 жұмыс күнінен кешіктірмей зейнетақы төлемдері есебінен емделуге жіберу туралы не медициналық көрсеткіш болмаған жағдайда бас тарту туралы шешім қабылдайды. Қорытынды дәрігерлік комиссияның отырысы өткізілген күннен бастап 2 жұмыс күні ішінде беріледі.
Жинақталған зейнетақы қаражаты есебінен азаматтар орфандық ауруларды емдеу, Қазақстан Республикасының аумағында орналасқан медициналық ұйымдарда көрсетілетін стоматологиялық қызметтер (тісті протездеу, имплантация), операциядан кейінгі тыртықтар мен туа біткен ақауларды түзету мақсатында реконструктивті және қалпына келтіру операциялары (пластикалық), сондай-ақ мастэктомия, радионуклидтік және радиойодтерапия, радиохирургиялық емдеу (гамма-пышақ, кибер пышақ), протонды терапия, офтальмологиялық қызметтер сияқты қымбат тұратын қызметтерді ала алады. Сонымен қатар, аталған тізбе халықтың қажеттілігін ескере отырып, өзгеруі мүмкін.
Медициналық комиссияның оң қорытындысы болған жағдайда өтініш беруші медициналық ұйымды таңдап, шарт жасасуы қажет. Содан кейін, ЭЦҚ көмегімен уәкілетті оператордың интернет-ресурсында өзінің жеке кабинетін ашу, онда сомасын, пайдалану мақсатын көрсете отырып, біржолғы зейнетақы төлеміне электрондық өтінішті толтыру, дәрігерлік комиссия қорытындысының сканерленген көшірмелерін, медициналық ұйыммен емдеу туралы шартты бекіту және өзінің ЭЦҚ-мен куәландыру қажет. Өтініш берушінің ЭЦҚ-сы қойылған, уәкілетті операторда тіркелген Төлемге арналған өтініш туралы мәліметтер БЖЗҚ-ға электрондық хабарлама шеңберінде келіп түседі. БЖЗҚ уәкілетті оператордан электрондық хабарлама алған күннен бастап 5 жұмыс күні ішінде біржолғы зейнетақы төлемінің сомасын өтініш берушінің уәкілетті операторда ашылған арнайы шотына аударады.
Уәкілетті оператор алушы ұсынған біржолғы зейнетақы төлемдерінің нысаналы мақсаты бойынша құжаттарды тексереді және олар сәйкес келген жағдайда оларды алған күннен бастап 5 жұмыс күні ішінде өтініш беруші таңдаған медициналық ұйымның нысаналы мақсаты бойынша қаражатты аударады.
«Сондай-ақ, жұбайының (зайыбының), жақын туыстарының біржолғы зейнетақы төлемдерін емдеуге пайдалануға болатынын атап өткім келеді. Мұндай жағдайларда тараптар жеке кабинетте туыстық қатынастарды растайтын құжаттарды қоса көрсетіп, олардың ЭЦҚ-мен куәландырылатын біржолғы зейнетақы төлемдерін беру туралы келісім жасасады», – деді Г.Сәрсенбаева.

Жақын туыстардың зейнетақы жинағын емделуге жұмсауға болады

<a href="https://kyzylorda-news.kz/">Kyzylorda-news.kz</a>.&nbsp;Қызылорда қалалық Полиция басқармасының кезекші бөліміне алаяқтың құрбаны болған 43 жастағы жергілікті тұрғын арызданды.
Оның айтуынша, белгісіз ер азамат 2019 жылдың шілде айынан бастап оны ҚТЖ-ға жолсерік ретінде жұмысқа орналастыруға уәде беріп, алдау жолымен 740 000 теңгесін жымқырған. Өтініш беруші бүгінгі күнге дейін уәде етілген жұмысқа орналасуды да, ақшасын да қайтармаған.
Сол күні полицияға жергілікті тұрғыннан алаяқтық дерегі туралы тағы бір осындай мазмұнда арыз түсті.
2019 жылы белгісіз азамат оны таныстары арқылы жолсерік етіп ұйымдастыруға уәде беріп, алдау жолымен өзіне 700 000 теңге сомасында ақша қаражатын жымқырған. Алаяқты ұстау мақсатында полиция қызметкерлері барлық қажетті жедел-іздестіру іс-шараларын жүргізіп, нәтижесінде 1975 жылы туған қала тұрғыны ұсталды.
Қазіргі уақытта, &nbsp;аталған дерек &nbsp;бойынша Қазақстан Республикасының &nbsp;Қылмыстық кодексінің 190-бабы бойынша (Алаяқтық) сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
Қызылорда қалалық Полиция басқармасының басшылығы азаматтарға қырағы болу және бейтаныс адамдарға сенбеу қажеттігін тағы да ескертеді. Несие немесе басқа да әлеуметтік-материалдық көмек алуда күмәнді көмек ұсынатын, сондай-ақ ақша үшін жұмысқа орналасуға уәде беретін әр түрлі алаяқтарға шамадан тыс сенім білдірмеңіз. Егер сіз осындай қылмыстардың құрбаны немесе куәгері болсаңыз, дереу полицияға 102 нөміріне хабарласыңыз.

«Жұмысқа тұрғызып беремін»: Алаяқ 2 азаматты 1 500 000 миллион теңгеге алдап кетті

<a href="https://kyzylorda-news.kz/">Kyzylorda-news.kz</a>. Аймақта өткен жылы 62 000 тонна қалдық залалсыздандырылды. Оның ішінде, 41 000 тонна өндірістік, 21 000 тонна тұрмыстық қатты қалдық. Қазіргі таңда , геологиялық барлау және құрылыс нысандарының артуынан өндірістік қалдықтың көлемі көбеюде.
Бұл туралы өңірлік коммуникациялар қызметінің ақпарат алаңында өткен брифингте облыс бойынша экология департаменті басшысының міндетін атқарушы Нұржан Өмірсерікұлы айтты. 
Облыста 145 полигонға жер учаскесі белгіленген. Оның 7-і ғана экологиялық талапқа сай.
<blockquote>
 «Өткен жылы 96 экологиялық заңнама талаптарын бұзу фактісі анықталып, кемшіліктерді жою үшін тиісті жұмыстар жасалды. Мұнан өзге, 35 әкімшілік құқық бұзушылық жөнінде іс қозғалып айыппұл салынды. Сонымен қатар, облыста қалдықтарды сұрыптайтын 3 кәсіпорын бар. Атап айтқанда, Белкөл кентінде орналасқан «Ибрайхан и К ЛТД» ЖШС-нің полигонындағы жинақталған шыны, автошина, пластик, мата, құрылыс тамақ қалдықтары сұрыпталуда. «Smart Rubber» ЖШС автокөліктердің жарамсыз шиналарын қайта өндеп, тамшылатып суаруға арналған түтіктерін өндіруде. «Эко-Н Сервис» ЖШС істен шыққан жарамсыз құрамында сынабы бар шамдарды залалсыздандыруда. Бұған қоса, 136 заңсыз қалдық орны анықталып, оның 131 жойылды»,-деді Нұржан Өмірсерікұлы.
</blockquote>
<img src="https://kyzylorda-news.kz/wp-content/uploads/2021/02/152033546_1233693850359458_7276019459541891879_o.jpg" alt="" />
Айта кетейік, 2020 жылдан бастап тамақ және құрылыс материалдары қалдықтарын полигондарға көмуге тыйым салынған.

Қызылордада 62 000 тонна қалдық залалсыздандырылды

<a href="https://kyzylorda-news.kz/">Kyzylorda-news.kz</a>.&nbsp; “Қазақстан аруы” ұлттық сұлулық байқауын ұйымдастырушылар өмірдің қиын жағдайына тап болған жоба қатысушысы Гүлнұр Нұртазаға қол ұшын созып, жаңа қызмет ұсынды, деп хабарлайды&nbsp;<a href="https://sputnik.kz/">Sputnik Қазақстан</a>.
Гүлнұр Нұртаза 2017 жылы “Қызылорда аруы” атағын жеңіп алған. Ал 2019 жылы Қызылорда облысының аруы “Қазақстан аруының” финалисі болды.
Жуырда ғана әлеуметтік желіде сұлулық байқауының қатысушысы Алматы қаласындағы дәмханалардың бірінде ыдыс-аяқ жуып жатқан сәті түсірілген видео тарады.
Бойжеткеннің мұндай тағдыры “Қазақстан аруы” ұлттық сұлулық байқауының басшылығы мен жоба серіктестерін бей-жай қалдырмады.
<blockquote>
 “2017 жылы «Қызылорда аруы» атағын жеңіп алған Гүлнұр сол жылы әкесінен айрылды. Үш жылдан кейін коронавирус анасының өмірін қиды. Бүкіл әлемде жалғыз қалған жас қыздың жағдайын жеткізу мүмкін емес.&nbsp;Интернетте Гүлнұр трагедиясы туралы хабарлар пайда бола салысымен, қиын өмірлік жағдайға бірінші болып жауап берген байқаудың қазылар алқасының төрағасы Ырза Тұрсынзада болды”, – деп жазды “Қазақстан аруы” байқауының&nbsp;<a href="https://www.instagram.com/p/CLb5JVKBsHs/">Instagram</a>&nbsp;желісіндегі парақшасында.&nbsp;
</blockquote>
Этно-дизайнер Гүлнұрға өзінің “Аналар аманаты” жеке этномұражайы мен Нұр-Сұлтандағы “Бақытты отбасы” республикалық үйлестіру орталығынан жұмыс ұсынды.
<blockquote>
 “Сондай-ақ, Қызылорда қаласының әкімдігі де финалисімізге жұмыс ұсынып, жан-жақты қолдау көрсетуге дайын екенін білдірді”, – дейді “Қазақстан аруы” байқауының ұйымдастырушылары.&nbsp;
</blockquote>
Сол сияқты қазақстандық сән брендтерінің бірі бойжеткенге Алматыдағы жаңа шоурумға сату бойынша кеңесші қызметін ұсынған. Оған қоса, ол танымал сұлулық салондарының желісіне шебер стилист болуды оқып, үйренуге де шақырту алған.&nbsp;
<blockquote>
 “Қаншама жанашыр жандар Гүлнұрдың бүгінгі тағдырына бей-жай қарамады. Қазір пандемия жағдайында бәріне де қиын. Десек те, біз әлсіздерге көмек қолын созу арқылы мықты болып қала береміз. Достар, сіздердің жанашырлықтарыңыз үшін алғыс айтамыз және Гүлнұрдың жаңа бастамаларына үлкен жетістіктер тілейміз”, – делінген ұлттық сұлулық байқауының ақпаратында.
</blockquote>
Айта кетейік, бұған дейін блогер Қайрат Құдайберген мен полицей Димаш Ниязов та Гүлнұр Нұртазаны қолдайтынын айтқан болатын.

Дәмханада ыдыс-аяқ жуып жүрген &#8220;Қазақстан аруы&#8221; финалисіне бірнеше қызмет ұсынылды

<a href="https://kyzylorda-news.kz/">Kyzylorda-news.kz</a>. Бүгін Қызылорда қала әкімдігінің баспасөз орталығында көп пәтерлі тұрғын үйлерді басқарудың жаңа нысандарына көшу тәртібі түсіндірілді.
Брифингте Қызылорда қалалық тұрғын үй коммуналдық шаруашылық жолаушылар көлігі, автомобиль жолдары және тұрғын үй инспекциясы бөлімінің басшысы Біржан Далабайұлы қала аумағында 815 көпқабатты тұрғын үй, оның 684 көпқабатты тұрғын үйлерге 17 басқару органы, яғни пәтер иелері кооперативі күтіп-ұстау қызметін көрсетіп келетінін айтты.
2020 жылғы 7 қаңтарда «ҚР кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» ҚР Заңы күшіне енді. Заңда енгізілген түзетулер бойынша көп пәтерлі тұрғын үй иелері үйді басқарудың жаңа нысандарының бірін таңдауға міндеттелді. Яғни, тұрғындар «Мүліктің меншік иелері бірлестігі» және «Жай серіктестіктерінің» бірін құруы қажет.
«Мүліктің меншік иелері бірлестігінің» және «Жәй серіктестіктердің» қазіргі Пәтер иелері кооперативтерінен (КСК) басты айырмашылығы әрбір үйдің дара басқару мекемесі, әрбір үйдің жеке есепшоты болуында және оны сол үйдің тұрғындары ғана басқаруында.
Мүліктің меншік иелері бірлестігі – Әділет органдарына тіркелу арқылы құрылса, ал жай серіктестіктер – үй иелерінің сенімхаты негізінде құрылады.
Айта кету керек, қаладағы көппәтерлі тұрғын үйлер иесіз қалмауы мақсатында қала әкімдігінің тиісті бөлім мамандарымен жиналыс кестесі бекітіліп, тұрғындарға түсіндірме жұмыстары жүргізілуде. Атап айтқанда Сырдария мөлтек ауданы, Универсам ықшам ауданы, Шұғыла мөлтек ауданы, Тасбөгет кентінде орналасқан көппәтерлі үйлердің тұрғындарына жиналыс өткізілді. Нәтижесінде қазіргі кезде қала көлемінде 3 жәй серіктестік құрылды. Бұл бағыттағы жұмыстар тұрақты жалғасын табады.
<img src="https://kyzylorda-news.kz/wp-content/uploads/2021/02/152733444_2777058819227525_7172402780978249515_o.jpg" alt="" />

Қызылордада көп пәтерлі үйлерді басқарудың жаңа нысандарына көшу тәртібі түсіндірілді

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова аймақтың туризм саласын дамыту мәселелеріне арналған жиын өткізді.
Отырысқа бірқатар басқарма басшылары қатысып, аудан әкімдері онлайн режим арқылы байланысқа шықты. Өңір басшысы 2025 жылға қарай республиканың жалпы ішкі өніміндегі туризм саласының үлесін кемінде 8 пайызға жеткізу міндеті тұрғанын атап өтіп, өңірде туризмнің әлеуетін арттыру және жұмысты жандандыру қажет екенін қаперге салды.
Жиында облыстық кәсіпкерлік және туризм басқармасының басшысы Фердоуси Қожабергенов аймақ туризмін дамыту мәселелері бойынша атқарылған жұмыстарды тізбелеп, алдағы кезеңде іске асатын жоспарларын баяндады.
<img src="https://kyzylorda-news.kz/wp-content/uploads/2021/02/152022404_3132584590177922_1879018979090866103_o.jpg" alt="" />
Фердоуси Қожабергенов пандемияның салдарынан туындаған карантин шаралары әлемдегі автомобиль экспорты мен мұнай өнімдерінен кейін тұрған туризм саласына едәуір әсер еткенін атап өтті. Мәселен, 2020 жылдың қаңтар-қыркүйек айларында облысқа келушілердің саны 32 139 адамды құрап, өткен жылғы тиісті кезеңмен салыстырғанда 41% пайызға азайған. Ал, орналастыру орындарымен 469,3 млн.теңгеге қызметтер көрсетіліп, 39 пайызға төмендеген.
Басқарма басшысы биыл облысқа туристік бағытта 45 000 адам келеді деп жоспарланғанын және 1,5 млрд.теңге қаржыны құрайтын 5 туристік нысанды іске қосу арқылы жаңадан 70 тұрақты жұмыс орнын ашуға мүмкіндік болатынын тілге тиек етті.Өңірде облыстық жобалық кеңсе аясында «Visitorda.kz» ресми ақпараттық-туристік сайты әзірленген. Сонымен бірге «Возрождение» аралындағы кемелердің қалдықтары орналасқан аумақтан аспан астындағы мұражай ашу жұмыстары пысықталуда. Мұнан бөлек, алдағы кезеңде туристік фирмалар, жоғарғы оқу орындарының студенттері, мектеп оқушыларына «Байқоңыр» ғарыш айлағы, «Қорқыт ата» мемориалдық кешені, «Сығанақ», «Жанкент» қалашықтары мен басқа да тарихи орындарға танымдық турлар ұйымдастырылмақ.
<img src="https://kyzylorda-news.kz/wp-content/uploads/2021/02/152222130_3132584906844557_8540407211946021491_o.jpg" alt="" />
Отырыста Гүлшара Әбдіқалықова өңірде демалыс орындары көп болғанымен, сервистік қызмет көрсету мен инфрақұрылым мәселесін әлі де жетілдіру қажеттігін назарға салып, Арал ауданының әкімі Мұхтар Оразбаевқа «Қамбаш» демалыс аймағына кіреберіс жол мен автотұрақ салу мәселесін шешуді тапсырды.
<blockquote>
 «Арал ауданында туризмді дамытуға мүмкіндік көп. Туристердің қызығушылығын пайдаланып, «Қамыстыбас» демалыс аймағы, «Ақеспе» ыстық су шипалы бұлағы секілді орындарды қолға алып, туристер үшін қолайлы жағдай жасау керек. «Возрождение» аралындағы көне қалдық кемелерге де туристер тарапынан қызығушылық жоғары. Ішкі туризмді дамытуда туристік маршруттар бойындағы туристік, мәдени-тарихи нысандардың инфрақұрылымдық жағдайын жақсартуды қолға алу керек»,-деді облыс әкімі Гүлшара Әбдіқалықова.
</blockquote>
Жиында аймақ басшысы Қазалы ауданындағы Жанкент қалашығын абаттандыру, Құттыбай кесенесі мен Сараман-Қоса мұнарасына жол салу мәселелерін қарады. Сондай-ақ, Қармақшы мен Байқоңыр қаласында туризмді дамыту жағдайын талдау қажеттігін және тиісті жұмыстарды атқаруды міндеттеді.
<blockquote>
 «Қармақшы ауданында ішкі мәдени туризмді дамытуға мүмкіндік беретін «Қорқыт ата» мемориалдық кешені, «Марал ишан» кесенесі, «Жетіасар», «Алтыасар», «Шірік Рабат», «Сырлытам», «Қосқала» ескерткіштерін, Шиелі ауданындағы Ханқожа көлі, Жаңақорған ауданында «Сығанақ», «Өзгент», «Аққорған» қалашықтары, «Хорасан Ата», «Сунақ Ата» кесенелері және «Қатынқамал» үңгірі секілді тарихи орындарда туризмді дамыту керек және аталған туризм нысандарына баратын жол мәселесін реттеуіміз қажет», – деді облыс әкімі.
</blockquote>
<img src="https://kyzylorda-news.kz/wp-content/uploads/2021/02/152074392_3132585223511192_1617406251891687307_o-1.jpg" alt="" />
Отырыста облыс әкімі аудандарда туризм индустриясын дамыту үшін кешенді жұмыстарды жалғастыруды және туризм әлеуетін арттыруға арналған жаңа бастамаларды іске асыруды тапсырды. Жиында айтылған әрбір мәселелердің орындалуына бақылауға алуды орынбасары Нұрлан Тілешовке тапсырды.
Айта кетейік, облыста 4 жағажай, 4 шипажай, 11 демалыс орны, 30 жол бойы сервистік кешен, 113 орналастыру орны демалушыларға қызмет көрсетеді және 12 туристік фирма жұмыс жасайды.

Гүлшара Әбдіқалықова: Туризм нысандарына баратын жол мәселесін реттеуіміз қажет

<a href="https://kyzylorda-news.kz/">Kyzylorda-news.kz</a>. Төтеншеліктер өрт қауіпсіздік шараларын сақтауды ескертеді. Мәселен жыл басынан бері облыс көлемінде 66 өрт оқиғасы орын алған. Яғни өткен жылмен салыстырғанда 34,8 пайызға көбейіп отыр. Бұл туралы Өңірлік коммуникациялар қызметінің ақпарат алаңында өткен брифингте облыс бойынша ТЖД бастығының міндетін атқарушы Руслан Қайрақбаев мәлімдеді.
Өрттің басым бөлігінің шығу себебі электр желілерінің қысқаша тұйықталуынан, тұрмыстағы пештің ақаулығынан, тұрмыстық газ қондырғыларының ақаулығынан болып отыр.
<blockquote>
 «Бүгін 06.00 шамасында 5 адам табиғи газдан уланған. Адамдар аман. Ауруханаға жеткізілді. Қазіргі таңда дәрігерлердің бақылауында. Соңғы уақытта өрттің жиі шығуы тұрғындардың қауіпсіздік ереже талаптарын сақтамауынан, немқұрайлы қарауынан пайда болып отыр. Осы орайда шаһар тұрғындарынан өрт қауіпсіздік ережесі талаптарын сақтауды сұраймыз», – деді Руслан Сламбекұлы.
</blockquote>

Қазақстан және Қызылорда облысының жаңалықтары

Қызылордада 9 адам коронавирус инфекциясын жұқтырды

20 ақпанға арналған ауа райы болжамы

Қызылордада 17954 жаңа жұмыс орны ашылады

Қызылордада 2500 адамға үш тіл тегін үйретіледі

Роллан Еспенбетов: Мақсат – мемлекеттік қызмет көрсету сапасын арттыру

Жақын туыстардың зейнетақы жинағын емделуге жұмсауға болады

«Жұмысқа тұрғызып беремін»: Алаяқ 2 азаматты 1 500 000 миллион теңгеге алдап кетті

Қызылордада 62 000 тонна қалдық залалсыздандырылды

Дәмханада ыдыс-аяқ жуып жүрген “Қазақстан аруы” финалисіне бірнеше қызмет ұсынылды

Қызылордада көп пәтерлі үйлерді басқарудың жаңа нысандарына көшу тәртібі түсіндірілді

Гүлшара Әбдіқалықова: Туризм нысандарына баратын жол мәселесін реттеуіміз қажет

Қызылорда: Төтеншеліктер өрт қауіпсіздігін сақтауды ескертеді

Қазақстан және Қызылорда облысының жаңалықтары

Қызылордада 9 адам коронавирус инфекциясын жұқтырды

20 ақпанға арналған ауа райы болжамы

Қызылордада 17954 жаңа жұмыс орны ашылады

Қызылордада 2500 адамға үш тіл тегін үйретіледі

Роллан Еспенбетов: Мақсат – мемлекеттік қызмет көрсету сапасын арттыру

Жақын туыстардың зейнетақы жинағын емделуге жұмсауға болады

«Жұмысқа тұрғызып беремін»: Алаяқ 2 азаматты 1 500 000 миллион теңгеге алдап кетті

Қызылордада 62 000 тонна қалдық залалсыздандырылды

Дәмханада ыдыс-аяқ жуып жүрген &#8220;Қазақстан аруы&#8221; финалисіне бірнеше қызмет ұсынылды

Қызылордада көп пәтерлі үйлерді басқарудың жаңа нысандарына көшу тәртібі түсіндірілді

Гүлшара Әбдіқалықова: Туризм нысандарына баратын жол мәселесін реттеуіміз қажет

Қызылорда: Төтеншеліктер өрт қауіпсіздігін сақтауды ескертеді

Дәмханада ыдыс-аяқ жуып жүрген “Қазақстан аруы” финалисіне бірнеше қызмет ұсынылды