<a href="https://kyzylorda-news.kz/">Kyzylorda-news.kz</a>. Қажетті бизнес-идеяны таңдау, бизнес-жоспар әзірлеу, салықтарды түсіну, сатуды жолға қою – мұның бәрі кәсіпті енді қолға алған кәсіпкерге қиын шаруа. Кәсіпкерлікке баулитын «Бастау Бизнес» жобасы бизнес бастауға көмектеседі. Биыл жобаның басталуы сәуір айының басына жоспарланған.
«Еңбек» мемлекеттік бағдарласы шеңберінде 2017 жылдан бастап кәсіпкерлік негіздеріне оқыту «Атамекен» Ұлттық кәсіпкерлер палатасымен іске асырылады. Осы 4 жыл ішінде «Бастау Бизнес» жобасы бойынша 150 мыңнан астам адам оқып шықты, Қазақстан бойынша 144 мың бизнес-жоспар жүзеге асырылды.
«Оқу қорытындысы бойынша 60 мыңға жуық жұмыс орны құрылды. ҰКП мамандары алдағы жылдары оқуға қатысушылардың бизнес-жоспарларына мониторинг жүргізіп, бизнес ашқандардың 93%-ы тұрақты түрде салық төлейтіні анықталды. 2017-2019 жылдар кезеңі ішінде салық көлемі 1,4 млрд теңгеге жуық соманы құраған», – деп атап өтті «Атамекен» ҰКП Жаппай кәсіпкерлік департаментінің директоры Анастасия Шандрыга.
Ағымдағы жылы елдегі қиын эпидахуалға байланысты оқу курсы онлайн форматта өтеді.
Оқуға кімдер қатыса алады:
-жұмыссыздар;
-еңбекке жарамды мүгедектер;
-жастар, соның ішінде NEET санатындағы қыз-жігіттер;
-аз қамтылған және/немесе көпбалалы отбасылардың мүшелері;
-зейнет жасына жетпеген ауылшаруашылық кооперативтерінің мүшелері, шаруа мен фермерлік қожалықтар, оның ішінде якорлық кооператив мүшелері;
-қоныс аударғандар мен қандастар.
Айта кету керек, мемлекеттік қызметкерлер кәсіпкерлік қызметпен айналыса алмайды, сәйкесінше курсқа қатыспайды. Сонымен қатар бала күтімімен демалыста жүрген аналар мен орта арнайы оқу орындары мен ЖОО студенттері де курсқа қатыса алмайды.
Өтінімді қалай беруге болады?
-Жұмыспен қамту орталығына хабарласу керек, онда мамандар сіздің мақсатты аудаторияға сәйкес келуіңізді тексереді. Оқуға жолдама беріледі. Жұмыспен қамту орталығына жеке куәліктің көшірмесін апару керек.
-қатысуға өтінімді&nbsp;<a href="https://atameken.co/ru/courses">atameken.co</a>&nbsp;сайтына жолдап, жеке басты куәландыратын құжаттың көшірмесі мен жұмыспен қамту орталығы берген жолдамады жүктеу керек.
«Бастау Бизнес» курсы туралы не білу керек?
&nbsp;Ұзақтығы: 21 күн
Форматы: &nbsp;онлайн оқу. Аралық тестілеу қамтылған 50 бейнетоптама + консультациялар мен бизнес-тренермен кері байланыс жоспарланған.
Сабақ материалдарына қол жеткізу үшін кәсіпкерлі туралы біліктілікті анықтайтын 15 сұрақтан тұратын тестіден өту керек. Тест нәтижесі оқуға әсер етпейді.&nbsp; Қорытынды тестіден сәтті өткеннен кейін тыңдаушы бизнес-жоспар конструкторына қол жеткізе алады. Жасалған бизнес-жоспарды бизнес-тренер және тәуелсіз сарапшы қарастырады.
Тестілеу сәтті өтіп, бизнес-жоспар әзірленген соң тыңдаушы курс аяқталғаны жайында сертификат алады, сертфикат арқылы бизнес бастауға грант алуға мүмкіндік қарастырылған. Егер бизнес-жоспарыңыз тәуелсіз сарапшының бағалауынан өтпей қалса, қажетті бал жиналмай қалса, сізге бағдарламаға қатысқаны туралы сертификат беріледі.
Курс бағдарламасы:
1-модуль. Бизнеске арналған әлеуетті нишалар мен жобалар
2-модуль. ҚР-да стартап, ШОБ-ты қолдау &nbsp;шаралары
3-модуль. Табысты кәсіпкердің ой өрісі мен дағдылары
4-модуль. Бизнес-идеяны таңдау
5-модуль. Бизнес-жоспарлау. Маркетингтік зерттеу
6-модуль. Маркетинг негіздері
7-модуль. Қаржы сауаттылығы
8-модуль. Бизнесті құқықтық сүйемелдеу
9-модуль. Салық салу
10-модуль. Бизнеске арналған электронды қызметтер
11-модуль. Жобалар бойынша біліктілікті қалыптастыру
&nbsp;12-модуль. Жобаны таныстыру

«Бастау бизнес» жобасы сәуір айында басталады

<a href="https://kyzylorda-news.kz/">Kyzylorda-news.kz</a>. Қызылорда әуежайы табиғи монополиялардың субъектісі бола тұра, “FlyArystan” компаниясының “Алматы-Қызылорда-Алматы” бағыты бойынша авиарейстерін қабылдаудан бас тартқан.
Осыған байланысты уәкілетті орган тексеру жүргізіп, әуежай тарапынан бұл сұрау негізсіз бас тартылғаны анықталған.
<blockquote>
 «Аталған мәселе сотта қаралып, әуежай ҚР Әкімшілік құқық бұзушылық туралы кодексінің 164-бабының 4-бөлігімен кінәлі деп танылды. Оған 622 272 теңге мөлшерінде әкімшілік айыппұл салынды.
 Қызылорда облыстық сотының азаматтық істер жөніндегі сот алқасында аталған қаулыға шағым қаралып, өзгеріссіз қалдырылды», – делінген Қызылорда қаласының мамандандырылған әкімшілік сотының таратқан хабарламасында.
</blockquote>
Сот қаулысы заңды күшіне енген.

Авиарейстерді қабылдаудан бас тартқан Қызылорда әуежайына айыппұл салынды

<a href="https://kyzylorda-news.kz/">Kyzylorda-news.kz</a>. Қызылорда гарнизонында «Жас сарбаз» жасөспірімдер әскери-патриоттық қозғалысы, республикалық қоғамдық бірлестіктің Қызылорда облыстық филиалы мүшелері «Болашақ» университеті ұжымымен бірлесе «Ауған асуында от кешкендер» тақырыбында Ауған соғысының ардегерлерімен кездесу өткізді.
Кездесуге Қызылорда облыстық қорғаныс істері жөніндегі департаментінің Қарулы Күштер ардагерлерімен жұмыс қызметінің бастығы, майор Ерлан Абдуллаев,&nbsp;«Ерлік» үйлестіру кеңесі» қоғамдық бірлестігінің төрағасы, Ауған соғысының ардагері Қайраддин Баймаханов пен «Ауған соғысының ардагерлері мен мүгедектерінің кеңесі» қоғамдық бірлестігінің төрағасы Әлібек Жаров және басқа да бірқатар ұйымдастырушы лауазымды тұлғалар қатысты.
15 ақпан – Кеңес әскерлерінің Ауғанстан жерінен шығарылған күні. Биыл осы атаулы күнге 32 жыл толып отыр. Осыған орай ұйымдастырылған мерекелік кездесу сұрақ-жауап түрінде өрбіді. Жастар өздерін қызықтырған сұрақтарына толықтай жауап алды. Ардагерлер өздерінің бастан кешкен оқиғаларын жастарға жеткізіп, мұңмен еске алды. Әңгіме барысында қазіргі жастардың патриоттық тәрбиесі туралы әңгіме қозғалып, болашақ жастарды отансүйгіштікке, қайсарлыққа, білімге тәрбиелеу жолдары да сөз болды.
<blockquote>
 «Соғыс уақытында қаза болған жауынгер достарымызды еске алу парызымыз. Соғыстың аяқталғанына биыл 32 жыл өтсе де, болған көріністер әліде көз алдымызда. Жастарымыз осындай тарихпен мақтануы тиіс. Жауларынан жан аямай елін қорғаған, Ауған жерінде қан кешкен майдангерлерімізді құрметтеу – ұрпақ міндеті. Ешкім де ұмыт болмайды», – деді «Ауған соғысының ардагерлері мен мүгедектерінің кеңесі» қоғамдық бірлестігінің төрағасы Әлібек Жаров.
</blockquote>
Жиын соңында Қызылорда облыстық қорғаныс істері жөніндегі департаменті Қарулы Күштердің ардагерлерімен жұмыс қызметінің бастығы, майор Ерлан Абдуллаев «Ауған соғысының ардагерлері мен мүгедектерінің кеңесі» қоғамдық бірлестігінің төрағасы Әлібек Жаровқа Қазақстан Республикасы Қорғаныс министрінің арнайы алғыс хатын табыстады.
Іс-шарада барлық санитарлық-эпидемиологиялық талаптар мен нормалар сақталды.
<img src="https://kyzylorda-news.kz/wp-content/uploads/2021/02/img_20210219_001017_616.jpg" alt="" />

Әлібек Жаров: 32 жыл өтсе де, көріністер көз алдымызда

<a href="https://kyzylorda-news.kz/">Kyzylorda-news.kz</a>. Қызылорда қаласындағы Әскери-техникалық мектебінің курсанттары Кеңес әскерінің Ауғанстан аумағынан шығарылғанына 32 жыл толуына&nbsp;орай осы мектепте қызмет ететін Ауған соғысы ардагерлеріне арнап мерекелік іс-шара ұйымдастырды.
«Ауған ақиқаты» атты мерекелік іс-шараны тамашалауға Қызылорда қаласы Әскери-техникалық мектебінің директоры Рахметулла Мұхамбетов, әскери-техникалық мектеп ұжымы және «Ерлік» үйлестіру кеңесі» қоғамдық бірлестігінің төрағасы, Ауған соғысының ардагері, Қызылорда қаласы әскери-техникалық мектебі бастығының орынбасары Қайраддин Баймаханов пен Қызылорда қаласы Әскери-техникалық мектебінің бас механигі, Ауған соғысының ардагері Станислав Ким қатысты.
Аталған шара барлық санитарлық-эпидемиологиялық талаптар мен нормаларды сақтай отырып өткізілді.
Мерекелік шараның басы Ауған соғысында қаза тапқан жауынгер қандастарымызды бір минут үнсіз еске алумен басталды. Сосын, мектеп директоры Рахметулла Мұхамбетов сөз сөйлеп, Ауған соғысы ардагерлерін мерекелерімен құттықтап, дендеріне саулық, отбасылық бақыт тілеп, арнайы дипломдармен марапаттады.
Әскери мектептің осы жылғы алғашқы курсанттары өздерінің көріністерімен, ән салу мен хор айту өнерлерімен көрермендерді тәнті етті. Арнайы дайындаған сыйлықтарын табыстады.
<blockquote>
 «Біз Ауған соғысында қаза болған жауынгерлеріміз бен достарымызды жиі еске алып тұрамыз. Сол бір қатыгез соғыстың аяқталғанына биыл 32 жыл. Ауған соғысы – еліміз тарихында қалатыны анық. Қаншама жауынгер қандастарымыз қазір ортамызда жоқ. Алайда олардың жасаған ерліктері ешқашан ұмыт болмайды», – деді Ауған соғысының ардагері Қайраддин Баймаханов.
</blockquote>
Бүгінгі жастар тарихпен мақтануы керек. Отанды шексіз сүйіп, оны жауларынан жан аямай қорғаған, ауған жерінде қару асынып, мұң арқалаған жауынгерлерімізді құрметтеу – әр перзенттің парызы.

«Ауған ақиқаты»: Ардагерлерге арналған шара өтті

<a href="https://kyzylorda-news.kz/">Kyzylorda-news.kz</a>. Шаһарда сәуір айында мәнерлеп сырғанаудан спорт шебері Элизабет Тұрсынбаеваның жүлдесіне арналған республикалық турнир өтеді. Бұл туралы өңірлік коммуникациялар қызметінің ақпараттық алаңында өткен брифингте Коньки тебушілер федерациясының бас хатшысы Байтақ Тұрсынбаев мәлімдеді.
<blockquote>
 «Мәнерлеп сырғанау секциясында 60 бала жаттығады. Жақында көршілес елден жаңа жаттықтырушы келді. Андрей Васильевич мәнерлеп сырғанаудан спорт шеберіне үміткер, жастар арасында Ресей чемпионатының және халықаралық турнирлердің қатысушысы және жүлдегері. 10 жылдан аса бапкерлік қызмет атқарған. Ижевск, Набережные Челны, Мензелинск қалаларында жұмыс жасаған. Шәкірттері облыстық және жалпы Ресейлік жарыстарда жүлдегер атанған. Біз үш жылға келісім шартқа отырдық. Алдағы уақытта балаларды мұз үстінде өрнек салуға үйрететін болады. Сондай-ақ, “Мұз айдыны” кешенінде Шорт-трек спорт түрі де бар. Бүгінде жас спортшыларымыз жүлделі орындарды иеленуде», – деді Байтақ Әбілханұлы.
 «Мұз айдыны» кешенінде спорттың 13 түрінен үйірме бар. Оның 8-і олимпиадалық спортқа бағытталған. Бүгінде жас спортшыларды республикалық, халықаралық турнирге дайындау мақсатында жаңадан жаттықтырушыларды да жұмысқа алдық. Алдағы уақытта спортшылардың жарыстарға қатысып, көк туымызды көкке желбірететініне кәміл сенемін, – деді «Мұз айдыны» спорт кешенінің директоры Илья Ильин.
</blockquote>
Әлем бойынша Қазақстан мәнерлеп сырғанаудан алда келе жатқан сегіз мемлекеттің ішіне кіреді. Бұл жақсы көрсеткіш, үлкен жетістік десекте болады.
<blockquote>
 «Жас спортышаларымызды болашақта әлемдік аренада көргім келеді. Айта кететін жайт, мәнерлеп сырғанау спортына баланы 4 жастан берген дұрыс. Себебі, бала 1-2 жыл мұзға аяғын нық басып үйренуі керек. Осыдан кейін барып, бапкерлер секіру сынды жаттығуларды үйрете бастайды», – деді Мәнерлеп сырғанаудан жаттықтырушы Андрей Васильевич.
</blockquote>
<img src="https://kyzylorda-news.kz/wp-content/uploads/2021/02/151729312_1233557660373077_8664856352479646645_o.jpg" alt="" />

Қызылордада сәуір айында мәнерлеп сырғанаудан турнир өтеді

<a href="https://kyzylorda-news.kz/">Kyzylorda-news.kz</a>. Синоптиктер 20-22 ақпандағы ауа райына болжам жасады, деп хабарлайды Қазгидромет.
<blockquote>
 «Жауын-шашын мен қар әкелген оңтүстік Каспий циклоны Қазақстан аумағынан тыс жерлерге жылжиды. Оның артынан жауын-шашынды тоқтататын антициклон келе жатыр.
 Жылы күндер аязды түндерге ауысады. Тіпті оңтүстік аймақтарда да ауа температурасы төмендейді», делінген болжамда
</blockquote>

Демалыс күндері елімізде күн суытады

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының ұйымдастыруымен 22-27 ақпан аралығында жалпы білім беретін пәндер бойынша олимпиаданың облыстық кезеңі өткізіледі. Бұл туралы облыстық білім басқармасы хабарлады.
Білім сынағы «Абай» атындағы дарынды балаларға арналған үш тілде оқытылатын мамандандырылған сыныптары бар мектеп базасында өтеді. Олимпиадада аудандық және қалалық кезеңде жеңімпаз атанған оқушылар бақ сынайды.
Аудиторияларда арақашықтық сақталып, 15 оқушыдан отырғызылады. Балалар маскалық режимде сынақ тапсырады.
Облыстық олимпиада барысында балалардың тиым салынған гаджеттерді пайдалануына жол берілмейді. Конкурс ашық түрде іске асады. Қатысушылардың жұмыстары қазылар алқасына алдын ала шифрланған түрде беріледі. Яғни оқушылардың жұмыстары сканерленген түрде Google Disk жүйесінде уақытылы жүктеліп отырады.

Қызылордада облыстық пәндік олимпиада өтеді

<a href="https://kyzylorda-news.kz/">Kyzylorda-news.kz</a>.&nbsp;Облыста Сырдария өзенінің жалпы ұзындығы 3 шақырымнан асатын қорғаныс бөгеттерінің 5 учаскесі жөнделеді. Қазір екеуінде жұмыс басталып кетті. Қалған үшеуі қалпына келтіріліп, 2 гидротехникалық құрылғы орнатылатын болады. Бұл туралы Өңірлік коммуникациялар қызметінің ақпарат алаңында өткен брифингте облыстық жұмылдыру дайындығы басқармасы басшысының орынбасары Бағдат Әлиев мәлімдеді.
Ақпан айының ортасынан бастап Шардара су қоймасынан Сырдария өзеніне түсіп жатқан су көлемі азайды. Бүгінде секундына 300 текше метрді құраса, оның 200 текше метрін Көксарай су реттегіші алуда. Облыс аумағына секундына 100 текше метр су келуде. Ал өзендегі мұздың қалыңдығы әртүрлі.
<blockquote>
 «Сырдария өзенінің арнасында толығымен мұз ұстасты. Мұздың қалыңдығы облыстың оңтүстік аудандарында 5-15 см, ал солтүстік аудандарында 35-55 см құрап отыр. Қазір мұз Шиелі ауданының Қызылбайыр учаскесі тұсында. Судың жылжуы әрине ауа-райына байланысты. Қаланың тұсына шамамен наурыз айының ортасында келеді деп болжап отырмыз», – деді «Қазсушар» РМК облыстық филиалы директорының орынбасары Жорабек Ерназаров.
</blockquote>
Сала мамандары, қауіптің орын алуы дариядағы судың мөлшеріне байланысты еместігін айтуда. Сондықтан зен бойы үнемі бақылануда.
<blockquote>
 «Осыған дейін үш рет дария бойындағы қауіпті учаскелер тікұшақпен әуеге ұшу арқылы тексерілді. Бұдан бөлек, барлық учаскеге бекітілген мамандар жұмыс жасауда. Мәселен, өзен бойындағы қауіпті учаскелерге 130 мекеме, 402 арнайы техника бекітілген. Одан бөлек, қауіп төне қалған жағдайда су тасқынына қарсы 1 081 адам, 361 бірлік техника, 75 бірлік мотопомпа бар азаматтық қорғау қызметтерінің күштері мен құралдары дайын тұр. Жалпы облыстың су шаруашылығы жағдайы бірқалыпты және бақылауда», – деді облыстық жұмылдыру дайындығы басқармасы басшысының орынбасары Бағдат Әлиев.
</blockquote>
Су тасқынына қарсы қажетті 68,6 тонна жанар жағар май, 154 590 дана қаптар және басқа да материалдар қоры дайын. Сондай-ақ, 84 эвакуациялық жинақтау және 103 эвакуациялық қабылдау пункті әзірленген.
<blockquote>
 «Апат айтып келмейді. Сондықтан сақтық шараларына аса мән береміз. Бізде тікұшақ, суда, жолда жүруге арналған барлық техникалар дайын. Үнемі оқу-жаттағу жасап, тексеріп тұрмыз. Қауіп орын алғанда бірінші қандай әрекет жасау қажеттігін Сырдария өзеніне жақын орналасқан елді мекен тұрғындарына түсіндірудеміз», – деді облыстық ТЖД бөлім бастығы Ғалымжан Әшімов.
</blockquote>
<img src="https://kyzylorda-news.kz/wp-content/uploads/2021/02/152065240_1233126707082839_5090798324437632355_n.jpg" alt="" />

Қызылордада қорғаныс бөгеттері жөнделуде

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1 144 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 128,
Алматы қаласы – 144,
Шымкент қаласы – 9,
Ақмола облысы – 197,
Ақтөбе облысы – 24,
Алматы облысы – 179,
Атырау облысы – 32,
Шығыс Қазақстан облысы – 28,
Жамбыл облысы – 15,
Батыс Қазақстан облысы – 73,
Қарағанды облысы – 41,
Қостанай облысы – 109,
Қызылорда облысы – 7,
Маңғыстау облысы – 14,
Павлодар облысы – 91,
Солтүстік Қазақстан облысы – 44,
Түркістан облысы – 9.
Қазақстан бойынша жазылғандар саны – 189 750.

Қызылордада 7 науқас коронавирустан жазылды

<a href="https://kyzylorda-news.kz/">Kyzylorda-news.kz</a>. Елімізде «Аңсаған сәби» әлеуметтік бағдарламасы басталды, деп хабарлайды <a href="https://lenta.inform.kz/kz/elimizde-ansagan-sabi-aleumettik-bagdarlamasy-bastaldy_a3754980">ҚазАқпарат</a>.
Қазақстанда ЭКҰ бағдарламасына 2021 жылы бөлінген квота саны 7000-ға дейін көбейді. Бұл квота беру көрсеткіштерін кеңейтуге, оларды алу кезегінің азаюына мүмкіндік береді. Бүгінде елімізде 11030 әйел бедеулікпен есепте тұр.
<blockquote>
 «Нұр-Сұлтан қаласында бедеулік бойынша есепте тұрғандар саны – 1331. Біздің отбасын жоспарлау бөлімшесі ҚРТ көрсету – ЭКҰ-ға дайындау жөніндегі ұйымдастыру-әдістемелік және үйлестіру орталығы ретінде жетекші ұйым болып табылады. Биылғы жылы елордаға 486 квота бөлінді. Әзірге 200 квота беріліп, пациенттер дайындалуда. Осы жылы бастапқы медициналық-санитарлық көмек көрсету ұйымдары бұрын қаралмаған және жеке медицина орталықтарына қаралған бедеулік көрсеткіштері бар пациенттерді анықтап, белсенді жұмыс жүргізуде» – дейді Нұр-Сұлтан қаласындағы №2 қалалық көпбейінді аурухана директорының амбулаториялық қызмет жөніндегі орынбасары Сәуле Жамантайқызы Ибраева.
</blockquote>
ЭКҰ үшін кімдер өтініш бере алады?
Бұл емшара терапиялық жолмен емдеу нәтиже бермейтін бедеулік диагнозы қойылған пациенттерге арналған. ЭКҰ-ға отбасылық жұптар да, жеке адам да қатыса алады. Міндетті түрде үміткердің ерікті жазбаша келісімі болуы керек. Сондай-ақ, Қазақстан азаматы болуы және Денсаулық сақтау министрлігі белгілеген медициналық параметрлерге (репродуктивті жас – 18-ден 42 жасқа дейін, қалыпты соматикалық және эндокриндік мәртебе, жоғары фолликулярлық резерв) сәйкес келуі қажет.
Мамандар мына жағдайларда ғана науқасты экстракорпоральды ұрықтандырудан бас тартуы мүмкін: жатырдың туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез-келген локализация онкологиясы.
ЭКҰ-ға жолдама алу үшін не істеу керек?
ЭКҰ-ға жолдама алу үшін алдымен тіркелген жері бойынша емханаға бару қажет. Ұйым мамандары пациентті бедеулігі бар диспансерлік пациенттердің электрондық тіркеліміне қосады және бірқатар тексерулер тағайындайды. 12 ай ішінде бастапқы медициналық-санитарлық көмек көрсету ұйымы, яғни емхана бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Оң шешім қабылданған жағдайда, әйелді «Емдеуге жатқызу бюросы» порталына тіркеп, емшараға дайындай бастайды. Пациент экстракорпоралды ұрықтандыру үшін клиниканы өз бетінше таңдауға құқылы.
МӘМС бойынша ЭКҰ процедурасынан жылына бір рет тегін өтуге болады. МӘМС жүйесінде ЭКҰ емшарасын жасар алдында ерлі-зайыптыларды тексеру тізбеге сәйкес жүзеге асырылады. МӘМС жүйесінде ЭКҰ – циклдің базалық бағдарламасы қарастырылған.Еске салсақ, ҚР Президенті Қасым-Жомарт Тоқаев Жолдауында 2021 жылдан елімізде «Аңсаған сәби» арнаулы бағдарламасы іске қосуды тапсырды. Осы орайда «ЭКО» бағдарламасымен квотаны 7 мыңға дейін, яғни, 7 есе көбейту&nbsp;<a href="https://www.inform.kz/kz/kr-prezidentinin-kazakstan-halkyna-zholdauynyn-tolyk-matini_a3689449">міндетін қойды.</a>

«Аңсаған сәби» әлеуметтік бағдарламасы басталды

<a href="https://kyzylorda-news.kz/">Kyzylorda-news.kz</a>. Өткен тәулікте Қызылорда облысында коронавирус инфекциясымен 17 науқас тіркелді.
Қызылорда қаласында 10,
Жалағаш ауданында 1,
Шиелі ауданы 5,
Жаңақорған ауданы 1.
Қазіргі таңда облыс бойынша инфекциялық стационардың реанимация бөлімінде 2 науқас, инфекциялық стационарда 31 науқас ем алуда.
Ағымдағы жылдың 18 ақпаны күні облыс зертханаларына 1 266 адам сынама тапсырып, мамандар 807 сынама бойынша тексерісті аяқтаған. Бүгінде зертханалар қорында 18 559 қалдық тест бар.
Аймақтар бойынша:
Нұр-Сұлтан қаласы – 136,
Алматы қаласы – 103,
Шымкент қаласы – 10,
Ақмола облысы – 86,
Ақтөбе облысы – 20,
Алматы облысы – 57,
Атырау облысы – 39,
Шығыс Қазақстан облысы – 61,
Жамбыл облысы – 14,
Батыс Қазақстан облысы – 83,
Қарағанды облысы – 57,
Қостанай облысы – 69,
Қызылорда облысы – 17,
Маңғыстау облысы – 5,
Павлодар облысы – 103,
Солтүстік Қазақстан облысы – 39,
Түркістан облысы – 2.
Жалпы ел бойынша ауырғандар саны 205 825.

Қызылордада бір тәулікте 17 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. «Қазгидромет» РМК-сы ақпанның 19-ы күнгі ауа райы болжамын жариялады.
Кәсіпорын таратқан мәліметтерге қарағанда, Қазақстанның басым бөлігіне оңтүстік Каспий циклоны ықпал етіп, күн құбылмалы болады, жаңбыр, қар жауады. Солтүстікте қалың қар, оңтүстікте жаңбыр мол көлемде жауады.
Республика бойынша кей жерлерде тұман түсіп, көктайғақ, бұрқасын болып, жел күшейеді.
Қызылорда облысының кей жерлеріне тұман түсіп, көктайғақ болады, жел 15-20 м/с жылдамдықпен соғады.

Қазақстан және Қызылорда облысының жаңалықтары