Kyzylorda-news.kz. 20 ақпан күні сағат 10:30 шамасында 8 жастағы Нұрали Оразбаев пен Ерхан Анас Байқоңыр қаласындағы “Маяк” спорт кешенінен шығып белгісіз бағытқа қарай кетіп, қайта оралмаған.
Облыс әкімі баспасөз қызметінің дерегінше жоғалған балдарды іздеуге РФ ІІІБ, ҚР ІІМ Байқоңыр қаласындағы Өкілдігінің, Қазақстан Республикасының ішкі істер органдары қызметкерлері және 80 ерікті азамат жұмылдырылған.
Қызылорда қаласынан сүңгуірлер көмекке барды. Бүгін, яғни, 21 ақпан күні тікұшақпен Сырдария өзенінің арнасын қосымша тексеру жұмыстары жүзеге асырылуда. Сонымен қатар, Қызылорда қаласынан құрамында 7 адам, 1 кинолог, 1 бірлік техникасы бар іздестіру тобы Байқоңырға аттанды.
Облыс әкімі Гүлшара Әбдіқалықова іздеу жұмыстарын бақылау мақсатында Байқоңыр қаласында оқиға орнында жүр. Аталған мәселе аймақ басшысының тікелей назарында.

Байқоңырда 2  оқушы жоғалып кетті: Аймақ басшысы оқиға орнына жетті

Kyzylorda-news.kz. Қызылорда қаласының тазалығын үздіксіз қамтамасыз ету мақсатында “Қызылорда тазалығы” ЖШС заңды және жеке тұлғаларға қызмет көрсетіп келеді.
Бүгінгі күні көшелердің санитарлық тазалық жұмыстарына 42 дана арнайы қоқыс жинақтаушы көлік, 6 дана КАМАЗ, 6 дана арнайы тіркемесі бар трактор, 3 дана погрузчик жұмылдырылған.
Қаланың 813-тен астам көшелерінің тазалығын қамтамасыз етуге 140 жұмысшы күші, 58 жүк тиеуші, 60 жүргізуші қызметкерлер біріктірілген. Қоқыс шығару жұмыстары екі ауысымда жүргізіледі. Түнгі ауысымдық жұмыстарға 7 техника қарастырылған.
Алайда, тұрғындардың тазалық мәселесіне бей жай қарауы, тұрмыстық қалдықтарды көрінген жерге тастауының салдарынан еткен еңбектің зая кетіріретіндігі тағы бар. Аталған шараға сәйкес тиісті мекемелер тарапынан тұрақты түрде тазалық рейдтері жүргізіліп отырады. Рейд барысында қоқысты белгіленбеген орынға тастау фактісі тіркелген жағдайда ескерту, нәтиже шықпаса, айыппұл төленеді.
Айта кету керек, тұрғын үйлерден шығарылатын қоқыс негізінен бөлшектенуі тиіс. Мәселен, тұрмыстық қатты қалдықтардан бөлек, құрылыс заттарын шығару арнайы шақырту арқылы алынады. Және де санитарлық талапқа сай әр уйдің иесі өзіне темір контейнерлер қойып, бекітілген тарифтер бойынша төлем жүргізуі тиіс.
<img src="https://kyzylorda-news.kz/wp-content/uploads/2021/02/fb_img_1613887075758.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613887085644.jpg" alt="" />

Қызылорда тазалығы: Үздіксіз қызмет

Kyzylorda-news.kz. Қазір қысқа толқынды пештің күнделікті қолданатын техникаға айналғаны белгілі. Оның зияны жайында ойланып жатқанымыз шамалы. Көбі пайдасын ғана біледі. Ендеше “микроволновканың” зияны бар ма екен, соған үңіліп көрейік.
American Journal of Epidemiology журналында жарияланған зерттеуде қысқа толқынды пешпен екі рет ысытылған шошқа етінен бактерия табылғаны айтылған. Нақтырақ айтсақ, сальмонелла бактериясы көбейіп кеткен.
Оқиға АҚШ-тың Джуно қаласында болған. Осы қаланың тұрғындары Сиэтл қаласындағы мейрамханадан екі торайдың етін сатып алып “көкке” шыққан Содан пикникке шығып тауыса алмаған еттің қалғанын үйге алып кеткен. Содан 46 адамның 21-і еттен ұшынып ауырған. &nbsp;
Нақтырақ айтсақ, үйге алып кеткен торайдың етін екінші рет қысқа толқынды пешке қыздырып жегендердің бәрі ауырған. Ал жай пешке ысытып жегендердің бірде-бірі ауырмаған екен.
Шошқаның еті бір қаладан екінші қалаға ұшақпен 17 сағатта жеткізілген. Бірақ жолда тоңазытқышқа салмаған. Ал салқынға қойылмаған етте сальмонелла пайда болуы мүмкін екен. Мұны ғалымдардың өздері де растады. Ең қызығы сол – етті жай пешпен қыздырған кезде сальмонелла өледі де, қысқа толқынды пешпен қыздырғанда өлмейтін көрінеді.
Мәселе мынада: қысқа толқынды пеш бактерияны өлтіретін қуаты бар. Алайда ол тамақтың кейбір жері қыздырылмай қалатындықтан, бактерия өлмей қалады. Содан ауруға әкелуі мүмкін.
Ал Journal of Milk and Food Technology журналында жарияланған тағы бір зерттеуде ғалымдар үш сорпаның түрін алып, оған сальмонелла мен ішек таяқшасын салып тәжірибе жасаған екен.
Содан байқалғаны – бактерия сорпаның беткі және ортаңғы бөлігінде &nbsp;болса, онда қысқа толқынды пешпен бірге қызып, өліп кетеді екен. Ал түбінде қалған бактерия өлмей қалатын көрінеді.
Сондықтан біраз тұрып қалған тамақты қысқа толқынды пешпен емес, жай қазанда қыздырған жөн. &nbsp;
<a href="https://massaget.kz/arnayyi_jobalar/zdorove/64548/">Massaget</a>

&#8220;Микроволновканың&#8221; зияны бар ма?

Kyzylorda-news.kz. Қазақстанда өткен тәулікте 487 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 139, Шымкент қаласы – 7, Алматы облысы – 65, Атырау облысы – 42, Шығыс Қазақстан облысы – 17, Батыс Қазақстан облысы – 25, Қарағанды облысы – 45, Қостанай облысы – 31, Қызылорда облысы – 2, Маңғыстау облысы – 7, Павлодар облысы – 77, Солтүстік Қазақстан облысы – 22, Түркістан облысы – 8.
Қазақстан бойынша жазылғандар саны – 191 097.

Қызылордада 2 науқас коронавирустан емделіп шықты

Kyzylorda-news.kz. Қазақстанда өткен тәулікте 766 адамда коронавирус індеті ПТР арқылы расталды.
Аймақтар бойынша:
Нұр-Сұлтан қаласы – 53, Алматы қаласы – 102, Шымкент қаласы – 8, Ақмола облысы – 81, Ақтөбе облысы – 13, Алматы облысы – 59, Атырау облысы – 33, Шығыс Қазақстан облысы – 55, Жамбыл облысы – 19, Батыс Қазақстан облысы – 65, Қарағанды облысы – 53, Қостанай облысы – 69, Қызылорда облысы – 7, Маңғыстау облысы – 9, Павлодар облысы – 100, Солтүстік Қазақстан облысы – 36, Түркістан облысы – 4.
Жалпы ел бойынша ауырғандар саны – 207 418.

Коронавирус: Қызылордада 7 адам жұқтырды

Kyzylorda-news.kz. Жексенбі күні еліміздің басым бөлігінде ауа райы құбылмалы болады, деп хабарлайды Қазгидромет.
21 ақпанда Қазақстан аумағының басым бөлігінде фронтальды бөліктер өтетіндіктен ауа райы құбылмалы болады. Кей жерлерде қар жауады, еліміздің оңтүстігінде, оңтүстік-шығысында қар аралас жаңбыр жауады, тек шығыс және оңтүстік-батысында антициклон салдарынан күн райы ашық болады. Еліміздің кей жерлерінде тұман түседі, көктайғақ болады, жел күшейіп, солтүстікте жаяу бұрқасын соғады.

Жексенбі күні ауа райы қандай болады?

<a href="https://kyzylorda-news.kz/">Kyzylorda-news.kz</a>. Ыдыс жуатын раковинаға қайнаған суды төге салатын әдет бәрімізде бар. Әсіресе тамақ істеген суды солай қарай қотара саламыз. Алайда мұның сантехникаға зиян екенін білесіз бе?
Ендеше есіңізде болсын, ыстық суды раковинаға құюға болмайды. Одан да суық сумен араластырып төккен немесе суық суды ағызып тұрып, ақырыңдап құйған дұрысырақ. Өйткені ыстық суды раковинаның астындағы шүмек пен құбыр “көтере алмай” қалуы мүмкін.
Қазіргі сантехникалық заттардың көбі поливинилхлоридтен, яғни пластик пен полимерден жасалады. Ал мұндай арзан шүмек 60°C градустан ыстық суды ұзақ ұстап тұра алмайды. Ары кетсе, 1 минуттай шыдауы мүмкін.
Егер ыстық суды раковинаға жиі қоя беретін болсақ, ыстық температураның кесірінен пластик-құбыр деформацияға ұшырап, біріккен, қосылған бөліктері ісініп сынып не кішірейіп бүлініп кетуі ықтимал. Герметикалық қасиеті жойылады. Содан герметикалық бөлігі ажырап, су кетуі мүмкін. Астыңғы көршіге су кететіні де көбінде осыдан.
Мұны тексеріп көргісі келгендер сынақ жасап та көрген екен. Бір шәугім ыстық су құйып, шүмекті тазаламақ болған тұрғын пластмасс ағызғыш мыжырайып ішке қарай кіріп кеткенін байқаған.
Ыстық судан раковинаның өзі де шытынап кетуі мүмкін. Мәселен ваннаға ыстық су құя берсе, сызат түскенін бәрі көрген болар. Раковина да солай, ыстық су мен суық су кезек-кезек құя берсе, шытынап кетері анық.
<a href="https://massaget.kz/men_kasipkermin/kenester/64534/">massaget.kz</a>

Раковинаға ыстық су төгуге болмайды

Kyzylorda-news.kz. 18 ақпанда Perseverance атты жаңа ровер Марс бетіне қонды. Ғылыми жабдықтармен қатар, ол Қызыл планетаға миллиондаған адамның есімдерін жеткізді. Олардың арасында Димаш Құдайбергеннің есімі де бар, деп хабарлайды <a href="https://www.inform.kz/kz/dimash-kudaybergennin-esimi-marska-zhetti_a3755497">ҚазАқпарат</a>.
Perseverance ровері 2020 жылдың 30 шілдесінде алыс сапарға аттанып, жеті айға жуық уақыттан кейін Қызыл планетаға сәтті қонды.
Perseverance – технологиялық жағынан ең дамыған робот және оны Марсқа NASA жіберіп отыр.
2,7 миллиард доллар тұратын робот бір марстық күн ішінде орташа есеппен 200 метрді бағындырып отырады. Ол ұзындығы шамамен 2 метр манипулятор қолымен, бұрғылаумен және ғылыми құрылғылармен жабдықталған. Оның ішінде жоғары технологиялы түсірілім камерасы, ауа райын өлшеуге және шаңды бақылауға арналған сенсорлар, рентген жүйесі және тау жыныстарының химиялық құрамын өлшеуге арналған камера жүйесі бар.
Сондай-ақ, Perseverance Марсқа коронавирус инфекциясымен күресіп жатқан дәрігерлердің құрметіне жасалған ескерткіш тақтаны, сондай-ақ NASA-ның «Марсқа өз есіміңді жібер» акциясына қатысқан 11 миллионға жуық адамның аты жазылған тырнақ көлеміндегі 3 кремний чипін жеткізді.
АҚШ, Түркия, Ресейді қоса алғанда, түрлі елдердегі жанкүйерлер тақтайшаға Қазақстандық орындаушы Димаш Құдайбергеннің есімін жазуды ұсынды.
Perseverance роверінің Марстағы мақсаты – ежелгі өмірдің белгілерін іздеу және планетаның бетін зерттеу. Оның миссиясы шамамен екі жылға созылады деп күтілуде.

Димаш Құдайбергеннің есімі Марсқа жетті

Kyzylorda-news.kz. Қазақстанда кәсіпкерлерге мобильді қосымшалар арқылы картадан картаға жіберілетін ақша аударымдарына салық енгізу жоспарлануда. Бұл туралы премьер-министрдің бірінші орынбасары Әлихан Смайылов мәлімдеді, деп хабарлайды <a href="https://stan.kz/kazakstanda-mobildi-kosimsha-arkili-audarim-zhasagandar-343442/">Stan.kz</a>.
<blockquote>
 “Сонымен қатар, кәсіпкерлердің тұтынушылардан банктік мобильді қосымшалар арқылы алатын ақша аударымдарын фискализациялау мәселесін шешуге баса назар аудару қажет. Біз қолма-қол ақшасыз төлемдердің дамуы жақсы қарқынмен жүріп жатқанын көріп отырмыз, олардың саны екі есеге артқан. Бірақ, мобильді қосымша арқылы ақша айналымын жүзеге асырып отырған кәсіпкерлер де салық төлеуі керек”, – деді Әлихан Смайылов қаржы министрлігінің алқа отырысында.
</blockquote>
Ол салық салу қазіргі кезде кәсіпкерлерге берілетін жеңілдіктерді ескере отырып жүргізілуі керек екенін атап өтті.

Қазақстанда мобильді қосымша арқылы аударым жасаған кәсіпкерлерге салық салынады

Kyzylorda-news.kz. Емделу үшін зейнетақы қорындағы ақшаны мерзімінен бұрын алу порталы 25 ақпанда іске қосылады, деп хабарлады “Отбасы банкі” басқарма төрағасы Ләззат Ибрагимова.
<blockquote>
 “Соңғы жаңашылдықтарға қатысты өзгеріс енгізу үшін 3 жұмыс күні қажет. Бастапқыда қосылған кейбір сырқат түрлері алынып тасталды. Қазір барлық механизмді реттеп жатырмыз. Бұл іс бірнеше кезеңнен тұрады. Өтініш беруші өз өтінішінің “Отбасы банкі” порталынан БЖЗҚ сайтына жіберіліуін екі күндей күтетін болады. Әдетте бұл бір жұмыс күні ішінде жасалады. БЖЗҚ бес күн ішінде ақшаны арнайы есепшотқа аударуы тиіс”, – деді Ләззат Ибрагимова.
</blockquote>
18 ақпандағы жағдай бойынша “Отбасы банкінде” 160 мыңнан астам арнайы есепшот ашылған. 96 мыңнан астам қазақстандық баспанаға жұмсау мақсатында өтініш рәсімдеген.
<blockquote>
 “Бағдарламаны күтіп отырған көптеген адамның медициналық картасында диагнозы бар. Ережеге сәйкес, адам өтініш берген соң 5 күн ішінде дәрігерлер кеңесі жиналады. Кеңес өткеннен кейін екі күні ішінде комиссия хатшысы клиентке нақты жауап жеткізуі тиіс. Комиссия қорытындысы порталда клиент берген өтініш жанында бекітіледі”, – деп түсіндірді банк басшысы.
</blockquote>
Емделу үшін бірыңғай жинақтаушы зейнетақы қорынан ақша алуға өтініш беру механизмі баспана жағдайын жақсартуға берген өтінішпен бірдей болады.
Қазақстандықтар шетелде емделе алады
Наурыз айының басында “Отбасы банк” шетелдік медициналық ұйымдармен жұмыс істеу мүмкіндігін қосу қарастырылатынын хабарлаған еді. Қазіргі уақытта ақша конвертизациялау мәселесі шешіліп жатр. Өйткені өтінім берушіге қаражат тек теңгемен түседі.
<a href="https://m.sputnik.kz/society/20210219/16339206/zeynetaqy-jinagy.html">Sputnik.kz</a>

Зейнетақы жинағын пайдалану: емделуге өтінім қабылдау мерзімі аталды

<a href="https://kyzylorda-news.kz/">Kyzylorda-news.kz</a>. Matchroom Boxing промоутерлік компаниясының жетекшісі Эдди Хирнорта IBF/IBO нұсқасы бойынша орта салмақтағы әлем чемпионы Генадий Головкин (41-1-1, 36 КО) мен осы санатта WBA Super белбеуінің иегері жапон спортшысы Риота Муратамен (16-2, 13 КО) болатын жекпе-жек туралы айтты, деп хабарлайды <a href="https://www.inform.kz/kz/golovkinnin-promouteri-ush-titul-ushin-alem-chempionymen-otetin-aykastyn-kunin-aytty_a3755400">ҚазАқпарат</a>.
<blockquote>
 «Головкин мен Мурата арасындағы айқас жылдың соңына қарай ұйымдастырылуы мүмкін. Бұл – әдетте жапондар 31 желтоқсанда өткізетін жекпе-жектің түрі. Біз Мунгиямен де айқас туралы келіссөздер жүргізіп жатырмыз, бұл да керемет кездесу болмақ. Бірақ GGG Муратамен айқасты желтоқсан айында қарастырады деп ойлаймын. Әрине, «Канело» да бұл жекпе-жекті желтоқсан айында нысанаға алады. Алдағы екі аптада не болатынын көрейік», — деп мәлімдеді Хирн IFL.tv-ге берген сұхбатында.
</blockquote>
35 жастағы Мурата 2019 жылдың 23 желтоқсанында Йокогамада канадалық Стивен Батлерді (28-3-1, 24 КО) нокаутқа жіберген сәттен бастап шаршы алаңға шыққан жоқ. Головкинге келетін болсақ, ол өзінің соңғы жекпе-жегін өткен жылдың 18 желтоқсанында АҚШ-та өткізді, онда GGG міндетті қарсыласы поляк боксшысы Камил Шереметаны (21-1, 5 КО) жеңген болатын.

Головкиннің промоутері үш титул үшін әлем чемпионымен өтетін айқастың күнін айтты

<a href="https://kyzylorda-news.kz/">Kyzylorda-news.kz</a>. Коронавирус пандемиясы адамзаттың 20 миллион жылын жалмады. Зерттеу жүргізген испандық ғалымдар осындай жаға ұстатарлық мәлімдеме жасады.
Олар 81 елде коронавирустан көз жұмған азаматтардың жасы мен сол мемлекеттегі өмір сүру ұзақтығын салыстырған. Сөйтсе, індет кесірінен адамзат 20 миллион 507 мың жылын жоғалтқаны белгілі болды. Бұл көрсеткіш бойынша 81 елдің ішінде бірінші орында Непал тұр. Бестікке сондай-ақ Тайвань, Боливия, Сальвадор мен Доминикан Республикасы кірген. Ал антирейтингтің соңында Еуропа елдері&nbsp;Бельгия, Дания, Люксембург, Словения, Швеция мен Швейцария тұр.
<a href="https://24.kz/kz/zha-aly-tar/lemde/item/456524-koronavirus-adamdardy-20-mln-zhyl-a-t-rarly-mirin-zhalmady-alymdar">Хабар 24</a>

Қазақстан және Қызылорда облысының жаңалықтары

Байқоңырда 2 оқушы жоғалып кетті: Аймақ басшысы оқиға орнына жетті

Қызылорда тазалығы: Үздіксіз қызмет

“Микроволновканың” зияны бар ма?

Қызылордада 2 науқас коронавирустан емделіп шықты

Коронавирус: Қызылордада 7 адам жұқтырды

Жексенбі күні ауа райы қандай болады?

Раковинаға ыстық су төгуге болмайды

Димаш Құдайбергеннің есімі Марсқа жетті

Қазақстанда мобильді қосымша арқылы аударым жасаған кәсіпкерлерге салық салынады

Зейнетақы жинағын пайдалану: емделуге өтінім қабылдау мерзімі аталды

Головкиннің промоутері үш титул үшін әлем чемпионымен өтетін айқастың күнін айтты

Ғалымдар: КВИ адамдардың 20 млн жылға тұрарлық өмірін жалмады

Қазақстан және Қызылорда облысының жаңалықтары

Байқоңырда 2 оқушы жоғалып кетті: Аймақ басшысы оқиға орнына жетті

Қызылорда тазалығы: Үздіксіз қызмет

&#8220;Микроволновканың&#8221; зияны бар ма?

Қызылордада 2 науқас коронавирустан емделіп шықты

Коронавирус: Қызылордада 7 адам жұқтырды

Жексенбі күні ауа райы қандай болады?

Раковинаға ыстық су төгуге болмайды

Димаш Құдайбергеннің есімі Марсқа жетті

Қазақстанда мобильді қосымша арқылы аударым жасаған кәсіпкерлерге салық салынады

Зейнетақы жинағын пайдалану: емделуге өтінім қабылдау мерзімі аталды

Головкиннің промоутері үш титул үшін әлем чемпионымен өтетін айқастың күнін айтты

Ғалымдар: КВИ адамдардың 20 млн жылға тұрарлық өмірін жалмады

“Микроволновканың” зияны бар ма?