<a href="https://kyzylorda-news.kz/">Kyzylorda-news.kz</a>. Нұр-Сұлтан қаласының тұрғыны Айнұр Үркімбаева <a href="https://www.facebook.com/ainur.urkimbayeva/posts/3485284828266476">«Facebook»</a> парақшасында қызылордалық полицейлер мүмкіндігі шектеулі жанды «мазақ етті» деген тақырыпта жазба қалдырды.
Әңгімесін «Әкем Қызылорданың полицей қызметкерлеріне жем болыпты» деп бастаған ол әкесінің науқас екенін және өткен жылдың желтоқсан айында орын алған оқыс оқиға жайында баяндады.
<blockquote>
 «Әңгіменің басы 30-желтоқсаннан басталады. Сол күні әкем машинасын “столбқа” байқамай соғып алып, жақын маңдағы СТО-ға (костоправқа) машинасын алып барады. Ақшасын 105 мыңын төлеп, сеніп кетеді. Алайда СТО егесі әрі жөндеуші машинасының бамперін сатып жіберіпті. Ол жағдайға жынданған әкем сол СТО иесімен ұрысып қалады. Ал СТО иесі жауап ретінде, машина жөндеуден шығып жатқанда қасақана моторына құм құйып жіберген», – делінген жазбада.
</blockquote>
Жазбада мәлім болғандай, машинаның ақауын байқаған әкесі тәртіп сақшыларына хабарласып, мән-жайды баяндаған. Алайда көлік иесі полицей қызметкерлерден қоқан-лоққы көргенге ұқсайды.
<blockquote>
 «Өзі ауру, мүгедек әкемді Қызылорданың полициейлері мазақ қылып, дәрісін ішкізбей, арызын қабылдамай, жыртып тастап, қоқан-лоққы көрсетіп «под диктовку» жаздырыпты. Ол арызын да шығып кеткен соң қабылдамай, жыртып тастапты. Мұны естіген мен-қызы, қалай отырайын?», – дейді жазба иесі.
</blockquote>
Айнұр Үркімбаева бұл істің ақ-қарасы анықталғанын қалайды. Ол өз жазбасында бұл істе сыбайлас жемқорлық әрекеті бар деген күдігін де жасырмады.
Сонымен қатар жазба иесі өзінің сөзіне дәлел болар бірнеше суреттерді көпшілік назарына ұсынған.
Аталған мәселеге орай, Қызылорда қалалық полиция басқармасының баспасөз қызметіне хабарласқан болатынбыз.
<blockquote>
 «14.02.2021 жылы Қызылорда қалалық Полиция Басқармасына 1965 жылы туған азамат арызданып онда, белгісіз адамның өзінің меншігіндегі “Хюндай аксент” маркалы автокөлігінің қозғалтқышына қасақана құм салып, салдарынан автокөліктің қозғалтқышы істен шығуына байланысты мүліктік шығын келтірген адамға заң аясында шара көруді сұраған. Аталған дерек бойынша, тексеру жүргізу барысында, белгісіз адамның іс-әрекетінде, Қазақстан Республикасы Қылмыстық кодексінің 202-бабының 1-бөлігінде (белгісіз адам бөтеннің мүлкін қасақана бүлдіру немесе жою) қаралған қылмыстық құқық бұзушылықтың белгісі болуына байланысты сотқа дейінгі тергеп-тексерудің уақытылы тізіліміне тіркеліп, тергеп-тексеру амалдары жүргізілуде. Аталған қылмысқа қатысы бар деген күдікті адамдардан жауаптар алынып, тексерілуде. Қазіргі таңда, қылмыстық іс бойынша тиісті сараптамалары тағайындалып, аталған сараптамалардың қорытындысына сәйкес, қылмыстық іс бойынша процессуалды шешім қабылданады. Тексеру барысында қажеттілігі туындаған барлық тергеу әрекеттері уақтылы жүргізілуде», – деп мәлім етті баспасөз қызметі.
</blockquote>
<img src="https://kyzylorda-news.kz/wp-content/uploads/2021/03/155852712_3485257761602516_6381946392712797849_n.jpg" alt="" />
<img src="https://kyzylorda-news.kz/wp-content/uploads/2021/03/156271668_3485257751602517_1898625173614197062_n.jpg" alt="" />
<img src="https://kyzylorda-news.kz/wp-content/uploads/2021/03/2.jpg" alt="" />
<img src="https://kyzylorda-news.kz/wp-content/uploads/2021/03/3.jpg" alt="" />
<img src="https://kyzylorda-news.kz/wp-content/uploads/2021/03/4.jpg" alt="" />

Айнұр Үркімбаева: Полицейлер әкемді «мазақ етті»

<a href="https://kyzylorda-news.kz/">Kyzylorda-news.kz</a>.&nbsp; Балалардың отпен ойнауы қайғылы жағдайға әкеліп соғатыны әрбір ата-анағы белгілі. Көбіне үйде жалғыз қалған бүлдіршіндер тиым салған ойындармен ойнап, сіріңкені ермек етеді.
Отпен ойнауы олардың қайғылы жағдайға әкелетіні олардың естеріне де келіп соқпайды. Өрт бұл адамның өмірі мен денсаулығына зиян келтіретін, табиғатымызға зиянын тигізеді. Мұндай жағдайлар ата-аналары электр құралдарын жанып жатқан пешті бақылаусыз қалдырып сіріңкені балалардың қолы жетпейтін жерге жасырып кетпегендіктен болады. Ата-аналар баланың отқа қызығушылығын көре тұра оның көз алдында сіріңкені тұтатып ойнауына еркіндік береді. Әрине, бұл баланы қызықтырып жанған от есінде ұзақ сақталады. Бір қарағанда ештеңе жоқ сияқты көрінгенімен бала бойында отпен ойнау дағдысы қалыптасады.
Ережелерді жаттауды барынша қызықты етіңіз
Көп жағдайда балалар не істеуге болмайтынын біледі, бірақ оны қалай істемеу керегін біле бермейді. Қауіпті жағдайға қалған бала абдырап қалмас үшін нақты ережелерді білуі керек. Оларды құрастырғанда нақты бір істерге екпін қойыңыз.
Мектеп жасына дейінгі балаларға ойын түрінде үйретсе тез қағып алады. Мысалы, өрт сөндіруші, полицей және т.б. болып ойнау.&nbsp;
Одан үлкенірек балаларға «Қауіпсіздік сабақтары» қызық болады. Онда арнайы плакаттарды оқып қана қоймай, видеоға түсірілген кейстерді де шешуге болады (бұл балаларға өте ұнайды). Оқушылар қателерді қуана табады және әрекет ету ережелерін жақсы меңгереді.
10 жастан үлкен балаларға қауіпті жағдайларды тудырып, кейін соны талқылауға болады. Жалпы кез келген жастағы балалар қауіпсіздік шаралары мен ережелері жайлы мультфильмдерді көргенді ұнатады.
&nbsp;Есіңізде сақтаңыз!
1 түп талдан мыңдаған сіріңке жасалады, ал сол мыңдаған талды өртеуге 1 тал сіріңкенің күші жететіні белгілі.
Жас ұрпақтың денсаулығын қамқорлық таныту мемлекет пен мектептің міндеті емес. Бұл-біздің қоғамның, әрбір жанұя мүшесінің түсіндіру борышы.

Өрт қауіпсіздігін сақтау – балалардың өмірін қорғау

<a href="https://kyzylorda-news.kz/">Kyzylorda-news.kz</a>. Қызылорда қаласының 35 жастағы тұрғыны, бұған дейін алаяқтық әрекеті үшін сотты болған азамат жалған ақшаны сауда орындарында өткізумен айналысқан.
Қауын базарында, әр түрлі азық-түлік дүкендерінде бірнеше мәрте 5000 және 10000 теңгелік жалған банкноттармен сауда жасаған және әрекеттерінің бәрін кешкі, түнгі уақытта жүргізген.
Заңсыз әрекет өткен жылы сатушының полиция басқармасына шағымынан соң, Қызылорда облысы бойынша экономикалық тергеу департаменті қызметкерлері анықтап, сотқа дейінгі тергеу басталған.
Сот үкімімен азамат Қазақстан Республикасы Қылмыстық кодексінің 231-бабының 2-бөлігінің 2) тармағымен (жалған ақшаны сақтау және бірнеше рет өткізу) кінәлі деп танылып, 5 жылға бас бостандығынан айыруға жазаланды.
Азаматтық талап қойған барлық сатушылардың ақшасы қылмыспен келтірілген мүліктік залал ретінде сотталушыдан өндірілетін болды. 
Жалпы өткен 2020 жылы жалған ақша айналымы деректері бойынша 4 қылмыстық іс тіркелген. Айналымнан жалған 51 купюра алынған.

Жалған ақша шығарып келген қызылордалыққа сот үкімі шықты

<a href="https://kyzylorda-news.kz/">Kyzylorda-news.kz</a>. Облыстық білім басқармасының басшысы Ақзира Қасымованың төрағалығымен техникалық және кәсіптік білім беру мәселелері қаралды. Жиынға облыстық мәслихат хатшысы Наурызбай Байқадамов пен өңірдегі колледж директорлары шақырылды.
Мәжілісте колледж басшылары «Жас маман» жобасының жүзеге асырылуы, колледждердің жан басына шаққандағы қаржыландыру жүйесіне енгізу бағыты, техникалық және кәсіптік, орта буын мамандықтарының жаңа жіктеуіш арқылы жұмысты жандандыру мәселелеріне қатысты ой бөлісті.
Басқарма басшысы Ақзира Қасымова бүгінгі нарық талабы техникалық және кәсіптік білімі бар кадрлар даярлау мәселесіне деген көзқарасты түбегейлі өзгерткенін атап өтіп, бұл бағытта бірқатар жобалардың тиімділігіне қарай жұмыс қажеттігін алға тартты.
<blockquote>
 «Кәсіптік білім беру жүйесін дамыту үшін білім берудің мазмұнын жаңғырту, құрылымын өзгерту және оқу орындарының материалдық-техникалық базаларын жабдықтау қолға алынды. Сонымен қатар, Worldskills халықаралық талаптарына сәйкес кадрлар даярлау, дуальды оқыту, модульдік білім беру, жаңартылған мазмұндағы білім беру бағдарламаларын енгізу, «Жас маман» жобасын іске асырдық. Мәселен, өткен жылы өңірімізде 4 колледж, биыл 5 колледж, барлығы 9 оқу орыны жүзеге асыруда»,-деді Ақзира Қасымова.
</blockquote>
Айту қажет, 4 оқу колледжге қажетті құрал-жабдықтар жетікізілген. Жоба аясында 65 инженер-педагог біліктілігін арттырып, арнайы сертификатқа ие болды. Ал, 2021 жылы жобаны жүзеге асырушы 5 колледж бойынша өңірлік комиссияның шешімі негізінде мамандар даярлау бағыттары айқындалып, алынатын құрал-жабдықтардың тізбесі бекітілді.
Кеңейтілген жиында басқарманың бөлім басшысы Бекжан Есенбаев қайта жаңартылған мамандықтар жіктеуіші бойынша негізгі басымдықтарды атап өтті.
<blockquote>
 «Мәселен, бұрынғы мамандықтар мен біліктіліктер сыныптауышында 279 мамандықтың 1615 біліктілігі болса, ал жаңа сыныптауышта 226 мамандықтың 660 біліктілігі көрсетілген. Осы ретте, оқу орындарындағы бірнеше мамандықтар мен біліктіліктер бойынша алдағы уақытта кадрлар даярлау жүйесі тоқтатылады деген сөз. Сондықтан, бүгінгі күннен бастап, оқу орындары жаңа сыныптауышқа байланысты қандай мамандықтар мен біліктіліктер бойынша мемлекеттік лизенцияларды қайта рәсімдеу керек, қандай жаңа мамандықтар ашуға мүмкіндіктер бар, осы бағыттағы жұмыстарды жедел атқарулары қажет»,-деді Бекжан Есенбаев.
</blockquote>

Қызылордада техникалық және кәсіптік білім беру мәселелері талқыланды

<a href="https://kyzylorda-news.kz/">Kyzylorda-news.kz</a>.&nbsp; Түрлі құқық бұзушылықтарға шұғыл әрекет ету мақсатында азаматтарға арналған жаңа сервис – «102» мобильді қосымшасы іске қосылды.
Қызылорда қалалық полиция басқармасының қазіргі заманғы және заманауи техникамен қамтамасыз етілген жедел басқару орталығында (ЖБО) үлкен мониторлар орналасқан. Осы мониторларда тәулік бойы нақты уақыт режимінде қала бойынша шоғырланған бейнебақылау камераларынан деректер көрсетіледі. Мониторлар арқылы ЖБО қызметкерлері қаладағы орын алып жатқан барлық әрекеттерді мұқият бақылайды.
Мұнда “102”мобильді қосымшасы арқылы аудио-видео қоңыраулары да келіп түседі.
Бүгінгі таңда, қосымша сәтті жұмыс істеуде және тұрғындардан 10 хабарлама келіп түсті. Олардың ішінде алаяқтық, тұрмыстық зорлық зомбылық және т.б. олардың ішінде бейне қоңырау арқылы – 4, аудио арқылы – 3 және смс хабарламалар-3.

Қызылорда: «102» мобильді қосымшасын пайдаланушылар саны артуда

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 717 адамнан ПТР арқылы коронавирус індеті анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 68,
Алматы қаласы – 105,
Шымкент қаласы – 12,
Ақмола облысы – 69,
Ақтөбе облысы – 12,
Алматы облысы – 51,
Атырау облысы – 35,
Шығыс Қазақстан облысы – 49,
Жамбыл облысы – 9,
Батыс Қазақстан облысы – 64,
Қарағанды облысы – 46,
Қостанай облысы – 61,
Қызылорда облысы – 14,
Маңғыстау облысы – 12,
Павлодар облысы – 79,
Солтүстік Қазақстан облысы – 25,
Түркістан облысы – 6.
Жалпы ел бойынша ауырғандар саны 214806.

Қызылордада 14 адамнан коронавирус індеті анықталды

<a href="https://kyzylorda-news.kz/">Kyzylorda-news.kz</a>. Қазақстанда Қазақстанда өткен тәулікте 944 адам коронавирустан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 115,
Алматы қаласы – 92,
Шымкент қаласы – 7,
Ақмола облысы – 83,
Ақтөбе облысы – 46,
Алматы облысы – 34,
Атырау облысы – 23,
Шығыс Қазақстан облысы – 24,
Жамбыл облысы – 16,
Батыс Қазақстан облысы – 97,
Қарағанды облысы – 32,
Қостанай облысы – 84,
Қызылорда облысы – 6,
Маңғыстау облысы – 3,
Павлодар облысы – 114,
Солтүстік Қазақстан облысы – 164,
Түркістан облысы – 4.
Қазақстан бойынша жазылғандар саны – 198726.

Қызылордада 6 адам індеттен айықты

<a href="https://kyzylorda-news.kz/">Kyzylorda-news.kz</a>. Қазгидромет 3 наурызға арналған ауа райы болжамын ұсынады.
Қазақстанның басым бөлігінде құбылмалы ауа райы болып, қар мен жаңбыр жауып, кей жерлерінде тұман, көктайғақ, бұрқасын, желдің күшейюі күтіледі.
Қостанай, Маңғыстау, Атырау, Батыс Қазақстан, Ақтөбе, Қарағанды облыстарының кей жерлерінде тұман түсіп, желдің жылдамдығы 15-20 м/с жетеді.
Қостанай облысының кей жерлерінде тұман, жаяу бұрқасын, күндіз желдің 15-20 м/с күшейюі күтіледі.
Қызылорда, Солтүстік Қазақстан облыстарының кей жерлерінде тұман күтіледі.

3 наурызға арналған ауа райы болжамы

Kyzylorda-news.kz. Сыр өңірінде игілікті бастама «Қайырымдылық істер марафоны» жалпыұлттық жобасы қарқынды жалғасуда. Еріктілер, белсенді азаматтар, кәсіпкерлер халықтың әлжуаз топтарына көмек көрсетуде.
<blockquote>
 Игілікті істер бір жылмен шектеліп қалмайды. Әрі қарай да жалғасын табатын болады. Қайырымдылық, меценаттық және донорлық қоғам үшін ең маңызды бағыттардың бірі. «Алғыс айту» мерекесінде волонтерлар және меценаттар жалғызбасты қарттарды, данагөй әжелерді құттықтап, көмек көрсетті. Сондай-ақ, Тәуелсіздігіміздің 30-жылдық мерейлі мерекесімен тұспа-тұс келуі де бекер емес. Осы орайда «Қазақстан Тәуелсіздігіне 30 жыл: бірлік пен бірегейліктің моделі» атты республикалық ғылыми-тәжірибелік конференциясы өтті. Жүзеге асырған және алда атқаратын игілікті істеріміз халқымыздың болашағын бірлігімізбен берік етсін, – деді «Қоғамдық келісім» КММ директоры Бауыржан Мастеков.
</blockquote>
Сондай-ақ, «Абзал и К» ТС директоры Мағжан Ералиевтың бастамасымен мүмкіндігі шектеулі, үйде оқитын, ата-ана қамқорлығынсыз қалған балаларға арналған «Арман ағашы» акциясы өтті.

Қызылорда: «Қайырымды істер марафоны» жыл бойы жалғасады

Kyzylorda-news.kz. Қызылорда облысына Армениядан 456 көлік әкелінген. Бүгінде соның 445-і тіркеуден өткізіліп, оның 74-інің басқару жүйесі оң жақтан сол жаққа ауыстырылған. Бұл туралы бүгін Өңірлік коммуникациялар қызметінің ақпарат алаңында өткен брифингте Қызылорда ОПД Әкімшілік полиция басқармасының бастығы Нұрмахан Пазылов мәлімдеді.
Негізі Армениядан әкелінген көліктерді тіркеу биыл наурыз айында аяқталуға тиіс болатын. Бірақ өткен жылы карантин шектеулері болғандықтан тіркеу уақыты тағы бір жылға ұзартылды. Енді келер жылдың наурыз айына дейін тіркелмесе, көлік иелері 3 миллион теңгенің үстінде қаражат жұмсауға тура келеді.
<blockquote>
 Армениялық темір тұлпарды тізгіндеген көлік иесі мемлекеттік тіркеу нөмірлік белгі үшін – 8167,60 теңге, көліктің тіркеу куәлігі үшін – 3646,25 теңге, ал мемлекеттік алғашқы тіркеу жинағы үшін – 729,25 теңге төлегендігін растайтын құжаттармен халыққа қызмет көрсету орталығына жүгіну қажет, – деді Қызылорда ОПД Әкімшілік полиция басқармасының бастығы Нұрмахан Пазылов.
</blockquote>
Ал басқару жүйесі оң жақтан сол жаққа ауыстырылған көлік құралдарын тіркеу үшін ұлттық акредиттелген орталықтардан қауіпсіздік хаттамасын алу қажет. Аталған хаттаманы беруге рұқсаты бар акредиттелген орталықтар Алматы қаласында, Атырау, Қостанай, Батыс Қазақстан және Солтүстік Қазақстан облыстарында орналасқан.

Қызылордада Армениядан әкелінген 445 көлік тіркелді

<a href="https://kyzylorda-news.kz/">Kyzylorda-news.kz</a>. Қызылордада көлігіне жалған мемлекеттік белгісін таққан жүргізушілер әкімшілік жауапкершілікке тартылды.
Қызылорда қаласының 22 жастағы тұрғыны жалған мемлекеттік белгісін «Ваз 21210» маркалы автокөлігіне тағып басқарған. Бұған қоса, бұл автокөлік «Аркан» құрылғысына 60 мәрте жылдамдық асырып түскені үшін 1 млн 534 мың теңге көлемінде айыппұл салынды.
Сонымен қатар, сол күні қызылордалық полицейлер кешкі уақытта 23 жастағы қала тұрғынын «Lexus NX 300» маркалы автокөлігіне жалған мемлекеттік белгісін тағып басқарғаны үшін тоқтатып, автокөлік айып алаңына қойылды.
Қазіргі таңда, жалған мемлекеттік белгісін тағып басқарғаны үшін бұл жүргізушілерге қатысты Қазақстан Республикасы Әкімшілік құқық бұзушылық туралы кодекстің 590 – бабының 4 – бөлігімен (Көрiнеу жалған немесе қолдан жасалған мемлекеттiк тiркеу нөмiрi белгiлерi (белгiсi) бар көлiк құралын басқару) әкімшілік хаттамалары толтырылып, Қызылорда қалалық мамандандырылған әкімшілік сотына тиісті шешім қабылдау үшін жолданды. 
Көлік құралдары айып алаңына қойылды.

Жылдамдықты асырған қызылордалыққа 1 млн 534 мың теңге айыппұл салынды

<a href="https://kyzylorda-news.kz/">Kyzylorda-news.kz</a>. Төтенше жағдайлар министрі Юрий Ильин су басу қаупі жоғары өңірлерді атады, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Қар мен ылғал қоры жиналып жатыр. Ал жауын-шашынның көлемі жағынан төтенше жағдайдың туындау қаупі жоғары өңірлерге Ақмола облысы, Қарағанды облысының кейбір аудандары, сондай-ақ, Солтүстік Қазақстан мен Ақтөбе облыстары кіреді. Ол жерде жиналған қардың қоры 50 процентке көп болып тұр”, – деді Ильин орталық коммуникациялар қызметінде өткен онлайн брифингте.
</blockquote>
Бұдан бөлек, жердің қатуы да су тасқынына себеп болады. Жылдам еріген қар жерге сіңіп үлгермейді де, жан-жаққа жайылады. Қазгидрометтің мәліметіне сәйкес, Ақмола облысының Шағалалы өзені бойында қардың көлемі нормадан 54 процентке артық. Сондай-ақ, Солтүстік Қазақстан облысында Есіл өзені мен Ақтөбе облысындағы Елек өзені бассейінінде қар көп жиналған.&nbsp;
<blockquote>
 “Жалпы республика бойынша 276 елді мекенді су басу қаупі бар. Ол жерде 270 мың адам тұрады”, – деп атап көрсетті Ильин.
</blockquote>
Министрдің айтуынша, бүгінде 2023 жылға дейінгі Жол картасы бекітілді. Оған 160 миллиард теңге бөлінеді деп жоспарланған. Соның арқасында республикада елді мекендерді су басу қаупін барынша азайту қарастырылған.

Қазақстан және Қызылорда облысының жаңалықтары