<a href="https://kyzylorda-news.kz/">Kyzylorda-news.kz</a>. Қазақстанда телерадиохабар тарату сигналы уақытша өшіріледі, деп хабарлайды «Қазтелерадио» компаниясының сайты.
<blockquote>
 «2021 жылдың 10 наурыз айында сағат 03:00 мен 17:00 аралығында жерсерік, цифрлы және аналог эфирлік желілердің техникалық құралдарындағы сервистер жабылып, жоспарлы-профилактикалық жұмыс жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Бұл жұмыс телерадио хабарын сапалы таратуды қамтамасыз ету үшін қажет, ал тоқсан сайынғы жоспарлы-профилактикалық жұмыс сервисті ұзақ уақыт өшіруге мүмкіндік береді, сондықтан осы уақыт ішінде техникалық құралдарды жаңғырту бойынша қосымша жұмыс та жүзеге асырылады. Уақытша қолайсыздықтар үшін кешірім өтінеміз», – делінген хабарламада.
</blockquote>
Айта кетейік, «Қазтелерадио» АҚ тоқсан сайын жерсерік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.

Қазақстанда телерадиохабар тарату сигналы уақытша өшіріледі

<a href="https://kyzylorda-news.kz/">Kyzylorda-news.kz</a>. Қызылордада жыл басынан бері 15 сыбайлас жемқорлық қылмысы анықталды. Бұл туралы Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысының міндетін уақытша атқарушы Руслан Яғмусов мәлімдеді.
Олардың негізгі бөлігін, яғни 60 %-ін немесе 9 факты парақорлық болса, 20 % немесе 3 факт жымқыру және алаяқтық болып отыр.
«Өндірісте барлығы 44 қылмыстық іс болды, оның&nbsp;14 сотқа жолданды. Аяқталған қылмыстық істер бойынша келтірілген залал сомасы 12 милионнан астам, келтірілген залал толығымен өндірілді», – дейді Руслан Яғмусов.
«Protecting bussines and investments» жобасы&nbsp;аясында инвесторлардың жалпы құны 555,8 млрд теңгені&nbsp; құрайтын 22 инвестициялық (6 шетелдік неше 16 отандық) жобаны сыбайлас жемқорлыққа қарсы сүйемелдеуге алды.
«Жоба аясында кәсіпкерлерден 62 өтініш келіп түсті, оның 33-і қанағаттандырылды, қалған 29-і бойынша тиісті түсініктемелер берілді. 2020 жылы салық органдарында тіркеу, мемлекеттік жылжымайтын мүлікті жалға беру бойынша тендерге қатысу және жер мәселелері бойынша жоба субъектілері болып табылмайтын 6 кәсіпкерге көмек көрсетілді», – дейді Руслан Яғмусов.
Брифингте барысында қылмыстық-процестік кодексінің 200-бабына сәйкес&nbsp;7 ұсыныс енгізілді. Оның ішінде 3 ұсыныс қаралғандығын назарға ұсынып, нәтижесі бойынша 2 тұлға тәртіптік жауапкершілікке тартылғандығы айтылды.
<img src="https://kyzylorda-news.kz/wp-content/uploads/2021/03/img_4654-scaled.jpg" alt="" />

Қызылордада жыл басынан бері 15 сыбайлас жемқорлық қылмысы анықталды

<a href="https://kyzylorda-news.kz/">Kyzylorda-news.kz</a>. Қызылорда облысы Төтенше жағдайлар департаменті мамандарының ұйымдастыруымен облыс орталығы мен Шиелі ауданы аралығында Сырдария өзеніне мониторинг жұмыстарын жүргізілді. Бұл шара өткен жылдың қараша айынан бері апта сайын жүзеге асырылуда.
Дария деңгейін бақылау, мониторинг жұмысы барысында өзенде ұстасқан мұздың қалыңдығы мен судың келу деңгейі қоса сарапқа салынуда. Қазіргі таңда сең Шиелі ауданы Қызылқайың елді мекенінің тұсында, Қызылорда су торабынан жоғары 190 шақырымда ұстасып тұр.&nbsp;
Бүгінгі таңда мұз қабатының еруі, жұқаруы және қалыңдығы 10-20 сантиметр екендігі анықталды.
Осы ретте мониторинг жұмыстарымен қатар азаматтық қорғау мамандары елді мекендерде су басу қаупі туындаған жағдайда атқарылуы қажет қауіпсіздік шараларын түсіндіріп, тұрғындарға ескерту хаттары мен үнпарақтарды таратуда.

Сырдария өзенінің деңгейі бақылауда

<a href="https://kyzylorda-news.kz/">Kyzylorda-news.kz</a>.&nbsp; Қызылорда қалалық пробация қызметі мен Жастар ресустық орталығы бірлесіп, есептегі азаматтарға қайырымдылық көмек ұйымдастырды. Олар бұл жолғы қайырымдылық көмекті пробация есебінде тұрған жалғызбасты, көпбалалы аналарға көрсетті.
Пробация есебіндегі көпбалалы азаматшаның айтуынша, әлеуметтік жағдайы төмен, жұмыс істеп тапқан азын-аулақ табысы балаларының нәпақасынан, ас-суынан артылмайды. Балаларына компьютер алып беруге жағдайы жоқ. Оның жағдайына бей-жай қарамаған пробация қызметкері мен Жастар ресустық орталығының мамандары жалғызбасты көпбалалы екі азаматшаға бірінші қажеттіліктегі азық-түлік өнімдерімен бірге балаларына компьютер табыстады.
Көпбалалы ана балаларына қуаныш сыйлаған белсенділерге алғысын айтты.
<img src="https://kyzylorda-news.kz/wp-content/uploads/2021/03/9d3e414d-0278-4cf1-b46d-0bb3f51dd7a6.jpg" alt="" />
<img src="https://kyzylorda-news.kz/wp-content/uploads/2021/03/66926c17-8ac4-4f3e-b48b-b9d8191a8e2c.jpg" alt="" />

Есепте тұрған көпбалалы анаға көмек көрсетілді

<a href="https://kyzylorda-news.kz/">Kyzylorda-news.kz</a>. Жалағаш ауданының тұрғыны Асылхан Балмаханов жыл басынан бері сабын шығару ісін қолға алды.
Асылханның жасы 28-де. Отбасылы, жарымын бірге екі бала тәрбиелеп отыр. Қаржыгер мамандығын алған ол бірнеше мекемеде кассир, есепші, экономист қызметтерін атқарған.
Өзінің мемлекеттік сатып алудан да хабары бар. Сол тендерлерге қатысу барысында тұрмыстық сабынға деген сұраныстың бар екендігін байқаған.
<blockquote>
 «Жалпы кір сабын шығару туралы идея өткен жылдан бастап ойымнан шықпай қойды. Алғашында негізгі жұмысымнан өзге қарап жатпай, қосымша табыс тапсам деген ой маза бермей жүрді. Осылайша іздене бастадым. Интернеттен қандай тауарға сұраныстың бар екендігін іздеп, кір сабын шығару идеясына тоқтадым. Оның бірнеше себебі де бар. Біріншіден, біздің облысымызда тұрмыстық сабын шығаратын адамдар санаулы. Екіншіден,тендерлерге қатысып жүргенімде кір сабынды аймақ мекемелері көрші облыстардан алдыртатынын көрдім», – дейді жас кәсіпкер.
</blockquote>
Көздеген мақсатын жүзеге асыру үшін Асылхан бірінші Қызылорда облысы кәсіпкерлер палатасының мамандарымен ақылдасып, «Бизнес-мектеп» құрылымы бойынша біліктілігін жетілдіреді. Бизнес-жоспарын да Палата мамандарына әзірлетеді. Осылайша өткен жылдың күз мезгілінде облыстық кәсіпкерлік және туризм басқармасы ұйымдастырған «Бизнестің жол картасы – 2025» мемлекеттік бағдарламасы аясындағы грантқа қатысып, 2 млн.теңге қаржы ұтып алады.
Асылхан Балмаханов бүгінде ұтып алған гранттық қаржыға өз қаражатын қосып, шағын цех ашты. Негізі цехтың қуаттылығы күніне 1500 данаға дейін сабын алуға мүмкіндік береді. Әзірге нарықты толық зерттеп алу үшін тәулігіне 500-600 данадан ғана шығарып жатыр екен. Жас кәсіпкер өнімдерін жалағаштық дүкендерге өткізіп жатыр, сондай-ақ қосымша тендерлерге де қатысуда. Алдағы уақытта өнімді Қызылорда қаласына да жеткізу жоспары бар.
<blockquote>
 «Сабынның атауын «Береке» деп қойдым. Бұл әр шаңыраққа құт-береке кірсін деген ниеттен туған атау», – дейді жас кәсіпкер Асылхан Балмаханов. &nbsp;
</blockquote>
Айта кету керек, биылғы жылдың екі айында Қызылорда облысы кәсіпкерлер палатасының кеңесшілері 412 адамға кеңес беріп, кәсіпкергелерге 127 қызмет көрсетті.
<img src="https://kyzylorda-news.kz/wp-content/uploads/2021/03/6a92f73c-a158-444f-a016-5abcd6b22f63-1.jpg" alt="" />

Жалағаштық жас кәсіпкер сабын шығаруда

<a href="https://kyzylorda-news.kz/">Kyzylorda-news.kz</a>. Жаңақорған ауданында құс фабрикасының құрылысы басталды. Бұл туралы аудандық әкімдіктің <a href="https://www.facebook.com/amin.aminkz/videos/2845629565685388">«Facebook»</a> парақшасында жарияланды.
Бүгін аудан әкімі Руслан Рүстемов «Абдулла» шаруа қожалығындағы құрылысы басталған құс фабрикасымен танысты.
Құс фабрикасының құрылысы 2020 жылдың желтоқсан айында басталды. Жоба құны 3,9 млрд теңге, ал жобаның іске асырылу мерзімі 2021 жылдың қыркүйек айы.
Құс фабрикасы бір жылда 3 500 тонна ет өндіру және 150 адамды тұрақты жұмыспен қамту жоспарлауда.

Жаңақорғанда құс фабрикасының құрылысы басталды (ВИДЕО)

<a href="https://kyzylorda-news.kz/">Kyzylorda-news.kz</a>.&nbsp; Шиелі аудандық пробация қызметі есепте тұрғандардың тарапынан қайта қылмыстың алдын алу мақсатында жан-жақты ауқымды жұмыстар жүргізілуде.
Осы тұрғыда аудандық пробация қызметі шалғай елді мекендерде, ауылдық жерлерде тұратын сотталғандардың тұрғылықты жері бойынша, ауылдық округі әкімінің, учаскелік полиция инспекторының, ауылдық ақсақалдар кеңесінің төрағаларының қатысуымен жиындар өткізуді бастады.
Осындай кездесу Шиелі ауданы Тәжібаев ауылында өтті. Бұл ауылда алты азамат қоғамнан оқшаулауға байланысты емес жаза түрімен сотталып, пробация қызметінің есебіне алынған. Осы азаматтарға ауыл әкімі Ә.Сәрсенбаев, ақасақалдар кеңесінің төрағасы Х.Тұрсынбек және пробация қызметінің бастығы әділет майоры Қ.Байгенжеев тәрбиелік мәні бар, терең ойлы, мән-мағыналы әңгімелер айтты.
Жиналысқа қатысқан сотталған азаматтар жүргізілген тәрбиелік әңгімелерден нәр алып, өздерінің жасаған қылмыстарына өкініп, ауыл атына кір келтіргенін жеткізіп, алдағы уақытта қайталамауға сенім білдіріп, үлкендердің тілін алып ізеттілік көрсетті.
<blockquote>
 «Аталған іс-шараны алдағы уақытта барлық ауылдарға өткізу жоспарланып отыр. Ауыл ақсақалдарының, олардың туған –туыстарының танымдық, тәрбиелік әңгімелері олардың қайта қылмысқа бармауына септігін тигізеді»,- деді аудандық пробация қызметінің аға инспекторы әділет капитаны Б.Сүлейменов.
</blockquote>
<img src="https://kyzylorda-news.kz/wp-content/uploads/2021/03/486bc7ae-efa3-47ea-b652-c7eb989b6088.jpg" alt="" />

Ауыл ақсақалдары пробация есебіндегі азаматтармен кездесті

<a href="https://kyzylorda-news.kz/">Kyzylorda-news.kz</a>. Қызылорда қаласында дүкенге ұрлыққа түскен ұры қылмыс үстінде қолға түсті.
Қызылорда қалалық Полиция басқармасына 1-наурыз күні сағат 05:07&nbsp;шамасында 40 жастағы азаматшадан үй жанындағы дүкен ішінде белгісіз біреудің жүргені туралы хабарлама түскен.
Оқиға орнына дереу жеткен жедел-тергеу тобы дүкеннің терезесіндегі темір торын бұзып, пластик терезесін күштеп ашып кіріп, ішіндегі заттарды ұрлауға оқталған ер азамат ұстады. Күдікті 20 жастағы облыс орталығының тұрғыны екені белгілі болды. Ол Полиция басқармасына жеткізіліп, оқиғаның мән-жайлары анықталуда.
Аталған дерек бойынша Қазақстан Республикасы Қылмыстық кодексінің 24 бабының 3 бөлігіне және 188 баптың 2 бөлігіне сәйкес (Ұрлыққа оқталу) сотқа дейінгі тергеп-тексеру амалдары жүргізілуде.
Жәбірленуші полицейлерге кәсіби шеберліктері үшін, сондай-ақ атқарылған жұмыстары үшін алғысын білдірді.

Қызылордада ұры қылмыс үстінде ұсталды

<a href="https://kyzylorda-news.kz/">Kyzylorda-news.kz</a>. Қызылорда облысында «Қазақстан тәуелсіздігіне 30 жыл: Бірлік пен бірегейліктің моделі» атты республикалық ғылыми-тәжірибелік конференция өтті.
Конференцияда көпэтносты Қазақстанның қалыптасу тарихы, Қазақстан халқы Ассамблеясының қоғамдық-саяси рөлі туралы кеңінен сөз қозғалды.
Жиында облыс әкімінің орынбасары Серік Ахмет Алғыс айту күнінің маңыздылығына тоқталып, тарих тоғыстырған, тағдыр табыстырған барша ұлттың бірлігі мен тату тірлігі Қазақстанның басты жетістігі екенін атап өтті.
<img src="https://kyzylorda-news.kz/wp-content/uploads/2021/03/3-1.jpg" alt="" />
<blockquote>
 «Ел Президенті Қасым-Жомарт Тоқаев «Тәуелсіздік бәрінен қымбат» атты мақа­ласында егемендігіміздің үш тағаны бар екенін баса айтты. Байтақ жеріміз, қастерлі тіліміз, береке-бірлігіміз. Осы орайда 25 жылдан астам тарихы бар Қазақстан халқы Ассамблеясы орасан зор біріктірушілік пен зияткерлік әлеуетті жинақтап, бірліктің ұйытқысы болып келеді. Жүзден астам этностың басын біріктіретін татулық пен тұрақтылықтың басты кепілі», – деді Серік Әбжәліұлы.
</blockquote>
Конференцияға онлайн қа­тысқан ҚР Парламенті Сенатының депутаты, саяси ғылымдар докторы Мұрат Мұхамедов қазақ халқының түрлі ұлт өкіліне деген қам­қорлығы туралы нақты оқи­ғаларды баяндады. ХХ ға­сырдың бас кезінде Столыпин реформасы, кеңес үкіметі толыққанды орнап болғаннан кейін депортацияланған ұлттар, Ұлы Отан соғысы кезінде Неміс автономиялық республикасынан көшірілген халықтар туралы нақты деректер келтірді. Қиын-қыстау кезең артта қалғанын, бүгінгідей заманда ұлттардың тату-тәтті тұруы үшін еліміздегі әрбір ұлттың мемлекеттік тілді меңгеруі керегін жеткізді.
Облыс әкімдігінің бас­тамасымен, «Қоғамдық ке­лі­­сім» КММ және «Рухани жаңғыру» орталығының ұйым­дастыруымен өткен ке­лелі кездесуде&nbsp; Қорқыт ата атын­­­дағы Қызылорда уни­вер­­­ситетінің доценті, тарих ғы­лым­дарының кандидаты Айт­жан Оразбақов, Ә.Тәжібаев атындағы облыстық әмбебап- ғылыми кітапхананың директоры, тарих ғылымдарының кан­дидаты Нұрлыбек Мыңжас, Корей этномәдени бірлестігі төрағасының орынбасары Юрий Ким, сарапшы-журналист Айткүл Шалғынбаева баяндама жасап, этнос өкілдерінің Сыр өңіріне қоныстануы, этно­с­аралық достық пен келісім туралы баяндады.
Ал Қармақшы жерінде туып-өскен Қазақстан халқы Ассамблеясының мүшесі, облыстық мәслихат депутаты Дильфура Байрахтар­ова отбасының Сыр еліне қалай келгені туралы айтып, бұл күннің тарихи мәні бар екенін, отандастарымызға қа­шанда алғыс айту қажеттігіне тоқталды.

Серік Ахмет: Қазақстан халқы Ассамблеясы бірліктің ұйытқысы болып келеді

<a href="https://kyzylorda-news.kz/">Kyzylorda-news.kz</a>. Шри-Ланка азаматы 15 күн бойы ашық мұхитта қалып қойған. Ол достарымен балыққа шыққан, алайда дауыл тұрып, қос серігі қайтыс болған. Оны Мальдив аралдарында демалып жүрген қазақстандықтар құтқарған.&nbsp;
Алматы қаласының 35 жастағы тұрғыны Ұлан Әбдірайымовтың айтуынша, ол достарымен Мальдивте демалып жатқан, сосын суастында балық аулауға шыққан. Балық аулау кезінде туристер алыстан аударылып қалған жеңіл моторлы ұшақты көргендей болады.&nbsp;
<blockquote>
 “Жақындай келе, біз қайықта отырған ер адамды көрдік. Сөйлесе келе, оның Шри-Ланка азаматы екенін білдік. Ол басқа тілде сөйлемейді екен, сосын біз елшілікке хабарласып, оның не айтып жатқанын сұрадық”, – дейді Әбдірайымов.&nbsp;
</blockquote>
Оның қайығының қозғалтқышы дауылдың салдарынан істен шыққан екен. Жанындағы адамдар қайтыс болған, ал өзі екі аптадан аса уақыт бойы ашық мұхитта қалқып тұра берген.&nbsp;
<blockquote>
 “Ол әбден қажыған. Біз оған тамақ, су бердік, алайда бортқа ала алмадық, өйткені капитан жұқпалы аурулар болуы мүмкін деген қауіп барын айтты”, – дейді қазақстандық.&nbsp;
</blockquote>
Әбдірайымовтың айтуынша, болған оқиға нағыз таңғажайып жағдай және мұндайды тек кинодан көрген.&nbsp;
<a href="https://massaget.kz/layfstayl/alemtanu/alem-alaqanda/64592/">Massaget.kz</a>

Екі апта Үнді мұхитында жалғыз қалған адамды қазақстандықтар құтқарып қалды

<a href="https://kyzylorda-news.kz/">Kyzylorda-news.kz</a>. Агроөнеркәсіптік кешенді қолдау іс-шараларының бірыңғай электрондық ресурсы құрылады. Бұл туралы Үкімет отырысында ҚР Ауыл шаруашылығы министрі Сапархан Омаров айтты, деп хабарлайды ҚазАқпарат.
<blockquote>
 «Агроөнеркәсіптік кешен субъектілерін қаржыландырудың қолжетімділігін арттыру мақсатында салалық мемлекеттік қолдау бағдарламаларына қосу жолымен екінші деңгейдегі банктер, Қазақстанның Даму Банкі және синдикатталған қарыздар арқылы ауыл шаруашылығы секторына кредит беру мүмкіндіктерін кеңейту жоспарланып отыр», – деді агроөнеркәсіптік кешенді дамытудың негізгі бағыттары және инвестициялық жобалардың іске асырылуы туралы баяндаған Сапархан Омаров.
</blockquote>
Министрдің айтуынша, ауыл шаруашылығы өнімдерін форвардтық сатып алуды кеңейту және жастар үшін ауыл шаруашылығы саласындағы жобаларды іске асыруға гранттар енгізу мүмкіндігі қарастырылып жатыр.
<blockquote>
 «Сондай-ақ, барлық агроөнеркәсіптік кешенді қолдау іс-шараларының бірыңғай электрондық ресурсы құрылатын болады», – деді министр.
</blockquote>

Жастарға ауыл шаруашылығы саласындағы жобаларды іске асыруға гранттар берілмек

<a href="https://kyzylorda-news.kz/">Kyzylorda-news.kz</a>. Қазақстан Республикасы Қаржылық мониторингі агенттігі төрағасының 2021 жылғы 1 наурыздағы №18ж/қ бұйрығымен Қызылорда облысы бойынша экономикалық тергеп-тексеру департаментінің басшысы болып Темірбеков Рашид Темірбекұлы тағайындалды.
Темірбеков Рашид Темірбекұлы 1976 жылы дүниеге келген, біліктілік сыныбы 1-санат. 1999 жылдан бері республиканың түрлі аумақтарында құқыққорғау органдарында басшылық қызмет жасап келеді. 2019 жылдың маусымынан бастап Қызылорда облысы бойынша экономикалық тергеу департаментінің басшысы.
Үстіміздегі жылдың 28 қаңтарында Қазақстан Республикасы Президентінің №501 Жарлығымен Қаржы министрлігінің қылмыстық жолмен алынған кірістерді заңдастыруға жəне терроризмді қаржыландыруға қарсы іс-қимыл саласындағы, сондай-ақ экономикалық жəне қаржылық қылмыстар мен құқық бұзушылықтардың алдын алу, оларды анықтау, жолын кесу, ашу жəне тергеп-тексеру жөніндегі функциялары мен өкілеттіктері беріле отырып, Қазақстан Республикасы Президентіне тікелей бағынышты Қаржылық мониторинг агенттігі құрылған болатын.
1 наурыздан бастап барлық аумақтық департаменттердің жаңа құрылымы бекітілуде.
<img src="https://kyzylorda-news.kz/wp-content/uploads/2021/03/156598503_432665867938806_2686797330918267732_o.jpg" alt="" />

Қазақстан және Қызылорда облысының жаңалықтары