<a href="https://kyzylorda-news.kz/date/2020/10/12/?doing_wp_cron=1602498584.7443110942840576171875">Kyzylorda-news.kz.</a> Қызылорда қалалық пробация есебіндегілер қайырымдылық шараларына белсене қатысып, бір-біріне көмек қолын созады.
Пробация есебіндегі тұрған&nbsp; азаматтар тұрмыс жағдайы төмен отбасыларға көмек көрсетті. Пробация қызметкерлері көпбалалы 4 азаматшаның үйіне барып, азық-түлік табыс етті. Көмек алған отбасылар жомарт азаматқа алғысын айтып ризашылықтарын білдірді.
<blockquote>
 «Жыл басынан есепте тұрған азаматтарға әлеуметтік-құқықтық көмек түрлерін көрсету барысында жергілікті атқарушы органдармен, қоғамдық бірлестіктермен өзге де ұйымдармен бірлесіп, жұмыстар атқарылды. Қыркүйек айына дейін қалалық пробация қызметінен 1105&nbsp; сотталған есептен өткен. Қазіргі таңда 598 сотталған есепте тұр. Бұл азаматтардың барлығына да психологиялық, медициналық, әлеуметтік-құқықтық көмектер көрсетілді. Бүгінгі шарада есептегі азаматтардың көмегімен 4 көпбалалы отбасыға әлеуметтік көмек көрсетілді. Алдағы уақытта да қайырымдылық шаралары жалғасын табатын болады», – деді қалалық пробация қызметінің бастығы әділет подполковнигі Бақыт Абибуллаұлы.
</blockquote>

Қызылордада сотты болған азаматтар көпбалалы отбасыларға көмек көрсетті

<a href="https://kyzylorda-news.kz/date/2020/10/12/">Kyzylorda-news.kz.</a> Осы аптада президент Қасым-Жомарт Тоқаев сыбайлас жемқорлыққа қарсы іс-қимыл мәселелері бойынша кейбір заңнамалық актілерге өзгерістер мен толықтырулар енгізу туралы заңға қол қойды. Соның аясында мемлекеттік қызметшілер мен квазимемлекеттік сала мамандары үшін бірқатар шектеу енгізілді. Құқық қорғаушылардың қызметіне қатысты маңызды жаңалық та бар.&nbsp;
<h3 id="">Сыйлық беруге тыйым салынды</h3>
Сыбайлас жемқорлыққа қарсы іс-қимыл агенттігі төрағасының орынбасары Олжас Бектеновтың айтуынша, жаңа заң жобасын әзірлеу кезінде Азаматтық кодекстің мемлекеттік қызметшілерге қатысы нормасы Қылмыстық және Әкімшілік кодекстермен сәйкестендірілген. Енді мемлекеттік қызметшілерге сыйлық алуға тыйым салынады. Жазасы қатаң. Атап айтқанда, 2 АЕК (5,5 мың теңге) тұратын сыйлық үшін әкімшілік жауапкершілік қарастырылған. Ал осы сомадан асып кетсе, мемлекеттік қызметші қылмыстық жазаға тартылады.&nbsp;
<blockquote>
 “Сыбайлас жемқорлыққа қарсы шектеу енгізілген адамдардың отбасы мүшелеріне де материалдық сыйақы мен сыйлықтар алуға, тіпті біреудің қызметін пайдалануға тыйым салынады. Ал сыйлық берген заңды және жеке тұлғалардың әрекеті әкімшілік құқық бұзушылық болып саналады”, – дейді Бектенов.
</blockquote>
<h3 id="-1">Туған-туыс әріптес бола алмайды</h3>
Жаңа заң нормаларына сәйкес, мемлекеттік функцияларды орындауға уәкілетті тұлғалар және оларға теңестірілгендер жақын туысы, жұбайы немесе құда-жекжаты атқаратын қызметке тікелей тәуелді лауазымға тұра алмайды. Сол сияқты туысын, жұбайы мен құда-жекжатын өзіне бағынышты қызметке алуға рұқсат жоқ.
Бұдан бөлек, мемлекеттік лауазымға үміткер азаматтар сол ұйымда жұмыс істейтін жақын туысы, жұбайы немесе жекжаттары туралы өзі жұмыс істегісі келіп отырған ұйымның басшылығына жазбаша түрде хабарлауға міндетті.
<h3 id="-2">Квазимемлекеттік салада бақылау күшейеді</h3>
Тоқаев қол қойған заңда квазимемлекеттік секторға қатысты маңызды өзгеріс бар. Атап айтқанда, сыбайлас жемқорлыққа жауапты басшылардың тізімі кеңейіп отыр. &nbsp;
<blockquote>
 “Бұдан былай сатып алуды ұйымдастыру және өткізу бойынша шешімдер қабылдауға уәкілетті, мемлекеттік бюджеттен және ұлттық қордан қаржыландырылатын жобаларды іріктеу және іске асыруға жауапты, дербес құрылымдық бөлімшенің басшысынан төмен емес лауазымды атқаратын квазимемлекеттік компаниялардың қызметкерлері сыбайлас жемқорлық субъектілеріне жатады”, – дейді Бектенов.
</blockquote>
Оның айтуынша, енді осы санаттағы лауазымды тұлғаларға да сыбайлас жемқорлыққа қарсы шектеулер қолданылады. Ал сыбайлас жемқорлыққа тән құқық бұзушылықтар жасалған жағдайда жауапкершілікке тартылады. Бұрын заң нормалары квазимемлекеттік компаниялардың бірінші басшыларына ғана қолданылатын. Сондай-ақ, квазимемлекеттік сектор ұйымдарында комплаенс-қызмет жүйесі енгізіледі.
<blockquote>
 “Комплаенс – батыс елдерден келген ұғым. Ол кез келген ұйымда сыбайлас жемқорлықты болдырмау мақсатында кешенді жұмыс жүргізетін, бірінші басшыға тікелей бағынатын құрылымдық бөлімше болып саналады”, – дейді Бектенов.
</blockquote>
<h3 id="-3">Қылмысқа көндіргені үшін жаза қарастырылған</h3>
Жаңа заңның тағы бір маңызды тұсы – жедел іздестіру және сотқа дейінгі тергеу кезінде құқық қорғаушылар тарапынан арандатушылық әрекеттерге жол бермеу. Ол үшін Қылмыстық кодекске “қылмысқа арандату” деген 412-1-бап енгізіліп отыр. Ал онда көрсетілген жаза парақорлыққа ғана емес, кез келген қылмысқа қолданылады. &nbsp;
Мәселен, жедел іздестіру немесе сотқа дейінгі тергеуді жүргізетін лауазымды адам қандай да бір қылмысты әшкерелеу, сол үшін жауапқа тарту немесе бопсалау мақсатында біреуді қылмыс жасауға көндірсе, ондай әрекеттер қылмысқа арандату болып саналады.
Осы қылмыс үшін 12 жылға дейін бас бостандығынан айыруы мүмкін. Бұдан бөлек, 10 жылға дейін белгілі бір лауазым мен қызметті атқаруға тыйым салынады. Жазаны тағайындау кезінде зорлық-зомбылық көрсету, бопсалау, мүлікті бүлдіру және тағы басқа мәселелер ескеріледі.
<a href="https://sputnik.kz/">Sputnik Қазақстан</a>

Мемлекеттік қызметшілерге сыйлық беруге тыйым салынды

<a href="https://kyzylorda-news.kz/">Kyzylorda-news.kz.</a> 1 қазаннан бастап жыл соңына дейін Қызылорда қаласының тұрғындары мен қонақтары қоғамдық көлікте 10 теңгеге арзан жүре алады.
Бұл мүмкіндік SMS-төлем кезінде және Менің Beeline-ым қосымшасы арқылы төлегенде, келесі қалалық бағыттарда беріледі: 1, 2, 11, 14, 17, 18.
Төлеу нұсқалары:
<ol>
<li>Менің Beeline-ым мобильді қосымшасы: басты бетте «Көлік» бөлімін таңдап, көлік кодын енгізу немесе QR-кодты сканерлеу керек. «Төлеу» пернесін басып, содан билетті алу үшін «Билет алу» пернесін басу керек. Қосымша электронды билет 2505 нөмірінен SMS-хабарлама түрінде келеді.</li>
<li>SMS-хабарлама: жолақыны төлеу үшін, көлік коды көрсетілген SMS хабарламаны 2505 нөміріне жіберу қажет. Жауап ретінде қолданушы SMS-хабарлама түріндегі электронды билет алады, оны контролерге көрсетуге болады. SMS жіберу тегін.</li>
</ol>
Жолақы төлегенде, теңгерімнен жолақы толық ұсталып, бірнеше секундтан соң 10 теңге кэшбэк теңгерімге қайтарылады. Акция бойынша күніне 2 рет жүруге болады. Көлік коды мен QR код автобустардың салонындағы жапсырмаларда.
«Менің Beeline-ым» мобильді қосымшасын алдын ала төлеммен есеп айырысу жүйесінің барлық клиенті <a href="https://play.google.com/store/apps/details?id=kz.beeline.odp&footer">Android</a> және <a href="https://apps.apple.com/kz/app/moj-beeline/id711280776">iOS</a> мобильді платформаларында қол жеткізе алады. Толық ақпарат: <a href="http://www.beeline.kz">www.beeline.kz</a>
(Лицензия ҚР Көлік және коммуникация министрлігінен 24.08.1998 жылы ККМ №ДС 0000317 лицензиясы берілген)

Қызылордада жолақы 10 теңгеге арзандады

<a href="https://kyzylorda-news.kz/date/2020/10/12/?doing_wp_cron=1602498702.6305289268493652343750">Kyzylorda-news.kz.</a> Еліміздің көліктегі бас санитар дәрігері Садуақас Байғабылов халықаралық рейcтер арқылы Қазақстанға ұшып келген алты жолаушыдан коронавирус анықталғанын хабарлады <a href="https://kaz.nur.kz/1879136-halykaralyk-rejspen-kazakstanga-kelgen-6-adamnan-koronavirus-anyktaldy.html">KAZ.NUR.KZ</a>.
Байғабыловтың сөзінше, 6 мен 12 қазаy аралығында халықаралық рейстер арқылы елге 14 578 жолаушы келген. Оның 11 966-да ПЦР анықтама болса, тағы 2596 адамның коронавирус жұқтырмағанын растайтын құжаты жоқ.
ПЦР сынама жасату үшін 2596 қазақстандық екі апталық карантинге жатқызылған. 2596 адам тест тапсырған.
Солардың алтауында зерттеу нәтижесіне сәйкес коронавирус анықталған. Олардың үшеуі Алматы қаласына, біреуі Нұр-Сұлтанға және екеуі Шымкентке келген.
Сондай-ақ, анықталған инфекция ошақтарында эпидемиологияға қарсы шаралар жүргізіліп жатқаны хабарланды.
Еске сала кетсек, Қазақстанда тағы 74 адамнан коронавирус инфекциясы анықталды. Осылайша, ел бойынша ауру жұқтырғандар саны 108 831-ге жетті.

Халықаралық рейспен Қазақстанға келген 6 адамнан коронавирус анықталды

<a href="https://kyzylorda-news.kz/date/2020/10/12/">Kyzylorda-news.kz.</a> Қазақстанда мектептердегі күндізгі оқу түрін қайтару мүмкіндігі қарастырылуда. Бұл туралы премьер-министр Асқар Мамин үкімет сайтында жарияланған мәжіліс депутаттарының сауалына берген жауабында&nbsp;мәлімдеді.
<blockquote>
 “Мемлекет басшысының тапсырмасы бойынша қазіргі уақытта бейінді мемлекеттік органдар кезең–кезеңімен жеңілдету және дәстүрлі күндізгі оқу нысанына оралу мәселелерін пысықтауда”, – деп мәлімдеді Мамин.
</blockquote>
Ол қашықтықтан оқытуды енгізу эпидемиологиялық жағдайға,&nbsp;көптеген аймақтардағы мектептердің шамадан тыс тығыздығына байланысты екенін айтты.
<blockquote>
 “ДДСҰ мәліметтері бойынша, 12 жастан асқан балалар коронавирустың таралуында белсенді рөл атқарады. 2020 жылғы 4 қазандағы жағдай бойынша оқушылар арасында коронавирустық инфекцияның 136 жағдайы тіркелді, оның 51-і кезекші бастауыш сыныпта және 85 оқушы қашықтықтан білім алушылар”, – деді премьер-министр.
</blockquote>
Үкімет басшысы 679 мың оқушыға (компьютерлері және интернетке қолжетімділігі жоқ 730,3 мың баланың ішінде) компьютерлік техника берілгенін атап өтті. Сонымен қатар, 7 013 мектеп (97,6%) интернетке 4 Мбит/с және одан жоғары жылдамдықпен қосылған.
Қазақстандық мектептерде бүгінде 3,4 миллион бала оқиды (оның 2 613 428 – қашықтықтан, 252 343 – штаттық режимде, 546 776 – кезекші сыныптарда).
Бұған дейін “Халық коммунистері” фракциясының депутаттары ата-аналардың, қамқоршылық кеңестердің пікірлерін және оқу орындарының дайындығын ескере отырып, тәсілдерді түбегейлі өзгертуді және білім беруді қашықтықтан-әдеттегі және аралас режимге ауыстыруды талап еткен еді.
<a href="https://stan.kz/mamin-kazakstanda-mektepterdegi-kundizgi-oku-turin-kayt-338234/">Stan.kz</a>

Асқар Мамин: Қазақстанда мектептердегі күндізгі оқу түрін қайтару мүмкіндігі қарастырылуда

<a href="https://kyzylorda-news.kz/date/2020/10/12/">Kyzylorda-news.kz.</a> Қызылорда облысында бүгінге дейін коронавирус инфекциясының 3245 жағдайы тіркелген. Бұл туралы Өңірлік коммуникациялар қызметінің ақпараттық алаңында өткен брифингте облыс бойынша бас мемлекеттік санитариялық дәрігері Әлия Әбдіқайымова мәлімдеді.
<blockquote>
 “Жалпы облыс бойынша эпидемиологиялық ахуал тұрақты деп бағалануда. Коронавирус инфекциясы соңғы 2 күнде тіркелген жоқ. Дегенмен, бұл бәсеңсейтін кезең емес. Өйткені кез келген короновирустық инфекция болсын, немесе жоғары тыныс алу жолдары секілді жұқпалы аурулардың кезеңдік көтерілетін мезгілі. Үстіміздегі жылдың 6-шы қазанынан бастап еліміздің бас мемлекеттік санитариялық дәрігерінің №54 қаулысы күшіне енді. Қаулыға сәйкес сырттан елімізге келетін адамда кем дегенде 72 сағат бұрын алынған ПТР әдісімен COVID-19-ға тесттен өткені туралы анықтама болуы шарт. Ал анықтамасыз шетелден келген ҚР азаматтары 2 тәулікке карантиндік стационарға жіберіледі. Бұдан бөлек, өңірімізде әлі де болса бірқатар шектеулер өз күшінде қалады”, – деді Әлия Әбдіқайымова.
</blockquote>

Қызылордада коронавирус инфекциясының 3245 жағдайы тіркелді

<a href="https://kyzylorda-news.kz/">Kyzylorda-news.kz.</a> Арал теңізіне ұшақ және тікұшақ арқылы саяхат ұйымдастыру жоспарлануда. Осы мақсатта Мойнақта тікұшақ қонатын жаңа алаң салынды, деп хабарлайды <a href="https://www.inform.kz/kz/aral-tenizine-tikushak-arkyly-sayahat-uyymdastyru-zhosparlanyp-otyr_a3705053">ҚазАқпарат</a>.
Мойнақ ауданы әкімдігі баспасөз қызметінің хабарлауынша, тікұшақпен Арал теңізінің акваториясына, Қызылжар ауылының аумағындағы жылыжайларға, Қазақдария ауылындағы шаруашылық кешендеріне саяхаттауға мүмкіндік бар.
Қазіргі уақытта бұл аудандарда тікұшаққа арналған ұшу және қону жолағы ашылған.
Арал теңізіне саяхат ұйымдастырумен айналысатын кәсіпкерлердің айтуынша, Арал теңізі мен Үстіртке ұшақ немесе тікұшақ арқылы саяхаттау үшін Мойнақ ауданынан ұшқан жөн.
Бұл туристердің уақытын үнемдейді әрі қосымша шығын болмайды.
Еске сала кетейік, 300 млрд сумға жаңадан салынған «Мойнақ» әуежайы жақында ашылған болатын. Оған алғаш AIRBUS A-320 әуе кемесі қонған еді.

Арал теңізіне тікұшақ арқылы саяхат ұйымдастыру жоспарланып отыр

<a href="https://kyzylorda-news.kz/date/2020/10/12/">Kyzylorda-news.kz</a>. Сыр елінде ауыл әйелдерінің форумы өтеді. Аталмыш форумға 100-ден аса ауыл әйелі қатысады. Яғни, кәсіпкерлер, мұғалімдер, дәрігерлер, зейнеткерлер және үй шаруашылығындағы әйелдер болады.
Биыл карантинге байланысты форум ZOOM онлайн-алаңында өткізіледі.
<blockquote>
 “Форумда әйелдер өз тәжірибелерімен бөлісіп, пікір алмасатын болады. Жаңа бағытта жұмыс бастағысы келген әйелдер өз сұрақтарын қойып, толық мағлұмат беріледі. Облыс тұрғындарының 49 пайызы әйелдер болса, оның 54 пайызын ауыл әйелдері құрайды. Қазіргі таңда, әйелдер кәсіпкерлігін дамыту бойынша жүйелі жұмыстар жүргізілуде. Биыл өңірде «Бизнестің жол картасы-2025» мемлекеттік бағдарламасы аясында ауылдық жердегі 8 әйелге 16 миллион теңге көлемінде қайтарымсыз грант берілді. Аймақта өз кәсібін ашып, елдің дамуына үлес қосып жүрген кәсіпкер әйелдердің саны артып келеді”, – деді Әйелдер істері және отбасылық демографиялық саясат жөніндегі комиссия хатшысы Қаламқас Каримова.
</blockquote>
<img src="https://kyzylorda-news.kz/wp-content/uploads/2020/10/121241860_1138064403255737_6717358965743119406_o.jpg" alt="" />
Сондай-ақ, биыл «Бойтұмар ханым» қоғамдық бірлестігінің ұйымдастыруымен «Ақ орамал» жобасы жүзеге аспақ. Мақсаты – аналармен кездесіп, ұлттық тәрбиені нығайту.

Қызылордада ауыл әйелдерінің форумы өтеді

<a href="https://kyzylorda-news.kz/">Kyzylorda-news.kz</a>. Қазақстан Республикасының Ауыл шаруашылығы министрінің 2015 жылғы 30 қаңтардағы № 7-1/68 бұйрығына сай ауыл шаруашылығы жануарларын бірдейлендіру Қазақстан Республикасының заңнамасында белгіленген тәртіппен жүргізіледі.
Жылқы малын бірдейлендіру таңбалау және чип салу әдісі арқылы жүргізіледі. Құлындар – төрт айлық жасынан бастап, туған күнінен бастап жеті күн өткеннен кейін.
Жылқы малын чиптеу төрттүліктің ұрлануына, жоғалуына және дәстүрлi әдiспен таңбалауда жарақаттануына жол берілмейді. Бірдейлендіре отырып паспорт беру мемлекеттік қызмет болып саналатындықтан, тек мал иесінің өтініші арқылы жүзеге асырылады.
Бұл – шаруашылықтар үшін сәйкестендірудің ең тиімді жолы.
Есепте болмаған жануарларға ешқандай ветеринариялық іс шаралар жүргізілмейді.Яғни ол ауру таратушы немесе ұрлықы мал ретінде күдік туғызады.
Жаңақорған ауданы бойынша 2020 жылға арналған ауылшаруашылығы жануарларын бірдейлендіру іс-шара жоспарының 9 айлық орындалуы бойынша жылқы төліне 2291 басқа чип салынған. Әр басқа чип құны белгіленген.
ҚР 10 шілдедегі «Ветеринария туралы» Заңының 25 бабына сәйкес, жеке және заңды тұлғалардың жануарлар ауруларының, оның iшiнде жануарлар мен адамға ортақ аурулардың алдын алу жөнiндегi мiндеттерiне сәйкес, жеке және заңды тұлғалар жергілікті атқарушы органдар құрған мемлекеттiк ветеринариялық ұйымдарға жаңадан сатып алынған жануар (жануарлар), алынған төл, оның (олардың) сойылғаны мен өткізілгені туралы хабарлама жасауы керек.

Жаңақорғанда 2291 жылқы төліне чип салынған

<a href="https://kyzylorda-news.kz/kogam/qarmaqshyda-zhastardyng-engdek-lageri-oetti-82892/">Kyzylorda-news.kz.</a> Тамыз айынан бастап, Жаңақорған ауданының Байкенже, М. Нәлібаев, Қожакент, Өзгент ауылдық округтерінің құм беткейіндегі жайылымдық жерлерінде кенеттен жылқы малдары белгісіз себептермен ауырып, өлім-жітімге ұшыраған.
&nbsp;Ауырып тұрған М.Нәлібаев, Өзгент ауылдық округтерінің жылқы малдарынан сынама (фекалий) алынып, ветеринариялық зертханалардың сараптама қорытындысы нәтижесінде гастрофилез ауруына оң нәтиже көрсеткен.
Ауылдық округтерде ауыл әкімі, ветеринариялық-санитариялық инспекторлар, ветеринария басқармасының бас мамандары, ветеринариялық станция басшысы және ветеринариялық станцияның мамандары жылқы бағумен айналысатын мал иелерімен кездесіп, жылқы малының паразитарлық аурулары жөнінде түсіндірме жұмыстарын жүргізді.
Осыған байланысты, ауылдық округтерде ветеринар дәрігерлер шаруашылық иелеріне түсіндірме жұмыстарын жүргізді. Ем шараларды уақтылы мерзімінде орындаған шаруашылықтар жылқы малдарын аман сау алып қалған.
Жылқылардың бұл ауруының атауы бұрынғы кезде – қарынқұрт немесе көмей құрт деп атаған. Жылқының көмекейінде, асқазанында, құртқарында сөл сорғыш құрттардың алуан түрі кездеседі. Жылқылар жасына қарамастан, жауын-шашынның аз болуына байланысты, құрғақ жаздарда жиі ауырады. Бөгелек бір салғанда ұрғашылары орта есеппен 700 жұмыртқадай салады. Денені қышытады, мал тістеніп ауызға апарады, немесе балаңдар өздері жылжып ауыз қуысына енеді. Бөгелектердің личинкалары жылқылардың ауыз қуысын, кілегей қабаттарын тілін, жұтқыншағын жарақаттап, ісіндіреді. Мал жұтына алмайды, асқазанда, ішекте жаралар пайда болады. Асқазан қызметі бұзылады. Кейбір личинкалар тік ішекті жарақаттайды. Личинкалар өзінің зат алмасу заттарымен организмді уландырады. Аурудың белгілері личинкалардың санымен тығыз байланысты. Личинкалардың саны аз болса ауру созылмалы түрде өтеді. Саны көп болса анемияға ұшырап, тәбеті төмендейді, тамақты жұта алмай қиналады, ауру жіті және жітілеу түрде өтеді.
Облыстық ветеринария басқармасы басшысының бұйрығымен Жаңақорған ауданында жылқы малдары өлім-жітімге ұшырауға байланысты комиссия құрылып, ауру ошақтарында зерттеу-зерделеу жұмыстары жүргізілді. Мал иелері тарапынан өлген жылқылардың өлекселерін көрсете алмаған. Яғни, өлген малдары жоқ екендігі анықталған.
Паразитарлық аурулар жөнінде тәжірибелік практикалық жұмыстарын жүргізу, мал иелеріне түсініктеме беру мақсатында Қазақ Ұлттық Аграрлық Университетінен биология ғылымдарының кандидаты, қауымдастырылған профессор Ахметова Гулнази Даулетханқызы және ветеринария ғылымдарының кандидаты, қауымдастырылған профессор Тұрғанбаева Гүлнар Елдесбайқызы арнайы шақыртылып, Байкенже, М.Нәлібаев, Қожакент, Өзгент ауылдық округтерінде жылқы малы ауырған мал иелерімен кездесті. Кездесу барысында паразитарлық аурулардың зардабы, экономикалық зияны, жылқылардың арықтап, әлсіреп жұмыс істеу қабілетін төмендететіні туралы (16-18 кг дейін тірі салмақтан айырылады) кеңінен түсініктемелер берілді. Сондай-ақ, инвазияның интенсивтігілігі өте жоғары болса личинкалардың зардабынан жылқы асқазаны тесілетіндігі, аурудың алдын-алуына, қора-жайдың жай-күйіне, тазалығына бей-жай қарамай бұл ауруға мал иесі тарапынан дәрі-дәрмектер алынып, жылына екі рет көктем-күз айларында алдын-ала егу шаралары жүргізу қажеттілігі, қора-жайына дезинфекция, дезинсекция, жұмыстарын жүргізу керектігі түсіндірілді.
Байкенже ауылдық округінде шаруашылық иелерінің ауырып тұрған 1 бас жылқы малының (жабағы) жай-күйіне қарап лажсыз сойылды. Сойып зерттеу барысында ішкі паренхиматозды органдарында патологиялық өзгерістер орын алмаған, алайда, ішектерді жарып көру барысында ащы ішек пен тоқ ішекте көптеген гастрофилез құрты мен жылқының параскаридоз құрттары анықталды. Яғни паразитарлық аурулардың араласқан түрі (смешанная инвазия).
М.Нәлібаев ауылдық округінде «Бақытжан» шаруа қожалығының иесіне түсіндірме жасау барысында 1 бас жылқы малының ауырып тұрғанын көрсеткен. Лажсыз сойып зерттеу барысында ішкі органдары патологиялық өзгеріссіз, бірақ жылқының құрт қарнында гастрофилез ауруының бөгелек құрттары табылды.
Өзгент, Қожакент ауылдық округтерінде мал иелері өз есебінен ветеринар мамандардың нұсқаулықтарыменен дәрі-дәрмекті уақытында алып, ем-дом жұмыстарын жүргізіп, малдарын аман алып қалған. Эпизоотиялық ахуал тұрақты.
Жылқының гастрофилезі және басқа паразитарлық аурулар туралы жергілікті «Жаңақорған тынысы» газетіне мақала жарияланды.
Қазіргі таңда экто, эндо паразиттерге қарсы тиімділігі жоғары инъекция, порошок, аэрозоль түріндегі түрлі ветеринариялық препараттар шығарылған. Мал иесі қаражаты есебінен емдік және алдын алу шаралары жүргізіледі. Ветеринариялық дәріханаларда жеткілікті, қол жетімді бағада сатылымда бар.
Облыс бойынша ветеринария саласынан 900-дей ветеринар мамандар Zoom бағдарламасы арқылы семинарға қосылып, тікелей онлайн түрде қатысуда.
<img src="https://kyzylorda-news.kz/wp-content/uploads/2020/10/b16bf1a8-1c2b-4775-99fc-2efd942fc07d.jpg" alt="" />
<img src="https://kyzylorda-news.kz/wp-content/uploads/2020/10/45e03506-35ef-4416-9748-b40356fb5108.jpg" alt="" />
<img src="https://kyzylorda-news.kz/wp-content/uploads/2020/10/65cd4c6d-539c-4769-af80-a56293e45ca4.jpg" alt="" />

Жаңақорған ауданының тұрғындарына жылқы малының қырылу себептері түсіндірілді (ВИДЕО)

<a href="https://kyzylorda-news.kz/date/2020/10/12/">Kyzylorda-news.kz</a>. Ұлы тұлға Әл-Фараби бабамыз бала кезінен сол дәуірдегі өркениет пен мәдениеттің ірі орталықтары саналған Бұхара, Самарқан, Бағдат, Харран, Рей, Каир, Шам қалаларында болып, білімін үнемі жетілдіріп отырған. Әл-Фарабидің ғылыми қызметі ортағасырлық араб-мұсылман мәдениетінің гүлдену дәуіріне, яғни біздің дәуіріміздегі X ғасырдағы – Мұсылман Ренессансына сәйкес келеді, міне сол ғұламаның 1150 жылдығы қарсаңында ұлы ғұлама туралы оқыған, түйінді мағлұматтармен бөліскенді жөн көрдім.
Біріншіден, Әл-Фараби антикалық заман мен исламды өзара жақындастыра қарап, жаңа бір мәдениеттің өркендеуіне жол ашты.Екіншіден ол грек ойшылдарының асыл мұрасын жаңғыртты. Сөйтіп, шығыста үлкен қозғалыс, жаңа бағыттар басталды. Араб-мұсылман мәдениеті негізінде антикалық дәуірдегі шешілмеген мәселелерді шешіп, оны ілгері дамытты.
&nbsp;Отырар кітапханасынан Әл-Фараби жиырма жасқа дейін тәлім-тәрбие алып, ондағы бар кітаптарды, трактаттарды оқып зерттеген. Одан кейін білімін толықтыру үшін керуенге ілесіп, араб еліне аттанады. Бағдад, Дамаск сынды басқа да өркениеті дамыған ірі шаһарларда болып, артында ғылыми-зерттеу еңбектерін қалдырған. Әл-Фарабидің дүниетанымына келетін болсақ, кеңестік дәуірде оны маркстік-лениндік, атеистік дүниетанымға алып келді. Бірақ шын мәнінде Әл-Фараби ислам руханиятындағы айтулы тұлға болған.
&nbsp;Осы орайда, Платон мен Аристотельді атап өткен жөн. Әл-Фараби олардың ғылыми мұрасын оқып қана қоймай, әрі қарай жалғастыра зерттеп, дамытқан. Әл-Фараби тағылым алған дүниелер өте мол. Солардың бірі ежелгі «Авеста» мен Құранды атап өтпеуге бола ма? Әл-Фарабидің рухани толысуына Құранның игі әсері көп болған. Кеңес дәуірінде әл-Фараби мұрасын аударғанда исламға қатысты жағын кесіп тастап, көбіне материалистік, атеистік жағына мән беріп, ислам руханияты, ислам мәдениеті мен антикалық мәдениетті синтездеу жағына ешқандай мән бермеген.
&nbsp;Ол керемет өлең де айтқан, қобызда да ойнаған. Қобыз аспабын жасап, күй тартқан Қорқыт Ата дейміз. Шын мәнінде Қорқыт Атадан кейін әл-Фараби де қобызды дамытып, оның құлағында ойнаған ойшыл, көп тілде сөйлеген ғұлама адам болған. Әл-Фараби – қазақ өркениетінің, музыка философиясының негізін қалаған үлкен ойшыл. Бірақ ол – тек қазақтың ғана емес, қазақ халқы қалыптаса қоймаған кезеңде өмір сүргендіктен, бүкіл түркі халықтарына ортақ тұлға. Әл-Фараби мұрасы түркі халықтарын біріктіретін рухани негіз деп айтуға болады.
&nbsp;Бірінші – Иран елі&nbsp; Әл-Фараби бізден шыққан дейді, екіншісі – Қазақстан елінде Әл-Фараби халқымыздың этногенезінің негізінде жатыр, ол Отырардан шыққан, үшіншісі – Араб елі, Мысыр мен Сирия және басқа да мұсылман елдері Әл-Фарабиді айрықша қастерлейді.
&nbsp;Түйіндеп айтқанда, Орта Азия мен қыпшақ даласы үшін X—XII ғасырлар қоғамдық-әлеуметтік, саяси тұрғыдан дамудың жаңа басқышы болып табылады. Бұл кезеңде түркі тілдес халықтардың мәдениеті, әдебиеті, ғылымы едәуір өркендеп өсті. Әсіресе, түркі әдеби тілі жан-жақты дамып, жетіле түсті. Мұның өзі түркі халықтарының, соның ішінде, қазақ, өзбек, ұйғыр, қырғыз, т. б. халықтардың этностық қүрамының қалыптаса бастауы мен олардың әлеуметтік-қоғамдық өміріндегі рөлінің біртіндеп артуына байланысты болды.
“Біз үшін бұл мерейтойлардың маңызы ерекше. Тарихи датаны ақыл-парасатпен, салиқалы деңгейде өткізуге баса мән беру керек. Негізгі мақсат – ұлы тұлғалардың тағылымын жастардың санасына сіңіру, ұлы тұлғаның ой-толғамдарын кеңінен дәріптеу. Үкіметке қажетті шаралар әзірлеуді тапсырамын,&nbsp;– деп мемлекет басшысы Қасым-Жомарт Тоқаев айтқандай, Әл-Фараби бабамыздың&nbsp; 1150 жылдық мерейтойы жоғары деңгейде аталып өтті.
Нұрлан САҒЫНДЫҚ,
&nbsp;Әл-Фараби атындағы Қазақ Ұлттық Университетінің
«Филология және әлем тілдері» факультетінің аға оқытушысы.
Анелья &nbsp;КНЯЗБАЙ,
&nbsp;Әл-Фараби атындағы Қазақ Ұлттық Университетінің
«Филология және әлем тілдері» факультетінің 2 курс студенті.

Асыл ойдың алыбы – Әл-Фараби

<a href="https://kyzylorda-news.kz/">Kyzylorda-news.kz</a>. Қармақшы ауданының ішкі саясат бөлімі мен Жастар ресурстық орталығы және «Қызылорда облысының жастар одақтары» қоғамдық бірлестігінің ұйымдастыруы мен «Жастар ауылға» еңбек оқыту лагері өтті.
Еңбек лагері-белсенді жастарды еңбекке, кәсіпкерлікке, ел жандылыққа баулуға, жастардың арасында достық қарым-қатынас орнатуға, көшбасшылық қасиеттерді шыңдауға, туған жерге деген патриотизмді нығайтуға және болашақ жас мамандарды ауылға қызмет етуге бағытталған.
Жастар еңбек лагерінде қатысушылар ауыл шаруашылық бөлімінің, кәсіпкерлік бөлімінің, аудандық полиция бөлімінің қызметкерлерімен кездесіп сұрақтар қойып пікір алмасты.
Шара соңында жастар арасында түрлі эстафеталар сайысы өткізілді. Эстафета шашка, балық аулау, футбол, хэштег ойындарынан өтіп жеңімпаздар бағалы сыйлықтармен және диплом мен алғыс хаттармен марапатталды.
<img src="https://kyzylorda-news.kz/wp-content/uploads/2020/10/121380551_1627632350740998_836579886041878245_o.jpg" alt="" />
<img src="https://kyzylorda-news.kz/wp-content/uploads/2020/10/121259907_1627632414074325_6405990682377435637_o.jpg" alt="" />
<img src="https://kyzylorda-news.kz/wp-content/uploads/2020/10/121439520_1627632464074320_3034379462168432145_o.jpg" alt="" />

Қазақстан және Қызылорда облысының жаңалықтары