Kyzylorda-news.kz. “Евразия” спорт кешенінде жуынгер-интернационалист Батыржан Шалғынбаевты еске алуға арналған футзалдан дәстүрлі республикалық турнирі өтіп жатыр.
Турнирге Байқоңыр қаласы, Түркістан жəне Қызылорда облыстарынан 25 команда 500 спортшы қатысуда.
Жарыстың салтанатты ашылуында қала əкімінің орынбасары Асқарбек Есжанов, облыстық футбол федерациясының вице-президенті Әмірбек Шаймағамбетов жəне Батыржан Шалғынбаевтың інісі Батырбек Шалғынбаев құттықтау сөз сөйлеп, қатысушыларға сəттілік тіледі.
Батыржан Шалғынбаев атындағы қор тағайындаған жүлде қоры: 1-орынға 700 мың теңге, 2-орынға 300 мың теңге, 3-орынға 200 мың теңге, 4-орынға 150 мың теңге. 
Сондай-ақ, бес номинация бойынша үздік ойыншылар марапатталады.
Ойындар “Евразия”, “Сейхұн” спорт кешендерінде, #2 ОРМБЖМ, Абылай хан атындағы және Қызылорда гуманитарлық-экономикалық колледждердің ойын залдарында өтуде.

Қызылордада футзалдан Батыржан Шалғынбаев  турнирі өтіп жатыр

Kyzylorda-news.kz. Бүгін футболдан 2022 жылғы әлем чемпионатына іріктеу кезеңі аясында Қазақстан мен Франция ұлттық құрамалары кездеседі. Ойын Нұр-Сұлтан уақытымен кешкі сағат 19:00-де басталады.
Қазақстандық футболшылардың әлем чемпиондарына қарсы ойыны “Астана Арена” алаңында өтеді. Тікелей эфирде QazSport арнасы көрсетеді. Сондай-ақ кездесуді телеарнаның ресми сайтынан да көруге болады.
Франция мен Қазақстан іріктеу кезеңінде бір топқа (D тобы) түсті. Дидье Дешам шәкірттері осыған дейін бір ойын өткізіп үлгерді. Өз алаңында Украинамен ойнап, 1:1 есебімен тең тарқасты. Қазақстанға қарсы екінші ойынына шығады.
D тобында Франция мен Украинадан өзге Финляндия, Босния және Герцеговина құрамалары бар.
Айта кетейік, бүгінгі ойынға жарақатына байланысты ұлттық құраманың белді ойыншылары Бахтиер Зайнутдинов пен Дмитрий Шомко қатыса алмайды.
<a href="https://massaget.kz/layfstayl/sport/64778/">Massaget</a>

Қазақстан мен Франция арасындағы ойынды қайдан көруге болады?

Kyzylorda-news.kz. Халық арасында “Үкілі бала” атымен танымал Ерболсын Серікбаев орамал тағатын келіншегіне шүйліккендерге жауап берді. Әлеуметтік желіні белсенді жүргізетін жас емші оқырмандарынан шатаспауды сұрады деп жазады <a href="https://kaz.nur.kz/society/1904928-kelinsegimnin-taqqany-xidzab-emes-ukili-bala-erbolsyn-zubaiynyn-ne-usin-oramal-tagatynyn-tusindirdi/">KAZ.NUR.KZ.</a>
<blockquote>
 “Барлығы пікір қалдырып жатыр. Келіншегіңіз хиджаб киіп, намаз оқиды, неге тырнақ істеп алған деген пікірлер көбейді. Менің келіншегім ешқандай намаз оқымайды, хиджаб кимейді. Ол тұрмыстағы адам болғаннан кейін басынан орамалын тастамайды. Тырнаққа келсек, әйел адамның өз әдемілігі, мен оған өз рұқсатымды бергенмін. Шатаспаңыздар, оның басындағы хиджаб емес, жай ғана кимешек. Біздің қазақ халқы әрдайым өз келіндеріне, жұбайларының басына орамал таққан. Олар шаштарын көрсетпей жүреді. Орамал – бір үйдің келіні, тұрмыстағы адам екенін білдіретін киелі зат. Енесі тартқан орамалды келіндері де басынан шешпей жүреді. Дұрыс түсініңіздер”,-деді Ерболсын Серікбаев.
</blockquote>
Айта кетейік, Ерболсын Серікбаев – Аралдан шыққан емші бала. 12-13 жасынан бастап адам қабылдай бастаған жеткіншекті іздеушілер көп. Емші қазір Қазақстанның барлық аймағында ем жүргізеді.

Үкілі бала Ерболсын жұбайының не үшін орамал тағатынын түсіндірді

Kyzylorda-news.kz. Батыс Қазақстан облысында жасы 14-тен асқан оқушылар жазғы демалыста айына 42 500 теңгеден ақша таба алады.
Бұл бастама “Менің аулам – менің бақшам” жобасы аясында іске асырылмақ. Орал қаласы мен Батыс Қазақстан облысы 12 ауданының мектептері осы идеяға қолдау білдірген. Оқушылар ата-анасы келісім берген жағдайда жаз бойы бау-бақшада еңбектенеді, деп хабарлайды&nbsp;<a href="https://1tv.kz/kz/">“Еуразия” арнасы.</a>
<blockquote>
 “Жобаға қаланың жеті мектебі қатысады. Оқушыларға үш ай демалысты тиімді және пайдалы өткізуге мүмкіндік бергіміз келеді. Орал қаласының жұмыспен қамту орталығы 120 оқушыға 42 500 теңге төлейді”, – деді қалалық білім бөлімінің қызметкері Тұрсын Теміршеева.
</blockquote>
<a href="https://m.sputnik.kz/regions/20210327/16628387/Okushylar-42-500.html">Sputnik</a>

Оқушыларға жазғы демалыста 42 500 теңге төленеді

Kyzylorda-news.kz. Қазақстанда өткен тәулікте 1596 адамнан коронавирус инфекциясы ПТР арқылы анықталды, деп хабарлайды coronavirus2020.kz сайты.
Аймақтар бойынша:
Нұр-Сұлтан қаласы – 382
Алматы қаласы – 510
Шымкент қаласы – 40
Ақмола облысы – 46
Ақтөбе облысы – 62
Алматы облысы – 110
Атырау облысы – 81
Шығыс Қазақстан облысы – 39
Жамбыл облысы – 14
Батыс Қазақстан облысы – 98
Қарағанды облысы – 80
Қостанай облысы – 40
Қызылорда облысы – 11
Маңғыстау облысы – 5
Павлодар облысы – 53
Солтүстік Қазақстан облысы – 19
Түркістан облысы – 6
Жалпы ел бойынша ауырғандар саны 240381.

Қызылордада 11 адамнан коронавирус анықталды

Kyzylorda-news. Қызылорда қаласындағы “Атамекен” балалар ауылынан кетiп қалған кәмелетке толмаған қыздарға қатысты іздестіру іс-шаралары барысында 27 наурыз күні кешкі уақытта олардың екеуінің Алматы қаласында жүргені анықталды.
Жоғалған қыздар біздің тұрғындардың қырағылығы, полицейлердің кәсіби шеберлігі және барлық әлеуметтік желілер мен БАҚ-қа бағдарларды жаппай тарату арқасында табылды.
Қазіргі уақытта қыздар Алматы қаласындағы балалар үйіне жеткізілді. 
Үшінші кәмелетке толмағанды анықтау бойынша іздестіру шаралары жалғасуда.

Қызылордада жоғалған екі қыз табылды, үшіншісін іздеу жалғасуда

Kyzylorda-news.kz. Ауа райының жағдайына байланысты Батыс Қазақстан, Алматы, Атырау, Қостанай, Ақмола, Қызылорда, Шығыс Қазақстан, Ақтөбе, Солтүстік Қазақстан және Түркістан облыстарының 276 елді мекенін су басу қаупі жоғары, деп хабарлайды ҚР Төтенше жағдайлар министрлігінің баспасөз қызметі.
Баспасөз қызметінің мәліметтеріне қарағанда, аталған аймақтарда 270 мыңнан астам адам тұрады.
«Қазгидромет» берген мәліметтер бойынша ылғал қорының көлемі Ақмола облысындағы Шағалалы өзені бассейнінде нормадан 105%-ға, Солтүстік Қазақстан облысындағы Есіл өзені бассейнінде 98% – ға (Сергеев су қоймасына ағысы), Ақтөбе облысындағы Елек өзені бассейнінде 97% – ға (Ақтөбе су қоймасына ағысы), Қарағанды облысындағы Нұра өзені бассейнінде 37% – ға (Самарқанд су қоймасына ағысы), Қарағанды облысындағы Сарысу өзені бассейнінде 31% – ға, Қостанай облысындағы Тоғызақ өзені бассейнінде 20% – ға, Қостанай облысындағы Аят өзені бассейнінде 18% – ға (Каратомар суқоймасына ағысы), Батыс Қазақстан облысындағы Утва өзені бассейнінде 12% – ға, Қостанай облысындағы Тобыл өзені (Жоғарғы Тобыл су қоймасына ағысы), Ақмола облысындағы Сілеті өзені бассейндерінде 8% – ға (Сілеті су қоймасына ағысы) жоғары.
Топырақтың қату тереңдігі Батыс Қазақстан (+53 см), Солтүстік қазақстан (+70 см), Қарағанды (+32-ден +66 см), Ақмола (+23-тен +84 см), Қостанай (+19-дан +97 см), Ақтөбе (+74-тен +92 см) облыстарының өткен жылғы көрсеткіштерінен артық.
Қар еру процесі жалғасуда. Еліміздің 69% аумағын қар басып жатыр: Атырау облысында – 20%, Қызылорда облысында – 29%, Түркістан облысында – 37%, Алматы облысында – 52% құрайды. Жамбыл – 74%.
Қызылорда облысындағы Сырдария өзендерінде және Алматы облысындағы Іле өзенінің сағасында, Шығыс Қазақстан облысындағы Ертіс өзенінде, Атырау облысындағы Жайық өзенінде мұз қатудың әлсіреу процесі жүріп жатыр, бұл су кептелісіне әкелуі мүмкін.
Тәулік ішінде жауын-шашынның айлық нормасы түсуі мүмкін, бұл су тасқыны құбылыстарына әкелуі мүмкін екенін атап өткен жөн. Бұл ретте, жағдайды топырақтың терең қатуы және күзгі батпақтану, қар қоры нормаларының асып кетуі, сондай-ақ ауа температурасының күрт көктемгі көтерілуі қиындатуы мүмкін.

Қызылордадағы елді мекендерді су басу қаупі бар

Kyzylorda-news.kz. Бүгін күллі мұсылман қауымы қасиетті Бараат түнін қарсы алады. Биыл Бараат түні 28 наурыздан 29 наурызға қараған түнге түсіп тұр.
Бараат – Шағбан айының он бесінші түні. Бұл түн – кешірім түні деп те аталады. Өйткені, осы түні Жаратушы ғибадат еткендерді рақымына бөлеп, тәубесін қабыл алып, күнәларын кешіреді, мейіріміне бөлейді.
<blockquote>
 “Бараат – күнәлардан тазарып, оттан құтылуға мүмкіндік беретін, дұғалар қабыл болатын, кері қайтарылмайтын берекелі түн. Бұл түнде Алла Тағала кейбір адамдарды бақытқа кенелтіп, кейбірін мейірімінен ұзақтатады, бірінің дәрежесін көтеріп, бірін түсіреді, біреуін сыйлыққа жетелейді, тағы бірін одан құр қалдырады. Пайғамбарымыз (оған Алланың салауаты мен сәлемі болсын): “Бес түнді ұйықтамай құлшылықпен өткізген адам міндетті түрде жәннатқа кіреді. Олар – Тәруия, Арапа, Құрбан айт, Ораза айт және Шағбанның он бесінші түндері” деген”, – дейді Қазақстан мұсылмандары діни басқармасы шариғат және пәтуа бөлімі меңгерушісінің орынбасары Хасан Аманқұл.
</blockquote>
<h3 id="">Бараат түні не істеу керек</h3>
ҚМДБ өкілі мұсылман қауымы берекелі Бараат түнін қалай қарсы алуы керек екенін айтты.
Бірінші – құптан мен таң намазын жамағат болып оқу. Ең алдымен, парыз намаздарды оқып, сосын сүннет және мұстахаб ғибадаттарды орындаған абзал. Бараат түнінде көп ғибадат жасау керек.
Екінші – күнә істерден арылу.
“Ана-ананы сыйлау, туыстармен байланысты үзбей, олардың қал-жағдайын сұрау, науқас адамдардың көңілін сұрау, бала-шағаға үлгі-өнеге болу арқылы да күнәлар кешірілуі мүмкін. Сондай-ақ, біз кез-келген қастандықтан, арамдықтан, ашудан, мақтаншақтық пен өркөкіректіктен бойымызды аулақ ұстауымыз қажет. Әйтпесе Алла Тағала бізді тазарудан алыстатады”, – деді Хасан Аманқұл.
Үшінші – тәубе ету және истиғфар айтуға көңіл бөліп, түрлі бидғаттардан сақтану.
Бұл түні мұсылман адам өз өмірі мен жыл бойы істеген істерін електен өткізіп, ойлануы керек. Егер қателік жасағанын түсінсе, Құдайдан кешірім сұрап, оны түзетуге тырысқаны абзал. Егер біреуді ренжітсе немесе біреумен араздасып қалса, одан кешірім сұрап, достасуы керек. Егер біреуден қарыз алып, оны қайтармай жүрсе, дереу берешекті қайтарудың жолын табуы қажет.
Төртінші – өзі және мұсылман үмметі үшін қайырлы дұға жасау.
Қасиетті Бараат түні Алла Тағала дұғамызды қабыл етеді деген үміт бар. Сол себепті әрбір мұсылман бұл түнді бағалай білуі керек. Бұл түні мүміннің жүрегінде өзге адамдарға деген ашу-ыза болмауы қажет, өзгелерді кешіріп, оларға жақсылық тілеуі тиіс.
Бесінші – шамасына қарай зікір айту, нәпіл намаз оқу, Құран тиләуат ету.
Нәпіл намаз жамағатпен оқылмайды, әркім өзі жеке оқиды. Ал Құран оқу осы түні атқарылар пайдалы құлшылықтың түріне жатады.
Алтыншы – Шағбан айының он бесінші күні ораза ұстау.
<blockquote>
 “Пайғамбарымыз (оған Алланың салауаты мен сәлемі болсын) былай деген: “Шағбан айының жартысы толған түнді құлшылықпен өткізіңдер. Күндіз ораза ұстаңдар. Өйткені Алла Тағала күн ұясына батқан шақта: “Кешірім тілеуші бар ма, кешірейін. Ризық сұраушы бар ма, ризық берейін. Ауру-сырқауға ұшыраған бар ма, шипасын берейін”, – деп, таң шапағы атқанға дейін рақымын төгеді. Бұл күні ораза тұту – мұстахаб. Ал ораза ұстамаған адам күнәһар болмайды”, – деді Хасан Аманқұл.
</blockquote>
Шағбан айының 15 күні күндіз ораза ұстап (28 наурыз), түнін (Бараат түні, 29 наурыз) ғибадатпен өткізгеннің сауабы мол.
<a href="https://m.sputnik.kz/">Sputnik</a>

Бараат түнін қалай өткізу керек?

Kyzylorda-news.kz. Бүгін Қызылорда облысының әкімі Гүлшара Әбдіқалықова «Әйтек» су торабына барды. «Қазсушар» РМК Қызылорда филиалының директоры Хамит Биімбетов су торабындағы жөндеу жұмыстары туралы баяндады.
Сырдария өзеніндегі «Әйтек» су торабы 2004 жылы «Сырдария өзенінің арнасын реттеу және Арал теңізінің солтүстік бөлігін сақтау» жобасы (САРАТС-1) аясында салынған Сырдария мен Жалағаш аудандарының аумағында орналасқан. Жалпы алаңы 16 мың га. Аталған су торабы Әйтек, Соркөл және Елтай арналары арқылы күріш егістіктерін сумен қамтамасыз етуге арналған. Су торабы «Қазсушар» РМК Қызылорда филиалының теңгерімінде.
2019 жылғы 23 қыркүйекте су торабының төменгі бьеф арнасының 6,23 м тереңдікке шайылу және ұзындығы 16,6 м шпунтты қабырғаның 52 см тереңдікке шөгуі орын алды.
Орын алған жағдай бойынша жедел шаралар қабылданып, нысандық төтенше жағдай жарияланды. 2019 жылы төтенше жағдайларды болдырмау және жою үшін облыстық бюджеттен 38 млн теңге және Қазақстан Республикасы Үкіметінің резервінен 50,0 млн теңге қаражат бөлінді.
2020 жылы жобаның жобалау-сметалық құжатын әзірлеуге республикалық бюджеттен 48,0 млн теңге және 2020 жылы «Жұмыспен қамтудың жол картасы» шеңберінде «Әйтек су торабын қайта жаңғырту» жобасына 700 млн теңге бөлініп, оның ішінде 308,1 млн теңгесі игерілді. Жобаның жалпы құны 826,3 млн теңге.
Қазіргі кезде бетон құю, армосеткалар және армокаркастар құрылыстарын орнату, насос қондырғыларымен суды сорып алу, шпунт сваяларын орнату жұмыстары жүргізілуде. Нысанда 69 инженер-техник қызметкер және басқа да жұмысшылар, 17 дана техника тартылып отыр. Жобаны іске асыруды аяқтау үшін 2021 жылы республикалық бюджеттен 472,9 млн теңге қаржу бөлу жоспарлануда.
Бүгінгі күні сәуір айында егін егу жұмыстарының басталуына байланысты және егістіктерге суармалы сумен дер кезінде қамтамасыз етуге су торабын қайта жаңғырту жұмыстарын уақытылы аяқтау мәселесі өте маңызды болып тұр. Осыған байланысты, облыс әкімі жұмыстарды уақытылы аяқтауды және бекітілген кестеге сәйкес сумен қамтамасыз ету жөнінде бірқатар тапсырма берді.
<img src="https://kyzylorda-news.kz/wp-content/uploads/2021/03/fb_img_1616840659393.jpg" alt="" />
<img src="https://kyzylorda-news.kz/wp-content/uploads/2021/03/fb_img_1616840662350.jpg" alt="" />

Гүлшара Әбдіқалықова «Әйтек» су торабын қайта жаңғырту жұмыстарымен танысты

Kyzylorda-news.kz. Қызылорда қалалық Полиция басқармасы 3 жасөспірімге іздеу салады.
25 наурыз күні түнгі сағат 02:00 шамасында 15-16 жастағы үш жасөспірім Нугманова Ділда Мұсабекқызы (1сурет), Несторова Любовь (2сурет) және Сабанкулова Рано (3 сурет) Қызылорда қаласындағы отбасы үлгісіндегі «Атамекен» балалар ауылынан шығып белгісіз бағытқа қарай кетіп қайта оралмаған.
Қазіргі таңда Қызылорда қалалық Полиция басқармасының жеке құрамы кәмелетке толмаған үш жасөспірімді іздеп табу мақсатында облыс орталығындағы көпқабатты үйлердің шатырларын, саяжайларды, тастанды үйлер мен құрылысы бітпеген ғимараттарды, ойын-сауық орталықтары мен жалдамалы пәтерлерді тексеруде. Олардың фотосуреттері көрсетіліп, сұрастыру жұмыстары жүргізілуде.
Бұл жұмыстар Полиция департаменті бастығының бақылауында. Үш жасөспірім қыздар жөнінде қандай да бір ақпарат анықталған жағдайда Қызылорда қалалық Полиция басқармасының кезекші бөліміне 29-75-20 телефонына немесе 102 арнасына шұғыл түрде хабарласуларыңызды сұраймыз.

Қызылорда: «Атамекен» балалар ауылының 3 қызы жоғалды

<a href="https://kyzylorda-news.kz/">Kyzylorda-news.kz</a>. Финляндиялық Solar Foods компаниясы көміртегі, сутегі, оттегі және азоттан жасалған шницель жасады. Ақуызда дәл осы элементтерден тұрады. Солейн деп аталатын өнім аталған компанияның Эспоо қаласындағы зертханасында жасалды және оны нарыққа 2023 жылдың басында шығару жоспарланып отыр.
Ғалымдар еттің осындай баламасын алуды ашыту процесі негізінде алған. Оны дайындау үшін кішкене биореакторға сутек, көмірқышқыл газы және микроэлементтерден тұратын қоспа құяды. Кейін оны тотықтырғыш бактериялармен араластырады. Нәтижесінде пайда болған өнім кәдімгі бидай ұнына ұқсайды, бірақ құрамында майлар, көмірсулар мен ақуыз бар.
Solar Foods болашақта бүкіл адамзатты осы өніммен қамтамасыз етуге болады деп сендіреді. Осы жоспарларды жүзеге асыру үшін компания мемлекет пен жеке қорлардан шамамен 25 миллион еуро субсидия алды.
<a href="https://massaget.kz/layfstayl/alemtanu/alem-alaqanda/64756/">Massaget.kz</a>

Ауадан жасалған тағам пайда болды

<a href="https://kyzylorda-news.kz/">Kyzylorda-news.kz</a>. Microsoft негізін қалаушысы Билл Гейтс әлемдегі коронавирус пандемиясы 2022 жылдың соңына дейін аяқталмайтынын айтты, деп хабарлайды <a href="https://kaz.tengrinews.kz/world_news/bill-geyts-pandemiyaga-katyistyi-jana-boljam-jasadyi-320561/">Tengrinews.kz</a>.
Миллиардердің айтуынша, вирустың таралуын вакцинация тоқтатады.
Тілшінің сұрағына жауап бере отырып, Билл Гейтс бүкіл әлемдегі шектеулер барлық мемлекет COVID-19-дан толық арылғанша сақталады деп мәлімдеді.
<blockquote>
 «2021 жылдың соңына дейін вакцинация деңгейі жоғары болуы мүмкін, сондықтан коронавирус жұқтыру дерегі азая бастайды. Дегенмен, толық жойылып кетпейді. Бірақ бүкіл әлем пандемиядан арылғанша, маска тағу және көп адамның жиналуына тыйым салу сияқты шектеулер қала береді», – деді ол.
</blockquote>
Билл Гейтстің айтуынша, әлем 2022 жылдың соңына қарай қалыпты өмірге оралады. Сонымен қатар ол пандемияға қатысы бар деген қауесетті тағы да жоққа шығарды және әлемде болып жатқан оқиғаларды қастандық деп санайтын адамдарға жауап берді.
<blockquote>
 «Мұның бәрін қастандық деп санап, маска тақпайтын немесе вакцинациядан бас тартатын адамдарды түсінбеймін», – деді миллиардер.
</blockquote>
Бұған дейін Билл Гейтс пандемия бүкіл әлемде аяқталуы үшін адамдар жеткілікті жұмыс істеп жатқан жоқ деп мәлімдеген болатын.

Қазақстан және Қызылорда облысының жаңалықтары

Қызылордада футзалдан Батыржан Шалғынбаев турнирі өтіп жатыр