<a href="https://kyzylorda-news.kz/date/2020/09/23/">Kyzylorda-news.kz</a>. Сырдария аудандық мекемелер үйінің мәжіліс залында облыстық мәслихаттағы «Нұр Отан» партиясы депутаттық фракция мүшесі Р.Байназарованың төрағалығымен «Nur Otan» партиясының «Бақытты отбасы» жобасы аясында балалардың құқығын қорғау жөніндегі облыстық көшпелі кеңес отырысы өткізілді.
Жиынды Сырдария ауданы әкімінің орынбасары Т.Нұртазаев ашып беріп, Елбасы – Партия Төрағасы Нұрсұлтан Әбішұлы Назарбаевтың «Нұр Отан» партиясының кезекті XVIII съезінде халықтың әл ауқатын арттыруға бағытталған төрт басымдықты анықтап бергенін айтып өтті, соның бірі – әлеуметтік аз қамтылған және көп балалы отбасыларды қолдауды көздеген «Бақытты отбасы» бағдарламасы. Бұл бастама тікелей көп балалы және әлеуметтік аз қамтылған отбасыларға жүйелі қолдау көрсетуге бағытталғанын атап өтіп, барлық қатысушыларға алғысын білдірді.
Күн тәртібінде көрсетілген мәселер бойынша облыстық мәслихаттың «Nur Otan» партиясы депутаттық фракциясының мүшесі, кеңес төрайымы Байназарова Райкүл Мансұрқызы «Nur Otan» партиясының «Бақытты отбасы» жобасы аясында Балалардың құқығын қорғау жөніндегі облыстық кеңестің Сырдария ауданында өткен көшпелі кеңес отырысының мақсаты мен міндетін түсіндіріп, осы бағытта баяндама жасау үшін хабарламашыларды таныстырып өтті.
Кеңес отырысында күн тәртібіндегі бірінші мәселе «Балалар мен балалары бар отбасыларының және халықтың басқа да нысаналы топтарының осалдығының әр түрлі әлеуметтік-экономикалық тәуекелді жағдайларын басқару және әлеуметтік сүйемелдеу туралы» тақырыбында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары М.Әбдікәрімов баяндама жасады.
Осыдан кейін аудан бойынша осы бағыттағы жұмыстарды жүзеге асырып отырған жедел әрекет тобының атқарылған жұмыстарына тоқталып, олардың хабарламалары тыңдалды. Хабарламашылар (Н.Ильясов ауылдық округінің әкімі, аудандық әлеуметтік қамсыздандыру саласының басшысы, білім және денсаулық, полиция бөлімінің тиісті жауапты мамандары) өздерінің салалары бойынша атқарылған жұмыстарға тоқталды. Кеңес төрайымы әрбір сала бойынша тиісті жұмыстарды бірлесіп жүргізу керектігін айтып өтіп, бұл бағыттағы жұмыстарды жетілдіруге байланысты тиісті ұсыныстарын енгізді.
Күн тәртібіндегі соңғы мәселемен Қызылорда қаласының «Бақытты отбасы» орталығының директоры М.Наримова баяндама жасап, осы бағдарлама аясында қажетті ақпараттарымен бөлісті.
Кеңес төрайымы Н.Байназарова «Бақытты отбасы» жобасының мәселесі өзекті әрі маңыздылығын барлық қатысушылардың назарларына жеткізе отырып, осындай семинарды барлық ауданда өткізу керектігін айтып өтті. Ендігі кезекте «Бақытты отбасы» жобасының Қазалы және Қармақшы аудандарында жүзеге асырылуын қамтамасыз етуді тапсырып, осы жиынның хаттамалық шешімімен бекітілді.
Қатысушылардан күн тәртібінде көтерілген мәселелерге байланысты түрлі сауалдар қойылып, тиісті сала мамандарынан тұщымды жауаптарын алды. 
Бұл бағыттағы атқарылған жұмыстар алдағы уақытта өз жалғасын табатын болады.
<img src="https://kyzylorda-news.kz/wp-content/uploads/2020/09/120420123_822796825158787_3842994865090809860_o.jpg" alt="" />
<img src="https://kyzylorda-news.kz/wp-content/uploads/2020/09/120418940_822796855158784_4787072749346548362_o.jpg" alt="" />
<img src="https://kyzylorda-news.kz/wp-content/uploads/2020/09/120355541_822796991825437_5110463729966153059_o.jpg" alt="" />

Сырдарияда облыстық «Nur otan» партиясының көшпелі отырысы өтті

<a href="https://kyzylorda-news.kz/date/2020/09/23/">Kyzylorda-news.kz.</a> Үкімет басшысы Асқар Мамин коронавирустың екінші толқынына жол бермес үшін санитарлық талаптарды сақтау шараларын күшейтуді тапсырды, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Жалпы елде эпидемиологиялық жағдай тұрақталды. Вирустың репродуктивтік деңгейі 0,93-ті құрап отыр, бұл қабылданып жатқан шаралардың тиімділігін көрсетеді. Дегенмен, әлемде және бірқатар шекара маңындағы елдерде эпидемияның тұрақсыздығын ескеріп, біз санитарлық талаптарды сақтау шараларын күшейтуіміз қажет”, – деді Мамин үкімет отырысында.
</blockquote>
Осыған байланысты, премьер-министр мүдделі мемлекеттік органдар мен өңірлердің әкімдеріне санитарлық-эпидемиологиялық шаралардың 100 пайыз дайындығын қамтамасыз етуды тапсырды.
Денсаулық сақтау министрлігіне жылжымалы медициналық кешендер мен жедел жәрдем көліктерін, қажетті техника мен жабдықты, жеке қорғану құралдарын сатып алып, оларды 15 қазанға дейін өңірлерге жеткізу міндеті жүктелді.
Сонымен қатар, ішкі істер және денсаулық сақтау министрліктері әкімдіктермен бірге санитарлық талаптардың сақталуын бақылайтын мониторинг топтардың жұмысын күшейтуі тиіс.
<blockquote>
 “Санитарлық режимді бұзудың кез келген жағдайының жолын кесу қажет”, – деді премьер.
</blockquote>
Денсаулық сақтау министрлігінің шет елдерден келетін азаматтарды бақылауға алуды күшейтуге қатысты ұсыныстары ведомствоаралық комиссияда қаралатын болды.
Сонымен қатар, Мамин медицина ұйымдары мен дәріханаларда дәрі-дәрмек пен жеке қорғаныш құралдарының болуын қамтамасыз етуді тапсырды. Облыстар мен қалаларда дәрінің бағасына бақылау жүргізіледі.

Екінші толқынға дайындық: Мамин министрлер мен әкімдерге тапсырма берді

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Нұрлыбек Нәлібаев тұрғындарды жеке мәселелері бойынша қабылдады. Онлайн қабылдауға жүгінген тұрғындар &nbsp;сауалының басым бөлігі тұрғын үй, жер, жұмысқа орналасу және шағын кәсіпкерлікке байланысты.
Шаһар басшысының қабылдауына әлеуметтік мәселесін айта келген тұрғынның бірі Жамбыл Баймаханова. Зейнеткер өзінің келіні, жалғыз басты ана Алтынкүл Назароваға пәтер сұрап келген. Аталмыш азаматша тұрғын үй алу кезегіне 2012 жылдың 15 наурызында көпбалалы аналар тобына тіркелген. Тұрғынның сауалын тыңдай келе қала әкімі Нұрлыбек Нәлібаев бүгінгі таңда кезек ретінде 19-болып тұрған Алтынкүл Құдайбергенқызына жыл соңына дейін баспана кілті табысталатынын айтты.
Жеке қабылдауға жазылған тұрғындар уақытша пәтер, өз кәсібін дамыту сынды мәселелерін де көтеріп, сауалдарына сәйкес толық жауаптарын алды.
Қабылдауға келген тұрғындардың өтініштері мен ұсыныстарын мұқият тыңдап, мұң-мұқтажын ескеріп, әр мәселені егжей-тегжейлі талдаған қала әкімі көтерілген сауалдарға байланысты зерделеу жұмыстарын жүргізіп, тиісті шаралар заң аясында қабылдауды сала басшыларына тапсырып,&nbsp; бірқатар міндеттер жүктеп, орындалу барысы өз бақылауында болатынын жеткізді.
<img src="https://kyzylorda-news.kz/wp-content/uploads/2020/09/01-4.jpg" alt="" />
<img src="https://kyzylorda-news.kz/wp-content/uploads/2020/09/02-3.jpg" alt="" />

Нұрлыбек Нәлібаев азаматтарды онлайн қабылдады

<a href="https://kyzylorda-news.kz/">Kyzylorda-news.kz.</a> «Қазгидромет» РМК Қызылорда облысы бойынша филиалының хабарлауы &nbsp;бойынша 30 қыркүйекте күндіз Қызылорда облысының кей жерлерде шаңды дауыл сақталады.
<blockquote>
 “Солтүстік-шығыстан, шығыстан жел соғады, күші кей жерлерде 15-20, күндіз екпіні 23 м/с сақталады. Қызылорда қаласында 30 қыркүйекте күндіз шаңды дауыл тұрады. Солтүстік-шығыстан 17 м/с жел соғады”, – делінген хабарламада.
</blockquote>

30 қыркүйекке арналған ауа райы болжамы

Оқыған: <a href="https://www.facebook.com/profile.php?id=100046759452246">Фариза ОМАРОВА</a>
(Сократ хакімнің сөзі)
Бір күні Сократ хакім бір Аристодим деген ғалым шәкіртіне құдай табарака уа тағалаға құлшылық қылмақ турасында айтқан сөзі. Ол өзі құлшылық қылғандарға күлуші еді.
– Әй, Аристодим, ешбір адам бар ма, сенің білуіңше, қылған өнерлері себепті адам таңырқауға лайықты? – деді.
Ол айтты:
Толып жатыр, қазірет.
Бірінің атын аташы, – дейді.
Гомерге бәйітшілігі себепті, Софоклге трагедиясы себепті, яғни біреудің сыйпатына түспектік, Зевксиске суретшілігі себепті таңырқаймын, – деп, соған ұқсаған неше онан басқа өнерлері әшкере болған жандарды айтты.
Олай болса, кім артықша ғажайыптануға лайықты: жансыз, ақылсыз, құр пішінді жасайтұғын суретші ме? Я жан иесі, ақыл иесі адамды жаратушы ма? – дейді.
Соңғысы лайықты, – дейді, – бірақ ол жаратушы жаратты, өздігінен кез келіп, солай болып кетпей, басынан біліп істеген хикметімен болса, – дейді.
Жә, пайдалы нәрсе дүниеде көп, бірінің пайдасы көрініп, білініп тұрады. Кейбірінің пайдасы анық білінбейді. Соның қайсысын хикмет көресің? – деді.
Әрине, әшкере пайдаға бола жаратылғанын хикмет десек керек деймін, – дейді.
Жә, олай болса, адамды жаратушы хауаси хамса заһри бергенде, тахқиқ ойлап, олардың пайдасының барлығы түгел оған мұқтаж боларлығын біліп бергендігі әшкере тұр ғой. Әуелі көзді көрсін деп беріпті, егер көз жоқ болса, дүниедегі көрікті нәрселердің көркінен қайтып ләззат алар едік? Ол көз өзі нәзіктігінен керегіне қарай ашып, жауып тұруы&nbsp;үшін қабақ беріпті. Желден, ұшқыннан қаға берсін болуы&nbsp;үшін кірпік беріпті. Маңдай теріні көзден қағып тұруға керек болғандығынан, басқа тағы керегі бар қылып қас беріпті. Құлақ болмаса, не қаңғыр, не дүңгір, дауыс, жақсы үн, күй, ән – ешбірінен ләззаттанып хабар ала алмас едік. Мұрын иіс білмесе, дүниеде не тәтті, не қатты не дәмдінің қайсысынан ләззат алар едік? Бұлардың бәрі біздің пайдамыз емес пе?
Көзді, мұрынды ауызға жақын жаратыпты, ішіп-жеген асымыздың тазалығын көріп, иісін біліп, ішіп-жесін деп. Бізге керегі бар болса да, жиіркенерлік жері бар тесіктерді бұл бастағы ғазиз білімді жерімізден алыс апарып тесіпті, мұның бәрі хикметпен біліп істелгендігіне дәлел емес пе? – депті.
Сонда Аристодим тахқиқ ойлап тексергенде, адамды жаратушы артық хикмет иесі екендігіне һәм махаббатыменен жаратқандығына шүбәсі қалмады.
Олай болғанда және не ойлайсың, һәмма мақұлыхатты жас балаларына елжіретіп, үйірілтіп тұруын көргенде уа һәмма мақұлыхаттың өлімін жек көріп, тіршілікте көп қалмақшылығын тілеп, ижтиһад қылуын көргенде, өсіп-өнуінің қамында болудан басқа істі аз ойламақтары – бұларының бәрі жұрт болсын, өссін, өнсін үшін. Солардың бәрін жаратқанда көңілдерін солайша ынтықтандырып қойғандығы һәм мұның бәрі жақсы көргендігінен екенін білдірмей ме? – дейді.
Ей, Аристодим! Қалайша сен бір өзіңнен, яғни адамнан басқада ақыл жоқ деп ойлайсың? – еді. – Адамның денесі өзің жүрген жердің бір битімдей құмына ұқсас емес пе? Денеңде болған дымдар жердегі сулардың бір тамшысындай емес пе? Жә, сен бұл ақылға қайдан ие болдың? Әрине, қайдан келсе де, жан деген нәрсе келді де, сонан соң ие болдың. Бұл ғаламды көрдің, өлшеуіне ақылың жетпейді, келісті көрімдігіне һәм қандай лайықты жарастықты законімен 
жаратылып, оның ешбірінің бұзылмайтұғынын көресің. Бұлардың бәріне&nbsp;таңғажайып қаласың һәм ақылың жетпейді, осылардың бәрі де кез келгендікпен бір нәрседен жаралған ба, яки бұлардың иесі бір өлшеусіз ұлы ақыл ма? Егер ақылменен болмаса, бұлайша бұл есебіне, өлшеуіне 
ой жетпейтұғын дүние әрбір түрлі керекке бола жаратылып һәм бір-біріне себеппен байланыстырылып, пенденің ақылына өлшеу бермейтұғын мықты көркем законге қаратылып жаратылды, – дейді.
Ол айтты:
Тахқиқ бұл айтқаныңның бәрі рас, жаратушы артық ақыл иесі екендігі мағлұм болды. Ол құдайдың ұлықтығына іңкәрім жоқ. Бірақ сондай ұлық құдай менің құлшылығыма не қылып мұқтаж болады? – деді.
Ей, Аристодим! Қате айтасың. Мұқтаж болмағанда да, біреу сенің қамыңды жесе, сенің оған қарыздар екендігіңе де ұстаз керек пе? – деді.
Аристодим айтты:
Ол менің қамымды жейтұғынын мен қайдан білем? – деді.
Жә, олай болса һәмма мақұлыққа да қара, өзіңе де қара, жанды бәрімізге де беріпті. Жанның жарығын бәрімізге де бірдей ұғарлық қылып беріп пе? Адам алдын, артын, осы күнін – үшеуін де тегіс ойлап тексереді. Хайуан артын, осы күнін де бұлдыр біледі, алдыңғы жағын тексермекке тіпті жоқ. Хайуанға берген денеге қара, адамға берген денеге қара. Адам екі аяғына басып тік тұрып, дүниені тегіс көрмекке, тегіс тексермекке лайықты һәм өзге хайуандарды құлданарлық, пайдасын көрерлік лайығы бар. Хайуанның бірі аяғына сеніп жүр, бір өзіңдей хайуанды құлданарлық лайығы жоқ. Адам өзі өзіне сенбесе, адамды да хайуан секілді қылып жаратса, ешнәрсеге жарамас еді. Хайуанға адамның ақылын берсе, мұнша шеберлік, мұнша даркарлік, бір-біріне ғылым үйретерлік шешендік салахият ол денеге лайықты келмейді. Қай өгіз шаһар жасап,&nbsp;құрал жасап, неше түрлі сайман жасап, сыпайылық шеберліктің&nbsp;үдесінен шығарлық қисыны бар? Бірақ адам баласы болмаса, бұл ғажайып ақылды және ғажайыппен жасаған денеге кіргізіп, мұнша салахият иесі қылғаны хиқметпенен өзге хайуанға сұлтан қылғандығына дәлел емес пе? Ол дәлел болса, адам баласын артық көріп, қамын әуелден алланың өзі ойлап жасағанына да дәлел емес пе? Енді адам баласының құлшылық қылмаққа қарыздар екені мағлұм болмай ма? – депті.

Абай Құнанбайұлының жиырма жетінші қара сөзі(АУДИО)

<a href="https://kyzylorda-news.kz/date/2020/09/29/">Kyzylorda-news.kz.</a> Бүгін облыс әкімінің орынбасары Серік Сүлейменов пен шаһар басшысы Нұрлыбек Нәлібаевтың қатысуымен жиын өтті.
Басқосуда қаланың өзекті мәселелері кеңінен талқыланып, оны шешу жолдары сараланды. Жиында жол, су, жарық, жылу, тұрғын үй құрылысы және тасымалдау саласы бойынша түйткілді мәселелердің түйіні тарқатылды. Алдымен шаһардың жылу беру маусымына дайындық жұмыстары пысықталды.
Биыл жылу беру маусымы жылдағы кестеге сай 15 қазаннан басталады деп межеленген. Бүгінде орталықтандырылған жылу жүйесіне қосылған нысандардың 90 пайызы қысқы маусымға дайын. Қалған аумақ жылу қабылдауға 10-қазан күні толығымен дайын болмақ. Бұл туралы облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов мәлім етті.
Айтуынша қала бойынша 7 кварталішілік жылу желілерінде соңғы жұмыстар жүргізіліп жатыр. Бұл жұмыстар апта ішінде аяқталып, пайдалануға берілетін болады.
Бұл ретте облыс әкімінің орынбасары күн райы күрт өзгеріп, бірнеше күн қатарынан сынап бағанасы төмендесе, қаланы жылумен қамту ертерек басталуы қажет екенін баса айтып, дайындық жұмыстарын жеделдетуді тапсырды.
Отырыста ортаға салынған келесі тақырып жол құрылысы. Биыл жыл көлемінде республикалық, облыстық және жергілікті бюджет есебінен қала аумағында 200-ден аса көше күрделі, орташа жөндеуден өтуде. Халықтан келген арыз-шағымдар ескеріліп, басымдық қалаға қарасты кент және ауылдық округтерге, қаланың шет аумақтарына берілген. Қарқынды жұмыстар негізінде көптеген тұрғын жол азабынан құтылып, жаңа жолдың игілігін көруде. Қала әкімі Нұрлыбек Нәлібаев бұл жұмыстардың алдағы жылы да қарқынды түрде жалғасатынын айтып, жыл аяғына дейін арнайы жоба дайындалып, республикаға бюджеттік өтінім берілетінін жеткізді.
Тұрғын үй құрылысының қарқыны мен сәулеттік кескіні де күн тәртібінде қаралды. Бұл ретте сала басшылары жұмыстардың жоспарға сай атқарылып жатқанын жеткізіп, межелі жұмыстар жыл соңына дейін аяқталатынын айтты. Жалпы биыл қала көлемінде 345 529 шаршы метр тұрғын пайдалануға беріледі деп жоспарланған. Құрылыстың негізгі бөлігі Сырдария өзенінің сол жағалауында.
Келелі жиында су жүйесі мен жарық желісіне қатысты мәселелер де талқыға түсіп, ұсыныс-пікірлер тыңдалды. Жиынды қорытындылай келе қала әкімі Нұрлыбек Нәлібаев тапсырмалардың хаттамаға сәйкес облыстық басқармалармен бірлесе атқарылуы қатаң бақылауда болатынын жеткізді.
<img src="https://kyzylorda-news.kz/wp-content/uploads/2020/09/120498321_2669834499949958_7587317106504780244_o.jpg" alt="" />
<img src="https://kyzylorda-news.kz/wp-content/uploads/2020/09/120338937_2669834323283309_2962588179072933704_o.jpg" alt="" />
<img src="https://kyzylorda-news.kz/wp-content/uploads/2020/09/lddb.jpg" alt="" />

Қызылорда жылу маусымына 90 пайыз дайын

<a href="https://kyzylorda-news.kz/date/2020/09/29/">Kyzylorda-news.kz.</a> Қазақстан Республикасының Президенті жанындағы Кадр саясаты жөніндегі ұлттық комиссиясының келісі негізінде облыс әкімінің өкімімен Мақашов Сұлтан Ысқақұлы Қызылорда облысының жер қатынастары басқармасының басшысы лауазымына тағайындалды.
Сұлтан Мақашов 1961 жылы туған, Қазақ химия-технологиялық институтын «Инженер-құрылысшы» және Қызылорда экономика, экология және құқық Академиялық университетін «Заңгер» мамандықтары бойынша бітірген.
Еңбек жолын 1978 жылы Жаңақазалы коммуналдық кәсіпорындар комбинатының слесарі ретінде бастаған. 
1984 – 1994 жылдары №1604 жылжымалы механикаландырылған колоннада монтажник, № 86 жылжымалы механикаландырылған колоннада бригадир, шебер, аға прораб және 2 азаматтық құрылыс мекемесінің бас инженері, бөлім бастығы; 
1995 – 1996 жылдары Қазалы ауданы әкімінің аппараты ұйымдастыру-инспекторлық бөлімінің бас инспекторы, Қазалы ауданының бас сәулетшісі; 
1996 – 2012 жылдары «Қызылорда облысы бойынша жылжымайтын мүлік орталығы» РМҚК Қазалы филиалының директоры; 
2012 – 2019 жылдары Қазалы ауданы әкімінің орынбасары, Қармақшы ауданының әкімі; 
2019-2020 жылдары Жаңақорған ауданының әкімі болып қызмет атқарып келді.
<img src="https://kyzylorda-news.kz/wp-content/uploads/2020/09/120533246_2772944736141911_2827939607166553785_o.jpg" alt="" />

Қызылорда облыстық жер қатынастары басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Білім және ғылым министрлігі Қазақстанда мектеп оқушыларының күзгі каникулы жоспарға сәйкес басталатынын жария етті, деп хабарлайды <a href="https://lenta.inform.kz/kz/kazakstanda-mektep-okushylarynyn-kuzgi-kanikuly-zhosparga-saykes-bastalady_a3700277">ҚазАқпарат</a>.
Айта кетсек бұған дейін Ресей астанасы Мәскеуде мектеп оқушылары күзгі каникулға мерзімінен бұрын шығатыны хабарланған еді. Ізін ала әртүрлі мессенджерде ақпарат шығып, Қазақстанда да оқушылар каникулға&nbsp;<a href="https://www.inform.kz/kz/maskeude-okushylardyn-kuzgi-kanikuly-eki-aptaga-sozylady_a3700209">ерте шығатыны</a>&nbsp;жайлы мәлімет тараған болатын.
Білім және ғылым министрлігі Қазақстанда мектеп оқушылары үшін күзгі каникулға жоспарға сәйкес шығатынын хабарлайды. Нақтырақ айтқанда оқушылар күзгі каникулда – 5-14 қараша аралығында демалады.

Қазақстанда мектеп оқушыларының күзгі каникулы жоспарға сәйкес басталады

<a href="https://kyzylorda-news.kz/">Kyzylorda-news.kz.</a> Қызылорда қаласының 23 жастағы тұрғыны алаяқтың арбауына түскен. Ол жұмысқа орналасуға көмек беремін деп 250 000 теңгесін алған әйелдің үстінен арызданды.
<blockquote>
 «Жедел-іздестіру шаралары барысында күдікті ұсталды. Ол Қызылорда қаласының 29 жастағы тұрғыны болып шықты. Күдіктіге қатысты ҚР ҚК 190-бабы 1-бөлігіне сәйкес сотқа дейінгі тергеп – тексеру жүрігізілуде», – делінген полиция департаментінің хабарламасында.
</blockquote>

Қызылордалық полицейлер алаяқты қолға түсірді

**<a href="https://kyzylorda-news.kz/">Kyzylorda-news.kz.</a> Қызылорда облысы бойынша мемлекеттік кірістер департаменті жеке тұлғаларға салық бойынша өсімпұлдарды есептен шығару арқылы салықтық амнистия қарастырылғанын хабарлады. 
**
<blockquote>
 «Жылдың соңына дейін әрбір азамат есептелген өсімпұлдарды есептен шығару үшін осы акцияны пайдалана алады. Жалғыз шарты, соңғы жылдардағы салық бойынша негізгі қарыз сомасын төлеу керек», – делінген хабарламада. 
</blockquote>
Салық берешегі туралы ақпаратты ҚР Мемлекеттік кірістер комитетінің www.kgd.gov.kz сайтынан және «электрондық үкімет» порталында «Электрондық сервистер», «салық берешегінің бар (жоқ) екендігі туралы мәліметтер» бөлімінде борышкердің ЖСН бойынша көруге болады. 
<blockquote>
 «Мемлекеттік кірістер органдары күнделікті жеке шоттар мәртебесін бақылайды. Егер негізгі борыш төленсе, өсімпұлдарды жою туралы шешім үш жұмыс күнінен кешіктірмей қабылданады», – дейді департамент мамандары.
</blockquote>

Салықтық рақымшылық: Қызылордалықтардың өсімпұлдары кешіріледі

<a href="https://kyzylorda-news.kz/">Kyzylorda-news.kz.</a> Соңғы үш жылда Арал теңізінің құрғаған ұлтанының 13300 гектар жеріне сексеуіл егілді. Жоба Қазақстанның биоалуандығын сақтау қорымен Оңтүстік Корея мемлекетінің қайтарымсыз қаржысы есебінен жүзеге асты.
Арал теңізінің құрғап қалған табанындағы орман мелиорациясы жұмыстары үшін арнайы питомниктерде сексеуіл көшеттері өсіріліп, дайындалады. Жоба аясында теңіз табанына үш жылда 5 миллион түп сексеуіл көшеті отырғызылды.
<blockquote>
 «Үш жылға жоспарланған&nbsp;жобаның негізгі мақсаты экологиялық жағдайды жақсарту. Өздеріңізге мәлім, Аралда кұм көшкіні көп болады. Сондықтан сексеуіл таңдалды. Оның бір тамыры 4 тоннаға жуық құмды ұстап тұруға қабілетті», – деді облыстық орман және жануарлар дүниесі аумақтық инспекциясының басшысы Ғалымжан Орақбаев.
</blockquote>
Жалпы, 1980 жылдан бастап бүгінгі күнге дейін Арал теңізінің құрғап қалған табанының 190 мың гектарына сексеуіл егілді.
<img src="https://kyzylorda-news.kz/wp-content/uploads/2020/09/aral-awdany.jpg" alt="" />

Арал ауданы: 13300 гектар жерге сексеуіл егілді

<a href="https://kyzylorda-news.kz/">Kyzylorda-news.kz.</a> Қазақстанда коронавирус пандемиясы басталғалы Әлеуметтік медициналық сақтандыру қоры медицина қызметкерлерінің жалақысына үстемақы төлеу мақсатында 73 миллиардтан астам теңге бөлді. Тек тамыз айында ғана коронавирус инфекциясымен және пневмониямен күреске тартылған 66 мыңнан астам медицина қызметкері жалақыға үстемақы алады.
<blockquote>
 &nbsp;«Қор эпидемияға қарсы іс-шараларға тартылған медицина қызметкерлері мен мамандарға үстемақы төлеуді жалғастыруда. Наурыз-тамыз айларында 73,7 млрд теңге көлемінде қосымша қаржы төленді», – деді ӘМСҚ Басқарма төрағасы Болат Төкежанов.
</blockquote>
Ол ҚР Денсаулық сақтау министрлігінің жаңа бұйрығына сәйкес медицина қызметкерлерінің тізімі кеңейгенін еске салды. Оған мобильді бригадалардағы дәрігерлер мен медбикелер, МСАК жанындағы жедел жәрдем қызметкерлері, сондай-ақ әскери-медициналық (медициналық), орталық атқарушы органдардың сот-медициналық бөлімшелерінің және өзге де орталық мемлекеттік органдар мен ведомстволардың, ҚР ПІБ Медициналық орталығына қарасты ұйымдардың қызметкерлері кірді.
<blockquote>
 «Тамыз айының қорытындысы бойынша Қор COVID-19, вирустық пневмониямен күреске тартылған 66 мың медицина қызметкеріне 17 млрд теңгеге жуық үстемақы төлейді», – деп хабарлады ӘМСҚ басшысы.
</blockquote>

Қазақстан және Қызылорда облысының жаңалықтары