<a href="https://kyzylorda-news.kz/">Kyzylorda-news.kz.</a> 27-28 наурыз күндері Қызылорда қаласы “Евразия” спорт кешенінде Қазақстан Тәуелсіздігінің 30 жылдығына арналған жауынгер-интернационалист Батыржан Шалғынбаев атында футзалдан республикалық турнир өткізілді.
Биыл 25-ші мәрте ұйымдастырылған турнирге Байқоңыр қаласы, Түркістан және Қызылорда облыстарынан 25 команда қатысып, үздіктері анықталды.
Екі күнге созылған жарыс қорытындысы бойынша «Отбасы банк» командасы (Қызылорда) бірінші орынды жеңіп алды. Олар финалда «Адам Арафат» командасын (Қызылорда) 3:2 есебімен ұтты. 
Үшінші орынды «Байқоңыр» командасы алса, төртінші орынды «Нұржол» командасы (Қызылорда) қанағат тұтты.
«Үздік қақпашы» – Мейірбек Жұбатов (“Отбасы банк” командасы); 
«Үздік қорғаушы»- Мұхтар Қоштай (“Адам Арафат” командасы); 
«Үздік шабуылшы» – Талғат Айтжанов (“Байқоңыр” командасы); 
«Мерген ойыншы» – Назарбай Қобландин (“Нұржол” командасы); 
«Үздік ойыншы» – Бауыржан Тешубаев (“Отбасы банк” командасы).
Батыржан Шалғынбаев атындағы қордың атынан 1-орынға 700 мың теңге, 2-орынға 300 мың теңге, 3-орынға 200 мың теңге, 4-орынға 150 мың теңге көлемінде сыйақы табысталса, облыстық дене шынықтыру және спорт басқармасының дипломдары берілді.
Жеңімпаз және жүлдегер командаларды қала әкімінің орынбасары Асқарбек Есжанов, облыстық футбол федерациясының вице-президенті Әмірбек Шаймағамбетов және Батыржан Шалғынбаевтың ағасы мен інісі Мырзабай, Батырбек Шалғынбаевтар марапаттады.

«Отбасы банкі» командасы Батыржан Шалғынбаев турнирінің жеңімпазы атанды

<a href="https://kyzylorda-news.kz/">Kyzylorda-news.kz.</a> ҚР Бас прокуратурасы Әл-Фараби атындағы Қазақ ұлттық университетінің жер учаскесін бөлу заңдылығына қатысты тың мәліметтер ұсынды, деп хабарлайды <a href="https://lenta.inform.kz/kz/kazuu-zher-dauy-bas-prokuratura-tyn-malimetter-usyndy_a3769242">ҚазАқпарат</a>.
Мәжіліс депутаттарының сауалына жауап берген ҚР Бас прокурорының міндетін атқарушы Берік Асыловтың дерегінше, 2012 жылдың 30 қаңтарында Алматы қаласы əкімдігінің қаулысымен университетке алаңы 73,26 гектар жер учаскесіне тұрақты пайдалану құқығы берілген.
Ал 2017 жылдың 2 қазанында қала əкімдігі аталған учаскенің шекарасын түзету туралы қаулы қабылдаған және жердің алаңы 1,8 гектарға азайтылған.
Учаскенің азайтылған бөлігінің 0,74 гектары «Omirex» ЖШС-ның, 0,56 гектары коммуналдық қызметтердің («Алматы Су» МКК, «Алматы жылу желілері» ЖШС, «Қазпошта» АҚ, «Қазақтелеком» АҚ») жəне 0,52 гектары Ш.Мұстафаевтың қарамағына өткен.
Бас прокуратураның анықтама ретінде ұсынған мәліметтеріне сәйкес, Ш.Мұстафаевтың жер үлесі университеттің өндірістік үй-жайларын көпшілік сауда-саттықта сатып алу нəтижесінде пайда болған.
Ш.Мұстафаевқа тиесілі осы үй-жайды иеліктен шығарудың заңдылығы Алматы қаласының аумақтық мемлекеттік мүлік жəне жекешелендіру комитеті комиссиясының 1999 жылғы 12 қарашадағы қорытындысымен жəне Алматы қаласы Бостандық аудандық сотының 2000 жылғы 13 желтоқсандағы шешімімен расталған.
<blockquote>
 «Алайда Алматы қаласының əкімдігі Жер кодексінің 48 жəне 82-баптарын бұза отырып, «Omirex» ЖШС жерлерін (екі учаске, жалпы алаңы – 0,74 гектар) сауда-саттықсыз жəне оларға университеттің жер пайдалану құқығы тоқтатылғанға дейін берген. Анықталған бұзушылықтарды құқықтық бағалау бойынша өкілеттік Ауыл шаруашылығы министрлігінің жер ресурстарын басқару комитетіне жататынын ескере отырып, 2021 жылдың 19 наурызында Алматы қаласының прокуратурасы олардың мекенжайына тиісті тексеруді ұйымдастыру туралы хат жолдады», – деді Берік Асылов.
</blockquote>
Бұған дейін Білім және ғылым министрі Асхат Аймағамбетовте аталған университет жер учаскесінің 0,779 гектарға азаю фактісі&nbsp;<a href="https://www.inform.kz/kz/kazuu-zher-uchaskesinin-azayu-faktisi-rastaldy-bilim-ministri_a3766392">расталғанын</a>&nbsp;айтқан болатын.

ҚазҰУ жер дауы: Бас прокуратура тың мәліметтер ұсынды

<a href="https://kyzylorda-news.kz/">Kyzylorda-news.kz.</a> Үндістанның Нью-Дели қаласында стенд атудан өтіп жатқан Әлем кубогі кезеңінде жерлестеріміз Қазақстан құрама командасы сапында табысты өнер көрсетті.
Әйелдер арасында командалық “trap” жаттығуынан Айжан Досмағамбетова күміс жүлдеге ие болды. Ол осы жүлдесі арқылы стенд атудан “Қазақстан Республикасының халықаралық дәрежедегі спорт шебері” атағына қол жеткізді.
Ал ерлер арасында Қазақстан Республикасының халықаралық дәрежедегі спорт шебері Максим Коломоец қола жүлдені еншіледі. 
Спортшылар енді мамыр айында Италияның Лонато қаласындағы халықаралық турнирдің келесі кезеңінде бақ сынайды.
Оған дейін сәуір айының соңында Шымкент қаласында өтетін оқу-жаттығу жиындарына қатысады. 
Әлем кубогі 30 наурызда аяқталады.
<img src="https://kyzylorda-news.kz/wp-content/uploads/2021/03/166660585_5971780306181473_7995482659096610332_n.jpg" alt="" />

&#8220;Trap&#8221; жаттығуынан Айжан Досмағамбетова күміс жүлдеге ие болды

<a href="https://kyzylorda-news.kz/">Kyzylorda-news.kz.</a>&nbsp; Қызылордада “Атамекен” балалар ауылының тәрбиеленушісі осымен төртінші күн іздестіріліп жатыр, деп хабарлайды облыстың полиция департаментінің криминалдық полиция басқармасы.
Бұған дейін &nbsp;Қызылордадағы “Атамекен” отбасы үлгісіндегі балалар ауылынан үш жасөспірім 25 наурызға қараған түні шығып кеткені хабарланды. 28 наурызда жоғалған үш қыздың екеуі Алматы қаласынан табылды. Үшінші қыз әлі іздестіріліп жатыр.
<blockquote>
 “Қызылорда қаласында “Атамекен” отбасы үлгісіндегі балалар ауылының” тәрбиеленушісі, 27.08.2004 жылы туған Нұғманова Ділдә Мұсабекқызы 25 наурыз сағат 02:00 шамасында тұрғылықты мекенжайынан белгісіз бағытқа шығып, қайта оралмауына байланысты Қызылорда облысының полиция департаменті іздеу салады”, – делінген облыстық полиция департаментінің желідегі ресми парақшасында.
</blockquote>
Белгілері: бойы 175 см, шашы қара түсті, иығынан түскен, кекілі сары түске боялған. Үстінде қара түсті куртка, көк түсті джинсы шалбар, ақ түсті спорттық үлгідегі аяқ киім.
Полиция жасөспірім туралы қандай да бір ақпарат немесе жүрген жері туралы мәлімет болған жағдайда төменде көрсетілген телефон нөмірлеріне хабарласуды сұрайды: &nbsp;8(7242)-29-70-10, 8(7242)-29-75-20, 8(7242)-29-75-02, 8-705-255-81-25.

Полиция Қызылордада жоғалған 16 жастағы қыз туралы ақпарат жариялады

<a href="https://kyzylorda-news.kz/">Kyzylorda-news.kz.</a>&nbsp; 2021 жылдың қаңтар-ақпанында 649 мыңнан астам адам атаулы әлеуметтік көмек алды, деп хабарлайды&nbsp;<a href="https://sputnik.kz/">Sputnik Қазақстан.</a>
<blockquote>
 “2021 жылдың 1 наурызындағы жағдай&nbsp;бойынша 128,8 мың отбасындағы 649 мың адамға атаулы әлеуметтік көмек тағайындалды. Бұл мақсатқа бюджеттен 122,8 миллиард теңге бөлінді”, – делінген еңбек және халықты әлеуметтік қорғау министрлігі таратқан хабарламада.
</blockquote>
Атаулы әлеуметтік көмек отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-інен төмен азаматтарға тағайындалады.
Бұдан басқа, АӘК көрсетудің жаңа тетігін іске асыру шеңберінде еліміздің барлық өңірінде табысы аз отбасылардың мектеп жасына дейінгі балаларын кепілдік берілген әлеуметтік топтамамен қамтамасыз ету жұмысы жүргізіліп жатыр.
2021 жылдың 1 наурызындағы мәлімет бойынша АӘК алушылар қатарындағы 1 жастан 6 жасқа дейінгі 154,3 мың бала азық-түлік және тұрмыстық химия жиынтығы түрінде әлеуметтік топтама тағайындалды.
Естеріңізге сала кетейік, 106,4 мың отбасындағы 524,3 мыңнан астам қазақстандыққа 2021 жылғы I тоқсанда атаулы әлеуметтік көмек тағайындау мемлекеттік инстанцияға жүгінбей-ақ автоматты түрде ұзартылды.

Қазақстандықтарға көмек көрсетуге бюджеттен 122,8 миллиард теңге бөлінді

<a href="https://kyzylorda-news.kz/">Kyzylorda-news.kz.</a>&nbsp; 2021 жылдың 1 сәуірінен бастап мемлекеттік атаулы әлеуметтік көмек тағайындау бойынша қызмет «Электронды үкімет» порталы арқылы көрсетіледі.
Бұл ретте, Қазақстан Республикасы Еңбек және халықты әлеуметтік қорғау министірінің 2020 жылғы 25 наурызындағы №109 бұйрығымен бекітілген Төтенше жағдай және шектеу іс-шаралары кезеңінде әлеуметтік-еңбек саласында мемлекеттік қызметтер көрсетудің және халықтың жекелеген санаттарын азық-түлік және тұрмыстық жиынтығымен қамтамасыз ету қағидаларының нормалары күшін жойғанын және қолданыстағы АӘК алушылардың өтініштерін автоматты түрде ұзарту практикасы жойылған.
2021 жылдың екінші тоқсанынан бастап мемлекеттік атаулы әлеуметтік көмек тағайындау үшін өтініштер Қызылорда қаласы, Сүлейменов көшесі №70 мекен-жайында орналасқан «Қалалық жұмыспен қамту орталығы» МКМ арқылы және «Электрондық үкімет» порталы арқылы қабылданатын болады.
&nbsp; &nbsp; &nbsp; «Электрондық үкімет» порталы арқылы атаулы әлеуметтік көмекке өтінім берудің нұсқаулығы
<img src="https://kyzylorda-news.kz/wp-content/uploads/2021/03/riswnok1.png" alt="" />
<img src="https://kyzylorda-news.kz/wp-content/uploads/2021/03/riswnok2.png" alt="" />
<img src="https://kyzylorda-news.kz/wp-content/uploads/2021/03/riswnok3.png" alt="" />
<img src="https://kyzylorda-news.kz/wp-content/uploads/2021/03/riswnok4.png" alt="" />

АӘК: 1 сәуірден бастап «Электронды үкімет» порталы арқылы қызмет көрсетіледі

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданында жер қатынастарының жағдайы және жылдық есебінің орындалуы туралы мәселе қаралды.
Аудан әкімі Мұрат Ергешбаевтың төрағалығымен өткен басқосудың күн тәртібіндегі мәселеге байланысты аудандық жер қатынастары бөлімінің басшысы Еркін Сейітов хабарлама жасап, Қазалы ауданында жер қойнауын заңсыз пайдаланушылар қатары азаймай отырғанын атап өтті.
<blockquote>
 «2020 жылы жерлерді заңсыз иемденіп, құм, саз алған 4 серіктестік пен 1 мекеме және 1 жеке тұлға анықталып, заңдылықтарға сәйкес айыппұл түріндегі әкімшілік шара көрілді. Жыл басынан бері Басықара ауылынан заңсыз құм алып жатқан тағы бір тұрғын анықталып, шара көру үшін тиісті департаментке хат жолданды», – деді Еркін Нұржаубайұлы.
</blockquote>
Сондай-ақ, бөлім басшысы ауыл шаруашылығы мақсатындағы жерлерді түгендеу, жердің бір бөлігін басқа мақсатқа пайдалану, жер учаскесін заңсыз артық пайдалану, акционға ұсынылатын жерлер, инфрақұрылыммен қамтамасыз етілген аймақтар және мемлекеттік көрсетілетін қызметтер туралы кеңінен айтып берді.
Аудан әкімі Мұрат Ергешбаев бөлім басшысына карьер мәселесіне байланысты кәсіпкерлердің құжаттарын дайындауды бақылауға алуды тапсырды. Сонымен қатар, тұрғындарға кәсіпкерлік мақсатта жер учаскесін табыстамаған ауылдық округ әкімдеріне белсенді жұмыс істеуге шақырды.
Басқосу мұнан соң аппарат мәжілісіне ұласып, онда маңызды мәселелер қаралды.
Мәжілісте алдымен аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Совет Бабанаев аудандағы жұмыспен қамту мәселесі және әлеуметтік төлемдердің жағдайы туралы баяндама жасады.
Ал, аудандық тұрғын үй, коммуналдық шаруашылығы, жолаушылар көлігі және автомобиль жолдары бөлімі басшысының міндетін атқарушы Жасұлан Сыдықов көркейту, көгалдандыру және санитарлық тазалық мәселене қатысты атқарылған жұмыстар жөнінде айтып, алдағы жоспарларымен бөлісті.
<blockquote>
 «Ауданда 7 наурыз бен 9 мамыр аралығында санитарлық тазалық айлығы болып белгіленіп, сенбіліктер ұйымдастырылды. Нәтижесінде қала, кент және елді мекендер аумағынан 7300 текше метр қоқыс жойылып, 2800 текше метр тұрмыстық қатты қалдықтар арнаулы орындарға шығарылды. Аталған шараларға мыңнан астам адам мен 25 арнаулы техникалар жұмылдырылды. Одан бөлек, 20 наурыз күні ҚР экология, геология және табиғи ресурстар министрлігінің «Таза табиғат» ұлттық жобасының тұжырымдамасына байланысты «Бірге таза Қазақстан», «Мекенім – жасыл орманым» атты акциялар өткізілді. Акция барысында қала, кент және ауылдық округтерде тазалық жұмыстары жүргізіліп, 4 мыңнан астам көшеттер мен қаламшалар отырғызылды», – деді Жасұлан Жиентайұлы.
</blockquote>
Басқосуды қорытындылаған аудан әкімі Мұрат Ергешбаев қала, кент және ауылдық округ әкімдеріне санитарлық тазалық және көркейту-көгалдандыру бағытындағы жұмыстарға ерекше мән беріп, елді мекенге кіре берістен бастап тап-таза болу қажет екендігін ескертті.
<img src="https://kyzylorda-news.kz/wp-content/uploads/2021/03/dsc_2321-scaled.jpg" alt="" />

Қазалы ауданында жер қойнауын заңсыз пайдаланушылар қатары азаймай отыр

<a href="https://kyzylorda-news.kz/">Kyzylorda-news.kz.</a> Қызылорда облысының Бас мемлекеттік санитариялық-дәрігерінің қаулысы негізінде, Қызылордада бірқатар шектеу шаралары жалғасуда. Осы талаптардың сақталуын қадағалау мақсатында қала әкімдігінің жанынан құрылған мониторингтік топ тұрақты жұмыс жүргізуде.
Соның нәтижесінде 22 – 28 наурыз аралығында қала бойынша 8 отбасылық той тоқтатылған. Оның ішінде, 7 той мейрамханаларда өткізілсе, 1 той жеке үйде өткізілгендігі анықталған.
Бұдан бөлек, мониторингтік топпен бақылау барысында 27 наурыз күні “ALEN” кафесінде карантиндік санитарлық талаптардың бұзылғандығы анықталып, жұмысы тоқтатылды.
Бұл бағыттағы жұмыстар мониторингтік топпен тұрақты жалғасын табады.
Айта кетейік, Қызылорда облысының Бас мемлекеттік санитариялық дәрігерінің №4 қаулысына сәйкес, ойын-сауық іс-шараларын, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар), оның ішінде үйде және адамдар көп жиналатын өзге де іс-шараларды өткізуге, букмекерлік кеңселердің қызметіне, балаларды сауықтыру лагерлерінің қызметіне, мерекелік корпоративтерді ұйымдастыру мен өткізуге тыйым салынған.

Карантин: Қызылордада соңғы аптада 8 той тоқтатылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1492 адамда коронавирус індеті ПТР арқылы расталды, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 346, 
Алматы қаласы – 415, 
Шымкент қаласы – 45, 
Ақмола облысы – 52, 
Ақтөбе облысы – 61, 
Алматы облысы – 120, 
Атырау облысы – 75, 
Шығыс Қазақстан облысы – 38, 
Жамбыл облысы – 19, 
Батыс Қазақстан облысы – 94, 
Қарағанды облысы – 88, 
Қостанай облысы – 39, 
Қызылорда облысы – 13, 
Маңғыстау облысы – 10, 
Павлодар облысы – 46, 
Солтүстік Қазақстан облысы – 21, 
Түркістан облысы – 10.
Жалпы ел бойынша ауырғандар саны – 241 873.

COVID-19: Қызылордада бір тәулікте 13 адам жұқтырды

<a href="https://kyzylorda-news.kz/">Kyzylorda-news.kz.</a> Қазақстанның өңірлерінде ауа райына байланысты ескерту жарияланды, деп хабарлайды &nbsp;<a href="https://www.kazhydromet.kz/storm">«Қазгидромет»</a>&nbsp;.
Кәсіпорынның болжамына қарағанда, 29 наурыз күні елордада көктайғақ болып, тұман түседі, жаяу бұрқасын соғады. Солтүстік-батыстан, батыстан жел соғып, екпіні секундына 15-20 метрге жетеді.
Қызылорда облысының кей жерлерінде, Қызылорда қаласында кей уақытта тұман түсуі мүмкін.

Қызылордада тұман болады

Kyzylorda-news.kz. Бүгін, 28 наурызда футболдан 2022 жылғы әлем чемпионатына іріктеу сатысында елордада өткен Қазақстан және Франция кездесуі аяқталды, деп хабарлайды <a href="https://www.inform.kz/kz/futboldan-ach-2022-kazakstan-kuramasy-franciyadan-utylyp-kaldy_a3769108">ҚазАқпарат</a>.
FIFA жариялаған соңғы рейтингте Франция екінші орында тұр. Ал Қазақстан онда 122-орында келеді. Бүгінгі ойында соңғы әлем чемпионы – Франция емін-еркін қимыл көрсетті. Алғашқы минуттан шабуыл шебіне көбірек көңіл бөлді. Алаң иелері қақпасы маңында жиі бой көрсетті. Осылайша тізгінді қолға алуға тырысты.
Қазақстандықтар негізінен қорғанысқа көңіл бөліп, қарсыластар шабуылына төтеп берді. Дегенмен 19-минутта француздық шабуылшы Усман Дембеле қазақстандық құрама қақпасынан саңылау тапты. Ал 44-минутта қазақстандық қорғаушы Сергей Малый өз қақпасына гол соғып алды. Екінші кезеңде француздар шабуылға көбірек көңіл бөлді. Десе де діттеген мақсатына жете алған жоқ, Тіпті, атақты футболшы Килиан Мбаппе алаң иелері қақпасына белгіленген пенальтиден мүлт кетті.
Оның тепкен соққысын қазақстандық қақпашы Александр Мокин сыртқа шығарып үлгерді. Кездесуде Франция құрамасы 2:0 есебімен жеңіске жетті.
Осылайша төрт ұпаймен турнир кестесінде көш басына шықты. Сондай-ақ, бүгін аталған топта Украина өз алаңында Финляндияны қабылдайды.
Енді Қазақстан құрамасы 31 наурызда сырт алаңда Украинамен шеберлік байқасады. Сол күні сырт алаңда Франция Босния және Герцоговинамен жасыл алаңға шығады.
Айта кетейік, қазақстандық құрама іріктеу сатысында D тобында сынға түседі. Қарсыластары – Франция, Украина, Босния және Герцоговина, Финляндия. Бірінші турда Франция мен Украина 1:1, Финляндия Босния және Герцоговинамен 2:2 есебімен тең ойнады.

Қазақстан құрамасы Франциядан ұтылып қалды

Kyzylorda-news.kz. Мектептерде оқу үрдісін ұйымдастыру кезінде барлық санитарлық іс-шаралар қарастырылатын болады. Бұл туралы ҚР Білім және ғылым министрлігі баспасөз қызметінен мәлім болды, деп хабарлайды <a href="https://www.inform.kz/kz/kazakstanda-okushylarga-sabakka-erkin-kiimde-katysuga-ruksat-etiledi_a3769064">ҚазАқпарат</a>.
<blockquote>
 «Министрлік негізгі пәндерді штаттық форматта оқытуды, ал музыка, көркем еңбек, информатика, құқық негіздері, графика және жобалау, кәсіпкерлік және бизнес негіздері пәндерін қашықтан өткізуді ұсынып отыр. Дене шынықтыру сабақтарын таза ауада өткізу бойынша ұсыныс берілді», – делінген ведомство мәліметінде.
</blockquote>
Білім беру ұйымы әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға болады. Мектеп асханаларының жұмысы жергілікті әкімдіктердің шешімі әрі бас санитарлық дәрігерлердің келісімі бойынша санитарлық-эпидемиологиялық нормаларды сақтай отырып, ұйымдастырылады.
<blockquote>
 «Міндетті мектеп формасын киюдің қажеті жоқ, сабаққа еркін және ұқыпты киімде қатысуға рұқсат етіледі», – деп аталып өткен министрлік хабарламасында.
</blockquote>
Айта кетейік, 300-ге дейінгі оқушы саны бар мектептер ІV тоқсанда жұмысын әрі қарай дәстүрлі форматта жалғастырады.

Қазақстан және Қызылорда облысының жаңалықтары

«Отбасы банкі» командасы Батыржан Шалғынбаев турнирінің жеңімпазы атанды

ҚазҰУ жер дауы: Бас прокуратура тың мәліметтер ұсынды

“Trap” жаттығуынан Айжан Досмағамбетова күміс жүлдеге ие болды

Полиция Қызылордада жоғалған 16 жастағы қыз туралы ақпарат жариялады

Қазақстандықтарға көмек көрсетуге бюджеттен 122,8 миллиард теңге бөлінді

АӘК: 1 сәуірден бастап «Электронды үкімет» порталы арқылы қызмет көрсетіледі

Қазалы ауданында жер қойнауын заңсыз пайдаланушылар қатары азаймай отыр

Карантин: Қызылордада соңғы аптада 8 той тоқтатылды

COVID-19: Қызылордада бір тәулікте 13 адам жұқтырды

Қызылордада тұман болады

Қазақстан құрамасы Франциядан ұтылып қалды

Қазақстанда оқушыларға сабаққа еркін киімде қатысуға рұқсат етіледі

Қазақстан және Қызылорда облысының жаңалықтары

«Отбасы банкі» командасы Батыржан Шалғынбаев турнирінің жеңімпазы атанды

ҚазҰУ жер дауы: Бас прокуратура тың мәліметтер ұсынды

&#8220;Trap&#8221; жаттығуынан Айжан Досмағамбетова күміс жүлдеге ие болды

Полиция Қызылордада жоғалған 16 жастағы қыз туралы ақпарат жариялады

Қазақстандықтарға көмек көрсетуге бюджеттен 122,8 миллиард теңге бөлінді

АӘК: 1 сәуірден бастап «Электронды үкімет» порталы арқылы қызмет көрсетіледі

Қазалы ауданында жер қойнауын заңсыз пайдаланушылар қатары азаймай отыр

Карантин: Қызылордада соңғы аптада 8 той тоқтатылды

COVID-19: Қызылордада бір тәулікте 13 адам жұқтырды

Қызылордада тұман болады

Қазақстан құрамасы Франциядан ұтылып қалды

Қазақстанда оқушыларға сабаққа еркін киімде қатысуға рұқсат етіледі

“Trap” жаттығуынан Айжан Досмағамбетова күміс жүлдеге ие болды