<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасында Өңірлік кеңестің кезекті отырысы өтті. Отырыста кеңес мүшелерінің көпшілік дауысымен кеңес төрайымы болып Абдраймова Гүлзағира Оралбайқызы сайланды.
Гүлзағира Оралбайқызы 1965 жылы дүниеге келген. 1984 жылы Қызылорда политехникумын «құрылысшы техник» мамандығы, 1989 жылы Жамбыл гидромелиоративтік құрылыс институтының Қызылорда филиалын «инженер-құрылысшы» мамандығы бойынша бітірген.
Еңбек жолын 1989 жылы «Проект» кооперативінде инженер-сметашы болып бастаған Гүлзағира Абдраймова бұдан кейін «Қызылорда құрылыс» трестінде инженер, «Промстройпроект» ЖШС-нің өңірлік өкілі, «Мелиоратор» ЖШС өндірістік-техникалық бөлімінің бастығы, «Абзал Проект Консалтинг» ЖШС жобалық топ басшысы, «Құрылыс материалдарымен жабдықтау басқармасы» ЖШС директор қызметтерін атқарған. 2016 жылдан бастап «Казспецстройэкспертиза» ЖШС директоры.
Гүлзағира Оралбайқызы негізгі кәсіпкерлік қызметінен өзге салаға қатысты қоғамдық ұйымдардың да белсенді өкілі. Сараптама ұйымдары палатасының өңірдегі өкілі, 2019 жылдан бастап «Атамекен» ҰКП Төралқасы жанындағы Құрылыс және тұрғын үй-коммуналдық шаруашылығы комитетінің мүшесі, 2020 жылдан бастап Қызылорда облысы кәсіпкерлер палатасы Өңірлік кеңесінің мүшесі.
Құрылыс саласындағы еңбегі үшін «Құрметті құрылысшы» төсбелгісімен, облыс әкімінің алғыс хаты мен қала әкімінің Құрмет грамотасымен және т.б. марапатталған.

Қызылорда: Кәсіпкерлер палатасы Өңірлік кеңесіне жаңа басшы сайланды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1219 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 272, 
Алматы қаласы – 268, 
Шымкент қаласы – 15, 
Ақмола облысы – 58, 
Ақтөбе облысы – 52, 
Алматы облысы – 134, 
Атырау облысы – 67, 
Шығыс Қазақстан облысы – 52, 
Жамбыл облысы – 63, 
Батыс Қазақстан облысы – 61, 
Қарағанды облысы – 75, 
Қостанай облысы – 30, 
Қызылорда облысы – 5, 
Маңғыстау облысы – 5, 
Павлодар облысы – 32, 
Солтүстік Қазақстан облысы – 19, 
Түркістан облысы – 11.
Қазақстан бойынша жазылғандар саны – 220 313.

COVID-19: Қызылордада 5 адам жазылып шықты

<a href="https://kyzylorda-news.kz/">Kyzylorda-news.kz.</a> «Қазгидромет» ауа райының қолайсыздығына және көктемгі күн жылыну кезіндегі ауа райындағы құбылыстарға қатысты 5 облыста ескерту&nbsp;<a href="https://www.kazhydromet.kz/storm">жариялады</a>.
1 сәуірде Ақмола облысының кей жерлерінде тұман түседі. Шығыстан соққан жел оңтүстік-батысқа ауысады, күндіз кей жерлерде жылдамдығы 15-20 м/с-ға жетеді деп болжанады. Көкшетау қаласында 1 сәуірде оңтүстік-батыстан жел соғады, күндіз екпіні 15-20 м/с болады.
1 сәуірде Қызылорда облысының кей жерлерінде, Қызылорда қаласында 1 сәуірде кей уақытта тұман күтіледі.
1 сәуірде Қостанай облысында кей жерлерде тұман, көктайғақ, бұрқасын күтіледі. Оңтүстік-батыстан жел соғады, кей жерлерде жылдамдығы 15-20 м/с-ға жетеді деп болжанады. Қостанай қаласында күндіз оңтүстік-батыстан жел соғады, екпіні 15-20 м/с-ға жетеді.
1-2 сәуірде Қарағанды облысында кей жерлерінде тұман, көктайғақ күтіледі.
Алматы облысында жауын-шашын түседі деп болжанып отыр, қар жамылғысының тұрақсыздығы мен биіктігінің жоғары болуына байланысты Үлкен және Кіші Алматы су алабтарында 2 cәуірге дейін қар көшкіні қаупі сақталады.
Көшкін жүру қаупі мүмкін болуына байланысты, қарлы тік жартастарға шығу қауіпті.

1 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1873 адамнан коронавирус індеті табылды.
Аймақтар бойынша: 
Нұр-Сұлтан қаласы – 512, 
Алматы қаласы – 515, 
Шымкент қаласы – 51, 
Ақмола облысы – 48, 
Ақтөбе облысы – 86, 
Алматы облысы – 220, 
Атырау облысы – 75, 
Шығыс Қазақстан облысы – 34, 
Жамбыл облысы – 26, 
Батыс Қазақстан облысы – 98, 
Қарағанды облысы – 95, 
Қостанай облысы – 37, 
Қызылорда облысы – 15, 
Маңғыстау облысы – 19, 
Павлодар облысы – 17, 
Солтүстік Қазақстан облысы – 17, 
Түркістан облысы – 8.
Жалпы ел бойынша ауырғандар саны – 246 854.

Қызылордада бір тәулікте 15 адамнан коронавирус табылды

Kyzylorda-news.kz. Өткен жылы Жалағаш ауданында ауыл шаруашылығы саласында 3 инвестициялық жоба жүзеге асырылды. Бұл туралы Жалағаш ауданының әкімі Асылбек Шәменов Өңірлік коммуникациялар қызметінің ақпарат алаңында өткен баспасөз конференциясында мәлімдеді.
Оның бірі кенттегі «АгроХимСервис» ЖШС-нің минералдық тыңайтқыштарды өңдеу зауыты. Екіншісі, «Қарабура Ата-1» фермер қожалығының күріш ақтау зауыты. Тәулігіне 60 тонна Сыр салысын ақтайды. Үшіншісі «Толғанай» шаруа қожалығының «Мүйізді ірі қара малын бордақылау алаңы».
<blockquote>
 “Ауданда мал басын арттыру мақсатында шаруа қожалықтар мемлекетттік бағдарламаларды тиімді пайдаланып келеді. Нәтижесінде ет өндіру 1,2 пайызға, сүт өндіру 0,9 пайызға, жұмыртқа 1,6 пайызға артты. 2020 жылы мал шаруашылығымен айналысатын шаруашылықтар 78 млн теңге көлемінде субсидия алды”, – деді аудан әкімі Асылбек Шәменов.
</blockquote>
Ауданда мүйізді ірі қара –1,7, жылқы – 3,1, түйе – 25,1, қой-ешкі – 4,4 пайызға көбейген.

Жалағашта 3 инвестициялық жоба жүзеге асырылды

Kyzylorda-news.kz. Жалағаш кентін газдандырудың жалпы құны 3,5 млрд теңгені құрайды.
2019 жылы жоспарға сәйкес 1,2 млрд, 2020 жылы 0,8 млрд теңгесі бөлініп, жұмыстар атқарылды. Биыл қалған 1,5 млрд теңге қаржысы бөлініп, кент көгілдір отынға қосылады.
<blockquote>
 “Биылғы жылы кент тұрғындары газ желісін өз үйлеріне кіргізуге, жылу жүйесіне қосуға жұмыс жасайды. Айта кету керек бұл жұмыстарды тұрғындар жеке қаражаты есебінен жүргізетін болады. Ал, жергілікті бюджеттің есебінен аудан орталығында орналасқан әлеуметтік нысандарды табиғи газ отынына қосу жұмыстары атқарылатын болады”, – деді Жалағаш ауданының әкімі Асылбек Шәменов.
</blockquote>
Өткен жылы кенттегі №202 орта мектеп ғимаратын жылу жүйесін орталықтандырылған газ желісіне қосу жұмыстары толық аяқталды. Жоба құны 11,6 млн теңге.
Сонымен қатар, аудандық бюджеттен 6,5 млн теңге бөлініп, 5 әлеуметтік нысандарға газ желісін тарту үшін жобалық – сметалық құжаттары дайындалған.

Биыл Жалағаш кенті газға қосылады

<a href="https://kyzylorda-news.kz/">Kyzylorda-news.kz.</a> Бүгін аудан әкімі Мұхтар Оразбаев “Транстелеком” АҚ Қызылорда қаласындағы “Қызылордатранстелеком» филиалының басқарушы директоры Болат Құдияровпен кездесті.
Кездесу барысында «Цифрлы Қазақстан» бағдарламасын іске асыру мақсатында Арал ауданы әкімдігі мен “Транстелеком” АҚ Қызылорда қаласындағы “Қызылордатранстелеком” филиалы арасында ынтымақтастық меморандумына қол қойылды.
Аталған екі тарап тарапынан жасалған меморандум аясында тұрғын-үй шаруашылық, кешендік қауіпсіздік жүйелері мен әлсіз токты желілерді жандандыру, сондай-ақ ауданды дамыту шеңберінде басқа да бірегей шешімдер мен қызметтерді ұсыну мүмкіндігі мәселелері бойынша инфотелекоммуникациялық саланы іске асыру бойынша шешім қабылданды.
Атап өтейік, бұған дейін «Цифрлы Қазақстан» бағдарламасы шеңберінде “Транстелеком” АҚ арқылы тұрғындар саны 250-ден асатын 4 елді мекен оптикалық талшықты кабельмен жоғары жылдамдықты интернет желісіне қосылған болатын.
<img src="https://kyzylorda-news.kz/wp-content/uploads/2021/03/167389076_2945815629080137_2005988900021256590_n.jpg" alt="" />

Арал ауданының әкімдігі мен «Транстелеком» АҚ  өзара ынтымақтастық меморандумына қол қойды

Kyzylorda-news.kz. Жалағаш ауданы орталығындағы көпқабатты тұрғын үйлер жөнделуде.
Өткен жылы демеушілердің көмегімен 10 көппәтерлі үйлердің қас беттеріне сырлау-әктеу жұмыстары жүргізілсе, 6 көппәтерлі тұрғын үйлер шатырланып, аумақтары тазартылды. Бұл туралы Жалағаш ауданының әкімі Асылбек Шәменов Өңірлік коммуникациялар қызметінің ақпарат алаңында өткен баспасөз конференциясында мәлімдеді.
Ал аудандық бюджеттен 6 миллион теңге бөлініп, кенттегі 5 көппәтерлі тұрғын үйлерді күрделі жөндеу жұмыстарын жүргізуге жоба-сметалық құжаттары әзірленді. Жоба құны 43 млн. теңгені құрайды.
Сондай-ақ, «Нұрлы жер» бағдарламасы аясында 2020 жылы Жалағаш кентінен 10 несиелік тұрғын үй салынып, оның 3-і бағдарлама арқылы тұрғын үй кезегінде тұрған азаматтарға табысталды. Қалған тұрғын үйлерді баспана кезегінде тұрған азаматтарға бағдарламаға сәйкес табысталмақ. Биыл да бұл жұмыстар жалғасын тауып, 20 несиелік және 10 жалдамалы тұрғын үйлер салу жоспарлануда.

Жалағашта көпқабатты тұрғын үйлер жөнделуде

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде көктемгі көгалдандыру жұмыстары басталды. Бүгінде аулаға 2 мыңнан астам ағаш отырғызу жоспарланған.
<blockquote>
 «Өткен жылдың қыркүйек-қазан айларында мектепті көгалдандыру картасы жасалған болатын. Ғимараттың әрбір блоктары арасындағы территорияға жан-жақты зерттеу жүргізіліп, қандай ағаштар егілу қажеттілігін анықтадық», – дейді зерттеу тобының жетекшісі, биология пәнінің мұғалімі Ербол Қайнарбаев.
</blockquote>
Топырақтың ерекшелігіне сәйкес сол аймақтарда өсімі жақсы бейімделген талдар түрлері тандалып алынды. Жоспар бойынша 600 терек, 100-ден астам үйеңкі, 700-ге жуық бұта-терек, 100 қарағаш, 100 шаған, 65 катальпа отырғызылды. Сондай-ақ, 100-ге жуық қарағай мен арша секілді қылқанжапырақты көшеттер әкелініп, белгіленген аймақтарға егілетін болады.
Мектеп ауласында орналасқан бау-бақшада жеміс-жидек ағаштарының саны шабдалы, сары өрік, қара өрік және алмамен толығуда. Сонымен қатар, бүгінде оқушылар ұстаздарымен бірге тұқымдас ағаштарды бұдандастыру жұмыстарын қолға алып, алдағы уақытта ғылыми зерттеулер жүргізетін болады.
Айта кетейік, білім орданың аймағын жасыл алаңға айналдыру жұмыстарына мектептің барлық педагогикалық ұжымы үлес қосуда. Мектеп территориясын көріктендіру үшін топырақты өндеуге ерекше мән беріліп, суару мәселесін шешу үшін қосымша 4 ұңғыма орнатылды.

Мектепті көгалдандыру: 2000-нан астам тал егіледі

*<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда қалалық жұмыспен қамту орталығында «Бос жұмыс орындары жәрмеңкесі» өтті.*
Жәрмеңкеге&nbsp; 11 жұмыс беруші мекемеден&nbsp; 27 бос жұмыс орындары ұсынылды. Қалалық пробация&nbsp; қызметінің&nbsp; есебінде тұрған 9&nbsp; азамат жұмыс іздеуші ретінде қатысты. Жұмыс беруші мекемелерден &nbsp;электрик, слесарь, жүргізуші, есепші, аспазшы, тігінші мамандықтарына сұраныстар көп болды. Нәтижесінде пробация қызметінің есебінде тұрған&nbsp; 5 азамат&nbsp; «Sinooil» ЖШС, «Алтай Торг Сервис»ЖШС, «Автомобиль жол басқармасы»ЖШС &nbsp;мекемелеріне&nbsp; жұмысшы ретінде&nbsp; жолдама алды.
<blockquote>
 «Есепте тұрған сотталғандарды жұмысқа орналастыру олардың құқық бұзушылықтармен&nbsp; қайта қылмыс жасауларының алдын алу шараларының бірі болып табылады. Жыл басынан&nbsp; 32 есептегі азамат&nbsp; тұрақты жұмысқа орналастырылды. Бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында Қызылорда қаласы әкімдігінің&nbsp; қаулысымен жұмыс орындарына квота бекітілген. Есептегі жұмыссыз 24 адам&nbsp; квотамен жұмысқа орналасты»,- деді қалалық пробация қызметінің &nbsp;бастығы &nbsp;әділет подполковнигі Б.Наурызбаев.
</blockquote>

Қызылордада «Бос жұмыс орындары жәрмекесі» өтті

<a href="https://kyzylorda-news.kz/">Kyzylorda-news.kz.</a> Жалағаш ауданында өткен жылы 22 млрд теңгенің ауылшаруашылығы өнімі өндірілді.
Нәтижесінде облыста алдыңғы қатардан көрініп, «Үздік аудан» номинациясын жеңіп алды. 2020 жылы барлығы 36 750 га жерге ауылшаруашылығы дақылдары егілген. Оның 21600 гектары күрішке тиесілі. Диқандар әр гектарынан 69,2 центнерден өнім алды.
<blockquote>
 «Шаруашылықтарға суармалы суды жеткізіп беру қызметтері құнын арзандатуға, жұмсалған гербицидтерге, тұқым шаруашылығын дамытуға, минералдық тыңайтқыштарға, дақылдарды субсидиялауға мемлекет тарапынан 953 млн. теңге қаржы төленді. Көктемгі егістік жұмыстарына толық дайынбыз», – деді Жалағаш ауданының әкімі Асылбек Шәменов.
</blockquote>

Жалағашта 22 млрд теңгенің ауылшаруашылығы өнімі өндірілді

<a href="https://kyzylorda-news.kz/">Kyzylorda-news.kz.</a>&nbsp;Қазақ КСР-інің еңбек сіңірген сәулетшісі, Елтаңба авторы Шота (Шот-Аман) Уәлиханов 89 жасқа қараған шағында дүниеден өтті. Бұл суыт хабарды ҚР Мәдениет және спорт министрі Ақтоты Райымқұлова Instagram парақшасында хабарлады. Министр марқұмның туыстарына көңіл айтты.
<blockquote>
 «Қазақстан Республикасы Мəдениет жəне спорт министрлігінің атынан көрнекті сәулетші, профессор, Қазақстанның еңбек сіңірген қайраткері, «Құрмет», «Парасат», «Отан», «Даңқ» орденінің иегері, Қазақстан Республикасы мемлекеттік Елтаңбасының авторы, Тəуелсіз «Тарлан» сыйлығының лауреаты, ҚР сəулетшілер, дизайнерлер, жазушылар суретшілер одағының мүшесі, бүкіләлемдік Шыңғыс хан академиясының, Шығыс елдері Халықаралық сәулет академиясының, халықаралық сəулет академиясының академигі (Ресей Федерациясы) Шот-Аман Ыдырысұлы Уәлихановтың қайтыс болуына байланысты отбасы мен жақындарының қайғысына ортақтасып, көңіл айтамын. Шот-Аман Ыдырысұлы саналы ғұмырын сүйікті ісіне арнап, мағыналы өмір сүрген өз ортасына сыйлы, болмысы бөлек жан еді. Ол халқымыздың тарихындағы ардақты тұлғалардың ескерткішін жасап, ер есімін ел арасында ұлықтауға, сәулеті көз тартар ғимараттардың бой көтеруіне сүбелі үлес қосты. Бұл қатарда Елорда төріндегі Кенесары Қасымұлы, Қостанай қаласындағы Ахмет Байтұрсынұлы, Ерейментаудағы Бөгенбай батырдың, ШҚО-дағы хакім Абай мен Шәкәрімнің, Алматыдағы Шоқан Уәлиханов, Дина Нұрпейісова, Əліби Жангелдин, Тоқаш Бокин, Ғани Мұратбаев, Нұрмолда Алдабергенов, Талғат Бигелдинов, Жұмағали Саин, Тайыр Жароков, Тахауи Ахтанов, Əбу Сəрсенбаев, Дінмұхамед Қонаев, Тілес Қажығалиев, Құрманай Омарова, Нұрғали Тасмағамбетов, Шафик Чокинге арналған туындыны халық жақсы біледі. Сол сияқты Алматыдағы «Динамо» стадионы, Алматы қаласы əкімдігінің, қазақ-неміс университеті ғимаратының, Қарағандыдағы Космонавтика монументі сынды еңселі нысанның жобасын жасады. Сегіз қырлы, бір сырлы ағамыз еліміздің сәулет және бейнелеу өнерінің өзекті мәселелерін көтерген көптеген ғылыми мақаламен қатар бірқатар драмалық шығарма жазды. Олардың қатарында «Тағдыр», «Шоқанның анты», «Ақнұр», «Шоқанның ақ түндері», «Террор» атты пьесасы бар. Ғибратты азаматтың асыл бейнесі, ерен еңбегі туған-туыс пен қалың қазақтың көңіл төрі мен жүрек түкпірінде мəңгі сақталады. Марқұмның көзі тірісінде жасаған игі-жақсы амалдары алдынан жарылқасын. Жатқан жері жайлы, топырағы торқа, алды пейіш, арты кеніш болсын», – деп жазды Ақтоты Райымқұлова.
</blockquote>

Қазақстан және Қызылорда облысының жаңалықтары