<a href="https://kyzylorda-news.kz/">Kyzylorda-news.kz.</a> Коронавирус індеті қайта өршіп келеді. Қасым-Жомарт Тоқаев Коронавирус індетіне қарсы қабылданып жатқан шаралар жөнінде жиында осылай деді.
<blockquote>
 «Жалпы алғанда, қазіргі жағдайымыз жақсы емес. Тіпті, ахуал өте күрделі деп айтуға болады. Коронавирус індеті қайта өршіп келеді. Мұны Қазақстан ғана емес, көптеген елдер бастан өткеруде. Оның негізгі себебі вирустың мутацияланған жаңа штамдары болып отыр», – деді Мемлекет басшысы.
</blockquote>
Оған қоса, азаматтарымыз және бизнес өкілдері індеттен әбден қажып, соның салдарынан сақтық шараларына салғырт қарай бастағанын айтты.
<blockquote>
 «Бұл, әрине, жағдайды одан бетер ушықтыруда. Дегенмен көптеген сарапшылардың айтуынша, 2021 жылы жалпы ахуал жақсарып, қайта өсім болып, пандемиядан кейін азаматтардың тұрмыс сапасының артуына мүмкіндіктер бар», – деді Қасым-Жомарт Тоқаев.
</blockquote>

Қасым-Жомарт Тоқаев: Қазіргі ахуал өте күрделі деп айтуға болады

<a href="https://kyzylorda-news.kz/">Kyzylorda-news.kz.</a> Мемлекет басшысының төрағалығымен еліміздегі коронавирус індетіне байланысты эпидемиологиялық ахуал жөніндегі кеңес өтіп жатыр.
<blockquote>
 «Іс-шара барысында COVID-19 індетіне шалдыққан азаматтардың көбеюіне байланысты еліміздегі эпидемиологиялық ахуалды тұрақтандыруға бағытталған кешенді шаралар, сондай-ақ, халыққа вакцина салу мәселесі қарастырылады. Жиынға орталық мемлекеттік органдардың басшылары, аймақ әкімдері қатысады», деп жазған болатын Берік Уәли Facebook-тегі парақшасында.
</blockquote>

Мемлекет басшысының төрағалығымен коронавирус індетіне байланысты кеңес өтіп жатыр

<a href="https://kyzylorda-news.kz/">Kyzylorda-news.kz.</a>&nbsp; Аяжан Еділованың өлімінен кейін екі аптаға жуық уақыт өтті. Оқиғаның егжей-тегжейін Алматы қалалық ПД басшысының орынбасары Рустам Әбдірахманов айтып берді. Бұл туралы&nbsp;<a href="https://stan.kz/zhymisinan-kayta-oralmagan-almati-zhogalip-ketken-kizdi-344707/">“Караван”</a>&nbsp;басылымы жариялады.&nbsp;
Подполковник Рустам Әбдірахмановтың айтуынша, күдікті&nbsp;полицейлерге деген бірінші сөзі&nbsp;“Мен оның етін жеген жоқпын” болыпты. Марқұмның жақындарынан хабар келіп түскеннен кейін, тәртіп сақшылары жедел іздестіру шараларын жүргізіп,&nbsp;қыздың барған соңғы мекенжайын анықтаған. Алайда пәтер иесі есікті бірден ашпаған соң бұзып кіруге тура келген. Полицейлерді көрген ер азамат тамағына пышақ тығып, қолдары мен аяқтарып кесіп жіберген.&nbsp;
ПД өкілі марқұмның&nbsp;денесі&nbsp;табылған үй күдіктінің ағасына тиесілі. Өзі Бельгияға оқуға кеткендіктен, пәтерде інісінің тұруына рұқсатын берген.
Криминалистер тоңазытқыштан марқұмның терісін, қаптардан оның ішкі ағзаларын тапқан. Бұған қоса, күдікті бойжеткеннің басын қазанға салып қайнатқаны да расталды.&nbsp;
<blockquote>
 “Тек бас сүйегі ғана қалған. Қыздың денесінің кейбір бөліктерін күдікті түнде такси шақыртып, Бостандық ауданындағы Ә. Кекілбаев көшесіндегі қоқысқа тастаған. Мәйіттің қалған бөліктері пәтерден табылды”, – деді Әбдірахманов.&nbsp;
</blockquote>
Сонымен қатар, ол күдікті өз кінәсін мойындап, оқиғаның қалай болғанын айтып берді.&nbsp;
<blockquote>
 “Әлеуметтік желі арқылы танысып, бойжеткенді алдап, үйіне әкеліп алған. Аяжанның жұмысына такси шақыртып, үйінен шығып, жолға ақшаны өзі төлепті. Артынша үйде&nbsp;екеуінің арасында&nbsp;жанжал туып, күдікті қызды белдікпен қылқындырып өлтірген”, – деп қосты ол.&nbsp;
</blockquote>
Күдікті марқұмның денесінен қалай құтылу керектігін интернеттен тапқан, дейді полицей.&nbsp;
<blockquote>
 “Өлтірген соң бір жарым сағат не істерін білмеген. Түрмеден қорыққандықтан, мәйіттен құтылуға бел буған. Интернеттен қыздың денесін қалай құрту керек деп іздеп оқыған. Сосын ас үйдегі пышақпен оның денесін қонақ бөлмесіндегі еденде бөлшектеген”, – деді тәртіп сақшысы.&nbsp;
</blockquote>
Сондай-ақ, күдікті Түркістан облысында мектепті үздік бағамен бітіріп,&nbsp;С. Асфендияров атындағы медициналық университетке оқуға түскені айтылды. Бірақ кейіннен Шымкенттегі ЖОО-ға ауысқан. Бірақ сабаққа келмегені үшін оқудан қуылыпты.&nbsp;
ПД басшысының орынбасары күдіктінің сана-сезімі жайлы да айтып кетті.&nbsp;
<blockquote>
 “Оның психикалық жағдайы туралы сарапшылар баға береді. Менің ойымша, оның есі дұрыс, жаза қолданылатынын&nbsp;біліп отыр. Кейіннен анықталғандай, ол Құранды жетік меңгерген. Алдағы уақытта дінге берілмекші. Күдікті тергеу кезінде егер аман-сау түрмеден шықса, жастарды оқытамын дейді. Өзінің қателігін еске алып, оны басқалары қайталамас&nbsp;үшін күш жұмсамақшы”, – деді Әбдірахманов.&nbsp;
</blockquote>
Сөзінше, күдікті жазадан құтыла алмайды, ол заң алдында жауап беретін болады.&nbsp;
Басылым мәліметінше, күдікті бұған дейін жезөкшелерді үйіне шақырып, сан түрлі порносайттарды қарауды әдет қылған.
Алдағы уақытта биологиялық, генетикалық, психологиялық-психиатриялық сараптамалар жүргізілуде екен.

&#8220;Оның етін жеген жоқпын&#8221;: Аяжанның өліміне күдіктінің тергеушілерге не айтқаны белгілі болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы аумағындағы Сырдария өзенінің арнасы мұздан толықтай тазарды. Елді мекендерді су басу қауіпі жоқ. Бұл туралы Өңірлік коммуникациялар қызметінің ақпараттық алаңында өткен брифингте облыстық ТЖД бастығының орынбасары Саид Молдақараев мәлімдеді.
<blockquote>
 «Сең жүру кезінде облыстық жұмылдыру дайындығы басқармасы қызметкерлерімен бірлесіп өзенге жақын орналасқан елді мекендердегі 72 147 тұрғынға және 262 шаруақожалық иелеріне су басқан жағдайда қауіпсіз аймаққа көшу жөнінде түсіндірме жұмыстарын жүргіздік. Бүгінде Сырдария өзені толықтай мұздан тазарып, су тасқыны кезеңі аяқталды. Айта кететін жайт, биыл облысқа келетін судың аздығынан мұз жару жұмыстары жүргізілген жоқ»,- Саид Шазындаұлы.
 «Қазіргі таңда облысқа түсіп жатқан судың көлемі секундына 310 текше метрді құрап отыр. Ал Шардара қоймасында жиналған судың көлемі 5067 миллион және Көксарайда 1631,52 млн. текше метр су бар. Соңғы аптада жауған жауын-шашыннан қосылып жатқан суды есептей отырып, алдағы уақытта егіске қажеттісін кестеге сәйкес жіберу үшін жұмыс істейтін боламыз», – деді Арал-Сырдария бассейндік инспекциясының басшысы Сейілбек Нұрымбетов.
 «Қауіпті учаскелер тікұшақпен әуеге ұшу арқылы тексерілді. Барлық учаскеге бекітілген мамандар жұмыс жасауда. Одан бөлек, су тасқынына қарсы шараларға 117 жеке құрам, 25 техника, 9 жүзу құралы мен 34 мотопомпа дайындыққа келтірілді. Ал биыл облыста Сырдария өзенінің жалпы ұзындығы 3 шақырымнан асатын қорғаныс бөгеттерінің 5 учаскесі жөнделеді. Қазір екеуінде жұмыс басталып кетті», – деді облыстық жұмылдыру дайындығы басқармасының басшысы Усаин Медет.
</blockquote>

Сырдария өзенінен мұз қауіпсіз өтті

<a href="https://kyzylorda-news.kz/">Kyzylorda-news.kz.</a> 2 сәуір күні велоспорттан ҚР еңбек сіңірген жаттықтырушысы, ҚР спорт шебері Жетес Сүлейменовтің жүлдесіне арналған республикалық көпкүндік жарыс болады.
Биылғы жылы алғашқы мәрте ұйымдастырылған жарысқа Нұр-Сұлтан, Алматы, Шымкент қалаларынан және еліміздің он облысынан 15-16 жас аралығында 150-дей велошабандоз төрт кезең бойынша бақтарын сынайды.
Төрт күнге созылатын жарыстың алғашқы күні 15 шақырымдық жекелей жарыстан басталса, одан кейін 40, 50, 60, 80 шақырымдық топтық және 30, 50 шақырымдық айналма-топтық сайыстармен жалғасады.
Жарыстың салтанатты ашылуына құрметті қонақ ретінде велоспорттан тұңғыш Әлем чемпионы, КСРО-ға еңбегі сіңген спорт шебері Марат Сатыбалдиев пен ҚР еңбек сіңірген жаттықтырушысы Жетес Сүлейменов қатысады.
Жеңімпаз және жүлдегер спортшылар диплом, бағалы сыйлықтармен марапатталады.
Айта кетейік, жарысқа қатысушылар ертең сағат 11.00-де Тәуелсіздік даңғылы арқылы әуежай, Қызылорда-Шымкент трассасы бойымен өтеді.

Қызылордада ҚР спорт шебері Жетес Сүлейменовтің жүлдесіне арналған республикалық  жарыс өтеді

<a href="https://kyzylorda-news.kz/">Kyzylorda-news.kz.</a> Қызылорда облысында «Қайрымды істер» марафоны аясында Жастар ресурстық орталығының жанынан құрылған «Волонтерлар фронт-офис» еріктілері,&nbsp;«ҚазГерМұнай» компаниясы ұсынған жарамды компьютерлерді әлеуметтік тұрмысы төмен 10 отбасыға табыстады. Бұл туралы “Волонтерлар фронт офисінің” жетекшісі&nbsp;Болатбек Айтбенбетов мәлімдеді.
Сонымен қатар 8-наурыз халықаралық әйелдер күні мерекесіне орай, 1000 отбасына азық-түлік себеттері үйлестірілді.
<blockquote>
 «Халық» қайырымдылық қоры, «Қайрымды істер» марафоны аясында&nbsp; облысымызға жағдайы төмен, мүмкіндігі шектеулі балалар тәрбиелеп отырған 1000 отбасына азық-түлікпен көмек көрсетті. Сондай-ақ облыстық Жастар ресурстық орталығы, Волонтерлар фронт офисінің жанындағы әлеуметтік дүкеннен жыл басынан бері тұрмысы төмен 33 отбасы азық-түлік, тұрмысқа қажетті заттар, үй жиhаздарын және демеушілердің қолдауымен, Қызылорда тазалығының 25 жұмысшысына күріш қалталарын табыстады», – дейді Болатбек Айтбенбетов.
</blockquote>
Сонымен қатар облыс еріктілері тілсіз жаудан зардап шеккен отбасыларды да назардан тыс қалдырған емес.
Атап айтар болсақ, облыстық жастар орталығының бастамасымен волонтерлар фронт офисінің еріктілерімен “Ел-Арай” қоғамдық қорымен бірлесе өрттен зардап шеккен Ягодка, Сабалақ саяжайының тұрғындарына тұрмысқа қажетті тауарлар, киім-кешек, компьютер жиынтығы, төсек жабдықтарымен ыдыс аяқтар табысталды.

Қызылордада «Қайырымды істер марафоны» жалғасып келеді

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі бетпердеге жүрген құрттар туралы ақпаратты жоққа шығарды. Бірақ тиісті куәлігі бар медициналық маскаларды ғана сатып алуға кеңес беріп отыр, деп хабарлайды&nbsp;<a href="https://1tv.kz/">Еуразия бірінші</a>&nbsp;арнасы.
Соңғы күндері әлеуметтік желілер мен мессенджерлерде маскадағы “құртттар” туралы видеолар тарап жүр. Адамдар бетпердені ыстық судың буына қойып, қара талшықтардың қозғалғанын түсірген.
Біреулер оны “у” десе, енді біреулер “паразит” деп санайды. “Тамаққа әдейі жібереді” дейтіндер де бар. Содан “құрты” бар бетпердені тезірек құртуға тырысады.
Телеарна тілшілері де бетпердені ыстық будың үстіне қойып, эксперимент жасап көрген. Бірақ “құрттар” шықпады.&nbsp;
Ал осы видеодан кейін денсаулық сақтау министрлігі медициналық бетперделердің құжаттарын тексеруге кірісті. Әзірше, ешқандай заң бұзушылық анықталған жоқ. Дегенмен, санитариялық-эпидемиологиялық бақылау комитеті бетпердені сатып алғанда тиісті куәлікті талап етуге кеңес беріп отыр.
<blockquote>
 “Бүгінде медициналық маскалардың арасында қандай да бір құрт, я болмаса, “личинка” бар деген ақпарат шындыққа жанаспайды. Біз азаматтардан медициналық маскаларды тиісті куәлігі бар болса ғана сатып алуды өтінеміз. Ал құрт немесе “личинкасы” бар маскалар кездессе, фармацевтикалық бақылау комитетіне хабарласуды өтінеміз. Бүгінде ондай арызбен хабарласқан азаматтар жоқ”, – дейді комитеттің ресми өкілі Ержан Байтанаев.
</blockquote>
Ал халықтың көріп жүргені құрт емес. Бар болғаны материалдың ыстық бумен синтезделу нәтижесінде болатын процесс екен.

Мамандар бетпердеде &#8220;құрттар&#8221; қайдан жүргенін түсіндірді (ВИДЕО)

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев коронавирус індетіне қарсы қабылданып жатқан шаралар жөнінде жиын өткізеді. Бұл туралы президенттің баспасөз хатшысы Берік Уәли хабарлады.
<blockquote>
 “Бүгін түстен кейін президент Қасым-Жомарт Тоқаев коронавирус індетіне қарсы іс-қимыл жөнінде жиын өткізеді. Іс-шара барысында COVID-19 індетіне шалдыққан азаматтардың көбеюіне байланысты еліміздегі эпидемиологиялық ахуалды тұрақтандыруға бағытталған кешенді шаралар, сондай-ақ, халыққа вакцина салу мәселесі қарастырылады”, – деп жазды Уәли&nbsp;<a href="https://www.facebook.com/permalink.php?story_fbid=3703943253062413&id=100003403233694">фейсбукте</a>.
</blockquote>
Жиынға орталық мемлекеттік органдардың басшылары, аймақ әкімдері қатысады.

Қасым-Жомарт Тоқаев  бүгін маңызды жиын өткізеді

<a href="https://kyzylorda-news.kz/">Kyzylorda-news.kz.</a> Қызылорда қаласында карантиндік талаптардың сақталуын қадағалау бойынша мониторингтік топ тұрақты жұмыс жүргізуде.
31 наурыз күні мониторинг топ өкілдері Желтоқсан, Есенов, Қонаев, Толыбеков көшелері мен «Болашақ» аялдамасы аумағындағы кәсіпкерлік нысандарға мониторинг жүргізді. Соның нәтижесінде, 2 кафенің келушілерге караоке қызметін ұсынғандығы (караоке қызметіне тыйым салынған), бұдан бөлек компьютерлік клубы қызмет көрсетіп тұрғандығы анықталып, тоқтатылды.
Заң бұзушылыққа жол берген кәсіп иелеріне анықтама толтырылып, тиісті мекемеге жолданды. Бұл бағыттағы жұмыстар мониторингтік топпен тұрақты жалғасын табады.
<img src="https://kyzylorda-news.kz/wp-content/uploads/2021/04/167661337_2804815026451904_7362117420771054024_n.jpg" alt="" />

Қызылордада караоке мен компьютерлік клуб жұмысын тоқтатты

<a href="https://kyzylorda-news.kz/">Kyzylorda-news.kz.</a> Облыстық партия филиалының төрағасы, облыс әкімі Гүлшара Наушақызы Әбдіқалықованың қабылдауына келген қала тұрғыны Қызылорда қаласында өнер және мәдениет саласы өкілдеріне арналған арнайы тұрғын үй салынса деген ұсынысын жеткізді. Бұл өңірдегі өнер адамдарының статусын көтеруге, олардың абыройын әлемдік деңгейге жеткізуге, жағдайларын жақсартуға сондай-ақ, сыртта жүрген өнер тарландарын елге тартуға зор мүмкіндік.
«Қазақстан авторлар қоғамы» РМ Қызылорда облысы бойынша филиалының директоры Талғат Байкенов, өзінің өнерге деген жанашырлығын осылай білдірді. Ол мұнан бөлек, облыс көлемінде өткізілетін конценрттік шараларда Сыр елінде қалыптасқан Шиелі, Қармақшы, Арал жыр мектептерінің өнерін бөліп жармай, бірге өнер көрсетілсе сонымен қатар, күй өнерін дамыту үшін күйшілерді де концерттерге үнемі тартуды ұсынды.
Партия филиалының төрағасы, облыс әкімі өнер саласын қашанда қолдайтынын тілге тиек етіп, өнер және мәдениет саласы өкілдеріне арналған арнайы тұрғын үй салу мәселесін қабылданып жатқанын жаңа заң талаптарын зерделеу немесе кәсіпкерлердің қаржылай демеушілігімен шешу мүмкіндіктерін қарастырып көруді, жыр, күй өнерінің өкілдерін концерттік бағдарламаларға жиі қатыстыруды тиісті сала басшыларына тапсырды.
Жалпы өңір басшысының қабылдауына жазылған азаматтар тұрақты жұмыспен қамту, тұрғын үй, мүгедектікке шығару мәселелерін алға тартты. Мәселен, К.Бархатов есімді қала тұрғыны өзінің 20 жылдан бері «Созылмалы өкпе» диагнозымен ауыратындығын, бір өкпесінің жоқтығынан өзінің жұмысқа жарамсыз екенін алға тартып, 2020 жылы МСЭҚ-тың шешімі бойынша алынып тасталған 3-топтағы мүгедектігін қайта рәсімдеуге көмек сұрады.
Мәселені өзінің тікелей бақылауына алған аймақ басшысы нақты зерттеп, мүмкіндігінше заң тұрғысынан қарастыруды, облыс бойынша еңбек, әлеуметтік қорғау және көші-қон департаментінің басшысы Е.Ш.Жалғасбаевқа және азаматтың тұрақты емделуіне қолдау көрсетуді облыстық денсаулық сақтау басқармасының басшысы С.Б.Пазыловқа тапсырды.
Жалпы қабылдау барысында азаматтардың барлығының өтінішін облыстық партия филиалының төрағасы, облыс әкімі Гүлшара Наушақызы тікелей өзінің бақылауына алып, қолдау көрсетілетіндігін айтты. Аймақ басышысына тікелей өтініштерін білдірген азаматтар да көтерген мәселелерінің нақты шешімін табатындығын естіп, жақсы көңілмен тарқасты.

Қызылордада мәдениет майталмандарына арнайы үй салына ма &#8211; әкім жауап берді

<a href="https://kyzylorda-news.kz/">Kyzylorda-news.kz.</a>&nbsp;1 сәуірден бастап жылу электр станцияларының шекті тарифі орта есеппен 15%-ке көтеріледі. Тарифтерді көтеру жылу электр станцияларын жөндеу үшін қажет, деп түсіндірді энергетика министрлігі.
Энергия өндіретін 45 компанияның 37-сі шекті тарифті көтеруге өтініш берген.
Баға өскеннен кейін, электр энергиясын халыққа жеткізетін компаниялардың шекті тарифтері қайта қаралады.
Энергетика вице-министрі Қайрат Рахымов энергия өндіретін ұйымдардың тарифі көтерілгеннен кейін, басқа кәсіпорындардың қызмет ақысы өсуі мүмкін екенін ескертті.

Бүгіннен бастап электр энергиясы қымбаттайды

<a href="https://kyzylorda-news.kz/">Kyzylorda-news.kz.</a> Байқоңыр ғарыш айлағының адам денсаулығына зарбады орасан болып отыр. Бүгінде Қызылорда облысында онкологиялық және орталық жүйке жүйесі аурулары артуда, деп хабарлайды&nbsp;<a href="https://stan.kz/">Stan.kz</a>.
Мәжіліс депутаты Арман Қожахметов, бүгін парламентте осы мәселені көтерді. Оның айтуынша Ресей ғалымдары құлаған зымыран қалдықтарының қоршаған ортаға қауіптілігін анықтаған.
Мәжіліс депутаты Арман Қожахметовтің айтуынша, зымыран тасығыштарды ұшыруға қажетті гептилдің адам денсаулығына зардабы орасан. Ал әуе кемесінің қалдықтары құлаған аймақтарды залалсызданыруды ресейлік емес, қазақстандық компанияның жүргізгені жөн деп есептейді. Сондай-ақ, “Байқоңыр” ғарыш айлағының адам денсаулығы мен табиғатқа келтіретін зиянын толық тексеруді талап етті. &nbsp;
<blockquote>
 “Ракета қалдықтары түсетін аумақ тұрғындарын жаппай жыл сайын скринингтік тексерістен өткізу керек. Сонымен қатар, зиянды қалдықтар түскен территорияның толық зерттеп, гептилдің келтірген әсерін нақты анықтауымыз шарт. Қазақстандық ғалымдардың осы мәселені зерттеу жұмыстарын да қаржыландыруымыз шарт”, – дейді парламент мәжілісінің депутаты Арман Қожахметов.&nbsp;&nbsp;&nbsp;
</blockquote>
“Байқоңыр экомониторинг” қоғамдық бірлестігі әр зымыран тасығыш ұшырылғаннан кейін, Байқоңырда жел көтеретінін айтып отыр. Бұл тыныс жолдары ауыратын адамдарға қиындық тудырып жатқан көрінеді. Ал ракета қалдықтарын залалсыздандыру жұмыстарының көлеңкелі тұстары көп дейді қоғамдық қор төрағасы.
<blockquote>
 “Алдыңғы жылы “РосКосмос” Байқоңыр ғарыш айлағынан 4 қоқыс алаңын ашты.&nbsp; Енді өздері қалаған түрлі радиактивті қалдықтарды көміп жатыр. Қазақстан тарапы бұны еш қадағалап отырған жоқ. Бұл туралы Қызылорда облысы бойынша экология департаментіне тексеру туралы арыз жаздым. Олар маған ол коммерциялық аймақ екендігін айтумен шектеліп отыр”, – дейді “Байқоңыр экомониторинг” қоғамдық бірлестігінің төрағасы Марат Дәулетбаев.&nbsp;
</blockquote>
Мәжіліс депутатының айтуынша, құлаған зымыран бөлшектері адам денсаулығына кері әсерін тигізуде. Соның салдарынан Жезқазғанда қатерлі ісік аурулары өршіп барады дейді. Қызылорда облысындағы ахуал да мәз емес. Дәрігерлердің айтуынша 2019 жылмен салыстырғанда былтыр онкологиялық аурудан көз жұмғандар саны 12,7 пайызға өскен. Ең сорақысы ауру жасарып барады дейді ақ халаттылар.
<blockquote>
 “2019 жылмен салыстырғанда 2020 жылы 6,5 пайызға артқан. Бір күнде 21 адам қабылдаймын. Қазір онколгиялық аурулар жасарған. Мысалы жатыр мойынының қатерлі ісігін алатын болсақ, қазір жас қыздар ауырып жатыр.&nbsp; Анықтағанда олар көбіне асқынған сатысында келеді өкінішке орай”, – дейді Қызылорда облыстық онкологиялық орталығының дәрігері Алма Бапанова.&nbsp;
</blockquote>
Соңғы он жылда Қазақстан территориясында үш ракета апатқа ұшыраған. Ал мәжіліс депутатының есебінше, Байқоңыр ғарыш айлағы ашылғалы бері Қазақстан мен Алтай аумағына 600 ракетаның бөлшектері түскен. Ол орташа есеппен 3 мың тоннаны құрайды.

Қазақстан және Қызылорда облысының жаңалықтары

Қасым-Жомарт Тоқаев: Қазіргі ахуал өте күрделі деп айтуға болады

Мемлекет басшысының төрағалығымен коронавирус індетіне байланысты кеңес өтіп жатыр

“Оның етін жеген жоқпын”: Аяжанның өліміне күдіктінің тергеушілерге не айтқаны белгілі болды

Сырдария өзенінен мұз қауіпсіз өтті

Қызылордада ҚР спорт шебері Жетес Сүлейменовтің жүлдесіне арналған республикалық жарыс өтеді

Қызылордада «Қайырымды істер марафоны» жалғасып келеді

Мамандар бетпердеде “құрттар” қайдан жүргенін түсіндірді (ВИДЕО)

Қасым-Жомарт Тоқаев бүгін маңызды жиын өткізеді

Қызылордада караоке мен компьютерлік клуб жұмысын тоқтатты

Қызылордада мәдениет майталмандарына арнайы үй салына ма – әкім жауап берді

Бүгіннен бастап электр энергиясы қымбаттайды

Зымыранның зардабы: Қызылордада қатерлі ісікке шалдыққандар қатары көбейді

Қазақстан және Қызылорда облысының жаңалықтары

Қасым-Жомарт Тоқаев: Қазіргі ахуал өте күрделі деп айтуға болады

Мемлекет басшысының төрағалығымен коронавирус індетіне байланысты кеңес өтіп жатыр

&#8220;Оның етін жеген жоқпын&#8221;: Аяжанның өліміне күдіктінің тергеушілерге не айтқаны белгілі болды

Сырдария өзенінен мұз қауіпсіз өтті

Қызылордада ҚР спорт шебері Жетес Сүлейменовтің жүлдесіне арналған республикалық жарыс өтеді

Қызылордада «Қайырымды істер марафоны» жалғасып келеді

Мамандар бетпердеде &#8220;құрттар&#8221; қайдан жүргенін түсіндірді (ВИДЕО)

Қасым-Жомарт Тоқаев бүгін маңызды жиын өткізеді

Қызылордада караоке мен компьютерлік клуб жұмысын тоқтатты

Қызылордада мәдениет майталмандарына арнайы үй салына ма &#8211; әкім жауап берді

Бүгіннен бастап электр энергиясы қымбаттайды

Зымыранның зардабы: Қызылордада қатерлі ісікке шалдыққандар қатары көбейді

“Оның етін жеген жоқпын”: Аяжанның өліміне күдіктінің тергеушілерге не айтқаны белгілі болды

Мамандар бетпердеде “құрттар” қайдан жүргенін түсіндірді (ВИДЕО)

Қызылордада мәдениет майталмандарына арнайы үй салына ма – әкім жауап берді