Kyzylorda-news.kz. Бүгін аудан әкімі Мұрат Ергешбаев Әйтеке би кентіндегі тілсіз жаудан зардап шеккен тұрғынның отбасына арнайы барып, жағдайымен танысты.
Бұл үйде ІІ топ мүгедегі Жарас Бақбергенов өзінің отбасымен тұрады. Өрттің салдарынан тұрғын үйдің төбесі жанып кеткен. Сонымен қатар, үйдің ішіндегі пайдаланып отырған заттар да жанып кеткен. Оның ішінде Жарас Бақбергеновтің пайдаланып отырған аса қажетті бұйымдар да бар. Осыған үй иелері аудан басшысы Мұрат Ергешбаевқа бірінші кезекте Жарас Бақбергеновке қажетті заттар алып беру туралы өтініш айтты. Сонымен қатар, үйді қайта салуға көмек көрсетуді сұрады.
Өз кезегінде аудан әкімі Мұрат Ергешбаев ІІ топ мүгедегі Жарас Бақбергеновке қажетті заттармен қамтамасыз етуді аудандық әлеуметтік бағдарламалар, жұмыспен қамту және азаматтық хал актілерін тіркеу бөлімінің басшысы Совет Бабанаевқа тапсырды. Сондай-ақ, тілсіз жаудың құрбанына айналған отбасыны уақытша баспанамен қамтамасыз ету жағын қарастыруды тапсырды.
Айта кетейік, кеше кешкілік Әйтеке би кенті, Қазыбек би көшесі №7А үйден өрт шығып, өрт сөндіру бөлімі қызметкерлерінің көмегімен дер кезінде сөндірілген болатын.
<img src="https://kyzylorda-news.kz/wp-content/uploads/2021/04/fb_img_1618021869567.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618021873036.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618021881812.jpg" alt="" />

Мұрат Ергешбаев тілсіз жаудан зардап шеккен отбасының жағдайымен танысты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Халықаралық Savills компаниялар тобы 2020 жылдың қорытындысы бойынша тұрғын үйдің 1 шаршы метрінің орташа бағасы өте жоғары әлем қалаларын атады.
Рейтингке 31 қала кірді.
Жылжымайтын мүліктің 1 шаршы метрінің бағасы өте қымбат 10 қала:
Монако – €47&nbsp;600 (24.5 млн теңге).
Гонконг – €39 600 (20.2 млн).
Нью-Йорк – €22 200 (11.4 млн).
Токио – €20 400 (10.5 млн).
Женева – €19 100 (9.8 млн).
Шанхай – €17 400 (9 млн).
Лондон – €17 000 (8.7 млн).
Сидней – €15 900 (8.2 млн).
Париж – €15 600 (8 млн).
Сеул – €15 600 (8 млн).
27-31 аралығындағы соңғы орындарға Мадрид, Барселона, Дубай, Кейптаун, Куала-Лумпур жайғасқан. Оларда бір шаршы метрдің құны 6900 евродан (3,5 миллион теңге) 2500 еуроға (1,3 млн теңге) дейін өзгереді.
Рейтингке ТМД елдерінің арасынан Мәскеу кірді (19-орын), 1 шаршы метр үшін €10 600 (5,5 млн теңге).
<a href="https://24.kz/kz/zha-aly-tar/bylu-manyzdy/item/466481-t-r-yn-j-ba-asy-ymbat-lem-alalary-ataldy">Хабар 24</a>

Тұрғын үй бағасы қымбат әлем қалалары аталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> “Ауру – астан” деп бекер айтпайды халқымыз. Қандай ауру болса да дұрыс тамақ ішпеуден не артық ішуден пайда болады. Мұны қазіргі диетологтардың барлығы мойындады. Тамақ – аурудан емдеуші әрі ауруға шалдықтырушы да!
Қазір тамақ индустриясының дамуына байланысты азық-түліктің түр-түрі шығып жатыр. Америка кардиологы, диетолог Стивен Гандри “Парадокс растений” атты кітабында адамзаттың денсаулығы өткен ғасырдың 60-70-жылдары нашарлай бастады. Бұл – тамақ индустриясының қанат жаюымен дәлме-дәл келген уақыт. Содан бастап семіздік, қант диабеті, аутоиммунды аурулар, қатерлі ісік, артрит, қан қысымы, жүрек-қан аурулары, Паркинсон ауруы күрт көбейіп кетті. Диетолог қатерлі аурулардың көбеюіне себеп болған басты нәрсе – бұл адамзат рационы мен күтім құралдарының өзгеруі дейді.
Осында күрделі мәселені байқаған диетологтар мен кардиологтар тамақтану режімінің түрлі жолдарын іздестіріп, диетаның түр-түрін ойластырды. Қазір диетаның түрі көп. Бірақ бұлардың арасында сынға аз ұшырағаны әрі пайдасы бар екені азды-кем дәлелденген диетаның түрі –&nbsp;палеодиета. Басқаша айтқанда, аутоиммунды протокол. Бұл палеодиетаның 1970 жылы негізін қалаған – гастроэнтеролог Вальтер Л.Вёгтлин. Ал оны одан әрі дамытып, көпшілікке ұсынған, насихаттаған – Американың PhD-докторы&nbsp;Сары Балантейн&nbsp;(Sarah Ballantyne).
Доктордың сөзіне сенсек, өзі псориаз (теңге қотыр) бен Хашимото аутоиммунды тиреоидит атты аурумен жылдар бойы ауырған, жапа шеккен көрінеді. Диетаның ойлап табуына да осы себеп болған. Тамақтанудың түрлі тәсілдерін қолдана жүріп, мынадай ойға келеді. Ол “Палео подход” атты кітабында “Адамзат ағзасының, асқазан мен ішек құрылысының өзгермегеніне 4 мың жыл болды, яғни палеодәуірдегі адамзаттың асқорыту жүйесі бүгінде де еш өзгермеген. Демек қазіргі тамақтану стилін адамзат ағасы көтере алмауы мүмкін” деген ойды айтады.
Бұл диетаның негізі –&nbsp;көне дәуірде, нақтырақ айтсақ, палеолит дәуірінде, үңгірде өмір сүрген адамзаттың тамақтану жолын осы күнге әкелу. Яғни, қазіргі күндегі тамақтану мен азық-түлік түрлеріне адамзаттың ағзасы, әсіресе ішек құрылысы бейімделмегендіктен, көптеген аурудың себебіне айналып отыр дегенді алға тартады. Әсіресе, аутоиммунды аурулар күрт көбейген. Идея авторлары адамның өзі эволюциялық жағынан бейімделген тамақтану жүйесінен қазір тым алшақтап кетті, өз табиғатына өзі қарсы шығып жатыр дегенді айтады. Әсіресе ас қорыту мен ас сіңіру жүйесі өзіне таныс емес азық-түлікті қорыта алмай қиналады деседі.
Ал бұрынғы адамзат жер өңдеумен, мал бағумен айналысып, оған дейінгі ата-бабасы мүлдем мыңдаған жылдар бойы терімшілік пен аң аулаумен тіршілік еткені белгілі. Ол кездің азығы көкөніс, жеміс-жидек, балық, мал мен құстың еті, өсімдіктің тамыры мен дәні болды. Кейде жаңғақ, балды да жеудің реті келді. Қазіргідей нан мен астық, дәнді-дақыл өнімдерін, жартылай фабрикаттарды тұтынған емес.
<img src="https://massaget.kz/userdata/u75670/2021-04/resize/f15e9e7a9bc546df6e05defb07f52632.jpeg" alt="" />
Ғалымдардың бір бөлігі палеодиетаның әкелген бір жаңалығы – глютен құрамдас азық-түліктерге тыйым салуы дегенді алға тартады. Мұндай тағамдарға астық тұқымдас пен ұннан жасалған өнімдер жатады.
Палеодиетаның екінші бір атауы – аутоиммунды диета. Бұлай аталуының себебі қазіргі азық-түлік өнімдері ең алдымен адамның иммунды жүйесіне шабуыл жасайтынында.
Адамзат ағзасы ас-ауқат тұтыну арқылы иммунитетін, қорғаныш қасиетін жақсартатыны белгілі. Алайда ағзаға тұтынған азық-түлік жақпаса, иммунитетті жөндеудің орнына оны бұза бастайды. Содан аутоиммунды қабыну пайда болады. &nbsp;
Бұл қызық…
Палеодиетаны ұстанушылардың мысалға келтіретін бір дерегі бар. Ол – Африкада әлі күнге дейін терімшілікпен және аңшылықпен айналысатын тайпалардың өмірі. Бұл тайпаның адамдарында өркениетке қол жеткен халыққа қарағанда денсаулығы әлдеқайда жақсы көрінеді. Аутоиммунды ауру мен ішек рагына шалдыққандар мүлде жоқ.
Ал ішек флорасының құрамы азық-түліктің түр-түрімен тамақтанатын еуропалықтарға қарағанда әлдеқайда бай болып шыққан.
Швед дәрігері Стаффан Линдерберг он шақты жыл Жаңа Гвинея аймағындағы шағын аралда жер шаруашылығымен айналысатын китав тайпасының тіршілігін зерттеп, қазіргі ғылымға беймәлім дүниелерді ашады. Ол сол тайпаның 220 адамы мен шведтің 200-ден астам азаматын алып салыстырса, китав халқының ер азаматтарының денсаулығы шведтерге қарағанда әлдеқайда жақсы болғанын байқаған. Атап айтқанда, қанында холестерин аз, қан қысымы төмен әрі дене массасының индексі дәлме-дәл келген.
Не жеп, не жемеу керек
<img src="https://massaget.kz/userdata/u75670/2021-04/resize/7c50baa8a93e51192b39bf74b0b69dac.jpeg" alt="" />
Сонымен, палеодиета өкілдері соңғы 4 мың жылда пайда болған азық-түлік өнімдерінің бәрін тамақ рационынан алып тастауды, оның орнына терімшілік пен аңшылық дәуіріндегі тамақтану түрін енгізуді құп көреді. Сондықтан сүт және нан өнімдерін дастарханнан мүлде алып тастау керек дейді. Әрі бұл диетаны ұстанушылар азықты “жеуге болады” және “болмайды” деп нақты бөліп тастайды да, жеуге болатынын ғана өмір бойы тұтынуды жөн санайды. Сары Балантейн бастаған диетологтар тағамдардың арнайы тізімін жасап, оған “аутоиммунды протокол” деп атау берген.
Жеуге болады:
– Малдың еті мен құс еті. Жайылған, өрісте жүрген малдың етін жеуді ұсынады. Етті қайнатып не буға пісіріп жеу. Аптасына бес рет. Одан көп болса тіпті жақсы.
– Сүйекті қайнатып, сорпасын ішуді ұсынады.
– Балық пен теңіз өнімдері. Аптасына үш рет. Одан көп болса тіпті жақсы.
– Өсімдік майынан тек зәйтүн, кокос пен авокадоны ұсынады.
– Көкөністің барлық түрі және көкшөп
– Жеміс-жидекті жеуге болады, бірақ аздап, өйткені қанда глюкоза көбейіп кетуі мүмкін;
– Шай мен шөп шай, қайнатылған тұнба
– Аздаған бал.
Ал жеуге болмайтыны:
– Сүт өнімдері, ірімшік, құрт-май бәрін рационнан алып тастаймыз;
– Дәнді-дақыл (күріш, қарақұмық, асбұршақ), астық өнімдерінің (нан, тәтті-пәтті) бәрі шетке ысырылады;
– Жұмыртқа
– Жаңғақтың барлық түрі
– Қант өнімдері
– Алкогольді ішімдік
Палеодиетаны сынаушылардың уәжі
Бұл диетаға сын көзбен қарайтындар бар. Жалпы диетаның қай түрін алсақ та, оған қарсы уәж айтушылар табылады.
Дәрігерлер аутоиммунды протоколдың созылмалы ауруларды жазып, асқазан мен ішек жұмысын жақсартатынын мойындайды. Алайда мұндай диетаны дәрігермен келісіп, анализ бен қосымша тексерістерден өтіп барып, жеуге болатынын тағамның тізімін жасау керек дегенді айтады.
Диетологтардың күмәні мына жерде. Олар мұндай диетаны ұстанушылардың көп ет жейтінін, ал мұның асқазан жарасы мен атеросклерозға алып келетінін айтады. Етті шектен тыс көп тұтыну тік ішек қатерлі ісігіне алып келуі мүмкін дейді.
Аңшылық кезеңіндегі адамдар күнде ет жемеген. Өйткені қанжыға кейде майланады, ал кейде жоқ. Сондықтан палеопротоколды ұсынушылардың ежелгі дәуірдегі адамдарды өмір бойы ет жеді дегенді дәлелдей алмайтынын айтады.
Қорытынды
Диета – қазіргі күннің шындығы. Бірақ оны емдеуші дәрігердің келісімімен, нұсқауымен барып қолданған жөн. Әрине, ата-баба ұсынған, ғасырлар бойы халық білімімен толыққан ілімді қолданған да жөн. Мәселен, қазақ халқының бұдан бір-екі ғасыр бұрынғы тамақтану мәдениетін тұтынғанымыз да орынды. Алайда мұның бәрі шекпен және қазіргі медицинамен үйлескені болуы шарт.&nbsp;
<a href="https://massaget.kz/arnayyi_jobalar/zdorove/64861/">Massaget.kz</a>

Ата-баба диетасы: Аутоиммунды протоколдың пайдасы

Kyzylorda-news.kz. Қазалы ауданындағы «Өрімтал» бөбекжай-балабақшасына дезинфекциялау жұмыстары жүргізілді.
Айта кетейік, аталған мектепке дейінгі білім беру мекемесінен вирустық инфекция анықталған болатын. Бүлдіршіндердің денсаулық қауіпсіздігін қамтамасыз ету мақсатында коронавирус инфекциясы анықталған тәрбиеленушінің тобындағы барлық бүлдіршіндер мен топтың 3 тәрбиешісі және 1 тәрбиеші көмекшісі үй карантиніне жіберілді. Қазіргі таңда барлығының жағдайы жақсы, тұрақты бақылауда.

Қазалыдағы &#8220;Өрімтал&#8221; балабақшасына дезинфекциялау жұмыстары жүргізілді

Kyzylorda-news.kz. Қазақстанда өткен тәулікте 2734 адамда коронавирус індеті ПТР-сынама арқылы расталды, деп хабарлайды coronavirus2020.kz.
Өңірлер бойынша:
Алматы қаласында – 40370 (+715),
Нұр-Сұлтан қаласында – 35001 (+548),
Шығыс Қазақстан облысында – 23259 (+59),
Павлодар облысында – 19433 (+37),
Атырау облысында – 19741 (+146),
Қарағанды облысында – 18886 (+171),
Ақмола облысында – 15997 (+99),
Батыс Қазақстан облысында – 16140 (+130),
Алматы облысында – 16234 (+369),
Қостанай облысында – 14128 (+32),
Солтүстік Қазақстан облысында – 13277 (+44),
Шымкент қаласында -7469 (+85),
Жамбыл облысында – 6690 (+39),
Ақтөбе облысында – 6402 (+166),
Түркістан облысында – 4661 (+21),
Маңғыстау облысында – 4659 (+31),
Қызылорда облысында – 4330 (+42).
Жалпы, пандемия басталғалы ел бойынша 266 677 адам коронавирус жұқтырды.

Кызылордада өткен тәулікте 42 адамнан коронавирус анықталды

Kyzylorda-news.kz. Синоптиктер 10 сәуір күні ел аумағында ауа райы қандай болатынын айтты, деп хабарлайды Қазгидромет.
ҚР территориясының басым бөлігінде атмосфералық фронттардың өтуіне байланысты тұрақсыз ауа райы сақталады.
Республиканың солтүстігінде, шығысында және орталығында жауын-шашын жауады. Қалған аймақтарында жаңбыр жаумайды, күн ашық болады. Кей жерлерде тұман түсіп, жел күшейеді.
Республиканың оңтүстік және оңтүстік-батысында шаңды дауыл соғады, солтүстікте көктайғақ болады.
Қарағанды облысының кей жерлерінде тұман түседі, күндіз кей жерлерде жел екпіні 15-20, 25 м/с жетеді.
Ақмола облысының кей жерлерінде тұман түсіп, көктайғақ болады. Таңертең және күндіз жел қарқыны 15-20 дейін күшейеді. Облыстың оңтүстік-шығысында жел жылдамдығы – 23 м/с.
Күндіз Батыс Қазақстан, Ақтөбе, Павлодар, Шығыс Қазақстан облыстарының кей жерлерінде желдің күші 15-20 м/с жетеді. Түнде Шығыс Қазақстан облысының кей жерлерінде тұман түседі.
Жамбыл, түнде Қостанай облыстарының кей жерлерінде жел екпіні 15-20 м/с дейін күшейіп, кей жерлерінде тұман бақыланады.
Түркістан облысының кей жерлерінде жел қарқыны – 15-20 м/с. Аймақта шаңды дауыл соғады.
Күндіз Қызылорда, Маңғыстау облыстарының кей жерлерінде жел 15-20 м/с жетеді, шаңды дауыл соғады. Таңертең және күндіз Маңғыстау облысында теңіз жағалауында тұман түседі.
Атырау облысының кей жерлерінде жел жылдамдығы 15-20 м/с дейін күшейеді, күндіз шаңды дауыл тұрады. Солтүстік Қазақстан облысының кей жерлерінде тұман түседі.

10 сәуірге арналған ауа райы болжамы

Kyzylorda-news.kz. Бүгін ҚР Премьер-Министрі Асқар Мамин жұмыс сапарымен Қызылорда облысының Байқоңыр қаласына барды. Сапары аясында Үкімет басшысы Асқар Мамин, «Роскосмос» ғарыш қызметі жөніндегі мемлекеттік корпорациясының бас директоры Дмитрий Рогозин және облыс әкімі Гүлшара Әбдіқалықова бірқатар нысандарды аралады.
Аймақ басшысы Премьер-министр Асқар Маминге Байқоңыр қаласының әлеуметтік-экономикалық даму мәселелері бойынша атқарылған жұмыстарды атап өтті. Сондай-ақ, қаланы газдандыру және сумен жабдықтау, туристік инфрақұрылымды дамыту мәселелеріне тоқталды. 
Соңғы 30 жылда алғаш рет Байқоңыр қаласының бас жоспарына сәйкес республика есебінен 50 пәтерлік 5 тұрғын үй салынып, пайдалануға берілді. Биыл тағы бес көпқабатты үйдің құрылысын бастау жоспарлануда.
Қалада барлық көпқабатты үйлер мен бірқатар шағын және орта бизнес кәсіпорындары газбен қамтылған, табиғи газға төлеу тарифі Қызылорда облысымен бірыңғай тарифке тең. Сонымен қатар, сумен жабдықтау және су бұру жүйелерін жаңарту жұмыстары жүргізілетін болады. 2021 жылы 901,2 млн.теңге қаржы көлемінде кәріз су жүйелерін қайта құру жұмыстары жоспарлануда. Яғни кәріз су желілерінің 11,4 шақырымы қайта жаңартылады.
Өткен жылы Байқоңыр қаласында «Жұмыспен қамтудың Жол картасы – 2020» бағдарламасы арқылы 11 жоба жүзеге асып, 306 адам жұмысқа алынған. Сондай-ақ, 1552 азамат «Еңбек» мемлекеттік бағдарламасы аясында еңбекпен қамтылған.
Байқоңыр қаласында атқарылған жұмыстарды саралаған Премьер-Министр Асқар Мамин Байқоңыр қаласы мен оған жақын орналасқан Ақай және Төретам ауылдарындағы инфрақұрылым нысандарын қаржыландыру тетіктерін қарастыруды тапсырды.
Мұнан кейін Үкімет басшысы Асқар Мамин мен облыс әкімі Гүлшара Әбдіқалықова «Союз МС-18» басқарылатын кораблінің ұшырылуын және оның Халықаралық ғарыш станциясымен түйісу сәтін бірге бақылады. Сондай-ақ, Премьер-Министр адамның ғарышқа алғаш ұшуының 60 жылдығына арналған конференцияның пленарлық отырысына қатысып, ҚР Президенті Қасым-Жомарт Тоқаевтың шараға қатысушыларға арнаған сөзін оқып берді.
<blockquote>
 «Міне, 65 жыл бойы әлемдегі ең ірі ғарыш айлағы болып келген Байқоңыр ғарыш айлағынан 150 ғарышкер кең байтақ ғаламды игерді. Олардың қатарында қазақстандық ғарышкерлер Тоқтар Әубәкіров, Талғат Мұсабаев және Айдын Айымбетов бар. Қазақстан мен Ресейдің одан әрі белсенді және жемісті ынтымақтастығы ғарыштық зерттеулер мен басқарылатын ұшулар саласындағы бірлескен жобалар мен бағдарламаларды іске асыруға ықпал ететініне сенімдімін»,- деді А.Мамин.
</blockquote>
Айта кетейік, конференцияның пленарлық отырысына «Роскосмос» мемлекеттік корпорациясының басшысы Дмитрий Рогозин, ҚР цифрлық даму, инновациялар және аэроғарыш өнеркәсібі министрі Бағдат Мусин, NASA әкімшісінің орынбасары Кеннет Бауэрсокс, қазақстандық ғарышкерлер Тоқтар Әубәкіров, Талғат Мұсабаев, Айдын Айымбетов және Мұхтар Аймаханов, «One Web», «SES Networks» спутниктік операторларының басшылығы қатысты.
<img src="https://kyzylorda-news.kz/wp-content/uploads/2021/04/fb_img_1617988072838.jpg" alt="" />

ҚР Премьер-министрі Асқар Мамин жұмыс сапарымен Байқоңыр қаласына барды

Kyzylorda-news.kz. Қызылорда облыстық білім басқармасының бұйрығымен, 2021 жылғы 08 сәуірдегі конкурс нәтижесінде облыстық “Дарын” қосымша білім беру орталығы директоры лауазымына Айжан Қиянбекова тағайындалды.
Бүгін жаңа басшыны ұжымға облыстық білім басқармасының басшысы Ақзира Қасымова таныстырып, қызметіне сәттілік тіледі.
Қиянбекова Айжан Тұрғанбекқызы 1982 жылдың 7 қарашасында Шиелі ауданы, Бидайкөл ауылында туған. 
Білімі жоғары. Қызылорда «Сейхун» академиясының «тарих пәнінің мұғалімі» мамандығы, Қорқыт ата атындағы мемлекеттік университет «Экономика» факультетін бітірген. 
Еңбек жолын Шиелі аудандық білім бөлімі түзілім кабинетінде әдіскер ретінде бастаған. Психологиялық-дәрігерлік-педагогикалық консультацияда әлеуметтік педагог, Шиелі аудандық білім бөлімінің әдістемелік кабинетінде әдіскер қызметін атқарған. 2010-2013 жылдары «Қазатомөнеркәсіп-Демеу»ЖШС «Демеу-Шиелі» филиалы «Арман» мәдениет үйінің көркемдік жетекшісі, медико санитарлық бөлімінің азық-түлік тауарларымен жабдықтау жөніндегі агенті қызметінде жұмыс атқарған. 
2015 жылдан осы кезеңге дейін Қызылорда облысының білім басқармасының балалар мен жасөспірімдерді әлеуметтік қорғау бөлімінің бас маманы болып қызмет атқарған.
ҚР Президентінің Алғысы, Қазақстан Республикасы Білім және ғылым министрінің Құрмет грамотасы, Алғыс хатымен марапатталған.
<img src="https://kyzylorda-news.kz/wp-content/uploads/2021/04/fb_img_1617987511100.jpg" alt="" />

Облыстық &#8220;Дарын&#8221; қосымша білім беру орталығының директоры тағайындалды

Сұрақ:&nbsp;Мен студентпін, сабағымды жақсы түсіну үшін кейбір күндері ораза тұтпасам, кейін қазасын ұстасам бола ма?
Жауап:&nbsp;Ораза ұстау сабақтарыңа кедергі болмайды. Керісінше жақсы түсінуің үшін көмекші болады. Қарын қатты тоқ болса адамның миы жақсы жұмыс істемейді. Аш адамның зеректігі ашылып, түсіну қабілеті күшейеді. Бұл әлі тек медициналық жағы. Ал ораза тұтқанда Аллаһу та’аланың жаудыратын рахметі, мейірімі мүлдем бөлек. Оны түсінуге ақыл жетпейді.
Сабақ үшін ораза тұтпау харам болады. Рамазанның күнінде ораза ұстау үлкен ниғмет болып табылады. Бұл ниғметтен махрұм қалмау керек. Ораза ұстауды үлкен олжа деп білу керек. Хадис шәрифте былай бұйырады:
«Рамазанда бір күн ораза тұтпаған адам, оның орнына бүкіл бір жыл ораза тұтса да, әлгі бір күннің сауабына қауыша алмайды.»&nbsp;(Тирмизи)
Рамазаннан басқа уақыттарда өмір бойы ораза тұтатын болса да рамазанда тұтылған бір күндік оразаның сауабына қауыша алмайды. Бір хадис шәрифте былай бұйырады:
«Аллаһ разылығы үшін бір күн ораза тұтқан адамды Аллаһу та’ала, бір күндік ораза себебімен жаһаннам отынан 70 жылға алыстатады.»&nbsp;(Бұхари, Муслим, Тирмизи, Насаи, Ибни Маже)
Сұрақ:&nbsp;Дәрет алғанда немесе ауызды шайғанда қалған ылғалды жұту оразаны бұзады ма?
Жауап:&nbsp;Ауызды шайғаннан кейін ауызда қалған ылғалды түкірікпен жұту оразаны бұзбайды.
Сұрақ:&nbsp;Аузы берік екендігін ұмытып ішіп жесе ораза бұзылады ма?
Жауап:&nbsp;Бұзылмайды, есіне түскенде тоқтатуы керек.
Сұрақ:&nbsp;Тұмау ауруына байланысты мұрнымнан су ағуда, оны қақпай ішке қарай жұтуым оразаны бұзады ма?
Жауап:&nbsp;Бұзбайды.
Сұрақ:&nbsp;Ауыздағы түкірікті, қақырықты жұту оразаны бұзады ма?
Жауап:&nbsp;Ешқайсысы бұзбайды.
Сұрақ:&nbsp;Сәре тамағын жеп болып, имсак уақытына жақын тісімді тіс пастасымен жуамын. Аузымды қанша шайғанмен дәмі аузымда сезіледі, бұл жағдай оразаны бұзады ма?
Жауап:&nbsp;Бұзбайды.
Сұрақ:&nbsp;Ораза кезінде дәрет алғанда ауызға, мұрынға суды аз алуға бола ма?
Жауап:&nbsp;Ия, болады.
Сұрақ:&nbsp;Гель, крем, дезодорант қолдану оразаны бұзады ма?
Жауап:&nbsp;Ешқайсысы бұзбайды.
Сұрақ:&nbsp;Қол, бет, дене лосьондары немесе кремдерінің құрамында спирт болғаны үшін, намаз оқығанда және ораза тұтқанда бұл кремдерді қолданбау керектігі, нәжіс саналатыны дұрыс па?
Жауап:&nbsp;Жоқ, мұндай қоспа спирттер кешірілген болып саналады.
Сұрақ:&nbsp;Құлаққа дәрі тамызу оразаны бұзады ма?
Жауап:&nbsp;Ия, бұзады.
Сұрақ:&nbsp;Рамазанда аузым берік кезде әйелімді сүюім оразаны бұзады ма?
Жауап:&nbsp;Қарапайым сүю (мәселен үйден шығарда қоштасу секілді) жаиз болады. Ал шәхуатпен (құмарлықпен) сүю жаиз емес. Жүніп болу қауібі бар болса сүю мәкрух болады. Сүйгенде жүніп болса оразасы бұзылады және қазасын ұстауы керек болады. Малики мазһабында ораза кезінде әйелін сүю харам болады.
Сұрақ:&nbsp;Бір себепке байланысты ораза ұстай алмаған адам ол күні құран кәрімді оқи ала ма, тарауих намазын оқи ала ма?
Жауап:&nbsp;Ораза, намаз және құран оқу бірбіріне байланысты ғибадат емес. Бір себеппен ораза ұстай алмаған адам, құран кәрім оқиды, бес уақыт намазын да, тарауих намазын да оқиды.
Сұрақ:&nbsp;Ораза кезінде құлағым суықтап құлық ағуы оразаны бұзады ма?
Жауап:&nbsp;Бұзбайды. Оразада көбіне денеден шыққан нәрселер оразаны бұзбайды. Мәселен қан алдыру оразаны бұзбайды. Бірақ өз қалауыңмен ауыз толтырып құсатын болса ораза бұзылады. Оразаны көбінесе денеге кірген нәрселер бұзады, мәселен укол салдыру оразаны бұзады.
Сұрақ:&nbsp;Қан алдырғанда ораза бұзылады ма?
Жауап:&nbsp;Бұзылмайды.
Сұрақ:&nbsp;Ораза кезінде құлақты мақталы шимен тазалау оразаны бұзады ма?
Жауап:&nbsp;Шафии мазһабында бұзады, Ханафи мазһабында бұзбайды.
Сұрақ:&nbsp;Душ алғанда құлаққа сабынды су кірсе ораза бұзылады ма?
Жауап:&nbsp;Бұзылмайды.
Сұрақ:&nbsp;Ауыз берік кезде мұрынға тартқан су ауыздан шықса ораза бұзылады ма?
Жауап:&nbsp;Бұзылады. Мұрынға дәрі тамызу секілді суды да тартқанда тамағымыздан шықса ораза бұзылады, қазасын ұстау керек.
Сұрақ:&nbsp;Ара шақса ораза бұзылады ма?
Жауап:&nbsp;Бұзылмайды.
Сұрақ:&nbsp;Ауыз берік кезде ғұсыл алу оразаны бұзады ма?
Жауап:&nbsp;Ғұсыл алумен ораза бұзылмайды. Бірақ ауыздан, мұрыннан ішке су кіретін болса немесе судың ішіне отырса (ваннаға, бассейнге) немесе іш дәрет алғанда ішке су кірсе бұзылады.&nbsp;&nbsp;&nbsp;
Сұрақ:&nbsp;Жарылған ерінге немесе қолға вазелин, крем жағу оразаны бұзады ма?
Жауап:&nbsp;Жоқ, бұзбайды.
Сұрақ:&nbsp;Ауруханада асқазанды тексеру үшін бір ұшы сыртта бір ұшы асқазанға салынатын құрал оразаны бұзады ма?
Жауап:&nbsp;Бұзбайды.
Сұрақ:&nbsp;Ораза тұту харам болған айлармен күндерді жазасыздар ма?
Жауап:&nbsp;Ораза тұту тек айт күндері харам болады. Бір жылда бес күн. Яғни құрбан айттың төрт күні және рамазан айттың бірінші күні тұтуға болмайды. Қалған күндердің бәрінде ораза тұтуға болады.

Оразаға қатысты жиі қойылатын сұрақтар

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сыбайлас жемқорлыққа қарсы іс-қимыл агенттігінің аса маңызды ісі бойынша тергеушісі Данияр Бегайдаров төрт жыл бойы айыппұлдарды заңсыз өшіріп келген полицейлердің ісі туралы мәлімет берді, деп хабарлайды <a href="https://lenta.inform.kz/kz/ayyppuldardy-zansyz-esepten-shygargan-policeylerdin-isi-sotka-zhetti_a3774495">ҚазАқпарат</a>.
<blockquote>
 «Алматы қаласы бойынша сыбайлас жемқорлыққа қарсы қызмет өкілдері жергілікті полиция департаментінің қызметкерлеріне қатысты қылмыстық істі аяқтады. Тергеу көрсеткендей, полиция қызметкерлері 2016 жылдан бастап, бұрын сотты болған азаматты делдал ретінде тарту арқылы ұйымдасқан қылмыстық топтың жұмысын үйлестіріп отырған. Олар 2020 жылы әшкере болғанға дейін бұл әрекеттерін жалғастырып келген. Осылайша ұйымдасқан өкілдері лауазымдық өкілеттіктерін пайдаланып, жол қозғалысы ережелерін бұзуға байланысты туындаған азаматтардың әкімшілік айыппұлдарын есептен шығарып отырған» – деді аса маңызды істер жөніндегі тергеуші.
</blockquote>
Оның мәліметінше, аталған қылмыстық әрекеттерден мемлекетке 247 млн теңгеден астам аса шығын келген.
<blockquote>
 «Қазіргі уақытта айыпталушылар тиісті бұлтартпау шаралары қабылданып, Алматы қаласының қылмыстық істер жөніндегі мамандандырылған ауданаралық сотына берілді. Түпкілікті шешімді сот қабылдайды», – деді Данияр Бегайдаров.
</blockquote>

Айыппұлдарды заңсыз есептен шығарған полицейлердің ісі сотқа жетті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;2021 жылдың 26 сәуірінен бастап «Бастау Бизнес» жобасы аясында кәсіпкерлік жүргізу негіздеріне арналған оқытудың тегін курстары басталатын болады.
Халықты жұмыспен қамту орталықтарында тіркелген-тіркелмегеніне қарамастан жұмыссыз адамдар, Қазақстан Республикасының Үкіметі айқындайтын жұмыспен қамтылған адамдардың жекелеген санаттары оқыту қатысушылары болып табылады, оның ішінде:
– ауылдық елді мекендерде, қалаларда, оның ішінде моно және кіші қалаларда тұратын адамдар;
– мүгедектер, егер медициналық қорытынды бойынша денсаулығы еңбек міндеттерін орындауға кедергі келтірмесе не олардың денсаулығына және (немесе) басқа адамдардың еңбек қауіпсіздігіне зиян келтірмесе;
– зейнеткерлік жасқа жетпеген елу жастан асқан адамдар;
– сондай-ақ NEET санатындағы жастар;
– табысы аз және/немесе көпбалалы отбасылардың мүшелері;
– ауыл шаруашылығы кооперативтері және олардың «Қазақстан Республикасында зейнетақымен қамсыздандыру туралы» Қазақстан Республикасы Заңының 11-бабының 1-тармағында белгіленген зейнеткерлік жасқа жетпеген мүшелері;
– қоныс аударушылар және оралмандар.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Оқу мерзімі 21 күннен аспайды. Оқыту қорытындысы бойынша бағдарлама қатысушыларына сертификат беріледі.
Жоба шеңберінде оқыту үшін қатысушылар халықты жұмыспен қамту орталықтарына жеке басын куәландыратын құжаттың көшірмесін қоса бере отырып, оқудан өту туралы өтінішпен жүгінуі тиіс. Халықты жұмыспен қамту орталықтары үміткердің мәртебесін жобаның нысаналы тобына сәйкестігі расталған жағдайда оқуға жолдама береді.
Өтініш беруші оқуға жолдамамен «Атамекен» ӨКП-не немесе оның аудандық және қалалық филиалдарына оқуға қабылдау үшін жүгінеді. Коронавирус ауруының қаупін азайту мақсатында оқыту «Atameken Academy» онлайн платформасы арқылы қашықтықтан жүзеге асырылады.
Толық ақпарат алу үшін Қызылорда облысының аудандары мен қалаларындағы кәсіпкерлерге қызмет көрсету орталықтарына хабарласу қажет:
Қызылорда қаласы – Қорқыт ата к-сі, №123, тел: 8/7242/400874
Арал ауданы – Арал қ., Бақтыбай батыр к-сі, №46 үй, тел: 8/72433/79199
Қазалы ауданы – Әйтеке би кенті –Пірімов к-сі, №138а үй,
тел: 8/72438/79243
Қармақшы ауданы – Жосалы кенті, Көшербаев к-сі, №36 үй, тел: 8/72437/79120
Жалағаш ауданы –&nbsp; Жалағаш кенті, Үркімбаев к-сі, №33А үй, тел: 8/72431/79199
Сырдария ауданы – Тереңөзек кенті, Қонаев к-сі, № 12 А үй, тел: 8/72436/79179
Шиелі ауданы –&nbsp; Шиелі кенті, Рысқұлов к-сі, №5 үй, тел: 8/72432/79255
Жаңақорған ауданы –&nbsp; Жаңақорған кенті, ул.Хорасан ата, №177б үй,&nbsp;тел: 8/72435/79120
Қармақшы ауданы – Байқоңыр қаласы, Абай даңғылы №16, тел: 8/33622/23527
Анықтама үшін телефон: 40-09-81, 40-02-02
Сall-Center – 1432

Қызылордада «Бастау Бизнес» жобасы аясында оқу басталады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Жалағаш ауданында Қазақстан Мұсылман Діни басқармасының төрағасы, Бас мүфти Наурызбай қажы Тағанұлының, аудан әкімі Асылбек Шаменовтың қатысуымен 900 орындық «Иманқұл» мешітінің ашылу рәсімі өтті.
Ашылу рәсімінің алғы сөзін Қазақстан Мұсылман Діни басқармасының төрағасы, Бас мүфти Наурызбай қажы Тағанұлы алып, жаңадан бой көтерген мешіттің халқымызды имандылыққа тәрбиелеуде алар орны ерекше екенін атап өтті.
Шарада аудан әкімі Асылбек Шаменов сөз алып, жаңа мешіттің ашылуымен құттықтады.
<blockquote>
 «Бұл мешіт– қасиетті Рамазан айының қарсаңында, ұлтымыздың ұлық мерекесі – ел тәуелсіздігінің 30 жылдығы аясында ашылып отыр.Тәуелсіздік алған жылдар ішінде елімізде дін саласында үлкен жұмыстар атқарылды. Ел тізгіні өз қолымызға тиген сонау 1991 жылдардан бері барлық ауылдық округтерде мешіттер бой көтерді. Елім деген азаматтар ауыл мешітін өз қаржыларына салып, ел иігілігіне берді. Бүгінгі таңда бұл мешіттер аудан халқын жақсылықтарға жетелейтін имандылық үйі болып отыр. 2017 жылы «Туған жерге тағзым» жобасы аясында жеке кәсіпкер, Ақсу ауылының тумасы Ерлан Ізбасқанұлының демеушілігімен Иманқұл мешітінің жаңа ғимаратының және 350 орындық асхана құрылысының іргетасы қаланып, бүгінде аудан тұрғындарының көз қуанышы, сәулетті нысанға айналды. Елдегі барша игі істер елдегі бірліктің арқасында жүзеге асатыны белгілі. Қай кезде де мешіт салу – ең үлкен сауап саналады. Осындай сауапты іске атсалысқан Ерлан Ізбасқанұлына аудан халқының атынан шынайы ризашылығымды білдіремін», – деді аудан әкімі.
</blockquote>
Шарада мемлекет және қоғам қайраткері Қожахмет Баймаханов, Ибрагим Әбибуллаев, кәсіпкер, «Жалағаш ауданының Құрметті азаматы» Ерлан Сағынбаев сөз сөйлеп, ел игілігіне пайдалануға берілгелі отырған мешіттің халыққа қалтқысыз қызмет көрсетуіне тілектестігін білдірді.
Жиылған қонақтар жаңа мешіттің лентасын қиып, жұма намаз оқылды.
<img src="https://kyzylorda-news.kz/wp-content/uploads/2021/04/171180611_1191846384600771_1486736699331256958_n.jpg" alt="" />
<img src="https://kyzylorda-news.kz/wp-content/uploads/2021/04/171234122_1191847314600678_5678579676301092496_n.jpg" alt="" />

Қазақстан және Қызылорда облысының жаңалықтары

Мұрат Ергешбаев тілсіз жаудан зардап шеккен отбасының жағдайымен танысты

Тұрғын үй бағасы қымбат әлем қалалары аталды

Ата-баба диетасы: Аутоиммунды протоколдың пайдасы

Қазалыдағы “Өрімтал” балабақшасына дезинфекциялау жұмыстары жүргізілді

Кызылордада өткен тәулікте 42 адамнан коронавирус анықталды

10 сәуірге арналған ауа райы болжамы

ҚР Премьер-министрі Асқар Мамин жұмыс сапарымен Байқоңыр қаласына барды

Облыстық “Дарын” қосымша білім беру орталығының директоры тағайындалды

Оразаға қатысты жиі қойылатын сұрақтар

Айыппұлдарды заңсыз есептен шығарған полицейлердің ісі сотқа жетті

Қызылордада «Бастау Бизнес» жобасы аясында оқу басталады

Жалағаш ауданында жаңа мешіт ашылды

Қазақстан және Қызылорда облысының жаңалықтары

Мұрат Ергешбаев тілсіз жаудан зардап шеккен отбасының жағдайымен танысты

Тұрғын үй бағасы қымбат әлем қалалары аталды

Ата-баба диетасы: Аутоиммунды протоколдың пайдасы

Қазалыдағы &#8220;Өрімтал&#8221; балабақшасына дезинфекциялау жұмыстары жүргізілді

Кызылордада өткен тәулікте 42 адамнан коронавирус анықталды

10 сәуірге арналған ауа райы болжамы

ҚР Премьер-министрі Асқар Мамин жұмыс сапарымен Байқоңыр қаласына барды

Облыстық &#8220;Дарын&#8221; қосымша білім беру орталығының директоры тағайындалды

Оразаға қатысты жиі қойылатын сұрақтар

Айыппұлдарды заңсыз есептен шығарған полицейлердің ісі сотқа жетті

Қызылордада «Бастау Бизнес» жобасы аясында оқу басталады

Жалағаш ауданында жаңа мешіт ашылды

Қазалыдағы “Өрімтал” балабақшасына дезинфекциялау жұмыстары жүргізілді

Облыстық “Дарын” қосымша білім беру орталығының директоры тағайындалды