<a href="https://kyzylorda-news.kz/">Kyzylorda-news.kz.</a> Бүгін облыстық ішкі саясат басқармасының ұйымдастыруымен әлеуметтік жобалар жәрмеңкесі өтті. Үкіметтік емес ұйымдар 201 млн. 159 мың теңгені құрайтын 30 жоба ұсынды.
Жобалар мемлекеттік бағдарламаларда айтылған негізгі басымдықтарды іске асыруға, сондай-ақ ұлттық құндылықтарды насихаттау, ішкі туризмді дамыту, отбасылық-демографиялық саясатты жүзеге асыру, жастарды, мүмкіндігі шектеулі азаматтарды қолдауға, волонтерлікті дамытуға бағытталған.
<blockquote>
 “Комиссия мүшелерінің қарауынан кейін жоба облыстық экономика және бюджеттік жоспарлау басқармасының қарауына жолданады. Әрі қарай жоба облыстық мәслихат депутаттарының қарауына ұсынылып, кезекті сессияда қаржысы бекітіледі. Аталған басқармадан жобаның бекітілгендігі жөнінде арнайы хат келгеннен кейін жоба бойынша мемлекеттік тапсырыс бойынша жылдық жоспарға енгізіледі. Бұл жерде ең бастысы Сіздердің идеяларыңыздың жүзеге асырылғандығы маңызды. Ұсынған жобалардың қоғамға пайдасы, облысымыздың әлеуметтік-экономикалық дамуына септігін тигізсе, соның өзі үлкен жеңіс деп білеміз, – деді жәрмеңкеге қатысқан облыс әкімінің орынбасары Серік Ахмет.
</blockquote>
Қызылорда облысында 996 Үкіметтік емес ұйым тіркелген. Оның 454-і өңірдің рухани-мәдени, қоғамдық өміріне белсенді араласып, өз үлестерін қосып келеді. Үкіметтік емес ұйымдардың әлеуметтік маңызды жобаларына облыстық, қалалық, аудандық бюджеттер арқылы бөлінетін қаржы соңғы 4 жылда 3 есеге артты.

Қызылордада әлеуметтік жобалар жәрмеңкесі өтті

<a href="https://kyzylorda-news.kz/">Kyzylorda-news.kz</a>. Жаңақорған ауданы Аққорған ауылдық округі Түгіскен ауылында шамамен ауданы 30 гектар шабылған күріш алқабында құрғақ сабан жанған.
ҚР ТЖМ ресми өкілі Талғат Уәлидің хабарлауынша оқиға 2020 жылғы 21 қазанда сағат 18.50-де болған.
<blockquote>
 “Өрт 21 қазанда сағат 21.48-де толығымен сөндірілді. Өртті сөндіруге ТЖД мен ерікті өрт сөндіру құралымдарынан 19 адам мен 5 бірлік техника жұмылдырылды. Өрт салдарынан алдын ала болжам бойынша жеке шаруа қожалығына тиесілі жайылып жүрген 700-ге жуық қой өртеніп кеткен. Сондай-ақ күйіп қалған ұсақ малдар да бар. Олардың нақты саны анықталуда. Оқиға орнында арнайы құрылған комиссия жұмыс істеуде”, – делінген <a href="https://www.facebook.com/photo.php?fbid=2018091431660692&set=a.331671980302654&type=3&theater">хабарламада.</a>
</blockquote>

Жаңақорғанда дала өрті салдарынан  700-ге жуық қой өртеніп кеткен

<a href="https://kyzylorda-news.kz/date/2020/10/22/?doing_wp_cron=1603344661.3144409656524658203125">Kyzylorda-news.kz.</a> Әлеуметтік желі пайдаланушылары телефон арқылы 42 500 теңге мөлшерінде әлеуметтік төлемді ресімдеуді ұсынатын алаяқтар туралы жазуда, деп хабарлайды&nbsp;<a href="https://stopfake.kz/kk/archives/2154">Stopfake.kz</a>&nbsp;.
Олар өздерін Жұмыспен қамту орталығының қызметкерлері ретінде таныстырып, азаматтардан төлем алушылардың тізіміне қосу үшін электрондық цифрлық қолтаңбаның паролін сұрайды.
ҚР Еңбек және халықты әлеуметтік қорғау министрлігі қазіргі уақытта 42 500 теңге мөлшеріндегі әлеуметтік төлемнің төленіп жатқандығы туралы ақпаратты ресми түрде жоққа шығарды.
<blockquote>
 “Мемлекеттік әлеуметтік сақтандыру қорынан төленетін ең төменгі еңбекақы мөлшеріндегі біржолғы төлем – 42 500 теңге 2020 жылғы 16 наурыз бен 11 мамыр аралығында төтенше жағдай кезінде төленді. Сондай-ақ 2020 жылғы 5 шілде-17 тамыз аралығында карантиндік шектеу шаралары кезінде берілді. Төтенше жағдай режимі кезінде бұл әлеуметтік төлем 322 млрд теңге сомасына 4,6 млн адамға, ал карантиндік шектеу шаралары кезінде 153,2 млрд теңге сомасына 2,4 млн адамға тағайындалды. Карантиндік шектеу шараларын қолдану кезеңіне МӘСҚ-дан төленетін әлеуметтік төлем тағайындауға өтініштер 2020 жылғы 1 желтоқсанға дейін шағымдану құқығымен үстіміздегі жылдың 1 қыркүйегіне дейін қабылданды”, – деп хабарлады министрліктің баспасөз хатшысы Александр Кононец.
</blockquote>
Айта кетейік, әлеуметтік төлемдерді есептеу кезінде адамдар өз бетінше өтініш берген немесе өтінімдерді проактивті түрде алған.
Алаяқтар азаматтың электрондық-цифрлық қолтаңбасына қолжеткізген соң оның дербес мәліметтерін, мүлкі туралы және т.б. ақпаратты оңай біле алады. ЭЦҚ номерін ешкімге айтуға болмайды.

Әлеуметтік төлемді рәсімдеуді ұсынатын алаяқтар пайда болды

<a href="https://kyzylorda-news.kz/date/2020/10/22/?doing_wp_cron=1603344661.3144409656524658203125">Kyzylorda-news.kz</a>. Сенат депутаттары мәдениет мәселелері бойынша кейбір заңнамалық актілерге өзгерістер мен толықтырулар енгізу туралы заңды қабылдап, президентке қол қоюға жіберді, деп хабарлайды&nbsp;<a href="https://sputnik.kz/?_ga=2.21684987.1965120616.1603338503-845208419.1603338503">Sputnik Қазақстан</a>.
Мәдениет және спорт министрі Ақтоты Райымқұлованың айтуынша, заң жобасы бірнеше бағытты қамтиды. Соның ішінде кітапхана және баспа ісі, мәдени-көпшілік іс-шараларды реттеу және шығармашылық одақтарды қолдау мәселелері бар. Сондай-ақ осы құжатпен фонограмманы қолдануға шектеу енгізу қарастырылған.&nbsp;
<blockquote>
 “Концерттік-ойын-сауық іс-шараларын өткізу кезінде туындайтын бірқатар проблема бар. Орындаушылар тарапынан концерттер өткізу кезінде әдепсіз мінез-құлық көрсету, сахнада мас күйінде өнер көрсету үрдісі орын алған, жоспарланған концерттерді бұзу, әдепсіз сөздері бар репертуар таңдау, көрермендерді хабардар етпей, фонограмманы пайдалануға жол берілген бірқатар фактілер де бар”, – дейді Райымқұлова сенаттың пленарлық отырысында.
</blockquote>
Осыған байланысты заңнамалық деңгейде орындаушылардың әдепсіз мінез-құлқына жол бермеу бойынша бірқатар міндеттеме енгізіледі. Соның бірі – фонограмманы қолдану туралы алдын ала хабарлау.
<blockquote>
 “Фонограмманы пайдалану тәртібі заңға тәуелді актіде айқындалатын болады. Барлық жарнамалық өнімдер және кассалар жанында міндетті түрде фонограмманы пайдалану бойынша хабарлама беріледі. Бұл көрерменге фонограмманы пайдаланумен өтетін концертке билет сатып алу немесе одан бас тарту таңдауына мүмкіндік береді және билеттің құнына да әсер етеді”, – деп атап көрсетті Райымқұлова.
</blockquote>

Фонограмма шектеледі &#8211; заң Президентке жіберілді

<a href="https://kyzylorda-news.kz/date/2020/10/22/">Kyzylorda-news.kz.</a> Қазалы аудандық полиция бөлімінің учаскелік полиция инспекторлары түнгі сағат 02:37 шамасында өткізіліп жатқан жедел профилактикалық шара барысында Досқали елді мекеніне қарай бағыт алып бара жатқан күдікті мотокөлікті байқайды.
Мотокөліктің ізіне түскен полицейлер&nbsp; Қазалы ауданындағы жауапкершілігі шектеулі серіктестігінің егістік алқабынан 20 қап қара күріш ұрлап, бос тұрған ғимараттың ішіне жинап жатқан жерінен аудан тұрғыны ұсталған. &nbsp;
<blockquote>
 «Жедел түрде жүргізілген тексеру барысында бұл азаматтың дәл осы егістік алқабынан 3 күн қатарынан барлығы 110 қап қара күріш ұрлағаны белгілі болды. Қазіргі таңда күріш ұрлаған азаматқа қатысты Қазақстан Республикасы Қылмыстық кодексінің 188 – бабы бойынша (Ұрлық) сотқа дейінгі&nbsp; тергеп – тексеру амалдары жүргізілуде. Оған қатысты&nbsp; бұлтартпау шарасын қолдану мәселесі шешілуде.&nbsp; Полицейлер оқиғаның мән – жайын анықтауда», – делінген полиция департаментінің хабарламасында.
</blockquote>
<img src="https://kyzylorda-news.kz/wp-content/uploads/2020/10/whatsapp-image-2020-10-21-at-13.47.17.jpeg" alt="" />
<img src="https://kyzylorda-news.kz/wp-content/uploads/2020/10/whatsapp-image-2020-10-21-at-13.47.18.jpeg" alt="" />

Қазалыда 110 қап күріш ұрлаған ауыл тұрғыны ұсталды

<a href="https://kyzylorda-news.kz/date/2020/10/22/">Kyzylorda-news.kz.</a> Қазақстанда өткен тәулікте 141 адамның коронавирус жұқтырғаны ПТР арқылы расталып, ауырғаны белгілі болды, деп хабарлайды ведомствоаралық комиссия.
<blockquote>
 “Коронаврус індетін жұқтырғандардың ең көбі Шығыс Қазақстан (21) облысында анықталды. Одан кейін Қарағанды облысы (16) мен Нұр-Сұлтан (15) қаласында тіркелді”, – делінген хабарламада.
</blockquote>
Қалалар мен өңірлер бойынша:
<ul>
<li>Нұр-Сұлтан қаласы –&nbsp;15</li>
<li>Алматы қаласы –&nbsp;11</li>
<li>Шымкент қаласы –&nbsp;3</li>
<li>Ақмола облысы –&nbsp;9</li>
<li>Ақтөбе облысы –&nbsp;5</li>
<li>Алматы облысы –&nbsp;11</li>
<li>Атырау облысы –&nbsp;12</li>
<li>Шығыс Қазақстан облысы –&nbsp;21</li>
<li>Жамбыл облысы –&nbsp;2</li>
<li>Батыс Қазақстан облысы –&nbsp;6</li>
<li>Қарағанды облысы –&nbsp;16</li>
<li>Қостанай облысы –&nbsp;5</li>
<li>Қызылорда облысы –&nbsp;1</li>
<li>Маңғыстау облысы –&nbsp;2</li>
<li>Павлодар облысы –&nbsp;12</li>
<li>Солтүстік Қазақстан облысы –&nbsp;9</li>
<li>Түркістан облысы –&nbsp;1.</li>
</ul>
Айта кетейік, бүгінге дейін республика бойынша коронавирус жұқтырған адамдардың саны 109&nbsp;907 науқасқа жетті.

Қызылордада өткен тәулікте 1 адамнан коронавирус анықталды

<a href="https://kyzylorda-news.kz/date/2020/10/22/">Kyzylorda-news.kz.</a> Мемлекет басшысы Қасым-Жомарт Тоқаевтың коронавирустың ықтимал екінші кезеңіне дайындық мәселесі бойынша кеңес өткізгені белгілі. Бұл бізді де ойлантпай қоймады. Расында көзге көрінбейтін, қолға ұсталмайтын вирус менменсіп кеткен адамды тәубесіне түсірді. Енді арқаны кеңге салып, алаңсыз жүретін кез емес. Сақтанбасаң сан соғасың. Өзің ғана емес жақындарыңа вирус жұқтырып, арты өкінішке ұрындыруы әбден мүмкін.
«Сақтықта қорлық жоқ» демекші күнделікті қарапайым сақтық шараларын ұстану – төнген қатерге қалқан болады. Қынжылтатын жағдай тұрғындардың осыны ескере бермеуінде. Коронавирусқа қарсы тұрудың бір жолы – жеке бас гигиенасын сақтап, көпшілік орындарда карантин режимін қатаң ұстануымыз. Алайда тұрғындар өршіп келе жатқан вирустың қауіпті екенін қаперіне алар емес. Қайта індет іргені тіреп тұрған тұста тұрғындардың үй ауласында жиын өткізіп жатқаны алаңдатады. Яғни, келін түсіріп, қыз ұзатып, құда күтушілер тыйылмай отыр. Қауіпті дерт арамыздан орны бөлек ел ағаларын алып кеткені де ел есінде. Көптеген отбасы орны толмас қазаға әкеліп соғып, бірінен-соң бірі қара жамылып жатты. Арасында небір жақсыларымыз бен жайсаңдарымыз да бар еді.
Енді етек жеңімізді жинап жауапкершілікті сезініп, дәстүрге түсіністікпен қарап, одан да маңызды адам өмірі екеніне көңіл бөліп, ұлт болашағына үлес қосуымыз қажет. Сондықтан сақтық шараларын ұстанып, тіпті мұндай дәстүрден уақытша бас тартқанымыз абзал. Сонымен бірге қазір көпшілік жиналған жерде немесе қоғамдық орындарда бетперде тақпақ түгілі, антисептик қолданып жүргендерді сирек байқаймыз. Құдды бір қауіпті індет енді қайтып келмейтін сыңайлы. Әрине, келмегені жақсы. Ал егер орын алған жағдайда әу бастағыдай опық жеп қалмайық. Қанша түсіндірме жұмыстары жүргізілгенімен, ертеңіне алаңдайтын тұрғындардың аздығы көңілге кірбің ұялатады.
Даңқты батыр Б.Момышұлы айтқандай «Тәртіпсіз ел болмайды, тәртіпке бас иген құл болмайды» демекші сақтық шараларын назарымыздан бір сәтке де шығармайық.
Нұргүл ҰЗАҚБАЕВА,
Арал ауданының тұрғыны

Нұргүл Ұзақбаева: Жиын-тойдан адам өмірі маңызды екенін түсінуіміз керек

<a href="https://kyzylorda-news.kz/date/2020/10/22/">Kyzylorda-news.kz.</a> Қызылорда қаласының әкімі Нұрлыбек Нәлібаевтың төрағалығымен сыбайлас жемқорлыққа қарсы іс-қимыл мәселелері және құқық бұзушылық профилактикасы жөніндегі қалалық комиссияның кезекті отырысы өтті.
Комиссия отырысында мемлекеттік сатып алу рәсімдеріне қатысты сыбайлас жемқорлықтың алдын-алу бағытында атқарылған жұмыстары қалалық мемлекеттік сатып алу бөлімінің басшысы Мөлдір Тәуіпбаева баяндады. Сатып алу рәсімдерінің жүргізілу нәтижелерін толығымен тарқатқан бөлім басшысы салада жыл басынан бері сыбайлас жемқорлық сипатындағы құқық бұзушылық деректері орын алмағандығын мәлімдеді.
Өз кезегінде шаһар басшысы мемлекеттік сатып алу туралы заңнама талаптарының сақталауын қатаң ескертіп, ашықтығы мен жариялылығын қамтамасыз етуді тапсырды.
Қалалық құрылыс бөліміндегі сыбайлас жемқорлық сипатындағы заң бұзушылықтарды болдырмау бағытында қабылданған шаралар бойынша Пакуатдин Шамұратов хабарлады. Пакуатдин Сражадинұлы саладағы жемқорлық тәуекелдеріне жасалған ішкі талдауларды баяндап, бөлім тарапынан жемқорлықты болдырмауға қатаң бақылау орнатылғандығын жеткізді.
Бөлім басшысының баяндамасын тыңдаған қала әкімі саладағы бақылауды одан әрі күшейтіп, заң бұзушылықтарға жол бермеуді жүктеді. Сонымен бірге басқа да сала басшыларына&nbsp; қарамағындағы қызметкерлерге қатысты сыбайлас жемқорлық фактілері орын алған жағдайда аталған мекеменің бірінші басшысының тікелей жауапкершілігі қаралатындығын баса айтып, жауапкершілікпен жұмыс атқаруды тапсырды.
&nbsp;Комиссия отырысында құқық бұзушылық профилактикасы жөніндегі ведомствоаралық комиссиясының күн тәртібіндегі мәселелер де қаралды. Басқосуда қала көлемінде құқық бұзушылықты болдырмау бағытында атқарылған жұмыстарының барысынан қалалық полиция басқармасы бастығының орынбасары Ермек Құдайбергенов есеп беріп, есепті мерзімде жалпы қылмыстық құқық бұзушылықтың тіркелуі 40 пайызға төмендегенін&nbsp; айтты.
Алайда баяндамашының ұсынған мәліметтеріне жеке-жеке тоқталған шаһар басшысы пайыздық көрсеткіш төмендегенімен, олардың ішінде отбасылық-тұрмыстық жағдайдағы, кісі өлтіру, аса ауыр, ауыр қылмыстар мен есірткі қылмысының өсім алғандығын, жасөспірімдер арасындағы топтық төбелестердің әлі де тыйылмай тұрғандығын алға тартып, полиция жұмысының нәтижесін сынға алды. Ювеналды полиция қызметіне қатаң бақылау орнату керектігін ескертіп, учаскелік полиция инспекторларының жұмысын ширатуды тапсырды. Учаскелік полиция қызметкерлері тұрғындар алдында есептік кездесулер ұйымдастыруын талап етіп, қызметін тиісті деңгейде орындамаған инспекторлардың тәртіптік жауапкершілігі қаралуы қажеттігін тапсырды.
Комиссия отырысын қорытындылаған қала әкімі Нұрлыбек Нәлібаев сала басшыларына қала аумағында қылмыстық деңгейі бойынша жоғары көрсеткіш көрсетіп отырған қылмыстарды төмендетуге бағытталған тиісті жұмыстарды ұйымдастыруды нықтап тапсырып, атқарылған жұмыстар тікелей өз бақылауында болатындығын жеткізді.
<img src="https://kyzylorda-news.kz/wp-content/uploads/2020/10/05.jpg" alt="" />

Қызылордада сыбайлас жемқорлыққа қарсы іс-қимыл барысы талқыланды

<a href="https://kyzylorda-news.kz/?doing_wp_cron=1603340573.6860840320587158203125">Kyzylorda-news.kz.</a> Қызылорда облысы бойынша ҚАЖ департаменті Пробация қызметінде есепте тұрған азаматтарға жергілікті атқарушы органдармен бірлескен жоспарға сәйкес жүйелі түрде әлеуметтік-құқықтық көмек көрсетіліп отырады. Әлеуметтік-құқықтық көмектің&nbsp; бірі – есепте тұрған сотталғандарды жұмысқа орналастыр. 2020 жылдың 9 айында пробация есебіндегі 406 азамат жұмысқа орналастырылса, 21 азамат жеке кәсібін ашқан.
Бүгінде мемлекет тарапынан қаржылай қолдау тауып,&nbsp; шаруасын дөңгелетіп отырған жас кәсіпкерлер қатары артып келеді. Осындай жас кәсіпкерлердің қатарында &nbsp;пробация есебінде тұратын азаматтар да&nbsp; бар. Ол азаматтардың &nbsp;жеке кәсібін ашуға мемлекеттік грант септігін тигізген.
<blockquote>
 «Пробация есебіндегі 21 азамат «Атамекен» Ұлттық Кәсіпкерлер палатасының «Бастау Бизнес» жобасы бойынша бір айлық «кәсіпкерлік негіздері» курсын аяқтап, сертификат алып, &nbsp;кәсіп ашуды қолға алған. Жаңадан бастаған кәсіпті қолдау&nbsp; мақсатында «Нәтижелі жұмыспен қамту және жаппай кәсіпкерлікті дамытудың» 2017-2021 жылдарға арналған мемлекеттік бағдарламасы аясында&nbsp; осы азаматтар қайтарымсыз грант ұтып алды. Осылайша олар қайтарымсыз қаражатқа қол жеткізіп, қазіргі уақытта бірі компьютер жөндейтін орталық ашса, енді бірі мал шаруашылығымен,тауық өсіру шаруашылығы, &nbsp;бетон өңдеу цехы, ағаш цехы, шаштараз сынды жеке кәсіптерін дөңгелетіп отыр. &nbsp;&nbsp;Кәсібін&nbsp; енді бастаған азаматтарға&nbsp; қайтарымсыз гранттың көмегі көп», – дейді ҚАЖ департаментінің мамандары.
</blockquote>

Пробация есебіндегі 21 қызылордалық жеке кәсібін ашқан

<a href="https://kyzylorda-news.kz/">Kyzylorda-news.kz.</a> Қызылорда гарнизонында «Алтын жебе-2020» арнайы операциялар күштерінің компоненттерінің кешенді тексерісі өтті.
Шара барысында әскери бөлімдегі арнайы мақсаттағы барлау бөлімшелерінің жауынгерлік тапсырмаларды дер кезінде орындауын, жауынгерлердің далалық дайындығының деңгейін, кәсіби және жауынгерлік дайындықтары тексерілді.
Тексерістің алғашқы күні бөлімнің барлау бөлімшелері дабыл бойынша көтерілді. Келесі кезеңдерде кешенді тексерістің жоспарына сәйкес барлаушылар қоян-қолтық ұрыс дағдыларын, медициналық дайындықтарын көрсетті. Радиациялық, химиялық және биологиялық қорғаныс даярлығы бойынша сынақтар тапсырып, күндізгі, түнгі уақыттарда марш жасап, оқу-тактикалық атысты орындады.
Кешенді тексеру барысында әскери бөлімнің рота командирлері жақсы нәтиже көрсетті. Бұл сынақ бөлімнің жеке құрамына ынта-жігер берері сөзсіз.
<img src="https://kyzylorda-news.kz/wp-content/uploads/2020/10/img_20201021_132131_683.jpg" alt="" />
<img src="https://kyzylorda-news.kz/wp-content/uploads/2020/10/img_20201021_132133_509.jpg" alt="" />

Қызылорда гарнизонында «Алтын жебе-2020» кешенді тексерісі өтті

<a href="https://kyzylorda-news.kz/">Kyzylorda-news.kz.</a> “Қазгидромет» РМК Қызылорда облысы бойынша филиалы 22 қазанға арналған ауа райы болжамын жариялады.
Кәсіпорынның хабарлауы бойынша 22 қазанда Қызылорда облысында батыстан жел соғады, күші кей жерлерде 15-20 м/с сақталады. Дауылды ескертудің ықтималдылығы 90-100%.

Қызылордада күшті жел соғады

<a href="https://kyzylorda-news.kz/">Kyzylorda-news.kz.</a> Қызылордада 26-шы қазаннан бастап кинотеатрлар ашылады деген бейресми ақпарат тарады.
Өңірлік коммуникациялар алаңында өткен брифингте облыстың Бас мемлекеттік санитариялық дәрігері Әлия Әбдіқайымова бұны жоққа шығарды.
<blockquote>
 “Өңірдегі кинотеатрларды 26 қазаннан бастап ашу әлі жоспарда жоқ. Керісінше, коронавирус инфекциясын таратпас үшін шектеу шараларын жалғастырамыз. Барлығы эпид ахуалдың тұрақты болуына байланысты. Жағдайға байланысты Қаулы қабылдап отырамыз”, – деді облыстың Бас мемлекеттік санитариялық дәрігері.
</blockquote>

Қазақстан және Қызылорда облысының жаңалықтары

Қызылордада әлеуметтік жобалар жәрмеңкесі өтті

Жаңақорғанда дала өрті салдарынан 700-ге жуық қой өртеніп кеткен

Әлеуметтік төлемді рәсімдеуді ұсынатын алаяқтар пайда болды

Фонограмма шектеледі – заң Президентке жіберілді

Қазалыда 110 қап күріш ұрлаған ауыл тұрғыны ұсталды

Қызылордада өткен тәулікте 1 адамнан коронавирус анықталды

Нұргүл Ұзақбаева: Жиын-тойдан адам өмірі маңызды екенін түсінуіміз керек

Қызылордада сыбайлас жемқорлыққа қарсы іс-қимыл барысы талқыланды

Пробация есебіндегі 21 қызылордалық жеке кәсібін ашқан

Қызылорда гарнизонында «Алтын жебе-2020» кешенді тексерісі өтті

Қызылордада күшті жел соғады

Қызылорда: Кинотеатр қашан ашылатыны белгісіз

Қазақстан және Қызылорда облысының жаңалықтары

Қызылордада әлеуметтік жобалар жәрмеңкесі өтті

Жаңақорғанда дала өрті салдарынан 700-ге жуық қой өртеніп кеткен

Әлеуметтік төлемді рәсімдеуді ұсынатын алаяқтар пайда болды

Фонограмма шектеледі &#8211; заң Президентке жіберілді

Қазалыда 110 қап күріш ұрлаған ауыл тұрғыны ұсталды

Қызылордада өткен тәулікте 1 адамнан коронавирус анықталды

Нұргүл Ұзақбаева: Жиын-тойдан адам өмірі маңызды екенін түсінуіміз керек

Қызылордада сыбайлас жемқорлыққа қарсы іс-қимыл барысы талқыланды

Пробация есебіндегі 21 қызылордалық жеке кәсібін ашқан

Қызылорда гарнизонында «Алтын жебе-2020» кешенді тексерісі өтті

Қызылордада күшті жел соғады

Қызылорда: Кинотеатр қашан ашылатыны белгісіз

Фонограмма шектеледі – заң Президентке жіберілді