<a href="https://www.kazhydromet.kz/weather/prognoz-vazhneyshih-meteorologicheskih-yavleniy">«Қазгидромет»</a>&nbsp;РМК-сы 15 қазанға арналған ауа райы болжамын жариялады.
Кәсіпорын таратқан мәліметтерге қарағана, Қазақстанның басым бөлігі әлі де антициклонның ықпалында. Сол себепті еліміздің басым бөлігінде күн жауын-шашынсыз болады.
Республиканың кей жерлерінде жел күшейіп, солтүстігінде және шығысында тұман түседі.

Бейсенбіге арналған ауа райы болжамы

<a href="https://kyzylorda-news.kz/date/2020/10/14/">Kyzylorda-news.kz.</a> Жол қауіпсіздігін сақтау&nbsp; және жедел жағдайды, қоғамдық тәртіпті қамтамасыз ету, қылмыстың &nbsp;және өзге де құқыққа қарсы әрекеттердің алдын алу мақсатында &nbsp;8-12 қазан аралығында Қызылорда қаласы аумағында «Қауіпсіз қала» іс-шарасы өткізілді.
&nbsp;Жедел профилактикалық шара нәтижесінде қоғамдық тәртіпті бұзудың 12 дерегі анықталды.
<blockquote>
 &nbsp;«Қызылорда қаласы Полиция басқармасының қызметкерлері халықтың тыныштығы мен олардың қауіпсіздігін сақтау мақсатында күнделікті рейдттік іс шаралар ұйымдастыруда. Олардың ішінде қоғамдық тәртіпті қамтамасыз ету, жолда жүру ережелерін сақтау, құқық бұзушылықтың алдын алу, сонымен қатар көпқабатты үйлер мен жеке үй аулаларында&nbsp; жаяу бағыттағы және патрульдеу бағыттары бойынша жұмыстар жүргізілуде. Осыған орай, құрметті қала тұрғындары мен қонақтары, Сіздерді құқық бұзушылықтың алдын алу мақсатында тәртіпке бағынып, заң талаптарын қатаң сақтау ескертіледі», – дейді Қызылорда қалалық Полиция басқармасының бастығы,&nbsp; полиция полковнигі Ермек Искаков.
</blockquote>

Қызылордада  тәртіп бұзушылар азаймай тұр

<a href="https://kyzylorda-news.kz/date/2020/10/14/">Kyzylorda-news.kz.</a> Қазалы ауданының орталығы – Әйтеке би кентінде 1 қабатты 4 пәтерлі 10 тұрғын үйдің құрылысы қарқынды жүріп жатыр.
Қазіргі таңда 9 үйдің қабырғалары толық өріліп, оның бесеуінің төбе жабыны жабылды. Кейбір үйлердің сыртқы сылақ жұмыстары басталып кетті.
<blockquote>
 “Жаңа тұрғын үйлердің құрылысын бас мердігер «Мұнай құрылыс» көп салалы құрылыс фирмасы» ЖШС жүргізіп жатыр. Құрылыс жұмыстарына аудандық жұмыспен қамту орталығы арқылы 20-ға жуық аудан тұрғындары жұмыспен қамтылып отыр. Жоба бойынша бір үйде 4 пәтер қаралған. Әрбір үйде 2 бөлмелі 2 пәтер, 3 бөлмелі 2 пәтерден бар. Тұрғын үй газ, ауыз сумен, электрмен қамтылады. Әр пәтер дербес жылу және ыстық сумен біріктірілген, газ отынды қазандығымен жабдықталады”, – делінген аудан әкімдігінің хабарламасында.
</blockquote>
Жаңа баспанаға «Тұрғын үй құрылыс жинақ банкі» арқылы кезекте тұрған салымшылар қол жеткізе алады.

Қазалыда жаңа тұрғын үйлер бой көтерді

<a href="https://kyzylorda-news.kz/date/2020/10/14/?doing_wp_cron=1602675463.3710830211639404296875">Kyzylorda-news.kz.</a> Қазақстан боксшысы Тұрсынбай Құлахмет (1-0, 1КО) бірінші орта салмақтағы WBC International вакантты атағы үшін жеңіліп көрмеген британдық Маколей Макгоуэмен айқасады, деп хабарлайды <a href="https://lenta.inform.kz/kz/tursynbay-kulahmet-wbc-international-tituly-ushin-aykasady_a3706304">ҚазАқпарат</a>.
Қазақстан кәсіпқой боксының ВКонтакте парақшасында жарияланған ақпаратқа қарағанда, жекпе-жек 11 қараша күні Ұлыбританияның Уэйкфилд қаласында, Production Park Studios аренадағы MTK Fight Night бокс кеші аясында өтеді.

Тұрсынбай Құлахмет WBC International титулы үшін айқасады

<a href="https://kyzylorda-news.kz/date/2020/10/14/?doing_wp_cron=1602675463.3710830211639404296875">Kyzylorda-news.kz</a>. Қазақстанның бас санитарлық дәрігері Ерлан Қиясов елге құрамында соя бар тамақ өнімдерін әкелуге және сатуға тыйым салу бойынша уақытша санитарлық шаралар енгізді. Енді Қазақстанда “Оттоги Рамен” компаниясының жылдам дайындалатын корей кеспесіне тыйым салынды.
<blockquote>
 “Бас мемлекеттік санитарлық дәрігер Ерлан Қиясов Қазақстан аумағына Оттоги Рамен Ко өндіретін тез дайындалатын кеспелерді әкелуге және сатуға тыйым салу туралы қаулы шығарды”, – деп мәлімдеді денсаулық сақтау министрлігі тауарлар мен көрсетілетін қызметтердің сапасы мен қауіпсіздігін бақылау комитетінің баспасөз қызметі.
</blockquote>
Комитет мамандары өнімнің қауіпсіздігін мониторингілеу аясында қаптамасында өндірушісі Оттоги Рамен Ко (Оңтүстік Корея) деп көрсетілген, “Джин Рамен” атауы бар тез дайындалатын кеспелер ассортиментінде генетикалық түрлендірілген сояның шамадан тыс екенін (MON 89788 1,45% -дан 10,25% -ке дейін) анықтады.
<blockquote>
 “Тамақ өнімдерінде ГМО құрамының рұқсат етілген нормасы 0,9%-тен аспауы керек. Белгіленген талаптарға, оның ішінде Алиментариус кодексі халықаралық тамақ стандарттарына сәйкес құрамында 0,9%-тен астам ГМО бар тамақ өнімдері міндетті түрде таңбалануға жатады”, – деді баспасөз қызметінен.
</blockquote>
Оңтүстік Кореяда шығарылған осы өнімнің тұтынушылық қаптамасында құрамында ГМО-ингредиенттердің бар екені туралы ақпарат көрсетілмеген.
Қазір сауда желілерінен кеспелерді алып тастау жұмыстары жүргізіліп жатыр. Комитеттің аумақтық бөлімшелеріне меншік нысанына қарамастан, осы өнімдерді әкелу және сату қызметін жүзеге асыратын кәсіпкерлік субъектілерін хабардар ету тапсырылды.
Сондай-ақ, Қазақстанның тұтыну нарығын қорғаудың тиісті деңгейін қамтамасыз ету үшін Еуразиялық экономикалық одаққа мүше мемлекеттердің уәкілетті органдарына хабарлама жіберілді.
<a href="https://sputnik.kz/society/20201014/15197841/korey-kespe-satu.html">Sputnik Қазақстан</a>

Қазақстанда корей кеспесін сатуға тыйым салынды

<a href="https://kyzylorda-news.kz/date/2020/10/14/?doing_wp_cron=1602675463.3710830211639404296875">Kyzylorda-news.kz.</a> Көлік құралдарының сыртқы қабатына орналастырылатын &nbsp;жарнаманың мәтіні мен жазылуы қолданыстағы заңнамаға, мемлекеттік және өзге тілдерді пайдалануға болады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Жол қозғалысы қауіпсіздігін қамтамасыз ету мақсатында көлік құралының мемлекеттік белгісі, түсі және сәйкестендіру үлгісі анық көріну үшін сыртқы жарнама көлік құралының төмендегі орындарына рұқсат етілмейді:
<ul>
<li>Терезелерде және артқы көріністі көретін айналарда;</li>
<li>КҚ алдынғы бетіне;&nbsp;&nbsp;&nbsp;</li>
<li>КҚ артқы бетіне;&nbsp;&nbsp;&nbsp;&nbsp;&nbsp;&nbsp;&nbsp;</li>
</ul>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Көлік құралдарының сыртқы қабатына жарнама қолданған кезде тыйым салынады: &nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Жедел және арнайы қызметтер көлік құралдары пайдаланылатын арнайы жарық және дыбыстық сигналдармен жабдықтауға;&nbsp;
Көрсетілген талаптарды бұзғаны үшін Қазақстан Республикасы Әкімшілік құқық бұзушылық туралы кодексінің (бұдан әрі – Кодекс) 590-бабының 5-бөлігі бойынша&nbsp; бес айлық есептік көрсеткіш мөлшерінде айыппұл түріндегі жауапкершілікке тартылып және көлік құралын кодекстің 797-бабына сәйкес, ұстап алу себептері жойылғанға дейін ұстауға немесе пайдалануға тыйым салынады.&nbsp;&nbsp;
Айта кетейік, Қазақстан Республикасының 19.12.2003 жылғы №508 санды «Жарнама туралы» Заңына және Қазақстан Республикасының ГОСТ 31306-2006 «Көлік құралдарының сыртқы қабатына жарнама орналастыру» туралы стандарттарынының талаптарына сәйкес, көлік құралдарының сыртқы қабатына жарнама орналастыру (жабыстыру) керек.

Қызылорда: Көлік құралдарына жарнама орналастыру ережелері  түсіндірілді

<a href="http://kyzylorda-news.kz/">Kyzylorda-news.kz.</a> Қойылған шектеулер мен карантиндік шаралардың сақталуын бақылау үшін құрылған 24 мониторингтік топ бүгінгі күнге дейін 140-қа жуық той өткізген тұлғаларды анықтап, айыппұл салды.
Мониторинг барысында шекті уақытқа қарамай, жұмысын жалғастырған бірқатар түнгі кафелер де анықталды. Жұмысшы топпен 2486 рейдтік тексеріс жүргізіліп, облыс бойынша жеке тұлғалар және бизнес субьектілері тарапынан 602 карантин талаптарын бұзу фактілері орын алды. Нәтижесінде әкімшілік хаттамалар толтырылып, 30 миллионға жуық айыппұл салынды.
<blockquote>
 “Әкімшілік шараға тартылмаудың бірден-бір жолы қолданыстағы қаулының талаптарын қатаң сақтау қажет. Қазақта жақсы сөз бар «Ауырып ем іздегенше, ауырмаудың жолын ізде» деген. Әр адамның денсаулығы мықты болуы өз қолында. Сондықтан сақтық шараларына аса мән берейік”, – деді Қызылорда облысы бойынша бас мемлекеттік санитариялық дәрігері Әлия Әбдіқайымова.
</blockquote>

Қызылордада той жасаған 140 адамға айыппұл салынды

<a href="http://kyzylorda-news.kz">Kyzylorda-news.kz.</a> Қызылордалықтар онлайн түрде электронды үкімет порталы арқылы алынатын ең көп тараған қызмет — электрондық цифрлық қолтаңба алу. Тек осы жыл басынан бастап ХҚКО арқылы қала бойынша&nbsp;71 343, аудан бойынша&nbsp;131 159 ЭЦҚ берілген. Жалпы облыс бойынша&nbsp;202 502 &nbsp;Электронды цифрлы қолтаңба алынған.
<blockquote>
 «Қызылорда облысы тұрғындарының жалпы саны 780 мыңға жуық адамды құрайтынын ескере отырып, ЭЦҚ алу бүгінгі таңда ең танымал ғана емес сұранысқа ие қызметке айналды деп айтуға болады», – дейді халыққа қызмет көрсету орталығының мамандары.
</blockquote>
Естеріңізге сала кетейік, қазіргі таңда ЭЦҚ алу бұрыңғы кезге қарағанда әлдеқайда ыңғайлы болды. Енді электрондық үкімет порталындағы “ЭЦҚ-ны қашықтықтан алу” сервисін пайдалану арқылы небәрі 5 минуттың ішінде ЭЦҚ алуға болады.

Қызылорда: ЭЦҚ алу сұранысқа ие қызмет түріне айналды

<a href="https://kyzylorda-news.kz/date/2020/10/14/">Kyzylorda-news.kz.</a> ҚР Еңбек және халықты әлеуметтік қорғау министрлігі 2016 жылдан бастап Елбасының “Жалпы еңбек қоғамын құру” идеясын жүзеге асыру мақсатында еңбек әулеттері мен өндіріс жұмысшылары арасындағы республикалық “Еңбек жолы” байқауын өткізіп келеді.
Байқаудың мақсаты – еңбек адамының беделін көтеру, еңбек өнімділігіне ынталандыру, жұмыскерлер кәсіптерін насихаттау, жастарды өндіріс саласына тарту, көпжылдық еңбек әулеттерінің салтын сақтау болып табылады.
Қызылорда облысы әкімі баспасөз қызметінің хабарлауынша аталған додаға биыл Сыр өңірінен 3 үміткер жолдама алды. Бұл азаматтар өз ісінің хас шеберлері десе болады. Еңбек ету барысында халықтың алғысына бөленіп, ұжымының жетістіктерге жетуіне себепкер болған.
Республикалық байқаудың «Жұмыс істейтін жастардың үздік тәлімгері» номинациясы бойынша Садуақас Ахмет бақ сынамақ.
Қазалы теміржол ауруханасының 1 санатты хирург-дәрігері болып 1993 жылдан бері жұмыс жасап келеді. Осы кезге дейін 5-6 мың әртүрлі хирургиялық ота жасап, көптеген науқастың өміріне араша түскен. Денсаулық сақтау саласының бірнеше марапаттарына ие болып, «Қазақстан Республикасы Ішкі істер министрлігі Төтенше жағдайлар комитетіне 20 жыл» мерекелік медалімен наградталған. Бүгінде С.Ахметтің шәкірттері облыстың емдеу мекемелерінде сапалы қызмет атқаруда.
Қармақшылық Құдайберген Балшынов Т.Көмекбаев ауылдық округі клубының директоры қызметін атқарады. Ол «Еңбек жолы» республикалық конкурсына «Үздік еңбек әулеті» номинациясы бойынша іріктеуден өткен. Балшыновтар әулеті бүгінде өнерде де, өмірде де дағдылары бір арнаға тоғысқан өнерлі отбасылырдың бірі. Қызылорда қаласындағы Қорқыт Ата атындағы педогогикалық институттың «Әуез және мәдени ағарту» факультетін музыка пәнінің мұғалімі, балалар әуез мектебінің оқытушысы, мәдени-ағарту саласы қызметкері мамандықтары бойынша аяқтаған. Ауылдағы өнерлі жастардың қанатын қатайтып, облыстық, республикалық байқауларда жүлде алуына еңбек етті. Әр мерекеде Т.Көмекбаев ауылдық округінің тұрғындарына қуаныш сыйлап, ауыл халқын ұйымшылдыққа үндейді.
Республикалық байқау жүлдесінен жас мамандар да үмітті. Сырдария ауданындағы “О.Әбілпаттаев” атындағы «№210 орта мектептің информатика пәнінің мұғалімі Жансая Залова «Өндірістің үздік жас маманы» номинациясы бойынша үміткер атанды. Еңбек өтілі 4 жыл ғана болса да бүгінде біраз жетістіктерге жетіп үлгерген. Өткен 2019 жылы ІІІ Республикалық «Жас маман» байқауынан ІІ орын және “Үздік жас маман” төсбелгісімен марапатталды. Жас маманның оқушылары да облыстық, аудандық олимпиадаларда жүлдемен оралып жүр.
Бұл байқау арқылы Қазақстанның Тәуелсіз мемлекет болып қалыптасуына еңбек етіп, тер төккен еңбек ардагерлері мен еңбек әулеттерінің баға жетпес үлесі дәріптеледі. Жастарға кәсіби және адамгершілік тәжірибелерді жеткізіп, олардың еңбекке, жұмыс мамандықтға деген сүйіспеншілігін арттырады. Өз кезегінде, жас жұмыскерлер аға буын өкілдерінен тәлім алып, кәсіпорынның дамуы үшін өздерінің әлеуетін көрсетуі тиіс. Сыр елінің сақа мамандары бұл додан топ жарарына сенім мол.

«Еңбек жолы» республикалық байқауына Қызылордадан 3 азамат жолдама алды

<a href="https://kyzylorda-news.kz/date/2020/10/14/">Kyzylorda-news.kz.</a> Байқоңыр ғарыш айлағынан&nbsp;«Союз МС-17» кемесі тиелген «Союз-2.1а» зымыран Халықаралық ғарыш станциясына аттанып кетті.
Зымыран ХҒС-ке небәрі үш сағатта жетеді деп жоспарланған.&nbsp;
Айта кету керек, бұл кемемен станцияға жаңа экипаж ұшты. Олар ресейлік ғарышкерлер Сергей Рыжиков, Сергей Кудь-Сверчков пен НАСА астронавты Кэтлин Рубинс.
<a href="https://24.kz/kz/zha-aly-tar/lemde/item/429461-soyuz">Хабар 24</a>

Байқоңырдан ғарышқа жаңа экипаж мінгескен кеме аттанды

<a href="https://kyzylorda-news.kz/date/2020/10/14/">Kyzylorda-news.kz.</a> Денсаулық сақтау министрлігі білім министрлігімен бірге екінші тоқсанның қандай форматта өтетінін талқылап жатыр. Бұл туралы денсаулық сақтау министрі Алексей Цой мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Онлайн баспасөз мәслихатында журналистер Цойдан оқушылар дәстүрлі оқыту форматына қашан оралатынын сұрады.
<blockquote>
 “Біз қазір бұл мәселені қарастырып жатырмыз. Сіздер көріп отырсыздар, өңірлерде вирус жұқтырған балалар анықталуда. Оффлайн режимде оқитындар қашықтан білім алатындарға қарағанда індетке жиі шалдығады. Бізде білім министрлігімен осындай сыныптарды оқытуға мүмкіндік беретін әдіс-тәсілдер бар. Екінші тоқсан қандай форматта өтетінін әлі талқылап жатырмыз”, – деді министр.
</blockquote>
Бұған дейін премьер-министр Асқар Мамин мәжіліс депутаттарының сауалына берген жауабында мектептерді дәстүрлі штаттық режимге ауыстыру мәселесі қаралып жатқанын айтқан еді.

Денсаулық министрі мектептерді дәстүрлі форматқа ауыстыру туралы айтты

<a href="https://kyzylorda-news.kz/date/2020/10/14/">Kyzylorda-news.kz</a>. 2020 жылғы 1 қаңтардан бастап Міндетті әлеуметтік медициналық сақтандыру жүйесі енгізіле отырып, мемлекет азаматтардың 15 жеңілдікті санаты үшін ай сайын жарналар төлейді. Қызылорда облысында олардың қатарына 475 350 тұрғын кіреді.
Азаматтардың жеңілдікті санаттарының тізімімен әлеуметтік медициналық сақтандыру қорының ресми сайтында <a href="https://fms.kz/kk/content/azamattardyn-zhenildigi-bar-sanattary">мына жерде</a> танысуға болады.
Егер сіз әлеуметтік қорғалмаған азаматтар қатарында болсаңыз және сіздің мәртебеңіз «сақтандырылмаған» болса, емханада (тіркелген жері бойынша) немесе өз бетіңізше, Qoldau – 24/7 мобильді қосымшасы арқылы уақытша мәртебені (1 айға) алуға болады. Бұл қосымшаны ұялы телефонға AppStore-дан немесе Әлеуметтік медициналық сақтандыру қорының ресми сайтында <a href="https://fms.kz/kk">жүктеп алыңыз</a> және орнатыңыз («Халықтық бақылау» қойындысын таңдаңыз, содан кейін «Call Center»)
Инфографикада қандай растайтын құжаттар ұсынылуы керек.
<img src="https://kyzylorda-news.kz/wp-content/uploads/2020/10/kaz-lgotniki-osms.png" alt="" />
<img src="https://kyzylorda-news.kz/wp-content/uploads/2020/10/koldaw_android-kaz-1.jpeg" alt="" />

Қазақстан және Қызылорда облысының жаңалықтары