<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылордалық полицейлер Тараз қаласының тұрғынынан есірткі затын тапты.
Оқиға 15 сәуір күні таңертең сағат 07:00 шамасында орын алды.
<blockquote>
 «Қызылорда облысы Полиция департаментінің патрульдік полиция ротасының қызметкерлері Самара-Шымкент тасжолының 1632/635 шақырымында, яғни Шошқакөл елді мекенінің тұсында қызмет атқару барысында Жамбыл облысынан Ақтөбе қаласына қарай бағыт алған Жамбыл облысының 30 жастағы тұрғынының басқаруындағы “Тойота Камри” автокөлігін жол ережесін бұзғаны үшін тоқтатқан.&nbsp;Тексеру барысында автокөліктің артқы жүк салғышында жатқан сөмкесінің ішінен полиэтилен пакетіне оралған “ерекше иісі бар шөп тәріздес” заты анықталып, тәркіленіп, тиісті сараптамаға жолданды», – делінген хабарламада.
</blockquote>
Аталған дерек бойынша ҚР Қылмыстық кодексінің 296-бабы 2-бөлігімен (Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру амалдары жүргізілуде. Оқиғаның мән-жайы анықталуда.

Қызылордалық полицейлер Тараз қаласының тұрғынынан есірткі затын тапты

<a href="https://kyzylorda-news.kz/">Kyzylorda-news.kz</a>. Қазақстанда арнаулы мемлекеттік жәрдемақыны тағайындау ережесіне өзгерістер енгізу жоспарланып отыр. Тиісті заң жобасы “Ашық нормативтік-құқықтық актілер” порталында жарияланды, деп хабарлайды Sputnik Қазақстан.
Қазіргі заңнамаға сәйкес, арнаулы мемлекеттік жәрдемақы – бұл жәрдемақыға құқығы бар азаматтарға жәрдемақының өзге түрлеріне қарамастан берілетін ақшалай төлем. Оны мүгедектер, Ұлы Отан соғысының ардагерлері және оларға теңестірілген азаматтар, “Қазақстанның еңбек ері”, “Қазақстанның ғарышкер-ұшқышы” және “Халық қаһарманы” құрметті атағын алғандар, ядролық сынақтардан зардап шеккендер және тағы басқа адамдар ала алады.
Жаңа заң жобасы бойынша арнаулы мемлекеттік жәрдемақыны электронды ақшамен де төлеу қарастырылған. Оны электронды әмияндарға аударып отырады. Ал электронды әмияндағы ақшаны өндіріп алуға тыйым салынады. Бұның барлығы жәрдемақыны тағайындау туралы өтініште көрсетіледі.
Айта кетейік, 2020 жылы қыркүйек айында президент Қасым-Жомарт Тоқаев әлеуметтік төлемдерді цифрландыруды тапсырған болатын. Осыдан кейін еңбек және халықты әлеуметтік қорғау министрлігі арнаулы мемлекеттік жәрдемақы алатын азаматтарда таңдау болатынын хабарлаған. Әлеуметтік төлемдер мен жәрдемақыларды не банк картасын, не әлеуметтік әмиянға аудартуға мүмкіндік болады.
Ал “Төлемдер мен төлем жүйелері туралы” заңға сәйкес, әлеуметтік әмияндағы ақшаны банктер, салық органдары мен коллекторлар өндіре алмайды. Әлеуметтік төлемдерге арналған электронды әмиян 2022 жылы енгізіледі деп жоспарланып отыр.

Қазақстанда мемлекеттік жәрдемақыны төлеу тәртібі өзгереді

<a href="https://kyzylorda-news.kz/">Kyzylorda-news.kz.</a> Қызылорда гарнизонына қарасты әскери бөлімнің барлау бөлімшелері дабыл бойынша көтеріліп, «Алтын жебе-2021» арнайы операциялар күштерінің құрамдарының кешенді тексерісінде бақтарын сынауға Ақтау гарнизонына аттанды.
Қызылорда гарнизонында Қазақстан Республикасы Қарулы Күштерінде өтіп жатқан кезекті «Алтын жебе-2021» арнайы операциялар күштерінің кешенді тексерісі басталды.
Тексерістің алғашқы бөлігінде бөлімнің барлау бөлімшелері жауынгерлік дабылмен көтерілді. Сонымен қоса, бөлім орналасқан жерде жеке құрамды жинап, хабарлама жасап және саптық тексеріс жүргізіп, қойылған міндеттерді орындауға дайындығын тексерді. Қызылорда гарнизонының бөлімшелері «Алтын жебе-2021» тексерісінің жауынгерлік тапсырмаларын орындау үшін темір жол көлігімен Ақтау гарнизонына жөнелтілді. Ал, келесі кезеңдерде барлаушылар Ақтау гарнизонында кешенді тексерістің жоспарына сәйкес, кәсіби және моральдық-психологиялық жағдайымен қоса суық қаруды лақтыру, байланыс, инженерлік және артиллерияның атысты реттеу мен ұшқышсыз ұшу аппараттарын пайдалану кезіндегі жинаған тәжірибелерін көрсететін болады. Сол сияқты түрлі жауынгерлік тапсырмалардан сынақтар тапсырып, күндізгі, түнгі уақыттарда марш жасап, оқу-тактикалық атыстарының нәтижелерін көрсетеді.
<blockquote>
 “Осы күнге дейінгі күндізгі және түнгі уақыттарда марш жасап, оқу-тактикалық атыстарға дайындалып және радиациялық, химиялық-биологиялық қорғаныс, топография мен медицина т.б. бойынша алған тәжірибелерімізді көрсететін уақыт келді. Бөлім жеке құрамы мен бөлімше командирлері өздерінің жинаған білімдерінің арқасында жақсы нәтижелерге қол жеткізуге дайын. Жауынгерлердің ерекше қабілеті мен сайысқа деген белсенділігі жоғары”, – деп атап өтті әскери бөлім командирінің жауынгерлік даярлық жөніндегі орынбасары, подполковник Нұрлан Шегебаев.
</blockquote>
Қазақстан Республикасы Қарулы Күштерінде өтіп жатқан «Алтын жебе» арнайы операциялар күштерінің компоненттерінің кешенді тексерісі жыл сайын өткізілуде.
Кешенді тексерудің мақсаты – бөлімдегі арнайы мақсаттағы барлау бөлімшелерінің жауынгерлік тапсырмаларды дер кезінде орындауын, жауынгерлердің далалық дайындығының деңгейін, кәсіби және жауынгерлік даярлықтарын тексеру мен олардың даярлықтарын арттыру.

Қызылорда гарнизоны «Алтын жебе-2021» кешенді тексеруіне жұмылдырылды

<a href="https://kyzylorda-news.kz/">Kyzylorda-news.kz</a>. Қазақтың танымал ақыны, жазушы Есенғали Раушанов өмірден өтті. Бұл туралы ақын, Қазақстан Жазушылар одағы басқарма төрағасының бірінші орынбасары Ақберен Елгезек “Facebook” парақшасында жазды.
<blockquote>
 «Қадірлі ағайын! Қазақтың аса көрнекті ақыны, Қазақстан Республикасы Мемлекеттік сыйлығының лауреаты Есенғали Раушановтан айырылып қалдық. Алла алдынан жарылқасын. Асыл рухы бейіштің төрінде шалқысын», – деп жазды ол.
</blockquote>
Есенғали Әбдіжаппарұлы Раушанов 1957 жылы 5 қазанда Қарақалпақстанда дүниеге келген. Белгілі ақын, ҚР Мемлекеттік сыйлығының лауреаты, «Парасат» және «Құрмет» ордендерінің иегері.
1983–1987 жылдары «Жалын» және «Арай» журналдарында поэзия бөлімінің меңгерушісі, жауапты хатшы, 1988–1995 жылдары «Білім және еңбек» («Зерде») журналының бас редакторы қызметін атқарды. «Жазушы» баспасының директоры болды.
Жазушының «Бастау» (1980), «Келінтөбе» (1984), «Шолпан жұлдыз туғанша» (1986), «Ғайша бибі» (1992), «Қара бауыр қасқалдақ» (1995), «Періштелер мен құстар» (2005), «Бозаңға біткен бозжусан» (2006), «Құстар біздің досымыз» (2007) секілді бірқатар жыр жинақтары жарық көрген.

Ақын, жазушы Есенғали Раушанов дүниеден өтті

<a href="https://kyzylorda-news.kz/">Kyzylorda-news.kz</a>. Сырдария ауданындағы эпидахуалдың күрделі болуына байланысты аудан әкімі Талғат Дүйсебаев адам көп келетін «Қазпочта» АҚ аудандық бөлімшесі, «Халық банкі» АҚ аудандық филиалы, ХҚКО мекемелерін аралады.
Аудан басшысы аудандағы жағдайға байланысты сақтық шараларын қатаң сақтауды ескертті.
<blockquote>
 “Сырдария ауданы «қызыл» аймаққа енді. Ауданда індет жұқтырғандар саны көбеюде. Мұндай жағдай барлығымызға қауіпті екені анық. Сондықтан дезинфекциялық талаптарды және әлеуметтік ара қашықтықты сақтай отырып, жұмысты үйлестіру керек. Түрлі қызметтер бойынша көп келетін мекеме болғандықтан барлығына бір мезетте қызмет көрсетпей, тиісті талап бойынша ғана жұмыс істеу қажет. Мекемеге кірген әрбір адамның дене қызуын арнайы құрылғымен тексеру міндетті”, – деді аудан әкімі.
</blockquote>
Мекемелерді аралаған аудан басшысы тұрғындарға да бүгінгі эпидахулды атап айтып, сақтыққа мән беруді жеткізді. Осындай күрделі шақта барлығына түсіністікпен қарап, карантиндік шектеу талаптарын сақтауға шақырды.
<img src="https://kyzylorda-news.kz/wp-content/uploads/2021/04/fb_img_1618544699262.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618544709097.jpg" alt="" />

Талғат Дүйсебаев: Мұндай жағдай барлығымызға қауіпті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2177 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 180,
Алматы қаласы – 914,
Шымкент қаласы – 41,
Ақмола облысы – 74,
Ақтөбе облысы – 100,
Алматы облысы – 86,
Атырау облысы – 16,
Шығыс Қазақстан облысы – 54,
Жамбыл облысы – 46,
Батыс Қазақстан облысы – 155,
Қарағанды облысы – 146,
Қостанай облысы – 214,
Қызылорда облысы – 17,
Маңғыстау облысы – 11,
Павлодар облысы – 57,
Солтүстік Қазақстан облысы – 42,
Түркістан облысы – 24.
Қазақстан бойынша жазылғандар саны – 241625.

Қызылорда: Бір тәулікте 17 адам коронавирустан жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2656 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 601
Алматы қаласы – 673
Шымкент қаласы – 119
Ақмола облысы – 90
Ақтөбе облысы – 120
Алматы облысы – 232
Атырау облысы – 117
Шығыс Қазақстан облысы – 106
Жамбыл облысы – 40
Батыс Қазақстан облысы – 112
Қарағанды облысы – 201
Қостанай облысы – 28
Қызылорда облысы – 75
Маңғыстау облысы – 35
Павлодар облысы – 43
Солтүстік Қазақстан облысы – 42
Түркістан облысы – 22
Жалпы ел бойынша ауырғандар саны 281351.

Қызылордада өткен тәулікте 75 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> 16 сәуірде республиканың басым бөлігінің ауа райына антициклон жотасының ықпалы сақталады. Осыған орай жауын-шашынсыз күн райы болжанады, деп хабарлайды Қазгидромет.
Республиканың тек оңтүстік және батысында атмосфералық фронталды бөліктердің өтуіне байланысты кей жерлерде жаңбыр жауып, найзағай болады. Жекелеген өңірлерде тұман, желдің күшеюі күтіледі.
Атап айтқанда, Жамбыл, Түркістан облыстарының кей жерлерінде жел 15-20 м/с күшейеді.
Солтүстік Қазақстан, Павлодар облыстарының кей жерлерінде тұман күтіліп, күндіз жел 15-20 м/с артады.
Алматы облысының Алакөл аумағында жел 15-20 м/с күшейеді.
Қостанай, түнде және таңертең Маңғыстау, Атырау облыстарының кей жерлерінде тұман болжанады.

16 сәуірге арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова Арал ауданына барып, ондағы бірқатар нысандарды аралады. Аймақ басшысы алдымен Арал қаласындағы темір жол үстінен салынатын аспалы көпірдің орына барды.
<blockquote>
 “Қазіргі таңда аудан бюджетінен бөлінген 9,8 млн. теңгеге көпірдің техникалық – экономикалық негіздемесі әзірленіп, мемлекеттік сараптамадан өткізілген. Ұзындығы 83 метр болатын аспалы өткелдің жоба-сметалық құжаттамасын дайындауға 33 млн. теңге қаржы қажет”, дейді аудан әкімі.
</blockquote>
Бүгінде қаладағы көлік қатынасы бір ғана темір жол өткелі (переезд) арқылы жүргізілуде. Поезд жүрген уақытта өткел жабылып, 2-2,5 шақырымға дейін кептеліс орын алады. Әсіресе, жедел жәрдем, өрт сөндіру, құқық қорғау органдары сияқты кезек күттірмейтін қызметтермен қоса, тұрғындарға үлкен кедергі келтіруде. Өткел құрылысы салынған жағдайда осы аталған мәселелер шешімін таппақ.
Облыс әкімі Гүлшара Әбдіқалықованың Арал ауданындағы сапары «Барсакелмес» мемлекеттік табиғи қорығының әкімшілік ғимаратында жалғасты. Табиғи қорық Қазақ ССР Халық Комиссарлар Кеңесінің № 973 шешімі бойынша 1939 жылы құрылған. Өткен 2020 жылдың тамыз айында Үкіметтің қаулысымен Сырдария өзенінің Арал теңізіне құяр сағасынан 2300 гектар жер қорық меншігіне беріліп, бүгінде жалпы аумағы 163 126 гектарды құрады. Қорықта қазір 57 адам қызмет атқарады.
Мұндағы өзекті өсімдіктер флорасына жататын өсімдіктің 325 түрі бар. Қорықта жылдың әр-түрлі мезгілінде 250 түр құстар кездеседі, оның ішінде 33 түрі Қызыл кітапқа енгізілген. Сондай-ақ, Кіші Аралда кездесетін 22 балық түрінің барлығы осында бар. Олардың 18-і кәсіптік, 4-і Қызыл кітапқа енгізілген.
Аймақ басшысы «А.Байтұрсынов» ауылдық емханасының жұмысымен де танысты. Алғашқы медициналық-санитарлық көмек көрсететін емдеу мекемесінің 140 маманы 15 360 тұрғынға қызмет етеді. Мұнда КВИ көрсеткіші күрт көбейген жағдайға қосымша жабдықталған 100 төсектік орын дайындалған. Емхананың 3 қабатында 2 егу бөлмесі, 2 егуге дейінгі зал, 2 егуден кейінгі зал және 2 дәрігер бөлмесі орналасқан.
Облыс әкімі Гүлшара Әбдіқалықова емхана дәрігерлеріне Covid-19 індетімен күресті барынша белсенді жүргізуді және тұрғындар арасында екпе жайындағы түсіндірме жұмыстарын жандандыруды тапсырды.
Өңір басшысы Арал ауданындағы индустриялық аймақты да аралады. Ондағы «QAZAQ CAMEL» ЖШС-нің «Түйе сүтінен құрғақ ұнтақ дайындау» зауытына барып, құрылысымен танысты. Аталған нысан – түйе сүтін өңдейтін еліміздегі алғашқы зауыт. Жоба құны 1,5 млрд. теңгені құрайды. Цехтың құрылысы толығымен аяқталған. Қазіргі таңда, құрылғыларды орнату жұмыстарын жүргізетін мамандардың келуі күтілуде. Зауыт ағымдағы жылдың қыркүйек айында толық іске қосылады деп жоспарланған. Жоба іске асқанда 23 адам жұмысқа қамтылады.
Мұнан соң сапар Арал қаласындағы жаңадан салынып жатқан № 71 мектеп-интернатының құрылыс орнында жалғасты. Бас мердігер «SCS Инжиниринг» ЖШС құрылыс жұмыстарын сәуір айында бастады. Құрылыстың мерзімі 12 айға белгіленген. Аймақ басшысы мердігер мекемеге мектеп-интернет құрылысын уақытында әрі сапалы аяқтауды тапсырды.
Арал қаласында өткен жылы салынған 1 қабатты 4 пәтерлі 10 тұрғын үй аймақ басшысының назарынан тыс қалған жоқ. Мердігер мекемелер «Арал-су-құрлысы» ЖШС мен «Наурыз құрылыс» ЖШС үйлердің құрылысын өткен жылдың мамыр айында бастап, сол жылдың қыркүйек айында толық аяқтаған.
Облыс әкімі «Қазақстан Аквакультура ЛТД» ЖШС-нің «Балықты тереңнен өңдеу және пластик қайық дайындау» цехының жұмысымен де танысты. Цех іске қосылғанда жылына 4 мың тонна балық өнімдерін дайындай алады. Дайындалған өнімді ішкі нарық пен ТМД елдеріне нарыққа жөнелтпек. Өнеркәсіп 50 адам тұрақты жұмыспен қамтитын болады.
Аймақ басшысы осы сапарында Сексеуіл кентіне де барды. Кентте осы жылдың ақпан айында құрылыс жұмыстары аяқталған 300 орындық мектептің жұмысымен көрді. Мердігер мекеме мектеп құрылысын 2020 жылдың мамыр айында бастап, уақытында аяқтады. 
Одан әрі Гүлшара Әбдіқалықова «Қазақстан темір жолы ҰК» АҚ-ның теміржолшыларға арнап салып жатқан 38 екі пәтерлі тұрғын үйлерге барды. Бас мердігер «Базис СК» ЖШС тұрғын үйлердің құрылысын 2014 жылы бастаған. Қазіргі уақытта 8 үй пайдалануға берілсе, қалған 30 үйдің құрылысы аяқсыз қалған. Өңір басшысы аталған мәселенің шешу жолдарын талқылады.
Облыс әкімі бастаған делегация Жақсықылыш кентіндегі «АралТұз» АҚ-на барды. Қазір мұнда Ас тұзы және техникалық тұз өндіру жобасы іске асырылуда. Индустрияландыру бағдарламасы аясында компания ас тұзы және техникалық тұз өндіретін екі испан цехын іске қосты. Зауытты қайта құру еңбек өнімділігін екі есе арттыруға және 1200-ден астам адамды жұмыс орындарымен қамтамасыз етуге мүмкіндік берді. Өндіру және өткізу көлемі үш еседен асты, ал экспорттық өнімнің үлесі 75%-ға жетті. 2020 жылы құны 8,8 млрд.теңгені құрайтын 480,2 мың тоннаның өнімі өндірілді. 2020 жылы құны 6,7 млрд.теңгені құрайтын 317,5 мың тонна өнім экспортталды. Бүгінде үшінші Испан цехының құрылысы жүруде. Ол жылына 120 мың тонна тұз өндіруге қабілетті.
Сондай-ақ аймақ басшысы зауыттың перспективалық жоспарларымен де танысты. Облыстық индустриалдық-инновациялық даму басқармасының басшысына жобаның іске асырылуына барынша қолдау көрсетуді тапсырды. Инвесторға барынша қолайлы жағдай жасап, зауыттың дер кезінде іске қосылуына атсалысу қажет екендігін жеткізді.
Аймақ басшысы Гүлшара Әбдіқалықованың Арал ауданындағы жұмыс сапары Сапақ елді мекені мен Аралқұм ауылдық округінде қорытындыланды. Облыс әкімі бұл ауылдарда ауыл ардагерлерімен және тұрғындармен кездесіп, ауылдық округтердің әлеуметтік-экономикалық көрсеткіштерімен танысты. Сондай-ақ тұрғындарға пандемия жағдайында сақтану шаралары туралы айтып, екпе жұмыстарының індетті жеңуде үлкен көмек боларын сөз етті.
<img src="https://kyzylorda-news.kz/wp-content/uploads/2021/04/fb_img_1618500565747.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500560831.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500576683.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500553853.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500549668.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500537160.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500510802.jpg" alt="" />

Гүлшара Әбдіқалықова Арал ауданына жұмыс сапарымен барды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Жұмысшының вакцинадан кейін демалыс алуына мүмкіндігі бар ма? Бұл сауалға ҚР Еңбек және халықты әлеуметтік қорғау вице-министрі Ержан Біржанов жауап берді, деп хабарлайды <a href="https://lenta.inform.kz/kz/zhumysshynyn-vakcinadan-keyin-demalys-aluyna-mumkindigi-bar-ma-enbek-ministrliginin-zhauaby_a3776841">ҚазАқпарат.</a>
<blockquote>
 «Көптеген адам вакцинациядан кейінгі алғашқы күнде өзін жайсыз сезінетіндігіне шағымдануда. Заңнамада вакцинациядан кейін тым болмағанда бір күн демалыс алу мүмкіндігі қарастырылған ба? Болмаса мұндай норма енгізу көзделіп отыр ма?», – деп сұраған еді БАҚ өкілдері вице-министрден Орталық коммуникациялар қызметіндегі баспасөз мәслихаты барысында.
 «Иә, қазіргі уақытта жаппай вакцинация жүріп жатыр. Бұл өте дұрыс іс-шара деп санаймын. Өйткені, кез келген кәсіпорынның, тіпті біздің ұйымымыздың одан арғы қызметі вакцина алғандардың санына байланысты. Тезірек вакцина алсақ, онда жұмысшы өзінің жұмыс орнына оралады»,- деді вице-министр.
</blockquote>
Оның атап өтуінше, адам вакцина алғаннан кейін өзін жайсыз сезінсе, онда еңбекке жарамсыздық парағын аштыра алады.
<blockquote>
 «Жайсыз сезінуге қатысты айтар болсам, ондай адамдар көп емес. Вакцинадан кейін қандай да бір жанама әсер пайда болған жағдайда арнайы 30 минут беріліп, адам бақылауда болады. Егер қандай да бір жанама әсер болса, онда дәрігерге жүгіну керек. Дәрігерге жүгінген кезде симптомдар білінсе, еңбекке жарамсыздық парағын аштыра алады. Мұның бәрі жеке-жеке қаралады. Ал вакцинадан кейін барлығына жаппай демалыс беру мәселесін қарастыру тиімсіздеп ойлаймын», – деді Ержан Біржанов.
</blockquote>

Жұмысшының вакцинадан кейін демалыс алуына мүмкіндігі бар ма?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Биыл түлектер ұлттық бірыңғай тестілеуді электронды форматта тапсырады. Білім сынағы тестілеу базасында өткізіледі. Ол үшін Қызылорда облысында 4 тестілеу пункті әзірленген.
Ал, Қызылорда қаласында ұлттық бірыңғай тест «Ustudy» білім беру базасында ұйымдастырылады. Облыс әкімінің орынбасары Балжан Шәменова «Ustudy» тестілеу базасына арнайы барып, орталық жұмысымен танысты.
Білім басқармасының басшысы Ақзира Қасымова өңірде ұлттық тестілеуге дайындық барысын, тестілеу пункттерінің әзірлігін баяндады. Сонымен қатар, биылғы ұлттық бірыңғай тестілеудің форматына қатысты негізгі өзгешеліктерді атап өтті.
Айта кетейік, биыл 7006 түлек 11 сыныпты аяқтайды. Оның 90 пайызы ұлттық тестке қатысады жоспарланып отыр. 
Биылғы жылдың басты ерекшелігі – түлектер ұлттық тестті екі рет тапсыруға мүмкіндік алады.
<img src="https://kyzylorda-news.kz/wp-content/uploads/2021/04/173880405_1269787826750060_4551135717166532111_n.jpg" alt="" />

Балжан Шәменова ҰБТ өтетін білім базасының жұмысымен танысты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Мемлекет басшысы еліміздің әлеуметтік-экономикалық даму мәселелері жөнінде кеңес өткізді, деп хабарлайды &nbsp;<a href="https://www.akorda.kz/kz/memleket-basshysy-elimizdin-aleumettik-ekonomikalyk-damu-maseleleri-zhoninde-kenes-otkizdi-1535340">Ақорданың</a>&nbsp;баспасөз қызметі.
Президент Қасым-Жомарт Тоқаевтың төрағалығымен өткен жиында ел дамуының жаңартылған болжамы және республикалық бюджетті нақтылау жөніндегі ұсыныстар талқыланды. Отырысқа Премьер-Министр Асқар Мамин, Президент Әкімшілігінің Басшысы Ерлан Қошанов, Ұлттық банк төрағасы Ерболат Досаев және басқалар қатысты.
<img src="https://www.inform.kz/radmin/fotofiles/2021/04/15/2104151811285741g.jpg" alt="" />
Отырыс барысында Үкімет әлеуметтік-экономикалық дамуға қатысты болжамдарын және әлемдік экономикадағы ахуалды, тауар нарығындағы үрдістерді ескере отырып, осы жылға арналған республикалық бюджетті нақтылау жөніндегі ұсыныстарын, сондай-ақ, биылғы І тоқсанның алдын ала қорытындыларын ұсынды. Атап айтқанда биыл ішкі жалпы өнімнің нақты өсімі бекітілген көрсеткіштен 0,3 пайызға артып, 3,1% деңгейде болады деп болжануда. Инфляция деңгейі 4-6% аралығында сақталып отыр.
Бюджетті нақтылаудың негізгі міндеті – Мемлекет басшысының Жолдауында айтылған тапсырмаларды орындау және «Nur Otan» партиясының сайлауалды платформасын жүзеге асыру. Осыған байланысты бюджеттің кірісінде де, шығысында да өсім болады деп күтілуде.
Автомобиль жолдарын дамытуға, «Ауыл – ел бесігі» жобасын одан әрі іске асыруға, экономиканың неғұрлым зардап шеккен салаларындағы кәсіпкерлік субъектілерін қолдауға, «Жұмыспен қамтудың жол картасын» жүзеге асыруға және агроөнеркәсіптік кешенді дамытуға қосымша қаражат бөлінетін болады.
Пандемиямен күреске бөлінетін қосымша қаржы дәрігерлерге үстемеақы және медициналық қызметтердің ақысын төлеуге жұмсалады. Сонымен қатар әскери қызметшілерді тұрғын үймен қамтамасыз етуге, су тасқынына қарсы іс-шараларға, сумен қамтамасыз ету және су тарту жүйелерінің құрылысы мен оларды жаңғыртуға қаржы бөлу жоспарланған.
Жиын қорытындысы бойынша Президент Қасым-Жомарт Тоқаев бюджет шығындарын оңтайландырып, кірісін арттыру, мемлекеттік сатып алу жүйесін жетілдіру, инфрақұрылым мен цифрландыруды дамыту, сондай-ақ, Жекешелендірудің кешенді жоспары аясында мемлекеттің экономикадағы үлесін азайту жұмыстарын жандандыру жөнінде тапсырма берді.

Қазақстан және Қызылорда облысының жаңалықтары