<a href="https://kyzylorda-news.kz/">Kyzylorda-news.kz</a>. Қызылорда облысында коронавирус инфекциясының таралу қарқыны өсіп жатыр. 21 сәуір күні «қызыл аймаққа» енген.
Осы орайда Қызылорда қалалық мәдени және демалыс паркінің әкімшілігі парктің жұмыс маусымының ашылуы мамыр айына қалдырылғанын хабарлады.
<blockquote>
 «Алдағы уақытта қалалық мәдени және демалыс паркінің ашылатын күні қосымша хабарланатын болады», – делінген қалалық мәдениет бөлімінің таратқан мәліметінде.
</blockquote>

Қызылордадағы демалыс паркінің ашылуы кейінге қалдырылды

<a href="https://kyzylorda-news.kz/">Kyzylorda-news.kz</a>. Балмұздақ, дөнер сияқты тамақтарды сыртта сатумен айналысатын 70-тен астам кәсіпкер бас санитарлық дәрігердің қаулысына наразылық танытып, әкімдіктің алдына жиналды.
Кәсіпкерлер Шымкент қаласының бас санитарлық дәрігері Әбдіманап Төлебаевтың қызметінен кетуін талап етті. Олардың айтуынша, карантин шектеулері бір-біріне керағар деп хабарлайды <a href="https://www.ktk.kz/kz/news/video/2021/04/21/178201/">КТК</a> арнасы.
Оларға Шымкент “қызыл” аймаққа кіруіне байланысты бірнеше күн бұрын шыққан күшейтілген қаулы ұнамаған көрінеді.
Құжатта сыртқа тамақ шығарып сататындар мен базарларға, моншаларға бірдей шектеу қойылған екен. Яғни кешкі сағат 10-нан кейін қызмет көрсетуге тыйым салынған.
Ережені енгізген қаланың бас санитарлық дәрігері Әбдіманап Төлебаев екеніне сенімді топ онымен кездескісі келген, назарлық білдірушілер тіпті оған жұмыстан кетсін деген талап қойған.
<blockquote>
 “Ақ-қарасын ажыратпай, өзінше шешім қабылдап отырған жігіттердің бірі. Төлебаев қазір алдымызды орап жатқан жалғыз адам деуге болады. Баршамыз бірге Төлебаев жұмыстан кетсін дейміз”, – дейді кәсіпкер Арман Таңсықбаев.
</blockquote>
Дегенмен жиналған топқа басу айтуға не әкім, не бас санитарлық дәрігер келмеген. Тілшілер Әбдіманап Төлебаевпен тек кабинетінде тілдесе алған. Маман қызметінен кетпейтінін ашық айтқан. Ал қаулыны шығарар да бір өзі шешім қабылдамағанын жеткізген.
<blockquote>
 “Мен отставкаға кететіндей саяси қызметкер емеспін – біріншіден. Екіншіден, мен әкімшілік, мемлекеттік қызметкермін. Қазір өзімнің күш-жігерімде де, білімім де және де бағытым да жұмыстан кететін жағдайда деп санамаймын. Ол кісілер не айтпайды, не қоймайды”, – дейді Шымкент қаласының бас санитарлық дәрігері Әбдіманап Төлебаев.
</blockquote>
Айта кетейік, кәсіпкерлердің жанайқайынан кейін қаулы өзгертілді. Енді тамақты сыртта сататындарға түнгі сағат 10-ға дейін емес, тәулік бойы қызмет көрсетуге мүмкіндік беріліп отыр.

Кәсіпкерлер қаланың бас санитарлық дәрігерінің жұмыстан кетуін талап етті

<a href="https://kyzylorda-news.kz/">Kyzylorda-news.kz</a>. 21 сәуірде Қызылорда “қызыл аймаққа” енді. Коронавирусқа шалдығушылардың саны артты. Бұл өткен жылдың осы мезгілімен салыстырғанда жоғары болып отыр.
Бұл жағдай одан әрі ушыға берсе облыстағы халыққа қызмет көрсету орталықтары алдын ала брондау бойынша қызмет көрсетуге көшуі мүмкін. Бұл облыстың бас санитарының қаулысына сәйкес жүргізілетін болады. Сондықтан алдын ала брондау жүргізудің жолдарын білген абзал.
<blockquote>
 «Аталған шараға түсіністікпен қарауларыңызды және шұғыл қажеттіліксіз ХҚО-ға келмеулеріңізді сұраймыз. Сондай-ақ мемлекеттік қызметтердің 90%-дан астамын eGov.kz порталынан және eGov mobile мобильдік қосымшасында алуға болатынын еске саламыз», – дейді «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының директоры Айдын Қайруллаев.
</blockquote>
Алдын ала брондау өте оңай: egov.kz порталында, egov mobile қосымшасына, egovkzbot2.0 (@kenes1414bot) телеграм-боты арқылы, сондай-ақ 1414 байланыс орталығына қоңырау шалып, жеке деректерді, өңірді, ХҚО бөлімін, баратын күні мен уақытты көрсету қажет.

Айдын Қайруллаев: Шұғыл қажеттіліксіз ХҚО-ға келмеулеріңізді сұраймыз

<a href="https://kyzylorda-news.kz/">Kyzylorda-news.kz</a>. Қазақстан Республикасы Мемлекеттік сыйлығының иегері, Қазақ КСР-нің халық артисі, әншi, композитор Ескендір Хасанғалиев коронавирус жұқтырып, жансақтау бөлімінде жатыр. Бұл туралы әншінің ұлы Біржан Хасанғалиев Instagram желісіндегі парақшасында жазды.
Біржан Хасанғалиевтің айтуынша, оның анасы да жансақтау бөлімінде жатыр.
<blockquote>
 “Соңғы уақытта қаншама қоңыраулар соғылып, ата-анамның емделу барысын біліп жатқандар өте көп. Үлкен рақмет сіздерге! 4-5 күн болды, жансақтау бөлімінде жатыр. Дәрігерлер айтқан “жағдайы тұрақты” деген сөзі көп үміт және сенім береді”, – деді Біржан Хасанғалиев.&nbsp;
</blockquote>
Айта кетейік, Ескендір Дарико Хасанғалиевтер коронавирус жұқтырған.

Ескендір мен Дарико Хасанғалиевтер жансақтау бөлімінде жатыр

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова жұмыс сапарымен Шиелі ауданына барып, бірқатар әлеуметтік және кәсіпкерлік нысандарды аралады.
Аймақ басшысы алдымен Сұлутөбе елді мекенінің ауыз сумен қамту жүйелерінің және бас су қоймасының жұмысымен танысты.
«Сұлутөбе елді мекенінің ауыз сумен қамту жүйелерінің және бас су қоймасы» жобасы аясында 184 дана көру құдықтары орнатылып, қыстақішілік 18,84 шақырым, тұтынушы тұрғын үйлерге дейін 9,02 шақырым ауыз су құбырлары жүргізілді. Бас мердігер «Бақ-Береке 2030» ЖШС.
Облыс әкімі Талаптан ауылдық округінде орналасқан «Шиелі төрт түлігі» кооперативіне де барды. Кооператив 2016 жылы құрылған.Негізгі қызметі-сүт өндіру және өңдеу. Мүшелерінің саны-35 адам.
2017 жылы «Ауыл шаруашылығын қаржылай қолдау қоры» АҚ арқылы кооперативтің 21 мүшесі 64,5 млн. теңге несие алып, 2017 жылдың қазан-қараша айларында 258 бас сүт бағытындағы мүйізді ірі қара мал алынды.
Сонымен қатар, аймақ басшысы Байгеқұм ауылдық округіндегі клуб ғимаратына барып, ауыл ардагерлерімен кездесті. Бұл жерде аудан әкімі Қамбарбек Мүбараков облыс әкіміне ауданның әлеуметтік-экономикалық жағдайын таныстырды.
Елді мекендегі апатты жағдайдағы клубтың орнына жобалық құны 173,3 млн. теңге болатын 150 орындық жаңа клуб ғимаратының құрылысы 2014 жылы шілдеде басталып, желтоқсанда пайдалануға берілген.
Гүлшара Әбдіқалықовахалыққа сапалы қызмет көрсету қажет екенін айтып, қазіргі эпидемиологиялық ахуалға байланысты санитарлық шараларды қатаң сақтауды жүктеді.
Облыс әкімі жұмыс сапар барысында Шиелі кентіндегі 18 пәтерлік 4 тұрғын үйдің құрылысын көрді. Құрылыс жұмыстарын «Жабдықтау» ЖШС жүргізуде. 3 қабатты тұрғын үйлердің құрылысына 709 млн.737 мың теңге бөлінген. Бұл жерде 2 бөлмелі 12 пәтер, 3 бөлмелі 6 пәтер салынып, ағымдағы жылдың желтоқсан айында пайдалануға беріледі деп жоспарлануда.
Аймақ басшысы құрылыс жұмыстарын сапалы жүргізіп, уақытылы аяқтауды қажет екенін ескертті.
Одан кейін, облыс әкімі «Мөлдір и К» ЖШС құс өсіру фермасының жұмысын көрді. «Құс өсіру фермасы» жобасының құны 165 млн. теңге құрайды. Ферма жұмысын 2016 жылы бастаған, қазіргі таңда 10 адам жұмыс істейді. «Бизнестің жол картасы 2020» мемлекеттік бағдарламасы арқылы 33,5 млн. теңге алып, құс фермасының 2-цехы іске қосылды. Бүгінгі таңда кәсіпорында тәулігіне 20 мың дана жұмыртқа өндіріледі. Алдағы уақытта ет бағытындағы құс өсіруді жолға қойып, жылына 65 тонна құс еті өндіріледі деп жоспарлануда. 
Аймақ басшысы Гүлшара Әбдіқалықова аудан әкімінешағын және орта кәсіпкерлікті, отандық өнімді дамыту бағытында кәсіпкерлерге қолдау көрсетуді, кәсіпорындарда санитарлық талаптардың сақталуын бақылауда ұстауды тапсырды.
Мұнымен қоса, облыс әкімі «Жұмыспен қамту жол картасы» аясында А.Ясауии көшесіндегі аббаттандырудан өткен аллеяның және Жиделіарық елді мекеніндегі жаңадан салынған 150 орындық клубтың жұмысымен танысып, «Бастау» сауықтыру кешеніне барды. 
Ясауии көшесіндегіаллеяның ұзындығы 430 метр, ені 19 метрді құрайды. Аллеяда мәрмәр мүсінді макеттер, балалар ойын сауық алаңы орнатылған. Айналасы гүлмен көмкеріліп, абаттандырылған демалыс орнына айналған. Мемлекеттік бағдарлама аясында аббаттандыру жұмыстарына 49,2 млн.теңге қаражат бөлінген.
Ал, 2 қабаттан тұратын, 150 орындық клубтың құрылысына «Жұмыспен қамту жол картасы» бағдарламасы аясында 177 млн.249 мың теңге бөлінген. Бас мердігер «ДаренСтройСервис» ЖШС әлеуметтік нысанды ағымдағы жылдың мамыр аянда пайдалануға береді деп жоспарлануда.
«Бастау» сауықтыру кешенінде ауыл жастарын спортпен шұғылдандыру мақсатында үлкен және кіші бассейн салынған. Бұл нысан 2018 жылы пайдалануға беріліп, қазіргі таңда 6 тұрғын жұмыспен қамтылған.
Жұмыс сапар аудан орталығына жақын аумақта орналасқан жеке шаруа қожалықтың егіс алқабында жалғасты. Шаруашылықта 4 гектар жерде тамшылатып суару әдісімен қызанақ егіледі.
Сонымен қатар облыс әкімі аудандық емханаға барып, коронавирустің алдын алу және індетке қарсы вакцинаегу жұмыстарымен танысты. Аймақ басшысы қоғамдық орындарда карантин талаптары қатаң сақталу қажет екенін баса айтты.
<blockquote>
 «Әлемді жаулаған індеттің таралуы күшейіп, облысымыз «қызыл айммаққа» кіргенін жақсы білесіздер. Эпидемиологиялық жағдайдың тұрақталуы тұрғындардың вакцина алуына тікелей байланысты. Себебі, ғалымдардың зерттеулеріне сәйкес коронавирусты жеңудің бірден бір жолы вакцинация. Осы орайда, ақпараттық жұмыстарды дұрыс ұйымдастыру маңызды. «Covid-19» инфекциясының таралуын алдын алып, әсіресе, қоғамдық орындарда адамдардың жиналмауын қадағалаңыздар, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/177517499_3303637096406003_1896819736220101111_n.jpg" alt="" />
<img src="https://kyzylorda-news.kz/wp-content/uploads/2021/04/176357996_3303635883072791_2928303364626648998_n.jpg" alt="" />
<img src="https://kyzylorda-news.kz/wp-content/uploads/2021/04/176107527_3303641243072255_3272854005353477612_n.jpg" alt="" />
<img src="https://kyzylorda-news.kz/wp-content/uploads/2021/04/176586643_3303641006405612_8294242612587783085_n.jpg" alt="" />
<img src="https://kyzylorda-news.kz/wp-content/uploads/2021/04/177201444_3303639969739049_3764138825902876090_n.jpg" alt="" />

Гүлшара Әбдіқалықова жұмыс сапарымен Шиелі ауданына барды

<a href="https://kyzylorda-news.kz/">Kyzylorda-news.kz</a>. Отандық QazVac вакцинасын қазақстандықтарға егу 26 сәуірде басталады, деп хабарлайды <a href="https://lenta.inform.kz/kz/halykty-otandyk-qazvac-vakcinasymen-vakcinaciyalau-kashan-bastalady_a3779576">ҚазАқпарат</a>.
Бүгін COVID-19-ға қарсы қазақстандық QazVac (QazCovid-in) вакцинасының&nbsp;алғашқы партиясы&nbsp;жөнелтілді.
QazVac вакцинасының алғашқы 50 мың дозасы «СҚ-Фармацияның» хабтарына таратылып, одан әрі еліміздің барлық өңірлеріндегі денсаулық сақтау басқармаларының қоймаларына жеткізіледі.
«Быилғы жылдың 26 сәуірінде халықты QazVac вакцинасымен вакцинациялау басталады. Мамыр айында 50 мың доза көлеміндегі вакцинаның кезекті партиясын шығару жоспарланып отыр. Бұдан әрі вакцина өндірісі кезең-кезеңмен айына 500-600 мың дозаға дейін ұлғайтылады», делінген хабарламада.
Еске сала кетсек, бүгін ҚР Премьер-Министрінің орынбасары Ералы Тоғжанов Биологиялық қауіпсіздік проблемалары ғылыми-зерттеу институтында өндірілген QazVac (QazCovid-in) қазақстандық вакцинасының бірінші партиясын жөнелтуге қатысты.
Отандық вакцина Дүниежүзілік денсаулық сақтау ұйымының тізіліміне енгізілген. QazVac вакцинасын жеткізу әдістері күрделі тоңазытқыш қондырғыларын талап етпейді, олар тоңазытқышта плюс 2-8 градус температурада тасымалданады.

Халықты отандық QazVac вакцинасымен вакцинациялау қашан басталады?

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасына облыс орталығының тұрғыны жүгінді. Белгілі болғандай, бейтаныс әйел оған қалалық мектептердің біріне &nbsp;жұмысқа &nbsp;орналасуға көмектесуге уәде берген.
Осы мақсатта ол алдау жолымен жәбірленушінің 500 000 теңге көлемінде ақшасын жымқырған. Бірақ көп ұзамай ақшаны алдап алған алаяқ телефон қоңырауларына жауап бермей, &nbsp;бүгінгі күнге дейін уәде етілген жұмысқа орналастырылу &nbsp;мәселесі әлі де&nbsp; өз шешімін таппады.
Жедел- іздестіру &nbsp;шараларының нәтижесінде 1978 жылы туған бұрын сотты болған әйел күдікті ретінде құрықталды. &nbsp;
<blockquote>
 &nbsp; «Қазіргі уақытта аталған дерек бойынша Қазақстан Республикасының &nbsp;Қылмыстық Кодексінің 190-бабының 1-бөлігі (Алаяқтық, яғни алдау немесе сенімге қиянат жасау жолымен бөтеннің мүлкін ұрлау немесе бөтеннің мүлкіне құқық алу) бойынша сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. Оқиғаның мән – жайлары анықталуда», делінген полиция департаментінің хабарламасында.
</blockquote>

«Мектепке жұмысқа орналастырамын»:  Қызылордада алаяқ ұсталды

<a href="https://kyzylorda-news.kz/">Kyzylorda-news.kz</a>. Сырбойылық дихандар енді күрішті көшеттеп егу технологиясына көшеді. Бұл өңірдегі су тапшылығынан туындайтын мәселелерді болдырмайды. Айта кетерлігі, бұл елімізде де тұңғыш рет қолданылмақ. Қазір бұл бағытта бірқатар жұмыстар жасалып жатыр.
<blockquote>
 «Бүгінде біздің өңірде су тапшылығы байқалды. Көшеттеп отырғызудың бұл ретте артықшылығы көп. Мұнда күріш арнайы жылыжайларда өсіріледі. Содан соң көшеттеп егіледі. Осылайша суды аз тұтынуға болады. Мәселен, бүгінде дәстүрлі егу бойынша әрбір гектарға 250 кг тұқым егілетін болса, көшеттеп егудің нәтижесінде тұқымды 5 есе үнемдеп, одан мол өнім алуға мүмкіндік бар. Қазір біздің өңірдегі ең үлкен проблеманың бірі жердің тұздылығы. Соған байланысты қазір күріштің өзінен шыққан қауыз және сабан секілді қалдықтарды өңдеу арқылы биочар деген тыңайтқыш жасау бойынша жұмыстарды қолға алдық. Ол тұздылықты төмендетіп, топырақтың кебірлену процесін болодырмайды әрі топырақтың бойында суды сақтайды. Алдағы уақытта шаруашылықтармен бұл бағытта да бірге жұмыс істейтін боламыз», – деді Ы.Жақаев атындағы қазақ күріш шаруашылығы ғылыми-зерттеу институтының директоры Нұрбол Аппазов.
</blockquote>
Күріштен бөлек, егіс дақылдарын егу жұмыстары басталып кетті. Бүгінде облыста 19 681 гектар жаңа жоңышқа, 6 225 гектар мақсары, 4 043 гектар жаздық бидай, 25 гектар соя, 324 гектар жаздық арпа, 5 гектар сұлы егілді.
<blockquote>
 «Биыл облыс бойынша 188,2 мың гектарға егiс егіледі. Оның ішінде дәндi дақылдар 96,6 мың, майлы дақылдар 6,7 мың, мал азықтық дақылдар 66,4 мың, картоп, көкөнiс, бақша дақылдары 18,5 мың гектарды құрайды. Негізгі дақыл күрiштің көлемі 84,4 мың гектар. Сондай-ақ, биыл су үнемдеу технологиясын қолдану арқылы ауыл шаруашылығы дақылдарын егуді де жоспарлап отырмыз. Алда тамшылатып суару әдісімен – жоспарланған 3,0 мың гектарға қызанақ, жаңбырлатып суару әдісімен – 87 гектарға жүгері егуді бастаймыз», – деді облыстық ауыл шаруашылығы басқармасының басшысы Шахмардан Қойшыбаев.
</blockquote>
<img src="https://kyzylorda-news.kz/wp-content/uploads/2021/04/176198239_1274350416293801_8331600163974998814_n.jpg" alt="" />

Биыл Қызылорда облысында 188,2 мың гектарға егiс егіледі

<a href="https://kyzylorda-news.kz/">Kyzylorda-news.kz</a>. Бұл туралы «Nur Otan» партиясы облыстық филиалы жанындағы Отбасы, әйелдер және балалар құқығын қорғау жөніндегі Қоғамдық кеңесінің алғашқы отырысында белгілі болды.
Кеңес отырысында оның жаңа құрамы таныстырылып, алдағы жылға арналған жұмыс жоспары анықталды. Сондай-ақ, «Бақытты отбасы» партиялық жобасы аясында Жаңақорған ауданда әлеуметтік тұрғыдан аз қамтылған, қиын жағдайға тап болған отбасыларға жан-жақты қолдау көрсету бағытында атқарылған жұмыстар сараланды.
Бұл бағытта Жаңақорған ауданы әкімінің орынбасары Дархан Тұрсынбаевқа сөз берілді.
<blockquote>
 «Жалпы республикада алғаш болып «Бақытты отбасы» орталығы Қызылорданың Жаңақорған ауданында ашылды. Орталық аудандық партия филиалының төрағасы, аудан әкімінің қолдауымен Халықты жұмыспен қамту орталығы жанынан 1 сәуірден бастап өз жұмысын бастады. Орталыққа аудандық бюджеттен 5 қызметкерге штат бірлігі бөлініп, қажетті құрылғылар және балаларға арналған бөлмелермен қамтамасыз етілді», – деді аудан әкімінің орынбасары.
</blockquote>
Баяндамадан белгілі болғандай қазір Орталықта жұмыспен қамту орталығы көрсететін қызметтермен қатар әлеуметтік жағдайы төмен, көп балалы отбасыларды дағдарыс жағдайынан шығаруға және олардың қажеттіліктерін қанағаттандыру мақсатында басқа да қызметтер «бір терезе» қағидаты бойынша көрсетіледі. Атап айтқанда, отбасыларға заңгерлік және психологиялық көмек көрсетуден бастап кәсіпкерлік негіздерге оқыту, бизнес-жоспар құруға, грант немесе шағын несие алуға, сондай-ақ жұмысқа орналасуды кезең-кезеңімен жүргізу бойынша жұмыстар жүргізіледі.
Жалпы атап өту керек бүгінгі таңда ауданда халықтың әлеуметтік осал топтарымен 6 психолог маман, 20 әлеуметтік қызметкер жұмыс жасауда. Орталыққа жыл басынан есепті мерзімге 273 әлеуметтік жағдайы төмен отбасы тіркелген. Олардың 67-сі қолайсыз отбасы болып анықталып отыр.
Жиынды қорытқан Кеңес төрағасы Райкүл Бай назарова бұл бағыттағы жұмыстарды еселу керектігін айтып, барлық аудандарда «Бақытты отбасы» орталықтарын ашу жолдарын қарастыруды тапсырды.

«Бақытты отбасы» орталығы Жаңақорғанда ашылды

<a href="https://kyzylorda-news.kz/">Kyzylorda-news.kz</a>. Облыс көлемінде кәмелетке толмағандар мен жастар арасында&nbsp; 19 мен 25 сәуір аралығында «Заң-Бала-Қауіпсіздік» жедел профилактикалық&nbsp; іс-шарасы өткізілуде.
Іс-шараның 3-күнінде полиция органдарына барлығы 217 кәмелетке толмағандар жеткізілсе, оның 195 әртүрлі әкімшілік құқық бұзушылықтар жасағандары анықталды. Ата-аналарына әкімшілік хаттамалар толтырылып, 22-і қаңғыбастық пен кезбелікке салынғандары үшін облыстық кәмелетке толмағандарды бейімдеу орталығына орналастырылды.
Жүргізілген рейдттік шара барысында ҚР ӘҚБтК-нің 132 бабы(Кәмелетке толмағандардың түнгi уақытта ойын-сауық мекемелерiнде болуына жол беру) – 3 дерек,200 бабымен (Қазақстан Республикасы заңнамасының алкоголь&nbsp;&nbsp;өнімін өткізу жөніндегі талаптарын бұзу) – 6 дерек&nbsp; анықталды.
Кәмелетке толмағанды тәрбиелеу жөніндегі міндеттерін орындамаған ата-аналар(ҚР ӘҚБтК-нің 127 бабы)&nbsp; 6 дерек анықталса, ҚР ӘҚБтК-нің 442-бабымен (сағат 22:00-ден 06:00-ге дейін кәмелетке толмағандар түнгі уақытта заңды өкілдерінің еріп жүруінсіз ойын-сауық мекемелерінде болуы және сағат 23:00-ден 06:00-ге дейін заңды өкілдерінің еріп жүруінсіз тұрғын жайдан тыс жерде болуы) барлығы 184 кәмелетке толмағандар анықталып, олардың заңды өкілдеріне әкімшілік шаралар көрілді.&nbsp;
Сонымен қатар білім беру ұйымдарында кәмелетке толмағандар арасында құқық бұзушылықты алдын алу мақсатында онлайн форматта «Заң-Бала-Қауіпсіздік» тақырыбында түсіндіру жұмыстары жүргізілуде.
Полиция департаментінің басшылығының тапсырмасына сәйкес, ата-аналармен онлайн түрде кездесулер өткізіліп, оларға құқықтары мен міндеттерін, қылмыс пен құқық бұзушылықтың зардаптарын, олардың алдын алу шараларын кеңінен түсіндірілді.

Қызылордада заң бұзған 195 жасөспірім анықталды

<a href="http://Kyzylorda-news.kz.">Kyzylorda-news.kz.</a> Қазақ әліпбиін латын қаріпіне көшіру бойынша жоба көпшілік талқылауы үшін&nbsp;<a href="https://legalacts.egov.kz/npa/view?id=8243312">“Ашық НҚА”</a>&nbsp;сайтына жарияланды.
Тіл саясаты комитеті “Қазақ тілі әліпбиін кириллицадан латын графикасына көшірудің кейбір мәселелері туралы” ҚР Президенті Жарлығының жобасын дайындады.
Құжатта қазақ әліпбиін кириллицадан латын қаріпін көшірудің бұрынғы нұсқасына өзгерістер енгізілген.
Жарлық жобасын 6 мамырға дейін талқылауға болады.

Қазақстанда латын қаріпіндегі жаңа әліпби жобасы бекітілмек

*<a href="https://kyzylorda-news.kz/">Kyzylorda-news.kz</a>. Шиелі ауданының әкімі Қ.Мүбараковтың қатысуымен Ы.Жақаев ауылындағы “Алтын дән ” шаруа қожалығының егіс алқабында алғашқы дән себу “ДАЛА КҮНІ – 2021” шарасы аталып өтті.*
Шара Екі мәрте Социалистік Еңбек Ері, даңқты диқан, атақты күрішші Ы.Жақаев атамыздың басына құран бағыштаудан басталды. Биыл даңғайыр диқан Ы.Жақаевтың 130 жылдығы.
Егіс алқабында аудан әкімі Қ.Мүбараков сөз сөйлеп, егіс жұмыстарының барысы, алдағы жоспарлар жайлы айтты. 
Одан соң сөз кезегін Ы.Жақаев атамыздың ұлы Сейітбек Ыбырайұлы, Шиелі ауданының Құрметті азаматы Р.Мауеяв сөз сөйлеп, диқаншыларға ақ батасын берді.
<img src="https://kyzylorda-news.kz/wp-content/uploads/2021/04/fb_img_1619065766726.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619065770163.jpg" alt="" />

Қазақстан және Қызылорда облысының жаңалықтары