<a href="https://kyzylorda-news.kz/">Kyzylorda-news.kz</a>.&nbsp; Қасиетті Рамазан айында Қызылорда облыстық Қазақстан халқы Ассамблеясының волонтерлары және «Жаңғыру жолы» жастары бірлесіп, қала тұрғындарына ауызашар тәттілерін таратты. Игілік пен сауапқа толы іс «Қайырымды істер марафоны» аясында жүзеге асуда.
Рамазан қайырымдылық пен мейірімділік айы. Бұл айда сауаптар еселеніп жазылады. Осы ниетті ұстанған өңірлік Ассамблея волонтерлары қала тұрғындары көп шоғырланатын ескі базар маңы, “Арбат” бойында жүрген және “Айтбай” мешітінің алдында шоғырланған жамағатқа ауызашарға арналған қорапшаларды ұсынды.
<blockquote>
 «Өз кезегінде қала тұрғындары жақсылық жасаған жандарға “Алланың нұры жаусын” деген ақ тілектерін жаудырды. Қайырымдылық шара аясында 100 адам ауызашар тәттілерімен қамтылды. Алдағы уақытты осындай ізгілікке толы жұмыстар өз жалғасын табады», дейді облыстық Ассамблея мүшелері.
</blockquote>
<img src="https://kyzylorda-news.kz/wp-content/uploads/2021/04/176816882_2922767361375758_2646825843405551299_n.jpg" alt="" />
<img src="https://kyzylorda-news.kz/wp-content/uploads/2021/04/177855514_2922767284709099_5892207386163812151_n.jpg" alt="" />

Қала тұрғындарына ауызашар тәттілері таратылды

<a href="https://kyzylorda-news.kz/">Kyzylorda-news.kz</a>. Байқоңыр қалалық пробация қызметінің есебінде тұрған жігіт сот үкімімен Қазақстан Республикасы ҚК-нің 188-бабының 1-бөлігі бойынша 200 (екі жүз) сағатқа қоғамдық жұмысқа тартуға шешім шығарылған.
Алайда жазасын өтеуші ескертулерге қарамастан қоғамдық жұмыстарды орындау үшін жергілікті атқарушы органға мүлдем бармай, қоғамдық жұмыстарды орындаудан бірнеше рет дәлелді себептерсіз жалтарған.
Пробация қызметі тарапынан жазасын өтеушіге қатысты Байқоңыр қалалық сотына қоғамдық жұмыстарға тарту түріндегі жазасының өтелмеген бөлігін бас бостандығынан айырумен ауыстыру туралы ұсыным жолданды.
Байқоңыр қалалық сотының 2021 жылғы 29 наурыздағы&nbsp; қаулысының негізіндежазасын өтеушінің қоғамдық жұмыстарға тарту түріндегі жазасының өтелмеген 200 сағаты 50 тәулікке бас бостандығынан айырылды. Жазасын қылмыстық-атқару жүйесінің орташа қауіпсіз мекемелерінде өтеу белгіленді.

Қоғамдық жұмысты орындаудан жалтарған жазасын өтеуші қамауға алынды

<a href="https://kyzylorda-news.kz/">Kyzylorda-news.kz</a>. Қазақстан президенті Қасым-Жомарт Тоқаев коронавирусқа қарсы QazVac вакцинасы еліміздің өңірлеріне жеткізіле бастағанын мәлімдеді, деп хабарлайды&nbsp;<a href="https://sputnik.kz/">Sputnik Қазақстан.</a>
<blockquote>
 “Барлық азаматқа қолжетімді болу үшін отандық екпе өндірісін ұлғайтамыз. Қазақстан әлем бойынша өз вакцинасын шығарған бірнеше елдің қатарында. Екпені әзірлеген ғалымдар мен мамандардың бәріне алғыс айтамын!”, – деп жазды президент әлеуметтік желідегі парақшасында.
</blockquote>
Айта кетейік, бұған дейін COVID-19 таралуына жол бермеу жөніндегі ведомствоаралық комиссия қазақстандық QazVac препаратымен вакциналау 26 сәуірде басталатынын хабарлаған болатын. QazVac вакцинасының алғашқы 50 мың дозасы өндірілді, мамырда тағы 50 мың доза көлемінде шығарылады.
Қазақстан премьер-министрінің орынбасары Ералы Тоғжанов Жамбыл облысында салынып жатқан QazVac вакцинасын шығаратын зауыт жыл соңына қарай іске қосылатынын айтты.

Қасым-Жомарт Тоқаев отандық вакцина өңірлерге жеткізіле бастағанын хабарлады

<a href="https://kyzylorda-news.kz/">Kyzylorda-news.kz</a>. Қызылорда қаласында «Универсам» шағын ауданындағы көпқабатты тұрғын үйлерінің маңайында орын алып жатқан құқық бұзушылықтардың алдын алу, маскүнемдердің көптеп жүруі мен тәртіпсіздігін жою&nbsp; мақсатында рейдтік жұмыстар ұйымдастырылды.
Рейдтік аралау жұмыстарына патрульдік полицейлер мен №10 учаскелік пунктінің қызметкерлері жұмылдырылды. «Универсам» әкімшілік&nbsp; ауданында 62 көпқабаттты үйлер, 910 жеке үйлерде 28&nbsp;665 халық тұрады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Жыл басынан профилактикалық есепте- 20 адам, маскүнемдікке салынған – 68, нашақорлыққа- 19, психо-неврологиялық есебінде –&nbsp; 6 азамат тіркелген. Учаскелік пункте 5 учаскелік инспектор жұмыс атқарады. Тұрғындардың мекен-жайларын аралау кезінде осы әкімшілік аймаққа жауапты учаскелік полиция инспекторларының аты-жөндері, қызметтік және ұялы байланыс телефондары көрсетілген визиткалар тұрғындарға таратылды.
Тұрғын үйлердің аулаларында қаңғыбастыққа салынған мас күйінде 5 азамат анықталып, бейімдеу орталығына орналастырылды. Бұл бағыттағы жұмыстар өз жалғасын табуда.
Өз кезегінде полиция қызметкерлері осындай рейдтік шараларды күнделікті ұйымдастырып, маскүнемдікке салынған адамдармен әңгімелесу жұмыстарын тұрақты түрде жүргізіп отырады.
<img src="https://kyzylorda-news.kz/wp-content/uploads/2021/04/whatsapp-image-2021-04-23-at-10.10.33.jpeg" alt="" />

Қызылордада маскүнемдікке салынған тұрғындар бейімдеу орталығына жеткізілді

<a href="https://kyzylorda-news.kz/">Kyzylorda-news.kz</a>. Биыл Титов, Әл Фараби, Қызылжармадағы ауыз су сапасын жақсарту мақсатында 9 ұңғыма бұрғылау жоспарланып, қазіргі таңда олардың жоба-сметалық құжаттары дайындалуда. Бұл туралы Өңірлік коммуникациялар қызметінің ақпарат алаңында өткен брифингте «Қызылорда су жүйесі» МКК басшысы Марат Жамиев мәлімдеді.
<blockquote>
 «Қазір қаланың шет аймақтардағы тұрғындарды ауыз сумен қамтамасыз ету бойынша жұмыстар қарқынды жүріп жатыр. Ол үшін тиісті құжаттар дайындалуда. Бұдан бөлек, тереңнен су тартатын 15 дана ЭЦВ маркалы насос қондырғылары сатып алдық. Бұл тұрғындарды ауыз сумен қамтамасыз етуде үлкен күшке айналмақ. Әрі биыл 11,2 шақырым ауыз су жүйесінің құрылысы мен 1,2 шақырым ауыз су жүйесін қайта жаңғырту жұмыстары жүргізілуде», – деді Марат Шахматұлы.
</blockquote>
Айта кетейік, көктем келгелі ауыз су пайдалану көлемі 37 пайызға ұлғайды. Сәуір айынан бастап тұтынушыларға тәулігіне 67,0 мың текше метр ауыз су таратылып отыр. Жазғы мезгілде бұл көрсеткіш 95 мың текше метрге дейін барады. Барлық ұңғымалар су алу құрылымдары максималды режимде жұмыс жасайды.
<blockquote>
 «Қаламызда аяқ су мәселесі толығымен шешілмеуіне байланысты тұтынушылар ауыз суды бау-бақша, жасыл желектерді суаруға пайдалануда. Бұл ретте, тұрғындарға түнгі сағат 23:00-ден, таңғы 06:00-ге дейін пайдалану туралы ескерту жұмыстары жүргізілуде. Ал басқа уақытта бақша суаруға тыйым салып отырмыз. Себебі көп мөлшерде суды пайдалану өзге тұрғындардың үйлеріндегі ауыз су қысымын төмендетіп, наразылық тудырады. Сондықтан қала тұрғындарынан ауыз суды үнемді пайдалансақ деген үндеу айтқым келеді», – деді Марат Жамиев.
</blockquote>

Қызылордада ауыз су жүйесіне қайта жаңғырту жұмыстары жүргізілуде

<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрлігінің баспасөз қызметі өңірлерде тіркелген қайғылы жағдайлар санын жариялады.
21 сәуірдегі дерек бойынша елімізде 32 адам коронавирус инфекциясынан қайтыс болды.
Оның үшеуі КВИ-, 29-ы КВИ+.
Аймақтар бойынша: Нұр-Сұлтан қаласы – 7, Алматы қаласы – 12, Шымкент қаласы – 2, Ақмола облысы – 1, Ақтөбе облысы – 1, Алматы облысы – 1, Атырау облысы – 2, Батыс Қазақстан облысы – 1, Қарағанды облысы – 2, Қызылорда облысы – 3,

Қызылордада коронавирустан 3 адам қайтыс болды

<a href="https://kyzylorda-news.kz/">Kyzylorda-news.kz</a>. «Қазгидромет» РМК-сы сәуірдің 23-і күнгі ауа райы болжамын жариялады.
Кәсіпорын таратқан мәліметтерге қарағанда, 23 сәуір күні Қазақстанның басым бөлігі антициклонның ықпалында болады. Соның салдарынан жауын-шашын болады. Тек батыс, шығыс және оңтүстік-шығысынан атмосфералық фронталды бөліктердің өтуіне байланысты ауа райы құбылмалы болады, кей жерлерде жауын-шашын (жаңбыр, қар) болады.
Республиканың кей жерлерінде тұман түсіп, желдің күшейеді. Батыс және оңтүстікте шаңды дауыл тұрып, батысында бұршақ жаууы ықтимал.
Түнде Қызылорда облысының кей жерлерінде, күндіз басым бөлігінде секундына 15-23 м/с жылдамдықпен жел соғады, күндіз кей жерлерінде шаңды дауыл тұрады.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2307 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 457, Алматы қаласы – 673, Шымкент қаласы – 14, Ақмола облысы – 94, Ақтөбе облысы – 212, Алматы облысы – 214, Атырау облысы – 86, Шығыс Қазақстан облысы – 56, Жамбыл облысы – 31, Батыс Қазақстан облысы – 138, Қарағанды облысы – 152, Қостанай облысы – 53, Қызылорда облысы – 25, Маңғыстау облысы – 12, Павлодар облысы – 49, Солтүстік Қазақстан облысы – 20, Түркістан облысы – 21.
Қазақстан бойынша жазылғандар саны – 257278.

Қызылордада 25 адам ауруынан айықты

<a href="https://kyzylorda-news.kz/">Kyzylorda-news.kz</a>. Қазақстанда 22 сәуір 23:59-дағы эпидемиологиялық жағдай бойынша ПТР арқылы 2894 адамда коронавирус індеті расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 511, Алматы қаласы – 698, Шымкент қаласы – 131, Ақмола облысы – 126, Ақтөбе облысы – 226, Алматы облысы – 195, Атырау облысы – 133, Шығыс Қазақстан облысы – 98, Жамбыл облысы – 70, Батыс Қазақстан облысы – 181, Қарағанды облысы – 228, Қостанай облысы – 31, Қызылорда облысы – 71, Маңғыстау облысы – 67, Павлодар облысы – 48, Солтүстік Қазақстан облысы – 41, Түркістан облысы – 39.
Жалпы ел бойынша ауырғандар саны 300733.

Covid-19: Қызылордада бір тәулікте 71 науқас тіркелді

Kyzylorda-news.kz. Облыс әкімі Гүлшара Әбдіқалықованың жұмыс сапары Жаңақорған ауданында жалғасты. Аймақ басшысы аудандағы коронавирус індетін алдын алуда атқарылған жұмыстарды бағдарлап, шағын бизнес және әлеуметтік нысандарды аралады.
Алдымен Гүлшара Әбдіқалықова «Абдулла» шаруа қожалығының құс фабрикасына барды. Фабрика жылына 3,5 мың тонна құс етін өндіруге қауқарлы. Өндіріс орнының басшысы өз қаражаты есебінен кәсібін бастап, «Аграрлық несие корпорациясы» АҚ арқылы 2,8 млрд.теңге қаржы алған. 
Мұнан кейін облыс әкімі Жаңақорған кентіндегі 18 пәтерлі көп қабатты тұрғын үйді пайдалануға беру рәсіміне қатысты. Жалпы көлемі 1053 шаршы метрді құрайтын тұрғын үй құрылысына бюджеттен 141,8 млн.теңге қаржы бөлген. Өңір басшысы тұрғындарға пәтер кілттерін табыстап, қоныс тойын тойлайтын отбасыларға ақжолтай тілегін арнады.
<blockquote>
 “Биылғы жылы облыста «Нұрлы жер» мемлекеттік бағдарламасы аясында 1858 пәтерді құрайтын 99 тұрғын үйдің құрылысы басталды. Оның ішінде Жаңақорған ауданында қарқынды құрылыс жүруде. 
 Бүгін аудандағы «Саяжай» мөлтек ауданында 18 пәтерлік тұрғын үйдің құрылысы аяқталып, ел игілігіне табыстағалы тұрмыз. 18 отбасы баспанаға ие болып, қоныс тойын тойламақ. Жаңа баспаналарыңыз татулық пен берекенің ордасы болып, қуаныш пен бақыт, құт пен ырыс салтанат құрсын. Қуаныштарыңыз көбейе берсін! Шаңырақтарыңызға шаттық орнасын”,-деді Гүлшара Әбдіқалықова.
</blockquote>
Облыс әкімі баспаналы болып, қуанышқа кенелген аудан тұрғыны Кенжегүл Шайхаттарованың үйіне кіріп, көпбалалы жас отбасының шаңырағына бақ-береке тіледі.
Жұмыс сапары аясында облыс әкімі аудандағы індетпен күрес барысын бақылау үшін аудандық емхана жұмысымен танысты. Алғашқы медициналық-санитарлық көмек көрсетететін емханада 150 төсектік күндізгі стационар, үйге шақыру қызметі жолға қойылған. Індет күшейген жағдайда қосымша 200 төсек орын дайындалған. Бүгінде ауруханада 18 өкпені жасанды желдеткіш аппараты, 54 концентратор, 51 оттегі баллоны бар. 
Гүлшара Әбдіқалықова ауданның екпе салдыру мәселесіне ерекше мән берді. Қазірде ауданда 506 медициналық қызметкер вакцина салдырған.
Тұрғындарға екпе егу үшін емханада 2 егу бөлмесі, егуге дейін 3 зал, егуден кейін 1 зал және 3 дәрігер бөлмесімен жабдықталған. Өңір басшысы індеттен сақтанудың басты жолы вакцинаны салдыру екенін жан-жақты түсіндіріп, екпе жүргізуге қажетті шараларды кезең-кезеңімен іске асыру қажет екенін атап өтті.
Сапары аясында әкім Кейден ауылдық округіндегі аяқ су каналы мен «Талап Сырдария» топтық су қоймасының жұмысымен танысты. Канал арқылы Жаңақорған кенті, Кейден, Сүттіқұдық, Қожамберді ауылдары, Жашы көлі, Боз көлі, Ала көл, Нар соққан, Қандарал көлдер жүйесі суға толтырылады. Ол үшін дариядағы ескі каналдан 1,5 шақырым қазылады.
Сырдария топтық су құбыры арқылы 16 елді мекенді ауыз сумен қамтамасыз етіледі. Ал, «Талап» топтық су құбыры арқылы 12 елді мекенге су жетеді. 
Аймақ басшысы Машбек Нәлібаев ауылдық округіндегі №196 орта мектептің ауласында ауыл тұрғындарымен кездесіп, пікірлесті. Ауыл ақсақалдарының мәселелерін тыңдады.
Облыс әкімі аялдаған келесі нысан Талап ауылдық округіндегі әк шығаратын цехта жалғасты. «Премиум» Класс Строй» ЖШС-нің шағын өндіріс орнында 50 адам қызмет етеді. Ал, жылдық қуаты 75 мың тонна өнім, күніне 180 тонна әктас өндіре алады.
Жаңақорған ауданындағы жұмыс сапарын аймақ басшысы Жайылма ауылдық округіндегі егіс алаңында қорытындылады. Жалпы аумағы 500 гектар егіс алқабында 13 шаруа қожалығы жұмыс жүргізіп, бақша дақылдарын егеді.
Гүлшара Әбдіқалықова шаруалармен кездесіп, көктемгі егіс жұмыстарын бақылады. Судың тапшылығына қарамастан өнім өндіру көлемін төмендетпеу қажет екенін атап өтті. 
Жаңақорған ауданындағы медициналық, әлеуметтік нысандардың жұмысын саралаған облыс әкімі аудан әкімі Руслан Рүстемұлына коронавирустық инфекцияны төмендету бағытындағы шараларды қарқынды жүргізуді, көктемгі егіс науқанында мол өнім алу үшін қажетті шараларды қабылдауды тапсырды.
<img src="https://kyzylorda-news.kz/wp-content/uploads/2021/04/fb_img_1619097306498.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619097315672.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619097324952.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619097321666.jpg" alt="" />

Облыс әкімінің жұмыс сапары Жаңақорған ауданында жалғасты

<a href="https://kyzylorda-news.kz/">Kyzylorda-news.kz</a>. Кәсіпкерлердің міндетті әлеуметтік медициналық сақтандыру туралы сұрақтарына «Әлеуметтік медициналық сақтандыру қоры» Қызылорда облысы бойынша филиалының директоры Бақыт Исмаханбетов жауап берді.
– Егер кәсіпкердің табысы болмаса, ол нөлдік кіріс тапсырады. Бұл жағдайда қалай болады?
– Егер жеке кәсіпкер нөлдік декларацияны тапсырса, ол өзі үшін жарналарды төлеуге міндетті, себебі мемлекеттік кіріс органдарында жеке кәсіпкер ретінде тіркеу есебінде тұр.
«МӘМС туралы» Заңның 28-бабының 5-тармағына сәйкес ЖК, ШҚ иелерінің, жеке практикамен айналысатын адамдардың ай сайынғы төлем мөлшері 2021 жылы 2975 теңгені (1,4 ЕТЖ-дан 5%) құрайды.
&nbsp;«МӘМС туралы» Заңның 31-бабына, 1-тармағына сәйкес, жеке кәсіпкерлер мен жұмыс берушілер төлем жасамаған жағдайда төлем жасалған күнді қоса алғанда, әрбір кешіктірілген күн үшін төленбеген соманың 1,25% мөлшерінде айыппұл салынады.
Егер жеке кәсіпкер, оның қызметкерлер 15 жеңілдік санатына жататын болса әлеуметтік медсақтандыру жүйесіне жарналар төлемейді. Олар үшін төлемді мемлекет жүргізеді.
– Мысалы, қызметкер ЖШС-де немесе ЖК-де және бір мезгілде бюджеттік ұйымда еңбек етеді. Онда МӘМС үшін жарналарды табыстың екі көзінен аударуға міндетті ме?
– «МӘМС туралы» Заңның 29-бабы 3-тармағына сәйкес, егер азамат екі жұмыс орнында жұмыс істесе және жиынтық табысы 10 ЕТЖ-дан аспаса (2020 ж. кірістен есептеу 425 000 теңгеден аспайды), онда МӘМС жарнасын екі көзден төлеуге тиіс. Ал, егертабысы 10 ЕТЖ – дан асыпкетсе, ондабіркөзден алу керек. Сонымен, ең төменгі жалақының 10 еселенген мөлшеріне тең келетін табыс сомасынан жарналар төлеген кезде, растайтын құжатпен жекетұлғаның басқа кірістерінен жарналар төлеу талап етілмейді. Мұндайқұжат – жұмыс беруші немесе салық агентінің берілген, есептелген және төленген жарналары туралы анықтама.
Егер жеке кәсіпкер жалдамалы жұмыскер болса, онда 2021 жылғы кезенге жұмыс беруші жарна есептеу объектісінің 2% мөлшерінде аударымдарды төлейді, ал жалақының 2% мөлшерінде жарналар төленеді.
«МӘМС туралы» Заңның 14-бабы 3-тармағына сәйкес, әрекетсіз деп танылғандардан басқа, жеке кәсіпкерлер жарна төлеушілер болып табылады. Осылайша, егер ЖК қызметі тоқтатылса, жарна төлеудің қажеті жоқ.
– ЖК қызметін тоқтатты, енді МӘМС-ке 2975 теңге мөлшерінде ай сайынғы жарналарды төлеудің қажеті жоқ па? Келесі айларда медициналық сақтандыру жүйесінде болу үшін қанша ақша аудару керек?
– «МӘМС туралы» Заңның 28-бабына, 6-тармағына, ҚР Салық заңнамасына сәйкес, салық есептілігін беруді тоқтатқан немесе әрекетсіз деп танылған жеке тұлғалар мен жеке тәжірибе алушылар үшін 2020 жылдан бастап МӘМС жарнасын төлеу бойынша міндеттемесі қалады. Ағымды жылдын ай сайынғы төлем мөлшері 1 ең төменгі жалақының 5% құрайды (2125 теңге).
Сонымен қатар. бірыңғай жиынтық төлем де өзін-өзі жұмыспен қамтығандарға, ресми түрде еш жерде тіркелмеген және ресми табысы жоқ тұлғаларға сақтандырылу мәртебесін береді. 2020 жылы БЖТ көлемі қала тұрғындары үшін 2917 теңгені, ауыл тұрғындары үшін 1458,5 теңгені құрайды.
– Егер жарна төлеу мерзімі өтіп кетсе, сақтандыру пакеті бойынша медициналық көмекке жүгінуге бола ма?
– Егер сіз МӘМС-ке жарна төлей бастаған болсаңыз, бірақ 3 айдан астам үзіліс болса, онда сақтандыру мәртебесінен айырылып қаласыз. Сақтандыру пакеті шеңберінде медициналық қызметтерді алу үшін бұрынғы төленбеген кезеңдер үшін төлемдерді жасау қажет. Бұл жағдайда,сақтандырылудың мәртебесіне қарамастан тегін медициналық көмектің кепілдік берілген көлемі шеңберінде медициналық көмек қолжетімді.
Естеріңізге сала кетейін, карантин кезеңінде медициналық көмек көрсету мәселелері бойынша МӘМС жүйесінде сақтандырылған бола отырып, қандай медициналық қызметтерге, пациенттердің құқықтарын қорғау бойынша сұрақтарымен Әлеуметтік медициналық сақтандыру қорының байланыс орталығына 1406 тегін нөміріне қоңырау шала аласыз.
Сондай-ақ медициналық сақтандыру және пациенттердің құқықтары мәселелері бойынша «Qoldau-24/7» мобильдік қосымшасы халыққа қызмет көрсетеді. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. Содан кейін өтініш берушіге қосымшада оның аккаунтында жауап беріледі.
Әлеуметтік медициналық сақтандыру қорының «Qoldau-24/7» мобильді қосымшасын Android смартфондары үшін &nbsp;Play Market арқылы, Apple смартфондары үшін&nbsp; App Store арқылы жүктеп алуға болады.
– Сұхбатыңызға рақмет!

Егер кәсіпкердің табысы болмаса МӘМС үшін жарна төлеуге міндетті ме?

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында коронавирус&nbsp;инфекциясының таралуын алдын алу шараларын күшейту туралы жаңа қаулы шықты
Облыстың Бас мемлекеттік сандәрігерінің қолданыстағы №8 Қаулысында көрсетілген тыйым салу сақталады.
Рұқсат беріледі:
жалпы білім беретін мектептерде 1 сыныптан бастап 5 сыныпты қоса алғанда, халықаралық мектептерде 1 сыныптан бастап 7 сыныпты қоса алғанда, мектеп алды сыныптарының оқушылары үшін сыныптардағы балалар санын 25 адамнан асырмай аралас форматта оқытуға;
оқу бітіретін сыныптар (9, 11 (12) сыныптар) үшін аптаның 6 күні ішінде: пәндердің 70%-ын штаттық режимде, 30%-ын қашықтықтан аралас форматта оқытуға рұқсат етуді, бұл ретте сыныпта 15 адамнан аспауы тиіс.
15 адамнан аспайтын топтарды жинақтау сақталған кезде мектепке дейінгі мекемелердің кезекші топтарына;
азық-түлік тауарларын сату бойынша супермаркеттер, гипермаркеттер жұмысына сағат 07.00-ден 23.00-ге дейін, дүкендер, шағын маркеттер жұмысына штаттық режимде;
азық-түлік емес тауарларды өткізу объектілерінің жұмысына сағат 09.00-ден 18.00-ге дейін;
ашық аспан астындағы азық-түлік базарлары үшін штаттық режимде, азық-түлік емес базарлар үшін жұмыс және сенбі күндері сағат 09.00-ден 18.00-ге дейін, жексенбі күндері жұмыстарына тыйым салумен ұйымдастыруға;
«сенбі және жексенбі күнгі» азық-түлік жәрмеңкелерінің жұмысына сағат 09.00-ден 17.00-ге дейін;
жабық базарлар жұмысына, ойын-сауда орталықтарының, сауда үйлері, сауда желілерінің жұмысына, сенбі және жексенбі күндері жұмыстарына тыйым салумен;
қоғамдық тамақтану объектілерінің жұмысын ғимараттардың ішінде 
толтырылуы 50%-ға дейін, бірақ 30 орыннан асырмай сағат 9.00-ден 20.00-ге дейін және ашық ауада отыратын орын саны 30-дан аспайтын шарттарды сақтаған жағдайда сағат 9.00-ден 22.00-ге дейін, сонымен қатар фудкордтарды қоса алғанда жеткізу мен әкету жұмысына сағат 07.00-ден 24.00-ге дейін;
фитнес-орталықтардың, фитнес-клубтардың, спорттық-сауықтыру 
объектілерінің, жабық бассейндердің, СПА-орталықтарының, СПА-салондардың, сондай-ақ массаж орталықтары мен кабинеттердің жұмысын жұмыс күні сағат 07.00-ден 22.00-ге дейін, сенбі, жексенбі күндері жұмыстарына тыйым салумен ұйымдастыруға;
сұлулық салондарының, шаштараздардың, «барбер шоптың», косметикалық және косметологиялық қызметтер, маникюр және педикюр қызметтерін көрсететін орталықтар мен салондардың жұмысына сағат 8.00-ден 21.00-ге дейін;
«Ashyq» пилоттық жобасына қатысатын объектілер үшін «сары аймақ» өлшем шарттар қойыла отырып рұқсат етіледі;
діни объектілерінің жұмысын бұқаралық іс-шараларды өткізуге және оларда орналасқан қоғамдық тамақтандыру объектілерінің жұмысына тыйым сала отырып ұйымдастыру;
мемлекеттік органдар, ұлттық компаниялар, басқа да кеңселер қызметі мамандарының кемінде 80%-ын қашықтықтан жұмыс істеу нысанында қалдыруға;
такси қызметтеріне 3 ересек адамға дейін немесе бір ересек адам екі 
кәмелетке толмаған баланы алып жүру талаптарын сақтай отырып;
халыққа қызмет көрсету орталықтарының, сондай-ақ мамандандырылған ХҚКО жұмысына тек алдын ала телеграмм-ботпен брондау арқылы және банктер, «Қазпочта» АҚ бөлімшелері жұмысына сағат 9.00 ден 18.00-ге дейін;
Осы Қаулы 2021 жылғы 22 сәуірден бастап күшіне енеді.

Қазақстан және Қызылорда облысының жаңалықтары