&nbsp;<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2626 адам коронавирус індетінен емделіп шықты. Бұл туралы &nbsp;<a href="https://www.coronavirus2020.kz/ru">www.coronavirus2020.kz</a> хабарлайды.
Аймақтар бойынша:
Нұр-Сұлтан қаласы – 396, 
Алматы қаласы – 822, 
Шымкент қаласы – 101, 
Ақмола облысы – 111, 
Ақтөбе облысы – 196, 
Алматы облысы – 329, 
Атырау облысы – 80, 
Шығыс Қазақстан облысы – 80, 
Жамбыл облысы – 21, 
Батыс Қазақстан облысы – 113, 
Қарағанды облысы – 179, 
Қостанай облысы – 17, 
Қызылорда облысы – 53, 
Маңғыстау облысы – 3, 
Павлодар облысы – 74, 
Солтүстік Қазақстан облысы – 28, 
Түркістан облысы – 23.
Қазақстан бойынша жазылғандар саны – 273915.

Қызылордада 53 адам коронавирустан емделіп шықты

<a href="https://kyzylorda-news.kz/">Kyzylorda-news.kz</a>. 2023 жылға қарай дәрігерлердің орташа жалақысы жарты миллион теңгеден асады. Бұл туралы денсаулық сақтау министрі Алексей Цой мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Ол биыл 1 қаңтардан бастап 247 мың медицина қызметкерінің айлығы өскенін атап өтті. Дәрігерлердікі 30%-ке, орта медицина қызметкерлерінің жалақысы 20%-ке артқан.&nbsp;
<blockquote>
 “2023 жылға қарай медицина қызметкерлерінің жалақысы кезең-кезеңмен өсіп, экономикадағы орташа айлықтан екі жарым есе жоғары болады. Осылайша, 2023 жылы дәрігерлердің орташа жалақысы 561 мың теңгені, ал орта медицина қызметкерлерінікі 210 мың теңгені құрайды”, – &nbsp;деді Цой халыққа есеп беру кездесуінде.
</blockquote>
Айтуынша, қазіргі таңда елде 76 мың дәрігер жұмыс істейді, оның ішінде 32 мыңы – бейінді мамандар.
Министр ауылға жұмысқа барған жас мамандарға әлеуметтік қолдау көрсетілетінін айтты. Мәселен, 2020 жылдың қорытындысы бойынша 836 маманға көтермеақы төленсе, 235 қызметкер баспанамен қамтылған, тағы 73 дәрігерге басқа да әлеуметтік көмек көрсетілді.
Ведомство ауруханаларды білікті кадрлармен қамту үшін медицина қызметкерлерін даярлауға бөлінетін гранттар санын ұлғайтуды, дәрігерлердің кәсіби жауапкершілігін сақтандыру жүйесін енгізуді жоспарлап отыр.

Министр кімдердің жалақысы 561 мың теңгеге жететінін айтты

<a href="https://kyzylorda-news.kz/">Kyzylorda-news.kz</a>. Қазгидромет 1-3 мамыр аралығындағы ауа-райына болжам ұсынды. &nbsp;
<blockquote>
 “Сәуірдің соңғы күндері Қазақстан аумағына антициклонның енуіне байланысты республиканың басым аумағында ауа температурасының төмендеуі күтілуде. Алайда, 2 мамырдан бастап биіктік жотасы елдегі ауа райына әсер етіп, жылы ауа массаларын әкеледі”, – делінген хабарламада. &nbsp;
</blockquote>
Синоптиктер оңтүстік өңірлерде ауа температурасы 17-27°С градустан 28-36°С граудсқа дейін, солтүстік өңірлерде 10-18°С градустан 15-23°С градусқа дейін көтеріледі деп болжайды.
“Алайда циклондар да ықпал етеді. 1 мамыр күні еліміздің оңтүстік-шығысы мен шығысында жаңбыр жауады, кей жерлерде қатты болады. Найзағай ойнап, желдің екпіні 23-28 м/с-қа дейін күшейеді, бұршақ жаууы мүмкін. 2 мамырдан бастап батыс өңірлерге солтүстік-батыс циклоны әсер ете бастайды. Ол солтүстік аймақтар арқылы жылжып, жаңбыр әкеледі”, – дейді мамандар. &nbsp;&nbsp;&nbsp;
Естеріңізге салсақ, қазақстандықтар 1,2,3 мамыр күндері демалады.

Алдағы үш күнде ауа райы қандай болады?

&nbsp;<a href="https://kyzylorda-news.kz/">Kyzylorda-news.kz</a>. Бүгін – қазақ батыры Рақымжан Қошқарбаевтың Рейхстагқа ту тіккен күні, деп хабарлайды <a href="https://lenta.inform.kz/kz/bugin-reyhstagka-tu-tikken-kun-tarihi-surette-nege-rakymzhan-koshkarbaev-zhok_a3782877">ҚазАқпарат.</a>
Дәлелденсе де, мойындалмаған шындық. Рақымжан Қошқарбаев пен Григорий Болатовтың 1945 жылғы 30 сәуірде Берлин операциясы кезінде көрсеткен ерлігін бір ауыз сөзбен осылай сипаттауға болады.
Ал жеңісті сәттің символына айналған әйгілі суретте Рақымжан Қошқарбаевтың болмауы ақпаратты екшеп қабылдауға мүмкіндігі жоқ адамдарды жиі адастырады. Сондықтан сол бір әйгілі суреттің қысқаша тарихына тоқталуды жөн көрдік.
Фотосурет 1945 жылы 2 мамырда шайқастар тынып, Берлинді кеңес әскерлері толығымен басып алған кезде түсірілген. Оның авторы «ТАСС Фотохроника» тілшісі Евгений Халдей болатын.
Рейхстаг маңындағы қанды шайқас 28 сәуірде басталып, 30 сәуір күні алғашқы туды Рақымжан Қошқарбаев пен Григорий Болатов тігеді. Бұл факт Ресей Президенті Владимир Путинге тарихшы Болат Асанов жолдаған хаттың жауабында нақты жазылған.
«2005 жылы РФ Қарулы Күштерінің Бас қолбасшысы В.Путиннің атына лейтенант Қошқарбаевқа қатысты тарихи әділдікті қалпына келтіруді сұрап жеделхат жолдадым. Бір ай дегенде Ресей Федерациясының Қорғаныс министрлігі жанындағы әскери тарих институты арқылы жауап алдым. Жауапта: «Әскери тарих институтының қызметкерлері тексеру жүргізді, жерлесіңіздің ерлігі толық расталды» деп анық жазылған», – деп еске алады Болат Асанов.
Ал Евгений Халдейдің суреті 2 мамыр күні, Берлин толықтай кеңес әскерінің бақылауына өткен тыныш кезеңде түсірілгенін айттық.
«Аргументы и факты» газетінің&nbsp;<a href="https://aif.ru/culture/classic/istoriya_odnoy_fotografii_znamya_pobedy_nad_reyhstagom">сайты</a>&nbsp;бұл оқиғаны былай сипаттайды.
«Берлинге фотограф редакциялық тапсырма бойынша келген еді. Бірақ ол тарихи сәтті түсіре алған жоқ. Фототілші түсірілім орнына жеткенде шайқас баяғыда тынған болатын. Рейхстагтың әр тұсында қызыл жалаулар ілініп тұрды. Ал фотографқа ту тігіп жатқан сәтті бейнелейтін сурет керек еді. Евгений Халдей өзіне бірінші жолыққан сарбаздардан көмек сұрайды. Олар бірден келіседі. Фото кейіпкерлері 8-ші гвардия армиясының жауынгерлері Алексей Ковалев (суретте ту «тіккен» сол), Абдулхаким Исмаилов пен Леонид Горичев еді. Жұмысы біткен соң Халдей туды жинап алып, жөніне кетеді. Евгений Халдейдің қызы Анна Халдейдің айтуынша, «Тасс» редакциясындағылар фотосуретті тұмардай қастер тұта қарсы алыпты. Фотосурет баспасөзге жарияланар кезде редактор аяқ астынан басуға тыйым салады. Сөйтсе, жауынгер Исмаилов екі қолына екі сағат тағып түскен екен. Яғни, екі сағаттың бірі «соғыс олжасы» еді. Кеңес идеологиясына қайшы әрекетті суреттен жою үшін редакциялауға тура келеді.
<img src="https://www.inform.kz/radmin/fotofiles/2021/04/30/2104300944085861g.jpg" alt="" />
Символикалық суреттің бірнеше рет редакцияланған ресми нұсқасы
Барлық қателіктерге қарамастан, фотосурет жарық көрді және ол бірден Жеңіс символына айналды. Кейін Евгений Халдей фототілші ретінде Нюрнберг процесін де түсірді».
Тағы бір деректерде суреттің ұрыс біткен соң түсірілгенін жасыру үшін артқы көріністерге түтін мен бұлт қосылғаны айтылады. «РИА Новостидің» жазуынша, түпнұсқа сурет қазір Мәскеудегі Еврей музейінде тұр. Оны бір кәсіпкер фотографтың қызы Анна Халдейден сатып алып, музейге сыйласа керек.
<img src="https://www.inform.kz/radmin/fotofiles/2021/04/30/2104300944078960g.jpg" alt="" />
Ресейдегі Еврей музейінде тұрған түпнұсқа сурет
Рақымжан Қошқарбаев 1988 жылы 10 тамызда Алматы қаласында қайтыс болды. Ал 1999 жылы оған ҚР Президентінің Жарлығымен «Халық қаһарманы» атағы берілді.
<img src="https://www.inform.kz/radmin/fotofiles/2021/04/30/2104300951089160g.jpg" alt="" />

Бүгін Рейхстагқа ту тіккен күн

<a href="https://kyzylorda-news.kz/">Kyzylorda-news.kz</a>. Қызылорда қалалық ПБ-ң Тасбөгет полиция бөлімінің қызметкерлері 28 сәуір күні бөтен көлікті ұрлап, жол-көлік оқиғасын жасаған тұрғынды ізін суытпай ұстады.
Ер азамат мекемелердің бірінің гаражы алдында тұрған жол талғамайтын көлікті ұрлап, басқару жүйесіне ие бола алмай, жол жиегінде аударылған. Жол-көлік оқиғасынан зардап шеккендер жоқ.
Күдікті оқиға орнында ұсталды. Ол облыс орталығының тұрғыны болып шықты.
<blockquote>
 «Қазіргі уақытта Қазақстан Республикасы Қылмыстық кодексінің 200-бабының 3-бөлігі (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу (айдап кету)) бойынша сотқа дейінгі тергеп-тексеру амалдары жүргізілуде», – делінген полиция департаментінің хабарламасында. &nbsp;
</blockquote>
Полицейлер оқиғаның мән-жайын анықтауда.&nbsp; Күдіктіге қатысты ешқайда кетпеу және тиісті мінез-құлық туралы бұлтартпау шарасы қолданылды.

Қызылордада көлік ұрлап, жол апатына түскен күдікті ұсталды

<a href="https://kyzylorda-news.kz/">Kyzylorda-news.kz</a>. Көктемде адам ағзасы әлсіреп, иммунитеті төмендейді. Індеттің өршіп тұрған тұсында дәруменге бай тағамдарды жеген абзал. Өңірлік коммуникациялар қызметінің ақпарат алаңында өткен онлайн брифингте медицина саласының мамандары имунитетті көтерудің 7 тәсілін айтып берді.
<blockquote>
 «Имунитетті қалыптастырудың 7 тәсілі бар. Бірінші, дәрумендерді қолдану. Яғни, қоңыр түсті асқабақ, баклажан, қызанақ, қызыл алма, сәбіз тағысын тағы. Екінші тәсіл, дұрыс тамақтану. Күніге көкеністі 600-700 грамға дейін жеу қажет. Имундық жүйені мықты қылатын келесі дүние ол ет және сүт тағамдары. Сүт тағамдарын 200-300 грамға дейін ішуге кеңес береміз. Себебі ол организмдегі керек емес шлактарды сыртқа шығарып тастайды. Сондай-ақ, имунитет көтеру үшін антибиотиктер де пайдалы. Шынығып, дене тәрбиесімен айналысудың да бұл тұрғыда әсері мол. Салауатты өмір салтын ұстануда осы критерийге кіреді. Ал жетінші тәсіл, уақытылы тынығу. Тыныштықта отырып, организмді тынықтыру, 8 сағаттық ұйқы имундық жүйе үшін маңызды», – деді облыстық денсаулық сақтау басқармасының ана мен бала денсаулығын қорғау бөлімінің басшысы Бибізада Дүйсенбаева.
</blockquote>
Сондай-ақ, мамандар қазіргідей қиын кезеңде ел болып вакцина ектірудің маңызды екенін айтып отыр. Ол үшін қазір облыста коронавирус инфекциясының алдын алу мақсатында халық көп шоғырланатын ХҚКО, Теміржол вокзалы, Автовокзал, сауда орындары, орталық базарлар, Қызылорда автобус паркі, білім беру мекемелерінде ақпараттандыру жұмыстары жалғасуда.
<blockquote>
 «Қазір қауіпті аймақта тұрмыз. Елдің қорқынышы әлі де сейілмей тұр. Бүгінде тұрғындар тарапынан «вакцинаны қайдан аламыз?», «егу жұмыстары тегін жүргізіле ме?» деген сияқты сұрақтар жиі түседі. Осындай халық сауалдарына жауап беру мақсатында түсіндірме жұмыстарын жүргізіп жатырмыз. Жыл басынан бері облыстық денсаулық сақтау басқармасының арнайы Call-орталығының байланыс нөмірі жазылған үнпарақтар таратып, COVID-19 қарсы өңірдегі медициналық санитарлық алғашқы көмек көрсету ұйымдарының егу пункттері туралы ақпараттандырдық. Сондай-ақ, қала мен ауданның көрнекті жерлеріне «Вакцинацияны тегін алыңыз!» деген баннерлер ілінді», – деді облыстық салауатты өмір салтын қалыптастыру орталығы директорының орынбасары Толқын Мұханбетқызы.
</blockquote>
<img src="https://kyzylorda-news.kz/wp-content/uploads/2021/04/180408102_1279619772433532_2566678143655783622_n.jpg" alt="" />

Қызылордалық дәрігерлер имунитетті қалыптастырудың 7 тәсілімен бөлісті

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев қазақстандықтарды Қазақстан халқының бірлігі күнімен құттықтады, деп хабарлайды&nbsp;<a href="https://www.akorda.kz/kz/memleket-basshysy-kasym-zhomart-tokaevtyn-kazakstan-halkynyn-birligi-kunimen-kuttyktauy-2935542">Ақорда.</a>
***
Құрметті отандастар!
Баршаңызды Қазақстан халқының бірлігі күнімен шын жүректен құттықтаймын!
Тұңғыш Президентіміз – Елбасы Нұрсұлтан Назарбаевтың бастамасымен белгіленген бұл мереке ғасырлар бойы қазақ жерінде берік орныққан достық пен ауызбіршілік, өзара құрмет пен сенім сияқты қастерлі құндылықтарға негізделген.
Тәуелсіздік кезеңінде негізі қаланған «әралуандығымыз – бірлікте» қағидаты Қазақстанның сан қырлы мәдениеті мен дәстүрін баға жетпес байлығымызға айналдырды. Ырыс-ынтымақ пен отаншылдық рух ұлттық кодымыздың ұйытқысы болып отыр.
Халқымыздың әділетті әрі дамыған мемлекет құрып, елімізді өркендету жолындағы мүддесі ортақ.
Біз қоғамдағы тұрақтылық пен келісімнің, өзара қолдау мен жасампаз еңбектің арқасында кез-келген қиындықты еңсеріп, көздеген мақсатымызға жетеміз.
Сіздерге зор денсаулық, бақ-береке тілеймін!
Әр шаңырақта татулық пен өзара түсіністік болсын!

Мемлекет басшысы қазақстандықтарды Қазақстан халқының бірлігі күнімен құттықтады

<a href="https://kyzylorda-news.kz/">Kyzylorda-news.kz</a>. 30 сәуірде Қазақстанның басым бөлігінде атмосфералық фронтальды бөліктердің өтуіне байланысты ауа райы құбылмалы болады, деп хабарлайды Қазгидромет.
Жұма күні еліміздің кей жерлерінде найзағай ойнап, жаңбыр жауады, тек еліміздің батыс жартысында антициклон жотасының әсерінен күн райы ашық болады. Кей жерлерде жел күшейеді, оңтүстікте шаңды дауыл соғады, оңтүстік-шығыста бұршақ жауып, солтүстікте тұман түсуі ықтимал.
Қызылорда облысында жел 15-20 м/с күшейеді

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2853 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="https://www.coronavirus2020.kz/kz">coronavirus2020.kz</a>&nbsp; хабарлайды.
Аймақтар бойынша:
Нұр-Сұлтан қаласы – 566, 
Алматы қаласы – 675, 
Шымкент қаласы – 105, 
Ақмола облысы – 150, 
Ақтөбе облысы – 130, 
Алматы облысы – 180, 
Атырау облысы – 80, 
Шығыс Қазақстан облысы – 101, 
Жамбыл облысы – 77, 
Батыс Қазақстан облысы – 155, 
Қарағанды облысы – 255, 
Қостанай облысы – 26, 
Қызылорда облысы – 70, 
Маңғыстау облысы – 57, 
Павлодар облысы – 146, 
Солтүстік Қазақстан облысы – 35, 
Түркістан облысы – 45.
Жалпы ел бойынша ауырғандар саны 319818.

COVID-19: Өткен тәуліктегі көрсеткіш жарияланды

Kyzylorda-news.kz. Биыл «Qyzylorda» телеарнасына 30 жыл толып отыр.
Тура осыдан 30 жыл бұрын аймақтың төл телеарнасы көрерменге жол тартты. Жедел әрі нақты ақпарат таратып, халық пен билік арасында алтын көпірге айналды. Тәуелсіздікпен бірге түлеген төларна соңғы технологияның мүмкіндіктерін пайдалануда. Ертеңнен бастап, жаңа студиядан жаңалық таратып, бағдарламаларын көрерменге ұсынады.
<blockquote>
 “Облыстық телеарна біраз даму кезеңінен өтті. Технологияны жаңаладық, мамандардың кәсіби деңгейін шыңдадық. Мақтан тұтар шәкірттеріміз өте көп. Бүгінде біздің телеарна күніне 15 сағат ақпарат таратады. Оның ішінде төл өніміміз 63 пайызды құрайды. Бұл өте жақсы көрсеткіш. Айта кететін жайт, екі бейнеқабырға алынып, орнатылды. Бірі жаңалықтар шығарылымына, екіншісі – хабарлар үшін. Бұл өз кезегінде бейнекөрсетілім сапасы мен технологиялық тұрғыда сан түрлі арнайы эффектілерді қолдануға тамаша мүмкіндік беретін дүние”, – деді «Qyzylorda» телеарнасының директоры Жағыппар Қарабала.
 «Qyzylorda» телеарнасының ақпарат алаңында алар орны бөлек. Бүгінде табыс түсіруден және сапалы ақпарат тарату, телебағдарлама даярлаудан аймақ ішінде алдыңғы орында. Көрермен қызығушылықпен көреді. Өзім түлеп ұшқан төларнаны мерейтойымен құттықтаймын. Әріптестеріме шығармашылық табыс тілеймін”, – деді «Қазақстан» РТРК» АҚ аймақтық хабар таратуды дамыту департаментінің директоры Арсений Дүйсенов.
</blockquote>

«Qyzylorda» телеарнасына &#8211; 30 жыл

Kyzylorda-news.kz. Ақмола облысында бала асырап алу құпиясын ашқан тұрғының үстінен қылмыстық іс қозғалды, деп хабарлайды ҚазАқпарат.
Облыстық полиция департаменті баспасөз қызметінің мәліметінше, бірнеше жыл бұрын отбасы баланы ресми түрде асырап алып, құпияны сақтау мақсатында тұрғылықты жерін өзгерткен. Алайда баланы асырап алу туралы отбасының жаңа тұрғылықты жері бойынша хабарланды. Баланың ата-анасы полицияға арыз берген.
<blockquote>
 «Тексеру барысында полицейлер бала асырап алу туралы мәліметтерді жария етуге қатысы бар күдіктіні анықтады. Ол 41 жастағы жергілікті тұрғын болды. 18 сәуірде әйел жәбірленушімен жанжалдан кейін бұл ақпаратты асырап алынған балаға айтты. Мойындау айғақтары бар», – деп атап өтті ведомстводан.
</blockquote>
Қазіргі кезде, осыған байланысты ҚР ҚК 138-бабы «бала асырап алу құпиясын жария ету» бойынша сотқа дейінгі тергеу амалдары жүргізілуде.

Бала асырап алу құпиясын жария еткен әйел істі болды

<a href="https://kyzylorda-news.kz/">Kyzylorda-news.kz</a>. Енді екпені кез келген уақытта ала аласыз.
Сәуір айының 29-нан бастап «Covid-19» қарсы вакцинаны аймақ бойынша барлық емхана, егу орындарынан аптасына 7 күн бойы үзіліссіз таңғы сағат 08:00-ден түнгі сағат 00:00-ге дейін ала аласыз. Яғни коронавирус инфекциясына қарсы екпе салдыру халыққа енді кез келген уақытта қолжетімді болмақ.

Қазақстан және Қызылорда облысының жаңалықтары

Қызылордада 53 адам коронавирустан емделіп шықты

Министр кімдердің жалақысы 561 мың теңгеге жететінін айтты

Алдағы үш күнде ауа райы қандай болады?

Бүгін Рейхстагқа ту тіккен күн

Қызылордада көлік ұрлап, жол апатына түскен күдікті ұсталды

Қызылордалық дәрігерлер имунитетті қалыптастырудың 7 тәсілімен бөлісті

Мемлекет басшысы қазақстандықтарды Қазақстан халқының бірлігі күнімен құттықтады

Жұмаға арналған ауа райы болжамы

COVID-19: Өткен тәуліктегі көрсеткіш жарияланды

«Qyzylorda» телеарнасына – 30 жыл

Бала асырап алу құпиясын жария еткен әйел істі болды

Covid-19: Екпені кез келген уақытта ала аласыз

Қазақстан және Қызылорда облысының жаңалықтары

Қызылордада 53 адам коронавирустан емделіп шықты

Министр кімдердің жалақысы 561 мың теңгеге жететінін айтты

Алдағы үш күнде ауа райы қандай болады?

Бүгін Рейхстагқа ту тіккен күн

Қызылордада көлік ұрлап, жол апатына түскен күдікті ұсталды

Қызылордалық дәрігерлер имунитетті қалыптастырудың 7 тәсілімен бөлісті

Мемлекет басшысы қазақстандықтарды Қазақстан халқының бірлігі күнімен құттықтады

Жұмаға арналған ауа райы болжамы

COVID-19: Өткен тәуліктегі көрсеткіш жарияланды

«Qyzylorda» телеарнасына &#8211; 30 жыл

Бала асырап алу құпиясын жария еткен әйел істі болды

Covid-19: Екпені кез келген уақытта ала аласыз

«Qyzylorda» телеарнасына – 30 жыл