<a href="https://kyzylorda-news.kz/">Kyzylorda-news.kz.</a> Қызылорда қаласында автокөлік өртеніп, бір адамды күйік шалды. Бұл туралы Қызылорда облыстық төтенше жағдайлар департаменті хабарлады.
Оқыс оқиға 28 сәуірде сағат 13.35-те қаладағы Әбуов көшесінде орын алған. Қызылорда облыстық төтенше жағдайлар департаментіне «Nexia» маркалы жеңіл автокөлігі жанып жатқандығы жөнінде хабарлама түскен.
<blockquote>
 «Шақырту кеш келіп түсуі салдарынан өртке қарсы қызмет мамандары келгенше автокөліктегі газ құрылғысы жарылған. Ол автокөліктің толығымен жанып кетуіне алып келді. Өрттен 1996 жылы дүниеге келген жолаушы 42% термиялық күйік алып, қалалық ауруханаға жатқызылды. Қазіргі таңда жағдайы ауыр. Сонымен қатар автокөлік жүргізушісі 1987 жылғы азаматқа алғашқы көмек көрсетіліп үйіне қайтарылды. Өртті толықтай сөндіру мақсатында өрт сөндіру қызметінен 6 қызметкер 1 бірлік техника күші пайдаланылды. Жалын 13.50-те толық сөндірілді», – деп мәлімдеді Қызылорда облыстық төтенше жағдайлар департаменті Өрт сөндіру және апаттық-құтқару жұмыстары қызметінен.
</blockquote>

Қызылордада автокөліктегі газ құрылғысы жарылып, бір адамды күйік шалды (ВИДЕО)

<a href="https://kyzylorda-news.kz/">Kyzylorda-news.kz.</a> Өткен жылы «Қызылорда облысының экологиялық мәселелерін кешенді шешу жөніндегі 2020-2025 жылдарға Жол картасы» бекітілді.
Айта кетейік, аймақ экологиясын жақсартуға бағытталған Жол картасы бірнеше бағыттан тұрады.
<blockquote>
 “Жол картасының 2,2 тармағына сәйкес, алдағы 5 жылға арналған «Таза ауа» іс-шара жоспары бекітілген. Қазір облыстың полиция департаментімен бірігіп, қала төңірегіндегі жүріп жатқан автокөліктердің экологиялық нормаларға сәйкестігін анықтау үшін рейд жүргізудеміз. Мәселен, бензин, газ және дизель отынымен жұмыс істейтін 38 автокөлікке тексеріс жүргізіп, оның бесеуінен белгіленген нормативті бұзу деректерін анықтадық. Автокөлік жүргізушілеріне ескерту беріліп, хаттама толтырылды”, – деді Қызылорда облысы бойынша экология департаменті басшысының орынбасары Бекзат Тілегенов.
</blockquote>

Қызылордада автокөліктерге тексеріс жүргізілуде

<a href="https://kyzylorda-news.kz/">Kyzylorda-news.kz</a>. Аймақта білім беру ұйымдарында жұмыс жасайтын қызметкерлердің құқығы мен заңды мүдделеріне қатысты келіп түсетін өтініштер саны өткен жылғы есепті кезеңмен салыстырғанда 50 пайызға азайған. Бұл туралы Өңірлік коммуникациялар қызметінің ақпараттық алаңында өткен онлайн брифингте облыс бойынша Білім саласында сапаны қамтамасыз ету департаментінің басшысы Ғалия Дәулетова мәлімдеді.
Қаңтар айында педагогикалық әдеп және мұғалімдердің құқығын қорғау мәселелері жөніндегі кеңес құрылған болатын.
<blockquote>
 “Педагогтар тарапынан туындаған мәселерге байланысты білім беру ұйымына зерделеу жұмыстары жүргізіліп, мұғалімдерге түсіндірме беріліп отырылады. Жыл басынан бері әдеп қағидасын бұзған білім беру ұйымының бір басшысына қатаң сөгіс берілді. Сондай-ақ, әлеуметтік желілердегі педагогтардың мәселелерін үнемі назарға алып, департаментке қойылатын сауалдарға жауап берілуде. Осыған орай тиісті мекемелермен өзара іс-қимыл шараларын атқарудамыз”, – деді Ғалия Ноғайқызы.
</blockquote>

Қызылорда: Педагогтардың құқығы қорғалуда

Kyzylorda-news.kz. Қазақстанның барлық аймағында Ұлы Отан соғысы ардагерлеріне 1 миллион теңге көлемінде жәрдемақы беріледі, деп хабарлайды Stan.kz.
Биыл елімізде Ұлы Отан соғысындағы Жеңіске 76 жыл толу мерекесі аталып өтіледі. 9 мамыр – Жеңіс күніне орай екінші дүниежүзілік соғыс ардагерлері мен оларға теңестірілген тұлғаларға біржолғы жәрдемақы беріледі.
Жәрдемақы алатындардың қатарында Ұлы Отан соғысына қатысушылары мен мүгедектері, Ұлы Отан соғысына қатысушылары мен мүгедектеріне теңестірілгендер, тыл еңбеккерлері бар.
Қазақстан Республикасының еңбек министрлігінің ұсынысына сәйкес Ұлы Отан соғыс ардагерлерімен оларға теңестірілген азаматтарға ақшалай төлем жасаған жағдайда, қаржылық ынталандырудың барлық өңірде бірдей мөлшерде болуын қарастыру көзделген.
Осыған еліміздің барлық аймақтарында Ұлы Отан соғысының ардагерлеріне бір миллион теңге көлемінде бір реттік материалдық көмек беріледі.

Ұлы Отан соғысының ардагерлеріне 1 млн теңге жәрдемақы беріледі

<a href="https://kyzylorda-news.kz/">Kyzylorda-news.kz.</a> Биыл Қызылорда облысында би өнерінің негізін қалаушылардың қатарында болған, белгілі хореограф Болат Қаржаубаев, Татьяна Булгай, Фариза Сүлейменованың еске алуға арналған «Би бекзаттары» атты онлайн форматта концерт өткізіледі.
<blockquote>
 “Тәуелсіздік алғалы қазақ мәдениеті қарыштап дамыды. Оның ішінде би өнері біршама ілгеріледі. Оған Сыр елі хареографтар мен бишілерінің қосқан үлесі зор. Бұл жұмысты әрі қарай жалғастыру үшін облыстық халық шығармашылығын дамыту және мәдени-продюсерлік орталығы білім ордаларымен тығыз байланыс орнатты. «Сыр сұлуы», «Алтын Арай», «Қызғалдақтар», «Жас дәурен», «Экспресс» секілді ансамбльдердің репертуарын қайта жасақтау, қатарын толықтыру, базасын нығайту мақсатында жұмыстар жүргізуде. Мұндай жұмыстар би өнерінің өрісін кеңейтіп, дамыта түседі”, – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Облыста балет және өнер мекемелерінде 116 би үйірмесі бар. Оған 2103 өнерпаз тартылған. Айта кетейік, барлық мәдени мекемелер жанындағы би үйірмелері ақысыз қызмет көрсетеді.
<blockquote>
 «Томирис» би ансамблінің құрылғанына биыл 20 жыл толды. Соған орай қазан айында үлкен іс-шара өткізуге дайындық жұмыстарын жүргізіп жатырмыз. Қазір елдің талғамы өсті. Қайталама дүниені көргісі келмейді. Сондықтан біз көрерменді жалықтырып алмас үшін жаңа би түрлерін енгізіп, сахналық костьюмдерді даярлаудамыз. Жалпы, ансамбль қоржынында бүгінде көрермен көзайымына айналған 80-ге жуық би бар. Ал енді талғам мен талапқа келсек, біз бишілермен 1 жылға келісім шартқа отырамыз. Сосын ақырындап келісім созыла береді. Қазір бізде 15 жылдан бері билеп келе жатқан талантты бишілеріміз бар. Ал аттестациядан 3 жылда бір рет өткіземіз”, – деді «Томирис» би ансамблінің жетекшісі Гүлбану Мырзабаева.
</blockquote>

Қызылордада «Би бекзаттары» онлайн концерті өтеді

<a href="https://kyzylorda-news.kz/">Kyzylorda-news.kz</a>. Қызылорда облысы кәсіпкерлер палатасының алаңына жиналған мейрамхана иелері әрі қарай кәсібін қалай сақтап қалатынын білмей отыр.
<blockquote>
 &nbsp;«Облыстың эпид.ахуалға орай «қызыл» аймаққа енуімен 22 сәуірде жаңа қаулы шығып, біздің жұмыс уақытымызды сағат 20.00-ге дейін қысқартып тастады. «Қызыл» аймаққа өтуіміздің негізгі себебі білім беру мекемелерінің офлайнға өтуі салдарынан екенін барлығы біледі. Ойланбай жасалған қадамның зардабын неге кәсіпкерлер тартуы керек?», – деген кәсіпкер Ақмарал Әбдіразақова бүгінде осы саладағы кәсіпкерлер кез келгеннің ыңғайына келетін футбол добына айналғанын жеткізді.
</blockquote>
Мейрамхана иелері жұмыс уақыты мен келетін тұтынушылар санын қысқартқанымен, оларға қызмет көрсететін қызметкерлер санын, олардың жалақысын қысқарта алмайтындығын айтуда.
<blockquote>
 &nbsp;«Қоғамдық тамақтану орны қалай аспазсыз, техникалық қызметкерсіз, даяшы мен өзге де қызметкерлерсіз жұмыс жасамақ? Жұмысқа шыққаннан кейін қызметкерлер ақысының толық төленгенін қалайды. Оларды да түсінуге болады. Себебі азық-түлік пен коммуналдық қызметтердің бағасы күн санап көтерілуде», – деді кәсіпкерлердің бірі.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Коммуналдық қызмет ақысы кәсіпкерлерге де ауыртпалық тудырып тұр екен. Мейрамхана иелері мұнайлы өңір Атырау, Маңғыстауда табиғи газ бағасы 1 куб метрге 8-9 теңгені, ал дәл осындай табиғи газы бар Қызылордада 18,6 теңгені құрайтынын ашына айтты. Электр энергиясының бағасы да өзге өңірлермен салыстырғанда Қызылордада жоғары деген шараға қатысушылар Кәсіпкерлер палатасы директорынан бұл мәселені құзырлы мекемелер арқылы шешуге көмек сұрады.
Кездесуде Кәсіпкерлер палатасының директоры Ғалымбек Жақсылықов көтерілген мәселелердің әрқайсысымен Палата мамандары тиісті органдармен бірге жұмыс жасап, шешу жолдары қарастырылатындығын, нәтижесі бойынша кәсіпкерлерді хабардар ететіндігін жеткізді.
Мұнан өзге, отырыста «Ashyq» жобасы да талқыланды. Палата басшысы жобаның бизнес өкілдері үшін тиімділігін, ерекшеліктерін түсіндіріп өтті.
Айта кету керек, «Ashyq» жобасы аясында жұмыс жасау үшін Қызылорда облысынан 28 кәсіпкер QR код алды. Оның 19-ы қоғамдық тамақтану саласындағы кәсіпкерлік нысандары. Әзірге 19 нысан да жобада тесттік режимде жұмыс жасауда.

Қызылордадағы мейрамхана иелері: «Бізді әбден футбол добына айналдырды»

<a href="https://kyzylorda-news.kz/">Kyzylorda-news.kz</a>. Бұған дейін Бахыт Алтайыр Мақсатұлының 27 сәуір күні жоғалып кеткенін <a href="https://kyzylorda-news.kz/kogam/qyzylordada-bes-zhasar-bala-izdestirilwde-108920/">хабарлаған</a> болатынбыз.
Бүгін баланың денесі табылды. Ол жеке тұрғын үйдің көше бетте орналасқан кәріз құдығына түсіп кеткен.
<blockquote>
 «Бүгін, 29 сәуір күні жергілікті уақыт сағат 11:00 шамасында жеке тұрғын үйдің кәріз құдығынан жоғалған баланың денесі табылды. Қажетті сот – медициналық сараптамалар тағайындалды. Баланың денесінде көзге көрінетін зорлық – зомбылық белгілері байқалмаған. Орын алған оқиға бойынша тергеу басталды. Тергеу әрекеттері менің жеке бақылауымда. Кішкентай Альтаирдың ата – анасы мен туыстарының ауыр қайғыларына ортақтасып, шын жүректен көңіл айтамын», дейді Қызылорда облысы полиция департаментінің бастығы <a href="https://www.facebook.com/profile.php?id=100051822340477">Бектөре Сұлтан.</a>
</blockquote>

Қызылордада екі күн бұрын жоғалған баланың денесі табылды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова мәнерлеп сырғанаудан ҚР еңбек сіңірген спорт шебері, Әлем чемпионатының күміс жүлдегері Элизабет Тұрсынбаевамен кездесті. Жиынға спортшының ата-анасы Байтақ Тұрсынбаев пен Падишакан Сұлтаналиева қатысты.
Элизабет Тұрсынбаева Сыр еліне мәнерлеп сырғанаудан өтетін республикалық турнир аясында келіп отыр. 
Аймақ басшысы ел мақтанышына айналған мәнерлеп сырғанау спортында есімі әйгілі Элизабет Тұрсынбаеваның спорттағы жетістіктерін атап өтіп, Сыр елінің саңлақ спортшыға деген құрметі ерекше екенін жеткізді.
<blockquote>
 «Қадірлі Элизабет, өзіннің спорттық шеберлігін мен табандылығының арқасында еліміз халықаралық аренада жарқын жетістіктерге жетіп келеді. Сенің жеңісінді тек жерлес қызылордалықтар ғана емес, тұтас Қазақстан мақтан етеді. Әлемдік спортта ересектер арасындағы сайыста төрт айналымдық сальховты сәтті орындаған тұңғыш мәнерлеп сырғанаушы ретінде тарихта қаласың. Бұл – біз үшін биік бедел, мерей-мәртебе. 
 Спортшы үшін ең бастысы – алға қойған мақсатқа нәтижелі жету. 2019 жылы Жапонияның Сайтама қаласында мәнерлеп сырғанаудан өткен Әлем чемпионатында күміс медальді иеленген сенің жетістігін – Қазақстанды әлемге танытқан ерекше спорт оқиғасы болды. 2022 жылы Пекинде өтетін Олимпиада ойындарында ең жоғары дәрежедегі медальға қол жеткізіп, тәуелсіз Қазақстанның әнұраны бүкіл әлемде шырқалса деймін»,-деді Гүлшара Әбдіқалықова.
</blockquote>
Кездесуде Элизабетке қолдау көрсетіп, ата-аналық парызымен бірге жаттықтырушылық қызметін атқарып жүрген әкесі Байтақ Тұрсынбаев сөз алып, ілтипат танытқан барша Сыр жұртына алғыс білдіріп, Элизабеттің алдағы жоспарларымен бөлісті. Сондай-ақ, соңғы жылдары мәнерлеп сырғанау спортына жастардың қызығушылығы артып келе жатқанын атап өтті.
Жиында облыс әкімі спортта ел байрағын әлем елдерінде биікке көтеріп жүрген Элизабетті өмірге әкеліп, бойындағы талабы мен қабілетін танып, қанаттандырған анасы Падишакан Беймырзақызына Қызылорда облысының Құрмет грамотасын табыстады. Ал, Элизабетке сый-сияпат жасап, ілтипат танытты.
Айту қажет, бүгін Сыр елінде Элизабет Тұрсынбаеваның құрметіне арналған республикалық турнир басталды. Ел мақтанышының жүлдесіне арналған биылғы жарыс Тәуелсіздіктің 30 жылдық мерейтойы аясында өтіп отыр. Турнирге 10 облыстан 200-ге жуық жасөспірім қатысады. Дәстүрлі шара өскелең ұрпақтың патриоттық сезімін арттырып, көптеген баланы мәнерлеп сырғанау спортына, салауатты өмір салтына ынталандыруға жол ашады.
<img src="https://kyzylorda-news.kz/wp-content/uploads/2021/04/179810181_3322420417861004_5131891702258540275_n.jpg" alt="" />
<img src="https://kyzylorda-news.kz/wp-content/uploads/2021/04/180045938_3322421244527588_2696148485822384765_n.jpg" alt="" />

Облыс әкімі Элизабет Тұрсынбаевамен кездесті

<a href="https://kyzylorda-news.kz/">Kyzylorda-news.kz</a>. Қазақстанда қарызынан түгел құтылған адамдардың кредит тарихын сақтау мерзімі он жылдан бес жылға дейін қысқарады. Парламент тиісті өзгерістер енгізілген заңды қабылдады, деп хабарлайды&nbsp;<a href="https://sputnik.kz/">Sputnik Қазақстан</a>.
Сенатта кейбір заңнамалық актілерге банктік, микроқаржылық және коллекторлық қызметті реттеуге қатысты өзгерістер енгізу туралы заң жобасы екі оқылымда қаралды.
Құжатта кредит тарихы нашар адамдарға аса қажет болған жағдайда кредит алуға мүмкіндік беретін норма көзделген.
Егер бұрын кредит тарихын сақтау мерзімі 10 жыл болса, бүгінде кредитін өтеген және қазір берешегі жоқ адамдарға қатысты бұл мерзім 5 жылға дейін қысқартылады.
<blockquote>
 “Азаматтардың кредит тарихын сақтау мерзімі маңызды мәселе болып отыр. Банктер өткен он жылда қарызын уақытылы төлемей, мерзімін өткізіп алған адамдарға кредит беруден бас тартады. Кредит тарихын сақтау мерзімі 10 жылдан 5 жылға дейін қысқарғанда, 490 мыңға жуық отандасымыз қажет болған жағдайда банктер мен микроқаржы ұйымдарынан кредит ала алады”, – деді сенатор Ольга Перепечина.
</blockquote>
Сонымен қатар коллекторлардың қызметін реттейтін түзетулер де қабылданды.
Енді оларға коллекторлық агенттікке тіркелмеген, бөтен адамдардың телефон нөмірінен борышкерлерге хабарласуға тыйым салынады. Одан басқа, агенттіктер борышкермен сөйлесудің кез келген процесіне бейне және аудио түрінде жазба жүргізуге міндеттеледі.
Депутаттар бұл норма коллекторлардың борышкермен дөрекі сөйлесуіне немесе заңнаманы бұзуына жол бермейді деп санайды.
Заң жобасында банк қарыздары мен микрокредиттер бойынша проблемалы берешектерді сотқа дейін реттеу тетіктері де жетілдірілді. Мерзімі өткен кредиттер бойынша берешекті реттеудің бірыңғай құқықтық тәртібі көзделіп отыр, ол банктердің қарыздарына ғана емес, сондай-ақ микроқаржы ұйымдарының кредиттеріне де қолданылады.
Сондай-ақ кредиторлардың қарыз алушылардың өтінішін қарау мерзімі 180 күннен 90 күнге дейін қысқартылды.
Парламент сенаты заң жобасын екі оқылымда қарап, бірауыздан қабылдады. Құжат президенттің қол қоюына жіберілді.

Халықтың кредит тарихын сақтау мерзімі  бес жылға дейін қысқарады &#8211; заң қабылданды

<a href="https://kyzylorda-news.kz/">Kyzylorda-news.kz</a>. 2021 жылдың 28 сәуірінде Қызылорда облысы бойынша барлығы 3250 тұрғынға «COVID-19» жұқпасына қарсы екпе жасалды.
Ал жалпы 01.02-28.04 аралығында қала бойынша -17712 , аудан бойынша – 10026, барлығы – 27738 тұрғынға «COVID-19» жұқпасына қарсы екпе жасалды.
Екпе алған тұрғындар дәрігерлер бақылауында, денсаулық жағдайларына шағымдары жоқ. Барлығы авторизациялаудың біріңғай тетігі арқылы «Денсаулық сақтаудың біріңғай ақпараттық жүйесіне» енгізілді.

Қызылордада 27738 тұрғынға «COVID-19» індетіне қарсы екпе салынды

<a href="https://kyzylorda-news.kz/">Kyzylorda-news.kz.</a> Әкім лауазымына кандидатураны ауыл тұрғындарының өздері ұсына алады. Бұл туралы Ұлттық экономика вице-министрі Әлішер Әбдіқадыров айтты, деп хабарлайды primeminister.kz.
Ұлттық экономика вице-министрі Әлішер Әбдіқадыровтың айтуынша, 800 ауыл әкімін тікелей сайлау осы жылдың екінші жартыжылдығында, қазіргі әкімдердің өкілеттік мерзімі шыққан кезде өтеді. Өз кандидатурасын ауыл тұрғындарының өздері де, өз мүшелерінің арасынан тіркелген саяси партиялар да ұсына алады. Сондай-ақ, ауыл әкімдігіне кандидаттар болмаған не ұсыну мерзімі аяқталған кезде бір ғана кандидат ұсынылған жағдайда, аудан (облыстық маңызы бар қала) әкімінің жергілікті қауымдастық жиналысының келісімі бойынша екі кандидатқа дейін сайлауға қатысуды қамтамасыз ете отырып, кандидаттарды немесе өз кандидатын ұсынуға құқығы бар.
<blockquote>
 «Ауыл әкімдерінің өкілеттік мерзіміне келер болсақ, ол өзгеріссіз қалады және 4 жылды құрайды», — деп толықтырды ұлттық экономика вице-министрі.
</blockquote>
Ауыл әкімдерінің тікелей сайлауын қаржыландыру жергілікті бюджет арқылы жүзеге асырылады. 2021-2022 жылдарға арналған жалпы сипаттағы трансферттердің қолданылу кезеңінде сайлауды қаржыландыру ОСК арқылы республикалық бюджеттен нысаналы трансферттермен жүзеге асырылатын болады. 2023 жылдан бастап бұл шығыстар жергілікті бюджеттердің шығыстар базасына енгізіледі және жалпы сипаттағы трансферттерді есептеу кезінде ескерілетін болады. Жергілікті бюджеттерге тоқталып өтсек. Қазақстанда 2018 жылдан бастап ауылдық округтер деңгейінде дербес бюджет енгізілді, ол бюджеттің төртінші деңгейі ретінде айқындалды.
Жергілікті өзін-өзі басқару бюджеті берілген салықтың 6 түрі есебінен құрылады.
<blockquote>
 «Жергілікті бюджеттерді енгізу кезең-кезеңмен жүргізілді. 2018 жылдан бастап халқының саны 2000 адамнан асатын әкімшілік-аумақтық бірліктерде, ал бұл шамамен аудандық маңызы бар 1052 қалада, ауылдарда, кенттерде және ауылдық округтерде, ал 2020 жылдан бастап – барлық жерде. Соның нәтижесінде 2345 ауылдық округ дербес бюджет алды», — деді Ә. Әбдіқадыров.
</blockquote>
Жергілікті өзін-өзі басқару бюджетінің кіріс көздерін одан әрі кеңейту мақсатында бюджет заңнамасына төлемдердің тағы 4 түрін жергілікті өзін-өзі басқару деңгейіне беруді көздейтін түзетулер әзірленді.
Қазіргі уақытта осы түзетулері бар заң жобасы Парламент Мәжілісінің қарауында жатыр.
Еске салсақ, Президент Қасым-Жомарт Тоқаев өзінің 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты Жолдауында ауыл әкімдерін тікелей сайлауды енгізу қажеттігі туралы мәлімдеді. Мемлекет басшысы мұны елді демократияландырудағы және жергілікті басқару институттарын нығайтудағы маңызды қадам деп атады.

Әкім лауазымына кандидатураны ауыл тұрғындары өздері ұсынады

<a href="https://kyzylorda-news.kz/">Kyzylorda-news.kz</a>. Қызылорданың 26 кәсіпорыны Vision Zero нөлдік жарақаттану тұжырымдамасына қосылып, жазатайым оқиғалар мен еңбек жағдайларындағы зиянды жұмыс орындарының санын қысқарту бойынша міндеттемелерді өзіне алды. Сондай-ақ, 5 кәсіпорын «Халықтық бақылау» жобасына қосылды.
<blockquote>
 «Еңбекті қорғау мәселесі ғасырлар бойы көтеріліп келеді. Алайда зауыттарда авариялар әлі де бар, ал құрылыста жазатайым оқиғалар жиі орын алады. Айтпағым, мұндай дүниеге селқос қарауға болмайды. Әрбір мекеме жұмысшыларын жазатайым оқиғалардан сақтандыруға міндетті. Өтемақылар тергеп-тексеру актісіне сәйкес сақтандыру қорынан төленеді. Одан бөлек, кәсіпорындардағы еңбек, ұжымдық шарттарда материалдық көмек көлемдері бекітілуі мүмкін. Ол әр кәсіпорында әртүрлі деңгейде», – деді «Қызылорда облысының кәсіподақтар орталығы» аумақтық кәсіподақтар бірлестігінің төрағасы Серік Сермағамбетов.
</blockquote>
Соңғы 2 жылда орын алған жазатайым оқиғалардан зардап шеккен жұмыскерлердің 85 пайызы кәсіпкерлік саласына тиесілі. Басты себеп жұмыс берушілер тарапынан мамандардың лауазымдық міндеттерінде көзделмеген жұмыстарға тартылуы болып отыр.
<blockquote>
 «Бүгінде Жол картасы аясында мемлекеттік еңбек инспекторларымен жазатайым оқиғаларды арнайы тергеп-тексеру барысында 13 кәсіпорында 300-ге жуық жұмыскерлермен ақпараттық-түсіндірме жұмыстарын жүргіздік. Соның нәтижесінде қазір өңір бойынша 980 ұйымда өндірістік кеңестер құрылды», – деді облыстық еңбек саласындағы бақылау басқармасының басшысы Төреахмет Жолымбетов.
</blockquote>

Қазақстан және Қызылорда облысының жаңалықтары

Қызылордада автокөліктегі газ құрылғысы жарылып, бір адамды күйік шалды (ВИДЕО)

Қызылордада автокөліктерге тексеріс жүргізілуде

Қызылорда: Педагогтардың құқығы қорғалуда

Ұлы Отан соғысының ардагерлеріне 1 млн теңге жәрдемақы беріледі

Қызылордада «Би бекзаттары» онлайн концерті өтеді

Қызылордадағы мейрамхана иелері: «Бізді әбден футбол добына айналдырды»

Қызылордада екі күн бұрын жоғалған баланың денесі табылды

Облыс әкімі Элизабет Тұрсынбаевамен кездесті

Халықтың кредит тарихын сақтау мерзімі бес жылға дейін қысқарады – заң қабылданды

Қызылордада 27738 тұрғынға «COVID-19» індетіне қарсы екпе салынды

Әкім лауазымына кандидатураны ауыл тұрғындары өздері ұсынады

Қызылордада 26 кәсіпорын Vision Zero нөлдік жарақаттану тұжырымдамасына қосылды

Қазақстан және Қызылорда облысының жаңалықтары

Қызылордада автокөліктегі газ құрылғысы жарылып, бір адамды күйік шалды (ВИДЕО)

Қызылордада автокөліктерге тексеріс жүргізілуде

Қызылорда: Педагогтардың құқығы қорғалуда

Ұлы Отан соғысының ардагерлеріне 1 млн теңге жәрдемақы беріледі

Қызылордада «Би бекзаттары» онлайн концерті өтеді

Қызылордадағы мейрамхана иелері: «Бізді әбден футбол добына айналдырды»

Қызылордада екі күн бұрын жоғалған баланың денесі табылды

Облыс әкімі Элизабет Тұрсынбаевамен кездесті

Халықтың кредит тарихын сақтау мерзімі бес жылға дейін қысқарады &#8211; заң қабылданды

Қызылордада 27738 тұрғынға «COVID-19» індетіне қарсы екпе салынды

Әкім лауазымына кандидатураны ауыл тұрғындары өздері ұсынады

Қызылордада 26 кәсіпорын Vision Zero нөлдік жарақаттану тұжырымдамасына қосылды

Халықтың кредит тарихын сақтау мерзімі бес жылға дейін қысқарады – заң қабылданды