Kyzylorda-news.kz. Бүгін баспанасы апаттық жағдайда тұрған қызылордалық 20 отбасы қоныс тойын тойлады.
1 Мамыр – Қазақстан халқының бірлігі мерекесі қарсаңында қала әкімі Ғанибек Қазантаев Мемлекет және қоғам қайраткерлері Бақберген Досманбетов және Қожахмет Баймахановпен бірге тұрғындарға жаңа пәтер кілттерін табыстап, қуаныштарын еселеді.
Игі шарада шаһар басшысы пәтер иелерін Қазақстан халқының бірлігі мерекесімен және жаңа қоныстарымен құттықтап, қаланың құрылыс қарқынына, саладағы жетістіктеріне тоқталып, биыл қаламызда 1 500 – ге жуық тұрғын баспаналы болатындығын жеткізді. Сонымен қатар «Жалпы Қызылорда қаласы бойынша 24 мың 810 азамат үй кезегінде тұрса, оның ішінде баспанасы апаттық жағдайда тұрған 234 отбасы. Биыл 121 отбасыны тұрғын үймен қамтуды жоспарлап отырмыз. Қалған 113 жанұя келер жылы қоныс тойын тойлайтын болады. Осылайша апаттық үй кезегінде тұрған азаматтардың мәселесі екі жыл көлемінде толық шешіледі», – деді.
Айта кетейік, ағымдағы жылы Сырдария өзенінің сол жағалауында арендалық 680 пәтерлік 14 тұрғын үй және жеке инвестордың өз қаражаты есебінен салынып жатқан 38 пәтерлік 1 үйді пайдалануға беру жоспарлануда. Сонымен қатар өткен жылы СПМК-70 мөлтек ауданынан «Нұрлы жер» бағдарламасы аясында құрылысы басталған 640 пәтерлік 13 тұрғын үй де пайдалануға берілетін болады.
Мереке қарсаңында қуанышы еселенген жанның бірі – Ақтолғай Өтегенова.
«Бүгін біз үшін қос мереке қатар келіп, үлкен қуанышқа кенеліп отырмыз», – деген көп балалы ана үй кезегіне 2019 жылы тіркеліп, екі жылда жаңа баспанаға ие болғандығын айтты.
Жаңа қонысқа ие болған Вилия Шернюте болса бүгінгі қуанышына себепші болған қала басшылығы мен Сыр құрлысшыларына өзінің алғаусыз алғысын айтып, бараша қазақстандықтарды бүгінгі мерекемен құттықтады.
Баспаналы болған тұрғындарға Қызылорда қаласының құрметті азаматы Бақберген Досманбетов бата беріп, қоныс иелері қала әкімімен және ел ағаларымен бірге «Табиғат – менің өз үйім» атты экологиялық акциясы аясында тал көшеттерін отырғызды.
<img src="https://kyzylorda-news.kz/wp-content/uploads/2021/05/fb_img_1619861103801.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619861107214.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619861120709.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619861113557.jpg" alt="" />

Қызылордада 20 отбасы баспаналы болды

Kyzylorda-news.kz. Қызылорда қаласында мәнерлеп сырғанаудан Әлем чемпионатының күміс жүлдегері Элизабет Тұрсынбаеваның жүлдесі үшін өтіп жатқан республикалық турнирде қызылордалық Темірлан Якияев облыс құрамасының қоржынына алтын медальді салды.
Ол I спорттық разряд бойынша 2011-2012 жылдары туылған спортшылар арасында өнер көрсетіп, жеңістің биік тұғырына көтерілді. Бес жасында мәнерлеп сырғанау спортына келген жасөспірім спортшы бұған дейін республикалық, халықаралық жарыстардың бірнеше дүркін жеңімпазы және жүлдегері атанған.
Қазақстан Тәуелсіздігінің 30 жылдығына орай биыл бесінші мәрте ұйымдастырылған турнирге республикамыздың аймақтарынан 5-18 жас аралығында 200-ден аса спортшылар бақ сынасуда.
Турнирдің құрметті қонағы ретінде ҚР еңбек сіңірген спорт шебері Элизабет Тұрсынбаева жеңімпаздар мен жүлдегерлерді марапаттау рәсіміне қатысты.
Жарыс карантин талаптарын сақтай отырып, көрермендерсіз өткізілуде.
Дүбірлі дода 1 мамыр күні аяқталады. Жарыс күнінің кестесіне сәйкес спортшылар сағат 11.30-20.00 аралығында еркін бағдарламада мұзда өнер көрсетеді.
<img src="https://kyzylorda-news.kz/wp-content/uploads/2021/05/fb_img_1619836838151.jpg" alt="" />

Қызылордалық Темірлан Якияев Элизабет Тұрсынбаева турнирінің жеңімпазы атанды

Kyzylorda-news.kz. Қазақстанда өткен тәулікте 3 062 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 736,
Алматы қаласы – 798,
Шымкент қаласы – 56,
Ақмола облысы – 102,
Ақтөбе облысы – 195,
Алматы облысы – 207,
Атырау облысы – 105,
Шығыс Қазақстан облысы – 64,
Батыс Қазақстан облысы – 177,
Қарағанды облысы – 245,
Қостанай облысы – 18,
Қызылорда облысы – 97,
Маңғыстау облысы – 82,
Павлодар облысы – 96,
Солтүстік Қазақстан облысы – 43,
Түркістан облысы – 41.
Қазақстан бойынша жазылғандар саны – 276 977.

Қызылордада өткен тәулікте 97 адам коронавирустан айықты

<a href="https://kyzylorda-news.kz/">Kyzylorda-news.kz</a>. Сыр өңірінде халықтың қауіпсіздігі мен бостандығын қорғауды басты мақсат еткен Қызылорда облысының Полиция департаментінде 11 өзге ұлт қызмет етіп жатыр.
Ұлты басқа болса да, жүрегі «қазақ» деп соғатын олар қазақ жерін, халықтың тыныштығын сақтауда от пен суға түсіп, Отан алдындағы перзенттік парыздарын өтеп келеді. Солардың бірі – кәріс ұлтының өкілі Угай Борис Рудольфович.
Угай Борис Қызылорда қаласында 1986 жылы дүниеге келген. Қаладағы №198 орыс мектебінде білім алды. Мектеп қабырғасында жүргеннен-ақ қазақ тілін ерекше меңгеріп, өз қатарластарынан озық болды. Қазақ тілі сабақтарына белсенді қатысуымен ұстаздарының назарына ілікті. № 198 орта мектепті бітіргеннен кейін, 2005 жылы Қызылорда қаласындаға Қазақ гуманитарлық заң университетіне түсті. Қазіргі таңда Қызылорда қалалық Полиция басқармасының Жедел басқару орталығының бейнебақылау инспекторы лауазымында қызмет атқарады.
Борис – мемлекеттік тілді жетік меңгерген қызметкер. Қазақ тілі оқыту курстарына қатысып, білімін жетілдіріп отырады.
«Мен Қызылорда қаласында туып-өстім. Орыс тілінде білім беретін мектепте оқыдым. Оқып жүргенде қазақ тілі пәнінен тек бестік бағалар алатынмын. Тілге деген қызығушылығым мектеп қабырғасынан басталды. Орыс мектептерінің арасында қазақ тілі пәні бойынша өткен қалалық олимпиадада жүлделі орындарын иелендім. Қазақ тілін білуім жаңа таныстар мен достар табуыма да себепші болды. Қазақ балаларымен ойнап, бірге өстім», – дейді үнемі ізденіс үстінде жүретін жас офицер.
Айта кету керек, Бористің анасы – Елена Угай 25 жыл ішкі істер органдарында қызмет атқарып, қазіргі таңда ҚР ІІМ еңбек сіңірген зейнеткері, запастағы полковник. Анасы ұлына бала кезінен өте жақсы тәлім-тәрбие берген. Қазақ тілін жетік меңгерген тәртіп сақшысы өзге әріптестеріне де үлгі.
1-мамыр – Қазақстан халықтарының бірлігі күні мерекесі қарсаңында полиция капитаны Борис Угай өз жерлестерін халықтар достастығы, ынтымақ пен бірлігі күнімен құттықтап, Қазақстанның көпұлтты халықтары арасындағы бірлік пен ынтымақтастығы нығая берсін деген ізгі тілегін білдірді.

Қызылорда: Полиция департаментінде 11 өзге ұлт өкілі қызмет етеді

Kyzylorda-news.kz. ҚР ДСМ Бас мемлекеттік санитар дәрігері Ерлан Қиясовтың 30 сәуірдегі №17 қаулысы бойынша вакциналау тәртібіне өзгерістер енгізілді, деп хабарлайды ҚазАқпарат.
<blockquote>
 «Вакцинацияны екі кезеңмен жүргізеді: ең алдымен 0,5 мл дозада I компонентпен, содан кейін вакцинация күнін есептемегенде 45 күннен кейін – 0,5 мл дозада II компонентпен; бұл ретте 45-ші күнге II компонентпен вакцинация жүргізу мүмкін болмаған жағдайда (демалыс, мереке күндеріне сәйкес келу, басқа елді мекенге шығу және басқалар) вакцинацияны 90 күн ішінде жүргізуге жол беріледі; вакцинацияның осы курсы 2021 жылғы 21 сәуірден бастап «Гам-КОВИД-Вак» вакцинасының бірінші компонентін алған адамдарға енгізіледі», – деп жазылған қаулыда.
</blockquote>
Құжат 2021 жылғы 3 мамырда сағат 00-ден бастап күшіне енеді.

Вакцина: Екі кезеңінің арасы ұзартылды

<a href="https://kyzylorda-news.kz/">Kyzylorda-news.kz</a>.&nbsp;Қазалы ауданының аудан әкімі Мұрат Ергешбаев 1 мамыр – Қазақстан халқының бірлігі күні мерекесіне орай өзге ұлт өкілдерін қабылдап, сый-құрмет көрсетті. Басқосуға аудандық мәслихат хатшысы Бақытжан Жарылқап пен орыс, неміс, грек, өзбек, татар және кәріс ұлтының өкілдері қатысты.
Жиналған қауымды алдымен аудан әкімі Мұрат Ергешбаев құттықтап, игі тілектерін жеткізді.
Басқосуда аудандық ардагерлер кеңесінің ардагері Оразғали Бекбанов пен өзбек ұлтының өкілі Муаззам Рахметова, орыс ұлтының өкілі Галина Шамина құттықтау сөз сөйледі. Мұнан соң Галина Шамина орыс әндерінен попури орындап берсе, Роза Бағланова атындағы мәдениет орталығының өнерпаздары қазақ әнін әуелете шырқады.
Қазақстан халқының бірлігі күні мерекесіне орай мерекелік шараға қатысушылардың барлығына аудан әкімі Мұрат Ергешбаевтың «Құттықтау» хаты табысталып, сый-сияпат жасалды.
Айта кетейік, бүгінгі таңда қасиетті Қазалы ауданында 9 түрлі ұлттың 400-ге жуық ұрпағы жергілікті тұрғындармен тату-тәтті өмір сүруде. Олардың барлығы қазақтың тілі мен салт-дәстүрлерін жетік меңгеріп, ортақ үйіміз – Қазалы ауданының дамуына лайықты үлес қосуда.

Тұғырымыз &#8211; тұрақтылық, таңдауымыз &#8211; тағаттылық

Kyzylorda-news.kz. Қызылорда облысының әкімі Гүлшара Әбдіқалықова сырбойылықтарды мерекемен құттықтады.
Қымбатты жерлестер!
Сіздерді 1 Мамыр – Қазақстан халқының бірлігі мерекесімен шын жүректен құттықтаймын! 
Ынтымақты ырысына балаған елімізде бұл мерекенің өз орны бар. 
Еліміздің Тұңғыш Президенті – Елбасы Нұрсұлтан Әбішұлы Назарбаев 1995 жылдың 18 қазанында 1 мамырды Қазақстан халқының бірлігі күні деп жариялау туралы Жарлыққа қол қойып, 1996 жылдан бастап бірлік мерекесі ретінде аталып келеді. 
Тәуелсіз Қазақстан тарихында мүлдем жаңаша мән-маңызға ие болып, көпэтносты елдің тыныштығы мен татулығының белгісіне айналды. Бүгінгі күні қазақ халқының кең пейілі мен дархан көңілі, жомарт жүрегінің арқасында елімізде қаншама этнос өкілі бір ананың баласындай, бір өзеннің сағасындай өмір сүруде. 
Мемлекет басшысы Қасым-Жомарт Кемелұлы Тоқаев айтқандай, «Тәуелсіздік кезеңінде негізі қаланған «әралуандығымыз – бірлікте» қағидаты Қазақстанның сан қырлы мәдениеті мен дәстүрін баға жетпес байлығымызға айналдырды. Ырыс-ынтымақ пен отаншылдық рух ұлттық кодымыздың ұйытқысы болып отыр». 
Бір шаңырақтың астындағы халқымыздың бірлігі мен достығы, өзара түсіністігі одан әрі жалғасып, еліміздегі этносаралық татулық әрдайым берік болып, ауызбіршілігіміз арта берсін! 
Баршаңызды бүгінгі мерекемен құттықтай отырып, зор денсаулық, еңбектеріңізге толайым табыс, отбастарыңызға құт-береке, амандық тілеймін! 
Тәуелсіз Қазақстанымыздың тұғыры нық, ғұмыры мәңгі болсын!

Гүлшара Әбдіқалықова сырбойылықтарды мерекемен құттықтады

Kyzylorda-news.kz. Бүгін – Қазақстан халқының бірлігі күні.
Бұл мереке 1996 жылдан бастап атап өтіледі. Достық пен өзара түсіністіктің нышаны болған бұл мейрам – Қазақстан қоғамындағы біріктіруші факторлардың бірі. Ал Қазақстан – мәдениеттерінің, тілдері мен дәстүрлерінің әралуандығы басты байлығына айналған, ал азаматтары жасампаздық пен даму идеясы айналасында біріккен ел. Сол тұрғыдан алғанда 1 мамыр мерекесі елімізде ұлттар мен ұлыстардың достығы мен татулығының, азаматтық келісімнің, ауызбірлігінің жарқын көрінісін паш етеді.
Қазақстан халқының бірлігі күнін жаңа тұрпатта тойлау қажеттігін, оны еліміздің басты мейрамына айналдыру идеясын Елбасы Н. Назарбаев 2011 жылы көтерген болатын.
<blockquote>
 «Көктемгі 1 мамыр мерекесі біздің елдегі этностарды бұрынғыдан да жақындастыра түсуі тиіс. Бұл біздің туған Қазақстанымыздағы негізгі мерекеміз болады. Бірінші мамыр – бірліктің ерекше мерекесі. Сондықтан да, мамырда тұтас ай бойы жақындасудың барлық жаңа жолдарын байқап көру керек. Ал тұрақтылық болмаған жерде даму да болмайтынына қазіргі жер жаһанда орын алып жатқан мысалдар жеткілікті. Сондықтан да, бірлікті ту еткен еліміз Қазақстан халқының бірлігі күнін басты мерекелердің біріне айналдыруды қолдап келеді. Жұмыс істеу қажет. Егер барлық облыстарда тереңінен ойластырса, өте қызықты шаралар жүзеге асатын болады әрі мұның елге пайдасы да зор», -деген еді Елбасы.
</blockquote>
Осы маңызды мерекеге байланысты Мемлекет басшысы Қасым-Жомарт Тоқаев барша жұртшылықты Қазақстан халқының бірлігі күнімен құттықтады.
<blockquote>
 «Тұңғыш Президентіміз – Елбасы Нұрсұлтан Назарбаевтың бастамасымен белгіленген бұл мереке ғасырлар бойы қазақ жерінде берік орныққан достық пен ауызбіршілік, өзара құрмет пен сенім сияқты қастерлі құндылықтарға негізделген. Тәуелсіздік кезеңінде негізі қаланған «әралуандығымыз – бірлікте» қағидаты Қазақстанның сан қырлы мәдениеті мен дәстүрін баға жетпес байлығымызға айналдырды. Ырыс-ынтымақ пен отаншылдық рух ұлттық кодымыздың ұйытқысы болып отыр. Халқымыздың әділетті әрі дамыған мемлекет құрып, елімізді өркендету жолындағы мүддесі ортақ. Біз қоғамдағы тұрақтылық пен келісімнің, өзара қолдау мен жасампаз еңбектің арқасында кез келген қиындықты еңсеріп, көздеген мақсатымызға жетеміз. Сіздерге зор денсаулық, бақ-береке тілеймін! Әр шаңырақта татулық пен өзара түсіністік болсын!», – деді Қазақстан Президенті.
</blockquote>
Жылдағы дәстүр бойынша бірлік күні Нұр-Сұлтан мен Алматыда, барлық облыс орталығы мен аудан-ауылдарда шерулер мен фестивальдар өтіп жататын. Алайда былтырдан бері коронавирус инфекциясы бүкіл әлем халқын әуре-сарсаңға салып, қалыпты өмірге үлкен ықпалын тигізгеніне куә болып отырмыз. Әйтсе де Қазақстан халқы бүгінгі күні сабыр мен ынтымаққа төр беріп, қиындықты еңсеріп келеді.
<a href="https://www.inform.kz/kz/bugin-kazakstan-halkynyn-birligi-kuni_a3783155">ҚазАқпарат</a>

Бүгін &#8211; Қазақстан халқының бірлігі күні

Kyzylorda-news.kz. Қазақстанда өткен тәулікте 2 877 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 570,
Алматы қаласы – 697,
Шымкент қаласы – 105,
Ақмола облысы – 148,
Ақтөбе облысы – 117,
Алматы облысы – 210,
Атырау облысы – 83,
Шығыс Қазақстан облысы – 97,
Жамбыл облысы – 71,
Батыс Қазақстан облысы – 155,
Қарағанды облысы – 235,
Қостанай облысы – 28,
Қызылорда облысы – 87,
Маңғыстау облысы – 60,
Павлодар облысы – 165,
Солтүстік Қазақстан облысы – 25,
Түркістан облысы – 24.
Жалпы ел бойынша ауырғандар саны 322 695.

Қызылордада 87 адамнан коронавирус анықталды

Kyzylorda-news.kz. 1 мамырда елімізде жел күшейіп, кей жерлерде тұман түсіп, жаңбыр жауады, деп хабарлайды Қазгидромет.
Сенбі күні батыс антициклон жотасының әсерінен Қазақстанның басым бөлігінде көбінесе ауа райы жауын-шашынсыз болады. Тек еліміздің оңтүстік, оңтүстік-шығыс және шығысында атмосфералық фронтальды бөліктердің өтуіне байланысты кей жерлерде жаңбыр жауады, түнде жекелеген аудандарда найзағайлы қатты нөсер жаууы мүмкін. Еліміздің кей жерлерінде жел күшейіп, оңтүстікте және оңтүстік-батыста шаңды дауыл соғады, солтүстік-батыста тұман түсуі ықтимал.
Алматы облысының кей жерлерінде жел 15-20 м/с күшейіп, екпіні 23-28 м/с жетеді.
Жамбыл облысының кей жерлерінде бұршақ жаууы мүмкін, жел 15-20 м/с күшейіп, күндіз екпіні 23-28 м/с жетеді.
Түркістан облысының кей жерлерінде шаңды дауыл соғады, жел 15-20 м/с күшейіп, күндіз екпіні 23 м/с жетеді.
Шығыс Қазақстан облысында күндіз кей жерлерде бұршақ жаууы мүмкін, жел 15-20 м/с күшейіп, таңертең және күндіз екпіні 25 м/с жетеді.
Қызылорда облысының кей жерлерінде шаңды дауыл соғуы мүмкін, таңертең және күндіз жел 15-20 м/с күшейіп, екпіні 25 м/с жетеді.
Батыс Қазақстан, Маңғыстау, Қарағанды, Солтүстік Қазақстан облыстарының кей жерлерінде күндіз жел 15-20 м/с күшейіп, Манғыстау облысында шаңды дауыл соғады.
Павлодар облысында жел күшейіп, түнде кей жерлерде, күндіз басым бөлігінде жылдамдығы 15-20 м/с жетеді.
Қостанай облысының кей жерлерінде тұман түсіп, күндіз жел 15-20 м/с күшейеді. Күндіз Ақмола облысының шығысында желдің жылдамдығы 15-20 м/с жетеді. Түнде Ақмола, Ақтөбе, Қостанай, Солтүстік Қазақстан, Павлодар, Қарағанды облыстарының кей жерлерінде 3 градусқа дейін үсік жүреді.

Қазгидромет: Қызылордада жел күшейеді

Kyzylorda-news.kz. 29 сәуір күні мессенджерлер мен әлеуметтік желілерде Қызылорда қаласында жоғалған баланың өлімі туралы халықты дүрліктіретін аудиожазба таралған болатын.
Қызылорда облысы Полиция департаментінің қызметкерлері шындыққа сай келмейтін жалған ақпаратты аудиожазба арқылы таратқан азаматшаны анықтау жұмыстарын жүргізді. Нәтижесінде бүгін бұл азаматша анықталып, Қызылорда қалалық Полиция басқармасына жеткізілді.
Жалған ақпарат таратып, дүрбелең туғызған азаматша кінәсін толықтай мойындап отыр. Бұл дерек бойынша Қазақстан Республикасы Қылмыстық кодексінің 274 – бабының 2-бөлігінің 3-тармағына сәйкес (Көрінеу жалған ақпарат тарату) сотқа дейінгі тергеп – тексеру амалдары басталды. Осы бапқа сәйкес үш мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тартуға не үш жылға дейінгі мерзімге бас бостандығын шектеуге не сол мерзімге бас бостандығынан айыруға жаза көзделген.
Қызылорда облысының Полиция департаменті азаматтарды тек ресми мәліметтерге ғана сүйеніп, әлеуметтік желілер мен мессенджерлерде тарайтын қауесеттер мен жалған ой-пікірлерге құлақ аспауға шақырады.

Қызылордада жалған ақпарат таратқан әйелге қатысты тергеу басталды (ВИДЕО)

Kyzylorda-news.kz. Қызылорда облысында Қазақстан халқының бірлігі күніне орай тоқсанға жуық іс-шара өткізіледі. Аталған шаралардың басым көпшілігі онлайн форматта ұйымдастырылуда.
<blockquote>
 “Облыс тұрғындарын Қазақстан халқының бірлігі күні мерекесімен шын жүректен құттықтаймын! Биыл бірлігі бекем, татулығы жарасқан Қазақстан халқы Тәуелсіздіктің 30 жылдығын атап өтуде. Бүгінде Ұлы Дала төрінде бір шаңырақтың астында 100-ден астам, ал Алаштың анасына айналған Сыр өңірінде 35 этнос өкілдері тату-тәтті өмір сүруде. Олар мемлекетіміздің өсіп-өркендеуіне, бәсекеге қабілетті 30 елдің қатарына енуіне аянбай еңбек етуде. Бұл – бабалардан өсиет болып қалған, халқымызға қасиет болып қонған береке – бірлігіміз бен тарих табыстырған ортақ тағдырымыздың жемісі”, – деді Қызылорда облысының ішкі саясат басқармасының басшысы Мира Қазбекова.
</blockquote>
Мерекеге арналған шара осы аптаның басында басталды. Мәселен, бүгін «Достық. Береке. Бірлік – Тәуелсіздік кепілі» тақырыбында республикалық дөңгелек үстел отырысы өтті.
Бұдан бөлек, облыстық іс-шаралар аясында облыстық білім басқармасы тарапынан мектептер мен колледж білім алушылары арасында «Бірлігіміз жарасқан» көркемсөз оқу шеберлерінің челленджі, «Достық бекеті» шығармашылық байқауы, облысық мәдениет, архивтер және құжаттама басқармасы мұрындық болуымен «Бірлігі жарасқан Қазақстан», «Татулық тірегі – Сыр елі» тақырыптарында онлайн тарихи-құжаттық және кітап көрмелері, «Қоғамдық келісім» мекемесінің ұйымдастыруымен «Сыр өңірі – бейбітшілік пен келісімнің мекені» атты этнос өкілдерінің мәдени күндері аясындағы қайырымдылық акциясы, «Ынтымақ әуендері» атты этнос өкілдері мен «Мереке» вокалды аспапты ансамблінің бірлескен концерті ұйымдастырылуда.
Сондай-ақ, қала мен аудандарда «Қазақстан – бірлік пен татулықтың мекені», «Достығымыз жарасқан», «Ұлт бірлігі – ұлы байлық», «Біз Достықты жырлаймыз!» және тағы басқа тақырыптарда мерекелік онлайн концерттер өтуде. Ал қалада орналасқан «Бауырластар зиратында» экологиялық акция өтеді.

Қазақстан және Қызылорда облысының жаңалықтары

Қызылордада 20 отбасы баспаналы болды

Қызылордалық Темірлан Якияев Элизабет Тұрсынбаева турнирінің жеңімпазы атанды

Қызылордада өткен тәулікте 97 адам коронавирустан айықты

Қызылорда: Полиция департаментінде 11 өзге ұлт өкілі қызмет етеді

Вакцина: Екі кезеңінің арасы ұзартылды

Тұғырымыз – тұрақтылық, таңдауымыз – тағаттылық

Гүлшара Әбдіқалықова сырбойылықтарды мерекемен құттықтады

Бүгін – Қазақстан халқының бірлігі күні

Қызылордада 87 адамнан коронавирус анықталды

Қазгидромет: Қызылордада жел күшейеді

Қызылордада жалған ақпарат таратқан әйелге қатысты тергеу басталды (ВИДЕО)

Қызылордада Бірлік күні тоқсанға жуық іс-шара өтеді

Қазақстан және Қызылорда облысының жаңалықтары

Қызылордада 20 отбасы баспаналы болды

Қызылордалық Темірлан Якияев Элизабет Тұрсынбаева турнирінің жеңімпазы атанды

Қызылордада өткен тәулікте 97 адам коронавирустан айықты

Қызылорда: Полиция департаментінде 11 өзге ұлт өкілі қызмет етеді

Вакцина: Екі кезеңінің арасы ұзартылды

Тұғырымыз &#8211; тұрақтылық, таңдауымыз &#8211; тағаттылық

Гүлшара Әбдіқалықова сырбойылықтарды мерекемен құттықтады

Бүгін &#8211; Қазақстан халқының бірлігі күні

Қызылордада 87 адамнан коронавирус анықталды

Қазгидромет: Қызылордада жел күшейеді

Қызылордада жалған ақпарат таратқан әйелге қатысты тергеу басталды (ВИДЕО)

Қызылордада Бірлік күні тоқсанға жуық іс-шара өтеді

Тұғырымыз – тұрақтылық, таңдауымыз – тағаттылық

Бүгін – Қазақстан халқының бірлігі күні