<a href="https://kyzylorda-news.kz/">Kyzylorda-news.kz</a>. Ұлы Жеңіс күні қарсаңында облыстық Полиция департаменті Әкімшілік полиция басқармасының қызметкерлері тыл ардагері Ақжібек Найзағараеваны құрметтеп, құттықтады.
Жасы 90-ға таяп қалған Ақжібек әже Қызылорда қаласында тұрады. Ұлы Отан соғысы басталған кезде ол мектеп жасына дейінгі бала болатын. Соған қарамастан, сұрапыл майданға аттанған отандық солдаттар үшін азық егіп, жинап, өңдеп, өзінің үлесін қосқан жан.
Ақжібектің әкесі Әбіш Ленинградтағы шайқасқа қатысқан майдангер. Бірнеше күн окопта жатып, жауды тосқан ол, өзінің полктастарымен бірге ондаған фашистің көзін жойған екен. Әжейдің айтуынша, Әбіш батырдың қолынан көптеген қарсылас солдат қаза тапқан. Бірақ, отаны үшін қан төккен ол өз дегеніне жете алмай, бір аяғынан айырылып, мүгедек болып туған елге оралған.
Туған өлкеде көз жасын төккен күйде екі қызын құшағына қысып қалған отанасы Әбіштің тірі оралғанына қуанып, күнінің соңына дейін жағдайын жасап, отбасын жалғыз өзі асыраған.
<blockquote>
 «Әкем бір аяғын тізеден төмен майданда қалдырып келді… Соған да тәубә дедік. Ал, інісі Адыран із-түссіз жоғалып хабарсыз кетті. Соғыстың құлақ жарардай дыбысы ұзақ жылдарға дейін құлағымыздан кетпеді. Оған қоса титтей болса да Адыран көкемізден хабар күтіп үмітімізді үзбедік…»,-деп қынжылады ақ жаулықты ана.
</blockquote>
Бүгінде Ақжібек Әбішқызы сегіз баланы дүниеге әкелген алтын құрсақты «Алтын алқа» таққан Батыр ана. Ол шет тілі пәнінің мұғалімі Қожағұлов Айтжанмен бас қосып 40 жылға жуық Қызылорда қаласындағы тігін цехында тігінші болып жұмыс жасады. Әжей 19 немереден 40 шөбере сүйіп отырған бақытты қария.
9-мамыр Ұлы Жеңіс күні қарсаңында полиция қызметкерлері Ақжібек Әбішқызының үйі алдына гүлдер егіп, шаруашылығына көмек көрсетті.
Ардагердің қою шайынан дәм татқан тәртіп сақшылары соғыс туралы өз аузынан біраз деректерден тыңдап тәнті болды.
Полицейлерден сый-сияпат қабылдаған қария олардың жұмыстарына абырой мен табыс &nbsp;тілеп, ризашылығын білдіріп ақ батасын жаудырды.

Полиция қызметкерлері тыл ардагеріне құрмет көрсетті

<a href="https://kyzylorda-news.kz/">Kyzylorda-news.kz.</a> Театр тарланы, Қазақстан Республикасының еңбек сіңірген әртісі, «Құрмет» орденінің иегері Бақытбек Алпысбай өмірлік жары, Қазақстанның еңбек сіңірген қайраткері Кәмила Әбжанова екеуі вакцина салдырды.
Өнер майталмандары жақындарының саулығы үшін осындай шешім қабылдағанын айтады.
<blockquote>
 “Сексен төрт жасқа келген Асанәлі Әшімов ағамыз екпе салдырды. Жеңгемізбен хабарласып, жағдайын білген кезде қорықпай вакцина алу қажеттігін айтты. Ол кісі медицина саласында көп жылдар еңбек еткен. Мамандардан да кеңес алдық. Ескпе салдыруға шешім қабылдадық. Қазір жағдайымыз жақсы. Ешқандай кері әсерін байқамадық. Негізі екпе салдыру өз еркіңіз. Бірақ жақындарыңыздың саулығы үшін салдырғаныңыз дұрыс. Бірліктің, ауызбіршіліктің арқасында түрлі қиындықты еңсердік. Бұл дертті жеңетінімізге сенемін”, – деді ҚР Еңбек сіңірген әртісі, «Құрмет» орденінің иегері Бақытбек Алпысбай.
</blockquote>

Бақытбек Алпысбай: Жақындарыңыздың саулығын тілесеңіз вакцина салдырған дұрыс

<a href="https://kyzylorda-news.kz/">Kyzylorda-news.kz</a>. Қазақстан Тәуелсіздігінің 30 жылдығы және Қажымұқан Мұңайтпасұлының 150 жылдығына арналған Қызылорда қаласы «Евразия» спорт кешенінде қазақ күресінен XII облыстық «Алтын белбеу» сайысының ақтық кезеңі мәресіне жетті.
Дүбірлі бәсекеге Байқоңыр, Қызылорда қалалары мен аудандардан 9 команда 200-ге жуық балуан қатысты. 
Түйе палуан сайысына 13 спортшы қатысты. Олардың арасында аралдық Нұрым Сәлімгереев «Сыр Барысы» атанып, «Алтын белбеу» белдігі мен 500 мың теңгенің сертификаты табысталды.
«Сыр Арланы» – Қызылорда қаласының спортшылары Мақсат Исағабыловқа 300 мың теңгенің, «Сыр Сұңқары» – Ержан Аблуллаевқа 200 мың теңгенің сертификаты берілді.
Үстіміздегі жылдың 4 шілде күні Нұр-Сұлтан қаласында ҚР Президенті жүлдесі үшін өтетін «Қазақстан Барысы» республикалық турниріне Қызылорда облысынан Н.Сəлімгереев пен М. Исағабылов облыс намысын қорғайтын болады.
Сондай-ақ, үш жас ерекшелігі бойынша 2004-2005 ж.т. жасөспірімдер, 2002-2003 ж.т. жастар және ересектер арасында спортшылар 26 салмақ дәрежесінде шеберлік байқасты.
<img src="https://kyzylorda-news.kz/wp-content/uploads/2021/05/181569191_6169346619758173_2510927108343750433_n.jpg" alt="" />

Нұрым Сәлімгереев «Сыр Барысы» атанды

<a href="https://kyzylorda-news.kz/">Kyzylorda-news.kz</a>. Әлеуметтік желілерде қолданушылардың банк қызметкерлерінің атын жамылып қазақстандықтарды алдауға тырысып жатқан алаяқтардың құрбаны болайын дегені немесе болғаны туралы әңгімелері жиі пайда болуда. &nbsp;HalykBank қаскүнемдерден қалай қорғану керектігін айтты.
Алаяқтар қалай алдайды?
Алдау тәсілі әртүрлі, көбінесе алаяқтар өз құрбанының банк шоттарына қол жеткізу үшін құпиялы деректерді алдап алып алу арқылы адамдарға психологиялық қысым көрсетуді пайдаланады.
Мысалы, клиентке банктің қауіпсіздік қызметі немесе банктің колл-орталығы қызметкерінің атынан қоңырау соғып, оның атынан белгісіз біреулер кредит ресімдеп жатқанын хабарлайды. Қарыздың күшін жою үшін телефонға «қорғайтын» «TeamViewer Quick Support» немесе «AnyDesk» қосымшасын жүктеп алуды айтады, шындығында оның көмегімен қаскүнем клиенттің телефонына және интернет-банкингке қашықтықтан кіреді де қаражат ұрлайды.
Ешқандай «сақтандырылған» шоттар жоқ
Тағы бір тәсіл – қаскүнем өз шоттарын «қауіпсіз» немесе «сақтандырылған» деп атап, сол шоттарға барлық ақшаны аудару керек деп сендіреді. Тағы басқа жағдайда қаскүнемдер керісінше, алаяқтықтың алдын алу үшін клиенттен өз атына кредит ресімдеуді сұрайды. Кредит ақшасын алаяқтың картасына немесе электрондық әмиянына, яғни сол баяғы «қауіпсіз» немесе «сақтандырылған» шотына аударуын өтінеді.
Алаяқтар өздерін банк қызметкерлеріміз деп таныстырып, банк клиентінің картасынан рұқсатсыз қаражат аударылып жатқанын хабарлайтын жағдайлар да кездеседі.
Операцияның күшін жою үшін адамға картаның нөмірін, оның жарамдылық мерзімі мен картаның кері бетіндегі үш таңбалы CVV/CVC-кодты, сондай-ақ SMS-хабарламалардан алынған кодтарды немесе кілтсөздерді айтуын ұсынады. Кейде қоңырау шалған адам өзінің «банк қызметкері» екеніне сендіру үшін оны тондық режимде орындауын ұсынады. Алаяқтық құрбанының «қызметкерлерге» сенуі үшін,сәл күдік пайда болғандаоларды қорқытып, сес көрсетіп, тіл тигізе бастайды да барлық жинақ ақшаның ұрлануы мүмкін екенін айтады.
Мұндай деректерді ешбір жағдайда айтуға болмайды, айтылған жағдайда қаскүнемдер сіздің шоттарыңызға қол жеткізе алады.
«Брокерлер» мен «биржалар»
Алдаудың басқа да тәсілдері бар – мысалы, үлкен пайда табу туралы еліктіретін ұсыныспен жарнамасы интернетте жиі кездесетін брокерлік компаниялардың жалған сайттары. Клиент сайтта тіркеуден өтеді де өз деректерін қалдырады, содан кейін оған алаяқ қоңырау шалып, жеке кабинетте шотын толықтыруды ұсынады. Ештеңеден хабары жоқ адам оны орындағаннан кейін ақша «белгісіз» бағытқа – жалған брокердің шотына кетеді. Онымен қоса биржа мәмілесін дұрыс аяқтамаған клиенттің өзі кінәлі екенін сендіреді. Алаяқ құрбаны алданғанын түсінбегенше, оған операцияны қайталаңыз деген ұсыныс келе береді.
Сондай-ақ қазақстандықтарға банк атынан ұтыс ойындарына қатысу секілді ұсыныстар келіп түседі, төлемге қатысты сауалнамада «жеке деректерінің жоғалғаны үшін өтемақы» немесе «1500 доллар алу» ұсынылады. Ол үшін тек картаның деректерін, оның ішінде CVV2/CVC2-код пен SMS-хабарлама арқылы алынған біржолғы кодты енгізу керек дейді. Нәтижесінде ақша түспейді, керісінше картадан шешіп алынады.
Сізге банктің нағыз қызметкері емес, алаяқ қоңырау шалып тұрғанын қалай білуге болады?
Біздің қызметкерлер ешқашан картаның деректемелерін немесе SMS-пен келген кодты хабарлауын немесе телефонға не компьютерге белгісіз қосымшаларды, оның ішінде «TeamViewer Quick Support», «AnyDesk» қосымшаларын орнатуды сұрамайды.Егер сізден осы айтылғандардың біреуін жасау сұралса, сізге алаяқхабарласып тұрғанын біліңіз!
Алты «тыйымның» ережесі
Алаяқпен сөйлеспеңіз! Әңгімені бірден тоқтатып, телефон тұтқасын қойыңыз да банктің колл-орталығына қоңырау шалыңыз – оның нөмірі картаның кері бетінде немесе банк сайтында көрсетілген.
Интернетте сауда жасаған кезде сайт мекенжайының дұрыстығына көз жеткізіңіз.
Картаның деректемелерін – картаның бетінде көрсетілген нөмірін, оның жарамдылық мерзімін және картаның кері бетінде орналастырылған 3-таңбалы кодты күмәнді сайттарда ешқашан енгізбеңіз.
Үшінші тұлғаларға деректемелерді бермеңіз. Сізге ұтысты немесе қандай да бір «өтемақыны» ұсынса, ақпаратты тексеріңіз.&nbsp;
Өз картаңыздан немесе шотыңыздан кез келген басқа «қауіпсіз» немесе «сақтандырылған» шоттарға ақша аудармаңыз.
Ақша үшін сауалнамадан өту немесе сыйлықтардың ұтыс ойынына қатысу ұсынылатын сайттарда карта нөмірі мен оның басқа да деректемелерін, сонымен қатар SMS-кодты енгізбеңіз.
Банкоматта бөтен мобильді телефон нөмірін қоспаңыз.
Клиенттерді қорғау үшін банк қандай әрекет жасайды?
HalykBank алаяқтықтың жаңа түрлері мен олардан қорғану тәсілдері туралы әлеуметтік желілердегі банктің ресми аккаунттарында өз клиенттерін үнемі ақпараттандырып отырады. Ал аляқтық операция анықталған жағдайда Банк клиенттің ақшасын сақтап қалу мақсатында оның шоттары мен карталарын дереу бұғаттайды. Алаяқтық сайтқа келетін болсақ, Банк маманы анықтаған әрбір сайт бұғаттау үшін бірден құқық қорғау органдарына беріледі.
Өте қырағы болуды және ақпаратты өз ата-аналарыңызға, ата-апаларыңызға таратуды сұраймыз!
Сіздің Halyk Bank
/ҚР Ұлттық Банктен 03.02.2020 ж. берілген №1.2.47/230/38/1 лицензиясы/

HalykBank шоттарыңызды алаяқтардан қорғау жолын ұсынды

<a href="https://kyzylorda-news.kz/">Kyzylorda-news.kz.</a> Қазалы аудандық пробация қызметі&nbsp;тұрмыс жағдайы төмен, қарт анасымен бірге тұратын есептегі азаматқа көмек көрсетті.
<blockquote>
 «Жуырда аудандық пробация қызметінің есебіне «Денсаулыққа қасақан ауыр&nbsp; зиян келтіру» бабымен істі болып, 4 жыл бас бостандығынан шектеуге сотталған азамат есепке алынды. Оның тұрмыс жағдайын зерделеу барысында жағдайы төмен екендігі, қарт анасымен бірге апатты үйде&nbsp; тұратындығы&nbsp; анықталды. Есептегі азамат өз күшімен үй салып бастаған, алайда қаржының жетіспеушілігіне байланысты, құрылыс жұмыстары тоқтап қалған. Қазіргі таңда аудандық мәслихат депутаттары қаржылай көмек көрсетіп, ерікті жастар қол ұшын созып, үйді аяқтауға ұйытқы болуда”, – деді аудандық пробация қызметінің бастығы әділет подполковнигі Е.Сражатов.
</blockquote>
Бұл дегеніміз аудандық пробация қызметі қызметкерлерінің есептегі әрбір азаматтың әлеуметтік&nbsp; жағдайына бей-жай қарамағандығының белгісі.
Айта кетейік, бұған дейін есептегі кәмелет жасқа толмаған жасөспірімге азық-түліктей көмек көрсетілген болатын.
Аудандық пробация қызметі құқық бұзған,қылмыс жасаған азаматтардың қоғамға қайта бейімделуі үшін қыруар жұмыстар атқаруда. Соның нәтижесінде, бүгінде 3 азамат жеке кәсібін ашты. Олар мал шаруашылығымен айналысып, құс өсіріп кәсібін дөңгелетіп отыр.
<img src="https://kyzylorda-news.kz/wp-content/uploads/2021/05/img-20210505-wa0357.jpg" alt="" />

Қызылордада пробация есебіндегі азаматқа көмек көрсетілді

<a href="https://kyzylorda-news.kz/">Kyzylorda-news.kz</a>. Қазақстандықтарда кредиттері болуы ешкімді таңғалдырмайды – бірі көлік немесе керек тұрмыстық техника сатып алса, басқалары – үйлі болу үшін ипотека алады, үшіншілердің қарыздары сияқты, себептері де болуы мүмкін.
Сондықтан да, кредит бойынша ай сайынғы төлемдерді азайтып, пайыздық мөлшерлемелерді төмендеткіңіз келеді ме, деген сұраққа көпшілігі келісер еді.
Өз кредитіңізді қайта қаржыландыру
Кредитті қайта қаржыландыру — бұл ескі кредитті жаңа кредит есебінен бұрыңғыдан тиімді және қолайлы талаптармен өтеуге мүмкіндік беретін банк қызметі. Назар аударыңыз, түрлі банктердегі бірнеше қарыздарды бір банктегі бір қарызға қайта қаржыландыруға болады.
Бұл қалай жүргізіледі?
Мысалы, сіз үш кредит бойынша үш түрлі банкке үш түрлі күнде төлейсіз. Сіз осы үш кредитті бір жаңа кредитке қайта қаржыландыру жүргізе аласыз. Сонда сіз айына бір рет бір банкке бір төлем жасайсыз – және де ол сіз бұрын үш банкке төлеген жиынтық төлемнен төмен болуы мүмкін.
Кредитті қайта қаржыландыру қызметін үнемдеу – ай сайынғы төлемдерді немесе кредит мерзімін азайту үшін пайдаланады, өйткені басқа банктердегі жаңа кредиттер бойынша мөлшерлемелер төмендейді немесе банк қарыздарды қайта қаржыландыру бойынша акциялар ұсынады, олар қолданыстағы талаптардан тиімдірек болуы мүмкін.
Қайта қаржыландыруды неден бастайды?
Ең алдымен кредиттің барлық талаптарын анықтау қажет. Кредитті қандай пайызбен алдыңыз, қаншадан төлейсіз және қалған мерзімде қандай соманы артық төлейсіз? Сіз әлі қанша қаражатты артық төлейтіңізді өз бетіңізше есептей аласыз немесе банктің жедел желісіне хабарласып төлемдер сомалары мен мерзімдерін телефон арқылы біле аласыз немесе соманы мобильдік қосымшада тексере аласыз.
Одан кейін түрлі банктердің ұсыныстарымен, оның ішінде акциялық ұсыныстармен танысыңыз. Қазір HalykBank-те «қайта қаржыландыру» қызметіне «Қайта қаржыландыру 15%» бірегей акциясы басталды, ол бойынша қазақстандықтар кез келген банктегі немесе бірнеше банктердегі қолда бар кредиттерінбір банкке -HalykBank-ке аудара алады. Таңғаларлық ештеңе де жоқ. Еліміздің ең ірі банкі жаңа сервистер мен қызметтерді қосқанда бірінші орынға өз клиенттерін және оларға арналған тиімді сервистерді қояды, «қайта қаржыландыру» сервисі дәл осындай.
Назар аударыңыз, акциялық ұсыныста сыйақы мөлшерлемесі бар болғаны 15%-ды құрайды, бұл дегеніміз, азырақ төлеуге керемет мүмкіндігіңіз бар. Қайта қаржыландыру қызметі шеңберінде HalykBankқайта қаржыландыру сомасына қосымша сома алуды ұсынады, тіпті бұл жағдайда да төлем бұрыңғыдай болып қалады. Ал үнемдеген ақшаға Сіз жыл сайынғы демалысқа бара аласыз.
Айта кетейік, HalykBank-те қайта қаржыландырылған кредиттің мерзімі бес жылға дейін, ал қайта қаржыландырылатын қарыздың сомасы – 150 мың теңгеден бастап 7 миллион теңгеге дейін.
Маңызды! Акция басталды және де 2021 жылғы 31 мамырға дейін жүргізіледі.
Өз кредитіңізді қалай қайта қаржыландыруға болады?
HalykBank-те бәрі оңай.
«Қайта қаржыландыру 15%» акциясы бойынша кредитті қайта қаржыландырып, бірнеше минутта кредиттер бойынша тиімді талаптар алу үшін үйден немесе офистен шығудың қажеті жоқ. COVID-19 індетіне байланысты ағымдағы күрделі жағдайда HalykBank өз клиенттеріне қамқорлық танытып, қарызды қайта қаржыландыру қызметін толығымен HalykHombank қосымшасында енгізді. Банк бөлімшесіне барудың енді қажеті жоқ –қайта қаржыландыруға өтінімді HalykHomebank қосымшасы арқылы онлайн беруге болады.
Ол үшін:
<ol>
<li>HalykHomebank мобильдік қосымшасына кіріп, «Кредитер», одан кейін «Қайта қаржыландыру»батырмасын, кейінінен«Ашу» батырмасын басыңыз.</li>
<li>Толтыруға арналған нысан ашылған кезде – барлық заемдарды, оның ішінде HalykBank-тің өзінде де, қайта қаржыландыруды жоспарлағаннан басқа, алғыңыз келетін соманы көрсету қажет.</li>
<li>Егер сізге қайта қаржыландырудан басқа, өз қажеттілігіңізге қосымша сома керек емес болса,&nbsp; онда сіз ең аз қосымша соманы көрсетіп, қайта қаржыландыру жүргіңіз келген кредиттерді тізімнен таңдайсыз. Сіз бұдан бұрын көрсеткен сома мен қайта қаржыландыруға арналған қаражаттың көлемі қосылады.</li>
<li>Одан кейін қаражат есептелетін картаны таңдаңыз, ол HalykBank-те ашылуы тиіс. Егер пластик картаңыз болмаса, онда HalykHomebank қосымшасының «Карталар» мәзіріндеHalykBonusDigital жылдам картасын ресімдеуге болады. Ұсынылған құжаттармен танысып, оларға смс-тегі код арқылы банк шығарған ЭЦҚ-ның көмегімен қол қойыңыз.</li>
<li>Егер өтінім мақұлданса, басқа банктердегі кредиттерді қайта қаржыландыруға бағытталған ақша таңдалған картаға есептеледі, ал HalykBank-тегі кредиттер автоматты түрде өтеледі. Басқа банктердегі қарыздарды жабу рәсімін өз бетіңізше және толық аяқтау керек. Назар аударыңыз, қаражатты нысаналы мақсатына сай пайдаланбаған жағдайда, банк келісімнің талаптарына сәйкес айыппұл есептеуге құқылы.</li>
<li>Қайта қаржыландыру қызметі мақұлданған жағдайда, Сізөз төлеміңізді азайтуға керемет мүмкіндікке ие боласыз.</li>
</ol>
Өтінімдер күнделікті сағат 21:00-ге дейін қабылданады. Айта кетейік, сіз қарызыңызды қайта қаржыландырғыңыз келсе және сізге менеджердің қосымша консультациясы керек болса, онда сіз осы қызметті алу үшін банктің кез келген бөлімшесіне хабарласа аласыз.
Өз төлемдеріңізді 31 мамырға дейін «Қайта қаржыландыру 15%» акциясының тиімді талаптары бойынша азайтып үлгеріңіз. Басқа банктердегі кредиттерді тиімді мөлшерлемемен HalykBank-ке аударып, азырақ төлеңіз. Толығырақ: <a href="https://halykbank.kz/kz">halykbank.kz</a> немесе 7111 телефоны бойынша тегін.
/ҚР Ұлттық Банктен 03.02.2020 ж. берілген №1.2.47/230/38/1 лицензиясы/

HalykBank: Кредит бойынша ай сайынғы төлемді бірнеше минутта қалай төмендетуге болады?

<a href="https://kyzylorda-news.kz/">Kyzylorda-news.kz</a>. Сырдария аудандық ауруханасында вакцина салдыру жұмыстары жүргізілуде. Бүгінде аудан тұрғындарының екпе қабылдауда белсенділігі артқан. Оған дәлел, 2021 жылдың 4 мамыр күні, яғни бір күнде 600 адам вакцина қабылдады.
Жалпы, ауданда наурыз айынан вакцина егу жұмыстары басталып, бүгінге дейін 4000-нан аса сырдариялық «Спутник V» және «QazVac» екпесін салдырды. Қазіргі таңда аудандық ауруханда 500-ге жуық вакцина қалды. Екпе салдырғандар қатарында қариялар, ерікті жастар, мемлекеттік қызметкерлер мен барлық сала мамандары бар.
Айта кетейік, елде вирусқа қарсы екпе салдырғандар бірқатар шектеу шараларынан босатылды. Атап айтқанда, вакцинаның қос дозасын алған азаматтардан ауруханада дәрігерлер ПТР тестілеу анықтамасын талап етпейді.
Сонымен қатар бұл жеңілдік вахталық қызметте жұмыс істейтіндерге, медициналық колледж бен ЖОО студенттеріне және еңбек демалысынан шыққан немесе сырқат парақшасы бар медициналық қызметкерлерге де қатысты.

Сырдария ауданында 4 мыңнан астам адам вакцина қабылдады

<a href="https://kyzylorda-news.kz/">Kyzylorda-news.kz</a>. Қызылорда облысында 4 мамырдан бастап “Covid-19” инфекциясына қарсы вакцина егуге арналған қосымша пунктері ашылды.
<img src="https://kyzylorda-news.kz/wp-content/uploads/2021/05/img-20210505-wa0272.jpg" alt="" />

&#8220;Covid-19&#8221;: Қызылордада екпе егу пунктері ашылды

<a href="https://kyzylorda-news.kz/">Kyzylorda-news.kz.</a> “Ashyq” жобасы туралы білесіз бе? Жоба бойынша қандай жұмыстар атқарылып жатыр? Бұл сұрақтарға жауап төмендегідей болмақ.
<img src="https://kyzylorda-news.kz/wp-content/uploads/2021/05/img-20210505-wa0200.jpg" alt="" />
<img src="https://kyzylorda-news.kz/wp-content/uploads/2021/05/img-20210505-wa0205.jpg" alt="" />
<img src="https://kyzylorda-news.kz/wp-content/uploads/2021/05/img-20210505-wa0204.jpg" alt="" />
<img src="https://kyzylorda-news.kz/wp-content/uploads/2021/05/img-20210505-wa0203.jpg" alt="" />

&#8220;Ashyq&#8221; жобасы туралы не білеміз?

<a href="https://kyzylorda-news.kz/">Kyzylorda-news.kz.</a> 5 мамыр — «Kyzylorda-news.kz» ақпарат агенттігінің мерейтойы. Биыл бізге -10 жыл!
Осыдан тура 10 жыл бұрын ақпарат агенттігі қалың оқырманға жол тартқан болатын. Содан бері аймақта алғаш орнықты жұмыс істеген сайт бүгінде ақпарат айдынында өзіндік орнын тапты. Интернет басылым бүгінде Сыр өңірінің тыныс-тіршілігі туралы ақпараттарды жедел, әрі дәйекті түрде екі тілде таратып, қалың көпшілікті құлақтандырып келеді.
Қазіргі таңда аяғына нық тұрған Қызылорда облысының ресми интернет ресурсы аймақтың әлеуметтік-экономикалық, мәдени-спорттық, тарихи-танымдық салаларында болып жатқан сүбелі жетістіктерін ақпараттандырып, ортақ іске өз үлесін қосуда. Сонымен қатар әлемді шарпыған коронавирус індеті жайлы ақпаратты күнделікті оқырман назарына ұсынып келеді. Сондай-ақ республика көлемінде аталып өтілетін мерейтойларға арнайы басылым бетінен айдар ашып, көпшілікке ұсынуда.
Қазіргі технологияның қарыштап дамыған заманында ақпарат таратуда бәсекелестікті, өз стилін қалыптастырып үлгерді. Ақпарат агенттігі аз ғана уақыт аралығында алдыңғы қатардағы бұқаралық ақпарат құралдарының біріне айналды. Сондықтан да болар, қалың оқырманы күн өткен сайын көбеймесе, азаймады.

&#8220;Kyzylorda-news.kz&#8221; ақпарат агенттігіне -10 жыл

<a href="https://kyzylorda-news.kz/">Kyzylorda-news.kz</a>. Биыл Ұлы Жеңіске 76 жыл толып отыр. Туған жері үшін қан майданда ерлік көрсеткен қазақ батырларының есімі мәңгі ел есінде қалады. Солардың бірі – Санияз Ибрашев.
Санияз Ибрашев 1911 жылы Арал ауданы Қасқақұлан ауылында дүниеге келген. Осы жерде 7 жылдық білім алған.
Соғысқа дейінгі жылдары Гурьевтегі (қазіргі Атырау қаласы) оқу комбинатында шаруашылық жетекшісі ретінде оқу курсында оқып, оны 1936 жылы бітіреді.
Еңбек жолын балық шаруашылығы саласында бастап, біршама уақыт жұмыс істейді. Еңбек екпіндісі ретінде Куйбышев, Астрахань қалаларында (Ресей) жолдамамен саяхаттарда болған.
Ел еңсесін енді тіктеп келе жатқанда тосыннан Ұлы Отан соғысы басталып кетті. 1942 жылы Санияз Ибрашевқа Арал аудандық әскери комиссариатынан шақырту келіп, бір топ аудан азаматымен бірге майданға аттанады. Қазақстаннан алынған жауынгерлер алдымен әскери дайындықтан өтеді. Жауды бірден жапырып тас-тайтындай леппен аттанған жігіттерді Курск түбіндегі қиян-кескі шайқасқа алып келеді. Осылайша С.Ибрашев 1943 жылы Курск доғасындағы әйгілі шайқасқа қатысады.
От пен оқты көрген қазақ жауынгері 1944 жылы №264 атқыштар дивизиясының құрамында КСРО жерін азат ету жорықтарына қатысып жүргенінде снаряд жарқыншағынан ауыр жараланады. Сол қолына тиген жарықшақ оны госпитальдан бір-ақ шығарады. Медициналық қорытынды бойынша елге оралуына тура келеді.
Жауынгер Санияз Ибрашев ұрыс даласындағы ерлігі үшін «Ұлы Жеңіс үшін», «Ұлы Жеңістің 20, 30, 40 жылдығы», «1941-1945 жылдардағы Ұлы Отан соғысында Германияны жеңгені үшін» медальдарымен, «І дәрежелі Отан соғысы» орденімен марапатталған.
Соғыстан кейінгі бейбіт уақытта да ол Арал аудандық орман шаруашылығы мекемесінде ұзақ жыл орман қорғаушы инспектор болып жұмыс істеді. Төсіне «Еңбек ардагері» медалін тағып, құрметті еңбек демалысына шықты. Сондай-ақ, «КПСС қатарында 50 жыл» төсбелгісінің иегері. Соғыс және еңбек ардагері Санияз Ибрашев 1991 жылы 80 жасында дүниеден озды.
<img src="https://kyzylorda-news.kz/wp-content/uploads/2021/05/fb_img_1620187121168.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620187123806.jpg" alt="" />

«Мың алғыс сізге, майдангер&#8221;: Аралдан аттанған жауынгер

<a href="https://kyzylorda-news.kz/">Kyzylorda-news.kz.</a> Қазақстанда 3 мамыр күні коронавирус пен пневмониядан 39 адам қайтыс болды, деп хабарлайды ҚР Денсаулық сақтау министрлігінің Telegram каналына сілтеме жасап.
КВИ –
Ақтөбе облысы – 2
Алматы облысы – 1
Атырау облысы – 1
Түркістан облысы – 1
КВИ+
Нұр-Сұлтан – 6
Алматы қаласы – 11
Шымкент қаласы – 1
Ақтөбе облысы – 3
Алматы облысы – 1
Атырау облысы – 3
Батыс Қазақстан облысы – 2
Қарағанды облысы – 4
Қызылорда облысы – 1
Маңғыстау облысы – 1
Павлодар облысы – 1
Барлығы – 39

Қазақстан және Қызылорда облысының жаңалықтары

Полиция қызметкерлері тыл ардагеріне құрмет көрсетті

Бақытбек Алпысбай: Жақындарыңыздың саулығын тілесеңіз вакцина салдырған дұрыс

Нұрым Сәлімгереев «Сыр Барысы» атанды

HalykBank шоттарыңызды алаяқтардан қорғау жолын ұсынды

Қызылордада пробация есебіндегі азаматқа көмек көрсетілді

HalykBank: Кредит бойынша ай сайынғы төлемді бірнеше минутта қалай төмендетуге болады?

Сырдария ауданында 4 мыңнан астам адам вакцина қабылдады

“Covid-19”: Қызылордада екпе егу пунктері ашылды

“Ashyq” жобасы туралы не білеміз?

“Kyzylorda-news.kz” ақпарат агенттігіне -10 жыл

«Мың алғыс сізге, майдангер”: Аралдан аттанған жауынгер

Қызылордада тағы бір адам коронавирустан көз жұмды

Қазақстан және Қызылорда облысының жаңалықтары

Полиция қызметкерлері тыл ардагеріне құрмет көрсетті

Бақытбек Алпысбай: Жақындарыңыздың саулығын тілесеңіз вакцина салдырған дұрыс

Нұрым Сәлімгереев «Сыр Барысы» атанды

HalykBank шоттарыңызды алаяқтардан қорғау жолын ұсынды

Қызылордада пробация есебіндегі азаматқа көмек көрсетілді

HalykBank: Кредит бойынша ай сайынғы төлемді бірнеше минутта қалай төмендетуге болады?

Сырдария ауданында 4 мыңнан астам адам вакцина қабылдады

&#8220;Covid-19&#8221;: Қызылордада екпе егу пунктері ашылды

&#8220;Ashyq&#8221; жобасы туралы не білеміз?

&#8220;Kyzylorda-news.kz&#8221; ақпарат агенттігіне -10 жыл

«Мың алғыс сізге, майдангер&#8221;: Аралдан аттанған жауынгер

Қызылордада тағы бір адам коронавирустан көз жұмды

“Covid-19”: Қызылордада екпе егу пунктері ашылды

“Ashyq” жобасы туралы не білеміз?

“Kyzylorda-news.kz” ақпарат агенттігіне -10 жыл

«Мың алғыс сізге, майдангер”: Аралдан аттанған жауынгер