<a href="https://kyzylorda-news.kz/">Kyzylorda-news.kz.</a> Талдықорғандық «Жетісу» футбол командасының ойыншылары соңғы турдағы ірі жеңілістен кейін өзара қақтығысып қалған.
Бір адам ауруханаға түсті. Жанжалды бастаған екі қазақстандық футболшы клубтан қуылуы мүмкін. «Жетісу» футбол командасы өз алаңында «Ақтөбеден» ірі есеппен жеңілгеннен кейін өзара қақтығысып қалды. Салдарынан бір футболшы ауруханаға түсті. Бұл туралы Телеграмм-арналарының бірі хабарлады.
Әлеуметтік мессенджердің авторы былай жазған: «Мен бұл оқиғаның мән-жайын анықтадым. Талдықорғандық клубтың екі тәжірибелі футболшысы – Бауыржан Тұрысбек пен Александр Кислицын өздерінен жасы кіші командаластарын алаңда барын салып ойнамағаны үшін кінәлаған. Бұған жас ойыншыларды қорғап, Аслан Жанұзақов қарсы шыққан. Сөйтіп аяқдопшылар бір-біріне жұдырық жұмсаған. Енді Тұрысбек те, Кислицын да «Жетісудан» қуылуы мүмкін». «Жетісу» турнирлік кестеде 1 ұпаймен көш соңында тұрғанын айтып кету керек.

Футбол ойыншылары ірі жеңілістен кейін өзара қақтығысып қалды

<a href="https://kyzylorda-news.kz/">Kyzylorda-news.kz.</a> Индустрия және инфрақұрылымдық даму министрлігі басшысының тиісті бұйрығы ашық нормативтік-құқықтық актілер сайтында жарияланды.
Жоба 24 мамырға дейін қоғамдық талқылауға шығарылды. Құжатта қандай өзгерістер қарастырылған?
Егер жаңа ережелер ресми түрде бекітілсе, онда зейнетақы жинақтары есебінен банк алдындағы қарыздарды ғана емес, жұмыс берушіден алған қарыздарды да өтеуге болады.
БЖЗҚ-дан қаражат аудару мерзімі ұзартылды. Яғни, үш жұмыс күннің орнына банк 10 күн ішінде ақша аударады. Ал талқылауға шығарылған жаңа ережелер қазақстандықтардың зейнетақы төлемдерін пайдалану ауқымын кеңейтеді. Мысалы, жұмыс берушісінен баспана сатып алу үшін несие алған қазақстандықтар енді қарызын зейнетақы төлемдерінен қайтара алады. Бұл ретте сатып алынған жылжымайтын мүлік міндетті түрде кредитордың кепілдігінде болуы тиіс. Сондай-ақ баспана сатып алуға ақша жинап жатқандарда зейнетақы төлемдерін тұрғын үй құрылысы салымының шотына аудару мүмкіндігі пайда болады. Сонымен қатар жаңа ережелер жер учаскесін үйге міндетті қосымша ретінде ғана емес, жеке жылжымайтын мүлік ретінде де сатып алуға мүмкіндік береді.
<a href="https://24.kz/kz/zha-aly-tar/ekonomika-zhnalyktary/item/473205-zejneta-y-zhina-taryn-pajdalanu-erezhelerine-bir-atar-zgeris-engizilui-m-mkin">«Хабар 24»</a>

Зейнетақы жинақтарын пайдалану ережелеріне бірқатар өзгеріс енгізілуі мүмкін

<a href="https://kyzylorda-news.kz/">Kyzylorda-news.kz.</a> 2021 жылы мешіттің ауласында айт намазын жамағатпен оқуға рұқсат берілді. Алайда барлық санитарлық талаптар сақталуы керек, деп хабарлайды мұсылмандар діни басқармасы.
<blockquote>
 “Біз Айт намазы (жергілікті бас санитарлық дәрігерлердің шешімдеріне сәйкес) мешіттердің ауласында оқылатынын қуана хабарлаймыз”, – делінген хабарламада. мәлімдеді мұсылмандар діни басқармасы.
</blockquote>
Мешіт ауласына намаз оқуға келгендер санитарлық нормаларды сақтауы керек.
Оның ішінде:
– маска тағу;
– үйде дәрет алу;
– намаздан кейін қол алысуға болмайды;
– намаздан кейін үйге бару;
– шариғат бойынша (балиғат) кәмелетке толмағандарды жамағатпен бірге оқылатын намазға әкелмеу;
– науқас адамдар мен әйелдерге намазға келуі ұсынылмайды.

Айт намазын жамағатпен оқуға рұқсат берілді

<a href="https://kyzylorda-news.kz/">Kyzylorda-news.kz</a>. Жаңа жоба аясында халыққа ақы төленеді.
Көрші елде «Салауатты өмір салты» жобасы сәуір айында бекітілген болатын, деп хабарлайды «Хабар 24».
Енді ол 10 мамырдан бастап сынақ күйінде іске қосылды. Жобаға тек Өзбекстан азаматтары ғана қатыса алады. Ол үшін электронды үкімет порталында тіркеліп, телефонға арнайы қосымшаны жүктеп алу керек. Жоба бойынша жасы 18-ден асқан өзбекстандық 1 тәулікте 10 мың қадамнан артық жүріс жасаса, оның шотына 125 теңге көлемінде ақша түсіп отырады. Ал әр айдың қорытындысы бойынша ең көп жүрген адам 12 мың мен 40 мың теңге аралығында табыс таба алады. Кімнің қанша қадам жүргенін қалай анықтау керегін жергілікті билік әзірге білмей отыр. Сондықтан платформа 1 маусымға дейін сынақтан өтеді. Кейін әдісі табылғаннан соң толыққанды іске қосылады деп жоспарланған.

Жаяу жүргені үшін ақша төлене бастады

<a href="https://kyzylorda-news.kz/">Kyzylorda-news.kz</a>. Ағымдағы жылы Қызылорда облысының аумағында 37 гектарды құрайтын, 7 өрт оқиғасы тіркелді.
Далалық аумақта орын алған тілсіз жау уақытылы ауыздықталғандығы нәтижесінде табиғатқа аса үлкен көлемде шығын келген жоқ. Бұл туралы Өңірлік коммуникациялар қызметінің ақпараттық алаңында облыстық төтенше жағдайлар департаментінің бастығы Руслан Қайрақбаев мәлімдеді.
<blockquote>
 “Орман және дала алқаптарында табиғи өрттердің алдын алу және оларды жою бағытында 26-28 сәуір аралығында барлық аудандар мен Қызылорда қаласында жергілікті атқарушы органдар, мемлекеттік өртке қарсы қызметі, орман шаруашылығы және полиция қызметтерінің бірлесіп әрекет ету бойынша 7 өрт-тактикалық оқу-жаттығу өткізілді. Оқу-жаттығуға 54 бірлік техника мен 298 қызметкер жұмылдырылып, өрттерді бірлесіп өшіру мен ақпарат алмасу пысықталды. Алдағы уақытта облыс көлемінде табиғи өрттерді өшіруге тиісті құрылымдар мен күш құралдары дайын, – деді Руслан Сламбекұлы.
</blockquote>
Сондай-ақ өрт қауіпті кезеңіне байланысты 187 – ескерту тақтайшасы, 15 – баннер, 41 – билборд орнатылды.
Сонымен қатар жергілікті атқарушы органдар, полиция қызметі, орман шаруашылығы мен төтенше жағдайлар қызметімен бірлесіп қала және аудандар бойынша құрамында 50 адам бар 9 мобильді топ құрылды. Қазіргі таңда мобильді топпен өрттің алдын алу бойынша 27 рейдтік шара өткізілді.
Облыс бойынша шалғай орналасқан елді мекендерде 168 ерікті өртке қарсы құрылымы жасақталды, оның құрамында 2027 адам, 8 өрт сөндіру автокөлігі мен 421 бейімделген техникасы және 21 мотопомпасы бар.
Қазіргі уақытта, профилактикалық жұмыстардың нәтижесінде өрт саны өткен жылмен салыстырғанда 5 есеге, шығыны 98,2 есеге азайды. Дегенмен бұл бағыттағы жұмыстар өрт қауіпті кезеңі аяқталғанға дейін жүргізіледі.

Қызылордада биыл өрт саны 5 есеге азайды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1811 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 310, Алматы қаласы – 391, Шымкент қаласы – 69, Ақмола облысы – 92, Ақтөбе облысы – 50, Алматы облысы – 162, Атырау облысы – 70, Шығыс Қазақстан облысы – 91, Жамбыл облысы – 36, Батыс Қазақстан облысы – 94, Қарағанды облысы – 200, Қостанай облысы – 25, Қызылорда облысы – 28, Маңғыстау облысы – 41, Павлодар облысы – 111, Солтүстік Қазақстан облысы – 15, Түркістан облысы – 26.
Жалпы ел бойынша ауырғандар саны – 348 308.

Қызылордада өткен тәулікте 28 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Қазақстанның бірнеше өңірінде ауа райына байланысты ескерту жариялады, деп хабарлайды Қазгидромет.
Батыс Қазақстан облысының кей жерлерінде найзағай күтіледі. Жел оңтүстік-шығыстан соғады, күндіз кей жерлерде жел 15-20 м/с соғады.
Атырау облысында кей жерлерде найзағай күтіледі. Оңтүстік-шығыстан жел соғады, жел 15-20 м/с жылдамдықпен соғады.
Таңертең және күндіз Қызылорда облысының кей жерлерінде шаңды дауыл күтіледі. Солтүстік-шығыстан жел соғады, күші таңертең және күндіз кей жерлерде 15-20 м/с күтіледі.
Түнде және таңертең Ақмола облысында кей жерлерде тұман күтіледі. Солтүстік-батыстан жел соғады, күндіз кей жерлерде күші 15-20 м/с күтіледі. Түнде кей жерлерде 2 градус үсік жүреді.
Түнде Павлодар облысында кей жерлерде 1 градус үсік күтіледі, қүндіз солтүстік-батыстан жел соғады, жылдамдығы 15-20 м/с жетеді.
Солтүстік Қазақстан облысының кей жерлерінде түнде және таңертең тұман күтіледі. Солтүстік-батыстан жел соғады, күндіз кей жерлерде күші 15-20 м/с күтіледі.
Қарағанды облысының кей жерлерінде найзағай күтіледі.
Жамбыл облысында кей жерлерде найзағай, бұршақ күтіледі. 11-13 мамырда кей жерлерде тұман күтіледі. 11-13 мамырда кей жерлерде солтүстік-батыстан соғатын жел солтүстік-шығыс желіне ауысады, күші 15-20 м/с, 12-13 мамырда екпіні 25 м/с күтіледі.

12 мамырға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда қаласында жоспары жуу жұмыстарына байланысты уақытша ауыз су тоқтатылады.
12 мамыр сағат 21-00 бастап 13 мамыр сағат 6-00 дейін “Ақмешіт” және “Мерей” мөлтек аудандарында, 13 мамыр күні сағат 20.00-ден бастап 14 мамыр күнгі сағат 06.00-ге дейін қаланың орталық ауыз су жүйелері тазартылмақ. “Аль-Фараби”, “Шанхай”, “КБИ”&nbsp; тұрғын аудандарының су жүйелеріне жоспарлы жуу, шаю және залалсыздандыру жұмыстары жүргізіледі. Осыған байланысты қала орталығының ауыз су жүйелерінде судың қысымы уақытша төмендетіледі.
“Аль-Фараби”, “Шанхай”, “КБИ”&nbsp; тұрғын аудандарында 2021 жылдың&nbsp;&nbsp; 13 мамыр күні сағат 20.00-ден 14 мамыр күні сағат 06.00-ге дейін ауыз су беру уақытша тоқтатылады.
<blockquote>
 «Ауыз суды пайдаланар алдында кранды ашып хлордың иісі толық кеткенше ауыз суды пайдаланбауды сұраймыз. Ведомстволық мекемелерде 06.00-ден бастап суды ағызып хлордың иісі толық жойылғанға дейін жауапты кісілерді бекіту қажет», делінген қала әкімдігінің таратқан хабарламасында.
</blockquote>
<img src="https://kyzylorda-news.kz/wp-content/uploads/2021/05/cw-scaled.jpg" alt="" />

Қызылорда қаласында уақытша су тоқтайды

<a href="https://kyzylorda-news.kz/">Kyzylorda-news.kz</a>. Кәсіби мейірбике мейрамы әйгілі ағылшын әйелдерінің бірі Флоренс Найтингейлдің туған күнінде атап өтіледі. 19 ғасырдың аяғында, Қырым соғысы кезінде, ол әлемдегі алғашқы мейірімділік апалы-сіңлілердің ұйымдастырды. Адамгершілікті мамандықтардың бірінің өкілдері емделуге ғана емес, жаралыларды майдан даласынан да алып шықты.
Медбикелер – бұл денсаулық сақтау қызметкерлерінің ең көп санаты, өйткені медициналық тәжіребеде медициналық қызметтердің көп бөлігі тек медбикелер құрамымен көрсетіледі.
<blockquote>
 «Қызылорда облысында 9,5 мыңнан астам орта буын медициналық қызметкерлер жұмыс істейді. Олар ізгілік пен адамгершілекке қызмет етудегі асыл жолды жалғастыруда. Әлеуметтік медициналық сақтандыру қоры Covid-19 және вирустық пневмониямен күресіп жатқан медицина қызметкерлеріне қаржылық қолдау көрсетуде. Сонымен, 2020 жылдың наурызынан 2021 жылдың мамырына дейін 19 576 медицина қызметкеріне 3&nbsp;527,4 млн теңге көлемінде ынталандыру төлемдері бөлінді. 19 576 қызметкерінің 6 368-і орта буын медицина мамандары», – деді Әлеуметтік медициналық сақтандыру қорының облыстық филиалының директоры Бақыт Исмаханбетов.
</blockquote>

12 мамыр &#8211; Халықаралық мейірбике күні

<a href="https://kyzylorda-news.kz/">Kyzylorda-news.kz</a>. «Қызылорда аруы-2019» Камилла Серікбай “Әлем аруы” сұлулық байқауының финалына дайындалу үшін Америкаға аттанды. Қазақстандық қыз байқауға бірнеше ай өз Отанында дайындалған болатын, деп хабарлайды &nbsp;<a href="https://sputnik.kz/">Sputnik Қазақстан</a>.
Камилла Серікбай 2019 жылы “Қызылорда аруы” атанып, “Қазақстан аруы” финалында туған қаласының намысын қорғады. Бойжеткен бірнеше тіл біледі, каратэмен айналысады, қоңыр белбеу иегері. Instagram-ға жеке суреттерін салып, шпагатқа қалай отыратынын көрсетеді.
Камилла байқау үшін презентациялық роликке түсті. Сондай-ақ Қазақстан, оның табиғаты, таулары мен өзен-көлдері туралы шағын мәтін жазды.
“Әлем аруы” байқауы 2021 жылы 16 мамырда АҚШ-тың Флорида штаты Холливуд қаласында өтеді.
Камилла Серікбайға конкурс сайтында немесе Miss Universe мобильді қосымшасында дауыс беруге болады.

«Қызылорда аруы-2019» Камилла Серікбай Америкаға аттанды (видео)

<a href="https://kyzylorda-news.kz/">Kyzylorda-news.kz</a>. Түркістан облысының Темірлан кентінде белбеу күресінен 2001-2003 жылы туған жастар арасындағы Қазақстан чемпионаты мәресіне жетті. Үш күнге созылған дода қорытындысы бойынша Қызылорда командасы көш бастады.
Сыр спортшылары ел чемпионатында 20 медаль иеленіп, жалпы командалық есепте көш бастады. Оның 7-уі алтын, 7-уі күміс, 6-уы қола медаль.
Екінші орынды Жамбыл, үшінші орынды Алматы облысының командалары иеленді.
Еркін түрі бойынша 
ҚАЗАҚСТАН ЖЕҢІМПАЗДАРЫ: 
57 келі: Әбубәкіров Жандос, 9 ОРМБЖМ 
75 келі: Мамыт Наурызбек, 8 ОРМБЖМ 
90 келі: Алдаберген Айберген, 8 ОРМБЖМ 
48 келі: Төлеген Балымай, 8 ОРМБЖМ 
52 келі: Әбілтаева Назерке, 1 ОРМБЖМ 
КҮМІС ЖҮЛДЕГЕРЛЕР: 
57 келі: Алдаберген Бекзат, 8 ОРМБЖМ 
68 келі: Мәукенбай Айберген, 8 ОРМБЖМ 
100 келі: Мұңайтбасов Дамир, 1 ОРМБЖМ 
58 келі: Войсова Наргиз, 1 ОРМБЖМ 
66 келі: Жұмахан Жұлдыз, 8 ОРМБЖМ 
76 келі: Бодан Дина, 1 ОРМБЖМ 
ҚОЛА ЖҮЛДЕГЕРЛЕР: 
62 келі: Қамар Ермахан, 8 ОРМБЖМ 
75 келі: Ажарбай Сержан, 9 ОРМБЖМ 
48 келі: Рахымжанова Мунира, 1 ОРМБЖМ 
66 келі: Думан Аружан 13 ОРМБЖМ 
+76 келі: Ажмаханова Аяулым 1 ОРМБЖМ 
Классикалық түрі бойынша 
АЛТЫН: 
65 келі: Қоқантаев Мейіржан, 9 ОРМБЖМ 
75 келі: Сағындық Мұхаммедхан 8ОРМБЖМ 
КҮМІС: 
85 келі: Өмірзақ Нұрасыл 7 ОРМБЖМ 
ҚОЛА: 
70 келі: Мәукенбай Айберген 8 ОРМБЖМ
<img src="https://kyzylorda-news.kz/wp-content/uploads/2021/05/184630684_6202690169757151_2507875932797358378_n.jpg" alt="" />
<img src="https://kyzylorda-news.kz/wp-content/uploads/2021/05/185010957_6202689839757184_1520217865137428275_n.jpg" alt="" />
<img src="https://kyzylorda-news.kz/wp-content/uploads/2021/05/185291322_6202689383090563_2139171372638866026_n.jpg" alt="" />

Қазақстан чемпионатында Қызылорда командасы көш бастады

<a href="https://kyzylorda-news.kz/">Kyzylorda-news.kz</a>. 12 мамырдан бастап Нұр-Сұлтан қаласы әуежайында «Ashyq» ілкі жобасы жүзеге асырыла бастайды.
<blockquote>
 «Алгоритм талаптарына сәйкес, Нұр-Сұлтан қаласы әуежайының ғимаратына жіберу жолаушының мәртебесін анықтау үшін оның арнаулы QR-кодты сканерлеп, кіре берісте әуежай қызметкеріне нәтижені көрсеткен кезде ғана жүзеге асырылады. Жолаушылардың мәртбесі «ПТР-зерттеуінің бірыңғай ықпалдастырылған порталы» және «ҚР ДСМ COVID-19 бақылау орталығы» ақпараттық жүйелерімен тексеру негізінде беріледі», – делінген Санитарлық-эпидемиологиялық бақылау комитеті таратқан ақпаратта.
</blockquote>

Қазақстан және Қызылорда облысының жаңалықтары

Футбол ойыншылары ірі жеңілістен кейін өзара қақтығысып қалды

Зейнетақы жинақтарын пайдалану ережелеріне бірқатар өзгеріс енгізілуі мүмкін

Айт намазын жамағатпен оқуға рұқсат берілді

Жаяу жүргені үшін ақша төлене бастады

Қызылордада биыл өрт саны 5 есеге азайды

Қызылордада өткен тәулікте 28 адам коронавирус жұқтырды

12 мамырға арналған ауа райы болжамы

Қызылорда қаласында уақытша су тоқтайды

12 мамыр – Халықаралық мейірбике күні

«Қызылорда аруы-2019» Камилла Серікбай Америкаға аттанды (видео)

Қазақстан чемпионатында Қызылорда командасы көш бастады

1 шілдеден бастап вакцина туралы ақпарат «Ashyq» жобасына енгізілмек

Қазақстан және Қызылорда облысының жаңалықтары

Футбол ойыншылары ірі жеңілістен кейін өзара қақтығысып қалды

Зейнетақы жинақтарын пайдалану ережелеріне бірқатар өзгеріс енгізілуі мүмкін

Айт намазын жамағатпен оқуға рұқсат берілді

Жаяу жүргені үшін ақша төлене бастады

Қызылордада биыл өрт саны 5 есеге азайды

Қызылордада өткен тәулікте 28 адам коронавирус жұқтырды

12 мамырға арналған ауа райы болжамы

Қызылорда қаласында уақытша су тоқтайды

12 мамыр &#8211; Халықаралық мейірбике күні

«Қызылорда аруы-2019» Камилла Серікбай Америкаға аттанды (видео)

Қазақстан чемпионатында Қызылорда командасы көш бастады

1 шілдеден бастап вакцина туралы ақпарат «Ashyq» жобасына енгізілмек

12 мамыр – Халықаралық мейірбике күні