<a href="https://kyzylorda-news.kz/">Kyzylorda-news.kz</a>.&nbsp; Жыл сайын&nbsp;12 мамыр&nbsp;– Халықаралық&nbsp;мейірбикелер күні&nbsp;болып аталып өтіледі. Мерекеге орай, Қызылорда облысы ҚАЖ департаментіне қарасты ЗК-169/5 мекеме бастығының міндетін атқарушы &nbsp;әділет майоры Ж. Есмаханов мекеменің медицина қызметкерлерін құттықтады. Қазіргі таңда мекемеде 12 медицина қызметкері жұмыс жасайды. Солардың ішінде осы мекемеде табан аудармай 17 жыл қызмет етіп келе жатқан медициналық бөлім аяжаны Эльмира Тоқтамысова өз ісіне жауапкершілікпен қарайтын, адал қызметкердің бірі.
<blockquote>
 «Мейірбике болу&nbsp;–&nbsp;бала&nbsp;күнгі&nbsp;арманым. Осы балаң үміт пен асыл арман алға жетелеп, оқуға түстім. Қызылорда медициналық колледжін тәмамдап, 2003 жылдан бері осы мекемеде қызмет атқарып келемін. Тек шынайы мейірімді адам ғана нағыз&nbsp;мейірбике бола&nbsp;алады деп айта аламын. Жұмыстың жеңілі жоқ. Кез келген істің өз қиындығы мен ауыртпашылығы, жауапкершілігі бар. Бізге де сондай үлкен жауапкершілік жүгі жүктеледі. Жаза басып, жаңылып қылмыс жасаған сотталғандарға емделуші ретінде қарап, дер кезінде медициналық көмек көрсетеміз. Елімізде төтенше жағдай орын алғалы, мекемедегі медицина қызметкерлерінің жұмысы ұлғайды. Осындай жағдайда қызметімізге деген адалдығымыз, шыдамдылығымыз мен бойымыздағы адамгершілік қасиетіміз бізге күш-қайрат береді.&nbsp; Бұл мамандыққа тек өз ісін сүйетін адамдар ғана келеді. Біз киген ақ халат – адал ниеттің, мейірімнің символы, баршамыз осы үмітті ақтауға қызмет атқарып келеміз»,- деді мейірімді мейірбике Эльмира Рахметуллақызы.
</blockquote>
ҚАЖ саласында қызмет еткен 17 жылға жуық уақыт ішінде ҚР ІІМ-нің, ҚАЖ комитетінің, облыс әкімінің, департамент бастығы мен мекеме бастықтарының Грамоталарымен және Қазақстан Республикасы Денсаулық сақтау министрінің «Алғыс хатымен»&nbsp; марапатталған.
<img src="https://kyzylorda-news.kz/wp-content/uploads/2021/05/c963c047-ee3f-4489-9800-a9da4fe759b3.jpg" alt="" />

Эльмира Тоқтамысова: Мейірбикенің жүгі жеңіл емес

<a href="https://kyzylorda-news.kz/">Kyzylorda-news.kz</a>. Цифрлық даму, инновациялар жəне аэроғарыш өнеркəсібі министрі Бағдат Мусин «Протон» зымыран-тасығышы ұшыру қай жылы толықтай тоқтайтынын айтты, деп хабарлайды ҚазАқпарат.
Ресей тарапы «Байқоңыр» айлағынан «Протонды» ұшыруды қысқартып жатыр.
<blockquote>
 «Жалпы, «Протон» зымыран-тасығышын ұшыруды қысқартуға тоқталсақ, 2016 жылы тиісті уағдастыққа қол жеткізілді. Осы орайда жыл сайын «Протон» зымыран-тасығышы бес реттен артық пайдаланылмайтыны және 2026 жылға қарай бұл зымырандарды пайдалану толықтай тоқтатылатыны ескерілген», – деді министр депутаттардың сауалына жауап бере отырып.
</blockquote>
Оның сөзіне қарағанда, 2020 жылы «Протон» зымыран-тасығышы бір рет ұшырылған. Ал 2021 жылға аталған зымыран-тасығыш бойынша Ресейдің жоспары әзірге ұсынылмаған.
<blockquote>
 «Қазір жылына бес рет пайдалану көрсеткішіне жетпейді. Олар бұл зымыран-тасығыштарды ұшыруды өздері қысқартып жатыр», – деді Бағдат Мусин.
</blockquote>

2026 жылдан бастап «Протон» зымыран-тасығышы Байқоңырдан ұшырылмайды

<a href="https://kyzylorda-news.kz/">Kyzylorda-news.kz</a>. Қазақстанда тұрғын үй нарығындағы бағалар бір жыл ішінде 9,2 пайызға өсті. Өсім бүкіл өңірде байқалады.
Ұлттық статистика бюро деректеріне сүйенсек, бір жыл ішінде&nbsp;Павлодардағы&nbsp;бастапқы жылжымайтын мүлік едәуір қымбаттаған (29,2 пайызға). Екінші орында&nbsp;Орал&nbsp;(16,7 пайызға), үшінші орында –&nbsp;Қарағанды&nbsp;(15 пайызға).
Нұр-Сұлтанда&nbsp;мердігер компаниядан пәтер сатып алу 14,3 пайызға,&nbsp;Алматыда&nbsp;– 4,4 пайызға өскен, дейді сарапшылар.
Бір ай ішінде (2021 жылдың наурызынан сәуіріне дейін) жаңа тұрғын үйдің орташа бағасы 0,8 пайызға өскен:
<ul>
<li>Көкшетауда (2,7 пайызға);</li>
<li>Қостанайда (2,2 пайызға);</li>
<li>Нұр-Сұлтанда (1,7 пайызға);</li>
<li>Алматыда (0,6 пайызға);</li>
<li>Ақтау мен Атырауда (0,5 пайызға).</li>
</ul>
Өскеменде&nbsp;теріс динамика байқалған (8,2 пайызға аз).
<img src="https://kaz.tengrinews.kz/userdata/u279/2021-05/resize/ae7384ae9243a81bc0317372bdecd715.jpeg" alt="" />
Сәуірде жаңа тұрғын үйдің шаршы метрі орташа есептегенде 327 мың теңгеден сәл асқан.
Ең қымбат пәтер Нұр-Сұлтан (1 шаршы метрге 426 мың теңге), Алматы (372,8 мың) және Шымкент (320 мың) қалаларында. Ең арзаны Таразда (150 мың) және Қызылордада (159 мың) “Нұрлы жер” мемлекеттік бағдарламасы бойынша салынып жатқан пәтерлер есебінен сатылады.
<a href="https://kaz.tengrinews.kz/">Tengrinews.kz</a>

Қызылордада тұрғын үй арзан

<a href="https://kyzylorda-news.kz/">Kyzylorda-news.kz</a>. 21 мамыр сағат 11.00-де Қазақстан Республикасының Төтенше жағдайлар министрі Юрий Ильиннің халық алдында есеп беру кездесуі өтеді.
Министрге қойғыңыз келген сұрақтар мен ұсыныстарды ps@emer.kz электрондық мекенжайына жіберуге болады, немесе Call-орталығының 8(7172) 32-32-89, 53-32-79 телефондарына хабарласыңыздар.
Есеп беру кездесуі онлайн режимде Министрліктің ресми интернет-ресурсында және оның Facebook, Instagram әлеуметтік желілеріндегі парақшаларында, Youtube арнасында тікелей эфирде өткізілетін болады. 
Сұрақтар ағымдағы жылдың 21 мамырына дейін қабылданады.

Төтенше жағдайлар министрі Юрий Ильин халыққа есеп береді

<a href="https://kyzylorda-news.kz/">Kyzylorda-news.kz</a>. Қызылорда облысында кәсіпкерлерге арналған «Ashyq» жобасына 66 кәсіпкерлік субьектісі қосылды. Яғни, жүйені орнатқан кинотеатр, фитнес-клуб, спа-орталығы, сауна, бассейн, компьютерлік клуб пен боулинг орталықтары карантин кезіндеде жұмыс істей алады.
<blockquote>
 «Ashyq» – қоғамдық орындарға келушілерді тіркеу қосымшасы. Келушілер QR кодты сканерлеп, әкімшіге көрсетеді. Код тұрғынның статусын анықтайды. Келушілерге статус ПТР зерттеулерінің бірыңғай интеграциялық порталы және Денсаулық министрлігі жанындағы covid-19 бақылау орталығының ақпараттық жүйелерін салыстыру негізінде тағайындалады. Тиісінше 4 түс негізінде бағдарлама арнайы шешім қабылдайды. Мәселен “Қызыл” түс – үйде оқшаулану режимін білдірсе, “Сары” түсте тек дәріхана мен дүкенге рұқсат етіледі. Ал “Көк” пен “Жасыл” түстегі статус иелеріне қоғамдық орындарда емін-еркін жүріп тұруына болады, – деді облыстық санитариялық-эпидемиологиялық бақылау департаменті басшысының орынбасары Ұлбосын Аханаева.
</blockquote>
«Ashyq» жобасы бойынша жұмыс жасайтын кәсіпкерлік субъектісі келушілердің мәртебесін QR-код немесе ЖСН бойынша тексереді. «Жасыл» мәртебе – келуші деректер базасында COVID-19-ға теріс нәтижемен ПТР-тестілеуден өткен немесе екі компонентпен вакцинацияланған адам ретінде белгіленген, «көк» мәртебе – ПТР тестілеу нәтижесі жоқ, COVID-19-бен ауыратын науқаспен байланыста болмаған адам, «сары» мәртебе – деректер базасында COVID-19-бен ауыратын науқаспен байланыста болған адам ретінде көрсетілген, «қызыл» мәртебе – базада COVID-19-ға ПТР-тестілеудің оң нәтижесімен тіркелген, «ауру жұқтырған» – U 07.2 коды мәртебесі бар пациенттер.
<blockquote>
 «Ashyq» жобасындағы статусты үйден шықпай-ақ ashyq.kz сайтынан тексеруге болады. Статусты тексеру үшін қосымшаны жүктеп алу қажет. Осы ретте сайтта орналасқан QR бейтарап болады, яғни код ешқандай бизнес нысанына жатпайды. Республика көлемінде орта есеппен тәулігіне 3 мыңнан астам азамат осы сервисті пайдалануда. Интернет, wi-fi-ға байланысты техникалық ақаулар шыққанда бизнес субъетісі жұмыс істеуін тоқтатпайды. Техникалық кедергілер туындаған кезде нысанға «күзетші режимін» қосып, келушінің деректерін қолмен тексереді, – облыстық кәсіпкерлік палатасы директорының орынбасары Пірмұхаммед Сыздықов.
</blockquote>

Қызылордада «Ashyq» жобасына 66 кәсіпкерлік субьектісі қосылды

<a href="https://kyzylorda-news.kz/">Kyzylorda-news.kz</a>. 10 турда 6 ұпай ғана еншілеп, 13-ші орында тұр. Бүгін Өңірлік коммуникациялар қызметінің ақпарат алаңында сала мамандары сәтсіздіктің себептерін түсіндіріп, бас бапкер қызметінде қалатындығын мәлімдеді.
<blockquote>
 «Біз басқарма тарапынан клуб басшылығы және ойыншылармен жиі кездесу өткізіп тұрамыз. Команда маусымды сәтсіз өткізіп жатыр. Жеңіске жету үшін көп дайындық керек. Бір-бірін алаңды түсіну қажет. Осы бағытта жұмыс жасалады. Биыл жергілікті ойыншылардың тәжірибесін жетілдіру көңіл бөлудеміз», – деді облыстық дене шынықтыру және спорт басқармасының басшысы Жақсылық Оспанов.
 «Өзім «Қайсар» командасына жанкүйермін. Ойынды үзбей көремін. Соңғы кезде жергілікті клубтың ойын нәтижелері өте төмен. Жанкүйерлер наразылық білдіруде. Алайда клубтың басшысы да, бас бапкері де жергілікті азаматтар. Талай жылдар бойы ел футболы мен Қайсардың намысын қорғаған жігіттер. Сондықтанда оларға артылар сенім жоғары. Турнирлік кестенің соңғы орындарында жайғасуға бірнеше факторлар әсер етті. Атап айтсам, командадан өткен жылғы құрамның тек 20 пайызы ғана қалды. Сондай-ақ басты үміт артқан талантты ойыншыларымыз жарақаттан енді айығып келеді. 
 Коронавирустық инфекцияға байланысты шет елден көздеген ойыншыларымызды сатып алу қиындық тудырды. Алдағы ойындардан командамыз ұпай еншілейді деген сеніміз бар. Енді клубымыздан нәтижелі матчтар күтеміз. Келесі трансферде Қайсар сапына 2-3 позицияда тәжірбиелі ойыншыларды тартуды жоспарлап отырмыз», – деді облыстық футбол федерациясының вице-президенті Болат Көшербаев.
</blockquote>
Айта кетейік, «Қайсар» футбол клубы Ақтөбемен 14 мамыр күні кездеседі. Бүгін Сыр аяқдопшылары қонақта болатын матчқа тыңғылықты дайындық жұмыстарын жүргізіп, пойызбен аттанбақ.
<img src="https://kyzylorda-news.kz/wp-content/uploads/2021/05/185930725_1287825808279595_4899114186745758394_n.jpg" alt="" />

«Қайсар» футбол клубы ел біріншілігін сәтсіз бастады

<a href="https://kyzylorda-news.kz/">Kyzylorda-news.kz</a>. Қазақстан бойынша 2021 жылдың 13-15 мамырына арналған ауа райы болжамы жарияланды.
Еліміздің басым бөлігінде ауа райы жауын-шашынсыз болады. Алайда, шығыста жаңбыр жауу ықтималдығы басым.&nbsp;
<blockquote>
 “13 мамырда атмосфералық фронтальды бөліктердің әсерінен кей жерлерде жауын-шашын болады, шығыста қатты жаңбыр жаууы мүмкін. 14 мамырдан бастап еліміздің басым бөлігінде, Қазақстанның шығысы мен оңтүстік-шығысын қоспағанда, Солтүстік-Батыс антициклонының ықпалымен жауын-шашынсыз ауа райы болжануда, кей жерлерде қатты жаңбыр жауады. 15 мамырда елдің солтүстігінде, орталығында және шығысында түнде 1 градусқа дейін үсік жүретіндіктен, топырақ беті қатуы мүмкін. Республиканың жекелеген облыстарында жел күшейіп, найзағай ойнайды, бұршақ жаууы мүмкін”, – дейді синоптиктер.
</blockquote>

Алдағы күндері кейбір облыста үсік жүреді

<a href="https://kyzylorda-news.kz/">Kyzylorda-news.kz</a>. Қазақстанда енді «Алтын белгі» төсбелгісіне үміткерлердің емтихан жұмыстарын білім басқармалары жанындағы комиссиялар қарайтын болады, деп хабарлайды&nbsp;білім және ғылым министрлігінің баспасөз қызметі.
Мектептер бұрынғыдай оқу озаттарының тізімін өздері жасай алмайды. Комиссия емтихан жұмыстарын тексергеннен кейін нәтижелерін білім беру ұйымдарына жіберіп, мектеп директорының бұйрығымен төсбелгі иегерлерінің тізімі бекітіледі. 2020-2021 оқу жылында “Алтын белгіге” &nbsp;9 822 оқу озаты үміткер болып отыр.
<blockquote>
 “Бұрын мектеп пен білім бөлімдері үміткерлердің жұмысын өздері тексеріп, “Алтын белгіні” тапсыру туралы шешім қабылдайтын. Ал, қазір, &nbsp;кеңестік кезеңдегідей, емтихан жұмыстарын облыстық немесе Республикалық маңызы бар қаланың білім басқармасы жанындағы комиссия тексереді. Комиссия құрамына білікті, тәжірибелі пән мұғалімдері кіреді. Осыдан кейін ғана мектеп үздік оқушылардың тізімін бекітеді”, –&nbsp;деді ҚР БҒМ мектепке дейінгі және орта білім комитетінің төрайымы Майра Мелдебекова.
</blockquote>
Биыл 11 (12) сынып оқушыларының мемлекеттік бітіру емтихандары 2021 жылғы 1-10 маусым аралығында өтеді. &nbsp;12 маусымға дейін емтихан жұмыстарының қорытындысы шығарылып, “Алтын белгі” иегерлерінің тізімі бекітіледі.
2020-2021 оқу жылында 3,4 млн астам оқушы мектептерде білім алды. Олардың 150 мыңға жуығы 11 (12) сыныпты аяқтайды.

«Алтын белгі» иегерлері қатаң тексеріледі

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2021 жылдың 1 мамыр дейінгі аралықта Қызылорда облысының тұрғындары әлеуметтік медициналық сақтандыру қорына 18,4 млрд. теңге аударды.
Оның 13,7 млрд. теңгесі (74,5%) жұмыс берушілердің аударымдары болса, қалған 4,7 млрд. теңге (25,5%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлемдеді.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар МӘМС қорына 18,4 млрд. теңге аударды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша айт намазы 13-мамыр күні таңғы сағат 07:00-де мешіт ауласында оқылады.
<img src="https://kyzylorda-news.kz/wp-content/uploads/2021/05/img-20210512-wa0016.jpg" alt="" />

Қызылорда: Айт намазы мешіт ауласында оқылады

<a href="https://kyzylorda-news.kz/">Kyzylorda-news.kz.</a> Ертең, 13 мамырда мұсылман қауымы үшін ұлық мереке – Ораза айт басталады. Мейрамның бірінші күні мешіттерде жамағатпен айт намазы оқылады.
Бүгін, 12 мамыр – қасиетті Рамазан айының соңғы күні. Ал ертең мұсылман әлемі отыз күн оразадан кейін Шәууал айының алғашқы үш күнінде Ораза айт мерекесін тойлайды.Айт сөзінің өзі “мереке”, “мейрам” деген мағынаны білдіреді.
Айт намазы қалай оқылады?
Ораза айт мерекесінің негізгі шарты – мейрам айт намазын оқумен басталады. Айт намазы мешіттерде таңертең ерте жамағатпен оқылады. Пайғамбарымыз Мұхаммед (с.ғ.с.) өз өсиетінде: “Айт күні бірінші орындайтынымыз – намаз оқу”, – деген.
Әр мұсылман айт намазына жуынып-шайынып, дәрет алып, ең әдемі әрі таза киімдерін киіп, үстіне хош иіс сеуіп барады.
Сонымен қатар, мешітке бармас бұрын бір-екі құрма жеп, дәм ауыз тиген абзал. Бұл оразаның аяқталғанының белгісі.
Биыл пандемияға қарамастан айт намазын мешіт аулаларында оқуға рұқсат етілді. Адамдар бетперде кию, ара қашықтықты сақтау сияқты санитарлық талаптарды сақтауға тиіс.
Намазға дейін пітір садақаны беріп тастау
Пітір садақа Рамазан айында беріледі. Егер кімде-кім пітір садақаны әлі бермесе, Ораза айт намазы оқылғанға дейін беріп тастауы қажет. Айт намазынан кейін берілген пітір садақа жай садақа болып қалады.
Биыл пітір садақаның мөлшері – жан басына 420 теңге. Жағдайы бар адамдар оны мейіздің немесе құрманың бағасымен бере алады. Қазіргі кезде екі келі мейіз 3 580 теңге тұрады. Сондай-ақ, 4 келі құрманың құнымен беруге болады. Оның бағасы – 7 300 теңге.
Ораза айт күні ауыз бекітуге бола ма?
Ораза айттың таңында сәресі ішілмейді, күндіз ауыз ашық болады.
Ораза айт дастарқан жайып, дәмнен ауыз тиетін күн болғандықтан, Ораза айттың бірінші күні ауыз бекітуге тыйым салынған.
Рамазан айынан қалған қаза оразаны айттың екінші күні, яғни 14 мамырдан бастап ұстай беруге болады.
Ораза айт қалай тойланады?
Ораза айт күндері әрбір мұсылманның шаңырағында бауырсақ пісіріліп, ет асылып, мерекелік мол дастарқан жайылады. Туған-туысқандар, көрші-қолаң бір-біріне қонаққа барып, Айт мерекесімен құттықтайды, сыйлық береді.
Дәстүр бойынша бұл күні мұсылмандар бір-біріне “Ораза айт қабыл” болсын” деп жылы лебіздерін білдіреді.
Ренжісіп қалған ағайын-туыс, жора-жолдас бір-бірінен кешірім сұрап, өкпе-назын ұмытады.
Сонымен қатар, Ораза айт мерекесінде тұрмысы төмен отбасыларға, жетім-жесірлерге қол ұшын созған абзал.
<a href="https://m.sputnik.kz/society/20210512/17024879/Oraza-ait-mereke.html">Sputnik.kz</a>

Ертең Ораза айт мерекесі басталады: Бұл күні не істеуге болмайды?

<a href="https://kyzylorda-news.kz/">Kyzylorda-news.kz</a>. Қызылорда облысы Полиция департаментінің Есірткі қылмысына қарсы іс-қимыл басқармасымен жүргізілген жедел іздестіру іс-шараларының нәтижесінде 10-мамыр күні облыс орталығының тұрғыны жарты келіге жуық марихуана есірткі затын сатқандығы анықталды.
Ірі мөлшерде есірткі сатқан азаматтың тұрғылықты мекен-жайынан, яғни көпқабатты үйдің жер төлесінен 4 келіден асатын және автокөлігінде 300 граммға жуық марихуана есірткі затын сақтағандығы анықталды. Заттай дәлелдемелер алынып, сараптамаға жолданды. Күдікті азамат есірткі затын қала тұрғынынан алғанын айтып, есірткі заттарының өздеріне тиесілі екенін толығымен мойындады.
Сонымен қатар, күдіктілердің тұрғылықты мекен-жайына тінту тергеу әрекетін жүргізу барысында газет қиындыларына оралған есірткі заттарымен қоса есірткі тұтынуға арналған құралдар анықталып, заттай дәлелдеме ретінде алынды. Екі күдікті де Қызылорда қалалық Полиция басқармасының уақытша ұстау абақтысына қамаққа алынды.
Қазіргі уақытта аталған есірткі қылмысына басқа да тұлғалардың қатыстылығы тексеріліп, Қазақстан Республикасы Қылмыстық кодексінің 297-бабының 1-бөлігі бойынша (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп – тексеру амалдары жүргізілуде.
Қызылорда облысы Полиция департаменті нашақорлыққа және есірткі бизнесіне қарсы күреске бағытталған іс-шараларды белсенді түрде жалғастыруда.
<blockquote>
 «Облысымыз бойынша жыл басынан барлығы 45 есірткі қылмысы анықталды. Оның ішінде, есірткі, психотроптық заттармен, сол тектестермен өткізу мақсатынсыз заңсыз жұмыс істеудің 33 дерегі, есірткіні аса ірі мөлшерде сақтаудың 1 дерегі, есірткіні өткізу мақсатында заңсыз дайындау, қайта өңдеу, иемдену, сақтау, тасымалдаудың 10 дерегі, есірткіні насихаттау немесе заңсыз жарнамалаудың 1 дерегі анықталды. Заңсыз айналымнан 20 кг-ға жуық есірткі тәркіленді»,- дейді Қызылорда облысы Полиция департаментінің бастығы полиция полковнигі Бектөре Сұлтан.
</blockquote>

Қазақстан және Қызылорда облысының жаңалықтары