<a href="https://kyzylorda-news.kz/">Kyzylorda-news.kz</a>. “Алдағы күзді күтіңіздер. Сол кезде екпе алғандар кете бастайды. Ол – программа, саясат қой”, – деп атап көрсетті ол.
Ақтөбе облысында бас дәрігердің атынан жалған аудиохабарлама тарады. Дәрігердің өзі оны жоққа шығарып, “сары әулиенің” үстінен шағым түсіргенін мәлімдеді, деп хабарлады&nbsp;<a href="https://stopfake.kz/kk/archives/6446">Stopfake.kz</a>.
What’sApp-та тараған аудионың авторы өзін Ақтөбе облысының Қандыағаш қаласындағы “Шапағат” клиникасының бас дәрігері Аманжол Адаевпын деп таныстырған. Сосын вакцина алған адамдардың жақын арада қайтыс болатынын айтты.
<blockquote>
 “Дені сау адам коронавирустан емделеді. 90 пайыздан астамы емделіп жатыр. Ал екпе салдырғандар малша қырылады. Олардың барлығы 5G арқылы зомби, робот сияқты болады. Олар ешқашан бас көтере алмайды. Үкіметке қарсы да бас көтере алмайды. Сіз білмейтін өте көп нәрсе бар. Айтайын дегенім, олар бір жылдың ішінде, ары кетсе, үш-төрт жылға жетпей өледі. Өйткені оның программасы солай”, – дейді аудионың авторы.
</blockquote>
Оның айтуынша, вакцина салдырғандар жұмыстан шығып кетемін деп қорқады. Олардың барлығы – әлсіздер және қорқақтар.
“Алдағы күзді күтіңіздер. Сол кезде екпе алғандар кете бастайды. Ол – программа, саясат қой”, – деп атап көрсетті ол.
Профессор Аманжол Адаевтың өзі желіде тараған аудиохабарламаға қатысы жоқ екенін мәлімдеді. Оны кімнің таратып жатқанын да айтты.
<blockquote>
 “Мен 50 жыл бойы халықтың денсаулығын сақтап, сол үшін күресіп келе жатырмын. Өзім екпенің бәрін алдым. Балаларым да, немерелерім де, шөберелерім де екпе алды. Ал сендердің тыңдап, бір-біріңе лақтырып жүргендерің – “Сары әулие” дейтін адам. Сондай екінші аты бар. Ол Қандыағашқа да келіп, халықты жинап, әр түрлі уағыз айтқан. Артынан істі болды. Үкімет тыйып еді, қазір қайтадан халыққа қиянат жасап жатыр”, – дейді Адаев.
</blockquote>
Осы орайда бас дәрігер аудионы таратып жатқан адамдарға да ескерту жасады.&nbsp;
<blockquote>
 “Қандыағаштағы бас дәрігердің айтқаны деп, бір-біріңе лақтырып жатырсыңдар. Ол үшін жауапқа тартыласыңдар. Мен анау Сары әулиенің үстінен тиісті органдарға шағым түсірдім. Ол кісі мені танымайды да. Оның дауысы мен менің дауысым мүлдем сәйкес келмейді. Дәрігердің аузынан ондай сөз шықпайды. “Екпе алсаң, өлесің” деген сөзге ақылы бар адам да ермейді. Қазір вакцина алатындар азайды. Бұл халыққа жасалған қиянат қой. Бұның сұрауы бар. Қазір іс қозғалып жатыр. Біреудің лағып айтқан әңгімесін бір-біріңе таратпаңдар. Сол үшін сендерді де жауапқа тартады”, – деп түйіндеді Адаев.
</blockquote>

Вакцинаға қатысты жалған аудио тарады – Сары әулиенің үстінен шағым түсті

<a href="https://kyzylorda-news.kz/">Kyzylorda-news.kz</a>. Қызылорда облысында «Соңғы қоңырау» кезінде қоғамдық тәртіпті қадағалау күшейтілді.
Қызылорда өңірінің полицейлері бұл салтанатты шараның өткізілуі кезінде қоғамдық қауіпсіздікті &nbsp;күшейтті.
Білім басқармасының мәліметіне сәйкес, биыл &nbsp;облыс бойынша барлығы 293 мектепті 7006 түлек бітіреді.
«Соңғы қоңырау» салтанатты шара барысында облыс&nbsp; бойынша қоғамдық тәртіп пен жол қауіпсіздігін қамтамасыз етуге барлығы&nbsp;600-ге жуық қызметкер және 93 қызметтік автокөлік жұмылдырылды.
Сонымен қатар, мектеп бітіруші түлектердің қауіпсіздіктерін қамтамасыз ету үшін қалалық мәдени-демалыс паркі, орталық алаңда, жастар көп шоғырланатын орындарда білім беру ұйымдарының директорлары мен тәрбие ісі жөніндегі орынбасарлары Полиция департаментінің және қалалық Полиция басқармасының&nbsp; қызметкерлерімен бірлесіп қызмет атқарады.

«Соңғы қоңырау»: Қызылордада қоғамдық тәртіпті қадағалау күшейтілді

<a href="https://kyzylorda-news.kz/">Kyzylorda-news.kz</a>. Бүгін Қызылорда қаласының әкімі Ғанибек Қазантаев бірқатар ұстаздар мен жас түлектер және ата-аналармен «Zoom» арқылы онлайн байланысқа шығып, кезекті оқу жылының сәтті аяқталуымен құттықтады.
Шаһар басшысы алдымен барша түлектерді «Соңғы қоңырау» салтанатымен құттықтап, әрдайым білім алудан жалықпай, талмай ізденіп, ел тұтқасына айналуға тілектестік білдірді.
«Алда үлкен жауапты сәт – Ұлттық Бірыңғай тестілеу науқаны келе жатыр. Бұл сіздердің үлкен өмірге басатын қадамдарыңызға жетелейтін алғашқы сынақ, сол сынақтан ойдағыдай өтіп, жоспарларыңыздың жүзеге асуын тілеймін», – деді қала әкімі.
Сонымен қатар түлектердің жоғары нәтижеге қол жеткізіп, үздіктер сапынан көрінуінде уақытпен санаспай табанды қызмет атқарып, сапалы білім берген ұстаздардың еңбегі ерекше екендігін атап өтіп, педагогтарға ерекше ықыласпен алғысын білдірді.
Өз кезегінде №176 орта мектеп директоры Қадыркүл Шаймағанбетова ерекше мерекеде ұстаздардың еңбегін елеп, шәкірттердің талабын, жаңа өмірге қадамын қолдаған қала әкіміне ризашылығын жеткізді.
Онлайн кездесуде түлектер тарапынан «Алтын белгіге» үміткер – №136 мектеп-лицейінің жас түлегі Дильназ Алматқызы сөз алып, қатарластарына ізгі лебізін жеткізіп, алдағы Ұлттық бірыңғай тестілеуге сәттілік тіледі. Ал ата-аналар атынан сөз алған Айнұр Әлиева ұстаздардың ұрпақ тәрбиесіне арнаған еңбектеріне алғыс айтты.
Айта кетейік, 2020-2021 жылдары Қызылорда қаласындағы 55 жалпы білім беретін мектепте 66 597 оқушы білім алса, биылғы бітіруші 2254 түлектің 182-і «Алтын белгіге», 139-і «Үздік аттестатқа» үміткерлер.
<img src="https://kyzylorda-news.kz/wp-content/uploads/2021/05/190243901_2841295906137149_90477890310198850_n.jpg" alt="" />
<img src="https://kyzylorda-news.kz/wp-content/uploads/2021/05/191680917_2841295872803819_141500486738033813_n.jpg" alt="" />

Ғанибек Қазантаев мектеп түлектерін құттықтады

<a href="https://kyzylorda-news.kz/">Kyzylorda-news.kz</a>. Бүгін, 25 мамырда сағат 10-00-ден бастап мамандандырылған ХҚКО мемлекеттік қызметтерді көрсету үшін қажетті ҚР ІІМ ӘПК сервисінде іркіліс байқалады.
Мамандар жүйедегі ақауларды ретке келтіру жұмыстарын жалғастыруда. Жұмыстың қалпына келтірілгені туралы қосымша хабарланатын болады.

Мамандандырылған ХҚКО техникалық ақау орын алды

<a href="https://kyzylorda-news.kz/">Kyzylorda-news.kz</a>. Қызылорда қаласындағы Назарбаев Зияткерлік мектебінде салтанатты жиын өтті. Бүгінгі соңғы қоңырау мектеп түлектері үшін ерекше болғаны сөзсіз. Жаңа өмірге қадам басқан 95 жас зияткер барша педагогикалық ұжымға алғысын білдіріп, келешек буынға білім кілтін аманат етті.
2021 жылдың бітіруші сыныптары үшін ұйымдастырылған мектеппен қоштасу салтанатында оқушылар мектепте өткізген жылдарға көз жүгіртіп, ұмытылмас кезеңдерді, табысқа жеткен сәттерді еске түсірді.
Биылғы оқу жылының түлектері халықаралық IELTS емтиханынан жоғары ұпай жинап, мектептің өткен жылғы көрсеткішін еселей түсті. Сондай-ақ, ғылыми еңбектері мен пән бойынша жоғары академиялық білімдерімен ерекшеленіп, мектеп абыройын асқақтата түсті. Сонымен қатар, биылғы бітірушілердің қатарында 1 түлек «Алтын белгі» үміткері болса, 4 түлек «Үздік аттестатқа» үмітті. Бүгінде түлектер алғашқы оқу гранттарына қол жеткізіп, әлемнің жоғары оқу орындарына шақыртулар алып жатыр.
Салтанатты шарада оқушылар мектепке деген алғыстарын әнмен жеткізіп, ізбасарларына келер оқу жылында жаңа күшпен және тың идеялармен оралуға тілектестіктерін білдірді. Бұл жылдың соңғы қоңырау соғу құрметі мектептің үлгілі оқушылары Дархан Бақытжан және Жұлдызай Бермиштайға берілді.
<img src="https://kyzylorda-news.kz/wp-content/uploads/2021/05/191924645_2827443400918909_4618708074778829378_n.jpg" alt="" />
<img src="https://kyzylorda-news.kz/wp-content/uploads/2021/05/190229874_2827443244252258_5232501586767335754_n.jpg" alt="" />
<img src="https://kyzylorda-news.kz/wp-content/uploads/2021/05/190188052_2827443334252249_1904835929751733391_n.jpg" alt="" />

Қызылордада 95 оқушы Назарбаев Зияткерлік мектебін бітірді

<a href="https://kyzylorda-news.kz/">Kyzylorda-news.kz</a>. Бүгін Нұр-Сұлтан қаласының уақыты бойынша сағат 20:00-де ҚР Президенті Қасым-Жомарт Тоқаев Өндіруші салалардағы мәселелер жөніндегі жаһандық дөңгелек үстел отырысында бейнеүндеу жасайды. Бұл туралы Президенттің баспасөз хатшысы Берік Уәли&nbsp;«Facebook» парақшасында жазды.
<blockquote>
 «Мемлекеттер мен үкіметтер басшылары деңгейіндегі бұл виртуалды форум БҰҰ Бас хатшысы Антониу Гутерриштің бастамасымен өтеді», – деп жазды.
</blockquote>

Бүгін Президент БҰҰ дөңгелек үстелінде бейнеүндеу жасайды

<a href="https://kyzylorda-news.kz/">Kyzylorda-news.kz</a>. Қызылорда облысында аумағында әлеуметтік маңызы бар азық-түлік тауарларына шекті баға бекітілді.
<blockquote>
 «Аймақта 11 мамыр мен 20 мамыр аралығында күнбағыс майы, тұз, картоп, сәбіз және пияз өнімдерінің бағасы жоғарылап, жұмыртқаның бағасы төмендеді. Қалған өнімдерге баға тұрақты. Сондай-ақ, 10 дана жұмыртқа 430 теңге, 1 литр күнбағыс майы 632 теңгеден асырмау бойынша облыс әкімінің қаулысы қабылданды», – деді облыстық ауыл шаруашылығы басқармасы басшысының міндетін атқарушы Айнұр Тілеулеева.
</blockquote>
Қазіргі таңда облыстың тұрақтандыру қорында 819,8 тонна тауар бар. «Байқоңыр» ӘКК» АҚ-на қарасты 29 әлеуметтік дүкенде тауарлар белгіленген бағада халыққа ұсынылуда.
<blockquote>
 «Біздің дүкендерде 19 әлеуметтік маңызы бар азық-түлік өнімдері белгіленген бағада сатылуда. Сондай-ақ, дүкендерде тұрғындардың арыз-шағымын білдіретін журналдар мен сенім телефондары ілінген. Алдағы уақытта Қызылорда қаласында 10 дүкен ашу жоспарлануда. Оның 5-нің құрылысы басталды. Қалғандарының құжаттары дайындалуда», – деді -«Байқоныр» әлеуметтік кәсіпкерлік корпорациясы» АҚ Басқарма төрағасының орынбасары Талғат Жақыпбаев.
</blockquote>
Өңірде шекті бағаларға мемлеккеттік бақылау үздіксіз жүргізілуде. Профилактикалық бақылау нәтижесінде шекті мөлшерден асып кету фактісі анықталған жоқ.
<blockquote>
 «Әлеуметтік дүкендердегі бағаны үнемі бақылауда ұстаймыз. Бұл бағыттағы жұмыстар одан әрі де жалғасатын болады. Рұқсат етілген бағаны мөлшерінен асырса 100 АЕК, қайталанған жағдайда 200 АЕК мөлшерінде айыппұл салынады», – деді облыстық кәсіпкерлік және туризм басқармасы сауданы дамыту бөлімінің басшысы Нұрлан Шырынбеков.
</blockquote>

Қызылорда: Азық-түлік тауарларына шекті баға бекітілді

<a href="https://kyzylorda-news.kz/">Kyzylorda-news.kz</a>.&nbsp;Кәсіпкерлігі кең өркен жайған Қазалы ауданында тағы бір нысан іске қосылды.
Жеке кәсіпкер Рүстем Мәмбетжанов өзінің қаражаты есебінен шағын бетон зауытын ашып, көпшілікті қуантты. Жаңа нысанның ашылуына аудан әкімі Мұрат Ергешбаев қатысты.
Бетон зауытының жұмысымен танысқан аудан басшысы кәсіпкердің жұмысына сәттілік тіледі. Әйтеке би кентінен ашылған зауыт заманауи құрал-жабдықтармен қамтамасыз етілген. Жеке кәсіпкер бетон шығаратын автоматтандырылған аппаратты Қытайдан арнайы алдыртқан. Одан бөлек, қосымша техникалары да бар.
Аудан орталығындағы индустриялық аймақта орналасқан зауыт сағатына 20 текше метр бетон шығарады. Қазіргі таңда мұнда 5 адам жұмыспен қамтылған.
<img src="https://kyzylorda-news.kz/wp-content/uploads/2021/05/191341694_3066193560268237_4422845624649201172_n.jpg" alt="" />
<img src="https://kyzylorda-news.kz/wp-content/uploads/2021/05/190020675_3066193620268231_5488100144630808408_n.jpg" alt="" />

Қазалыда шағын бетон зауыты ашылды

<a href="https://kyzylorda-news.kz/">Kyzylorda-news.kz</a>. Амбулаториялық және стационарлық емдеу түрлерімен қатар күндізгі стационарларда медициналық көмек көрсету кеңінен таралуда. Бұл тәуліктік медициналық бақылауды қажет етпейтін амбулаториялық режим мен стационарлық емдеудін аралық нұсқа.
Күндізгі стационарда (емханалар жанында) және үйдегі стационарда емдеуге қандай жағдайда жатқызылады:
<ul>
<li>тәулік бойы медициналық бақылауды талап етпейтін созылмалы аурулардың өршуі</li>
<li>динамикалық бақылауға жататын созылмалы аурулары бар пациенттер тобын белсенді жоспарлы сауықтыру</li>
<li>медициналық көрсеткіштер бойынша стационарлық емдеу курсынан кейінгі келесі күні пациентті емдеу</li>
<li>екінші және үшінші кезеңдік медициналық оңалту курстарын өткізу</li>
<li>паллиативті көмек</li>
<li>жұқпалы асқынулар қаупі бар және маусымдық вирустық аурулар кезінде оқшаулауды қажет ететін орфандық аурулары бар балалар үшін үнемі фермент алмастыру және антибиотикалық терапия алу</li>
</ul>
Күндізгі стационарға емдеуге жатқызуға арналған көрсеткіштер (тәулік бойы стационар кезінде):
<ul>
<li>операцияға дейінгі дайындық пен реанимациялық қолдау көрсететін операциялар мен араласулар</li>
<li>клиникада жоқ, арнайы алдын-ала дайындықты немесе зерттеуді қажет ететін күрделі диагностикалық зерттеулер</li>
<li>қан препараттарын құюмен, қан алмастыратын сұйықтықтарды вена ішіне құюмен, ерекше гипосенсибилизирлеуіш терапиямен, қатты әсер ететін препараттардың инъекциясымен, дәрілік заттарды буын ішіне енгізумен байланысты науқастарды бақылау және емдеу</li>
<li>стационарлық емдеуден кейін келесі күнгі күтім, егер операциядан кейін ерте шығаруға көрсеткіштер болса</li>
<li>паллиативті көмек</li>
<li>химиотерапия, сәулелік терапия, онкологиялық науқастарға мамандандырылған ем-шарадан кейін пайда болған патологиялық жағдайларды түзету</li>
</ul>
Күндізгі стационарға емдеуге жатқызуға қарсы көрсетілімдер:
<ul>
<li>тәулік бойғы медициналық процедуралар мен медициналық бақылауды қажет ететін аурулар</li>
<li>covid-19 коронавирустық инфекциясы бар науқастарға үйде көрсетілетін медициналық көмектен басқа жұқпалы аурулар</li>
<li>Айналасындағыларға қауiп төндiретiн аурумен ауырған жағдайда</li>
</ul>
Медициналық көмек пациенттің немесе оның заңды өкілінің диагностикалық және емдеу шараларын жүргізуге жазбаша ерікті келісімін алғаннан кейін көрсетіледі.

МӘМС: Күндізгі стационардан қандай жағдайда ем алуға болады?

<a href="https://kyzylorda-news.kz/">Kyzylorda-news.kz</a>. Үндістанда коронавирустан қайтыс болғандар 300 мыңнан асты. Осылайша, бұл мемлекет ковидтан адам жоғалтудан әлемде АҚШ пен Бразилиядан кейінгі үшінші орынға шықты. Ал, осы инфекцияны жұқтырған үндістандықтар саны 27 миллионға таяп қалды. Елдің ірі қалаларында пандемия біршама әлсірегенімен, шалғайдағы аудандарда күшейіп келеді.&nbsp;
Коронавирус инфекциясы Эверест тауында да өршіп барады. Соңғы мәліметке қарағанда, мұнда кемінде 100 альпинист пен штаб қызметкеріне Covid-19 диагнозы қойылған. Олардың нақты саны 200-ге жетіп қалды деген болжам бар. Алайда, Непал үкіметі әлемнің ең биік шыңына вирус жетті деген мәліметті растамай отыр.&nbsp;
Жапонияда Олимпиада қарсаңында егде жастағы адамдарды жаппай вакциналау орталықтары ашылып жатыр. Мұндай мекемелер Токио мен Осакада күніне мыңдаған адамға екпе салмақ. Ал, Токио мен бірнеше префектурада жарияланған төтенше жағдай режимінің мерзімі шілденің 20-на дейін ұзартылуы мүмкін. Мұны «Йомури» газеті хабарлады. Айта кетсек, қауіпті індет өршіп тұрғандықтан, Жапонияда Жазғы Ойындарды доғаруды талап етушілер көбейіп келеді.

Үндістанда коронавирустан қайтыс болғандар саны 300 мыңнан асты

<a href="https://kyzylorda-news.kz/">Kyzylorda-news.kz</a>.&nbsp;Кәсіпкерлік мақсаттағы жер теліміне қатысты конкурсқа ашықтық керек. Бұл туралы Қызылорда облысы кәсіпкерлер палатасының бөлім бастығы Гаухар Елеусінова айтты.
Палата маманы кәсіпкерлер үшін жер қатынастары мәселесі қашанда өткір сұрақтардың бірі екенін айта келіп, Палатаға келіп жатқан шағымдардың негізінде кәсіпкерлік мақсаттағы жер учаскелеріне құқық беруде сауда-саттықты (конкурстарда, аукциондарда) жүзеге асыру, сонымен қатар, шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру барысында ашықтыққа қатысты проблема бар екендігін жеткізді.
<blockquote>
 «Мәселен, аукционға қойылатын жер учаскесі туралы мәліметтерді қамтитын аукцион өткізу туралы хабарлама аукцион өткізудің жарияланған күнінен бұрын он бес күннен кешіктірілмей мерзімді баспасөз басылымында, мемлекеттік органның ресми интернет-ресурсында және рұқсаттар мен хабарламалардың мемлекеттік ақпараттық жүйесінде жариялануы тиіс. Сондай-ақ, шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты өткізу туралы хабарламаны баспа басылымдарында, интернет-ресурсында жариялау, арнайы ақпараттық стендтерде орналастыру қажет. Алайда, Палатаның жасаған талдауы Қызылорда қаласы және кейбір аудандық әкімдіктермен бұл талаптардың орындалмай отырғандығын көрсетті», – дейді Гаухар Елеусінова.
</blockquote>
Кәсіпкерлер палатасының маманы мысал ретінде Қызылорда қалалық жер қатынастары бөлімінің хабарландыруды ресми сайтта жарияламай, тек газетке шығарумен ғана шектеліп жүргендігін, Жалағаш ауданында 2020 жылғы 25 сәуір күні өткізілетін конкурс туралы хабарлама аудан әкімдігі сайтына 2020 жылы 7 тамыз күні орналастырылғандығын, яғни конкурс өткізу қағидасын бұза отырып, конкурс аяқталғаннан кейін хабарлама жасалғандығын атап өтті.
Қызылорда облысы кәсіпкерлер палатасының мамандары жергілікті атқарушы органдардың ресми сайтына хабарландыру орналастыруда бір ізділіктің жоқтығы да кәсіпкерлер үшін проблема турыратындығын айтуда. Мысалы, бір ресми сайтта хабарландыру «баспасөз орталығы» бөлігінде орналасса, кейбірінде «құжаттар» бөлігінде орналастырылған. Бұл өз кезегінде кәсіпкерлік мақсатта жер учаскесін алуға үміткерлердің ақпарат алуына кедергі деп отыр мамандар.
<blockquote>
 «Ақпараттардың қолжетімсіздігін аукционға қатысу үшін өтінімдер айырмашылығынан да байқауға болады. Мысалы 2020 жылы облыс бойынша жарияланған 357 лотқа 409 азамат өтінім берген. Аукционға шығарылған жер учаскесіне екеуден төмен өтінім болуына байланысты ол лот өткізілмейтінін ескерсек, бұл бағыттағы жұмыстар әлі де жетілдіруді қажет етеді» – дейді Палата маманы Гаухар Елеусінова.
</blockquote>
Кәсіпкерлер палатасы мәселені шешу үшін мынадай ұсыныстар беруде:
– барлық аудан және қала әкімдіктері Жер Кодексі талаптарын сақтап хабарландыруларды әкімдік сайтында тұрақты орналастыру және хабарламаны әкімдік сайтының нақты бір бөлігінде ғана орналастыруды реттеу;
– жоғарыда көрсетілген заң бұзушылықтар бойынша тиісті органдармен тексеру жүргізіліп, себептерін анықтап, алдағы уақытта заң аясында орындалуын қадағалау;
– Жер Кодексінде шектеу жоқтығын ескере отырып, қосымша әлеуметтік желілерде жариялауды қарастыру.
Кәсіпкерлер палатасының көтеріп отырған аталмыш мәселесі Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің кезекті отырысында да қаралып, тиісті органдар тарапынан зерделеу жүргізілетін болды.

Гаухар Елеусінова: Кәсіпкерлік мақсаттағы жер теліміне қатысты конкурсқа ашықтық керек

<a href="https://kyzylorda-news.kz/">Kyzylorda-news.kz</a>.&nbsp; Соңғы қоңырау мен аттестат тапсыру шарасы 9 және 11-сынып оқушылары үшін ашық алаңда (мектеп ауласында) өтеді. Басқа ешқандай шаралардың өтуіне рұқсат берілмейді.
Шараға мектеп түлектерінен басқа, олардың ата-аналарының немесе қамқоршыларының бір өкілі, мектеп оқытушылары құрамынан артық дегенде 6 адам қатыса алады.
Аттестаттарды тапсыру кезінде қол алысуға тыйым салынады. Шараға қатысушылар бетперде тағып, 2 метрлік әлеуметтік қашықтықты сақтауға міндетті.
Айта кетейік, 2020-2021 оқу жылында 3,4 млн бала мектепте білім алды. Оның 264 мыңнан астамы 9-сынып түлегі, 154 мыңнан астамы 11-сынып түлегі.

Қазақстан және Қызылорда облысының жаңалықтары