<a href="https://kyzylorda-news.kz/">Kyzylorda-news.kz</a> Рамазан – жақсылық пен мейірімге толы ерекше ай. Күллі мұсылман күтетін қасиетті рамазан айы 1-29 наурыз аралығында өтеді. Ал, ораза айт мерекесі 30 наурызға тура келеді. Қасиетті Қадір түні 26-нан 27-не қараған түні өтеді. Бұл туралы бүгін «Ақмешіт-Сырдария» мешітінің бас имамы Дастан Құрманбаев айтты.&nbsp;<blockquote>– Баршаңызды мұсылмандар үшін қасиетті болып саналатын Рамазан айының келуімен құттықтаймын! Бұл айда қайырымдылық пен жанашырлық, ізеттілік пен имандылық сияқты қасиеттерді дәріптейтін ерекше кезең. Биыл Рамазан айы 1-і наурызда басталады. Ал наурыз айының 26-нан 27-не қараған түн – қасиетті Қадір түні. 30-ы наурыз – ораза айт мерекесі. Биыл Рамазан айында 29 күн ораза ұстаймыз. Сонымен қатар, Қазақстан мұсылмандары діни басқармасының Төралқа мәжілісінде биылғы пітір садақасының мөлшері 655 теңге болып белгіленді. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады. Сонымен қатар “Рамазан қоржыны”, “Мұқтаждарға 35 мың азық-түлік себет” республикалық телемарафоны, “Құран сыйла Уақып ет”, “Рамазанда бір тал ек”, “Рамазан сыйы” сынды қайырымдылық акцияларын және түрлі форматтағы іс-шаралар мен жарыстар өткізу жоспарлануда,-деді, Дастан Жанасұлы.</blockquote><img src="https://knadmin.beoblood.kz/uploads/Ramazan_bereke_men_mejirimge_toly_asietti_aj_dbef4e2dce.jpg" alt="Рамазан – береке мен мейірімге толы қасиетті ай.jpg">Фото: Freepik

Рамазан – береке мен мейірімге толы қасиетті ай 

<a href="https://kyzylorda-news.kz/">Kyzylorda-news.kz</a>&nbsp; Дін – қоғамдағы әлеуметтік-мәдени саланың бірі. Сондықтан діни сауаттылық пен діни танымды дамыту әрбіріміз үшін өте маңызды. Әсіресе &nbsp;жастардың деструктивті ағымдар жетегінде кетпеуі үшін не істеуге болады? Алдын алудың қандай алғы шарттары бар? Осы тақырып төңірегінде Қызылорда облысы дін істері басқармасы «Дін мәселелерін зерттеу орталығы» КММ-нің дінтанушы маманы Олжас Нарымбетовпен сұхбаттасқан едік.– Олжас Жақыпбекұлы,&nbsp;өзіңіз білесіз діни сауаты жоқ кез келген адам жат ағымдардың жетегінде кетіп жатыр. Мұның соңы жақсылыққа апармайды. Оны алдын алу үшін не істей аламыз?– «Иә дұрыс айтасыз. Әуелгі мәселе сауаттылықпен байланысты болған соң кез келген мектеп оқушысына әуелі әліппенің үйретілгені секілді балаларға алғашқы негізгі діни негіздер мен мағлұматтардың қысқаша болса да үйретілгені маңызды деп есептеймін. Ислам діні болсын және өзге діндер болсын жастардың ақпараттандырылуы қажет. Себебі әр саланың лайықты маманы болу үшін сол саланы шығу тарихынан және негізгі деректерінен бастап зерттеу қажет болады. Діни мәселе де сол секілді. Қоғамда адамдардың жат ағымға еріп кетпесі үшін әуелі діни ақпараттарды өзінің ақыл тұрғысынан сүзгіден өткізе алуы қажет. Дін тек әр түрлі саладан ғана қамтылмаған. Дін ол адамдардың өмір сүру салты, мәдениеті, қоғамдағы адамдардың қарым-қатынасы т.б. өмірлік қажеттіліктерді қамтып жатқан дүние. Дін – ол өте нәзік. Сол себепті діни мәселеде өте жауапкершілікпен қарау маңызды. Діни проблеманың алдын алуда осы жауапкершілікті тек дін саласының мамандарымен емес жалпы қоғам болып атқаруда.– Жат ағым өкілдерінің негізгі белгілері қандай?– Жат ағым өкілдерінің бірнеше белгілері бар. Әуелі сыртқы бейнесінен, яғни киім кию үлгісі және түр сипатынан аңғаруға болады. Ер азаматтардың ұзын сақалды және шолақ балақты болуы. Әйел азаматшалардың толықтай қара жамылып киінуі секілді сипаттарынан білеміз. Екіншіден, қоғамда тек өздерін ғана ақиқат жолындамыз деп есептейді. Басқаларға адасқандар деп үкім шығарады. Қоғамдағы дінбасыларға және имамдарға бағынбайды. Оларды да адасқан және білімсіз деп санайды. Еліміздің дәстүрлі сенімі мен мәзһабтарды жоққа шығарады. Адамдарды «тура жолдағылар» мен «адасқандар» деп екі топқа бөліп қарастырады. Ұлттық құндылықтарымызды, жалпыға тән салт-дәстүрлерді мойындамайды. Зайырлы тұрғыдағы мерекелер мен шараларды тойлаудан бас тартады. Мемлекетіміздің заңдарын, басқару құрылымдары мен билік органдарын мойындамайды, бағынбайды. Азаматтық міндет болып саналатын әскерге бару немесе вакцина қабылдаудан &nbsp;бас тартады. Ең көп көзге түсетін белгілердің бірі де қоғамдағы әйелдердің құқығын таптауы. Оларға құдды бір бұйым немесе пайдаланатын зат секілді қарауы. Некелесіп, ұзақ уақыт өтпестен ажырасып абыройына нұқсан келтіру сияқты себептерін айтсақ болады. Соңғы уақыттарда жат ағым өкілдерінің белгілері жаңаша сипатқа ие боп жатқандығы байқалуда. Оған мысал ретінде әлеуметтік желілерде психологиялық дайындықтарын қолдана отырып адамдарды адастыруын айтуға болады.– Таңғалдыратыны деструктивті діни ағым ұстанушылары көзі ашық, оқыған адамдарды да өздеріне ілестіріп, топтарына қосып алады. Мұның сыры неде? Арбау сәтінде олар неге мән береді?– &nbsp;«Ол рас. Тіпті діни сауаты бар адамдардың да жат ағымға кетіп жатқандары жоқ емес. Олардың қатарында жоғары ғылыми дәрежесі бар немесе бұрын мемлекеттік құзырлы органдарда лауазымды қызмет атқарған азаматтар да жетерлік. Жалпы білімге, ғылымға құштар адамның әділдік пен тұрақтылық ұстанымының жоғары болатыны мәлім. Осы сипатқа ие адамның жат ағымның идеологиясына алдануы және сол сенімін салыстырмалы түрде барлығынан «дұрыс» деп есептеуі жат ағым арбаушыларының басты мақсаты десек болады. Шенді әскери адамның адасқан сәттегі өзгеруін мысал ретінде келтірсек болады. Яғни, әсери адам жат ағымның құрығына түскен күннен бастап нағыз «қарулы джихад» жолында өз жанын құрбан ете алатын, қару-жарақтың сырын толықтай түсінетін таптырмас соғыс құралына айналары сөзсіз. Бұның себебі де арбаушының психологиялық тұрғыдан дайындығының көрсеткіші. Ғылым жолында тер төгіп, еңбек етіп, түрлі кітаптар жазып, көпшіліктің алдында өзінің насихатын жүргізіп жүрген бір ғалымның осыншама еңбегі еленбей қалса, оның қоғамға деген өкпе-реніші жат ағым өкілдерінің назарына ілінетін қайталанбас мүмкіндік десек болады. Себебі қоғамда еленбей қалған ғалым жат діни ағымның құрығына түскен сәтте нағыз дайын радикалды уағызшыға айналары сөзсіз. Радикалдардың көздеген мақсаты да осы. Олар үшін қарапайым халыққа қарағанда, қоғамда беделді орны бар азаматты құрығына түсіру пайдалы қазба тапқанмен тең. Сауатсыз мың адамды тартқаннан, сауатты да білімді бір адамды арбауы сауаптырақ іспетті. Себебі радикалды ғалым сол сауатсыз мыңдаған адамды өз идеологиясына тартып насихаттай алатын бірден-бір адам. Бұл деген олардың миссиясының айқын жеңісі секілді.&nbsp;&nbsp; – &nbsp;Діни білім алуға ұмтылған жастарға не айтасыз?– Қазіргі кезде жастардың дінге қызығушылығының артуы қуантарлық жағдай. Дегенмен әр жақсы көрінген нәрсенің жанында жаман нәрсенің де тепе-тең жүретіні ақиқат. Егер дінді радикалдар емес, тек қана сенімді дін мамандары насихаттайтын болса діни проблема мен адасушылық мүлде болмаушы еді...Діни білім алғысы келетін немесе дін маманы болғысы келетін жастарға айтқым келетіні, қазақта керемет айтылған дүние бар «тауық сойса да, қасапшы сойсын»-деген. Дінді үйренерде ең алдымен діни мағлұматтарды білікті маманынан алыңыз. Өмірлік бағыт-бағдар беретін сенімді имам немесе ұстазыңыз болсын. Соңғы кездерде шет мемлекеттерде білім алғысы келетін жастардың қатары көбеюде. Діни білім алуға ниеттеніп шетел асып жатқан жастар да аз емес. Жалпы кез келген саланың лайықты маманы болу үшін шет елдерде өз тәжірибесін арттыру жақсы мүмкіндік. Десек те, «әр елдің салты басқа, иті қара қасқа» демекші өзге елдің ішіндегі діни тұрақтылық пен ұстану ережелері өзге бір елдің ұстанымына, дәстүріне сәйкес келе бермейтінін ұмытпаған жөн. Дінге қызығып жүрген жастарға айтарым, ең әуелі қазақтың әдебиеті мен тарихын, ондағы діннің орны және сал-дәстүрмен сабақтастығын жақсылап зерттеңіз. Себебі, жат ағымдарға ілесіп кетудегі себептердің бірі де ұлттық салт-дәстүр мен тарихты ұмыту. Елімізде діни білім алатын оқу орындары жоқ десеңіз қателесесіз. Өз кезегінде шетелде діни білім алғысы келетін жастарға діннің негіздері мен қағидаттарын әуелі еліміздегі отандық діни білім беру орындарында үйренгені абзал. Келесі кезекте сол алған діни білімін шыңдау мақсатында шет елдердегі мемлекеттік университеттерде жалғастыруға кеңес берер едім.– Мазмұнды сұхбатыңызға рахмет!Сұхбаттасқан:Балауса Қасымханқызы,журналист

Жат ағым жарылқамайды 

<a href="https://kyzylorda-news.kz/">Kyzylorda-news.kz</a> 2023 жылғы 3 наурыздан бастап Қазақстанда азаматтарға ресми түрде өздерін банкрот деп тану мүмкіндігін беретін «Қазақстан Республикасы азаматтарының төлем қабілеттілігін қалпына келтіру және банкроттығы туралы»&nbsp;Қазақстан Республикасының Заңы&nbsp;қолданылады. Аталған заң азаматтарға борыш жүктемесін төмендетуге мүмкіндік беріп, олардың төлем қабілеттілігі мәселесін реттеудегі маңызды қадам болды.&nbsp;Заңнамаға қандай өзгерістер енгізілгені, банкроттық рәсімі қалай өтіп жатқаны және азаматтарға нелерді білу маңызды екені жөнінде &nbsp;Fingramota.kz-ке &nbsp;Қазақстан Республикасы Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасының басшысы Меруерт Сисембаева айтып берді. Заңда банкроттықтың қандай түрлері қарастырылған және оған қандай өзгерістер енгізілді?Азаматтардың банкроттығы туралы заң үш негізгі рәсімді көздейді: соттан тыс банкроттық, сот банкроттығы және төлем қабілеттілігін қалпына келтіру.Соттан тыс банкроттық, егер борыш сомасы 1600 АЕК-тен аспаса (2025 жылы — 6,3 млн теңге) қолданылады.Егер бұрын қарыз алушы-жеке тұлға банктер, микроқаржы ұйымдары және коллекторлық агенттіктер алдында берешегі болған кезінде банкроттық рәсімін қарастыра алған болса, бүгінгі күні бұл процесс айтарлықтай жеңілдетілген.&nbsp;Ендігі жерде азаматтар тек банктер мен микроқаржы ұйымдары алдындағы қарыздары бойынша ғана емес, сондай-ақ бүгінгі күнге &nbsp;қаржы ұйымдары болып табылмайтын, алайда банктік қарыздар мен микроқаржы ұйымдарынан алынған қарыздар бойынша талап қоюға құқығы бар мекемелер алдындағы қарыздары бойынша өтініш бере алады. Өтінішті ХҚО, eGov порталы немесе e-Salyq Azamat мобильдік қосымшасы арқылы беруге болады.Басты жаңалық «Qoldau» платформасында «Tazalau» автоматтандырылған жүйесін енгізу болды. Бұл жүйе өтініш берушінің өлшемшарттарға сәйкестігін адамның қатысуынсыз тексеруге мүмкіндік береді.Соттан тыс банкроттық кезінде не өзгерді?&nbsp;&nbsp;&nbsp;• &nbsp; енді қарызды өтеу әрекеттері туралы құжаттарды ұсыну талап етілмейді, себебі барлық ақпарат кредиттік бюролардың базасынан автоматты түрде жүктеледі;&nbsp;&nbsp;• &nbsp; 1 АЕК-тен аз төлемдер енді қарызды өтеу ретінде есепке алынбайды (яғни, азғантай сомалар үшін рәсімді қолданудан бас тартылмайды);&nbsp;&nbsp;• &nbsp; соттан тыс банкроттыққа жататын кредиторлардың тізбесі кеңейтілді (таратылған және тізілімнен шығарылған ұйымдар енгізілген).&nbsp;Заң күшіне енген сәттен бастап соттан тыс банкроттықты 21 000-нан астам азамат пайдаланды, 50,4 млрд теңге сомаға&nbsp;қарыздар есептен шығарылды.Сот банкроттығы кезінде не өзгерді?&nbsp;Сот банкроттығын азаматтар 1600&nbsp;АЕК-тен астам (2025 жылы – 6,3 млн теңге) борышы болған кезде қолдана алады.Меруерт Сисембаева сот банкроттығы рәсімі, егер ол кепілде болмаса және сот пен қаржы басқарушысының қатысуын талап етсе, жалғыз баспанасын қоспағанда, борышкердің мүлкін сатуды қамтитынын еске салды.Қаржылық басқарушы борышкердің активтерін бағалайды және егер оның мүлкі болса, оны борышты өтеу есебінен сатуға болады. Алайда, егер ол кепіл болмаса, борышкердің&nbsp;жалғыз&nbsp;баспанасы&nbsp;алынбайды.Мыналар қаржылық басқарушылар бола алады:&nbsp;&nbsp;• &nbsp; заңды тұлғалардың банкроттық әкімшілері,&nbsp;&nbsp;• &nbsp; аудиторлар,&nbsp;&nbsp;• &nbsp;&nbsp;кәсіби&nbsp;бухгалтерлер,&nbsp;&nbsp;• &nbsp;&nbsp;заңгерлер.Қаржылық басқарушының қызметтері ақылы. 2025 жылы олардың құны айына 85&nbsp;000 теңгені құрайды. Алайда, мүлкі жоқ халықтың әлеуметтік осал топтары үшін қызметтер тегін&nbsp;көрсетіледі.Бұл рәсім 6 айға созылады, содан кейін борышкердің міндеттемелерінің күші жойылады. Алайда, маңызды шектеу бар: банкроттықтан кейінгі 3 жыл ішінде борышкер қаржылық мониторинг аясында болады.Бүгінгі&nbsp;күні сот тәртібімен 120 азамат банкрот деп танылды, ал есептен шығарылған сома 65,1&nbsp;млрд теңгені құрады.Кредиторлар&nbsp;борышкердің&nbsp;банкроттығына өз бетінше өтініш бере ала ма?&nbsp;Жоқ, банкроттық рәсімін азаматтың өзі ғана бастай алады. Кредиторлардың немесе басқа үшінші тұлғалардың мұндай құқығы жоқ. Бұл норма қарыз алушыларды мәжбүрлі банкроттықтан қорғауға бағытталған.Банкроттық&nbsp;қарыз алушының&nbsp;кредиттік&nbsp;тарихына&nbsp;әсер ете ме?&nbsp;Иә, банкрот деп танылғаннан кейін азамат 5 жыл ішінде кредит ала алмайды (ломбардтағы қарыздарды қоспағанда). Сонымен қатар, әр банктің өзінің кредиттік саясаты бар, осыған байланысты 5 жылдық мерзім өткеннен кейін де банк қарыз беруден бас тарта алады.Банкроттық рәсімінен өткен азаматтар үшін қандай шектеулер қолданылады?&nbsp;1) 5 жылға кредиттер алуға тыйым салынады (ломбардтардағы шағын қарыздарды қоспағанда).2) қайта банкроттық 7 жылдан кейін ғана мүмкін болады.3) банкроттықтан кейін 3 жыл бойы қаржылық мониторинг жүргізіледі (жылжымалы және жылжымайтын мүлікті тіркеу фактісі тексеріледі). &nbsp;Банкроттыққа балама бар ма? &nbsp; Егер борышкердің кірісі немесе мүлкі болса, ол төлем қабілеттілігін қалпына келтіру рәсімін пайдалана алады. Бұл оған 5 жылға дейін бөліп төлеуге және банкроттықтың салдарын болдырмауға мүмкіндік береді. Бұл рәсімнің тетігі мынадай: сот қаржы басқарушысымен бірлесіп әзірленетін берешекті өтеу кестесін бекітеді және бұдан әрі азамат төлемді осы кесте бойынша уақтылы енгізуі қажет.Бұл опция ыңғайлы, себебі адам банкрот мәртебесін алмайды және кредиттік тарихы бұзылмайды.&nbsp;Жақын арада заңда қандай жаңа өзгерістер күтілуде?2025 жылы:&nbsp;&nbsp;• &nbsp; 2025 жылғы 1 қаңтарға дейін берілген кредиттер үшін борышты реттеу туралы талапты алып тастау;&nbsp;&nbsp;&nbsp;• &nbsp; барлық кредит берушілерді борыштарды есептен шығару туралы есеп беруге міндеттеу (қазіргі уақытта кейбір ұйымдар борышкерлердің құқықтарына нұқсан келтіре отырып, мұны жасамай отыр);&nbsp;&nbsp;• &nbsp; борышкерге себебін көрсетпей, өз қалауы бойынша соттан тыс банкроттық рәсімін тоқтату құқығын беру жоспарлануда.Банкроттыққа өтініш бермес бұрын азаматтар нені білуі керек?&nbsp;Банкроттық туралы шешім қабылдамас бұрын, азаматтар барлық салдарды ескеруі керек:&nbsp;&nbsp;• &nbsp; 5 жылға кредит алуға тыйым салынады.&nbsp;&nbsp;• &nbsp; 3 жыл бойы қаржылық жағдай мониторингтен өтеді.&nbsp;&nbsp;• &nbsp; қайта банкроттық тек 7 жылдан кейін мүмкін болады.Қосымша ақпаратты қайдан алуға болады?&nbsp;Толық консультацияны:&nbsp;&nbsp;• &nbsp; 1414 байланыс орталығында (қосымша 3-ті теру керек),&nbsp;&nbsp;• https://t.me/SalyqBot Telegram чатында,&nbsp;&nbsp;• &nbsp; ҚР Қаржы министрлігі мен Мемлекеттік кірістер комитетінің ресми сайттарында алуға болады. Қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Қазақстанда азаматтардың банкроттығы: ол қалай жұмыс істейді және қандай жаңалықтар енгізілді?

<a href="https://kyzylorda-news.kz/">Kyzylorda-news.kz</a> Қазақстан Респбликасы Индустрия және инфрақұрылымдық даму министірлігінің 2023 жылғы 5 шілдедегі №492 бұйрығына сәйкес, көктемгі кезеңде жол төсемі бөлігінің бұзылуын&nbsp; болдырмау мақсатында жалпы пайдаланымдағы республикалық маңызы бар KAZ06 «Қарабұтақ-Қызылорда-Шымкент» автожолының 1240-2055,5 шақырым аралығы, KAZ14 «Қызылорда-Жезқазған» автожолының 12-24 шақырымы аралығына 2025 жылдың 1 наурызы мен 1 сәуірі аралығында уақытша әрбір оське түсетін жүктемесі 8 тоннадан артық автокөлік құралдарының қозғалысына уақытша шектеу еңгізіледі.Халықаралық келісімдерге сәйкес жүктердің және жолаушылардың халықаралықтасымалдарын жүзеге асыратын, төтенше жағдайлар мен олардың салдарын алдын алу және оларды жоюжөніндегі іс-шараларды жүзеге асыратын, зардап шеккендерге гуманитарлық көмек көрсетуді жүзеге асыратын, азық-түліктерді тасымалдауды жүзеге асыратын, жолаушылар мен багаж тасымалын жүзеге асыратын, &nbsp;дәрі-дәрмектерді тасымалдауды жүзеге асыратын, мердігер ұйымдарға реконструкциялау жұмыстарын жүргізу үшін берілген учаскелердегі жол-құрылыс жұмыстарын жүзеге асыратын, қарулы күштер, басқа да әскерлер мен әскери құралымдарды, сондай-ақ әскери тасымалдауларды жүзеге асыратын автокөлік құралдарына шектеулер қолданылмайды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «КАЖсервис» ЖШС,«ҚазАвтоЖол» ҰК» АқҚызылорда облыстық филиалдарыФото: Нұрболат Нұржаубай

Жолдарға уақытша шектеу қойылды

<a href="https://kyzylorda-news.kz/">Kyzylorda-news.kz</a> Алматы облысының полиция департаменті кәмелетке толмаған баланы өлтіру фактісі бойынша қылмысты тергеу аяқталғанын хабарлады.&nbsp;Тараптар қылмыстық іс материалдарымен толық танысып, іс сотқа жіберу үшін прокурорға жолданған. Бұл туралы <a href="https://kaz.inform.kz/news/62-tom-zhinalgan-sherzat-sne-katisti-kilmisti-tergeu-ayaktaldi-dc9749/">kaz.inform.kz</a> мәлімдеді.&nbsp;Полиция мәліметінше, тергеу барысында 40 сот сараптамасы жүргізіліп, шамамен 200 куәгерден жауап алынған. Барлық күдіктінің оқиға орнында айтқан жауаптары тексерілді, процесс қатысушылары арасында беттестірулер өткізілді.<blockquote>– Қылмысқа қатысушылардың барлығына құқықтық баға бере отырып, 8 бейнематериал зерттелді. Қылмыстық іс 62 томнан тұрады, оның ішінде барлық жиналған дәлелдеме, сараптама қорытындысы, жауап алу хаттамасы және басқа да маңызды материалдар бар, - деп хабарлады департаменттен.&nbsp;</blockquote>Облыстық полиция тергеудің барысы және процесс қатысушыларының конституциялық құқықтарының сақталуы прокуратура органдарының бақылауында болғанын атап өтті.Фото: Нұрболат Нұржаубай

62 том жиналған: Шерзат ісіне қатысты қылмысты тергеу аяқталды   

<a href="https://kyzylorda-news.kz/">Kyzylorda-news.kz</a> Кеше «Азаматтарға арналған үкімет» Мемлекеттік корпорациясы» коммерциялық емес Акционерлік қоғамы алаңында «AMANAT» партиясы Қызылорда облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңестің көшпелі отырысы өтті. Кеңес мүшелері алдымен орталықта халыққа көрсетілетін мемлекеттік қызметтің қол жетімділігі мен тиімділігіне мониторинг жасап, жұмысымен танысты. Мұнан соң бас қосып, орталықтағы мемлекеттік қызметтер көрсету кезінде сыбайлас жемқорлық тәуекелдерін болдырмау бағытында атқарылған жұмыстарды талқылады. Кеңес құрамына өзгеріс енгізіп, Кеңес төрағасының орынбасарын сайлады.Азаматтарға арналған үкімет – мемлекеттiк қызмет көрсету саласында қызметтердi «бiр терезе» қағидаты бойынша жүзеге асыратын Қазақстан Республикасындағы бiрегей ұйым. Бұл жерде ең бастысы мемлекет қызметінің халыққа қол жетімділігі ғана емес, оның тиімді және ашық болуы маңызды. Осы орайда «Азаматтарға арналған үкімет» мемлекеттік корпорациясы» коммерциялық емес Акционерлік қоғамының Қызылорда облысы бойынша филиалы директоры Аида Әбибуллаева хабарлама жасап, халыққа жасалып жатқан жағдайлар мен сыбайластықтың алдын алуда атқарылған жұмыстарды баяндады.Корпорация барлық мемлекеттік қызметтерді ҚР Үкіметінің қаулыларымен бекітілген қағидаларға сәйкес көрсетеді. Қағидаларда қызмет көрсету тәртібі, орындалу мерзімі, алым сомасы, күту уақыты мен қабылдау уақыттары, қажетті құжаттар тізбесі және т.б. талаптар белгіленген. 9 бағыт бойынша 1300-ге жуық мемлекеттік қызмет түрлерін көрсетеді. Сыбайлас жемқорлықтық алдын алу мақсатында 11 бағыт бойынша жұмыс жасалуда. Соның бірі өткен жылдың қыркүйек айында іске қосылған «Жасыл дәліз» жобасы. Өткен жылы жоба аясында 451 қызмет көрсетілген.<blockquote>«Бұл жоба сыбайлас жемқорлық тәуекелдерін алдын-алу, сыбайлас жемқорлыққа қарсы мәдениетті қалыптастыру және тұрғындарға көрсетілетін қызметтер сервисін жетілдіруге ықпал етіп отыр»,- деді Аида Әбибуллаева.</blockquote><blockquote>«Өздеріңіз білесіздер әрбір қызметтің заңды бекітілген мерзімі бар. Мәселен, бір азамат жылжымайтын мүлікті тіркеу, техникалық паспорт сызу секілді т,б қызметтерді заңды белгіленген мерзімнен жылдам алу үшін орталық қызметкерлеріне ақша ұсынып, сыбайластық әрекеттеріне әкелуі мүмкін. Осындай фактілердің алдын алу үшін осы жоба арқылы біз оңай, әрі жылдам мүмкіндікті ұйымдастырып отырмыз. Яғни, жылжымайтын мүлікті тіркеу 3 жұмыс күні орындалуға тиіс болса, оны 2 сағатта жүргізуге, Техникалық паспорт сызу 3 және 7 жұмыс күнінде орындалу керек болса, 7-12 сағат аралығында, Жер учаскесіне сәйкестендіру құжатын дайындау және беру 4 жұмысы күні болса, оны 5 сағатта орындау секілді жұмыстарды жүзеге асырып отырмыз. Пилоттық жобамыз қазір өз нәтижесін беруде дейді ол.</blockquote>Кеңестің көшпелі отырысына арнайы қатысқан облыстық мәслихат төрағасы Мұрат Тлеумбетов, партияның облыстық филиалының төрағасы Алмасбек Есмахановтар халыққа көрсетілетін қызмет пен сыбайластықтың алдын алу бағытында атқарылған жұмыстар бойынша өз пікірлерін білдіріп, ұсыныстарын айтты.<blockquote>«Бұл орталық халықтың күнделікті және түрлі сұрақтары бойынша келетін орны. Халық мекеме жағалап жүрмей мемлекеттік қызметті ең бірінші кезекте осы жерден алады. Орталық органдармен тікелей байланыс орнатып, сұраныстарын да шұғыл алуға мүмкіндігі бар. Жаңа мекеменің халыққа көрсететін қызметінің бірқатарымен таныстық. Баяндама барысында да көп ақпарат алынды. Қазір технологияның озық үлгілері қолданыста. Сондықтан бұл салада жемқорлық немесе сыбайластық фактілері болмауы қажет және орын алмайды деген ойдамыз»,- деді өз сөзінде Алмасбек Есмаханов.</blockquote>Жиын барысында сонымен қатар Кеңес құрамынан басқа қалаға қызмет ауыстыруына байланысты Қазақстан Республикасындағы Адам құқықтары жөнінде уәкілдің Қызылорда облысы бойынша өкілі қызметін атқарған Шәріпбаев Дәурен Сақтапбергенұлы шығарылып, орнына осы қызметке келген Байхожаев Берікбол Ұзақұлы сайланды.Атап өтейік, кеңестің көшпелі отырысына облыстық мәслихаттағы «AMANAT» партиясы депутаттық фракциясының мүшелері, жергілікті атқарушы органдар мен құқық қорғау органдары басшылары мен өкілдері де қатысты.&nbsp;

Мемлекеттік қызметтер көрсету кезінде сыбайлас жемқорлық тәуекелдерін болдырмау мәселесі талқыланды

<a href="https://kyzylorda-news.kz/">Kyzylorda-news.kz</a> Наурыз айындағы мерекелер тек табиғаттың жаңаруы мен көктемнің келуін атап өтумен шектелмейді. Бұл мерекелер халық арасында достықты, сыйластықты және бірлікті нығайтуға, еліміздің мәдени мұрасын сақтауға бағытталған. Наурыз айында өткізілетін әрбір мереке өзінше маңызды және терең мағынаға ие. Ал бұл мерекелерді өңірде кең көлемде атап өту мақсатында түрлі іс-шаралар жоспары бекітілді. Бұл туралы облыс әкімінің орынбасары Шахмардан Байманов брифингте баяндады.Көктемнің алғашқы мерекесі Алғыс айту күні - биыл Қазақстан халқы Ассамблеясының құрылғанына 30 жыл толуымен қатар келіп отыр.<blockquote>- «Бірлік пен ынтымақтастыққа 30 жыл» айдарымен біз қазақылықтың қаймағы бұзылмаған Сыр өңірінің мызғымас бірлігі мен әрбір азаматтың Отанға деген мәңгілік сүйіспеншілігін одан әрі ұлықтауымыз қажет. Мерекелік іс-шаралар 25 ақпан – 2 наурыз аралығында ұйымдастырылады. Апта көлемінде облыс бойынша 200-ге жуық кешенді іс-шаралар облыс орталығымен қатар, аудандарда және барлық елді мекендерде өткізіледі. Негізгі іс-шаралар 1 наурыз күні Достық үйінде Қазақстан халқы Ассамблеясының 30 жылдығына арналған тақтаның ашылу салтанатынан бастау алады. Одан әрі аймақ басшысының қатысуымен салатанатты іс-шара, гүл шоқтарын қою рәсімі, «Қайырымдылық қоржыны» акциясы ұйымдастырылады, - деді облыс әкімінің орынбасары.</blockquote>8-наурыз Халықаралық әйелдер күнін мерекелеудің қалыптасқан дәстүрі аясында облыс көлемінде 173 іс-шара өткізілмек. Жұмысшы мамандықтарға басымдық беріле отырып, барлығы 50-ге жуық нәзік жандар қатысатын аймақ басшысының мерекелік қабылдауы 7 наурызға белгіленген.Былтырдан бері елімізде «Наурыз мейрамын атап өтудің тұжырымдамасы» қабылданған. Соған сәйкес Наурызнама онкүндігі 14-23 наурыз аралығында өтеді.<blockquote>- Биыл да Наурызнама онкүдігінде әр күнге арнайы тақырыптар бекітілді. Осы бағытта облыс көлемінде 103 іс-шара жоспарланса, оның 38-і облыстық деңгейде өткізіледі. 14 наурыз – «Көрісу күні - Амал мерекесі» атап өтуден «Наурыз» мейрамын тойлау бастау алады. 15 наурыз – «Қайырымдылық күні», 16 наурыз – «Мәдениет және ұлттық салт-дәстүр күні», 17 наурыз – «Шаңырақ күні», 18 наурыз – «Ұлттық киім күні», 19 наурыз – «Жаңару күні», 20 наурыз – «Ұлттық спорт күні», 21 наурыз – «Ынтымақ күні», 22 наурыз – «Жыл басы», 23 наурыз – «Тазару күні» наурызнаманың қорытынды күні жалпыұлттық экологиялық акция ұйымдастырылып, «Тазалық эстафетасы» басталады, - деді облыс әкімінің орынбасары.</blockquote><img src="https://knadmin.beoblood.kz/uploads/Nauryz_601c612cfa.jpg" alt="Наурыз.jpg">Фото: Нұрболат Нұржаубай&nbsp;

Наурыз айындағы мерекелер Қызылордада қалай тойланады?

<a href="https://kyzylorda-news.kz/">Kyzylorda-news.kz</a> Қармақшы ауданы прокурорының бастамасымен жергілікті атқарушы және уәкілетті органдар өкілдерінің кәсіпкерлермен бірлескен кездесу өтті.Жиынға аудан әкімінің орынбасары Шыңғыс Сыдықов, аудан прокуроры Мейрамбек Маханбетжанов және арнайы іссапармен келген Қызылорда облысы бойынша Мемлекеттік кірістер департаментінің өкілдері қатысты.&nbsp;Кездесуде аудан прокуроры кәсіпкерлердің құқықтарын қорғау, заңдылықты сақтау және бизнестің дамуына қолайлы жағдай жасау қажеттігін атап өтті. Одан кейін &nbsp;түсіндіру жұмысы және байланыс орталығы басқармасының басшысы Гүлсара Қарымсақова жеке балабақшаларға қатысты салық заңдылықтарын, мүлік салығын есептеу, кәсіпкерлік мақсатқа ауыстыру, қайта бағалау жұмыстары және бөлшек салықтың арнаулы салық режиміне көшу мәселелерін түсіндірді.Өндірістік емес төлемдер басқармасының басшысы Гүлжамал Шортанбаева жергілікті бюджетті толықтыру мақсатындағы мүлік және көлік салығының есептелуі, ауылшаруашылығы өнімін өндірушілер мен шаруа қожалықтарына қатысты салық заңнамасындағы өзгерістер туралы баяндады. Сонымен қатар, Мемлекеттік қызмет көрсету басқармасының басшысы Мария Ысқақова бақылау-касса машиналарын тіркеу, чек беру тәртібі, салық есептілігін тапсыру және салық мәдениетін арттыру бойынша түсіндіру жұмыстарын жүргізді.Кездесу барысында кәсіпкерлер өздерін толғандырған сұрақтарын қойып, сала мамандарынан нақты жауаптар алды.Фото: Қармақшы ауданының әкімдігі

Кәсіпкерлермен бірлескен кездесу өтті

<a href="https://kyzylorda-news.kz/">Kyzylorda-news.kz</a> Облыс әкімінің міндетін атқарушы Данияр Еренғалиұлы өткізген мәжілісінен кейін, Шиелі ауданының әкімі Айтбай Жандарбеков салық мәселелері мен аудан тазалығы туралы арнайы мәжіліс өткізді.Салық мәселесі бойынша аудан басшысы тұрғындарға салық төлеу мәдениетін арттыру қажеттілігіне назар аударды. Әсіресе, заңды тұлғалар мен жеке кәсіпкерлердің салық міндеттемелерін уақытында орындауы маңызды екенін атап өтті. Бұл өз кезегінде аудан бюджетінің қалыптасуына және қоғамдық қызметтердің сапасын арттыруға үлес қосады.Сонымен қатар, аудан тазалығы мәселесі де басты назарда болды. Аудан әкімі мекеме басшылары мен жауапты тұлғаларға қысқы кезеңде қардан тазарту, көше бойындағы қоқыстарды жинау және қоғамдық орындарды таза ұстау бойынша нақты тапсырмалар берді. Тазалық тек мемлекеттік органдардың ғана емес, әрбір тұрғынның да ортақ міндеті екені айтылды.Фото: Шиелі ауданы әкімдігінің баспасөз қызметі

Салық төлеу мәселесі басты назарда

<a href="https://kyzylorda-news.kz/">Kyzylorda-news.kz</a>&nbsp; Арал ауданының әкімі Аманжол Оңғарбаев Аралқұм ауылдық округінде болып, ауыл халқымен жүздесті. Аудан басшысы сапарын жаңадан салынған «Айым-Анам» жеке бөбекжай-бақшасынан бастады. 40 орындық балабақшаны аралап, оның материалдық-техникалық базасымен танысты. Нысан бүлдіршіндерді қабылдауға толық дайын.Мұнан соң, № 61 орта мектебінде тұрғындармен кездесіп, аудандағы оң өзгерістер мен ауқымды жобалардан құлағдар етіп, алдағы жоспарлармен бөлісті.&nbsp;<blockquote>«2024 жылы барлық салада өсім болды. Аудан көлемінде бірқатар ірі жобалар жүзеге асып, тыныдырымды істер атқарылды. Биылғы жылдың басты жаңалығы – Қамыстыбас елді мекенінде автоматты газ тарату стансасының құрылысы басталды. Бұл нысан іске қосылған соң, 18 елді мекендегі 15 мыңға жуық тұрғын көгілдір отынға қол жеткізбек. Жол жөндеу жұмыстары да өз кезегімен жүзеге асуда. «Шөміш-Аралқұм» автожолының құрылысы аяқталуға жақын. Жолдың игілігін көрер күн алыс емес. Дәл осындай бірнеше ауыл арасын байланыстыратын жол жөндеу жобалары да кезең-кезеңімен жүзеге асуда. Әлеуметтік салада да елеулі жетістіктерге қол жеткіздік. Арал қаласы, Тоқабай және Ақшатау ауылдарында жаңа мектептер пайдалануға берілді. Мергенсай ауылдық округінде 2,3 млрд теңгеге жаңа мектеп салу үшін қаржы бөлінді. Сондай-ақ, Сапақ елді мекенінде де жаңа білім ордасын салу жоспарда бар. Мұнымен қоса, биыл орталық аурухана жанынан нейро-инсульт, кардиология бөлімшелеріне арналған жапсаржай салынбақ. Жұқпалы аурулар бөлімшесінің жаңа ғимаратының құрылысы да бастау алды. Медицина саласының тағы бір үлкен жаңалығы – аудан орталығында тәулігіне 250 келушіні қабылдайтын жаңа емхананың құрылысы басталады деп күтілуде. Бұдан бөлек, Мемлекет басшысының 2026 жылға дейін халықты таза ауыз сумен қамтамасыз ету тапсырмасынана сәйкес, Ақбасты, Тоқабай, Абай елді мекендеріне ауыз су құбырын тарту жұмыстары жалғасса, Ерімбетжаға, Тастүбек ауылдарында биыл жүзеге асады. Ал, Атанши ауылдық округіне «Fredoom» банкі тарапынан құм көшкінін тоқтату, елді мекенді көгалдандыру, электр энергиясын өндіру, ауыз су тарту жұмыстарын жүргізуге қолдау көрсетілетін болады»-деді, Аманжол Сақыпұлы.&nbsp;</blockquote>Аралқұм тұрғындары аудан әкіміне түнгі жарықтандыру, электр желілерін жаңарту және құм көшкінінің алдын алу мәселелерін көтерді. Аудан басшысы өз кезегінде бұл жұмыстардың жоспарға енгізілгенін, электр желілерін жаңартуға өтінім берілгенін және түнгі жарықтандыру биыл жүзеге асатынын айтты. Құм көшкінін тоқтатуға арналға ірі жобалар бар екенін, алдағы уақытта халықаралық қорлар арқылы шешім қарастырылатынын жеткізді. Кездесу соңында ардагерлер мен ауыл азаматтары марапатталып, ақсақалдар бата берді.Мұнан соң, аудан басшысы ауыл тұрғындарын жеке мәселелері бойынша қабылдап, жауапты сала басшыларына азаматтардың өтінішін аяқсыз қалдырмай, заң аясында шешуде мүмкіндіктерді қарастыруды міндеттеді.Фото: Арал ауданының әкімдігі<img src="https://knadmin.beoblood.kz/uploads/Aral_audany_kimi_93a5f0251d.jpg" alt="Арал ауданы әкімі.jpg">

Арал: Аудан әкімі аралқұмдық тұрғындармен кездесті

<a href="https://kyzylorda-news.kz/">Kyzylorda-news.kz</a>№19 Арал ауданының олимпиадалық резервтің мамандандырылған балалар – жасөспірімдер мектебінде волейболдан 2010-2011 жылдары туылған ұлдар және 2012-2013 жылдары туылған қыздар арасында республикалық турнирдің ашылу салтанаты өтті.Спорт додасы Ұлы Жеңістің 80 жылдығы, Қазақстан «Спартак» дене тәрбиесі-спорт қоғамы Республикалық қоғамдық бірлестігінің 90 жылдығы аясында және облысқа белгілі спортшы Асхат Ахановты еске алуға арналды.Аталмыш турнирге аудандық дене тәрбиесі, спорт және туризм бөлімінің басшысы Т.Әлжанов сөз алып, волейболшы Асхат Өмірзақұлының өмір жолына тоқталып, жарысқа қатысушы жас спортшыларға сәттілік тіледі.Мұнан соң, Қазақстан «Спартак» дене тәрбиесі-спорт қоғамы Республикалық қоғамдық бірлестігінің төрағасы Гатин Рашид белгілі спортшының жетістіктіктері өскелең ұрпақ үшін үлгі екендігін айтып, командалардың жеңіс тұғырынан көрінуіне тілектестігін білдірді.Спортшының ағасы Өрекешов Толыбай барша қонақтар мен ұйымдастырушыларға алғысын білдіріп, еліміздің түкпір-түкпірінен жиналған жас волейболшыларға сәттілік тілеп, марқұмның жақындарының атынан жылы лебізін жеткізді.Республикалық жарысқа Ақтөбе, Атырау, Батыс Қазақстан облысы, Жамбыл, Түркістан аймақтарынан және облысымыздың барлық аудандарынан командалар қатысып, бақ сынайды.Айта кетейік, еске алу турнирі 2002 жылдан бастап дәстүрлі түрде өткізіліп келеді.Фото: Арал ауданының әкімдігі

Аралда воллейболдан республикалық турнир бастау алды

<a href="https://kyzylorda-news.kz/">Kyzylorda-news.kz</a> Ашықтық пен әділдік – қазіргі күннің басты талабы. Осы бағытта мемлекеттік органдар жұмысының жүйелі, нәтижелі болуы үшін қоғамдық кеңестердің маңызын арттыруға баса мән беріліп жатыр. Өз кезегінде облыстық қоғамдық кеңесте нәтижелі жұмыстардың жүзеге асуына ықпал жасап келеді. Яғни, қоғамдық кеңесті тегеурінді тетік деп қарастырсақ болады. Тұтас қоғамның белсенділерінен құралған институттың мүмкіндігі мол. Көп істің басында жүргенін жыл бойы жасалған жұмыстарынан-ақ байқауға болады. Бұл туралы&nbsp;өңірлік коммуникациялар қызметінде&nbsp;облыстық қоғамдық кеңестің төрағасы Әріп Хожбанов баяндады.<blockquote>– Қоғамдық кеңес не істеп жатыр, немен айналысып жатыр деген сұрақтар бар.&nbsp;Бірақ біз өзіміз істеген жұмысты жарнамалау үшін емес, нәтижеге жету жолында жұмыс жасап жүрміз. Республикалық деңгейде шешілген ұсынысымызды айтайын. Бұл Бейнеу - Бозой арқылы келіп, Батыс Қытай - Батыс Еуропа жолына қосылатын жолды салу мәселесі көтерілді. Қоғамдық кеңестің белсенді мүшелері осы жұмыстарға зерделеу жұмыстарын жүргізді. Халқымыз ежелден жыршылық өнерді, жалпы жырауларды ерекше құрметтеген. Десе де, біздің облыста жыраулар үйі болмады. Қоғамдық кеңестің белсенділері “жыраулардың өз үйі болуы керек” деп осы мақсатта ұсыныс айтты. Нәтижесін көрдік, куә болдық. Сол секілді бірталай мәселелердің шешілуіне ықпал жасадық. Бұл қоғамдық кеңестің үш жыл мерзімі біздер үшін білу, тану, үйрену уақыты болды десек артық айтпағанымыз. Бір-бірімізден үйренгеніміз көп. Қоғамдық кеңесте бір ғана білімді, білікті сала мамандары ғана емес, өмір мектебінен өткен тәжірибелі мамандар қызмет жасады. Сондықтан қоғамдық кеңес мүшелеріне өз алғысымды білдіргім келеді, – деді Әріп Битілеуұлы.</blockquote>Қызылорда облысының қоғамдық кеңесі – азаматтық қоғам мен мемлекеттік органдар арасындағы диалогты дамытуға бағытталған консультативтік-кеңесші орган. Қоғамдық кеңес өңірдің әлеуметтік-экономикалық дамуына қатысты маңызды мәселелерді талқылап, жергілікті билікке ұсыныстар береді.&nbsp;Осы тұрғыда&nbsp;облыстық қоғамдық кеңестің мүшесі Болат Нұрхожаев өз пікірімен бөлісті.<blockquote>– Қоғамдық кеңес – бұл билік пен халық арасындағы маңызды байланыс құралы.&nbsp;Оның негізгі мақсаты – қоғамның мүддесін қорғап, тұрғындардың өмір сүру сапасын арттыруға ықпал жасау. Облысымызда түрлі бағыттар бойынша маңызды жобалар жүзеге асырылуда, бірақ кейбір мәселелер әлі де шешімін күтуде. Халықтың пікірін ескере отырып, әділдік пен ашықтық қағидаттарына сүйене отырып жұмыс істеу – біздің басты міндетіміз. Қоғамдық кеңес мүшесінің басты міндеті – тұрғындардың өтініштерін қарау және олардың мәселелерін шешуге атсалысу. Кеңес мүшелері азаматтармен тығыз байланыста жұмыс істеп, өңірдегі маңызды мәселелерге бей-жай қарамайды. Мысалы, Кіші Арал мәселесі бойынша қоғамдық тыңдау өткізілді. Сондай-ақ, Арал ауданында кездесулер өткізіліп, бұл мәселенің шешімін табуға бағытталған қадамдар жасалды. Қоғамдық кеңестің жұмысы өз нәтижелерін көрсету үшін тиімді құралдарға ие. Оларға мониторинг жүргізу, сарапшылардың пікірін алу және қоғамдық тыңдаулар өткізу кіреді. Мұндай тәсілдер арқылы біз тұрғындардың мүддесін қорғап, олардың пікірлерін ескере отырып, қоғам игілігі үшін шешімдер қабылдаймыз, –&nbsp;деді Болат Жолтайұлы.</blockquote>Қоғамдық кеңес – билік пен қоғам арасындағы байланыстың дәнекері. Әр саланың үздіктері қордаланған мәселенің шешілу жолына үңіліп, ұсыныстарын ортаға салады. Мәселен, бір ғана ауыл шаруашылығында атқарылатын жұмыстар жетерлік. Облыстық қоғамдық кеңес мүшесі Ерұлан Өмірсеріков осы салаға ауыл азаматтары да мықтап ден қоюы керегін айтты.<blockquote>– Қаланың мәселесі ауылға байланысты. Ауылға байланысты облыс басшысының берекелі жұмыстарының ішінде, біздің де ұсыныстар ескерілгенін көріп отырмыз. Ауыл мәселесі бір күнде біте қалатын жұмыс емес. Негізінен мемлекет жұмысты алып барған. Әрі қарай жұмыс ауыл азаматтарында, сол ауылдың халқында, сол ауылдың инвесторына байланысты. Сонда ғана ауылдың тұрмыс-тіршілігі жақсарады. Ауыл мәселесі дегенде, оның арғы жағында халқымыздың рухани құндылығы жатыр. Қоғамдық кеңестің ең басты мақсаты - қоғамның сұранысын, талабын дәйекті түрде жергілікті атқарушы органдарға жеткізу.Ауылда атқарылатын мәселе әлі де көп. Соның шешілу жолына әрі қарай да қызмет жасай береміз деп ойлаймын, – деді Ерұлан Қарсыбекұлы.</blockquote>Қоғамдық кеңес – бұл билік пен қоғам арасындағы маңызды көпір болып табылады, оның басты мақсаты – халықтың мүддесін қорғап, қоғамның әлеуметтік және экономикалық жағдайын жақсартуға үлес қосу.&nbsp;Кеңес мүшелері қоғамдық мәселелерді талқылап, сарапшылардың пікірлеріне сүйеніп, нақты шешімдер ұсынады. Оның жұмысы азаматтардың белсенді қатысуымен тиімді жүзеге асырылады.<blockquote>- Бүгінгі кездесуіміздің басты мақсаты – облыстағы қоғамдық мәселелерге көз жіберіп, қоғамдық кеңестің атқарып жатқан жұмысымен таныстыру.&nbsp;Қоғамдық кеңес – бұл билік пен халық арасындағы байланысты нығайтып, қоғамның мүддесін қорғау үшін қызмет атқаратын маңызды алаң. Біз осы қоғамдық кеңес аясында әділдік, ашықтық және халықтың мүддесін ескере отырып, шешімдер қабылдауға ұмтыламыз. Әрқайсымыз үшін қоғамдық кеңестің жұмысы – тек қана міндет емес, сондай-ақ азаматтық борыш. Біз әрбір мәселені егжей-тегжейлі талқылап, тиімді шешімдер іздеп, халықтың өмір сүру сапасын жақсартуға бағытталған шараларды қабылдаймыз. Біздің жұмыстың басты мақсаты – халық пен билік арасында сенімді байланыс орнату, сол арқылы қоғамның тұрақты дамуын қамтамасыз ету, –&nbsp;деді Сәрсенкүл&nbsp;Биқожаева.</blockquote>Қызылорда облыстық қоғамдық кеңесінің әлеуметтік мәселелер жөніндегі комиссия медициналық қызмет көрсету сапасы, дәрігерлердің жетіспеушілігі, техникалық қамтылуы бойынша терең зерделеп, жұмысын жақсарту бағытында министрліктер мен облыстық денсаулық сақтау басқармасына нақты ұсынымдар беріп отырады. Осы ұсынымдар негізінде тұрғындардың бірнеше мәселесі шешімін тауып, облыстық денсаулық сақтау басқармасы нақты шаралар қабылдады.<blockquote>– Әлеуметтік комиссия жұмыс барысында денсаулық саласына үлкен бақылау жасап, министрлікке дейін өз ұсынысымызды жеткіздік.&nbsp;Мәселелер бойынша халық арасында сауалнамалар жүргізіп, мониторинг жұмыстары тұрақты атқарылып отырды. Жұмыс барысында медициналық мекемелерге сапа жүйесін орнатуды ұсындық. Себебі, әр тұрғын медицина қызметкерлерінің жұмысына, дәрі-дәрмек сапасына баға беріп отыруды жолға қойса сапа артар еді. Халық сынынан ешқашан қашпау керек, себебі орнымен айтылған сын жұмысты жетілдіруге септігін тигізеді. Сондай-ақ қоғамдық кеңестің алаңында денсаулық саласымен қатар жұмыссыздық мәселесін көтердік. Мемлекеттен берілетін гранттар мен несиелер, жалпы әлеуметтік көмектердің жүзеге асырылуын кеңінен зерттеп, өз ұсынысымызды басшыларға жеткізіп отырдық. Бүгінде өңіріміздегі қоғамдық кеңестің жұмысы өте нәтижелі, тиімді болды. Азаматтардың жанайқайын осы алаңда талқылап, мемлекеттік органдарға тұрақты жеткіздік. Міне біздің бірігіп осы алға қойған міндеттерді атқарып келе жатқанымызға да үш жыл болып қалды. Үш жыл мерзім ішінде осы жұмыстарды бірге атқарып, ұйымшылдық пен белсенділік танытып келген қоғамдық кеңес мүшелеріне алғыс білдіреміз,&nbsp;– деді Аида Ибрагимқызы.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары