Kyzylorda-news.kz. «Nur Otan» партиясының сайлауалды үгіт жұмыстары жалғасуда.
Қызылордада партия атынан ҚР Парламенті Мәжілісінің депутаттығына үміткер Бақытбек Смағұл және облыстық мәслихаттың депутаттығына үміткер Ибайдулла Тілеп, “Есіктен Есікке” акциясы аясында Қазалы ауданы, Әйтеке би кенті тұрғындары, көп балалы отбасы 13 құрсақ көтерген Батыр ана Салия Ахметова мен Әли Досхожаевтың шаңырағында болды.
Кездесуде үміткерлер партияның сайлауалды бағдарламасын насихаттап, аудан көлемінде алдағы уақытта атқарылатын жұмыстарға тоқталды.
<blockquote>
 “Партия Әйтеке би кентінде балық өнімдерінен жем шығаратын, декорлық кірпіш құрайтын, 3Д панель құрайтын, колонна құрылыс бұйымдарын шығаратын цехтардың ашылуына мұрындық болады.Қазалы қаласында кәмпит цехын, қапшық шығаратын, көкөніс өнімдерін өңдейтін, Әйтеке би кентінде ауыз су өндіру цехын, 2024 жылы нан шығаратын наубайхананы, 2025 жылы Бірлік ауылында попкорн өндіру цехын кеңейту жобаларын іске асырмақ”, – деді үміткер Ибайдулла Тілеп.
</blockquote>
Өз кезегінде ардагерлер партияның жаңа бағдарламасына ризашылықтарын білдірді.
<blockquote>
 «Қай дәуір болмасын, оның даму бағыты мен қоғамдық-саяси тұрақтылығы үстем тұруы шарт. Сонда ғана елдің береке-бірлігі артып, ішкі тыныстың демі бөгде сыртқа сезілмейді. Осы орайда халық мүддесін қорғайтын, демократиялық құндылықтарды сақтайтын берік ұстанымы бар партия қызметі қашанда қажет. Осы жолғы партия бағдарламасы да көңілге қонымды. Әрбір науқан сайын жоспарлаған бағдарламаларын жүзеге асырып, ел-халықтың сенімін ақтап келеді», – деді отағасы Әли Досхожаев.
</blockquote>
Үміткерлер тұрғындардың сұрақтарына жауап беріп, 10 қаңтарда өтетін сайлауға шақырды және «Nur Otan» партиясына дауыс беруге үгіттеді.
“Nur Otan” партиясы Қызылорда облысының Сайлау қорының қаражатынан төленді.

Тұрғындар партияға сенім білдірді

Kyzylorda-news.kz. «Nur Otan» партиясы алдағы бес жыл уақыт аралығында елді мекен және аудандық маңыздағы автомобиль жолдарын жөндеуге баса назар аударатын болады. Ол үшін жалпы ұзындығы 111 шақырым облыстық және аудандық маңызы бар автомобиль жолдарын және көпірлерді күрделі жөндеу жоспарлануда.
Сондай-ақ, партия «Cамара-Шымкент-Жаңақорған-Түгіскен-Келінтөбе» автомобиль жолындағы жалпы саны 13 көпірді жөндеуге ықпал етпек.
Экономикалық даму мен халықтың өмір сүру сапасын арттыру үшін Жаңақорған ауданында қолға алынатын жұмыстар туралы облыстық мәслихат депутаттығына үміткер Жанкелді Ойшыұлы Төменарық ауылының тұрғындарымен кездесу барысында бөлісті.
Келелі кездесуде «Қызылорда азтонналық мұнай өндеу зауыты» ЖШС директоры Жанкелді Ысқақ, Қызылорда облыстық көпбейінді медицина орталығының директоры Нұриддин Әмитов, «Nur Otan» партиясы Жаңақорған аудандық филиалы төрағасының бірінші орынбасары Мәжит Балқожаев, Жаңақорған аудандық мәслихат депутаты Азия Қыстаубаева мен «Жаңақорған тынысы» газетінің бас редакторы Нұрлат Байгенже де болды.
Үгіт тобы партияның сайлауалды бағдарламасының басым бағыттарын түсіндіріп, үгіт жұмыстарын жүргізді. Сондай-ақ, партияның жүйелі жұмыстарының нәтижесінде еліміздің қол жеткізген басты жетістіктерін айтып өтті.
Одан әрі тұрғындар өздерін алаңдатқан проблемаларды талқылап, түйіткілді мәселелердің түйінін тарқатты. Тұрғындардың басым бөлігі ауылдық елді мекендердегі медициналық қызмет сапасын жақсату, жастарды жұмыспен қамту мәселесі бойынша өз ұсыныстарын айтты.
Үміткердің айтуынша, алдағы бес жылда Төменарық ауылында ауылдық аурухананың құрылысы және Қаратөбе, Әбдіғаппар, Қожакент, Талап, Келінтөбе елді мекендерінде дәрігерлік амбулатория құрылысы салынады. Сонымен қатар, партия медициналық ұйымдардың материалдық-техникалық базасын нығайту мақсатында кешенді шараларды қолға алып, компьютерлік томограф аппараттарын сатып алуға ықпал етеді. Әрі жыл сайын партия 650 жасты жұмыспен қамтуға жәрдемдеспек.
<blockquote>
 “Партия «Дипломмен ауылға» бағдарламасы бойынша 500 жас маманды ауылға тұрақтандыру үшін тұрғын үй беру және көтерме жәрдемақы беру жұмыстарын жалғастырады. Сондай-ақ, аудандағы шаруа қожалықтар және ұйымдарымен меморандумдар жасау арқылы 2500 жұмыссыз жастардың жұмыспен қамтылуына жағдай жасайтын болады”, – деді үміткер Жанкелді Ойшыұлы.
</blockquote>
Ел игілігі үшін жасалатын жұмыстарға елді мекен тұрғындары жоғары бағасын беріп, алдағы жұмыстарына сәттілік тілеп, өз тарапынан әрқашан «Nur Otan» партиясын қолдайтындарын айтты.
«Nur Otan» партиясы Қызылорда облысының сайлау қоры қаражаты есебінен төленді

Үміткер Төменарық ауылының тұрғындарымен кездесті

Kyzylorda-news.kz. Жаңа жылдан бастап қазақстандықтар зейнетақы жинағының бір бөлігін мерзімінен бұрын пайдалана алады. Ақшаны баспана алуға, емделуге және қаржы компанияларына басқаруға беруге рұқсат етіледі, деп хабарлайды&nbsp;<a href="https://sputnik.kz/">Sputnik Қазақстан.</a>
Еңбек министрлігінің мәліметінше, 2021 жылы зейнетақы жинағын пайдалану мүмкіндігіне 1 миллионға жуық қазақстандық ие болады.
Олар:
<ul>
<li>зейнетақы жинағы бар, қордағы ақшасы “жеткіліктілік шегінен” асатын еңбекке жарамды жастағы азаматтар;</li>
<li>Бірыңғай жинақтаушы зейнетақы қорында жинағы бар зейнеткерлер;</li>
<li>зейнетақы аннуитетін рәсімдеген және шотында жинағы қалған қазақстандықтар.</li>
</ul>
Ақша адамның жеке шотына аударылмайды және қолма-қол берілмейді. Бірыңғай оператор арқылы іске асырылады.
Зейнетақы жинағын жұмсау үшін шоттағы ақша “жеткіліктілік” шегінен асуы тиіс. Мәселен, 30 жастағы адам үшін жеткіліктілік шегі – 2 миллион 518 мың теңге.
Жеткіліктілік шегі – Бірыңғай жинақтаушы зейнетақы қорында шоты бар салымшыға қажетті ең төменгі сома. Егер шоттағы жинақ сол сомадан асса, қалған ақшаны мақсатты түрде пайдалануға болады.
Жеткіліктілік шегі ерлер мен әйелдер үшін бірдей.
Зейнетақы жинағының бір бөлігін бір емес, бірнеше рет алу құқығы беріледі.
Салымшы ақшаны өзі үшін, жұбайы және жақын туыстары үшін пайдалана алады. Заң бойынша жақын туыстарына ата-әжесі, ата-анасы, балалары, немерелері, бауырлары жатады.
Сондай-ақ, отбасы мүшелері зейнетақы жинақтарын қосып, белгілі бір мақсатта пайдалануға өтініш бере алады.
Айта кетсек, зейнетақы жинағын мерзімінен бұрын алған кезде, 10% мөлшерінде жеке табыс салығы салынбайды. Қазақстан президенті Қасым-Жомарт Тоқаев тиісті заңға қол қойған болатын.
Оған сәйкес, зейнетақы жинағын мерзімінен бұрын алатын азаматтарға табыс салығын төлеу мерзімін кейінге қалдыру құқығы беріледі. Олар табыс салығын зейнетке шыққан соң, 16 жыл ішінде бөліп төлей алады.

Қазақстандықтар зейнетақы жинағын өз қажетіне қарай жұмсай алады

Kyzylorda-news.kz. 2021 жылдың 1 қаңтарынан бастап көп балалы аналарға берілетін жәрдмақы мөлшері артты, деп хабарлайды <a href="https://stan.kz/news-341421/">Stan.kz.</a>
2021 жылдан бастап бірінші немесе үшінші баланың туылуына берілетін бір реттік мемлекеттік жәрдемақы республикалық бюджет есебінен жұмыс істейтін және жұмыс істемейтін әйелдерге төленеді.
<ul>
<li>бірінші, екінші, үшінші балаға – 38 АЕК немесе 110 846 теңге;</li>
<li>төртінші және одан кейінгі балаларға – 63 АЕК немесе 183 771 теңге.</li>
</ul>
Ал отбасында егіз, үшем, төртем дүниеге келсе, біржолғы мемлекеттік жәрдемақы әр сәбиге жеке-жеке төленеді.
Жұмыс істемейтін әйелдерге бала бiр жасқа толық толғанға дейiн төленетін ай сайынғы төлем:
<ul>
<li>бірінші балаға – 5,76 АЕК немесе 16 802 теңге;</li>
<li>екінші балаға – 6,81 АЕК немесе 19 865 теңге;</li>
<li>үшінші балаға – 7,85 АЕК немесе 22 899 теңге;</li>
<li>төртінші және одан кейінгі балаларға – 8,90 АЕК немесе 25 962 теңге.</li>
</ul>
“Алтын алқа”, “Күміс алқа” алқаларымен марапатталған немесе бұрын “Батыр ана” атағын алған, І және ІІ дәрежелі “Ана даңқы” ордендерімен марапатталған көп балалы аналарға аналарға табысына қарамастан төленетін ай сайынғы жәрдемақы да өсті:
<img src="https://kyzylorda-news.kz/wp-content/uploads/2021/01/img-20210104-wa0005.jpg" alt="" />
Атаулы әлеуметтік көмек (АӘК) табысы аз отбасыларға, соның ішінде көпбалалы отбасыларға төленетін болады. Ең төмен күнкөріс деңгейінің 70%-ы тағайындаудың шекті критерийі болып қала береді. Егер еңбекке қабілетті отбасы мүшесі ұсынылған жұмыстан және жұмыспен қамтуға жәрдемдесу шараларынан бас тартса, онда АӘК төлемі тек оған ғана емес, бүкіл отбасына да тоқтатылады.
Табысы аз отбасылардан шыққан балалар үшін кепілдендірілген әлеуметтік пакетті енгізу ұсынылады. 1 жастан 6 жасқа дейінгі балаларды азық-түлік жиынтығымен және гигиеналық құралдармен, 6 жастан 18 жасқа дейінгі балаларды мектептерде ыстық тамақпен, оқу құралдарымен және мектеп киімімен қамтамасыз етеді, сондай-ақ оларға мектепке дейінгі жол жүру шығындары өтеледі.
Медициналық, оның ішінде стоматологиялық көмек 18 жасқа дейінгі балаларға тегін медициналық көмектің кепілдік берілген көлемі және міндетті әлеуметтік медициналық сақтандыру шеңберінде көрсетілетін болады.

2021 жылы көпбалалы аналарға қандай төлемдер қарастырылған?

Kyzylorda-news.kz. Қандай орта болмасын өмірге шағымы таусылмайтын, тек айналадан негатив қана көретін адам кездеседі. Ондай адам әріптесіңіз, отбасыңыздың мүшесі не бірге оқитын серігіңіз болуы мүмкін. Онымен байланысты толықтай жоя алмайтын жағдай да кездеседі. Бірақ, барынша байланысты азайтуға болады. Ол үшін үлкен жанжалдың қажеті жоқ. Тек мына сөйлесу тәсілдерін қолдансаңыз жеткілікті.
Шектеу қойыңыз: Қасыңызға келіп, билікке не әлемдік экономикаға шағымын бастаса, бірден “қане, тезірек, қазір жұмысым бар” деп әңгімені ұзаққа созбаңыз. Ал, сұрақтарға жауап бермеу үшін жай ғана “бұл ұзақ әңгіме, келесі жолы айтайын” деп жауап қатсаңыз болады.
Кеңес беріңіз: әдетте шағымданатын адам кеңес емес, сізден өзімен бірге шағымданғанын не теріске шығарғаныңызды қалайды. Егер кеңес берсеңіз, бірте-бірте өзі де сізге шағымдануды азайтады немесе араласуды қояды.
Өзіңіз туралы ақпаратты азайтыңыз: Барлығына негативті қарайтын адамға өзіңіздың жоспарыңыз, мақсатыңыз не мәселеңізді айтпаңыз. Барлық сұраққа қысқаша жауап беріңіз.
Оның әдісін өзіне қолданыңыз: Шағымын бастаған кезде, бірден “қайта сенің жолың болғыш екен, менің мына танысым да…” деп басқа әңгіме қозғаңыз. Әдетте ондай адамдар мәселе тек оның басында ғана бар деп біледі. Өзгенің мәселесін тыңдауға олардың уақыты да, қалауы да жоқ.
<a href="https://massaget.kz/kyizdarga/psihologiya/64186/amp/">Massaget.kz</a>

Жағымсыз ойлы адаммен қалай күресуге болады?

Kyzylorda-news.kz. Синоптиктер 7 облыста ескерту жариялап, тұрғындарды сақ болуға шақырды.
Солтүстікте сарышұнақ аяз сақталады. Павлодар өңірінде сынап бағанасы 40 градусқа дейін төмендесе, Алматы облысының солтүстік бөлігінде 30 градусқа дейін суытады. Ал Түркістан және батыс Қазақстан облыстарында бұрқасын болады. Маңғыстау, Қызылорда мен Жамбыл өңірінде қою тұман түседі.

Қызылордада ауа райына байланысты ескерту жарияланды

Kyzylorda-news.kz. Қазақстанда өткен тәулікте 645 адамда коронавирус індеті ПТР арқылы расталып ауырғаны белгілі болды.
Аймақтар бойынша:
Нұр-Сұлтан қаласы – 58
Алматы қаласы – 105
Шымкент қаласы – 1
Ақмола облысы – 58
Ақтөбе облысы – 3
Алматы облысы – 38
Атырау облысы – 51
Шығыс Қазақстан облысы – 48
Жамбыл облысы – 9
Батыс Қазақстан облысы – 35
Қарағанды облысы – 27
Қостанай облысы – 58
Қызылорда облысы – 3
Маңғыстау облысы – 13
Павлодар облысы – 72
Солтүстік Қазақстан облысы – 56
Түркістан облысы – 10
Жалпы ел бойынша ауырғандар саны – 157579.

Қызылордада 3 адамнан коронавирус анықталды

Kyzylorda-news.kz. Елімізде азаматтарды дактилоскопиялық тіркеу 2023 жылдың 1 қаңтарынан басталады, деп хабарлады <a href="https://stan.kz/news-341515/">Stan.kz.</a>
2021 жылдан басталуы тиіс саусақ ізін алу арқылы тіркеу елдегі және әлемдегі эпидемиологиялық жағдайға байланысты 2023 жылға ауыстырылды.
<blockquote>
 “Коронавирус пандемиясына және COVID-19 індетіне жасалған болжамдарға байланысты азаматтарды дактилоскопиялық тіркеу 2023 жылдың 1 қаңтарынан басталады. Тиісті өзгерістер “Дактилоскопиялық және геномдық тіркеу туралы” заңға енгізіледі”, – деп хабарлады ведомствоның баспасөз қызметі.
</blockquote>
Еске сала кетейік, бұған дейін ішкі істер министрлігі мүдделі мемлекеттік органдармен бірлесіп дактилоскопиялық тіркеуді 2023 жылдың 1 қаңтарына ауыстыру туралы ұсыныс жасаған болатын.
Азаматтар он алты жасқа толуына байланысты паспорт немесе жеке куәлік алғанда, сондай-ақ мерзімі аяқталып немесе жоғалуына байланысты құжаттарын ауыстырған кезде ғана дактилоскопиялық тіркеуден өтеді.

Қазақстанда саусақ іздерін алу 2023 жылға қалдырылды

Kyzylorda-news.kz. Санитарлық-эпидемиологиялық бақылау комитетінің төрағасы Айжан Есмағамбетова карантиндік шектеулер енгізілгеніне қарамастан іс-шара өткізгендердің фотосын жіберуді сұрады, деп хабарлайды&nbsp;<a href="https://sputnik.kz/">Spunik Қазақстан</a>.
Ол шектеу шаралары барлығына ортақ екенін атап өтті. Айтуынша, республикада 1600-ға жуық мониторингтік топ жұмыс істеп жатыр. Оның құрамына полиция қызметкерлері, еріктілер мен жергілікті атқарушы органдар қызметкерлері кірді.
<blockquote>
 “Мониторинг топтарының жұмысына үлес қосқысы келетін кез келген адам жергілікті әкімдікке хабарласа алады. Қазақстанның барша тұрғынынан, соның ішінде журналистерден тыйым салынған жиын өткізгендердің фотосы мен видеосын жіберуді сұраймыз. Ақпаратты полицияға, бақылаушы топтарға, санитарлық-эпидемиологиялық бақылау қызметіне жіберіп, тез арада сол жерге барып, шара қолдануға үлес қосуға болады”, – деді Есмағамбетова.
</blockquote>
Оның мәліметінше, 31 желтоқсаннан бірінші қаңтарға&nbsp; дейінгі аралықта өткен аптамен салыстырғанда тыйым салынған шара өткізгендер саны екі есе артқан.

Денсаулық сақтау министрлігі қазақстандықтарға үндеу жасады

Kyzylorda-news.kz. Дүйсенбіде Қазақстан аумағының басым бөлігіне әлі де солтүстік антициклон жотасы ықпал етеді, деп хабарлайды Қазгидромет.
Ауа-райы жауын-шашынсыз болады. Тек елдің батыс, солтүстік-батысында атмосфералық фронталды бөліктердің өтуіне байланысты қар жауады.
Республиканың кей жерлерінде тұман түсіп, жаяу бұрқасын болып, оңтүстігінде жел күшейеді.
Батыс Қазақстан, Қостанай, Түркістан облыстарының кей жерлерінде тұман түсіп, жаяу бұрқасын болады.
Түркістан облысының кей жерлерінде жел күшейіп, жылдамдығы секундына 15-20 метрге жетеді.
Жамбыл облысының кей жерлерінде тұман түсіп, жел 15-20 м/с жылдамдықпен ұйтқиды.
Алматы облысының кей жерлеріне тұман түседі. Жалаңашкөл ауданында желдің жылдамдығы секундына 18-23 метрге жетеді.
Қызылорда облысының кей жерлерінде жел 15-20 м/с-қа дейін күшейеді.
Атырау, Ақтөбе, Манғыстау, Павлодар, Шығыс Қазақстан облыстарының кей жерлеріне тұман түседі.
Түнде Алматы облысының басым бөлігінде, Павлодар, Шығыс Қазақстан облыстарының кей жерлерінде қатты аяз, Алматы облысының кей жерлерінде өте қатты аяз болады.

4 қаңтарға арналған ауа райы болжамы

Kyzylorda-news.kz. 2021 жылы айлық есептік көрсеткіш 2 917 теңгеге дейін өсті.
<h3 id="">Паспорт пен жеке куәлік алу қанша тұрады</h3>
Паспорт алуға мемлекеттік баж салығы – 8 АЕК немесе 23 336 теңге.
Жеке куәлік – 0,2 АЕК немесе 583,4 теңге.
Әдетте құжаттарды алу мерзімі &nbsp;– 15 күн. Бірақ қосымша ақы төлеп, құжаттарды жедел алуға болады.
<h3 id="-1">Туу туралы куәлік</h3>
Қазақстанда туу туралы куәлік баланы тіркеу кезінде тегін беріледі.
Акт жазбасын өзгерту, толықтыру, түзету және қалпына келтіру – 0,5 АЕК немесе 1 458,5 теңге.
еGov мәліметіне сәйкес, баланың туғанын тіркеу қызметін ұсыну мерзімі – екі жұмыс күні, қабылдау күні мемлекеттік қызмет көрсету мерзіміне кірмейді.
Өзгерістер, толықтырулар мен түзетулер енгізу – жеті жұмыс күні.
Қажет болған жағдайда басқа мемлекеттік органдарға сұрау салу – 30 күнтізбелік күннен аспайды.
<h3 id="-2">Жүргізуші куәлігін алу қанша тұрады</h3>
Жүргізуші куәлігін алу үшін мемлекеттік баж салығы – 1,25 АЕК немесе 3 646 теңге.
<h3 id="-3">Неке қию және ажырасу</h3>
Неке қию құны – 1 АЕК немесе 2 917 теңге.
Ажырасуға өтініш беру – 2 АЕК немесе 5 834 теңге.
Sputnik Қазақстан

2021 жылы паспорт пен жеке куәлік алу қанша тұрады?

Kyzylorda-news.kz. Ақпан айында ресейлік вакцина қолданысқа шыға бастайды. Бұл туралы Орталық коммуникациялар қызметінде өткен брифингіде айтылды, деп хабарлайды ҚазАқпарат.
<blockquote>
 «Қазақстандықтардың қажеттілігін қамтамасыз ететін вакцина шығаратын зауыттың салынуын күтіп отырмыз. Бұл зауыт жылына вакцинаның 60 млн дозасын шығара алады. Вакцинациялауды өзімізде бар көлемде жүзеге асыра бастаймыз, ары қарайғы қажеттілікті аталған зауыт өндіріп береді деп ойлаймыз», – деп атап өтті ҚР Денсаулық сақтау министрі Алексей Цой.
</blockquote>
Ол ақпан айында ресейлік вакцинаның қолданысқа шығарыла бастайтындығын айтты.
<blockquote>
 «Одан кейін кезең кезеңімен, ай сайын қазақстандық вакцинаны да қолданысқа шығара бастаймыз. Қазақстандық вакцина наурыз айында қолданысқа шығады. Вакциналар нарыққа шыққаннан кейін негізгі қажеттілікті қамтамасыз етеміз деп ойлаймын», – дейді министр.
</blockquote>

Қазақстан және Қызылорда облысының жаңалықтары