<a href="https://kyzylorda-news.kz/">Kyzylorda-news.kz.</a>&nbsp;3 қаңтар күні сағат 20:00-де облыс орталығында&nbsp;2 автокөлік соқтығысып, жол-көлік оқиғасы орын алды.
Жол-көлік оқиғасынан зардап шеккендер болған жоқ. Тексеру барысында жүргізушілердің бірі көлікті мас күйінде басқарғаны белгілі болды. Оған қоса, сот шешімімен оның 2019 жылдың 12 ақпанында 3 жылға көлік басқару құқығынан айырылғаны анықталды.&nbsp;
Оған қатысты Қазақстан Республикасы Қылмыстық кодексінің 346-бабының 2-бөлігімен (көлік құралын басқару құқығынан айырылған, алкогольдік масаң күйдегі адамның көлік құралын басқару) сотқа дейінгі тергеп-тексеру басталды. Автокөлік айып алаңына қойылды. Күдікті уақытша ұстау абақтысына қамаққа алынды.&nbsp;&nbsp;
Бұл орайда, жол-көлік оқиғаларының алдын алу және оларды болдырмау&nbsp; мақсатында Қызылорда облысы Полиция департаментінің қызметкерлері&nbsp; облыс тұрғындарының жолдағы жауапкершіліктерін күшейтуді ескертеді.

Қызылордада мас жүргізуші жол-көлік оқиғасын жасады

<a href="http://kyzylorda-news.kz./">Kyzylorda-news.kz.</a> Қызылорда тұрғындары да көптеген проблемалық мәселелерді көтеруде. Ол мәселелер туралы Мәжіліс депутаттығына үміткерлер Ардақ Назаров, Дәулет Мұқаев, Мақсат Толықбай, Ғалымбек Жақсылықов және Алмасбек Садырбаев өңірді аралап білді.
Жиында партия өкілдері қатысушыларға сайлауалды бағдарлама туралы ақпарат беріп, ресми сайттың қолдану аясын таныстырды. Кездесуге облыс тұрғындары қатысып, партия құрамы мен алдағы жоспарына қатысты толғандырған сауалдарын қойды.
Жергілікті тұрғындар ауыл шаруашылығы тауарын өндірушілерді мемлекеттік қаржылық көмекпен халықты көбірек қамту керек деп санайды. Сондай-ақ олар халықтың әлеуметтік осал санаттары өкілдерінің тұрғын үй сатып алуға бастапқы жарнаға қаражаттың жетіспеуі, шағын қалалар мен ауылдарда мемлекеттік тұрғын үй бағдарламаларының іске асырылуы өте әлсіздігін атап айтты. Жайылымдық жерлердің болмауы, тегін медицина енгізуді, ЖОО-да оқу 60% практикалық сабақтардан болуы, жұмыс орындарының көбірек ашылуы сынды күрмеуі көп меселелерді ортаға салды.

«ADAL»: Мәжіліс депутаттығына үміткерлер қызылордалықтармен кездесті

<a href="https://kyzylorda-news.kz/">Kyzylorda-news.kz.</a> Қазақстандағы коронавирусқа қатысты 4 қаңтар 23:59-дағы эпидемиологиялық жағдай бойынша 723 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 68
Алматы қаласы – 92
Шымкент қаласы – 6
Ақмола облысы – 59
Ақтөбе облысы – 4
Алматы облысы – 39
Атырау облысы – 149
Шығыс Қазақстан облысы – 47
Жамбыл облысы – 9
Батыс Қазақстан облысы – 45
Қарағанды облысы – 26
Қостанай облысы – 57
Қызылорда облысы – 6
Маңғыстау облысы – 11
Павлодар облысы – 40
Солтүстік Қазақстан облысы – 57
Түркістан облысы – 8
Жалпы ел бойынша ауырғандар саны 158 302.

Қызылордада 6 адамнан коронавирус инфекциясы анықталды

<a href="https://kyzylorda-news.kz/">Kyzylorda-news.kz.</a> Қызылорда облысында Жаңа жыл мерекесінде яғни, 1-2 қаңтар күндері 146 сәби дүниеге келді. Оның 74-і – ұл, 72-і қыз бала. Бұл туралы Өңірлік коммуникациялар қызметінің апараттық алаңында облыстық денсаулық сақтау басқармасының ана мен бала денсаулығын қорғау бөлімінің басшысы Бибізада Дүйсенбаева мәлімдеді.
<blockquote>
 “146 нәрестенің 57-і аудандардағы перзентханаларда дүниеге келді. Барлық бала мен ананың жағдайы жақсы. Дәрігерлердің бақылауында. Сәбилерге ата–аналары тарихи тұлғалар, қоғам қайраткерлері мен танымал адамдардың есімдерін қойған. Қыз балалар арасында көркемділік, сұлулық пен нәзіктікті сипаттайтын Айкөркем, Айзере, Зере, Аида, Айша-Бибі есімдері берілген. Ал ұл балаларға Абай, Мансұр, Бейбарыс немесе Ислам есімдерін қойды”, – деді Бибізада Әшімқызы.
</blockquote>
Айта кетейік, облыста желтоқсанның 31-і сағат 08:00-ден 1 қаңтар сағат 08:00-ге дейін барлығы 68 нәресте дүние есігін ашты. 68 сәбидің 35-і ұл, 33-і қыз бала. Оның ішіне желтоқсанның 31-нен қаңтардың 1-не қараған түні 13 сәби дүниеге келді.
Жалпы, аймақта өткен жылы демографиялық дамуында бала туу көрсеткіші оң динамикасын көрсетіп, 12,1% құрап отыр.
<img src="https://kyzylorda-news.kz/wp-content/uploads/2021/01/roddom.jpg" alt="" />

Қызылорда: Жаңа жылда 146 сәби дүниеге келді

<a href="https://kyzylorda-news.kz/">Kyzylorda-news.kz</a>. Жаңақорған ауданына қарасты Жайылма ауылының тумасы, Ұлттық қауіпсіздік комитеті “Арыстан” қызметінің аға лейтенанты Қайрат Ибраймов 2011 жылы ірі көлемдегі есірткіні тасымалдаған қылмыскерлерді құрықтау барысында қаза тапты.
Бұл ерлігі үшін ол ҚР Президентінің жарлығымен II дәрежелі “Айбын” орденімен марапатталды.
Қызылорда облысында іс-сапарда жүрген Қазақстанның Халық партиясы атынан Мәжіліс депутаттығына үміткерлер, Қайрат Ибраймовтың әріптестері – запастағы полковник Файзолла Қаменов пен запастағы подполковник Сергей Решетников батырдың ата-анасына құрмет білдіріп, аруағына құран бағыштады.

&#8220;Қазақстан Халық&#8221; партиясы: Ер есімі &#8211; ел есінде

Қасым-Жомарт Тоқаев: Тәуелсіздік бәрінен қымбат

<a href="https://kyzylorda-news.kz/">Kyzylorda-news.kz.</a> Қазақстан территориясында ауа райы өзгермейді, деп хабарлайды Қазгидромет.
Бүгін Солтүстік антициклон жотасының ықпалынан еліміздің басым бөлігінде аяз болады, жауын-шашын болмайды.
Тек республиканың солтүстік-батысында атмосфералық фронталды бөліктердің өтуіне байланысты қар жауады. Республиканың кей жерлерінде тұман түсіп, жел күшейеді.
Ақмола, Солтүстік Қазақстан облыстарның кей жерлерінде тұман түсіп, күндіз желдің жылдамдығы секундына 15-20 метрге жетеді.
Жамбыл, Шығыс Қазақстан облыстарының кей жерлерінде тұман түсіп, желдің жылдамдығы секундына 15-20 метрге жетеді.
Алматы облысының кей жерлерінде тұман түсіп, Жалаңашкөл ауданында желдің жылдамдығы секундына 18-23 метрге жетеді.
Түркістан, Атырау, Батыс Қазақстан, Қостанай, Павлодар, Қарағанды облыстарының кей жерлерінде тұман түседі.
Түнде Шығыс Қазақстан облысының кей жерлерінде қатты аяз болады. Алматы облысының слтүстігінде өте қатты аяз сақталады.

Сейсенбіге арналған ауа райы болжамы

Kyzylorda-news.kz. «Nur Otan» партиясы белсенді түрде әрбір отбасына жаңа тұрғын үй құрылысын қолжетімді болуын қолдайды.
Партия алдағы 5 жыл шеңберінде Тереңөзек кентінде 18 пәтерлі 4 тұрғын үй құрылысын салуды жоспарлап отыр. Әсіресе Айдарлы, Аманкелді, Бесарық, А.Тоқмағанбетов, Қалжан ахун, Қоғалыкөл, Н.Ілиясов, Шаған, Шіркейлі, С.Сейфуллин елді мекендерінде үш бөлмелі 3 тұрғын үй, Жетікөл елді мекенінде үш бөлмелі 2 тұрғын үй салынады. Жастарға және азаматтардың әлеуметтік осал топтарына, оның ішінде жеке инвестицияларды тарту есебінен қолжетімді тұрғын үй құрылысын салу да көзделген.
Бұл туралы бүгін «Nur Otan» партиясы атынан Қызылорда облыстық мәслихат депутаттығына үміткер Расул Есенов Тереңөзек кентінде өткен «Есіктен есікке» акциясы аясында айтты. Үгіт-насихат жұмыстары аясында үміткер кент тұрғыны, құқық қорғау органдарының зейнеткері Руслан Оспанов, көпбалалы әке Владимир Жиганов, омарташы Алексей Сыпачев және жалғыз басты ана Ольга Дмитриевнаның үйіне табан тіреп, дидарласып қайтты.
Тұрғындар өздерін толғандырған түрлі әлеуметтік мәселелерді көтеріп, көкейдегі сауалдарына нақты жауап алды. Оның ішінде сапалы жол, кәсіпкерлік, қаржылай көмек, медициналық қолжетімділіктті арттыру және тұрғын үй мәселесі қозғалды.
<blockquote>
 “Тереңөзек кентіндегі 12 көп қабатты тұрғын үйлерге тұрғындардың келісімімен тұрғын үй-коммуналдық дамудың 2020-2025 жылдарға арналған «Нұрлы жер» мемлекеттік бағдарламасы арқылы күрделі жөңдеу жүргізіледі. Тереңөзек кентінде тұрмыстық қатты қалдықтардың жинау және өңдеу полигонын салуға, барлық 14 елді мекенде 100 сұрыптап қоқыс жинау контейнерлерін орнатуға ықпал етеді. Ал 2021 жылдан бастап мүмкіндігі шектеулі адамдарға онлайн режимде көмекші, орнын толтырушы құралдар мен әлеуметтік қызметтерді алуға мүмкіндік беретін әлеуметтік қызметтердің бірыңғай порталы енгізілмек. Әр ауылдық округте мүгедектерге материалдық көмек көрсету пункттерін ұйымдастыру арқылы қолдау көрсетуге ықпал етпек”, – деді үміткер Расул Әбутәліпұлы.
</blockquote>
Сондай-ақ партия алдағы жылдары «Бизнестің жол картасы 2025» бағдарламасымен 15 кәсіпкерге пайыздық мөлшерлемесін субсидиялау шеңберінде несиелер және бизнесін жаңадан бастаушы азаматтарға гранттар ұсынуға, мемлекеттік бағдарламалар шеңберінде «Бастау-Бизнес», «Бизнес Кеңесші» жобаларымен жыл сайын 200-ден аса азаматтарды кәсіпкерлік негіздеріне оқытуға ниетті.
Сұрақтарға тұшымды жауап берген үміткер үгіт парақшаларын таратып, «Nur Otan» партиясына дауыс беруге шақырды.
<img src="https://kyzylorda-news.kz/wp-content/uploads/2021/01/img-20210104-wa0013.jpg" alt="" />
“Nur Otan” партиясы Қызылорда облысының Сайлау қорының қаражатынан төленді

Қызылорда: 14 елді мекенде 100 сұрыптап қоқыс жинау контейнерлері орнатылады

Kyzylorda-news.kz. «Nur Otan» партиясының сайлауалды үгіт жұмыстары жалғасуда.
Қызылордада партия атынан ҚР Парламенті Мәжілісінің депутаттығына үміткер Бақытбек Смағұл және облыстық мәслихаттың депутаттығына үміткер Ибайдулла Тілеп, “Есіктен Есікке” акциясы аясында Қазалы ауданы, Әйтеке би кенті тұрғындары, көп балалы отбасы 13 құрсақ көтерген Батыр ана Салия Ахметова мен Әли Досхожаевтың шаңырағында болды.
Кездесуде үміткерлер партияның сайлауалды бағдарламасын насихаттап, аудан көлемінде алдағы уақытта атқарылатын жұмыстарға тоқталды.
<blockquote>
 “Партия Әйтеке би кентінде балық өнімдерінен жем шығаратын, декорлық кірпіш құрайтын, 3Д панель құрайтын, колонна құрылыс бұйымдарын шығаратын цехтардың ашылуына мұрындық болады.Қазалы қаласында кәмпит цехын, қапшық шығаратын, көкөніс өнімдерін өңдейтін, Әйтеке би кентінде ауыз су өндіру цехын, 2024 жылы нан шығаратын наубайхананы, 2025 жылы Бірлік ауылында попкорн өндіру цехын кеңейту жобаларын іске асырмақ”, – деді үміткер Ибайдулла Тілеп.
</blockquote>
Өз кезегінде ардагерлер партияның жаңа бағдарламасына ризашылықтарын білдірді.
<blockquote>
 «Қай дәуір болмасын, оның даму бағыты мен қоғамдық-саяси тұрақтылығы үстем тұруы шарт. Сонда ғана елдің береке-бірлігі артып, ішкі тыныстың демі бөгде сыртқа сезілмейді. Осы орайда халық мүддесін қорғайтын, демократиялық құндылықтарды сақтайтын берік ұстанымы бар партия қызметі қашанда қажет. Осы жолғы партия бағдарламасы да көңілге қонымды. Әрбір науқан сайын жоспарлаған бағдарламаларын жүзеге асырып, ел-халықтың сенімін ақтап келеді», – деді отағасы Әли Досхожаев.
</blockquote>
Үміткерлер тұрғындардың сұрақтарына жауап беріп, 10 қаңтарда өтетін сайлауға шақырды және «Nur Otan» партиясына дауыс беруге үгіттеді.
“Nur Otan” партиясы Қызылорда облысының Сайлау қорының қаражатынан төленді.

Тұрғындар партияға сенім білдірді

Kyzylorda-news.kz. «Nur Otan» партиясы алдағы бес жыл уақыт аралығында елді мекен және аудандық маңыздағы автомобиль жолдарын жөндеуге баса назар аударатын болады. Ол үшін жалпы ұзындығы 111 шақырым облыстық және аудандық маңызы бар автомобиль жолдарын және көпірлерді күрделі жөндеу жоспарлануда.
Сондай-ақ, партия «Cамара-Шымкент-Жаңақорған-Түгіскен-Келінтөбе» автомобиль жолындағы жалпы саны 13 көпірді жөндеуге ықпал етпек.
Экономикалық даму мен халықтың өмір сүру сапасын арттыру үшін Жаңақорған ауданында қолға алынатын жұмыстар туралы облыстық мәслихат депутаттығына үміткер Жанкелді Ойшыұлы Төменарық ауылының тұрғындарымен кездесу барысында бөлісті.
Келелі кездесуде «Қызылорда азтонналық мұнай өндеу зауыты» ЖШС директоры Жанкелді Ысқақ, Қызылорда облыстық көпбейінді медицина орталығының директоры Нұриддин Әмитов, «Nur Otan» партиясы Жаңақорған аудандық филиалы төрағасының бірінші орынбасары Мәжит Балқожаев, Жаңақорған аудандық мәслихат депутаты Азия Қыстаубаева мен «Жаңақорған тынысы» газетінің бас редакторы Нұрлат Байгенже де болды.
Үгіт тобы партияның сайлауалды бағдарламасының басым бағыттарын түсіндіріп, үгіт жұмыстарын жүргізді. Сондай-ақ, партияның жүйелі жұмыстарының нәтижесінде еліміздің қол жеткізген басты жетістіктерін айтып өтті.
Одан әрі тұрғындар өздерін алаңдатқан проблемаларды талқылап, түйіткілді мәселелердің түйінін тарқатты. Тұрғындардың басым бөлігі ауылдық елді мекендердегі медициналық қызмет сапасын жақсату, жастарды жұмыспен қамту мәселесі бойынша өз ұсыныстарын айтты.
Үміткердің айтуынша, алдағы бес жылда Төменарық ауылында ауылдық аурухананың құрылысы және Қаратөбе, Әбдіғаппар, Қожакент, Талап, Келінтөбе елді мекендерінде дәрігерлік амбулатория құрылысы салынады. Сонымен қатар, партия медициналық ұйымдардың материалдық-техникалық базасын нығайту мақсатында кешенді шараларды қолға алып, компьютерлік томограф аппараттарын сатып алуға ықпал етеді. Әрі жыл сайын партия 650 жасты жұмыспен қамтуға жәрдемдеспек.
<blockquote>
 “Партия «Дипломмен ауылға» бағдарламасы бойынша 500 жас маманды ауылға тұрақтандыру үшін тұрғын үй беру және көтерме жәрдемақы беру жұмыстарын жалғастырады. Сондай-ақ, аудандағы шаруа қожалықтар және ұйымдарымен меморандумдар жасау арқылы 2500 жұмыссыз жастардың жұмыспен қамтылуына жағдай жасайтын болады”, – деді үміткер Жанкелді Ойшыұлы.
</blockquote>
Ел игілігі үшін жасалатын жұмыстарға елді мекен тұрғындары жоғары бағасын беріп, алдағы жұмыстарына сәттілік тілеп, өз тарапынан әрқашан «Nur Otan» партиясын қолдайтындарын айтты.
«Nur Otan» партиясы Қызылорда облысының сайлау қоры қаражаты есебінен төленді

Үміткер Төменарық ауылының тұрғындарымен кездесті

Kyzylorda-news.kz. Жаңа жылдан бастап қазақстандықтар зейнетақы жинағының бір бөлігін мерзімінен бұрын пайдалана алады. Ақшаны баспана алуға, емделуге және қаржы компанияларына басқаруға беруге рұқсат етіледі, деп хабарлайды&nbsp;<a href="https://sputnik.kz/">Sputnik Қазақстан.</a>
Еңбек министрлігінің мәліметінше, 2021 жылы зейнетақы жинағын пайдалану мүмкіндігіне 1 миллионға жуық қазақстандық ие болады.
Олар:
<ul>
<li>зейнетақы жинағы бар, қордағы ақшасы “жеткіліктілік шегінен” асатын еңбекке жарамды жастағы азаматтар;</li>
<li>Бірыңғай жинақтаушы зейнетақы қорында жинағы бар зейнеткерлер;</li>
<li>зейнетақы аннуитетін рәсімдеген және шотында жинағы қалған қазақстандықтар.</li>
</ul>
Ақша адамның жеке шотына аударылмайды және қолма-қол берілмейді. Бірыңғай оператор арқылы іске асырылады.
Зейнетақы жинағын жұмсау үшін шоттағы ақша “жеткіліктілік” шегінен асуы тиіс. Мәселен, 30 жастағы адам үшін жеткіліктілік шегі – 2 миллион 518 мың теңге.
Жеткіліктілік шегі – Бірыңғай жинақтаушы зейнетақы қорында шоты бар салымшыға қажетті ең төменгі сома. Егер шоттағы жинақ сол сомадан асса, қалған ақшаны мақсатты түрде пайдалануға болады.
Жеткіліктілік шегі ерлер мен әйелдер үшін бірдей.
Зейнетақы жинағының бір бөлігін бір емес, бірнеше рет алу құқығы беріледі.
Салымшы ақшаны өзі үшін, жұбайы және жақын туыстары үшін пайдалана алады. Заң бойынша жақын туыстарына ата-әжесі, ата-анасы, балалары, немерелері, бауырлары жатады.
Сондай-ақ, отбасы мүшелері зейнетақы жинақтарын қосып, белгілі бір мақсатта пайдалануға өтініш бере алады.
Айта кетсек, зейнетақы жинағын мерзімінен бұрын алған кезде, 10% мөлшерінде жеке табыс салығы салынбайды. Қазақстан президенті Қасым-Жомарт Тоқаев тиісті заңға қол қойған болатын.
Оған сәйкес, зейнетақы жинағын мерзімінен бұрын алатын азаматтарға табыс салығын төлеу мерзімін кейінге қалдыру құқығы беріледі. Олар табыс салығын зейнетке шыққан соң, 16 жыл ішінде бөліп төлей алады.

Қазақстандықтар зейнетақы жинағын өз қажетіне қарай жұмсай алады

Kyzylorda-news.kz. 2021 жылдың 1 қаңтарынан бастап көп балалы аналарға берілетін жәрдмақы мөлшері артты, деп хабарлайды <a href="https://stan.kz/news-341421/">Stan.kz.</a>
2021 жылдан бастап бірінші немесе үшінші баланың туылуына берілетін бір реттік мемлекеттік жәрдемақы республикалық бюджет есебінен жұмыс істейтін және жұмыс істемейтін әйелдерге төленеді.
<ul>
<li>бірінші, екінші, үшінші балаға – 38 АЕК немесе 110 846 теңге;</li>
<li>төртінші және одан кейінгі балаларға – 63 АЕК немесе 183 771 теңге.</li>
</ul>
Ал отбасында егіз, үшем, төртем дүниеге келсе, біржолғы мемлекеттік жәрдемақы әр сәбиге жеке-жеке төленеді.
Жұмыс істемейтін әйелдерге бала бiр жасқа толық толғанға дейiн төленетін ай сайынғы төлем:
<ul>
<li>бірінші балаға – 5,76 АЕК немесе 16 802 теңге;</li>
<li>екінші балаға – 6,81 АЕК немесе 19 865 теңге;</li>
<li>үшінші балаға – 7,85 АЕК немесе 22 899 теңге;</li>
<li>төртінші және одан кейінгі балаларға – 8,90 АЕК немесе 25 962 теңге.</li>
</ul>
“Алтын алқа”, “Күміс алқа” алқаларымен марапатталған немесе бұрын “Батыр ана” атағын алған, І және ІІ дәрежелі “Ана даңқы” ордендерімен марапатталған көп балалы аналарға аналарға табысына қарамастан төленетін ай сайынғы жәрдемақы да өсті:
<img src="https://kyzylorda-news.kz/wp-content/uploads/2021/01/img-20210104-wa0005.jpg" alt="" />
Атаулы әлеуметтік көмек (АӘК) табысы аз отбасыларға, соның ішінде көпбалалы отбасыларға төленетін болады. Ең төмен күнкөріс деңгейінің 70%-ы тағайындаудың шекті критерийі болып қала береді. Егер еңбекке қабілетті отбасы мүшесі ұсынылған жұмыстан және жұмыспен қамтуға жәрдемдесу шараларынан бас тартса, онда АӘК төлемі тек оған ғана емес, бүкіл отбасына да тоқтатылады.
Табысы аз отбасылардан шыққан балалар үшін кепілдендірілген әлеуметтік пакетті енгізу ұсынылады. 1 жастан 6 жасқа дейінгі балаларды азық-түлік жиынтығымен және гигиеналық құралдармен, 6 жастан 18 жасқа дейінгі балаларды мектептерде ыстық тамақпен, оқу құралдарымен және мектеп киімімен қамтамасыз етеді, сондай-ақ оларға мектепке дейінгі жол жүру шығындары өтеледі.
Медициналық, оның ішінде стоматологиялық көмек 18 жасқа дейінгі балаларға тегін медициналық көмектің кепілдік берілген көлемі және міндетті әлеуметтік медициналық сақтандыру шеңберінде көрсетілетін болады.

Қазақстан және Қызылорда облысының жаңалықтары

Қызылордада мас жүргізуші жол-көлік оқиғасын жасады

«ADAL»: Мәжіліс депутаттығына үміткерлер қызылордалықтармен кездесті

Қызылордада 6 адамнан коронавирус инфекциясы анықталды

Қызылорда: Жаңа жылда 146 сәби дүниеге келді

“Қазақстан Халық” партиясы: Ер есімі – ел есінде

Қасым-Жомарт Тоқаев: Тәуелсіздік бәрінен қымбат

Сейсенбіге арналған ауа райы болжамы

Қызылорда: 14 елді мекенде 100 сұрыптап қоқыс жинау контейнерлері орнатылады

Тұрғындар партияға сенім білдірді

Үміткер Төменарық ауылының тұрғындарымен кездесті

Қазақстандықтар зейнетақы жинағын өз қажетіне қарай жұмсай алады

2021 жылы көпбалалы аналарға қандай төлемдер қарастырылған?

Қазақстан және Қызылорда облысының жаңалықтары

Қызылордада мас жүргізуші жол-көлік оқиғасын жасады

«ADAL»: Мәжіліс депутаттығына үміткерлер қызылордалықтармен кездесті

Қызылордада 6 адамнан коронавирус инфекциясы анықталды

Қызылорда: Жаңа жылда 146 сәби дүниеге келді

&#8220;Қазақстан Халық&#8221; партиясы: Ер есімі &#8211; ел есінде

Қасым-Жомарт Тоқаев: Тәуелсіздік бәрінен қымбат

Сейсенбіге арналған ауа райы болжамы

Қызылорда: 14 елді мекенде 100 сұрыптап қоқыс жинау контейнерлері орнатылады

Тұрғындар партияға сенім білдірді

Үміткер Төменарық ауылының тұрғындарымен кездесті

Қазақстандықтар зейнетақы жинағын өз қажетіне қарай жұмсай алады

2021 жылы көпбалалы аналарға қандай төлемдер қарастырылған?

“Қазақстан Халық” партиясы: Ер есімі – ел есінде