<a href="https://kyzylorda-news.kz/date/2020/11/04/">Kyzylorda-news.kz</a>. Синоптиктер 5-7 қараша аралығында ауа райы қандай болатынын айтты.
Қазгидрометтің хабарлауынша алдағы үш тәулікте Қазақстанның басым бөлігінде қолайлы ауа райы сақталады.
Тек еліміздің батыс, солтүстік-батыс өңірлерінде жаңбыр жауады, сондай-ақ ауа температурасы біртіндеп төмендейді.
Ал республиканың қалған аумағында ауа температурасы біртіндеп көтеріліп, жаңбыр жаумайды, күн ашық болады.
Республика бойынша кей жерлерде тұман түсіп, жел күшейеді.

Алдағы үш күнге арналған ауа райы болжамы

<a href="https://kyzylorda-news.kz/date/2020/11/04/">Kyzylorda-news.kz.</a> ҚР ДСМ санитарлық-эпидемиологиялық бақылау комитетінің төрағасы Айжан&nbsp; Есмағамбетованың айтуынша елдегі жағдай соңғы аптада әлдеқайда нашарлаған. Бірақ коронавирустың өршуі әр аймақта әртүрлі байқалуда. Сол себепті, Қазақстан толығымен карантинге жабылмайды.
<blockquote>
 “Бүгінде карантиндік шараларды аймақ бойынша күшейту мәселелері жүргізіліп жатыр. Соңғы аптада елімізде коронавирустық инфекцияның таралуы 6 есеге өсті. Бірақ әр аймақта жағдай әр түрлі. Сондықтан, карантин шаралары тек аймақтар бойынша жасалып жатыр”, – дейді Есмағамбетова.&nbsp;
</blockquote>
Сонымен қатар, Есмағамбетова еліміздің көптеген облыстары жасыл аймақта екенін айтты.

Қазақстанда қайтадан карантин енгізіле ме?

<a href="https://kyzylorda-news.kz/date/2020/11/04/">Kyzylorda-news.kz.</a> Қаржы институты – «Қызылорда» Өңірлік инвестициялық орталығы арқылы беріліп жатқан жеңілдетілген несиелер туралы сауалдарға Орталық менеджері Асхат Темірбаев жауап берді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жалпы «Қызылорда» Өңірлік инвестициялық орталығы құрылғанына 5-6 жыл уақыт болса да халық арасында кең танылған қаржы ұйымдарының бірі. Әсіресе кәсіппен айналысуға ниетті азаматтардың құжаттарын әзірлеуде, кепіл мүлкін бағалауда тиімді жолдарды ұсынып отырған мекеме. Бүгінгі таңда орталықпен қандай несилер берілуде?
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Биылғы жылы «Қызылорда» Өңірлік инвестициялық орталығы арқылы «Еңбек» және «Бизнестің жол картасы» мемлекеттік бағдарламалары аясында жеңілдетілген несиелер берілді. «Еңбек» бағдарламасы арқылы біз «Аграрлы несие корпорациясы» АҚ-ның қаржысын кәсіпкерлерге несие ретінде бердік. Әлі де несие беру жалғасуда. Несие алушыға қойылатын талап: несие 5 жылға беріледі. Максимальды қаржы. 20 млн.теңге, 17,5 пайызбен. Егер кәсіпкер инвестициялық мақсатқа алса бастапқы 3 жылға, ал айналым қаражатына берілетін шағын несиенің бастапқы 2 жылға пайыздық мөлшерлемесін мемлекет тарапынан 11,5 %-ға субсидиялау қарастырылған. Яғни инвестициялық мақсатқа берілген несиелердің бастапқы үш жылында, ал&nbsp; айналым қаражатына берілетін несиенің&nbsp; бастапқы екі жылында кәсіпкер пайыздық мөлшерлемені 6 %-бен төлесе, мемлекет тарапынан 11,5 %-ы субсидияланады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; –&nbsp; Осы Сіз айтып отырған бағдарламаларға қатысушыларға қандай талап қойылады? Арнайы сертификаттар қажет пе?
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – «Еңбек» бағдарламасы бойынша несие алғысы келетін азаматтарға қойылатын талаптар: Кәсіпкерлік палатасы арқылы «Бастау» жобасын оқығандығы жөнінде сертификаты мен жұмыссыз екендігін дәлелдейтін анықтамасы қажет. Ал жұмыс жасап тұрған азаматтар үшін «Бизнес-мектеп» оқыту курсынан алған сертификаты жарайды. Онан өзге кепіл мүлік талап етіледі. Кепіл мүлкі жетпеген жағдайда «ҚазАгроГарант» мекемесі арқылы кепілдендіруге болады.&nbsp; Ал «Бизнестің жол картасы» бағдарламасы арқылы «Даму» Қорынан бөлініп отырған қаражатты алу үшін кәсіпкерлік курстарынан өткендігін дәлелдейтін сертификаттар, жолдама талап етілмейді. Ондай шектеу жоқ. Несие алуға ниетті азамат 18 жастан асса болды. Жасына да қойылатын шектеу жоқ, яғни зейнет жасындағы кәсіпкерлерге де беріледі. Құжаттарға қатысты қойылатын талаптар: төлқұжаты болуы керек, несие тарихы таза болуы қажет, сондай-ақ кепіл мүлік керек. Кәсіпкердің кепіл мүлкі жетпеген жағдайда «Даму» Қоры арқылы 85 пайызға дейін кепілдендіре алады. &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Осы жылы Орталық арқылы қанша жоба қаржыландырылды?
– Биыл Орталықпен жалпы құны 616 млн.теңгені құрайтын 170 жоба қаржыландырылды. Жаңадан 185 жұмыс орны ашылды. «Еңбек» бойынша жалпы құны 450 млн.теңгені құрайтын 149 жоба қаржыландырылды. Бағдарламаның биылғы жылға арналған қаржысын толық игеріп болдық. Қазір «Бизнестің жол картасы» бағдарламасы аясындағы «Даму» Қорының қаржысын игерудеміз. 1 млрд.теңгенің көлемінде қаржы бөлінді. Бүгінгі күнге дейін жалпы құны 113 млн.теңгені құрайтын 7 жобаны қаржыландырдық. Несие алуға ниетті азаматтар үшін біздің мекен-жайымыз: Қызылорда қаласы, Қорқыт ата көшесі, 123, 3-қабат, 306, 308-бөлмелер. Ауылдық елді мекендердің кәсіпкерлері облыс орталығына келіп уақыт жоғалтпай-ақ әр ауданда орналасқан Кәсіпкерлер палатасы филиалдарының мамандарына жүгіне алады.
<img src="https://kyzylorda-news.kz/wp-content/uploads/2020/11/ashat-ric.jpeg" alt="" />

«Қызылорда» өңірлік инвестициялық орталығы арқылы кәсіпкерлерге несие берілуде

<a href="https://kyzylorda-news.kz/date/2020/11/04/">Kyzylorda-news.kz.</a> Қызылорда облысының әкімі Гүлшара Әбдіхалықова облыс орталығында жүзеге асырылып жатқан “Түрлі өнімдерді консервілеу өнеркәсібі” жобасы туралы әлеуметтік желіде ойымен бөлісті.
Қымбатты жерлестер!
Биылғы пандемия кезі бәріміз үшін де сынау кезеңі болғаны рас. Өңірімізде, елімізде ғана емес, әлемде экономика дағдарысқа ұшырады. Осы кезеңде жұмысты дұрыс үйлестіре білмесек, одан шыққан уақытта тіпті дағдарып қалуымыз әбден мүмкін. 
Сондықтан, дәл қазіргі уақытта зардапқа ұшыраған шағын және орта бизнеске қолдау көрсету тиімді болмақ. 
Қауіпті індет кезеңінде облыс халқын дәрі-дәрмектен бөлек, бірінші кезекте азық-түлік өнімдерімен, тағаммен қамтамасыз етудің маңызы зор екені басымыздан өтті. 
Осы мақсатта бүгінгі күні облыс орталығында “Түрлі өнімдерді консервілеу өнеркәсібі” жобасы жүзеге асуда. Бұқтырылған қой, сиыр және жылқы еттері, сондай-ақ, күріш, қарақұмық, арпа ботқалары консервіленіп, дайын өнімдер күйінде шығарылуда. Бұл жоба бойынша алдағы уақытта алма повидлосы мен өрік қайнатпалары әзірленбек. Осы өнеркәсіптің пандемия кезінде бос тұрып қалған мейрамхана базасында жасалып отырғанын айта кету керек. 
Өзім дайын өнім консервілерінің дәмін татып көрдім, ұнады. Кейде жұмыста жүріп, тамақ пісіруге уақыттары бола бермейтін адамдар үшін өте қолайлы. Бағасы да халыққа қолжетімді болмақ. Осы бағыттағы шағын және орта бизнесті дамыту жұмыстарын қолдау жалғаса береді. 
“Бірлігі мықты елдің берекесі де мол”, – дейді дана халқымыз. 
Бірлікте еңбек етейік, ісіміздің нәтижесін бірге көрейік!

Гүлшара Әбдіқалықова: Қазіргі уақытта шағын және орта бизнеске қолдау көрсету тиімді

<a href="https://kyzylorda-news.kz/date/2020/11/04/">Kyzylorda-news.kz.</a> Қызылордада смартфондарға арналған оффлайн форматта аудиогид қосымшасы іске қосылды. Интернетсіз жұмыс істейтін қосымша Қызылорда облысы аумағында орналасқан 30 тарихи-мәдени ескерткіш туралы мәліметті 3 тілде (қазақ, орыс, ағылшын) алуға мүмкіндік береді.
Жоба жетекшісі Қорқыт ата атындағы университетінің Экономикалық теория және мемлекеттік басқару кафедрасының оқытушысы Ағжан Карбозованың айтуынша бұл жоба өңірде алғашқы рет қолданылып отыр.
<blockquote>
 «Әлемдік туризм саласында аудиогид, оффлайн карта, оффлайн гид түсініктері кеңінен таралған. Алайда облыс аумағында мұндай форматта жұмыстар енді жүргізілуде. Жалпы біздің университетте 2018 жылдан бастап туризм мамандығы оқытыла бастады. Сондай-ақ білім алушыларға туризм саласында ғылыми жобалармен айналысуға жол ашылды. «Birgemiz: Asyl мura» жалпыұлттық жобасын жүзеге асыру» мақсатында шағын гранттар жарияланған болатын. Ол шарадан біз де қалыс қалмай «OFFLINE_GUIDE_KZO» атты жобамызды ұсындық. Осының нәтижесінде облыс бойынша 8 жоба ұтып, оның екеуі&nbsp; Қорқыт ата атындағы университетке тиесілі болды. Өңіріміздегі тарихи ескерткіштердің барлығына бірдей интернет желісі тартылмаған. «Offline_guide_kzo» қосымшасының ерекшелігі сол интернетсіз жұмыс істейді», – дейді Ағжан Сайлаубайқызы өңірлік коммуникациялар қызметінде өткен баспасөз мәслихатында.
</blockquote>
Туризм мамандығында білім алушы студенттер аталған жобаға ерікті ретінде тартылған. Олар тарихи нысандар туралы мәліметтерді өңдеуге орыс, ағылшын тілдеріне аударуға, аудиожазба жазуға атсалысқан.

Қызылордада «Offline_guide_kzo»  қосымшасы іске қосылды

<a href="https://kyzylorda-news.kz/date/2020/11/04/">Kyzylorda-news.kz</a>. Қызылжарма ауылдық округінің Мәдениет үйінде Ақ орамалды Аналар сырласу кешін өткізді. Оған «Бойтұмар Ханым» қоғамдық қорының төрайымы, облыстық ҚХА жанындағы Аналар кеңесінің мүшесі Рахима Ахметова, облыстағы әйелдер істері және отбасылық демографиялық саясат жөніндегі комиссия хатшысы Қаламқас Каримова, Аналар кеңесінің төрайымы Нұрсәуле Мұсаева, округтің аналары және БАҚ өкілдері қатысты.
Қатысушыларды «Әжелер» ансамблі әсем әнімен қарсы алды. Келген қонақтарға батыр ана Қуанышкүл Ахметқызы өнер шаңырағының кітапханасын, Қожабековтер «Халықтық» отбасылық ансамблін, «Ән-Ел» эстрадалық ән үйірмесін және ауыл әжелерінің күшімен әсемделген ұлттық нақыштағы мұражайды көрсетіп, құрылу тарихына тоқталды.
<blockquote>
 &nbsp;«Қазақ қызы әрқашан өзінің керемет сұлулығымен, мінез-құлқымен, парасаттылығымен көрінген. Бүгінгі қыз – ертеңгі ұлт анасы. Осы орайда бүгін «Ақ орамал – адалдықтың, инабаттылықтың белгісі» атты кешімізге аналарды шақырып, сырласу кешін ұйымдастырып отырмыз. «Ақ орамал» жобасы аясындағы бұл мазмұнды шара бұған дейін облыстың 7 ауданында өткізілді. Әрбір кездесу, сырласу кешінде біз қыз баланың отбасындағы тәрбиесі, олардың өмірге бейімделуі, еңбекқор, білімді де әдепті, саналы да сезімтал, өресі биік ұрпақ тәрбиелеу жолындағы аналардың рөлі, тәрбиенің маңыздылығы туралы сөз қозғаймыз, – деді Рахима Ахметова бастады.
</blockquote>
Сырласу кешінде 80 жастағы ақ жаулықты анадан жас келіндерге дейін қазіргі қоғамдағы ене мен келіндердің арасындағы сыйластық, әкеге деген құрмет, бүгінгі күннің ең өзекті мәселесі ажырасу сынды тақырыптарға кеңінен тоқталып, өз пікірлерін ортаға салды.
<blockquote>
 «Ана тәрбиесі – жүректен шығып, іс жүзінде қолданылатын құндылық дейді. Жаның мен тәніңді барынша сергітіп, сұлуландырып жіберетін тек жақсы тәрбие ғана. Сондықтан жас ұрпақты үлкен өмір жолында дұрыс әрекетке бағыттап, тәуелсіздігіміздің тұғырын берік ұстайтын адами асыл қасиеттерге бай тұлғалар тәрбиелеу біздің басты мақсатымыз», – дейді Аналар кеңесінің төрайымы Нұрсәуле Мұсаева. &nbsp;
 «Елдің еңселі болуы, еңсегей болуы – еңбекте. Ол еңбектің көзін тапқан, байлықтың өзін табады деген көне тәмсіл тұғырынан еш тайған емес. Мейлі қарын тоқ, көйлек көп болсын, еңбек ету – ешкімнің жығасын қисайтпайды. Қайта адал еңбек адамды нұрландыра түседі», -деді Батыр ана, Қожабековтер «Халықтық» отбасылық ансамблінің жетекшісі Қуанышкүл Ахметқызы.
</blockquote>
Мазмұнды өткен кеш соңында ауыл аналары ықылас батасын беріп, ұйымдастырушыларға алғысын жаудырды.&nbsp;
<img src="https://kyzylorda-news.kz/wp-content/uploads/2020/11/123649741_2780361282283034_7276508723581001322_o.jpg" alt="" />

Рахима Ахметова: Бүгінгі қыз – ертеңгі ұлт анасы

<a href="https://kyzylorda-news.kz/">Kyzylorda-news.kz.</a> Тұрғын үйдегі өрт әдетте түн мезгілінде орын алады.Үйдегі өрт көп жағдайда кішкене алаудың пайда болуынан басталады. Міне, сондықтан өзіңізді және отбасыңызды өрттен қорғау не істеу керек?
<ul>
<li>Ең алдымен тұрақты жұмыс істеуге арналмаған барлық электр құралдарын тоқ көзінен ажыратыңыз</li>
<li>Барлық газ құрылғыларын да ажырату керек.</li>
<li>Артыңыздан шала сөнген темекі қалдығы қалмағанына көз жеткізіңіз.</li>
</ul>
Тұрғын үйде жаңа басталған өрттің белгілерін тану өртті дер кезінде анықтауға және оны жою шараларын қабылдауға көмектеседі. Түтіннің жеңіл иісі болуы, оның бастапқыда білінер – білінбес болуы, одан кейін түтін қоюланып, көзге әсер етуі – бұл өрттің алғашқы анық белгілері.
&nbsp;Резеңкеге тән иістің шығуы&nbsp; – бұл электр сымдарының қызғандығын білдіреді.&nbsp; Резеңке иісінің шығуымен қатар жарықтың немесе электр шамдарының сөнуі бұл жартылай жанудың орын алғанын білдіреді. Құбырдағы күлдің жануын оның гүрілдеп жанған дауысынан немесе күлдің смола тәріздес иісі арқылы анықтауға болады.
Өрттің жаңа басталғанын анықтаған сәтте бастысы сабырлы болу керек. Бұл туралы қалалық немесе мобильді телефон арқылы 101 немесе бірыңғай кезекші – диспетчерлік қызметтің 112 шұғыл нөмірлеріне қоңырау шалып, өрт сөндіру қызметіне хабарлау қажет. Өрт туралы толық және дұрыс ақпарат беру өрт сөндірушіге ықтимал жағдайды алдын ала болжауға және тиісті шешім қабылдауға, аз уақыт ішінде өртті жою бойынша күш пен құралдарды жұмылдыруға мүмкіндік беретінін есте сақтау қажет.
Электр құралдарын сумен сөндіруге болмайды
Өрттің жаңа тұтанып, енді жана бастағанын байқасаңыз, оған су шашып, қалың көрпе, жамылғы жауып немесе топырақ, құм сеуіп, тез сөндіре аласыз. Оттегі өрттің тез өршуіне мүмкіндік береді. Сондықтан жанып жатқан бөлменің терезесін сындыруға, көрші бөлменің есігін ашық қалдыруға болмайды. Қандай жағдай болмасын, жанып тұрған кернеулі электр сымдарын және электр құралдарын сумен сөндірмеңіз – бұл өміріңізге қауіпті.
Егер сіз өрттің ұлғайып қауіп төндіретінін, өртті өз күшіңізбен сөндіре алмайтыныңызды сезсеңіз:
<ul>
<li>Тез арада өрт шығып жатқан бөлмеден шығыңыз</li>
<li>Мүмкіндігіне қарай өрт шығып жатқан бөлменің есік, терезесін мықтап жабу керек</li>
<li>Есік пен еденнің арасындағы саңылауды ылғал шүберекпен бітеп, газды жабыңыз, электр қуатын ажыртаңыз.</li>
<li>Егер үй немесе пәтер түтінге толса, ылғал шүберек арқылы тыныс алып, еденге қарай еңкейіп жүріп қозғалыңыз.</li>
</ul>
Әдетте балалар оттан немесе түтіннен қорыққанда, көзге көріне қоймайтын оңаша жерлерге, көп жағдайда кереуеттің астына, шкафтың ішіне тығылады және танымайтын дыбысқа шыға қоймайды.
Жанып жатқан үйдің есігін ашпаңыз, егер сіз&nbsp; есіктің жылы болып тұрғанын сезсеңіз, онда есіктің арғы беті жанып жатқанын білдіреді.
Егер шығатын жол жабық болса не істеу керек?
Артыңыздан есікті мықтап жауып, жанып жатқан бөлмеден алысқа қарай қашыңыз. Терезені ашып, көмек сұрап айқайлаңыз, көшеден өтіп бара жатқан адамның назарын аудартуға тырысыңыз. Сіздің айқайлаған даусыңызды ешкім естімей жатса, адамдардың назарын аударту үшін терезеге ашық түсті мата ілуге, қол шам жағуға болады. Сізді көріп немесе дауысыңызды естіп, олар көмек шақырады деген сенімдеміз.

Өрт қауіпсіздігі: Электр құралдарын сумен сөндіруге болмайды

<a href="https://kyzylorda-news.kz/date/2020/11/04/">Kyzylorda-news.kz.</a> Пандемияның әсерінен туризм саласы шығынға батты. Қатерлі індеттің кесірінен Қызылордаға сырттан келушілердің саны өткен жылмен салыстырғанда 50 пайызға төмендеп кеткен. Бұл туралы өңірлік коммуникациялар қызметінде өткен баспасөз мәслихатында облыстық кәсіпкерлік және туризм басқармасының басшысы Фердоуси Қожабергенов мәлімдеді.
Басқарма басшысының айтуынша ішкі туризмге келушілердің саны 48,3 пайызға төмендеп және келушілердің жалпы саны 19441 адамды құраған. &nbsp;Өңірдегі қонақ үйлер де 254 млн теңге шығынға ұшыраған.
Өңірдің негізгі туристік нысандарын дамытуға қатысты 2019 жылы «Қазақстан Республикасының туристік саласын дамытудың 2019-2025 жылдарға арналған мемлекеттік бағдарламасы» бекітілген болатын.Бағдарлама аясындағы туристендіру картасына Қызылордадан 3 туристік нысан енгізілгені белгілі болды.
<blockquote>
 ««Қамыстыбас» демалыс аймағы, «Жаңақорған» шипажайы, «Байқоңыр» ойын-сауық туристік аймағы туристендіру картасына енді. Оның ішінде «Байқоңыр» ойын-сауық туристік аймағының жобасы туристендіру картасының ТОП-10 тізімінде. Бұдан бөлек еліміздегі ТОП-50 туристендіру картасына «Қамыстбас» демалыс аймағы мен «Жаңақорған» шипажайы енгізілді. Жаңақорғанда қосымша 88 орындық заманауи шипажайдың құрылысы аяқталуға жақын. Жыл аяғына дейін пайдалануға берілмек», – дейді басқарма басшысы.
</blockquote>
Сонымен қатар «Батыс Еуропа – Батыс Қытай» автокөлік дәлізінің бойында 30 кешен 700-ден астам адамды жұмыспен қамтып отыр. Жыл соңына дейін инвестиция көлемі 950 млн. теңге болатын 2 жол бойы кешені іске қосылмақ.
<blockquote>
 «Пандемия жағдайына байланысты биыл бөлінетін қаржы да қысқарды. Дегенмен басқарма тарапынан өңірдегі аз қамтылған отбасыларға «Байқоңыр», «Қорқыт ата» кешендері мен түрлі харихи орындарға бірнеше рет саяхат ұйымдастырылды», дейді Фердоуси Қожабергенов.
</blockquote>

Жаңақорғанда жаңа шипажай пайдалануға беріледі

<a href="https://kyzylorda-news.kz/date/2020/11/04/?doing_wp_cron=1604466070.8454549312591552734375">Kyzylorda-news.kz.</a> Парламент мәжілісі “Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы” заң жобасын бірінші оқылымда мақұлдады, деп хабарлайды&nbsp;<a href="https://sputnik.kz/">Sputnik Қазақстан</a>.
Ұлттық экономика министрі Руслан Дәленовтың айтуынша, құжат біраз мәселені қамтиды. Осыған байланысты 31 заңнамалық актіге, соның ішінде 14 кодекс пен 67 заңға өзгерістер мен түзетулер енгізіледі. Заң жобасында зейнетақы жинағын пайдалану тетіктері де бар.
<blockquote>
 “Әлеуметтік саясат бойынша азаматтардың зейнетақы жинақтарының бір бөлігін тұрғын үй жағдайын жақсартуға, емделу ақысын төлеуге немесе жеке қаржы компанияларының басқаруына беру мақсатында пайдалану үшін түзетулер көзделген”, – деді Дәленов мәжілістің жалпы отырсында.
</blockquote>
Оның сөзіне қарағанда, заң жобасын қабылдаудың арқасында пандемияға байланысты шектеу шараларынан зардап шеккен салаларды дамытуға, сондай-ақ, тұрақты экономикалық өсімді қамтамасыз етуге мүмкіндік береді.&nbsp;
Бұған дейін заң жобасы арнайы жұмыс тобында жан-жақты қаралған болатын. Оған қатысты 200-ден астам түзету түскен. Бұның барлығы жұмыс тобының отырыстарында қаралды. Депутаттар заң жобасын бірауыздан мақұлдады. Енді, құжат тағы екінші оқылымда қаралады. Осыдан кейін сенатқа жіберіледі.&nbsp;
Айта кетейік, мәжілістің экономикалық реформа және өңірлік даму комитетінің төрағасы Нұртай Сабильянов өзінің әлеуметтік парақшасында осы заң жобасы қарашаның аяғына дейін сенатқа жіберілетінін жазған.

Зейнетақы жинағын пайдалану: мәжіліс заң жобасын мақұлдады

<a href="https://kyzylorda-news.kz/">Kyzylorda-news.kz</a>. Медициналық сақтандыру, пациенттердің құқықтары, COVID-19 белгілері мәселелері бойынша өтініштер тәулік бойы Qoldau-24/7 мобильді қосымшасында қабылданады. Кері байланыстың бұл түрі, әсіресе қазіргі карантин кезіңінде, сұранысқа ие. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. Содан кейін өтініш берушіге қосымшада оның аккаунтында жауап беріледі. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
Филиал директорының айтуынша, Қордың Qoldau-24/7 мобильдік қосымшасы азаматтардың өтініштерін өңдеудің үш деңгейлі жүйесін қамтамасыз етудің кері байланыс арналарының бірі болып табылады. Бірінші желіде – «1406 бірыңғай байланыс орталығы», онда халықтың МӘМС мәселелері бойынша консультациясы, азаматтардың өтініштерін қабылдау, шағымдар мен оқиғаларды тіркеу жүзеге асырылады. Екінші – Қордың заңды және жеке тұлғалармен жұмыс жөніндегі департаменті, оның лауазымына регламенттік мерзімде өтініштерді өңдеуді бақылау, медициналық ұйымдардың жауаптарының сапасын бақылау кіреді. Үшінші желіде – оқиғалардың, шағымның себептерін қарауды және жоюды, өтініш берушінің өтінішіне жауап дайындауды жүргізетін медициналық ұйымдар.&nbsp; Өз сұрақтарыңызды 1406 операторларына «Telegram» – «QoldauINFO» мобильді қосымшалар арқылы да жолдауңызға болады.
1406 байланыс орталығының операторлары халыққа денсаулығын нығайту және өзінің ағзасын қорғау, күдікті симптомдар байқалғанда әрекеттер жасау бойынша кеңес беру дайндығынан өтті.
Әлеуметтік медициналық сақтандыру қорының Qoldau-24/7 мобильді қосымшасын Android смартфондары үшін &nbsp;Play Market арқылы, Apple смартфондары үшін&nbsp; App Store арқылы жүктеп алуға болады.

Коронавирус: Qoldau &#8211; 24/7 сұрақтарға жауап береді

<a href="https://kyzylorda-news.kz/">Kyzylorda-news.kz</a>. Елбасы Н.Ә. Назарбаевтың арқасында 2014 жылы “Бейнеу-Бозой-Шымкент” магистральдық газ құбырын салу жобасы іске асырылды, оның 846 шақырымы Қызылорда облысы арқылы өтеді.
Осындай ауқымды жобаны осы жылдар ішінде іске асыру Қызылорда, Байқоңыр қалаларын және облыстың 7 аудан орталығының 4-ін газдандыруға мүмкіндік берді.
Биыл газбен жабдықтау жобаларын іске асыру үшін бюджеттен 5,5 млрд.теңге бөлінді. Төтенше жағдай режимі мен шектеу шараларына қарамастан, ағымдағы жылғы шілдеде 5 мыңнан астам адам тұратын Арал ауданының Жақсықылыш кентіне газ берілді.
Жыл соңына дейін газдандырылмаған қалған 3 аудан орталығының (Жосалы, Жалағаш, Тереңөзек) тұрғындары мен тұрғындарының жалпы саны 50 мың адам болатын Жаңақазалы ауданындағы Ғани Мұратбаев, Шиелі ауданындағы Байсын елді мекендеріне газ беру жоспарлануда.
Нәтижесінде, ағымдағы жылдың соңына дейін халықтың 70%-ы табиғи газға қол жеткізе алады. 
Содан соң, екінші кезеңде өңір аудан орталықтары мен Қызылорда қаласына жақын ірі елді мекендерді газдандыру бойынша жобаларды кезең-кезеңмен іске асыруға кіріседі.
Ағымдағы жылдың қараша айында Қазалы қаласы мен Шиелі ауданының Бекежанов ауылын газбен жабдықтау жобалары іске асырыла бастайды, олар келесі жылы аяқталатын болады. 
2021 жылы Қызылорда қаласындағы Наурыз және Махамбет елді мекендерін, Қармақшы ауданының Төретам және Ақай, Алғабас, Ақмая елді мекендерін, Шиелі ауданының Қодаманов елді мекендерін газдандыру жоспарлануда.

2021 жылы Қызылорданың қай ауылдарына газ тартылады?

<a href="https://kyzylorda-news.kz/">Kyzylorda-news.kz</a>. Тасбөгет кентінде «Жұмыспен қамтудың 2020-2021 жылдарға арналған жол картасы» бағдарламасы аясында 3 көшеге күрделі жөндеу, 1 көшеге орташа жөндеу қолға алынса, кенттің жаңадан қалыптасып келе жатқан аумағындағы 15 көшеге малта тас төсеу жұмыстары жүргізілуде.
Кенттің көшелерін жарықтандыру жұмыстарына да аса мән берілген. Биыл 4 көшеге жарық бағаналарын орнату жұмыстары жүргізілуде. Жалпы, кентте 23 көшеге барлығы 957 дана көше жарығы орнатылған.
Бұдан бөлек қоныстанушы жеке үйлерді жаңадан электр желілерімен қамту мақсатында кенттің шет аймақтарындағы 4 көшеге электр бағаналары орнатылуда.
Тұрғындардың ерекше сұранысына ие кентті спорт алаңдарымен қамтуда сәтті жүзеге асырылуда. Бұл мақсатта «Жұмыспен қамтудың 2020-2021 жылдарға арналған жол картасы» аясында кенттің орталығынан заманауи стритбол алаңы бой көтерді.
Кент аумағынан жаңа бейіт салу мәселесін көтеріп жүрген кент тұрғындары үшін бүгінгі күні жаңа бейіттің құрылыс алаңын әзірлеу жұмыстарының бастау алуы да игі істердің бірі.
Сонымен қатар, биыл кентке қарасты Сабалақ саяжайына да ерекше көңіл бөлініп отыр. 2020 жылы облыстық бюджеттен қаралған қаржыға қалалық электр тарату торабы арқылы Сабалақ өңіріндегі «Медик», «Монолит», «Қаржыгер», «Обувщик», «Мелиоратор», және «Дорожник» бау-бақша серіктестігіне 6 дана трансформатор, сонымен бірге 17,6 шақырымға 488 дана электр бағаналары орнатылу жұмыстары жүргізілуде.
2018 жылы Сабалақ өңірін ауыз сумен қамту мақсатында әзірленген жобаның І кезеңі жүзеге асырылып, ұзындығы 17,0 шақырым болатын су құбыры жүргізілсе, биыл жобаның ІІ кезеңі аясында ауыз су құбырын әрбір үйге тарту үшін жұмыстардың алғашқы сатылары бастау алуда.
Тасбөгет кентінің әкімі&nbsp;Семсер Сыздыков&nbsp;кенттегі соңғы 2-3 жыл көлемінде атқарылған жұмыстарға қалың жұрттың ризашылығын білдіре отырып, алдағы уақытта да кентті дамытуға бағытталған жоспарлы жұмыстар қала әкімінің қолдауымен өз жалғасын таба беретінін жеткізді.
<img src="https://kyzylorda-news.kz/wp-content/uploads/2020/11/123705279_2699916323608442_4132376980657830240_o.jpg" alt="" />

Қазақстан және Қызылорда облысының жаңалықтары

Алдағы үш күнге арналған ауа райы болжамы

Қазақстанда қайтадан карантин енгізіле ме?

«Қызылорда» өңірлік инвестициялық орталығы арқылы кәсіпкерлерге несие берілуде

Гүлшара Әбдіқалықова: Қазіргі уақытта шағын және орта бизнеске қолдау көрсету тиімді

Қызылордада «Offline_guide_kzo» қосымшасы іске қосылды

Рахима Ахметова: Бүгінгі қыз – ертеңгі ұлт анасы

Өрт қауіпсіздігі: Электр құралдарын сумен сөндіруге болмайды

Жаңақорғанда жаңа шипажай пайдалануға беріледі

Зейнетақы жинағын пайдалану: мәжіліс заң жобасын мақұлдады

Коронавирус: Qoldau – 24/7 сұрақтарға жауап береді

2021 жылы Қызылорданың қай ауылдарына газ тартылады?

Тасбөгетте атқарылған жұмыстардың ауқымы кең

Қазақстан және Қызылорда облысының жаңалықтары

Алдағы үш күнге арналған ауа райы болжамы

Қазақстанда қайтадан карантин енгізіле ме?

«Қызылорда» өңірлік инвестициялық орталығы арқылы кәсіпкерлерге несие берілуде

Гүлшара Әбдіқалықова: Қазіргі уақытта шағын және орта бизнеске қолдау көрсету тиімді

Қызылордада «Offline_guide_kzo» қосымшасы іске қосылды

Рахима Ахметова: Бүгінгі қыз – ертеңгі ұлт анасы

Өрт қауіпсіздігі: Электр құралдарын сумен сөндіруге болмайды

Жаңақорғанда жаңа шипажай пайдалануға беріледі

Зейнетақы жинағын пайдалану: мәжіліс заң жобасын мақұлдады

Коронавирус: Qoldau &#8211; 24/7 сұрақтарға жауап береді

2021 жылы Қызылорданың қай ауылдарына газ тартылады?

Тасбөгетте атқарылған жұмыстардың ауқымы кең

Коронавирус: Qoldau – 24/7 сұрақтарға жауап береді