<a href="https://kyzylorda-news.kz/">Kyzylorda-news.kz</a>. «Ауыл» партиясының төрағасы Әли Бектаев Парламентаралық Ассамблеясының бақылаушыларына партия бағдарламасын егжей тегжейлі түсіндірді.⠀
Онлайн режимінде өткен Парламентаралық Ассамблеясының бақылаушыларымен кездесуінде Партия төрағасы 10 қаңтарда өтетін ҚР Парламенті Мәжілісі мен мәслихаттар сайлауында «Ауыл» партиясынан тізім бойынша 625 кандидат ұсынылғанын айтты.⠀
<blockquote>
 «Оның ішінде ҚР Парламент Мәжілісіне 19 адам, облыстарға және Республикалық маңызы бар Нұр-Сұлтан, Алматы және Шымкент қалаларына – 98 адам, аудандық және облыстық маңызы бар қалалық мәслихаттарға – 508 адам. Қазір барлық 17 өңірлік және 177 аудандық штаб белсенді түрде үгіт-насихат жұмыстарына кірісті», деді ол.⠀
</blockquote>
Айта кетейік, Партия қазірдің өзінде бекітілген медиа-жоспарға сәйкес барлық өңірлерде халықпен, жұмыс ұжымдарымен кездесулер өткізіп жатыр.

Әли Бектаев «Ауыл» партиясының бағдарламасын  түсіндірді⠀

<a href="https://kyzylorda-news.kz/">Kyzylorda-news.kz</a>. Экология, геология және табиғи ресурстар министрі Мағзұм Мырзағалиев құрғап бара жатқан Арал проблемасын қалай реттегелі отыр? Бұл сұрақ Орталық коммуникациялар қызметіндегі баспасөз мәслихатында министр Мағзұм Мырзағалиевқа қойылды, деп хабарлайды <a href="https://www.inform.kz/kz/aral-problemasy-sheshu-ushin-kanday-sharalar-kabyldanbak_a3737397">ҚазАқпарат</a>.
<blockquote>
 «Бұл өте кешенді проблема. 2002 жылдан бастап 2008 жылға дейін осы кешенді бағдарламаның алғашқы кезеңі іске асырылған болатын. Біріншіден, жобаны сәтті жүзеге асырудың арқасында су айдыны 870 шаршы шақырымға немесе 40 пайызға артты, судың минералдану деңгейі төмендетілді. Осының арқасында Аралдың солтүстігінде қазірдің өзінде 20 түрлі балық мекендейді. Әлбетте бұл жұмысты ары қарай жалғастыру керек. Жұмысты екі бағытта жүргіземіз», – деді Мағзұм Мырзағалиев.
</blockquote>
Министр өзі атаған екі бағытқа кеңінен тоқталды.
<blockquote>
 «Біріншіден, су айдынын қаншалықты кеңейтуге болатыны жөнінде мәселе тереңінен зерттеледі. Бұл жұмысты біз Дүниежүзілік банкпен бірге бастап кеттік. Экологиялық проблеманы шешудің екінші акпекті – Арал теңізінің құрғап қалған бөлігіне ағаш егу. Кейінгі жылдары ол орындардағы 270 мың гектар аумаққа сексеуіл егілгенін атап өту керек. Бәлкім, бұл шаруа тұздану және құмдану процесіне қарсы күресудің бір жолы болса керек», – деді ол.
</blockquote>
Мағзұм Мырзағалиев алдағы бес жылда Мемлекет басшысының тапсырмасымен орман қорына 2 млрд түп ағаш егілетінін еске салды.
<blockquote>
 «Осы жұмыстың аясында Аралдың құрғап қалған аумағына 160 мың гектар жеріне сексеуіл егіледі», – деді ол.
</blockquote>

Арал проблемасы шешу үшін қандай шаралар қабылданбақ

<a href="https://kyzylorda-news.kz/">Kyzylorda-news.kz</a>. Қызылорда облысында зағип және нашар көретін жандардың саны 1117 адамды құрайды. Оның 714-і бірінші санаттағы мүгедек. Еңбекке жарамды 60-тан астам азамат қоғамдықпен жұмыс істеуде.
<blockquote>
 “Облысымызда зағиптар қоғамының 5 қоры бар. Шаһарымыздың зағип жандары компьютер тілін меңгеруде. Биыл оңалтудың жеке бағдарламасы шеңберінде 1461 тифлотехникалық құрал алынды. Яғни , көзі нашар көретін жандар брайль жүйесіндегі мамандандырылған компьютерлік тифлокешен жиынтығымен жұмыс жасайды. Компьютерлік сауаттылық курсын 245 азамат оқып, сертификат алды. Енді мүмкіндігі шектеулі жандар қарапайым мәтіндерді теруден бастап, әлеуметтік желілер арқылы бір-бірімен хабар алмасуды үйренуде”, – деді « Қазақ соқырлар қоғамы» ҚБ облыстық филиалының төрағасы Асқар Қолдабеков.
</blockquote>

Қызылорда облысында зағиптар қоғамының 5 қоры бар

<a href="https://kyzylorda-news.kz/">Kyzylorda-news.kz.</a> Қызылордада ертеңнен бастап азық-түлік дүкендері, шағын маркеттер, сұлулық салон, шаштараз; супермаркет, гипермаркет, ашық базарлар, азық-түлік емес дүкендер, сауна, спа-орталық, монша, спорттық-сауықтыру, сауда-ойын-сауық, балалар мен ересектердің білім беру, бизнес орталықтары, кинотеатрлар өздерінің штаттық режимдегі уақыты бойынша жұмыс жасайтын болады. Жаңа қаулыны таныстырған Қызылорда облысының Бас мемлекеттік санитариялық дәрігері Динара Жаңабергенова осылай деп мәлімдеді.
2021 жылдың №1 Қаулыға сәйкес келесі кальянды пайдалануға, ойын-сауық, спорттық іс-шараларды, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды, оның ішінде үйде және адамдар көп жиналатын өзге де іс-шараларды, букмекерлік кеңсе, балаларды сауықтыру лагерлерінің қызметіне, спортшылардың өзге елдегі жарысқа қатысуына шектеу шаралары сақталады.
Ал жолаушылар поездарына, ашық ауадағы жаттығуға, Ұлттық құрама, клуб командаларының спорттық жаттығуларына, қаржы ұйымдарына, көрермендердің қатысуынсыз, бір мезгілде 100 адамнан асырмай республикалық жарыстарды өткізуге, бір мезгілде 30 адамнан асырмай, облыстық командаларды даярлау үшін оқу-жаттығу жиындарын өткізуге рұқсат беріледі. Басты өзгеріс білім саласына қатысты. Оқу жылының үшінші тоқсанынан бастап, контингенті 300 оқушыға дейін қалалық және ауылдық мектептерде сыныптардағы балалар саны 15 адамға дейін дәстүрлі форматта оқуға, сыныптарды 15 баладан асырмай, ата-аналардың өтініші бойынша жалпы білім беретін мектептерде 1-ден 5 сыныпқа дейін қоса алғанда, халықаралық мектептерде 7 сыныпқа дейін қоса алғанда кезекші сыныптарда оқытуға, оқу бітіретін сыныптар (9, 11 (12) сыныптар) үшін аптаның 6 күні ішінде аралас оқытуға: пәндердің 70%-ын штаттық режимде, 30%-ын қашықтықтан оқытуға, білім беру мекемесі әкімшілігінің шешімі бойынша сабақтан тыс уақытта 5 адамнан аспайтын топтарда оқушыларды жеке оқытуға рұқсат берілді.
Екінші семестрден бастап колледждер мен жоғары оқу орындарының I курс студенттері үшін штаттық оқытуға көшеді.
Қаулы 2021 жылдың «06» қантар 00 сағат 00 минуттан бастап күшіне енеді.

Қызылордада жаңа қаулы қабылданды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова экономиканың негізгі секторларында басты көрсеткіштерді айқындайтын 2021 жылдың Іс-қимыл жоспарына арналған жиын өткізді.
Аймақ басшысы 2021 жылы өңірдің экономикалық табыс деңгейін арттыруға арналған нақты жоспар бойынша маңызды жоспарларды саралады.
Жиында облыстық экономика және бюджетті жоспарлау басқармасының басшысы Нұрғали Қордабай биылғы жылы іске асатын маңызды жобалар мен басым бағыттар бойынша алдағы жоспарларды тізбеледі. Бұдан былай көрсеткіштердің орындалуы бойынша ай сайынғы жоспарлар қойылып, басқарма басшылары межеленген көрсеткіштердің орындалуы бойынша есеп береді.
Облыс әкімінің Іс-қимыл жоспар жобасы экономика салаларының басты индикаторларын айқындайтын 6 негізгі бағыттан тұрады. Жоспар 2021 жылы бюджеттік және бюджеттік емес қаржылардан жүзеге асырылуы жоспарланған негізгі іс-шараларды қамтиды.
Алдағы кезеңде негізгі тірек салалар бойынша жобалар іске асып, маңызды құрылыс нысандары салынады. Инвестиция тарту, ауыл шаруашылығы өнімдерінің үлесін арттыру, өндеу өнеркәсібі саласын дамыту бағыттағы бірқатар жұмыстар іске асады. Адами капитал сапасын арттыруға арналған жобалар қабылданып, білім, медицина, мәдениет, спорт салаларында түрлі бастамалар жүзеге асады.
Отырыс соңында облыс әкімі Гүлшара Әбдіқалықова орынбасарларына жоспарға енген әрбір жұмыстың орындалуы, нақты индикаторлық көрсеткіштерді кешенді түрде іске асыруды тапсырды.

Гүлшара Әбдіқалықова 2021 жылдың жоспарына арналған жиын өткізді

<a href="https://kyzylorda-news.kz/">Kyzylorda-news.kz</a>. “Ауыл” партиясының Парламент Мәжілісінің және мәслихаттар депутаттығына кандидаттар “Ауылдан ауылға” акциясы аясында Арал ауданындағы “Арал Балық” зауытына барды. Үгіт-насихат тобында Зейін Әліпбек, С.Өмірзақов және Б.Сандыбаев болды.⠀
Үміткерлер саяси ұйымның сайлауалды бағдарламасы жөнінде әңгімелеп, зауыт ұжымына балық шаруашылығы туралы және ауыл шаруашылығы өнімдерін терең өңдеуді дамыту мәселелеріне қатысты партия бастамаларын алға тартты.
Кәсіпорын қызметкерлерін тыңдаған «ауылдықтар», браконьерліктен және балық аулауға мемлекет белгілеген лимиттерден басқа, экономика және табиғи ресурстарды қорғау тұрғысынан балық өсіруде анау айтқан проблемалар жоқ дегенмен тауарлы балық шаруашылығында жағдай сәл өзгеше. Оның әлеуеті толыққанды пайдаланылмай отыр. Құс шаруашылығымен салыстырғанда, бұл бағытта балық өсірудің өнімділігі мен тез өсуі жақсы көрсеткіштерге ие.
Қазақстанда балық өнімдерін тұтыну мәдениетінің дамымағандығынан балықты ішкі нарықта өткізу бойынша қиындықтар сала дамуына кедергі келтіріп отыр.
<img src="https://kyzylorda-news.kz/wp-content/uploads/2021/01/132727712_2788619678022934_3944372116085253789_o.jpg" alt="" />
<img src="https://kyzylorda-news.kz/wp-content/uploads/2021/01/132653247_2788619668022935_6522630268282333408_n.jpg" alt="" />

&#8220;Ауыл&#8221; партиясының өкілдері &#8220;Арал Балық&#8221; зауытына барды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев талантты жастарды қолдау мақсатында “Тәуелсіздік ұрпақтары” атты грант тағайындауды ұсынды. Бұл туралы президент&nbsp;<a href="https://egemen.kz/article/260146-tauelsizdik-barinen-qymbat">“Егемен Қазақстан”</a>&nbsp;газетінде жарияланған “Тәуелсіздік бәрінен қымбат” мақаласында айтты.
Президент жастар – қашанда тың идеялардың қайнар көзі, оң өзгерістердің қозғаушы күші екенін атап өтті. Сондықтан ол өскелең ұрпақтың әлеуетін дұрыс арнаға бағыттап, тиімді пайдалану қажет деп санайды.
<blockquote>
 “Осы орайда президент жанындағы жастар кеңесінің қызметін жандандырған жөн. Оны білікті әрі білімді жастарды жұмылдыратын жүйелі жұмыс алаңына айналдырамыз. Бұдан бөлек, мен азаттық жылдарында дүниеге келген, әлі танылып үлгермеген талантты жастарды қолдау мақсатында “Тәуелсіздік ұрпақтары” атты грант тағайындауды ұсынамын”, – деді Тоқаев.
</blockquote>
Сондай-ақ, мемлекет басшысы қазақстандық жастардың шетелге кетуіне қатысты да пікір білдірді.
<blockquote>
 “Ел ішінде жастар шетелге кетіп жатыр деген алаңдаушылық бар. Мен жастарымыз білімін жетілдіріп, бәрібір елге оралады немесе шетелде жүріп-ақ Қазақстанның мүддесін қорғайды деп сенемін”, – деді ол.
</blockquote>
Осы орайда президент кезінде Елбасы Нұрсұлтан Назарбаевтың да бозбала шағында Украинаға аттанып, еңбек, білім және әкімшілік дағдыларына ие болғанын еске салды. Өзі де білім қуып Мәскеуге сапар шеккенін, өзге мемлекеттерде жұмыс істегенін айтты.
<blockquote>
 “Біздің талай замандастарымыз бүгінгі жастар сияқты алыс шетелдерге бара алмаса да, Кеңес Одағының түрлі қалаларында білім алды. Бірақ, басым көпшілігі тамырынан ажырап, ол жақта біржола қалып қойған жоқ. Елге келіп, еңбек етті. Сондықтан жырақта жүрген жастарымыздан айырылып қаламыз деп уайымдаудың жөні жоқ. Біздің міндетіміз – олардың бойына мемлекетшілдік рухын сіңіріп, қай жерде жүрсе де туған елдің игілігіне қызмет етуге жұмылдыру”, – деді мемлекет басшысы.
</blockquote>
Тоқаевтың айтуынша, әлемнің ең дамыған елдерінде өз кәсібін бастаған және алпауыт компанияларда жұмыс істеп жүрген қандастардың осындағы замандастарымен байланысын нығайтып, тәлімгерлік етуіне жағдай жасау керек.
<a href="https://sputnik.kz/society/20210105/15922681/Toqaev-granttar.html">Sputnik.kz.</a>

Тоқаев жаңа грант тағайындауды ұсынды

<a href="https://kyzylorda-news.kz/">Kyzylorda-news.kz.</a> БЖЗҚ сайты зейнетақы жинағынан алуға болатын қаржыны автоматты түрде көрсететін болды, деп хабарлайды <a href="https://lenta.inform.kz/kz/zeynetaky-zhinagynan-aluga-bolatyn-soma-bzhzk-saytynda-avtomatty-turde-korsetiledi_a3737241">ҚазАқпарат</a>.
Зейнетақы қорының сайтындағы салымшылардың жеке кабинетінде жинақты тұрғын үй жағдайларын жақсартуға және (немесе) емделуге пайдалануға болатын сома көрсетілген жаңа «терезе» пайда болды.
Сондай-ақ жеке кабинетте өзіңіздің «жеткіліктілік шегіңізді» (шотта қанша қаражат қалуы тиіс, әрбір жас санаты үшін ол әр түрлі) және ЖТС төлемін ескере отырып алуға болатын қаражат сомасын (егер сіз оны бірден төлеу қажет деп есептесеңіз) білуге болады.

Зейнетақы жинағынан алуға болатын қаражат БЖЗҚ сайтында автоматты түрде көрсетіледі

<a href="https://kyzylorda-news.kz/">Kyzylorda-news.kz.</a> Жаңа жылдың алғашқы күнінде Қызылорда облысы Полиция департаменті Жалағаш аудандық полиция бөлімінің қызметкерлері 102 жастағы қарт тұрғын Батти Аманбаеваны құттықтады.
Батти әжей отбасымен Жалағаш ауданы, Еңбек ауылында тұрады. Ол 7 баланы дүниеге әкеліп, қазіргі таңда олардың үшеуі үлкен әулетке айналған.
Бүгінгі күні қарт ананың 21 немересі, 38 шөбересі және 12 шөпшегі бар.
Өткен жылы Батти Аманбаеваға Жалағаш ауданының Құрметті азаматы атағы берілді.
Ғасыр жасаған әже жаңа жасымен құттықтап келген полиция қызметкерлеріне алғыс айтып, оларға ақ батасын берді.

Қызылордалық полицейлер 102 жастағы кейуананы құттықтады

<a href="https://kyzylorda-news.kz/">Kyzylorda-news.kz.</a> Зерттеушілер COVID-19 анықталған пациенттерде пайда болатын жаңа, сирек кездесетін симптом туралы мәлімдеді,&nbsp;деп хабарлайды&nbsp;<a href="https://stan.kz/">Stan.kz</a>.
Daily Express мәліметінше, тұрақты түрде ықылықтау коронавирустық инфекцияны білдіруі мүмкін.
Бұрын ықылық COVID-19 негізгі белгілерінің бірі болған жоқ, алайда оның ұзаққа созылған көрінісі инфекцияның болуын көрсетеді. Мысырлық&nbsp; дәрігерлер коронавирус тек ықылық&nbsp; арқылы анықталған пациенттің зерттеуін жариялады.
64 жастағы ер адам дәрігерлерге үш күннен кейін тоқтаусыз ықылық шағымымен жүгінген, содан кейін оның коронавирус жұқтырғаны және лейкоциттердің төмен деңгейі бар екені белгілі болды.
Осыған ұқсас жағдай америкалық ғалымдар жариялаған мақалада сипатталған. 62 жастағы науқас ықылық басталғаннан төрт күн өткен соң дәрігерлерге жүгінген. Инфекция өкпеге әсер еткен, бұл&nbsp;ер адамда да лейкоциттер мен тромбоциттер деңгейі төмендеген.
Ықылық белгілі бір нервтердің жиырылуымен байланысты диафрагманың конвульсиялық жиырылуынан болады. Ықылық стресстен немесе дұрыс тамақтанбау салдарынан да пайда болуы мүмкін. Егер адам екі күннен артық ықылықтауды тоқтатпаса немесе ықылық жиі пайда болса, дәрігерлер медициналық көмекке жүгінуді ұсынады.

Коронавирустың күтпеген симптомы аталды

<a href="https://kyzylorda-news.kz/">Kyzylorda-news.kz.</a> Қазақстанның депозиттерге кепілдік беру қоры (ҚДКБҚ) кепілдік берілген өтемді төлеу тәртібін оңайлатады, деп хабарлайды <a href="https://lenta.inform.kz/kz/elimizde-kepildik-berilgen-otemdi-toleu-tartibi-zhenildeydi_a3737220">ҚазАқпарат</a>.
2021 жылдың 2 қаңтарында Қазақстан Республикасының Президенті «Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы» Қазақстан Республикасының заңына қол қойды.
Аталмыш заң елдің әлеуметтік-экономикалық тұрақтылығын сақтауға бағытталған.
Заң депозиттерге кепілдік беру жүйесінің мәселелері бойынша жаңа маңызды енгізілімдерді қарастырады. Олар азаматтарға кепілдік берілген өтемді төлеу тәртібін оңайлатады.
Алғашқы қадам. 2021 жылдың 1 мамырынан бастап кепілдік берілген өтем төлеудің жаңа тәртібі іске қосылады.
Соған сәйкес, лицензиясынан айырылған банктің салымшылары кепілдік берілген өтемді төлеу жөніндегі өтінішті агент банктің бөлімшесіне бармай-ақ, тікелей Қазақстанның депозиттерге кепілдік беру қорына (ҚДКБҚ, Қор) электрондық тәсілмен бере алады.
«Tengri Bank» АҚ салымшыларына, сондай-ақ қазіргі уақытта таратылып жатқан банктердің («Валют-Транзит Банк» АҚ, «Қазинвестбанк» АҚ, «Delta Bank» АҚ, «Qazaq Banki» АҚ, «Эксимбанк Қазақстан» АҚ және «Астана Банкі» АҚ) салымшыларына да осындай мүмкіндік беріледі.
Осылайша төлем алу үшін агент банкке әлі күнге дейін бармай жүрген 450 мыңнан астам салымшы 2021 жылдың 1 мамырынан бастап кепілдік берілген өтемді алу жөніндегі өтінішті онлайн түрінде бере алады.
Бұл ретте дәстүрлі банктік қызмет көрсету тәсілін қалайтын, сондай-ақ өтем алуға үшінші тұлғалары (мұрагерлер, сенімхат бойынша өкілдер және басқа да құқық иеленушілер) өтініш бере алатын салымшылар үшін агент банк арқылы кепілдік берілген өтем төлеу тәртібі сақталады.
Кепілдік берілген өтемді төлеу жөніндегі өтінішті қор электронды және жазбаша түрде (агент банк арқылы) төлем басталған күннен бастап 1 жыл ішінде, ал тарату үдерісіндегі банктердің салымшыларынан 2022 жылдың 1 мамырына дейін қабылдайды.
Кепілдік берілген өтемді төлеу жөніндегі өтінішті онлайн беру – қазіргі қолданыстағы төлем тәртібін оңайлатады және салымшыларға ыңғайлы жағдай жасай отырып, төлем алудың анағұрлым тартымды тәсіліне айналатын болады.
Бұл салымшылардың уақытын үнемдейді, агент банкке баруға кететін жол шығынын азайтады және алғашқы төлем күндері адамдардың тым көп шоғырлануын бәсеңдетеді.
Бұл әсіресе COVID-19 коронавирустық инфекция пандемиясы кезеңінде өте маңызды.
Екінші қадам. Салымшылардың төлем басталғаннан бері 1 жыл бойы талап етпеген кепілдік берілген өтем сомаларын ҚДКБҚ олардың «Бірыңғай жинақтаушы зейнетақы қоры» акционерлік қоғамындағы (БЖЗҚ) зейнетақы шоттарына ерікті зейнетақы жарналары ретінде аударады.
Кепілдік берілген өтемді төлеу мерзімі аяқталуға 30 жұмыс күні қалғанда қор салымшыларға өтем төлеу аяқталатын күн және салымшылардың 1 жыл бойы талап етпеген өтем сомалары БЖЗҚ-ға аударылатындығы туралы БАҚ және өз сайты арқылы хабарлайды.
БЖЗҚ-ға аударылған кепілдік берілген өтем сомасы салымшының ерікті зейнетақы жарнасы болып танылады және (есептелген инвестициялық табысты қоспағанда) салық салудан босатылады. Ерікті зейнетақы жарналарын есепке алу бойынша зейнетақы шоттары автоматты түрде ашылады. Ол үшін БЖЗҚ-ға барудың қажеті жоқ.
Бұл тәртіп 2021 жылдың 1 мамырынан бастап іске қосылады және «Tengri Bank» АҚ салымшыларына, сондай-ақ қазіргі уақытта таратылып жатқан банктерге де («Валют-Транзит Банк» АҚ, «Қазинвестбанк» АҚ, «Delta Bank» АҚ, «Qazaq Banki» АҚ, «Эксимбанк Қазахстан» АҚ және «Астана Банкі» АҚ) қолданылады.
Төлем басталған күннен бастап 1 жыл бойы немесе 2022 жылдың 1 мамырына дейін қандай да бір дәлелді себептермен өтем алуға келе алмаған салымшылар үшін Қорға кепілдік берілген өтемді алуға (растайтын құжаттармен бірге) жазбаша өтініш беру құқығы сақталады.
Дәлелді себептер тізімі «Қазақстан Республикасының екiншi деңгейдегі банктерiнде орналастырылған депозиттерге мiндеттi кепiлдiк беру туралы» Заңда тікелей қарастырылған.
Өтініш банктi мәжбүрлеп тарату туралы мәліметтер Бизнес-сәйкестендіру нөмірлерінің ұлттық тiзiлiмiне енгiзiлген күнге дейін немесе кепілдік берілген өтем сомасы БЖЗҚ-ға аударылған жағдайда, салымшының ерікті зейнетақы жарналары есебінен зейнетақы төлемдерін алу құқығы туындағанға дейін берілуі мүмкін.
Ушінші жаңа енгізілім – шетелдік банктердің филиалдарындағы депозиттерді қорғау. Шетелдік банктердің Қазақстан аумағында ашылатын филиалдары уәкiлеттi органның жеке тұлғалардың депозиттерiн қабылдауға, банк шоттарын ашу мен жүргiзуге берген лицензиясын алған сәттен бастап депозиттерге міндетті кепілдік беру жүйесінің қатысушылары атанады.
Осылайша азаматтардың шетелдік банктердің филиалдарында ашылған депозиттеріне де Қор кепілдігі қолданылады.

Елімізде кепілдік берілген өтемді төлеу тәртібі жеңілдейді

<a href="https://kyzylorda-news.kz/">Kyzylorda-news.kz.</a> Мемлекет басшысы қазақ тілін білмейтін азаматтарға үндеу жасады. Қасым-Жомарт Тоқаев бұл туралы <a href="https://egemen.kz/article/260146-tauelsizdik-barinen-qymbat">“Егемен Қазақстан”</a>&nbsp;газетінде жарияланған “Тәуелсіздік бәрінен қымбат” атты мақаласында қозғады.
Президент ниет пен ынта болса, ана тілді қысқа уақытта меңгеріп шығуға болады дейді. Сондай-ақ мемлекеттік тілді білу – Қазақстанның әрбір азаматының парызы, тіпті, міндеті екенін айтты.
<blockquote>
 “Осы орайда мен барша қазақстандықтарға, оның ішінде қазақ тілін әлі жете меңгермеген отандастарыма үндеу тастағым келеді. Жастар ағылшын тілін немесе басқа да тілдерді аз ғана уақытта меңгере алатынын көріп отырмыз. Тұтас буын алмасқан осы жылдарда қазақ тілін үйренгісі келген адам оны әлдеқашан біліп шығар еді. Халқымызда “Ештен кеш жақсы” деген сөз бар. Ең бастысы, ынта болуы керек”, – деді Президент.&nbsp;
</blockquote>
Мемлекет басшысы қазақ тілді кеңінен қолдану басқа тілдерге, әсіресе орыс тіліне шектеу қойылады дегенді білдірмейтінін атап өтті. Барша этнос өкілдерінің ана тілін, салт-дәстүрін дамытуға мүмкіндік жасала береді. Жастар бірнеше тіл білу өздерінің көкжиегін кеңейтіп, көкірек көзін оятатынын жете түсінгені абзал.&nbsp;
<blockquote>
 “Бүгінде мемлекеттік тілді білетін қазақтың да, өзге этнос өкілдерінің де үлесі едәуір артты. Қазақ тілін, шын мәнінде, бүкіл халқымызды біріктіруші факторға айналдырудың барлық құқықтық тәсілдері және кепілдіктері қалыптасты. Мәселе – ниетте. Ниеттің дұрыс болуы қазақ тілін меңгергісі келетін адамдарға да, осы мақсатқа жетуге жағдай жасайтын Үкіметке де байланысты”, – деді мемлекет басшысы.
</blockquote>
Президенттің айтуынша, тіл игеру үшін балалар әдебиетінің атқаратын рөлі зор. Сондықтан, қазақ қаламгерлерінің үздік шығармаларына қоса, балаларға арналған шетел жазушыларының да таңдаулы туындыларын аударып, көптеп басып шығаруды және таратуды қолға алған жөн. Оған сұраныс жоғары, деп түйіндеді Тоқаев.

Қазақстан және Қызылорда облысының жаңалықтары

Әли Бектаев «Ауыл» партиясының бағдарламасын түсіндірді⠀

Арал проблемасы шешу үшін қандай шаралар қабылданбақ

Қызылорда облысында зағиптар қоғамының 5 қоры бар

Қызылордада жаңа қаулы қабылданды

Гүлшара Әбдіқалықова 2021 жылдың жоспарына арналған жиын өткізді

“Ауыл” партиясының өкілдері “Арал Балық” зауытына барды

Тоқаев жаңа грант тағайындауды ұсынды

Зейнетақы жинағынан алуға болатын қаражат БЖЗҚ сайтында автоматты түрде көрсетіледі

Қызылордалық полицейлер 102 жастағы кейуананы құттықтады

Коронавирустың күтпеген симптомы аталды

Елімізде кепілдік берілген өтемді төлеу тәртібі жеңілдейді

Қасым-Жомарт Тоқаев үндеу жасады

Қазақстан және Қызылорда облысының жаңалықтары

Әли Бектаев «Ауыл» партиясының бағдарламасын түсіндірді⠀

Арал проблемасы шешу үшін қандай шаралар қабылданбақ

Қызылорда облысында зағиптар қоғамының 5 қоры бар

Қызылордада жаңа қаулы қабылданды

Гүлшара Әбдіқалықова 2021 жылдың жоспарына арналған жиын өткізді

&#8220;Ауыл&#8221; партиясының өкілдері &#8220;Арал Балық&#8221; зауытына барды

Тоқаев жаңа грант тағайындауды ұсынды

Зейнетақы жинағынан алуға болатын қаражат БЖЗҚ сайтында автоматты түрде көрсетіледі

Қызылордалық полицейлер 102 жастағы кейуананы құттықтады

Коронавирустың күтпеген симптомы аталды

Елімізде кепілдік берілген өтемді төлеу тәртібі жеңілдейді

Қасым-Жомарт Тоқаев үндеу жасады

“Ауыл” партиясының өкілдері “Арал Балық” зауытына барды