<a href="https://kyzylorda-news.kz/">Kyzylorda-news.kz.</a> Ішкі нарықты отандық өнімдермен толықтыруда Сыр елінде қарапайым заттар экономикасы бағдарламасы іске асуда. Өнеркәсіпті дамытуға үлес қосып жатқан кәсіпкерлерді қолдауда өңірде 151 жоба іске асырылды. Соның бірі – «Сыр жиһазы» кәсіпорны. Өнеркәсіп өнімдері бұған дейін Ресейге экспортталып келген.
Өндіріс орны экономикалық сұранысқа сай өнім өндіріп, ішкі нарықты қамтамасыз етуде. Ағаш ұсталары, жиһаз құрастырушы, ағаш жонушы, дизайнер мамандарынан құралған кәсіпорында бүгінгі күні 35 адам тұрақты жұмыспен қамтылған.
Кәсіпорында 3 цех жұмыс істейді. Жиһаз шығару, ағаш өндеу, металопластикалық өнімдер шығарады. Заманауи құрылғылар негізінде өнім өндіретін кәсіпорынға аймақтық деңгейге сұраныс жоғары.
Тұрмыстық қолданыстағы жиһаз цехында әрбір материал сұраныс иесінің талабына сай дайындалады. Кепкен ағаштан даярланатын өнімдердің мол қоры даярланады. Ал, пластикалық өнімдері мектеп пен балабақша үшін арнайы жасалады.
«Сыр жиһазы» өнім өндіретін шикізатты шетелден емес, аймақтардан алады. Кәсіпорынның жылдық табысы 65 миллион теңгеге жеткен. Карантиндік шектеулерге қарамастан жиһаз цехы өнім көлемін төмендетпеу бағытында шараларды қолға алған.

Қызылордадағы «Сыр жиһазы» өнімі ішкі нарықты дамытуда

<a href="https://kyzylorda-news.kz/date/2020/08/06/">Kyzylorda-news.kz.</a> Қазалы ауданы әкімінің орынбасары Ғалымжан Еркебай тиісті сала басшыларымен бірге Бекарыстан би ауылына барып, «Ауыл – ел бесігі» бағдарламасы аясында атқарылып жатқан жұмыстарды көрді.
Жоба аясында Бекарыстан би ауылының әлеуметтік және инженерлік инфрақұрылымын дамытуға республикалық және облыстық бюджеттен 930 млн теңге көлемінде қаржы бөлінген.
Нәтижесінде ауылдағы мектеп ғимаратын күрделі жөндеу, тұрғын үйлерге сервистік су желілерін жүргізу және ауылдағы 8 көшені жарықтандыру жұмыстары жүргізілуде. 
Қазіргі таңда Бекарыстан би ауылында Ғ.Мұратбаев, З.Қалиева, Қ.Мәкенов, Ү.Түктібаев, С.Сейфуллин, А.Нүрпейісов және М.Ізмағанбетов көшелерін орташа жөндеу жұмыстары жүргізілуде. Құрылыс жұмыстарын «Нұрас и К» және «Сыр маржаны және К» жауапкершілігі шектеулі серіктестіктері асфальттап жатыр.
Мердігер мекемелердің басшыларымен кездескен Ғалымжан Еркебай мемлекеттік бағдарлама аясында салынып жатқан жол сапалы болуы тиіс екенін жеткізіп, жауапкершілікпен қарауға шақырды.
Мұнан кейін аудан әкімінің орынбасары Ү.Түктібаев ауылында болып, клубтың қысқы жылу маусымына дайындығымен танысты. Ауылдық клуб меңгерушісі Нұрлан Қаманов мәдениет ошағындағы қазіргі таңда екі бу қазандығының біреуі істен шыққанын баяндады. Ғалымжан Бақтығалиұлы бұл мәселені дереу шешу үшін клуб басшысына тиісті құжаттарды дайындауды тапсырды.
Сондай-ақ, аудан әкімінің орынбасары Ғ.Еркебай 2022 жылы «Ауыл – ел бесігі» бағдарламасы арқылы ауқымды жұмыстар жүретін Қ.Пірімов ауылына барып, мұндағы мекеме ғимараттарының жай-күйімен танысты. Аудан орталығына жақын орналасқан ауылда тиісті сала басшыларымен бірге қандай ғимаратқа жөндеу қажет екендігін пысықтады.

«Ауыл – ел бесігі»: Қазалыда ауқымды жобалар іске асырылуда

<a href="https://kyzylorda-news.kz/date/2020/08/06/">Kyzylorda-news.kz.</a> Қызылорда қаласындағы №3 қалалық емханада күндізгі стационар бөлімі 5-ші тамыздан бастап жұмысын бастады. 45 төсекке арналған стационар жоспарлы профилактикалық сауықтыру және көрсеткіштер бойынша жедел қызмет көрсетеді.
Мұнда терапия, хирургия, гинекология, педиатрия бағыттары бойынша медициналық ем жасалады. Бөлімше мамандары жүрек қан тамырлары, артериалды гипертензия және неврологиялық аурулар сондай-ақ қант диабеті, эндокринология, жүктілік патологиясы бойынша да науқастарды қабылдайды.
<img src="https://kyzylorda-news.kz/wp-content/uploads/2020/08/117232516_751658199003862_7059147164104526689_n.jpg" alt="" />
Бұл жерде науқастар сонымен қатар хирургиялық отадан кейінгі ауырсынуды басу және инфекцияның алдын-алу үшін ем алады. Стационарда терапевт, гинеколог, хирург мамандар және балалар мен ересектерге арналған мейірбикелер жұмыс істейді.
Пандемия кезінде стационар жұмысы тоқтаған жоқ. Науқастарға үй жағдайындағы стационар қызмет көрсетті. 20 күн ішінде 50-ге жуық тұрғынға тиісті ем шаралары жасалынды.
<img src="https://kyzylorda-news.kz/wp-content/uploads/2020/08/117241403_751658305670518_3175973750245466708_n.jpg" alt="" />

Күндізгі стационар бөлімі жұмысын бастады

Kyzylorda-news.kz. ҚР Цифрлық даму, инновациялар және аэроғарыш өнеркәсібі министрлігі қашықтан білім беруді қолдау мақсатында ұялы байланыс операторларымен бірлесіп, мектеп оқушылары мен студенттерге және мұғалімдерге арналған арнайы тарифтік жоспар шығару мәселесін пысықтаған еді, деп хабарлайды <a href="https://lenta.inform.kz/kz/zhana-oku-zhylynda-okushylarga-arnalgan-internet-tariftik-zhospary-iske-kosylady_a3680584">ҚазАқпарат.</a>
ҚР Цифрлық даму, инновациялар және аэроғарыш өнеркәсібі министрінің міндетін атқарушы Бағдат Мусиннің айтуынша, тарифтік жоспарда отандық бейне-конференц байланыс жүйесін қоса алғанда, ҚР Білім және ғылым министрлігі мақұлдаған отандық (жергілікті және ҚР аумағындағы) 380 білім беру ресурсын шектеусіз пайдалану қарастырылған.
<blockquote>
 «Білім» тарифтік жоспарының абоненттік төлемі айына 990 теңге. Бұл тарифтік жоспарды 20 тамыздан кейін қолдануға болады. Жаңа тарифтік жоспарға қосылу шарттарын қазір Білім және ғылым министрлігі пысықтап жатыр. Сондай-ақ, байланыс операторлары 1 ГБ интернет трафигін қосымша ұсынады», – деді Бағдат Мусин.
</blockquote>
Бұл іс-шара ҚР Цифрлық даму, инновациялар және аэроғарыш өнеркәсібі министрлігі, ҚР Білім және ғылым министрлігі және байланыс операторлары арасында қазақстандықтардың білім беру ресурстарына шектеусіз қосылу жөніндегі ынтымақтастық меморандумын қабылдау нәтижесінде жүзеге асырылған.
Бұдан өзге, министрлік тіркелген байланыс операторларымен бірге тиісті талдау жүргізіп, операторлардың мектептердегі интернет жылдамдығын 
8 Мбит/сек дейін қосу/арттыру мүмкіндігін анықтады.
Осы бойынша тиісті ақпарат жергілікті әкімдіктерге жолданды. Жергілікті әкімдіктер мектептерді интернетпен қамту бойынша жұмыс жүргізуі керек.

Жаңа оқу жылында оқушыларға арналған интернет тарифтік жоспары іске қосылады

Kyzylorda-news.kz. Қызылорда облысы бойынша экономикалық тергеу департаментінің өндірісінде болған мұнай өнімдерін заңсыз өңдеу, шығару және сатуға қатысты қылмыстық іс аяқталып, сот үкімі шықты.
&nbsp;&nbsp;&nbsp;&nbsp;&nbsp; 1972 жылы туылған азамат 2016 жылдан бастап облыстағы мұнай компанияларымен арада жасалған келісім шарттар негізінде мұнай бассейндерін тазалау, нефтешламдарды шығару және жою қызметтерімен шұғылданған. Алайда араға жылдар салып заңсыз әрекеттерге бет бұрғаны байқалады. Мұнай бассейндерін тазалау және қалдықтарды жою үшін жасалған келісімдерді пайдаланып,&nbsp; өңделмеген мұнай өнімдерін қыздырып,&nbsp; тұндырылған өнімді иемдену және сату жоспарын іске асырған. Пайда болған өнімді&nbsp; мұнай қалдықтарын тасымалдауға арналған көлік құралдарының көмегімен кен орнынан алып шығып, заңсыз мұнай өнімініңтоннасын 110 мың теңгеден бірнеше заңды тұлғаларға сатуды жүзеге асырған.
&nbsp;&nbsp;&nbsp;&nbsp;&nbsp; Қылмыстық әрекеттердің жазасын Қызылорда қалалық №2 сотының қашықтықтан өткен ашық сот отырысы белгіледі.
&nbsp;Қазақстан Республикасы Қылмыстық кодексінің 197 бабы 3-бөлігімен «мұнай және мұнай өнiмдерiнің шығарылу заңдылығын растайтын құжаттарсыз оларды тасымалдағаны, иемденгені, өткiзгені, сақтағаны, сондай-ақ мұнайды қайта өңдегені үшін», 218 бабы 1-бөлігімен «қылмыстық жолмен түскен табысты заңды айналымға тартып, иемденіп және пайдаланғаны үшін» «Тандем Петролеум» ЖШС-нің директорына 1 жыл 6 айға бас бостандығынан шектеу жазасы тағайындалды. Жаза мерзіміне пробациялық бақылау белгіленді.

Мұнай өнімін заңсыз сатқан қызылордалық сотталды

<a href="https://kyzylorda-news.kz/date/2020/08/06/">Kyzylorda-news.kz.</a> Кез-келген қоғам үшін ең маңызды болып табылатын, адам денсаулығы мен оның белсенді өміріне адал қызмет ететін ең игі, мейірімді, ардақты мамандық-дәрігер мамандығы екені баршаға аян.
Еліне адал қызмет етіп, халық денсаулығын сақтау жолында аянбай тер төгіп жүрген абзал жандардың бірі №3 қалалық емхананың эпидемиолог дәрігері Гүлнұр Ілиясова. Ол Жаңақорған ауданында туып өскен. 2005 жылы аудандағы №3 дарынды балаларға арналған мектеп-лицейді «Алтын белгімен» бітірген. Алдына дәрігер боламын деп мақсат қойған жалынды жас сол жылы Қарағанды Мемлекеттік Медицина Университетінің «медико-профилактикалық ісі» факультетіне грантпен оқуға түседі. 2007-2008 оқу жылында «Астана Медицина Университеті» АҚ-ның “медико-профилактикалық ісі” факультетінің 3-курсына ауысады. 2011 жылы аталған оқу орнын «дәрігер-эпидемиолог, гигиенист» мамандығы бойынша тәмәмдап, үздік диплом иегері атанады.
Гүлнұр Ерғалиқызы диполмды қолға алысымен, елге келіп еңбекке араласып кетті. 2013 жылдың 1-ші шілдесінен бастап №3 қалалық емханаға дәрігер-эпидемиолог ретінде жұмысқа қабылданады. Міне, ол сол уақыттан бері емханада абыройлы қызмет етіп келеді. Қауіпті індетпен күресте дәрігер аянып қалмады. Өміріне қауіп төнсе де, жұмысына жауапкершілікпен қарады. Уақытпен санаспай сапалы медициналық қызмет көрсетіп келеді.
<blockquote>
 “COVID-19 індетінің алдын алу және күрес шараларына орай дәрігер-эпидемиологтардың алғы шепте еңбек етіп жатқаны белгілі. Еліміздегі жағдайға байланысты олар жұқпаның эпидемиологиялық ошағында қызмет жасауда. Бұл мамандар індеттің бәсеңдеуіне қолдарынан келгенше әрекет етіп жатыр. Мен мамандығыма жан дүниеммен берілген адаммын. Мен үшін халық денсаулығын сақтап, салауатты өмір салтын қалыптастыруға өз үлесімді қосудан асқан бақыт жоқ. Дәрігерге атақ, марапат емес, елдің амандығы қажет”, – дейді дәрігер.
</blockquote>
<img src="https://kyzylorda-news.kz/wp-content/uploads/2020/08/117169619_751076712395344_6514899920785376702_n.jpg" alt="" />

Гүлнұр Ілиясова: Дәрігерге марапат емес, елдің амандығы қажет

<a href="https://kyzylorda-news.kz/date/2020/08/06/">Kyzylorda-news.kz.</a> Танымал педиатр дәрігер Евгений Комаровскийдің айтуынша, әлеуметтік ара қашықтықты ұстау мүмкін емес жерде міндетті түрде маска тағу керек. Ол коронавирус індеті кезінде мектепте сабақ оқуға қатысты пікір білдірді, деп хабарлайды <a href="https://lenta.inform.kz/kz/evgeniy-komarovskiy-zhabyk-nysanda-mindetti-turde-maska-tagu-kerek_a3680545">ҚазАқпарат.</a>
<blockquote>
 «Балалар, әрине, мектепте оқуы керек. Әр сыныпта термометр мен гигрометр болуы тиіс. Ауа температурасы 18-20 градус, ал ылғалдылық мөлшері 60 болуы керек. Бұл Қазақстан Республикасының заңында бар. Сабақ уақыты 45 минут емес, 30 минут болуы қажет. Сыныпты жиі желдетіп тұру, мүмкіндік болса, екі ауысыммен оқу керек. Дене шынықтыру сабағы күнде және ашық аспан астында болуы тиіс», – дейді Комаровский.
</blockquote>
Дәрігердің айтуынша, бір жылдан кейін әлдеқайда жеңіл болады және коронавирус дәрігерлер үшін қалай емдеу керек екені белгілі ауру түріне айналады.
<blockquote>
 «Біз түбі осыған келеміз. Жақсы көретін адамдарыңызды бағалаңыздар. Қазақстан тұрғындарына бұл сынақтан еңсені тік ұстап өтуді тілеймін және өздеріңізге «Мен ауырып қалмас үшін немесе ауру жеңіл өтуі үшін не істедім?« деген сұрақ қойыңыздар. Сонда бәрі түсінікті болады. Үйдің шаңын сүртіп, желдетіп, таза ауада көп болыңыздар», – дейді ол.
</blockquote>
Ол қай мемлекет коронавируспен жақсы күресіп жатқаны туралы айту мүмкін емес екенін жеткізді.
<blockquote>
 «Бізде коронавирус туралы бірыңғай статистика жоқ. Алдымен бірыңғай статистиканы шығару керек. Көп жағдайда статистикаға саясат әсер етеді. Кейбір мемлекет ауырған жағдайларды көрсетеді, кейбірі көрсетпейді. Сақтандыру компаниялары қалай төлейтіні қатты ықпал етеді. Бұл фактінің де әсері бар. Статистиканың қорытындысы коронавирус жағдайы аяқталғанда ғана шығады. Мысалы, шартты түрде Швецияда 600 адам, ал Данияда 400 адам көз жұмғанын жазамыз. Осындай кезде әр мемлекеттің ерекшелігін ескеруіміз керек. Мысалы, Жаңа Зеландияда жағдай тәуір болған, бірақ шекараны ашқаннан кейін күрт нашарлап кетті. Бізге коронавируспен бірге өмір сүріп үйрену керек», – дейді дәрігер.
</blockquote>

Евгений Комаровский: Жабық нысанда міндетті түрде маска тағу керек

<a href="https://kyzylorda-news.kz/date/2020/08/06/">Kyzylorda-news.kz.</a> Қазақстанда өткен тәулікте 1840 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz/kazakstandagy-koronavirus-boyynsha-5-tamyz-23-59-dagy-epidemiologiyalyk-zhagday_a3680358">coronavirus2020.kz</a>&nbsp;сайты.
Аймақтар бойынша
Нұр-Сұлтан қаласы –&nbsp;172
Алматы қаласы –&nbsp;164
Шымкент қаласы –&nbsp;37
Ақтөбе облысы –&nbsp;365
Алматы облысы –&nbsp;449
Атырау облысы –&nbsp;33
Шығыс Қазақстан облысы –&nbsp;209
Жамбыл облысы –&nbsp;55
Батыс Қазақстан облысы –&nbsp;31
Қарағанды облысы –&nbsp;38
Қостанай облысы –&nbsp;48
Қызылорда облысы –&nbsp;5
Маңғыстау облысы –&nbsp;19
Павлодар облысы –&nbsp;163
Солтүстік Қазақстан облысы –&nbsp;37

Қазақстанда өткен тәулікте 1840 адам коронавирустан емделіп шықты

Kyzylorda-news.kz. «Қазақстан Республикасындағы лаңкестік және экстремизм мәселелерін зерттеу орталығы» қоғамдық қорының ұйымдастыруымен облыстық, аудандық ақпараттық-түсіндіру топтарының мүшелеріне арналған онлайн форматтағы оқыту семинары өтті.
Семинар «Дін мәселелері жөніндегі ақпараттық-түсіндіру топтарының мүшелерін даярлау және қайта даярлау бойынша жұмыстарды ұйымдастыру» гранттық жобасы аясында ұйымдастырылды.
Оқыту семинарының мақсаты – халықтың нысаналы топтары арасында ақпараттық-түсіндіру тобы мүшелерінің құзыреттілігі мен әлеуетін арттыру және профилактикалық жұмыста инновациялық тәсілдерді енгізу.
Онлайн курста Әл-Фараби атындағы ҚазҰУ профессоры, «Қазақстан Республикасындағы лаңкестік және экстремизм мәселелерін зерттеу орталығы» қоғамдық қорының директоры Кәкімжан Бишманов, теолог-исламтанушы «Нұр-Мүбарак» университеті жанындағы экстремизмнің алдын алу саласындағы мамандарды қайта даярлау институтының директоры Асқар Сабдин Асқар және ҚР-ның мәдениет қайраткері, Т.Қ.Жүргенов атындағы ҚазҰӨА профессоры Мұрат Абзелбаев дәрістер оқыды.
Курс соңында дәріскерлер қатысушылар тарапынан қойылған сұрақтарға жауап беріп, қатысушылар арасында Pre-Post сауалнамасы жүргізілді. Сондай-ақ, оқыту семинарының қорытындысында курс қатысушыларына арнайы сертификаттар табысталды.

Дін саласындағы мамандарға арналған онлайн оқыту курсы өтті

Kyzylorda-news.kz. Бокстан әлем чемпионатының күміс жүлдегері, қызылордалық Қамшыбек Қоңқабаев өзін кәсіпқой бокста сынауға бел буды.
<blockquote>
 “Қазақстан әуесқой бокс федерациясы мен бокстан Қазақстан Ұлттық құрама командасының бас бапкері Кенжебаев Ғалымбек Қалиұлының қолдауымен мен өзімді кәсіпқой бокста сынауға шешім қабылдадым”,- дейді боксшы.
</blockquote>
MTK Global компаниясы Қамшыбек Қоңқабаевқа Токиода болатын Олимпиада ойындарына дейін кәсіпқой бокста бірнеше жекпе-жек өткізуіне мүмкіндік беріп отыр. Боксшының бұл шешімімнің басты мақсаты – Олимпиада ойындарына дейін тәжірибе жинақтап, кәсіпқой бокстан әуесқой боскқа керек дүниені үйреніп, мықтылық таныту, Олимпиада шыңын бағындыру.
<blockquote>
 “Елдің үмітін, бүгінгі күнге дейін Олимпиада ойындарына дайындап келе жатқан бапкерлердің маған қойған үмітін ақтау. Додалы жарысқа дейін бірнеше жекпе-жек өткізіп тәжірибе жинақтауыма, бұл шешім оң нәтижесін беретініне сенімдімін. Ұлттық құраманың капитаны ретінде, барша команданың атынан, бізге қолдау білдіріп, бізбен бірге болғандарыңызға алғыс айтамын”,- дейді Қамшыбек Қоңқабаев.
</blockquote>

Қамшыбек Қоңқабаев кәсіпқой боксқа кетті

Kyzylorda-news.kz. Алаяқ дәрігерлер Damumed арқылы қазақстандықтардың ауру тарихын өзгерткен, деп хабарлайды <a href="https://stan.kz/alayak-darigerler-damumed-arkili-kazakstandiktardin-aur-335262/">Stan.kz.</a>
Қазақстанда науқастардың электронды медициналық жазбаларын тіркеу жауапкершілігін күшейтуі мүмкін. Денсаулық сақтау министрлігінің өкілдері бұл туралы DamuMed қосымшасының айналасындағы жанжалдан кейін мәлімдеді. Бір түнде бүкіл қазақстандықтар дәрігерлерден жалған кеңес алғандары, операциялар жасап, тіпті аяқ астынан жүкті болғанын біліп, таңқалып жатты. Енді мұндай бұзушылықтар үшін тек аурухананың өзі жауап береді.
Айгүл Өтепова клиникадан соңғы рет қашан медициналық тексеруден өткенін әрең есіне түсірді. Ол былтыр дәрігер қабылдауында болғанын айтады. Алдыңғы күні келіншек электронды медициналық жазбасын тексеріп, қатты таңқалған. Өйткені жазбада оның сәуір айында терапевтке үш рет барғаны белгілі болды. Әйел тексерілуге бармағанын айтып ашынды.
<blockquote>
 “Дәрігер бірнеше рет қоңырау шалып, денсаулығымды сұрады. Бұл емханалар әлеуметтік медициналық сақтандыру қорынан дәрігер кеңесі және телефон қоңырауы үшін ақша алады. Телефоннан мені қалай емделіп жатқанымды сұрағанда, әрдайым өзімде барлығы жақсы екенін айтамын. Егер олар дәрігерден толық кеңес алу үшін және телефон қоңырауларына ақы алса, бұл таза алаяқтық”, – дейді ол.
</blockquote>
Мұндай жағдайға тап болған жалғыз Айгүл ғана емес. Мыңдаған қазақстандықтар кенеттен медициналық анықтамаларының өзгеріп кеткенін байқаған. Олардың басым бөлігі DamuMed қосымшасын қолданатындар болып шықты.
<blockquote>
 “Кейбір дәрігерлер өздерінің қызметтік жағдайларын пайдаланып, қаражат жасап отыр. Қазір заңгерлік сараптама жүргізіліп, дәрігерлер үшін қатаң талаптар енгізіп, жауапкершілігін күшейту мүмкіндігі қарастырылуда”, – дейді денсаулық сақтау министрлігінің ресми өкілі Бағдат Қожахметов.
</blockquote>
Медициналық алаяқтықты әшкерелеген белсенділер дәрігерлер қосымша төлемдерді алу үшін тіркеуден өту керек дейді. Осы жылдың өзінде медициналық сақтандыру қоры 11,500-ден астам жалған тағайындау жасалғанын анықтаған. Дәрігерлердің мәліметтері бойынша қазақстандықтарға жалған операция жасалынғанын, мүшелерін алып тастаған, түсік тастап, жүкті болып шыққан.
DamuMed қосымшасын жасаушылар бұған дейін алаяқтыққа қатысты мәселе болмағанын айтады.
<blockquote>
 “Біз бақылаушы орган емеспіз, денсаулық сақтау басқармасы емеспіз. Біз тек өз жұмысымызды жақсы орындауға тырысамыз. Біз адамдарға бұл ақпаратты көруге мүмкіндік бердік. Бұл ашықтық. Цифрландыру осыған мүмкіндік береді. Бірақ ауруханалар оны өз қалауымен қолдануға шешім қабылдады”, – дейді&nbsp;Наталья Кил.
</blockquote>
Жанжалдан кейін Кирилл Павлов электронды анықтамасын көріп таңқалды. Шымкенттегі ауруханада тіркелгенімен ер адамның дәл қазір Қарағандыда ем алып жатқаны көрсетілген. Дегенмен Кирил мен үйде сап сау отырмын дейді.
<blockquote>
 “Осының бәріне қарап, мен екі қорытынды шығара аламын. Бірі мен психикалық ауруға шалдыққанмын. Екіншісі жемқорлық жасау үшін жалған ақпарат жазып, бірау мұны бас пайдасына асырып отыр. Медициналық сақтандыру қорынан ұрланған қаражатты жабу үшін осындай жағдайлар орын алып жатыр. Олар қазірдің өзінде кінәлілерді іздеуде”, – дейді ол.
</blockquote>
Денсаулық сақтау министрлігі ауруханалардағы жалған қызметтерге медициналық сақтандыру қоры бөлген барлық ақшаны қайтарып қана қоймай, сонымен бірге үлкен айыппұл төлеуге тура келетінін айтты. Диагнозы бар медициналық карталар түзетіле ме, жоқ па әлі ешкім білмейді. Олай болмаған жағдайда, мұндай пациенттер болашақта нақты диагностикалық мәселелерге тап болады. Өйткені, олардың ауру тарихын алаяқ дәрігерлер толық өңдеп тастаған.

Алаяқ дәрігерлер Damumed арқылы қазақстандықтардың ауру тарихын өзгерткен

Kyzylorda-news.kz. Елде шикі сүттің орташа бағасы литрі үшін 225 теңге.
Республика бойынша ең жоғары баға Ақтөбе мен Атырауда. Онда шикі сүт литрі 300 теңгеден басталады. Сонымен, Қостанайда шикі сүт литрі 165 теңге, Павлодарда 20 теңгеге арзанырақ.
Қарағандыда 230 теңге, Өскеменде 215 теңге, Алматыда 260 теңге, Таразда 175 теңге, Түркістанда 5 теңгеге арзанырақ, Қызылордада 200 теңге, Оралда 50 теңгеге қымбатырақ, Атырау мен Ақтөбеде 300 теңге және бас шаһарда да сүт литрі 300 теңгеден басталады.
<a href="https://24.kz/kz/zha-aly-tar/ekonomika-zhnalyktary/item/414289-karantin-t-rtibi-1-7-mln-azamatty-zh-mysyna-keri-serin-tigizdi">Хабар 24</a>

Қазақстан және Қызылорда облысының жаңалықтары