Эрлан Батырбеков, профессор: Ғылым мен өнеркәсіптің қуатты драйвері болады

<a href="https://kyzylorda-news.kz/">Kyzylorda-news.kz</a> АЭС – еліміздің энергетикалық саясатының маңызды бағыты. Кейінгі кездері жаңартылатын әрі баламалы қуат көздерін дамытуға нақты бағыт алдық. Еліміз жалпы энергия теңгерімі құрылымындағы жаңартылатын қуат көздерінің сапалы өсімін 3%-ға жеткізді. Осыған дейін бұл көрсеткішті 2030 жылға қарай 10%-ға дейін өсіруді мақсат еттік. Енді Мемлекет басшысының тапсырмасымен жаңартылатын қуат көздерінің үлесін 15%-ға дейін жеткізбекпіз. Сол себепті, АЭС құрылысының ел дамуына мультипликативті әсерін толық ұғынуымыз қажет. Бұл туралы <a href="https://egemen.kz/article/335492-aes-%E2%80%93-el-ekonomikasynynh-drayveri">egemen.kz </a>хабарлады.&nbsp;Биылғы Жолдауында Мем­лекет басшысы да энергетика мәселесін шешудің маңыз­ды­лы­ғын айрықшалап айтып кетті.«Бүгінде энергетиканың Қазақстан экономикасындағы рөлі зор. Энергетикалық қа­уіп­­сіз­дікті қамтамасыз ету – бас­ты міндеттің бірі. Елі­міз­­де энергия­ны тұтыну қар­қыны жылдан-жылға артып келеді.2035 жылға қарай ел эко­­номикасы мен халық­тың қо­сымша электро энер­ге­­ти­калық сұранысы 18 ГВт-тан астам жаңа буынды қажет етеді. Яғни белгіленген уақытқа дейін қол­да­ныстағы электрлі стансалардың генерациясы тек 135 млрд КВт сағат болса, қазіргі таңда тұтыну мөлшері 152,4 млрд КВт сағатты құрап отыр. Бұл ағымдағы энергия көздерінің болжамдалған мөл­шерден бөлек, тіпті қазіргі жүктемелерді толықтай қам­та­масыз ете алмайтынын айғақ­тайды. Ядролық генерацияны дамытудың және көміртегі бейтараптығының жаһандық күн тәртібінде сақтаудың қажет­тіліктері бар. Олар – елдегі электр энергиясын өндірудегі таза электр энергиясының үлесін арт­тыру, ел экономикасындағы көміртегі ізін азайту, еліміздің CO2 шығарындыларын азайту жөніндегі міндеттемелерін орындау, елдің энергетикалық жүйе­сінің тұрақтылығын қам­тамасыз ету, соның ішінде жаңар­­тылатын энергия өндіру­дің өсуін қолдау.Осы тұста еліміздің эколо­гия­лық жағдайына тоқталатын болсақ, парниктік газдардың ішінен көмірқышқыл газы CO2 – 81,6%-ы қазбалы отынды жағу кезінде бөлінсе, PI экстракция үдерісінде метан СН4 – 12,4% шығарылып, азот оксиді N20 – 5,6%-ды құрайды.Болашақта атом энергетикасын дамытудың бірнеше елеулі артықшылығы бар еке­нін де ескеру қажет. АЭС елді энергиямен қамтамасыз ету көздерін әр­тараптандыруға, көмір мен газға тәуелділікті азайтуға ықпал етеді. Сондай-ақ атмосфераға парниктік газ шығарындыларын азайтатын экологиялық таза энергия көзі­не жатады. Атом энергиясы энергиямен қамтамасыз етудің тұрақтылығына да жауап береді. Өйткені АЭС үздіксіз жұмыс істейді әрі ауа райы жағдайына тәуелді емес. Заманауи технологияларды енгізу АЭС-тің жоғары тиімділігі мен қауіпсіздігін қамтамасыз етуге мүмкіндік береді. Атом энергетикасы елі­міздің техно­логиялық дамуына және жаңа жұмыс орындарының ашылуына ықпал етеді. Сонымен қатар АЭС-тің жұмыс істеуі олар орналасқан аймақтардың экономикалық өсуіне тікелей байланысты. Заманауи АЭС энергия тиімділігін арттырып, смарт-желілік жүйелерге біріктірілуі де мүмкін. Атом энергетикасы импорттық энергия ресурс­тарына тәуелділікті азайтып, елдің энергетикалық тәуелсіздігін нығайтады. АЭС энергетикалық инфрақұрылымын дамытудың ұзақмерзімді болашағын&nbsp; қамтамасыз етеді. Тіпті суте­гі және басқа да жоғары тех­но­логиялық өнімдерді өндіруге пайдалануға болады. Оған қоса ядролық физика мен технология саласындағы зерттеулер мен инновациялардың серпілісіне жол ашады.АЭС құрылысының ел дамуы­на мультипликативті әсері көп. Әлеуметтік әсері:<ul><li>Ғылыми-техникалық, жоға­ры білікті кадрлар әлеуеті артады;</li><li>Құрылыста 8 000 адамға дейін қамтитын жұмыс орны ашылады, эксплуата­ция кезеңінде 2 000 адамға дейін жоғары сапалы маман қалып­та­сады;</li><li>АЭС салу кезіндегі 1 жұмыс орны іргелес салаларда 10-нан астам жұмыс орны ашылады.</li></ul>Техникалық әсері:<ul><li>Жергілікті өнеркәсіпті дамытады;</li><li>Жанармай базасы кешенді пайдаланылады;</li><li>60 жылдан астам уақытқа тұтынушыларды энергиямен қамтамасыз ету шешімін табады.</li></ul>Экономикалық әсері:<ul><li>Жергілікті кәсіпкерлік қолдау (құрылыс-монтаждау жұмысы кезінде шамамен 2,5-3,5 млрд доллар табыс түседі) табады;</li><li>Бүкіл өмірлік цикл кезіндегі салық түсімдері 2,5–3,0 млрд доллардан асады;</li><li>Елдің инвестициялық тар­тымдылығы артады.</li></ul>Экологиялық әсері:<ul><li>Парниктік газ шығынды­лары жылына 10 млн тоннаға дейін азаяды.</li></ul>Мемлекет басшысының айтуынша, әлемде өнеркәсіп пен экономиканы көміртегінен ада қылудың орнықты үрдісі бай­қалады. ЕО-ға мүше елдерде парниктік газдардың қалдығын 2030 жылға қарай 55 пайызға азайту жоспарланып отыр. ЕО-да көміртегі салығы («carbontax») енгізіледі. Бұл отандық өнімнің экспортын едәуір қиындатуы мүмкін. Жаңа жағдайларға байланысты тауарларға қойы­­ла­тын техникалық регламенттер, стандарттар мен талаптар өзгереді. Президенттің тапсырмасы бо­йынша көміртегін аз пайдаланып, дамыту тұжырымдамасы әзірленіп жатыр. Сондай-ақ Үкі­мет электр энергетикасын дамыту жөніндегі ұлттық жобаны пысықтап, 2035 жылға дейінгі энергиялық теңгерімді әзірлеуде.Ресейлік осы саланың ғалымы Р.Алиев АЭС-тегі жағдайды авиациялық жағ­даймен салыстырып, түсі­нікті мысал көрсеткен еді. Әуе кемесіндегі орын алған апат туралы барлығы естіп-білгенмен, күнде қаншама рейс ұшырылады. Сонда да ұшақ ең қауіпсіз көлік түріне айналған. АЭС-тен бас тартқан елдерде осы мәселеге қатысты қорқыныш әлі де бар. Мысалы, Чернобыльде болған жағдайдан кейін Италия АЭС құрылысына тыйым сал­ған. Ал Фукусима апатынан кейін Жапония елдегі көптеген стансаның жұмысын тоқтатты. Германия да атомнан бас тартты. Бірақ Ресей, Қытай, Франция, АҚШ елі әлі күнге дейін АЭС құрылысын жалғастырып, олар­ды пайдалануға ерекше ұмты­лып отыр. Ұлыбританияда жаңа 20 энергетикалық блок салу жоспарланған, жаппай электр мобильге көшу мәселесі қолға алды.Жоғарыда аталған мәселе­лерді қорытындылай келе, мынандай&nbsp; ой туындайды:1) АЭС салу және оны жүзеге асыру бойынша инфра­құрылымды нақтылау қажет.2) АЭС салу құрылысын тә­жіри­бесі бар елдің компания­сына табыстаған жөн.3) АЭС-ке құзырет­тілігі ж­о­ғары жауапты оператор ретінде арнайы органды бекіту және оған Президентке тікелей есеп беру міндетін жүктеу керек.Инфографиканы жасаған – Зәуреш СМАҒҰЛ ,«EQ»Ғалымжан Керімбек,экономика ғылымдарының кандидаты

АЭС-тің ел дамуындағы әсері

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Жаппасбай батыр көшесіне барып, Қорқыт ата көшесінен көлік жолайрығына дейінгі бөлікті жаңғырту жұмыстарының барысымен танысты.Жобаның мердігері – «УАД», техникалық қадағалаушы – «Тараз-Технопроект» серіктестіктері. Төрт жолақты жолдың ұзындығы – 3,3 шақырым. Жобада жаяу жүргіншілер жолын және жарықшамдар орнату қарастырылған.Жаппасбай батыр көшесі – қаладағы магистральды көшенің бірі. Жақын күндері мұндағы көлік қозғалысы қайта жанданады, яғни жаңғырту жұмыстарынан кейін көше ашылады.Еске салсақ, биыл қаланың жол-көлік инфрақұрылымын дамытуға34,8 млрд. теңге бөлінген, 97 көшені салу, қайта жаңғырту, күрделі және орташа жөндеу жұмыстары жүргізілуде. Сондай-ақ, 54 көшеге жаяу жүргінші жолы салынып, 81 көше жарықтандырылуда. Мұнан бөлек, әуежайдан Бейбарыс сұлтан көшесіне дейінгі аралық, Шиеліден кіреберіс жол, Яссауи, Жаппасбай батыр көшелері, Тәуелсіздіктің 25 жылдығы даңғылы кеңейтілуде. Ал, «ҚазАвтоЖол» ұлттық компаниясы «Қызылорда-Құмкөл» автомобиль жолын қайта жаңғыртады.<img src="https://knadmin.beoblood.kz/uploads/2_3a704ed50e.jpg" alt="2.jpg"><img src="https://knadmin.beoblood.kz/uploads/3_307dccc45b.jpg" alt="3.jpg"><img src="https://knadmin.beoblood.kz/uploads/4_4aa78e8bb1.jpg" alt="4.jpg"><img src="https://knadmin.beoblood.kz/uploads/5_58f7af1aff.jpg" alt="5.jpg">Фото: Қызылорда облысы әкімінің баспасөз қызметі

Жаппасбай батыр көшесіндегі көлік қозғалысы жақын күндері қайта жанданады

<a href="https://kyzylorda-news.kz/">Kyzylorda-news.kz</a>&nbsp; Құжатқа сәйкес, сарбаз 22 тамызда қайтыс болған, бірақ қайғылы оқиға 7 қыркүйекте ғана хабарланды.Желіде «Оймашы» оқу полигонында қаза тапқан сарбаз туралы мәліметтер жазылған құжат пайда болды. Аталмыш құжатта Марат Барқұловқа 22 тамыз күні оқ тиіп, көз жұмған. Алайда, Қорғаныс министрлігінің ресми өкілі Руслан Жанғулин бұл ақпаратты жоққа шығарды, деп хабарлайды<a href="https://kyn.kz/36453/ma-ystauda-y-sarbaz-eki-apta-b-ryn-k-z-zh-m-an-or-anys-ministrligi-zhelide-tara-an-zhat-a-atysty-pikir-bildirdi"> KYN.KZ</a> ақпарат агенттігі.Құжатқа сәйкес, сарбаз 22 тамызда қайтыс болған, бірақ қайғылы оқиға 7 қыркүйекте ғана хабарланды.Жағдайды анықтау үшін «NewTimes.kz» редакциясы қаза тапқан сарбаздың туыстарымен байланысқа шықты. Мараттың туған әпкесі Әдияның айтуынша, құжат шындыққа сәйкес келмейді, өйткені олар соңғы рет 4 қыркүйекте телефон арқылы сөйлескен.Қорғаныс министрлігі бұл оқиға туралы «ескі үлгідегі бланкіде толтырылған оқиғалар туралы есеп формасы» деп түсіндіріп, фатальды қате кеткенін айтты.Марат Барқұловтың денесі бүгін, 9 қыркүйек күні, Шығыс Қазақстан облысы Самар ауылына жеткізілді. Сарбаздың әпкесі әлеуметтік желіде бірнеше жазба жариялады.«Оқ оның бетіне тигенде, ол құлап түскен. Бірақ ол әлі демалып жатқан. Елестетіп көріңізші, сол кезде «мен өліп бара жатырмын» деп ойлағанын. Ол бәрін және бізді ойлады. Әскерден оралғанда мені бәрі-бәрі қарсы алса деп армандаған еді», — деп жазды Instagram парақшасында Әдия Аманжолқызы.Айта кетсек, Маңғыстау облысындағы ҚР ҚМ әскери бөлімдерінің бірінің взвод командирі Марат Барқұловтың бетіне абайсызда оқ тиген. Жарақаттың салдарынан сарбаз ауруханаға барар жолда қайтыс болды. Қайғылы оқиға бойынша Батыс өңірлік әскери-тергеу басқармасы ҚР Қылмыстық кодексінің 99-бабының 1-бөлігіне (қасақана адам өлтіру) сәйкес сотқа дейінгі тергеу амалдарын бастады.Қорғаныс министрлігінің баспасөз қызметі ведомство басшысы бұл істі ерекше бақылауға алғанын мәлімдеді. Арнайы комиссия құрылып, қайғылы жағдайдың барлық мән-жайлары жан-жақты тексерілуде.Қорғаныс министрлігі кінәлілер қатаң жауапкершілікке тартылатынын, ал қаза тапқан сарбаздың отбасына жан-жақты көмек көрсетілетінін мәлімдеді.Сурет: kyn.kz

Маңғыстаудағы сарбаз екі апта бұрын көз жұмған: Қорғаныс министрлігі желіде тараған құжатқа қатысты пікір білдірді

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен көпқабатты тұрғын үйлердің қасбеттерінде жаңалау жұмыстары қарқынды жүргізілуде. Бұл шаралар ғимараттардың бірыңғай үлгідегі сәулеттік келбетін қалыптастыру бағытында жасалуда.Айта кету керек, өткен жылы қаладағы 30-дан астам көпқабатты тұрғын үйдің қасбеті демеушілер есебінен қайта жаңғыртылған болатын. Биыл 100-ден аса үйдің қасбеті жаңартылуда. Пайдаланып жатқан материалдардың барлығы жоғары сапалы және өңірдің табиғи ерекшелігіне төтеп бере алады дейді мамандар.<img src="https://knadmin.beoblood.kz/uploads/5_4b896207fe.jpg" alt="5.jpg"><img src="https://knadmin.beoblood.kz/uploads/6_590929072c.jpg" alt="6.jpg"><img src="https://knadmin.beoblood.kz/uploads/8_d5b6536797.jpg" alt="8.jpg">

 Көпқабатты тұрғын үйлердің қасбеті жаңартылуда

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен мәжілісте теміржол вокзалдарындағы тазалық, көркейту мәселелері талқыланды.Аймақ басшысы теміржол вокзалының сырт келбетіне, ондағы жолаушыларға жасалған жағдайға қарап өңір имиджі қалыптасатынын атап өтіп, нысан аумағында тазалық сақталмайтынын қатаң сынға алды.<blockquote>«Өткен жылы Қызылорда қаласындағы теміржол вокзалының ескі ғимаратына «Қазақстан Темір жолы» компаниясының, жергілікті кәсіпкерлердің демеушілігімен 577 млн. теңгеге күрделі жөндеу жүргізілді.Жұмыстар аяқталғаннан кейін вокзалға барып, тазалыққа байланысты ескерту жасап, бірнеше тапсырма бердім. Алайда, бұл тапсырмалар әлі күнге дейін толық орындалмай келеді. Қала әкімдігі сол аумақты абаттандырып, брусчатка төседі. Екі жолаушылар платформасы жаңадан асфальтталып, жарықшамдар орнатылды. Жөндеу жұмыстары өткен жылы ғана жүргізілгенімен, брусчаткалардың қазіргі жағдайы сын көтермейді. Құрылысқа пайдаланылған заттар жиналмаған. Маңайындағы дүңгіршіктерді перроннан түсіріп, төменге орналастыруды тапсырғанмын. Алайда, дүңгіршіктер бүгінгі күнге дейін алынбай, нысанның көркін бұзуда.Вокзал – қаланың, аймақтың айнасы, өйткені, келген қонақтар да, инвесторлар да алдымен теміржол вокзалымен танысады. Әрлі-берлі өткен жолаушылардың да вокзалдағы тәртіп пен тазалыққа қарап Қызылорда туралы пікірі қалыптасатыны белгілі», – деді Нұрлыбек Машбекұлы.</blockquote>Облыс әкімі барлық теміржол вокзалы аумақтарын ретке келтіруді, тазалық жұмыстарын күнделікті жүргізуді талап етті. Мұнан бөлек, вокзалдың сыртқы келбеті ғана емес, жолаушыларға қызмет көрсетуі де мінсіз болуы қажеттігін қаперге салды.<img src="https://knadmin.beoblood.kz/uploads/2_38537fdfec.jpg" alt="2.jpg"><img src="https://knadmin.beoblood.kz/uploads/3_8074c343ad.jpg" alt="3.jpg"><img src="https://knadmin.beoblood.kz/uploads/4_9dfc59e446.jpg" alt="4.jpg">Фото: Қызылорда облысы әкімінің баспасөз қызметі

 Теміржол вокзалына күрделі жөндеу жұмыстары жүргізілді

<a href="https://kyzylorda-news.kz/">Kyzylorda-news.kz</a>&nbsp; Астанада 7 жасар баланы тұрғын үй кешенінің балконынан лақтырмақ болған&nbsp;мектеп оқушыларының ата-аналары жазаланады. Бұл туралы<a href="https://stan.kz/astanada-7-zhasar-balani-tyrgin-uy-kesheninin-balkonina-406021/"> Stan.kz</a> ақпарат агенттігі хабарлайды.Бұған дейін&nbsp;Астанада бір ауланың балалары достарын үйдің 12-қабатынан лақтырып жібермек болғаны туралы жазған едік.Полиция оқиғаға қатысы бар оқушылардың&nbsp;жеке басын анықтыды. Қазір іс шешім қабылдау үшін сотқа жіберілген.<blockquote>"Заңды өкілдеріне қатысты әкімшілік хаттама толтырылды, жинақталған материал шешім қабылдау үшін сотқа жіберілді. Астана полициясы&nbsp;заңды өкілдерге кәмелетке толмағандарды тәрбиелеу бойынша&nbsp;міндеттерін тиісінше орындамағаны үшін жауапкершілік қарастырылғанын ескертеді", –&nbsp;делінген хабарламада.</blockquote>Оқиғаға қатысты Астана қалалық білім басқармасы да мәлімдеме жасады. Басқарманың мәліметінше, балалар пранк-видео түсірмек болған.“Балалардың сөзінше, олар пранк-видео&nbsp;түсіргісі келген. Осылайша олар көңіл көтеріп, өз әрекеттерінің қауіпті екенін түсінбеген. Ата-аналармен түсіндіру жұмыстары жүргізілді, балалармен психологтар жұмыс істеуде. Ата-аналар зардап шеккен тараптан кешірім сұрап, түсіндірме хат&nbsp;жазып, психологтардың жұмысына келісімін берді”, –&nbsp;делінген хабарламада.Еске салсақ, бұған дейін Шымкентте&nbsp;Шымкентте ағасы бүлдіршінді 4-қабаттан лақтырып жіберіп, баланың көз жұмғаны туралы жазған едік.Фото: stan.kz

Пранк түсіргісі келген: Астанада 7 жасар баланы 12-қабаттан лақтырмақ болған оқушылардың ата-аналары жазаланады

<a href="https://kyzylorda-news.kz/">Kyzylorda-news.kz</a>&nbsp; ҰЛТТЫҚ ҚҰРАМАНЫҢ ЕНШІСІНДЕ 25 МЕДАЛЬ, ОНЫҢ 14-і – АЛТЫН.&nbsp;Қазақстан ұлттық құрамасы Дүниежүзілік көшпенділер ойындарының екінші жарыс күнін 14 алтын, 3 күміс, 8 қола медальмен аяқтады. Қазақ күресінен қатысқан 8 спортшының барлығы алтын медаль алды. Ал жамбы атудан үш орынды да ұлттық құрама спортшылары иеленді.«Қазанат» ипподромы маңындағы этноауылда өткен Жамбы ату спортының Азия стилінен жүлделі үш орынды да қазақстандық спортшылар жеңіп алды. Батыр Бексауыт – алтынға, Айтбек Сарыбай күміс жүлдеге ие болса, қола медальді Ералхан Айкөз еншіледі.Қазақстандық спортшылар аударыспақтан үш салмақ дәрежесінде де алтын медаль алды. 60 келіде Ермек Құралбай, 70 келіде Алмат Ләтіпбек, 80 келіде Дарын Өткелбай жеңімпаз атанды.«Арғымақ» ат-спорт кешенінде өткен дәстүрлі садақ атудан әйелдер арасында Айкөркем Батихан қола жүлдеге ие болды. Ал ерлер арасында қос бірдей қазақстандық финалға шығып, Қасымхан Қанат қола медаль иеленсе, Жәнібек Құлмырзаев алтын медаль алды.Жақсылық Үшкемпіров атындағы Жекпе-жек сарайында қазақ күресінен ерлер мен әйелдер әрқайсы төрт салмақ дәрежесінде сынға түсті. Әйелдер арасында 48 келіде Айжан Жылқыбаева, 52 келіде Назерке Азаматова, 56 келіде Рауза Нұрмахамбетова, 60 келіде Бақыт Құсақбаева алтын медаль алды. Ал ерлер арасында 55 келіде Бекжан Төлепов, 60 келіде Мейіржан Берекетов, 66 келіде Дидар Тұқышев, 74 келіде Жұмажан Қожамбеков алтын медальға ие болды.«Алау» мұз айдыны сарайында кураштан, мас-рестлингтен және асық атудан бәсеке өтті. Кураштан қазақстандық 6 спортшы жүлдеге ие болды. 87 келі салмақта Альбина Бахиева алтын жүлде алса, 79 келі салмақта Ажар Салықова мен +100 келіде Марат Байкамуров күміс жүлдені еншіледі. 81 келі салмақта Ерзат Арғынов, 81 келі салмақта Бекәділ Шаймерденов пен 87 келі салмақта Ұлболсын Адилова қола жүлде алды.Саха халқының ұлттық спорты мас-рестлингтен ерлер арасында 65 келі салмақта Бірімжан Асылмұрат пен әйелдер арасында 55 келі салмақта Тахмина Қожамбердиева қолда жүлде иеленді.«Қазанат» ипподромында өтіп жатқан көкпардан іріктеу кезеңінде Қазақстан Өзбекстанды 16-0 есебімен жеңді. Ал көкбөріден ұлттық құрама спортшылары АҚШ командасымен кездесіп, 18-0 есебімен айқын басым түсті.Асық ату мен тоғызқұмалақтан да іріктеу жарыстары өтті.

9 қыркүйек. Көшпенділер ойынының қорытындысы

<a href="https://kyzylorda-news.kz/">Kyzylorda-news.kz</a>&nbsp; Атамекен Ұлттық палатасының 11 жылдығы аясында Сыр өңірінің кәсіпкерлік саласына дем беріп жүрген бірқатар журналистерге Палатаның Төралқа төрағасы Райымбек Баталовтың және Өңірлік палата директоры Пірмұхаммед Сыздықтың алғыс хаты табысталды.Марапаттау шарасын жүргізген Қызылорда облысы кәсіпкерлер палатасының директоры Пірмұхаммед Сыздық соңғы жылдары кәсіпкерлерге көрсетілген қолдау аясындағы қызметтер мен атқарылған жұмыстарға тоқталып өтіп, естелік сыйлықтар табыс етті.Кездесу барысында БАҚ өкілдері саланы дамытуға қатысты ұсыныс-пікірлерін білдіріп, Палатамен бірге жасалатын алдағы жоспарларды талқылады.Фото: Қызылорда облысы кәсіпкерлер палатасының баспасөз қызметі

Атамекеннің 11 жылдығында Сыр журналистері марапатталды

<a href="https://kyzylorda-news.kz/">Kyzylorda-news.kz</a>&nbsp; Бүгін Отбасы күні аясында А.Тоқмағанбетов атындағы қалалық мәдениет үйі жанынан құрылған "Ұлағат" ата-әжелер ансамблінің әжелері және тұрмыс құрмаған жас қыздардың қатысуымен сыр сұхбат кеші өтті.Әсем ән әуелеп, тағылымды тәлім сөздер салтанат құрған кеш барысында халқымыздың қыз бала тәрбиесіндегі жақсы үрдістері сөз болып, бойжеткен қыздар өнегелі ғұмыр кешіп келе жатқан аналардан көкейлерінде жүрген сауалдарына жауап алды.

Отбасы күніне орай тағылымды кеш өтті

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда &nbsp;педагогикалық жоғары колледжінде “Бейбіт атом-береке,бірлік,болашақ!” тақырыбында танымдық конференция өтті.Жиын барысында “Qosyl” жастар ресурстық орталығының директоры М.Жорабек ҚР Президенті Қасым Жомарт Кемелұлы Тоқаевтың Жолдауы және АЭС-тің маңыздылығы жөнінде сөз қозғап, шара тақырыбына қатысты ойымен бөлісті. Конференция спикері ретінде химия ғылымдарының кандидаты, профессор Аппазов Нұрбол ашық пікір алмасып, тақырып аясында ғылыми түсіндірме жасады.&nbsp; Аталған жиынға оқу орны басшысы Ж.Тоғанова, директордың тәрбие жұмыстары жөніндегі орынбасары Г.Исаева, “Физика, математика және ақпараттық жүйе” бөлімінің меңгерушісі З.Ермекбайқызы және 4 курс студенттері қатысты. Барлығы 80-нен аса білім алушы қамтылған танымдық жиында тақырып аясында ғылыми түсіндірме жұмыстары жүргізіліп, қатысушылар жаңа ақпараттармен танысты.

"Бейбіт атом-береке, бірлік, болашақ!” тақырыбында танымдық конференция өтті

<a href="https://kyzylorda-news.kz/">Kyzylorda-news.kz</a> Forbes Woman алғаш рет Қазақстанның ықпалды әйелдерінің рейтингін ұсынды, деп хабарлайды<a href="https://qaz.ulysmedia.kz/"> ulysmedia.kz.</a>ҮЗДІК ӘЙЕЛДЕР ҚАЛАЙ ІРІКТЕЛДІ?Forbes USA 2004 жылдан бері әлемдегі ең ықпалды әйелдердің жыл сайынғы рейтингін жариялады. Forbes Woman Kazakhstan үшін 2024 жыл Қазақстанның ең ықпалды әйелдерінің бірінші рейтингімен ерекшеленді.Forbes Kazakhstan рейтингі бойынша редактор Ардақ Бөкеева әріптестерімен бірге үлкен жұмыс атқарған. Лонг-листке Қазақстанның 110 танымал және ықпалды әйелі кірді, олардың ішінен 42 қатысушы іріктелді. Бұл тізімді сарапшылар алты балдық шкала бойынша бағалаған.Қазақстанның ең ықпалды әйелдерінің бірінші рейтингінде орташа жас көрсеткіші - 51 жас. Барлығы 25 қатысушы таңдалды.ЖАҢА ЕСІМДЕР, ЖАСТАРҮміт Шаяхметова рейтинг көшбасшысы атанған.Қыркүйек айындағы журналдың мұқабасында - рейтингтің 12-орнына тұрақтаған 37 жастағы адвокат Жанна Уразбахова. Ол Салтанат Нүкенованы өлтіру ісінен кейін кеңінен танымал болды.Журнал осы жолғы шығарылымында ғылым және адам құқығы секілді салалардағы әйелдермен сұхбат жариялады. Кейстер қатарында “Қазпошта” басқарушысы Әсел Жанасованың тәжірибесі талқыланады.ҒАЛЫМ ӘЙЕЛДЕР ДЕ БАРСондай-ақ басылымның бұл санынан ҚР Президентінің ғылым және инновация мәселелері жөніндегі кеңесшісі, ковидке қарсы қазақстандық вакцинаны жасаған профессор Күнсұлу Закарияның сұхбатын оқи аласыз.Ахмет Байтұрсынов атындағы Тіл білімі институтының директоры, ғалым-филолог Анар Фазылжановамен бірге қазақ тілінің электронды корпусы құрылып, 2024 жылдың қыркүйегінен бастап Оксфордта қазақ тілін оқыта бастайды.СОНЫМЕН, ТІЗІМ ТӨМЕНДЕГІДЕЙ«Ұлысмедианың» негізін қалаушы, Бас редакторы Самал Ибраева да аталған рейтингтен табылғанын атап өткен жөн.ҚҰҚЫҚ ҚОРҒАУ 20%Динара СмайыловаЗәуреш БатталоваЖанна ОразбаховаБақытжан ТөреғожинаЭльвира АсимоваМЕМЛЕКЕТТІК БАСҚАРУ 16%Мәдина ӘбілқасымоваТамара ДүйсеноваАида БалаеваРаушан ҚажыбаеваКВАЗИМЕМЛЕКЕТТІК СЕКТОР 12%Ләззат ИбрагимоваНаталья ГодуноваӘсел ЖанасоваҚАЙЫРЫМДЫЛЫҚ 12%Аружан СаинАнар РахымбаеваҚарлығаш ІзбастинаҚАРЖЫ 12%Әлия АйдарбековаАлина АлдабергеноваӘсел МұқажановаБИЗНЕС 12%Үміт ШаяхметоваӘсел ТасмағамбетоваГүлнар ДосаеваБАҚ 8%Гүлнар БажкеноваСамал ИбраеваҒЫЛЫМ 8 %Кунсұлу ЗәкарияАнар Фазылжанова«ТАУ ӘЙЕЛДЕР»Әлемдегі ең биік тау шыңдарын бағындыратын Орталық Азия мен Қазақстанның көрнекті әйелдері туралы материалдар жарияланған айдарды журнал басшылығы «Тау әйелдер» деп атаған екен.<blockquote>«Менің ойымша, журналдың күзгі шығарылымы шабыттандырды. Біздің рейтингіміз Қазақстандағы әйелдер көшбасшылығы мәселелеріне назар аударады, әйелдердің бизнесте, ғылымда және қайырымдылықта мықты жобалар жасай алатынын, сонымен бірге нәзік және әдемі бола алатынын көруге көмектеседі деп үміттенеміз», - дейді Forbes Woman редакциясының директоры Зүлфия Хайбуллина.</blockquote>Фото: ulysmedia

Қазақстан және Қызылорда облысының жаңалықтары